رواية حكاية شوق الفصل الواحد والثلاثون 31 والأخير بقلم رشا منصور
وليد السخاوي….
مرة واحدة لقيت بابا واقف ع رجله وبيتكلم وقبل ما اقرب منه لقيته بيسجد لله شكر… لأول مرة أشوف بابا بيركعها.
بس اللي استغربته أكتر لما لقيت بابا بيعتذر ل رشا والساحرةr
قولت له هو في إيه…
وبصيت ل رشا قولت لها هو بابا بيقول سامحوني ليه؟. هو عمل لكم حاجه….
رشامنصور…
أول ما نطق السخاوي قولت ل سوزان عرفيه أنه لو جاب أسم شوق أو أسمي هيتخرس، تاني…
وبصيت ل وليد وضحكت بصوت عالي قولت له هو مين اللي سافر المغرب، ومين اللي سابت جبل الجانn وجت هنا…
ما طبيعي باباك يقولنا سامحوني ع التعب ومجهودنا علشان نساعد في شفاؤه… معرفش أنت مستغرب كدا ليه…
السخاوي…
إيه يا وليد دى أقل حاجه أقولها أنا بجد تعبتكم معايا أوي ومتشكر ع تعبك وو قفتك جنب ابني يا الدهشوري بيه…
وببص لقيت شوق داخله الفيلا ومعاها بوكيه ورد وبتقولي جدوو أنت واقف ع رجلك… أنا مش مصدقه..
قولت لها حبيبة جدو… أنا بقيت كويس لما شوفتكم كلكم حواليا..
رشامنصور…
شوق.. ازاى تيجي من غير ما تبلغيني ..
قالتلي أنا شوفت رسالتك أنك وصلتي مصر، وفي طريقك ل فيلا السخاوي بيه وانتي وحشتيني اوي علشان كدا أول ما خلصت المحاضره جيت اشوفك واطمن ع جدو السخاوي واسفه لو جيت من غير ميعاد…
وليد السخاوي…
لأ لأ ده أنا اللي بعتذرلك.. وانتي تنوري في أى وقت.. وبصيت ل رشا وقولت لها انهاردة عاوزين نفرح ومافيش زعل بقي..
وبصيت للساحرةr وقولت لها هى بنتي هتعيش معايا أمتي.. عاوز اشوفها. عندى كلام كتير لها…
شوق…
قربت من السخاوي وقدمت له الورد وبصيت ل وليد وقولت له اتكلم… قول اللي عندك…
وليد السخاوي…
حبيبتي ده موضوع كبير أنتي متعرفيش عنه حاجه… خالتك رشا تعرفه..
شوق..
واضح أنك ورثت الغباء عن أبوك… أنا شوق بنت شرويت حفيدة
الحناوي يا وليد يا أبن السخاوي…
وشوفت الدهشه في نظراته وفضل ساكت
الدهشوري بيه…
أنتي بنت وليد… طب ليه مقولتيش من البداية.. وأنتي يا رشا هو أنتي أخت شرويت وبنت الحناوي.. أنا مش فاهم حاجه..
شوق…
مقولتش علشان وليد معترفش بيا من البداية.. كنت أظهر اقول له إيه أنا اللي ضحكت ع مامتها واتجوزتها عرفي وخلعت، وسيبتها لوحدها تواجه الناس وهى حامل.. من غير سند ..
تفتكر كان عمل فيا ايه… كان لازم اقرب منه واعرفه من بعيد واحاول اعرف أمي حبته ع إيه… ع كدبه، ولا ع شخصيته الضعيفه،. قدامكم…
وده أكد ليا أن أمي كانت ساذجه، وأنت استغلتها، وأنا خدت حق أمي منك ومن أبوك…
كل شركات ابوك اتنقلت ب أسم وريثة الحناوى… ملكي أنا
وأنت عشت حياتك مع عيال مش عيالك ومش قادر حتى تنطق أو تعترض.. إيه رأيك فيا.. مطلعتش ساذجه، زى أمي..
الدهشوري بيه…
فضلت مندهش وساكت.. معقول إحنا كلنا كنا جزء من لعبه… طفلة بعمر حفيدي تلعب بينا كلنا.. وبقيت مش عارف إيه رد فعل سامر لما يعرف حاجه زى دى…
اقول له أنت كنت خاطب أختك… طب ازاى!؟ هو فاهم أنه أبن وليد…
شوق…
مايسترو كان بينقل ليا تفكير كل واحد وبصيت للدهشوري وقولت له بلاش تقلق ع حفيدك.. كل شئ مترتب ..
