﷽
ـــــــــ
*عند مايا وجاك.*
جاك أخدها وراحوا قعدوا على السرير وجاب ليها ماية وإداها الكوباية أخدتها منه وهي بترتعش وشربت منها جاك كان قاعد قصادها على الأرض وبيبصلها بحنية.. Are you fine "هل أنتِ بخير"
مايا هزت راسها بمعنى لا.
جاك ضغط على سنانه بغضب.. ماذا حدث قُصي لي؟
مايا بخوف.. م ر ا د.
جاك بغضب.. ماذا فعل ذلك الحقير لن ينجو اليوم مني.
مايا برعب.. جاك اهدى مراد ما عملش حاجة أنا هفهمك.
جاك بغضب.. ماذا؟
مايا بخوف.. أنا كنت بكلم حسناء عادي ومازن قال لازم نربي مراد وعمل خطة تمام وبعدين..... بدأت تحكي لجاك كل حاجة وهو كان رافع حاجبه.
مايا.. ده كل اللي حصل.
جاك بغضب.. تستعملونني كأداة لجلب ذلك الحقير إليكِ مرة أخرى.
جاك قام ووقف وكان هيمشي بس مايا مسكت إيده بسرعة واتكلمت.. لا لا والله مش كدا جاك مراد أصلاً ما يعرفش مكاني فين؟
جاك بغضب.. وأنتِ تعلمين جيداً إنه سوف يجدك صح.
مايا.. لا المرة دي محدش يعرف أنا فين غير حسناء حتى مازن ما يعرفش أنا فين عشان يقول ليه.
جاك بغيظ.. تلك الحمقاء قد تخبر مازن بمكانك فعلاً ومازن سوف يذهب إلى مراد ويعلمه عليكِ الانتقال من هنا فوراً.
مايا بصدمة.. هروح فين؟
جاك.. لدي صديق لديه بيت على أحد جزر أستراليا سوف تذهبين إلى هناك لتأمينك.. ولن يخطر على خاطر أحد إنك هناك.
مايا بصدمة.. أستراليا.
جاك.. ببرود.. نعم.
مايا بصدمة.. طيب وماما والمنافسة اللي قربت دي.. دي فاضل عليها يومين مش هنلحق يا جاك.
جاك.. إذن هاتفك سوف يغلق تماماً وسوف أجلب لكِ هاتف جديد وبطاقة جديدة..
مايا.. أنت بتتكلم جد؟
جاك ببرود.. نعم أنتم بدأتم اللعبة دون التفكير في أن هذا الأمر ولابد من تأمين حياتك مايا هذه اللعبة خطرة ويجب علي حمايتك أنتِ وحسناء من تلك العائلة التي ورطتم أنفسكم معهم.
مايا.. بشكر.. ميرسي جاك لإنك دايماً اللي معايا ووقف جنبي بعد كل اللي حصل ده ما اتأخرتش عني دقيقة واحدة وحتى لما سافرت كنت دايماً على التواصل معايا أو مع ماما أنت بجد ضهري اللي دايماً بتسند عليه.
جاك ابتسم ليها.. لا داعي للشكر يا حمقاء ذلك واجبي.
جاك.. استعدي إذن للهزيمة على يد شركة Jarkam. "جركام"
مايا بابتسامة.. استحالة تفوز عليا الجارحي دايماً في المقدمة.
جاك بسخرية.. سوف تخسرين يا فتاة.
مايا.. بقوة.. استحالة وهتشوف.
جاك بتحدي.. سوف نرى؟
جاك فضل شوية مع مايا وجميلة وبعدين مشي ومايا مسكت اللابتوب بتاعها وقعدت تصمم عشان تهزم جاك لإن شركته فعلاً كبيرة والصعب الفوز قدامها.
ـــــــ
*عند مراد.*
جم رجالته ليه..
واحد منهم.. يا كبير حد موتها.
مراد بجنون.. مين هو اللي مش عاوزني أعرف الحقيقة.
