رواية كتوف مائلة الفصل الخامس والثلاثون 35 بقلم نور الشمس

رواية كتوف مائلة الفصل الخامس والثلاثون 35

بقلم نور الشمس

رشا...

فقدُ الولد ليس حزنًا عابرًا، بل وجعٌ يُغيّر ملامح القلب إلى الأبد. هو فراغٌ لا يملؤه أحد، وصمتٌ يختبئ خلف كل ضحكة، ودمعةٌ تسكن العين حتى وإن جفّت.

چن مشيوله من گلبي قطعة والمها ماهدأ ولا استقر رغم اني هدأت وغلبني النوم ..والعطش ماقاومته اكثر 

وشربت مي واكلت وعشت بس ماعشت مثل اول ولا غابت عن عيني ضحكته ولا صوته 

بكل صفنة طويله افز واني اسمع صوته يصيحني (مما )مثل مامعودني عليها

اول ايام جنت فاقده عقلي تمامًا بعدها الله سبحانه يمدنا بالصبر ويمن علينا بعطفه 

نبدي نستوعب هي هايه الدنيا ..اني فقدت امي بعمر جنا بأعز حاجتنا الها وعشت وجع الفقد بأعمق حزنه بامي وابني 

ماانكسر لأن عندي قناعة الله سبحانه ميحمل الأنسان اكثر من طاقته وشافني اهل الهذا الإختبار والحمدلله والشكر 

بعد عشر ايام يلا وعيت على حجم المشاكل الصايره واني غافلة عنها رغم جنت ممخليه ابالي ادين واشتكي الاحد گلت اهمال ابوه ماانكر اتحسبت ودعيت عليه بس ماجان ابالي التجأ للقانون ضدهم لأن الي صار قضاء وقدر بكل الاحوال المدان الوحيد عثمان البقية مالهم ذنب حتى الفاعل مستحيل متقصد اني اعرفه كلش زين وهو الأفضل بينهم 

بس متت من عرفت هم محاسين بذنبهم ولا مقدرين موقفنا ان احنا نكره تكرار وجر المشاكل 

ابويه مو قليل صاحب منصب ورتبة قبل ومعارف عنده هوايه وينتظرون منه كلمة بس نهائيا ميريد يوصل هالنقطة وعمامي عدهم طبيعة يحترمون عمامهم كلش ويقدسون رابطة الدم 

عدا عمي ابراهيم الوحيد الي جان مايحسب حساب الزعل عمامه حتى وي زوجاته بناتهم مايهتم وهم يعرفوه يتجنبوه جانو او يشكون الجدي وابويه والبقية من اخوانه 

بس هم بشنو يجازون صار عندي يقين ان هم مو مال احترام ولا مال واحد يسكتلهم وگلبي نار على صخر مااريدله مشاكل 

هم يضوجون منه ويغارون وكرهو عمي ابراهيم وحقدو عليه هم فصار كرهم اله مضاعف 

ومرت عاصم مثل البسوس ماترتاح اذا ماتنتقم من عمي ابراهيم ع السواه بيها خربلها كل خططها 

وخاص هم يندفعون لازم اسوي حل 

بس شسوي واني اعرف ابويه راح يحرجني ويوكعها كلشي للكبار والكبار مالازمه جهالها امثال علي وغيره 

ظليت افكر 

شنو اليخلي الأنسان يوصل هالمرحلة من الظلم ابني راح بسبب اهمالهم تاليها يدينوني ويذبوها بيه ليش

ميخافون ربهم 

اسمع حجيهن مرت ابويه ونسوان عمي

ماعقبت سكتت و بگلبي نار شلون اخذ حقي منهم شلون اشغلهم عن صخر 

هذوله شدو وياه اعتبروه الي حصتي زيادة على اسبابهم القديمة الكرهه 

سبب حقده عليه يريدوني ذليله يتزوج ويمشي ويفتخر ويسولف ماسمعت كلامي وطلكتها ومن هالامور اليلتجأ الها ضعيف الشخصية يطلع بيها بطولات وهمية 

ويريدني ارجع من اول محاولة اشمر نفسي ويتفاخر اكثر رجعتلي بدون تعب ماتكدر على فراكي 

ناسي الطلاگ اني الطلبته وماجان موقف واحد هو السبب 

تراكمات هواي چان سميع كلام وماعنده موقف رجال اشوف نفسي بأمان وياه 

الهسه من اتذكر هاجر بنت اخوهم واتبهذلت وكعدت عند ابن عمهم وهم موو يمهم ومرتاحين ياكل بروحي احنا ممتعودين على هيج 

الرجال اذا ماكان صاحب غيره شنو قيمته وو زنه 

كل هذه المواقف بدت تنهي حبه مثل بكرة انسلت منها خيط واستمر موقف وره موقف وخالتي وكلامها وياه چان النهاية 

كل ماگلبي يضيق اكول الله سبحانه عوضني وفضل عليه مواقف اسعد وياي بهالفترة القليلة تعادل عمر ممكن ينقضي وي انسان ضعيف مثل عثمان ومااريد اقارن اصلا بس من باب العدالة الإلهية اذكره كعوض