وبصيت ل رشا وخالتوا عيشوش وقولت لهم يلا بينا ع فيلا جدو الحناوي أصلها وحشتني …
ولقيت وليد بيقولي هشوفك تاني… قولت له أكيد لما أراجع حسابات شركاتي الجديدة هحتاج تقرير بخصوص مصروفاتك الأخيرة..
ومتنساش من اللحظه دى أنت في شغلك مع الدهشوري بيه وانسي خالص أى حاجة تخص ابوك…
وليد السخاوي…
إذا كنتي حفيدة الحناوي فأنتي ورثتي حب السيطرة، وجمع الشركات من جدك السخاوي…
بصتلي وقالتلي خيالك واسع برافو أستمر يمكن تبقي مؤلف أفلام
ومشيت هى ورشا والساحرةr اللي شكلها اتحول فجأة وبقت قريبه رشا… أنا مش فاهم أى حاجة…
زياد الأنصاري…
رشا اتصلت عليا وقالتلي أنا جايه البيت عندك ومعايا شوق ومحتاجين نتكلم…
عرفت آية وشريف كان موجود وقالي أن في مشروع مطلوب تنفيذه في الكليه والمفروض أن هو وشوق ينفذوا.. قولت له خلاص اقعدوا خلصوا مشروعكم وأنا ورشا نخلص شغلنا..
وقصدت إني أقعد أنا وايه مع رشا لوحدنا وأول ما وصلت لقيت شوق بتقول…
شوق…
ممكن اطلع جناح ماما وجدو لو سامحتوا.. محتاجه أقعد فيه شويه لوحدى ع ما خالتوا رشا تخلص كلام معاكم…
شريف الانصاري…
مامتك مين!!! أنا مش فاهم حاجه. ولقيت شوق بتقولي عمو زياد وطنط آية هيفهموك كل حاجه… وبصت ل بابا وقالت له خلاص الكل عرف أنا مين… ومن انهاردة مافيش حاجه اسمها شركات السخاوي. كلها بقت ملكي أنا. شوق حفيدة الحناوي الحناوي.
وروحت ل بابا وقعدنا كلنا وابتدي بابا يحكي الموضوع من البدايه لحد ما طنط رشا كملت وقالت إنها تولت مسؤولية. شوق من يوم ولادتها وعرفتها كل حاجه عن أمها واملاكها وكبرت شركاتها لحد ما شوق كبرت ودخلت كليه الهندسه…
قولت لها يعني شوق بنت وليد السخاوي وأخت شرويت.. طب ازاى كانت هتتجوز سامر أخوها..
رشامنصور…
شوق عمرها ما كانت هتتجوز سامر هى بس كانت عاوزة تقرب من وليد وتعرف شخصيته كويس وصادف أن سامر من أول مرة شافها وهو اتعلق بها..
لكن الحقيقة أن شوق معجبه ب شخص تاني خالص زميلها فى الكليه وأنت عارفه كويس…
شريف الانصاري…
ايه!! يعني كمان في واحد تاني في حياتها.. ع العموم هى حره في اختيارتها…
شوق…
دخلت غرفة ماما.. دي مش أول مرة ادخلها. كنت بدخلها كتير من غير ما حد يحس بيا عن طريق الجنn وبعد ما قعدت ..
بصيت ل صورة ماما وقولت محتاجاكي معايا.. عاوزة أحس بوجودك… وظهرت ماما "شرويت"
شرويت الحناوي…
متستغربوش أنا عايشه وكنت بتنقل بين عالم الإنس والجن. ومحدش عرف بوجودي إلا من فترة بسيطة والفضل يرجع ل رشا..
في آخر فترة الحمل حسيت بتعب شديد. وكان عندي احساس، قوي، إني هموتt وطلبت من رشا، إني ادفنn في مصر،بجوار بابا..
وأنها تتولي تربية بنتي،وتحاول تخليها تاخد حقي وتحقق حلمي وتكون سيدة أعمال ناجحة…
وقبل ولادتي ب يوم رشا جاتلي وقالتلي أنها عرفت من الجنn أن عندي مرض. ملوش علاج، في الوقت الحالي
قولت لها أنا كنت حاسه اني هموت. وسواء متt في الولادة أو بعدها أنا مش عاوزة بنتي تتعلق، بيا وتتعذبe من بعدي. خليها تفهم إني متt وأنا بولدها.. حتي عيشوش مكنتش تعرف وقتها اتفاقي مع رشا…
وأثناء الولادة شوفت قرينة رشا وقالت ليا بعد الولادة هننقلك لعالمنا وقرينتك هتكون مكانك وتعمل نفسها ميتهt…
وفضلت في عالمهم فاقدة، الوعي كنت بفوق بعد فترات طويلة ورشا كانت بتعمل وصفات أعشاب من نباتات الجنnوخلطات علشان حالتي تتحسن..
