رواية سنيين الضياع الفصل التاسع 9 والأخير بقلم جمانه السعيدي
هاشم...رجعت للبيت دخلت مااشوف كدامي
ليلى...هلو حبيبي ليش اتاخرت بقيت بقلق عليك
هاشم..مارديت عليها طلعت السلاح الي احرس بي الكاع بليل
هيه شافتني عصبي ولازم السلاح بايدي ومارديت عليها
راسا حضنتني وكامت تعيط بصوت عالي
بويه اللحك عليه بويه تعال هاشم اخذ السلاح
بويه تعالي
هاشم..عوفيني كتلج عوفيني دفعتها ما تقبل تعوفني
والجهال كامو يبجون
راسا دخل الشيخ البيتنا
الشبح...يالله شكوو شبيكم
ليلى...تعالي بويه هاشم ماخذ السلاح ويريد يطلع
مبين بعيونه الشر
قرب الشيخ ولزم السلاح
الشيخ...عوفه عوفه
هاشم...عوفني شيخنا اريد اغسل عاري بايدي
الشيخ...اني وياك بس خل افتهم قابل اني أرضا بلغلط
اطيني السلاح وكعد فهمني
هاشم..عوف السلاح شيخنا من ارجع افهمك
الشيخ...هيج اني مالي قدر عندك مو كتلك اطينا السلاح
هاشم...عفت السلاح
سحبني من ايدي وكال تعال نحجي
السلاح اخذته ليلى والشيخ اخذني ويا البيته
كعدنا بلمضيف وكال احجيلي شصار
اني مو ابوك احجيلي واذا اكو غلط اني وياك
مااخليك تروح وحدك احشم العشيره كلها وياك
لو كدامك جيش هم احنا وياك اني ماعندي غيرك ومااعوفك ابد
هاشم...ولله ياشيخ سالفه تفشل مااكدر احجيلها
الشيخ...تستحي مني احجيلي وسرك بير
اني الي راح ادليك الطريق الحق
هاشم...صار فتره ادور على اهلي كلت بلكت الحك على امي وابوي بلكت اشوفهم بعد كل هاي السنيين
اليوم لكيت بيت اهلي بس ياريتني ما لكيته ياريتني
متت قبل هذا اليوم
الشيخ...شكووو خير
هاشم...امي وابوي راحو الرحمة الله بس المشكله خواتي
خواتي يمشن بدرب موزين
ومن شافني طردني ما قبلن ارجع للبيت ولا يقبلن يسمعن كلامي
الشيخ...وانت ماخذ السلاح شسوي بي
هاشم....افا عليك شيخنا تريدني اعوفهن لو يسمعن كلامي لو اكتلهن خلاص
الشيخ...هذا مو حل بالعقل شلون تريدهن يسمعن كلامك وانت راجعن بعد عشرين سنه
هيج بكل بساطه يكعدن ويسكتن لان انت رجعت
خواتك تعلمن يعيشن وحدهن بدون ما يكون فوك راسهن رجال تعلمن يمشن بكيفهن
وانت اليوم شفتهن واليوم تريد يسمعن كلامك
جمانه السعيدي
هاشم...طردني شيخنا
الشيخ...اني وياك نروح نحجي وياهن
اذا رجعن للطريق اهلا وسهلا واذا مارجعن خوما اضيع نفسك علمودهن
عندك زوجه وعندك جهال وانا يابويه مااكدر بدونك
واخيك مهند الي معتمد عليك شلون تريد اضيع كل هذا وتدخل السجن
وعلمود منو
هاشم...جابلي العار
الشيخ...محد يعرف انت اخوهن انت بلنسبه الهن
انتهيت محد راح يعيرك بيهن
اني مااكلك عوفهن لا حاول وياهن بس بلسياسه
مو كبل ماخذ سلاح وتريد تهجم عليهن
شتستفاد اذا كتلتهن تدخل للسجن ومستقبلك يضيع
مو كل المشاكل تنحل بلقوه
النسوان اذا توكحن وطلعت عينهن بعد محد.يكدر عليهن