الا ان الاختبار الاخير صعب كلش صعب بس اني مؤمنة والحمدلله 

رغم بداخلي قوة واريد اكوم الحيلي وانهض بس ماعندي طاقة احس جسمي وكأني مرمية من مكان شاهق الدرجة عظامي كلها توجعني واضلاعي تون عليه وگلبي ينزف 

حاجتني رنا ..كل هالفترة وكفتلي وكفت اخت مستحيل الي يشوفها يكول زوجة اب

عاشت ويايه كل لحظة هي وعمه شهلة ماانسى فضلهن للموت 

وكل احبابنا اولاد عمي عمامي البنات ابد ماقصرن 

اما خوالي محد منهم وصل ابد واكول الحمدلله من كفوني شر شماتتهم مامتوقعه اكثر اني 

رنا ..حاجتني بخصوص غزالة 

گالت زوجها يريدها تروح ورافضه احجي وياها انتِ تسمع منچ 

انطيتها ايدي تگومني وگمت اتمشيت الها للغرفة 

..غزولة حبيبتي روحي وراج ولادة ومبينه ولادتج قريبة وزوجج حقه قلق عليچ يروحي 

بجت 

..شلون اعوفچ رشا گلبي نار عليچ 

..مابيه شي حبيبتي ونارچ مثل ناري انتن ماكو فرق عني خواتي وامهاته ..اني هم اتأذه بأذيتجن ريمة ابنها اتمرض واليوم دخلت بي مستشفى عنده ضيق تنفس 

فدوه لاتشلعن گلبي ولو صارتلج ولادة گولي حبيبتي لاتظلين وحدج تجيج رنا ماتقصر بس بلغينا

حضنتني وبجت وكوه راحت تتلفت مشلوع گلبها عليه 

اساسا تعبانه هي ومقرريلها ولادتها واخرتها اسبوع علمودي حتى اجازة زوجها ماخذلها 

طلعت منها لاگاني ابوي فتحلي ايده رحت الحضنه كل مايشوفني هالفتره تسبقه دموعه .. حبيبي يحس بالذنب لأن ماصدگ من كتله مايهتمله يتركه ومال عليه وعباله احاربه بأبني 

باسني براسي 

اتشجعت وحاجيته 

..يابه ليش ماتوكفهم عد حدهم شيردون من صخر 

خلو عمي وولده براسهم وتعرف منو وره هذا الزن النسوان اذا ظلن وراهم ومالكو رادع يسوولهن كارثة تعم ع الكل 

..منو مخليهم يابابا اخوهم الجبير جان هنا وعمامنا كلهم وابد ماراضي ووعدنا يتصرف ..ارتاحي انتِ ولاتهتمين

..شيريحني اني ماارتاح 

مسح على راسي وباسه وطلع ماادري منو دز عليه 

رجعت يم عمتي شهلة گاعدة 

وجابولي تليفوني فايتتني عشر مكالمات منه باوقات مختلفه 

باوعت واتذكرت بهالعشر ايام اجاني تلث مرات 

اول مره اجاني بيوم المصيبة بالليل اجاني بوكت اني فاقدة والحلم ماطلع من راسي وادك والطم لو ادري هذا تفسيره ياحمودي يمه اكابلك واكعد مااخليك تطلع ع الاقل اشبع شوف منك 

جنت اكل بروحي اكل والقبر الثاني صارو كدامي ابوي وصخر بس هم مثل ابني معزتهم وخوفي عليهم زاد 

من فات جنت مهضومه حيل ومن حضني طلعت كل ضعفي يمه حسيت بوجوده سند الي وجنت متمنيه يكون الابني هم .اتبخرت احلامي بيوم 

ضمني الحضنه باس راسي 

..هذا حكم الله وهذا المكتوب خليچ قوية ومؤمنة 

اني اشهك واصرخ وانحب وهو يحجي ويايه بكل ثبات 

..ابنچ ماخسرتي شفيع الچ يوم القيامة ..طير من طيور الجنة بلا ذنب ولا خطيئة راح ..

طول وهو يهديني ومارجع ثاني يوم بقى هنا اجن امه وخواته وبقن ليلة و ثالث يوم ودعني واخذهم و راح عنده دوام وبعدها بيومين اجه وعبرله تلث ايام هم رجع 

ماتركنا وسأل عن القضية واكد عليه اكثر من مره اذا ابالي شكوه وشي او الي حق يمه اطلعه وهم نصحني احساس ابوه الأبني مو اقل مني ويمكن ضميره كافي عليه 

بس مايدري بحجي اخوانه البلا ضمير لو يعرف مايسكت ابد 

وهسه عمته كالتلي جايج بالطريق 

تليفوني ماالزمه كله صور ابني ومقاطعه ومن افتحه مااعوفه الى ان يطفى شحن واني انتهي من البجي كمت اعوفه طافي ويشحنوه الي مرات 

بعد ساعة وصل طلعتله ابويه مكعده بالاستقبال جدي تعب هالايام بغرفته اغلب وكته 

اول مافتت گام من مكانه 

اتقدم عليه اخذني الحضنه ورغم اني جامده وعلى ظهري هموم بثگل الجبل يتعامل وياي بكل لين ونبرة مليانه محنه 

