رواية كراشي المستفز الفصل الثالث 3 بقلم شذى عبدالمكرم
بعد يومين ذي العصر قاعدة العب مع محمود كورة جوا البيت⚽ وامي كم مرة حذرتنا بس اه القلب لا يبالي بس وانا معروف بأني محمد ولد لاني متربية بين ولدين بنلعب كدا انت يا محمود شوت الكورة شديد ومشت بيت الجيران سمعنا حاجة اتكسرت بالراحة انسحبنا وجينا قعدنا امي لمن احتارت فينا😂😂
امي: مالكم ساكتين . عاينت لمحمود وهو عاين لي
الاتنين : ماف حاجة
امي: والله سكوتكم دا وراهو مصيبة ربنا يستر. شوية سمعنا الباب ضرب الاتنين قومنا جاريين ودخلنا غرفتي وقفلنا الباب
ريم: الليلة كتمت. 😂😂 الاتنين بقينا ندور جوا الغرفة😂😂 بعد شوية ابوي ضرب باب الغرفة
ابوي: تعالو طالعين عملتو شنو يا سجمانين
ريم: ابوي والله بالغلط
ابوي: الليلة بوريكم بالغلط دي كيف موش امكم كم مرة حزرتكم الليلة اوريكم تاني تلعبو جوا البيت كيف اطلعو
محمود: ابوي اسفين تاني ما بنكررا
ريم: والله ما بنكررا😭😭
ابوي: تطلعو ولا اكلم ليكم محمد
ريم: ابوي بلاش محمد طالعين خلاص بس ما تكلمو. بنخاف من محمد اكتر من ابوي😭😭 بالراحة فتحنا الباب وكان ماسك سير كهربة . طوالي محمود وقف ورا ضهري العولاق وانا بقيت في وجه المدفع😂😂😂
ابوي: سريع تمشو الدكان تشترو لمبة وتركبوها انتو الاتنين ماف زول يساعدكم فاهمين
الاتنين: والله فاهمين. ضرب اي واحد فينا صوت في ضهرو قعدنا نتململ 😂😂😂 شيلنا القروش وفي الشارع اي واحد بحاشي اخوهو ونهظر لمن اشترينا اللمبة والباقي شيلنا بيهو اندومي ومشينا بيت الجيران وركبنا اللمبة واعتذرنا ورجعنا البيت وطبعا بنهظر كالعادة 😂😂🕺💃
الاتنين : امييييي
امي: اهو المصايب وصلو 😂😂😂. بس اتفاجأنا بسليم ومكارم وخالتو ابتسام قاعدين سلمنا عليهم
خالتو ابتسام: قالو عملتو مصيبة 😂😂
ريم: امي متين لحقتي تحكي ليهم 😑
سليم: اكيد انتي السبب بس
ريم: انت دخلك شنو 😠
امي: اتكلمي عديل يا بت
ريم: امي انتي ما شايفة بتتكلم معاي كيف😭😭
خالتو ابتسام؛: سليم خلي البت في حالها . بقينا الاتنين نحمر في بعض😂😂 مشينا مع مكارم عملنا الشاي ومحمد جا قعد وشربنا مع بعض اليوم التاني عندنا مناسبة بت في الحي وعاملين ليها جبنة حبشية وطبعا انا ومكارم بتاعين فارغة😂😂😂ضربت ليها تجي تلبس معاي ونمش مع بعض اتجهزنا زين وسرحنا الشعر وطلعنا الخصل وجاينا طالعين بس لقينا محمد في وشنا هو داخل البيت خلاص الموت جاكم يا تارين الصلاة😂😂😂
محمد: على وين
ريم: م م ماشيين ب بيت ناس م مناسك عندها جبنة حبشية
محمد: اول حاجة سريع جوا دخلو شعركم دا والله احلقو ليكم اصلا وينو الشعر البطلعو. ثانية بس لقانا ماشيين قدامو😂😂🏃♀️🏃♀️مكارم بتخاف منو اكتر مني 😂😂 اي زول لمى شعرو طبعا مكارم شعرها كويس بس تعالو لي انا يلا ويمين وبعد ماسكات الدنيا دي كلها حتى لحق رقبتي وبقى ذي حق البنات 😂😂😂 وحجبنا الطرح حتى طلعنا
محمد: اوع تتأخرو تمام
ريم: ت ت تمام . طبعا مكارم خشمها وعندها جبانة خلاص حتى لمن اشتبك مع سليم بتبيعني الحيوانة😂😂😂😂 وصلنا بيت المناسبة وهججنا مبالغة قولت ليكم بتاعين فارغة شديد😂😂بعد طلعنا وقعنا قطيعة في الكانو قاعدين ما خلينا زول 😂😂 اي وحدة وصلت بيتهم 🙂
ريم: محموووووود
محمد: ابلعي لسانك دا
ريم: اسفين. فتشتو لقيتو في الغرفة بلعب بلايستيشن
ريم: يا خاين يا خسيس تلعب براك😲
محمود: انتي بعتيني ومشيتي بيت ناس مناسك😫
ريم: معليش يا مكنة اخر مرة 🌚
محمود: قدام يا اخوي 👍 نلعب سباق عجلات كيف
ريم: ظابط شغلو زمن اغير اجي
محمود: تمام. مشيت غيرت وجيت العب معاهو لعبنا ومحمد كل مرة بهرشنا للصلاة صلينا وواصلنا لعب لمن تعبنا ونومنا نومت معاهو في غرفتو امي جات غطتنا ومشت..