كايا.. جه بلهفة.. مراد أنت كويس؟
مراد.. هند ماتت.
كايا بغضب.. ما تغور في داهية.. كفاية قرفها اللي كانت عاملة فينا تسلم إيدك إنك خلصت عليها.
مراد.. بحيرة.. مش أنا اللي قتلتها.
كايا بصدمة.. أمال مين.
مراد بحيرة.. مش عارف هي قبل ما تموت قالتلي إنها حجر في اللعبة وفي حد بيحركها بس مين ما عرفتوش.
كايا بصدمة.. نعم لعبة إيه دي ومين ده؟
مراد.. ما عرفش اتقتلت قبل ما تقول الاسم.
كايا.. بخوف.. مراد احنا لازم نعرفه مش هنسيبه يلعب بينا كدا؟
مراد بخوف.. اللي خايف عليها مايا.
كايا باستغراب.. مايا إيه دخلها؟
مراد.. قالت هيقتلها.
كايا برعب.. أيي.
مراد بغضب.. لازم ألاقي مايا بسرعة أكيد هو هيوصل ليها لو ما وصلتش ليها.
كايا.. لازم فعلاً نحميها ونزود حراسة على البيت عشان البنات وأبوك لإن أغلب الأوقات بنبقى كلنا بره وممكن يستهدف حد فيهم.
مراد.. معاك حق... ووجه الكلام لرجالته.. عاوزكم تقلبوا البيت حتة حتة لو لقيتوا حاجة عرفوني أي حاجة أنتم شاكين فيها أي حد عرفوني فوراً.
كايا.. وأنا وبلال هندور بره البيت والبيوت اللي حوالين البيت أكيد هنلاقي حاجة.
مراد.. بخوف.. بلاش أنت احنا ما صدقنا إنك بخير.
كايا بحب.. ما تخافش يا أخوي عمر الشقي بقي.
مراد.. خد من رجالتي معاكم بس أهم حاجة السرية عشان ما يعرفش ويكشفنا.
كايا.. تمام.
مراد.. كايا مين في البيت اللي اختفى أو محدش بيشوفه كتير.
كايا بحيرة.. ما عرفش أنت شايف إني في البيت على طول هسأل حد من اللي بيبقوا في البيت.
مراد.. بس من غير ما يشكوا فيك.
كايا.. أوك.
كايا مشي هو الرجالة ومراد فضل لوحده.. مين اللي يعرف سر موت أنجي غيري أنا ورجالتي.
فضل محتار ومش عارف يعمل إيه؟
ــــــــــــــ
*في شركة العزايزي*
كان مازن قاعد بيراجع أوراق الباب خبط ودخل السكرتير الخاص بمازن ومعاه ورق.
الشاب.. باحترام.. حضرتك ده الورق اللي حضرتك طلبته.
مازن.. تمام يعني دي الحسابات كلها.
الشاب.. أيون.
مازن.. تمام تقدر تمشي.
مشي الشاب.
ــــــــــــــــــ
فون مازن رن وكان عمر.
مازن رد وهو بيقلب في الورق.
مازن.. نعم.
عمر بضيق.. أنت فين؟
مازن.. في الشركة.
عمر.. خمسة وأكون داخل عليك عاوزك.
مازن بسخرية.. أكيد مصيبة.
عمر.. بتنهيدة.. لما أجي هتعرف.
مازن.. أوك.
وقفل معاه.
شوية وعمر جه.
دخل من غير ما يخبط.. وقعد بضيق
مازن.. بغيظ.. أنت داخل سوق مش تخبط يا حمار أنت.
عمر بضيق.. مازن أنا مش رايقلك.
مازن باستغراب.. مالك يا ض؟
عمر بضيق.. متخانق في المستشفى.
مازن.. غريبة عمر يتخانق أنت مش ملاحظ الأيام دي بقى خلقك ضيق وبيت بتتخانق مع الكل وعلى كل حاجة.