..ها يالغالية شلونچ اليوم 

مسح عيوني بيده 

..عيونچ تعبانه التعب بضلوعي ولابيچ 

..اسم الله عليك شجابك الطريق طويل واخاف عليك رايح راجع 

..لا شلون مااجيج بالي يمچ ومامرتاح والله بگلبي نار اريد الهضمه هاي تروح منچ وترجع لمعة عيونج الچ ..بس اني هم مو بلا احساس واريد كل هذا هسه هذه ايام حزنچ عيشيها وطلعي كل كبت بگلبچ كل ماطلعتي ترتاحين..صح ماتنسين الضنى ماينسى بس گلبچ يخف وجعه وبالج يصفى 

..والله نوم مااگدر انام ..الا انتهيي من التعب والنعاس والتفكير ماتغفى عيني وبنومي ماارتاح افكر بالحلم الحجيتلك عنه اني خايفه خايفه على ابوي وصخر 

لزم اديه وگعدني قريب اله 

..ذكري الله يبيويه انتِ ذكري الله ..لاتحجين هيچ الله حافظهم ..وهنيال صخر شكثر تعزيه ومايطيح من السانچ 

...صخر اخوي ووكفاته وگفات اخو حنين مو اي اخ 

..ادري والله اعرف علاقته بيكم ..وهو نشمي ونعم منه ماعليه شي صخر سبع واليوصل منه منين يسلم منا من ابوه وعمامه ؟

صاير شي اكو شي لو خوفچ زاد عن حده 

بلعت ريگي بخوف وقلق 

احجيله لو لا اسولف تهديدهم اله وضغطهم بموضوع مرته لأن يعرفون يتخبل من يجيبون الها طاري ويساومون بيها 

..عمام مرته نفسهم المايتسمى واخوانه

عگد حاجبه وشعل جكارته و نظراته تكول منتظر كلمة مني بعد اتراجع لو اكمل 

..اي؟ كملي وياج انه احجي لاتخافين.. اكحل عيونج والله

گلبي زادت دگاته ومااعرف شنو شعوري هنا

..جاي يضغطون عليه بيها يعرفون بي مايتحمل كلمة بخصوصها وشافو محد منا حاسبهم على اهمالهم صارو يتمادون عليه وعلى عمي توني عرفت هو ضاربهم بيومها وهسه هم موصليله كلام حسب ماوصلني 

شال ايده رفع كذلتي النزلت باهمال على وجهي 

..صخر سبع ماينخاف عليه لاتقلقين ..بس گليلي گلبچ واج وتردين اطفيه بيهم ؟ 

تردين تشغليهم عنه بمصايبهم بس گولي اي والله لگلب نهارهم ليل وبالقانون هم 

رفعت عيوني عليه 

..ابوي ماينطي بعمامه 

ابتسم ابتسامه خفيفة 

..سألت عن گلبج مو عن گلب ابوج ..خلي لاينطي حگه ماكو واحد بي خير ينطي بعمامه بس الغلطان يتحاسب 

..بيا قضية تگدر تعاقبهم

القانون وياچ الحضانه الج متنازل بيها ..وجان يكدر يشوفه مشاهده بدون اصطحاب ..منو الاخذه منكم انتو وديتوه لو هم اجو 

..ابن اخوه اجه اخذه كال ساعة ويرجع 

..هذا هو ابن اخوه اخذه من الباب بدون ميگول شي ولا انتِ تدرين.. ونهار كامل ميرد على اتصال ابوج ..خطف الطفل من حضن امن ونتيجة اهماله اندعم 

من اسويها واشمره ترتاحين يبرد گلبچ 

بجيت 

..مايبرد بس حتى يبطل كلام عليه..واخذوه بعلمنا بس ماادري هالگد يطوول 

..مو بعلمكم وانتِ ماتدرين وهايه نطويها بعد؟ ..بيمن غاثينج هم..وليش العبرة ذابحتچ بس خوف على صخر لو مسوين شي بعد 

..اهله يكولون اني منشغله بيك ودازته وخلصانه وهذا نتيجة اهمالي اله ..وكايلين خل ترتاح هي وخطيبها راح تروحله اخف 

ضميت وجهي انحب الكلام هذا مؤذي بشكل مخليني بخانة التقصير گوه 

سحبني عليه باسني براسي 

..لايظل بالچ حقچ اخذه مو رجالچ اذا ماگصيت كل السان كلمن يجيب طاريج.. وابو فاضل ووحگ غيرته يارشا مااطلع اسعد ابن ابوي اذا مااخلي يحرم ذكر اسمچ على السانه حرف من اسمج مااخليهم يجيبون 

لزمت ايده 

..گتلي بالقانون 

..هو بالقانون شعندي غير القانون..اروح امر على صخر اني وابات يمه 

طلع مني وبعد شويه اجه واحد من ولد عمي اخذ جدي مستعجل وابويهه اصلا طالع .. جدي مايطلع هالوكت الا للضرورة شطلعه ماادري 

حاجيت رنا تتصل على اسعد ظل بالي خاف مايصبر للدعاوي وهو يعارك 

حاجته ضحكت 

..يكول اذا هي خايفه وتريدج تتصلين غير تتصلين وتنطيه الها شسوي بخوفج اني شابع من خوفجن من زمان انطيه الها 

اخذته منه 

..ها اسعد شصاير وياك 

..ها يروح اسعد ماكو شي لكيت اخوچ خابصها گبلي والصبح تجيچ الاخبار ماكو شي هسه ارتاحي 

.....