وفضلت سنين ولما قررت الظهور عرفت أن شوق دخلت المدرسة وبدأت تقرب من سامر أبن وليد السخاوي… وحسيت أن ظهوري هيأثر بشكل سلبي علشان كدا قررت أخد شكل مدرسه وأشوف بنتي كل يوم من غير ما تعرف حاجه…
حتي رشا وعيشوش بطلوا يزروني في عالم الجنn لأن شوق ابتدت تفهم وتسأل ع كل حاجه…
وبعد ناجحها في الثانوي ظهرت لها ورشا عرفتها إني عايشة،e وقررت شوق ساعتها أنها مش هتموت، وليد ولا السخاوي، لكن هتعلمهم درس عمرهم ما ينسوا..
وأنا فضلت عدم ظهوري ل أى حد وفضلت اتابع شوق عن طريق الجنn ودلوقتي ظهرت ل شوق أول ما برك بلغني طلبها في غرفتي وقالتلي ارجعي عيشي حياتك من جديد في شركات جدو الحناوي وأنا عندي شركات السخاوي ده غير املاكنا ولازم نحط ايدينا في ايد بعض عندنا شغل كتير أوى
إحنا بقينا ملوك السوق ياماما… ونزلت معاها وأول ما آية شافتني هى وزياد جريت عليا وبعدها اغمي عليها وفضلت تقول روح شرويت…
زياد الأنصاري…
كانت مفاجأة مدهشة لنا كلنا أن شرويت عايشة، وقولتلها المفروض تستلمي الفيلا وأحنا هننقل ل فيلة بابا …
شرويت الحناوي…
لأ طبعاً إحنا كلنا هنعيش هنا.. إحنا شركاء من البداية واعتقد أن الشركة هتكتمل أكتر لو وبصيت ل آية وغمزت لها ع شريف وشوق…. ولقيتها بتقولي ياريت ده أنا نفسي والله..
شريف الانصاري…
كل حاجه انهاردة كانت مفاجأة جديدة بالنسبة ليا بس أحلي مفاجأة أن شوق مش هتتجوز سامر بس مش عارف عمو وليد السخاوي هيوافق إني اخطبها ولا هيعمل حساب شرويت بنته…
حتي لو وافق شوق هتشوفني صغير قدامها دى صاحبة شركات كتير وأنا لسه طالب وحتى شركات بابا هو شريك معاها وجدو أنا هكون شغال عنده أو عند شوق…
مينفعش.. لازم انسي شوق كل بنت بتكون عاوزة راجل اغني منها لكن دلوقتي هي اللي اغني مني بمراحل…
شوق…
كنت عارفه بكل اللي بيدو في دماغ شريف ووقفت قدام عمو زياد وطنط آية وقولت لهم أنا جايه انهاردة علشان اطلب أيد ابنكم شريف ليا والخطوبه وكتب الكتاب الاسبوع الجاي وهنتجوز هنا في جناح ماما وجدو الحناوي وانتوا طبعاً مش محتاجين عزومة…
يلا يا ماما يا رشا.. علشان وراهم استعدادات كتير ويعزموا القرايب والاصحاب وبالمرة اعزموا السخاوي وابنه والدهشوري لازم الكل يعرف أن ماما عايشه ورجعت لحياتها الطبيعية من جديد وانت يا عريس وراك مشروع الكليه يادوب تخلصه…
اة كنت هنسي الفرح بعد البكالوريوس…
آية صديقه شرويت…
مستوعبتش اللي شوق قالته وقولت ل رشا وشرويت هو اللي سمعته صح يعني أبني اتخطب دلوقتي… هو مش المفروض أنه يتقدم لها.
رشامنصور…
يا آية ده الجيل الجديد مبيحبش يضيع وقت ومدام كلنا موافقين مش فارق مين اتقدم ل مين… يلا يادوب نختار الفساتين..
وأنت يا عريس متنساش البدلة والشبكه وسبناهم وهما مندهشين وخرجنا نضحك وقولت ل شوق ده أنتي طلعتي اجن مني 🤣🤣
السخاوى…
فضلنا قاعدين أنا مش مستوعب أن في لحظه شركاتي بقت ملك شوق وبعقود رسميه معرفش ازاى..
