رواية كراشي المستفز الفصل الثامن 8 بقلم شذى عبدالمكرم
بعد امي قعدت قالت كدا ماشة بدعي في سري 😭😭
محمد: ريم تعالي اقعدي . مشيت بالراحة😫
ريم: نعم
محمد: مشيتي لمكارم
ريم: اي
محمد: اكيد حكيتو بموضوع انو انا اتقدمت ليها صح
ريم: صصصح
محمد: مالك خايفة مني؟ . هزيت ليهو رأسي بمعنى اي 😔
محمد: انا بخوف للدرجة دي؟٠ . تاني هزيت ليهو رأسي
محمد: ما كنت عارف انا لمن اعصب عليكم بكون من خوفي عليكم وانكم تمشو صح بس ما قاصد تخافو مني للدرجة دي
ريم: ببس يا محمد انت بتصرخ
محمد: تاني ما حأصرخ مدام بقيت مصدر رعب ليكم
ريم: عليك الله خليني اكلم محمود بالشمار دا💃😂
محمد: تعالي يا هبلة خلينا نخلص كلام وامشي بشرييهو😂😂
ريم: تمام يا باشا🙋🙆♀️
محمد: اعتبريني صحبك حاليا . من قال كدا عدلت قعدتي وقعدت بمزاج 😂😂😂
ريم: احكي سامعة
محمد: مكارم موافقة ؟
ريم: داير الحق ولا ود عمو 🌚
محمد: الحق
ريم: مكارم بتخاف منك اكتر مني 🙆♀️🌚
محمد: للدرجة دي
مكارم: اييييك مبالغة من بتسمع اسمك بترجف
محمد: معناهو ما حتوافق 😔
ريم: والله يا محمد ما عارفة بس شكلها ما حتوافق بسبب خوفها منك فما حتقدر تتعامل معاك 😪
محمد: والحل شنو
ريم: انت بتحبها
محمد: ررريم 😠
ريم: يا زول موش هسي قولت لي اعتبريني صحبك يلا ما حأخاف منك وممكن تحكي لي عادي🙆♀️🌚
محمد: ايي
ريم: ايي شنو
محمد: ما تخليني اضربك
ريم: 😂😂😂خلاص يا باشا فهمنا اول مرة اعرف انك خجول يلا حأساعدك بس اي حاجة بمقابل
محمد: مادية حقيرة😂😂
ريم: ما هو لازم استفيد
محمد: تمام ما عندك مشكلة اي حاجة عاوزة حأجيبها ليكي
ريم: اتفقنا 🤛🤜 . حكيت معاهو وطلعت مبسوطة وحكيت لمحمود بالشمار وقعدنا نرقص 💃💃
اليوم التاني جيت لمحمد
ريم: انا ماشة لمكارم بعد نص ساعة اتصل علي تمام
محمد: عاوزة تعملي شنو
ريم: حأخليك تتكلم معاها حتعرف انك غير الشخصية الخاتاها ليك في رأسها اتعامل معاها على طبيعتك تمام عشان ما تنصدم بعدين 😂😂😂 . ضربني في رأسي خفيف 😂
محمد: كويس يا لميضة 😂 اخر الزمن بقيت اسمع لريم المجنونة
ريم: موش انا مجنونة القى ليك زول يقنع ليك مكارم 😑😑
محمد: اسفين 😂🙏
وقومت طلعت مشيت لمكارم
ريم: كروم مرت اخوي 😌
مكارم: ريم انا امس موش طردتك من بيتنا
ريم: ما متذكرة كدا هسي خلينا نحكي في الجد
مكارم: في شنو
ريم: فكرتي ؟
مكارم: والله يا ريم خايفة لو رفضتو مشكلة ولو وافقت مشكلتين 😭😭
ريم: انتي في زول في قلبك
مكارم: انتي عارفة انو لا عصوم وفصلتو اصلا انتي عارفة قصتنا
ريم: خلاص اسمعيني محمد ما ذي انتي فاكرة صح هو صعب بس بعمل كدا من خوفو علينا
مكارم: انتي ما قادرة تتعاملي معاهو
ريم: امس لمن رجعت من عندك حكيت ليهو انو انا بخاف منو طمني وطلع حنين والله من برا بس قاسي لو وافقتي ما حتندمي😊
مكارم: بس في خوف في قلبي 😭
ريم: حيزيلو هو ان شاءالله . بنتكلم تلفوني ضرب
ريم: ود حلال اهو محمد اتصل . رديت ليهو واتكلمت معاهو شوية
ريم: هاك اتكلم مع مكارم . طبعا هي اتخلعت ونططت عيونا😳😱 . مسكتها التلفون وطلعت الصالة😂😂 سليم جا عابر وشافني
سليم: السمينة عندنا 😂
ريم: ان شاءالله ربنا يديك مرة دبوبة بس عشان اشمت فيك يا بعيد😑😑
سليم: اصلا هي سمينة 😂😂.
ريم: دي منو دي 🤔
سليم: انتي مالك 🌚
ريم: ما تكون سارة السمينة ديك😱😱🤜
سليم: ايي 😏
ريم: وب علي يا سليم ليه اخترت سارة 😱😱. خالتو ابتسام جات
ريم: خالتو سليم قال اختار سارة السمينة ديك بتقتلتو والله
خالتو: ما فاهمة
ريم: قال مرتو سارة السمينة 😱😱 . خالتو ابتسام بتضحك بس😂😂😂
خالتو: هو اختارها براهو ربنا يعينو😂😂
ريم: ما عجبني ليك بس ربنا يعينك . هم الاتنين قامو يضحكو فيني ما عرفت السبب🤔 رجعت الغرفة لمكارم لقيتها بتتكلم لسع مع محمد وبتضحك كمان😱😱 موش دي هسي الكانت خايفة منو 🤦♀️🤦♀️ تاني طلعت عشان تأخد راحتها اشرت ليها لو خلصت انا برا هزت لي رأسها........