هاجر ...

رجليه ماشالتني بعد لزمت ركبي رجفه غريبة 

ارد اوگف مااگدر گعدت بالحوش ودموعي نزلت عيوني للسما الجو بعده برد مو طبيعي 

..يارب سلم يارب ..انت تعرف مالي غيره حفظه واحفظ الولد كلهم مايستاهلون مكروه 

همزين عمتي مو هنا لو تدري تتخبل 

صوت البنات ورايه نوره وبطة وبنين وحلا مثلي واكثر فرفحنا

شويه وصارت هوسه بالباب اجوو 

نريد نطلع نتلكاهم بس اصوات هوايه وبدون كلام حمزة فات اشرلنا نفوت 

فتنا للمطبخ كلنا ع الشباك نباوع نراقب اديهم جسمهم خاف مضروبين خاف صاير شي ماكو شي 

واول مافاتو صخر ومهيب وحارث واحمد وراهم وفارس وفرسان وخالد ابن عمهم اللخ 

هوسه صايره دخيلك يارب 

حجيهم ماينفهم بس واحد يسولف بضربة الثاني 

فاتو للأستقبال 

قربنا هناك من الباب الداخلي نريد نفهم يسولفون بضربات حمزة يختار مكان يشل حركتهم وشلون العسكرية مغيرته ومقويته مخلصيها ضحك وگلوبنا نار

وصوت مهيب يگول 

..اني ترى الهسه ماراضي عليكم مالها داعي صخر اني وحارث يمه نخليه وحده مثلا وفزعتو ؟

بس اريد اعرف منو الاجاكم بلغكم 

ياسر ابن عمي ابراهيم من اولاده الصغار 

گلهم 

..اني چنت رايح اخذ كتابي نسيته يم صاحبي وشفتهم يم بابك يتعاركون تريدني اشوف علي يتهدد على صخر واسكت ابوي وصانا هالفتره ننتبه واليرفع راسه منهم نفلشه 

..انت ولك ابو الطلايب بعدك من هسه وعالگها 

ماكو شي واستعجلتو والله همزين ابوي وعمامي موجودين وفضت ..صخر مر علينا اني ردته الابوي يشكي من چتفه وردته يعالجه .. و بطلعته لاگانا علي 

صخر عليمن هالخباثة العندك ولو انت خوالك معروف عنهم هالصفة متغلب حتى على عمي ابراهيم وازيد مايسكت مرات صح بس مو مثلك مستفز 

استفزازك مو وكته مع احترامي يعني 

حمزة سأل شصار 

جاوبه مهيب 

..صخر لازم خشمه يسمع علي ويگلي اخخخ لو بس اعطس صارت امنيتي العطسة وذاك مثل المجنون وانطخ عصا

گام يحجي ويغلط ويسب وصخر لزمه من ياخته متحامل عليه وذكره بحجيه وگله رايدها اني من زمان هاي واجت والله جابها 

بسطه 

وهم اجو اخوان علي وولد عمه مناك واحنا موجودين بطلنه محاجز وصرنا طرف لاعب وياه هم 

صارت ماصخه العركة على راشدي راشدي وجه علي انسفط 

ذاك اتخبل يكله بتنا ماتبقى يمك وهنا اجرم بي واحنا وياه 

اكل بسط لو بي خير راسه ميرفعه بعد وشهرين مايطلع 

صخر مبين مرتاح ولا يمه واحمد يگله هسه اني عريس بيها عليها اكلي بوري من وراك 

شويه و گام صخر اجاه اتصال وطلع بره رجع وياه اسعد حلا ونوره راحن يسون جاي وضيافه وبنين من شافت ماكو شي جرت نفس وكعدت جوه هناك يمهن اني بقيت ارد افهم بعدين شفتها الحمدلله سلامات وطبيعيين يضحكون 

هم رحت يمهن اجيس بطني حجر متقلصة حيل من الخوف يمكن حاجيتهن ارد استأذن منهن وارجع البيتنا اخذ علاج 

بنين گالت حبوبي عندي جايبتهن اخذي منهن نفس العلاج 

شربت وكعدنا 

والباب انفتحت وصوت عالي بالباب عمامي يسولفون بينهم 

حلا كالت 

..جدجن وعمامجن كلهم اجو دخيلك ربي صار سنين هنا ماشفتهم اجو هيج جيه يارب حلها والله المشاكل ماتراد 

بعدهي تسولف فات حمزة يدورله جداحة وجكارته بيده ورثها من الطباخ وگال 

..جهزن چاي بعد ومي وخلن محمد وياسر يجيبونه هناك 

باوعلي حاجاني 

..هجورة شلونج الچلب العضج كتلناه 

..الله يسلمك الحمدلله اني موجوده واجي انت ماكو وكمت ماتجينا هالفتره 

..شسوي بيكم وشهلة مو هنا 

..هيج صارت الجية بس الها 

..لا والله انتِ اختي والأهم مو گطعية ولامسمومه ماتحتاجين اعودج عليه حتى اضمن اني واخوي مانفترق وماتدخل حية بينا 