عمر بضيق.. مخنوق أوي يا مازن.
مازن.. ساب الورقة.. مالك.
عمر بضيق.. نادر جه ليا انهاردة المستشفى.
مازن باستغراب.. مين نادر؟
عمر بغضب.. اللي كان خطيب شوق.
مازن بصدمة.. هي كانت مخطوبة أصلاً.
عمر بضيق.. أه كانت مخطوبة وأنا اتجوزتها وأخدتها منه.
مازن بغضب.. نهار أبوك مش فايت.
عمر بضيق.. مازن اتلم عشان ما أقومش أكسر المكتب على دماغك.
مازن بسخرية.. كمل يا عم روميو.
عمر بغيظ.. جه انهاردة وعصبني وكان عاوز ياخدها معاه.
مازن بسخرية.. ياخدها معاه إزاي دي متجوزة.
عمر بضيق.. أنا اتعصبت ومسكنا في بعض وضربته لحد ما فقد الوعي ولو ما كانوش حشوني عنه كنت زماني دابحه.
مازن بصله بصدمة.. نعم.
عمر بغضب.. استفزني يا مازن هو لو حد جه وقال هاخد منك حسناء هتسكتله.
مازن.. لا طبعاً ده أنا أجيب رقبته تحت رجليا.
عمر.. أنا كنت هعمل كدا بقا.
مازن.. طيب اهدى تشرب إيه؟
عمر.. مش عاوز.
مازن كلم الشاب وطلب منه اتنين قهوة.
مازن.. بهدوء.. طيب ونادر ده فين دلوقتي؟
عمر بضيق.. متلقح عندنا في المستشفى.
مازن.. بص يا عمر أنا مقدر موقفك بس قدر كمان موقفه أنت أخدت خطيبته منه وروحت اتجوزتها.
عمر بغضب.. أقدر إيه يا عنيا أصلاً ده كان خاطبها بالقوة وغصب عنها وربنا يربيه هو وجوز أمها ده.
مازن بعدم فهم.. أنا مش فاهم حاجة بجد في إيه فهمني.
الشاب خبط ودخل بالقهوة.. حطها ومشي.
عمر.. هحكيلك... وحكى ليه كل حاجة ما عدا إنه اغتصبها عشان ما يتقلش من نظر مازن أو إنه يسمعها كلمة مش كويسة.
مازن بغضب.. ده عاوز يتربى يا معلم.
عمر.. ما أنا بقول كدا.
مازن.. هكلم المحامي وأخليه يرفع عليهم قضية بمنع تعرض ليها ولا لأمها وأكيد هيتحبسوا الاتنين على اللي حصل.
عمر.. لازم الأول نخلي أم شوق تحت عنينا عشان ما نعرفش هما ممكن يعملوا فيها إيه.
مازن.. فعلاً معاك حق بس هنجيبها هنا بحجة إيه عشان محدش يشك فينا.
عمر.. هخلي شوق ترن عليها وتقولها إنها تعبانة وأمها هتيجي ووقتها نبعت ليهم الشرطة ياخدوه هو ونادر ونخلص من قرفهم الاتنين.
مازن.. أشطا وأنا هقول لمراد يزود حراسة على البيت.
مازن مسك الورق تاني وكان بيقلب بس رجع بعيونه على الورقة اللي قلبها واتصدم.. نهار مش فايت.
عمر بخضة.. في إيه؟
مازن.. في تحويل 20 مليون جنيه لشركات وبنوك بره.
عمر بصدمة.. مين عمل كدا؟
مازن.. والصدمة الأكبر عمك موقع عليهم يعني خارجين قانوني.
عمر.. ما يمكن عمي ليه شركة بره.
مازن.. لا مفيش غير شركة مراد وملهاش دعوة بينا أصلاً
عمر.. أمال اتحولوا لمين.
مازن.. ما عرفش لازم نسأل عمي دلوقتي تعال معايا.
عمر.. راجع تاني يمكن في غلط.