اعذرني بهاي الكلمه
قطرة المستحه راحت منهن والمره احلى شي بيها
المستحه اذا عاندن لا انت والا اكبر واحد يكدر عليهن
اني اروح وياك بعد كم يوم خل تهدء الأمور شويه اروح واحجي وياهن خليهن يفكرن يحسن انت رجعت
بلكت الله يهديهن ويرجعن عن هذا الدرب
هاشم...كلام الشيخ مقنع رجعت للبيت سبحت ونمت
مااكدر ااكل اصلا ما نمت بس اتكلب بلفراش
عبالك كابوس واتمنى يخلص وارجع هاشم القديم
ما سئلتني ليلى شصار لان تخاف ارجع عصبي
والشيخ دفن السر بيني وببنه محد يعرف بي
بعد اسبوع بلضبط طلعنا اني والشيخ رحنا البيت اهلي
دكيت الباب فتحت نور
نور...شعندك رجعت مراح نخلص منك خاف عينك على البيت اسمع مالك اي شي بهذا البيت
هاشم...وياي الشيخ الي رباني افتحي الباب وروحي البسي شي محتشم
مدت راسها من الباب شافت الشيخ كاعد بلسياره
نور...وشعنده الشيخ جاينه
هاشم.. دفعتها بلا كلام زايد روحي صيحي خواتج
خل نحجي
هزت ايدها ودخلت للبيت
شويه طلعت ازهار لابسه رداء وخاله شال على راسها
كالت تفضل
دخلنا اني والشيخ
طلعن كلهن كعدن يمنا
ازهار...خير شكووو اريد اكلك شي هاي اخر مره
تجي هنا لا تخليني اندمك سمعت لو لا
احنا مو خواتك القديمات انتبه ترا لا نخاف ولا نستحي
الشيخ...بويه على كيفج وين اكو وحده يرجع اخوها بعد كل هذا الوكت وتحجي ويا هيج
ازهار...هذا العندي قابل اضحك علي
الشيخ...شنو طلباتجن اني مستعد الاي شي تطلبنه
هااا الخاطر هاشم وبس
بس قبل لا تحجين اي شي
بعد ماكو كعده بهذا البيت اني ابنيلجن بيت بلقريه
وتجن تكعدن يمنا وكل طلباتجن حاضره
فلوس مصرف مسواك بس ممنوع تطلعن بكيفجن
هذا خوش عرض انتن مو تكولن احنا نشتغل علمود الفلوس الفلوس عليه بس تكعدن وتسكتن
الخاطر اخوجن من امس مانايم من كد ما انقهر عليجن
جمانه السعيدي
نور....اولا انت لاتدخل مالك علاقه
هاشم.. نور اسكتي لا اكص السانج
نور...كلشي ماتكدر تسوي فهمت لو لا احنا ما ميتين على فلوسكم
بعدين انت من كل عقلك احنا نعرف بيتنا نروح نسكن بلقريه
اعرف هاي خطه من هاشم يريد يبيع البيت
وياخذ فلوسه ويشمرنه بلقريه
هاشم...اني عندي خير من الله ما ميت على فلوس البيت
ازهار.. واحنا نرفض هذا العرض
مراح نعوف بيتنا ونسكن بلقريه
الشيخ...انتن مو تشتغلن علمود الفلوس
عليه الفلوس
ازهار...ولو ما نعرف بيتنا
يله تفضلو من غير مطرود عرضكم ما مقبول عبالي جايين بشي بي خير تعاي عوفي بيتج واسكني بلقريه
حتى يبيعون البيت ويومين ويطردونا من القريه
خوش ملعوب
الشيخ...محد.يطردجن اسجل البيت باسمجن
علياء...ولو ما نقبل تفضلو وبعد لا ترجعون هنا
هاشم...عل اهانت الشيخ هاي طفرت عليهن اريد اموتهن خلآص بس الشيخ صار بيتي وبينهن
دفعني الشيخ
طلعني بلشارع
طبكن الباب ورانا