حسيته يلمح البنين الاصلا كلبت وجهه من فات 

انحرجت ونقذتنا نوره من گالت

..منو جاب طاريي شبيه 

ضحك 

..منو وياچ ولچ 

..شكم حية بهالبيت اني وبس 

..لو كل الحياية مثلچ بالگلب ينحطن هو اكو اطيب واحلى منچ 

طلع وندستني بنين 

..علاقتهم هو واخته كلش اوفر هو عود صدك هيج يحجي لو يتظاهرون يعني 

..لا صح كلها بكفه عنده ونوره بكفه توأمه وحيل اميزته عن البقية وماخذه دور الأم وياه ..نوره محبوبه من الكل 

..صح محبوبه.. اني كلش احبها والبنات كلهن زبنات اتعجبت من شفت علاقتهم وهم من امهات مختلفه بس احسه هو ونوره يتصنعون

..من تعرفيهم اكثر راح تقتنعين 

..عليج الله المسموم مو قصده يسمعني 

احتاريت شجاوبها ونقذني من فات احمد 

يسأل عنها 

..مرتي وين 

ضحكن وجاوبنه هايه مرتك هبطت من الخوف عليك 

..صدگ بنونه خفتي عليه 

بنين زعلانه والدموع بعينها ماجاوبت مخنوگه جانت 

ومن لح بالضحك وياها ولزم خدها بيده وباسه

..عليك الله انت ماتفكر بنفسك ماتفكر بيه بعمي باخوانك شفت الكل اخذ بيده شي ومتحضرين العركة بدون سلاح تاخذ سلاحك ليش

..والله مافكرت بغيرج الله يشهد وبنص الهوسه هناك شفت الموضوع مو مال رمي ورصاص انطيته الحارث ضمه ابيت اهله واتضاربنه هيج وهاي اجيتج صاح سليم بس مضروب بچتفي وراسي شويه 

مسحت دموعها 

احس هي مقهوره وتريد تنفس 

حاجيته اني 

..ابو شهاب شعجب جدي وعمامي هنا 

..دز عليهم اسعد واصله الحجي كله وكلهم احترمتكم وماتعديت حدودي ابد انتو اهل بينكم بس ينجاب اسمي بكل موضوع وي اسم مرتي وبتكم من يوم العقدنا صارت الي وتخصني الي يجيب اسمها بمو زين اني گباله وعلى هالاساس اني عندي خيارين الانسب الكم ايدوني عليه 

..الأول أگاومه عشائريًا ماله كل حق يذكرني اني وياها وكأنه سبب اهماله وقلة ادراكه وعدم امانته 

الثاني اقيم عليه دعوه وهذا الافضل 

جدج وعمامج رادو شويه يهدوه وهم يتصرفون قفل 

وصار للراي يقيم دعوه تأديب فترة ويتنازلون بشرط ينسى عرفها بيوم وهو واخوانه 

..والله عاشت ايده 

..الانظار كلها توجهت الصخر وراح يلوموه اعتقد بس محضور هسه لأن عبالهم هو موصله الكلام 

..صخر صاير ماله خلگ ابد الله يستر بس 

..سهلة تنحل لاتفكرين..يلا بنووون نروح نرتاح احنا 

گامت بنين تحضر نفسها ولحكتها حلا انطتها خبز حار وگيمر عرب هي مشتهيته 

واني ظليت انتظر صخر شوكت تفض ونروح 

فات حمزة بالمطبخ لگاهم يردون يطلعون 

مارفع راسه ابد واحمد حاجاه على شغله متفقين عليها بينهم بس طلعو گال اي 

على گولت مانع ودواس گطيعة هسه الواحد ياخذ راحته 

انتبهت نوره باوعتله رفعت حاجبها مركزة ورجعت سألت 

..حمزة ليش وي البنيه شبيها

..يابنيه؟

..مو تقصد بنين انت 

..لا اقصد عمام هالمزيونه مرت اخوي راح يطيح حظهم رسمي النسيب عنده صماخات كبار بالداخليه كلهم معارف باجر يخليهم يشوفون النجوم بعز الظهر مبين متحامل عليهم حيل 

..صدك صخر حاجيله

..مااعتقد اكيد مرته كالتله ..يعني جاي مناك لهنا ليش يعرف شي اكيد 

رن تليفونه رسالة وره رسالة اتصل وهو يمنا 

..بنت القندرة انتِ متجوزين انعل ابوج لابو اهلج شنو لزمة هالحجي هسه هاي الكرن مالج بعده مامسجون وكمتي تدزين مسجات وحب وغرام بس لا ابالج افرح بيج هسه؟

واحنا انخبصنا منو هاي نوره مركزة وكالتله 

..سالي هايه لاتخليها تسمع صوتك ختولي احظرها ولاتحرك دمك واعصابك 

اشرلها يريد تليفونها وكلها فتحيه وسجلي 

فتح كامره سجلةمقطع فيديو وفتح مايك وهي تبجي تناشغ 

..والله احبك والله ماابقى على ذمته اطلك ..اني مااريده والله جبروني شبيك ماتصدك ردت اكلك وخفت عليك تنقهر والله والله ماغدرتك 

..امشي لچ ..وشرايده هسه 

..اطلك وتاخذني الك 

سديت اذاني من رده خرب حمزة ولا عبالك هو ولا انحرج ولا كال كاعدات هنا خواتي والبنات فشر ابد مجان هيج هو هايه صدك من وراها ووره امه متغير حيل 