مازن.. خد أهو شوف بعينك.
عمر أخد الورق وبص فيه بصدمة.. مازن شوف بقى الحسابات.
مازن أخد الورق وبدأ يركز فيه هو وعمر واتصدموا إن في كمية تحويلات لدول مختلفة وبنوك مختلفة وجاسر موقع عليهم.
عمر.. كدا لازم نسأل عمي عليهم.
مازن.. يلا.
وأخده وراحوا لمكتب جاسر خبطوا ودخلوا.
جاسر.. أهلاً الدنيا نورت عمر عندنا.
عمر بتوتر.. بنورك يا عمي.
وبص لمازن.
جاسر بقلق.. في إيه؟
مازن بتوتر.. عمي هو أنت فاتح شركات تانية بره البلد.
جاسر باستغراب.. شركات لا ليه بتقول أكيدة.
مازن بصله بصدمة.. نعم أمال التحويلات دي كلها عدت إزاي؟
جاسر بعدم فهم.. تحويلات إيه؟
عمر.. عمي في تحويلات لبنوك وشركات بره بملايين وعليهم توقيعك.
جاسر اتصدم.. فين دول؟ أنت بتقول إيه؟
مازن إداه لجاسر الورق والحسابات وجاسر اتصدم.
جاسر.. أنا أول مرة أشوف الورق ده أصلاً.
عمر بصدمة.. أمال توقيعك وصل هنا إزاي؟
مازن.. كدا وضحت في حد بيسرقنا في الشركة.
عمر.. طيب وهنعرفوه إزاي.. دي تحويلات كبيرة دي مصيبة.
مازن.. عمي حد مضاك على ورق من غير ما تراجعه.
جاسر.. الفترة الأخيرة من المشاكل ما كناش بنراجع.
مازن.. طيب والعمل دلوقتي.
عمر.. بتعمل تحقيق مع الكل واللي ماسكين الحسابات دول مش لعبة.
جاسر.. أنا هعمل كدا فعلاً وهمنع أي جنيه يخرج من الخزنة من غير ما يعدي عليكم.. مازن اتصل على مراد عاوزه هو وكايا يكونوا عندي انهاردة.
مازن.. تمام.
ـــــــــــــــ
مراد كانوا البنات قاعدين وأول ما حسناء شافته اتخضت.
قعد وبعدين كايا جه.
كايا بمرح.. مسا مسا على الناس الكويسة.
ورد.. مسا مسا.
كايا بص لمراد لقاه محتار لسه.
كايا.. جماعة فين البت شربات ما شوفتهاش من زمان.
ورد بغيرة.. وعاوزها ليه.
كايا ضحك.. بنت عمي وبسأل عنها عادي على الأقل مش عندها أخ بينط ليا في كل حاجة.
ورد بصتله بغيظ.
جليلة.. ما شوفتها برضو من يوم ما اتخطفت ورد.
مراد بص لكايا وكايا بصله..
كايا باستغراب.. يعني روحت عندهم.
جليلة.. ما أخبرش.
مراد.. طلع فونه ورن على أبو شربات.
مراد.. كيفك يا عمي.
أبو شربات.. بخير يا ولدي أنت كيفك وكيفها شربات بنت الكلب ما بترنش تطمن علينا.
مراد بصدمة.. والكل بصله على تعبير وشه.
مراد.. الحمد لله هي كويسة بس أنت خابر الامتحانات وكدا.
أبو شربات.. ربنا معاها وقعد يتكلم مع مراد.
مراد خلص وقفل معاه.
مراد.. ما هيش في البيت.
جليلة بصدمة.. أمال البت فين؟
كايا.. لازم ندور عليها.
مراد.. فعلاً.
وقاموا يدوروا عليها وكايا كلم بلال عشان يدور معاهم عليها.
بلال نزل تحت كان بيدور في البدروم سمع صوت ضعيف.
مشي ورا الصوت كان جاي من ورا الباب.. بلال كسر الباب واتصدم وويتبع.