هاشم.. اعتذر منك شيخنا اسف ذني بلا اخلاق ولا تربيه
الشيخ....ماكو مشكله يله نرجع البيتنا
هاشم...رجعت وكلبي محترك منهن شنو من اخلاق هاي
شلون هيج يحجن منيين تعلمن هاي الوكاحه
امي شكد جانت تستحي شلون طلعن هلكد صلفات
رجعنا للبيت واني دمي يغلي من وراهن
مااكدر اجاوز تجاوزهن على الشيخ
ليلى....شبيهم اهلك ليش هيج عصبي
هاشم...لا تسئليني اي شي عنهم مفهوم
ليلى...مفهوم بس لا تصير عصبي الله يخليك
رجعت عليهن بعد كم يوم
دكيت الباب بس سمعن صوتي اتصلن على الشرطه
بدون ما يفتحن الباب
بقيت ادك بلباب واهدد بيهن
بس ما قبلن يفتحن الباب فعلا اجت الشرطه ولزموني واخذوني للمركز بس الضابط صديقي
من ججيتله قصتي
كال راح اطلعك واكول طلع بكفاله بس لا ترجع مره ثانيه
تتجاوز عليهن هلمره ساعدتك بعد مااكدر اساعدك اكثر
خلصت نهاري بلمركز وبعدين رجعت الاهلي
اسبوع ورجعت عليهن اريد احجي وياهن
اريد اعرض عليهن ااجرلهن بيت بغير مكان واشيل مصرفهن
بس يبطلن هاي السوالف
بس لكيت البيت مقفول الجيران يكولون شالن
بس محد يعرف وين شالن
رجعت كم مره الباب مقفول من بره بقفل
بعدها عرفت مطلعاتلي شهادة وفاة بواسطه والرشوه
لان اني مختفي صار عشرين سنه
وبايعات البيت ومحد يعرف وين صارن
طبعا اني اكدر ارفع عليهن دعوه بس لازم اصحح اسمي
بكل الدوائر اني مو اخوهن بلجنسيه
ولازم اعرف وين ساكنات
يله اكدر اشتكي عليهن
اكو ناس يكولون طلعن من هاي المحافظه راحن محافظه ثانيه بعد ماعرفت اي شي عنهن
ولا سمعت اخبارهن
ليلى...اريد اعرف ليش هيج تعبان
هاشم...خواتي مايردني باعن البيت ونهزمن مني
ارتاحيتي هذا الشي قاهرني حيل
ليلى...الي مايريدك لا تريده كلمن يروح بحاله
اهتم بحياتك مثل ماهنا اختارن حياتهن
وما يفكرن بيك
هاشم......مانسيتهن ولا نسيت الشي الي صار وياي
ولا اكدر اجاوز الألم بس لازم استمر واعيش واقبل بلواقع
سنة ٢٠١٠ انفتحت جامعه قريبه على عملي
قدمت اليلى بيها حتى نكمل درستها قدمت كلية تربيه
كملت دراستها وتخرجت
اتعينت بمتوسطة بنات
صار عدنا بعد ولد هذا اجا بعد عشر سنوات زواج
الحمد لله
الشيخ راح الرحمة الله وحتى ام مهند توفت بعده بخمس سنوات
الشيخه انتقلت البيت عم مهند عيال زينب
لان مالها وريث بهاي العائله
غير مهند ومهند ما يصلح يكون شيخ
اني المسؤل عن حلال الشيخ وعن كاعه كلشي بايدي
مهند عايش ويانا بنفس البيت
امورنا ماشيه ولله الحمد
انتهت قصتنا دمتم سالمين..
تمت بحمد الله
وأيضا زرونا على صفحة الفيس بوك
وايضا زورو صفحتنا سما للروايات
من هنا علي التلجرام لتشارك معنا لك
كل جديد من لينك التلجرام الظاهر امامك
وايضا زورو صفحتنا سما للروايات
من هنا علي التلجرام لتشارك معنا لك
كل جديد من لينك التلجرام الظاهر امامك