..روحي يم عمتج خلي راسج براسها وغنن ياليل 

..شوفي لچ اسمچ مااريد اذكره على الساني عفتج وسترتج الوجه الله والا يا سافلة انتِ بيوم حنتج وتراسليني يااحقر مابالوجود كلشي عليج من اثبات عندي 

والله اطخ براسي لحظة انسى كل مبدأ وكل خصلة فضيلة باقيه براسي ومتمسك بيها واخلي اليسوه والمايسوه يسحك شوارب اهلچ ويدوسهم دوس على هالخلفة القذرة الي هي بذمة واحد وتراسليني تردين زواج وعايشه براسي احلام واماني 

..ليش هيج ويايه شجاك حمزة ماجنت هيج قاسي 

..ماچنت بس صرت وهذا بفضلجن ويلا ولي لااحدد ارقام الكل وكلشي يوصلهم بلحظة 

..بداعة ابوك لا هذا هو رايحه اتأكد ماحبيت غيرك ابد 

نهى الاتصال 

..بنت الكلب غير صلفة هايه شلون ماجنت اشوف هالصلافة 

طلع ونوره اتصلت بأمها تكلها تفركين حلكها من يمج وتأدبيها لا اسوي بيجن سالفة بس الله يعلمها مرمرتي حاله انتِ وياه ليش متفكرين بأبنج عاجبج وضعه عاجبج الصارله شنو من ام انتِ 

وهي تحجي وياها صعدت حلا كالت 

..حمزة مكسور حيل شلون بي وهاي الادبسز ماتخليه ينسى هسه هي زعلانه من درت برجلها ابنه راح ماعدها ام تكلها روحيله واسي لو تنجب يمهم وتكعد شنو هاللعب هذا 

..بذمة اهلها سبب دمارها وهي هم لو بذرة صالحة صدكي تنهيه من حياتها وتنساه الغلط الجاي تسويه ماله مبرر 

هو ناهيها من حياته من حاجاها وهانها يمنا اي مكانه مامخليلها عنده بعد 

طلعو جدهم وعمامهم واسعد بعد الصار مقرر يروح يبات يم ام علي وولدها شكد رايده يبقى كايله لا مناك اقرب الصبح اقدم شكوى وعندي معارف هم وارجع الدوامي عندي خفر عگبه 

عمي چان داعم الهم للفزعة فرحان بيها وفرحان باجراء رجل رشا وكل شويه وكال رشا تستاهله وبس هو يستاهلها 

سأل حمزة شبيك كله تعبان احنا هم صخر اترخص وطلعنا 

فتت للبيت 

مستاحشين ع عمتي صار ايام ماعافت رشا يمها اول مره تسويها وتبقى بعيد عنا 

اخذت ملابس سبحت وعطرت الغرفة واتمددت بطني كلها ملتمه الجهه وحده ورغم هي گوه تبين دخلت الخامس وكوره صغيره وصايره مايله الجهه 

وحجر عبالك حتى العلاج ماغير شي 

حركت ايدي عليها وابتسمت من صار يرفس 

رفسات نعشت روحي 

شافني مبتسمه وايدي على بطني خلاها اختفت الحركة ابد خنس 

ضحكت 

والله جان يلبط هنا على كولت عمه 

..صخر شراح نسميه 

..والله ماممختار الهسه اريدله اسم حلوو يعجبه 

مو مثلي بعدين يسمي نفسه هو 

..اسمك يجنن ترى اشهل كلش احبه والله 

..اني احبچ الچ 

..اذا تحبني اتكفى المشاكل فدوه 

سحبني عليه ودارني اله وجهي بوجهه 

وباس طرف خشمي 

..شگد احب خشمچ 

..خشمي بس 

..خشمچ وسمارچ وكلچ 

..ترى اني مااحب المشاكل ومااحب اكون ذليل هم واكو مثل عد شهله المزيونه يكول النهر المايغرگ ينعبر 

وذوله اعرفهم شنو من النوع الي يوگفهم الاهانة مو الاحترام اذا ماتأدبو يتمادون لهذا مو غبي اني اعرف اتصرف 

..حشاك حبيبي فدوه العقلك اروح ..ويرحولك فدوه كلهم

..من وراهم ماشفت رشا اليوم 

..ولا احنا رحنا 

..اجاها ابو السعود يأدبهم تأديب جماعي خطف وتستر واهمال 

..يمشيها لو تأديب صدك 

..لا ما يمشيها اسعد حقاني وهم ماخاطفين بس يريدهم ميذكروها بعد 

اتلمس بطني بيده وضحك 

..هاي ابنج ليش لام چوالاته هناك 

..مسوي مثل عادل امام من گال سايب الشئة وقاعد في اوضه وحده 

ضحك 

..بس هاي انتِ متعبته هاجر 

..من وره ابوه 

عصر خدودي بيده وباسهن 

..شگد حلوه كلمة ابوه ابوسه هو وامه 

وخلصنا الليلة سوالف بعد مابديناها بقلق وخوف 

ثاني يوم داومنا بنين اخذناها بطريقنا 

الطريق كله صافنه 

من وصلنا حاجيتها 

..شبيج تجرين صفنات اليوم 

..حايره والله

..الله ليحير عبده شكو شصاير وياج 

..البارحه احمد طول الليل يعاتبني يكلي ليش مو مثل الاول ليش اختلفتي ترى الكلام الحجيته لايجرح لا شي مجرد حقيقة حجيتها واني فعلا احبج واريد نعيش مو نخلص وكت 