والدهشوري مش قادر يصدق أن طفلة كانت بتلعب بعقل سامر وهى لسه في حضانه.. ووليد مش متخيل أن بنته طول الوقت كانت قدام عينه وهى السبب في كل المصايبe اللي مر بها.. وبعد ساعتين الموبايل رن ولقيت وليد بيقول أيوة يا زياد بيه…
أنا عرفت مين هما ورثة الحناوى.. بس ياتري أنت بقي تعرف مين أبوها وفجأة لقيته قام من ع الكرسي وبيقول له
معزوم ع إيه… أمتي ده حصل وازاى ومش المفروض إبنك يتقدم ليا.. مش هى دى الأصول..
إيه!!!!! وبعدها قفل وقال لنا بنتي شوق راحت خطبت شريف الانصاري من ابوه وحددت ميعاد الخطوبه وكتب الكتاب الاسبوع الجاي وكتر خيرها طلبت من زياد أنه يعزمنا…
قولت له بنتك بتثبتلك أنها قادرة وقوية. ومش عامله لك اعتبار.. بس متقدرش تعترض وإلا هتعمل فيك زى ما عملت فيا..
وليد السخاوي…
قولت لهم هى جرئيه أوى بس شريف ابن ناس وكمان زياد يعتبر شريكها في الشغل يعني اختيارها موفق وعقلاني جدااا..
لو كانت سألتني مكنتش هعترض.. وببص لقيت شوق ظهرت فجأة وواقفه قدامنا وقالت مش عمو زياد عزامكوا ياريت تجهزوا نفسكم
وع فكره بطاقتك منتهيه جددها ولا تحب اعتبرك ميتt وأشوف حد غيرك…
بصيت لها بأعجاب من قوتها، وغيظ. في نفس الوقت وقولت لها من عيني هجدد البطاقه. من بكره ويوم المني لما اشوفك عروسه واعتقدت أنها هتترمي في حضني لكنها اختفت بردو..
الدهشوري بيه…
كنت بفكر في إيلينا والأولاد واتصلت عليهم وفضلت في انتظارهم وأول ما وصلوا فرحوا ل شفاء السخاوي واخدت إيلينا في غرفة المكتب وقولت لها ع كل حاجه وأنها لازم تتقبل وجود شوق بترحاب زى ما وليد متقبل ولادها وخرجت وقولت للاولاد في خبر عرفانه ولازم تعرفوا انتوا لكم أخت وهى شوق وكلنا تأكدنا من الموضوع ده واتفاجئت بأنهم فرحوا جدا من غير ما يسألوا حتى ع تفاصيل…. وده اللي مستغرب له..
عيشوش ساحرةالجنوب…
الجنn كان منتشر بين الجميع عاوزين نعرف بيفكروا في إيه وناوين ع إيه.. ظهور شرويت مش سهل وخصوصاً وأن وليد لسه بدأ يتقبل كون شوق بنته…
وفي يوم الخطوبه صممت شوق تكون في فيلا الحناوي وروحنا الصبح وطلعنا جناح الحناوي وشوق طلبت من الجن، تغيير ديكورات الفيلا والجنينة وعمل كوشة حواليها ريش أبيض وكراسي ع شكل نعامة واضواء في كل مكان وزهور وحتى الفساتين كانت من عمل الجانn ..
لدرجه أن آية استغربت هو مين اللي عمل كل ده وامتى وازاى
قولت له أنا خلصت كل حاجه متشغليش بالك…
استحالة اقولها أن إبنك هيتجوز واحدة متربيه في وسط الجانn
وجاء الليل وبدأت الموسيقى بالعزف وحضر المدعويين وشوق صممت تنزل في أيد مامتها شرويت واستلامها زياد وبعد كدا شريف وحضر المأذون وقرب وليد وأول ما شاف شرويت فرح أوى ولسه بيقرب منها حس برجله مش بتتحرك..
شوق…
اثبت مكانك ماما مش للمس. أنت اخرك تشوفها من بعيد ده إذا أنا وافقت… إذا كنت هتكتب الكتاب اتفضل.. ولو مش عجبك مع السلامه..
وقعد هو وزياد وكتبنا الكتاب وشريف لبسني الشبكه وسامر وشرويت باركولي وكنت حاسة لأول مرة أنى مبسوطه وحققت كل اللي ماما كان نفسها فيه..
شرويت الحناوي…
كنت مبسوطه وأنا شايفه بنتي كبيرة وعروسة وقويه، وقدرت تجيب حقي وحق بابا الحناوي… وبجد فخورة بها جدااا…
واتمني أن كل واحد قبل ما يفكر يظلم حد وبستغل ضعفه يعرف أن الدنيا دوارة واكيد اللي ظلم مسيره يتظلم…
وإلي هنا تكون انتهت قصتنا واتمني أنها تكون نالت اعجابكم ♥️.
تمت بحمد الله