..شجاوبتيه 

..كتله جان حاجيت نفسك قبل لاتحجي وتسمعني وشلون الك نفس تحجي يم اخوك وتخليه يكرهني اكثر يحلف يكلي اصلا هوايه يوصي بيج يكول غريبة واهلها بعاد خاف الله بيها 

..عرف الله هو السكير

وكلب الدنيا عليه من حجيت هيج يكلي مره سواها مدري مرتين فترة ضعف وعداها چلبتي بيها ليش تصيرين مسمومه وكلساع وذكرني بامه ومرت ابوه خسرن ابوه من اسلوبهن هذا 

..وانتِ شعليج بالولد والله زايده منج هايه وتضوجين زوجج منج بهالسوالف مامأثر على احد عوفيه وفعلا ماعادها بعد لو تشوفين صخر من عرف بي ولعب بي لعب ابيتنا والله سويت روحي لاادري ولا اسمع ميقبلون على اخوانهم ابد ميقبلون لو متمالخين قبل شويه يكلولج طلعي منها 

هذا وسام اسوأ واحد بيهم خو حتى ماباركله ومن بدا الدوام دزو على جهاله وجهزوهم مدارس ويه ياسر ومحمد وانطوهم مصرف حتى صخر دز وهو علاقته تلف بيهم 

عوفي هالحجي ميفيدج ..انتِ تكولين دزج الاهلج وخلاج بموقف حلوو يمهم ماخذلهم انواع الخير من الكاع وماخذلهم مسواگ اشكال وهدايا وهذه كلها ترفع قيمتج يم اهلج وتقدير منه الهم 

انتِ هم قدري اهله وتركيهم الشي الميخصج لتحجين وياه بي خاص حمزة ترى حمزة واحمد اقوى علاقة بين الاخوان علاقتهم 

..حرگ دمي النذل شفتي شلون يسمعني كلام يمجن والله واضح قاصدني 

..ماخذ موقف منج يجوز اتجاهليه واذا شفتي لح خلي احمد يتصرف وياه 

..ابن اختج شلون صار هسه 

..الحمدلله ناجحه عمليته وسوده عليه يجيها من الدوام يمرها كل يوم دقايق ويروح يكلها انتظريني تلث سنين اكبر واخذج ونطلع 

..حبيبي فدوه رجال خل تصبر والله كريم 

..واخوج انحلت قضيته من الكيدية الرفعوها عمامه 

..اي الحمدلله خلص ..والله ياهاجر بيت اهلي رحتله ابد ماجنه نفسه كئابه فد مره الكل ضايج على فراگ حسون ومكسورين اخواني على اختي وبنفس الوكت قلسين عليها مانعيها توصلهم وتروح الابنها ومانعين يرجع يمها حتى لو قبلو يكولون ع السووه بينا مالهم امان 

..حقهم ربو وتعبو ودللو علمود مشكلة بين اصدقاء وحادث قضاء وقدر يطلعون صفر وهم المذنبين منو يتقبلها 

..هم هيج يكولون ابويه هم الجلطة مأذيته وامي محتاره بينه وبين اختي الشالت ايدها من كلشي وقاطعت الكل عناد بيهم 

..الله يصلحهم ..المهم بالج على احمد والله مبين يحبج ويحب يدللج كسبيه وانسي السمعتيه 

..ان شاءالله 

كملنا دوامنا وبطلعتنا لكينا صخر واحمد 

سلمت وصعدت وي صخر 

حرك السيارة سألته 

..شعجب احمد اليوم مو وصاك انت ترجعها 

..يكول زعلانه وارد ارضيها وردت افاجأها بمطعم 

..زين والله عنده حركات احمد وطلعات حلوه 

..ابالج مطعم نوتيلا 

..احلى مطعم يمي ابوس ايدك اني شگد طيب اكلك بس السفرة الواعدتني بيها بس تستقر اوضاعنا نطلعلها خلص 

..من عيناي ..امج اتصلت بيج 

..ها ..ماادري لا مامتصله ليش 

..اتصلت بيه گالت نريد نجيكم وكلت الف هلا بس مو من گلبي الخاطرج بس 

ضحكت وخزرته 

..امي خط احمر 

..امج وابوي خطوط انفجارية ..ابراهيم متماين وياي هالايام يريدني اعزمه فرض مو بس هو هو واخوانه بحيث هيج وحده طلع طلعه وكال ..الجمعة عشاكم يم صخر ونسولف ونرتب الامور 

ضحكت 

..شكو بيها يدلل عمو 

..اي ليش لا يدلل ابراهيم الخاطر ام عموو 

..والله فد تحبه انت بس هيج تكابر وذابها بيه 

..اموت عليه بس لاتحلفين 

رجعنا للبيت ونمنا العصر قررنا نروح الؤشا نشوفها 

وقبل لانطلعلها عرفنا عثمان وعلي وابن اخوهم العمره 16مسجونين كلهم ونسوانهم ادك تلطم وجايات العمي سليمان يبجن يردن رشا تتنازل لأن الشكوه بأسمهن كايلهن مااجبرها بس احاول وياها من يتأدبون ويكولون اخذنا درس 

انوب اخوه الجبير جان مسافر وبالليل اجه وهم اتصل حتى بصخر وعمي ابراهيم 

وشهلة رجعتلنا ونورت البيت وفرحتها ماسايعتها من اكدتلي الطبيبة الحمل ولد 

اني وبنين راجعنا سوه وهسه هي بشهر الثالث باقيلها اسبوع وتفوت الرابع بيني وبينها شهرين 

ومرت بالتمام عشرين يوم يلا طلعو مقابل عدة شروط من اسعد اهمها عثمان ينسى بيوم اتزوج وحده بهالأسم 

بدت عدنا امتحانات وبطة تجي تقرا يمنا لو يم بنين تريد اطلع اعفاء 

اتذكرت من اول يوم اجيتهم وكالت خل اغيب ارحب بيها ومتنا ضحك على اعذارها الحجتهن

كالت ابويه وعبد يعرفوني اني واعذاري ..بالابتدائية يومية اني بطني توجعني اجذب واعيش اللحظة توجعني صدك تالي انبسط واروح الحد ماتبت 

..زين والله من الغيابات والفلته للأجتهاد عشتي 

..مشتاقة البيت عبد الجمعة اروحلهم 

..الجمعة معزوم هنا هو وعائلته لأن عبد عرف بصخر عازم الكل وكله بس اني طلعتني جان يضحك بس صخر انتبه بس هو وعائلته ماعازمهم صدك 

..وسام بعده زعلان ويدور اكل ومصرف مو 

..لا مداوم بس مارايد وي احمد رايح وي عبد 

..لأن عبد يعيشه لحظة الجبير المسؤول وهو كاعد 

ضحكت صدك هو هذا السبب 

واجت الجمعة فعلا حضرنا اني وياه قبل بيوم البيت رتبته ولمعته بالليل وثاني يوم من الصبح بدينا نجهز 

صخر عنده مكانه العبد مختلفه يحترمه حيل وهو يستاهل هالمكانه يحترم الصغير قبل الجبير وزوجته كلش ادمية صح معزوله عن البنات بس ابد مابدر منها مو زين 

شهلة اتولت الاستقبال والترحيب واني وياه نهجز 

التمن والحشوه اني طبختهن وهو المشاوي بره شوه خروف وحبشكلات السفرة العراقية والمروكات كملت احلى سفرة واتفاجأت من دز على عمي ابراهيم وعائلته واحمد وحمزة هم 

بيومها اتونسنا حيل وحسيت الكل متفاجأ اني طبخت وياه وشلون سمح بهالشي 

انطتني زوجته علاگة جايبة عباية خليجية راقية وعلبة چكليت راقي 

شكرتها وحلا تكول احترك فلمنا منشوف العزيمة بعد كومن جهزن هدايا ولجن 

ضحكت وصاحت صخر تكله اطلبونا يكلها وجودكم بينا ولمتنا وسوالفنا والمحبة هاي افضل هدية 

انتبهت العمي طاير من الفرح 

صاحني من بينهم يسألني على وضعي وشفت الجنين لو لا كتله ولد 

باسني وباركلي وگال تجهيزة كله عليه 

اعترضت عمتي شهلة اليوم ماخذه مكان ابنها 

..مشكور حجي التجهيز اني اجهزه سلامتك انت 

..هذا هو اذا عليج نهدي غيرها لو هم تعترض انت 

وصخر جاوبه مرتاح 

..انت وبنتك 

..هذا هو اني وبنتي بكيفنا بعد 

ثاني يوم تونا جايين من رشا ومرتاحين عليها الحمدلله احسن من كل روحه النا وضعها شويه بتحسن 

جاي نسولف بيها وفزينا على صوت بنين تصرخ 

طلعولها ركض اول ماوصلوها صخر وحمزة واحنا وراهم لكينا احمد واكع ومحتاره بي شالوه بساع اخذوه للمستشفى وطلعو 

وظلينا احنا نتصل محد يجاوب 

بعد فتره يلا جاوبنا صخر 

..كال زين هسه ماكو شي خطر وجاي يفحصوه ومنتظرين التحاليل بس صحى كلش زين 

اتنفسنا براحه لليل طلعو 

وبعدها التهينا بين الدوام والامتحانات وهوسة الدنيا 

وعرفنا هو عنده زيادة بالكهرباء وصاير عنده صرع ولازم يبقى ع العلاج يتلافى نوباتها 

...

نوره..

رن تليفوني جريت نفس 

..سراب لتلحين كلت 

..على كيفج وي اختج 

..منو وياي 

..فرسان وياج تردين تختصريها بفراس بكيفج 

..ليش ماتختصرها انت وتنهي الخط من يمك احسن ماسده بوجهك 

..يولي عليش ماتنطين مجال 

..مجال مااعرفه منو هذا 

ضحك 

..ابن عمي الغالي اني مو مال هالسوالف الي ابالك انساه 

..مستحيل انسى 

..سهلة راح اخلي حمزة يحاجيج 

..اوگفي يول طلعتي صدگ حية 

...يتبع 

             الفصل السادس والثلاثون من هنا 

لقراءة جميع فصول الرواية من هنا 

تعديل المقال