﷽
ــــــ
مايا بصدمة.. كان مضمون الرسالة "Get ready, we're going to the stadium tomorrow.
" جهزي نفسك بكرة هنروح الاستاد "
مايا بصدمة.. نعمل إيه هناك؟
جاك.. لدي مباراة غداً وأريد أن تذهبي معي.
مايا.. أوك.
جاك.. سوف آتي غداً في تمام الساعة الواحدة ظهراً.
مايا.. بحزن.. ليه كدا يعني أنا عاوزة أناام.
جاك بغيظ.. إنتي غيبوبة يا فتاة سوف آتي استعدي وإلا سوف أخذك بملابس المنزل.
مايا.. بصدمة.. نعم في البرد ده.
جاك بابتسامة استفزاز.. نعم.. وإنتي تعلمين جيداً إنني أفعلها.
مايا بغيظ.. عارفة من غير ما تقول هو أنا هتغير عليك.
جاك.. تصبحين على خير يا فتاتي.
مايا.. وأنت من أهل الخير.
سابت الفون من إيديها وقامت من على السرير تشوف هتلبس إيه بكرة وقفت قدام الدولاب محتارة مش عارفة تلبس إيه؟
طلعت هدومها كلها وفي الآخر اختارت فستان ومعاه من فوق جاكت ورجعت باقي الهدوم من تاني وحطتهم على الكرسي وراحت تنام.
ــــــ
عند حسناء.
ورد وشوق كانوا بيبصولها بقلق.
ورد.. في إيه احكي لنا؟
حسناء بلعت ريقها بصعوبة.. مفيش بس جاك ليه أعداء كتير وبخاف عليه منهم.
شوق بشك.. متأكدة عشان كدا خايفة هو ده السبب.
حسناء بتوتر.. آه.
ورد.. ربنا يحميه منهم.
حسناء.. يا رب.
ورد.. أنا هقوم الوقت اتأخر واليوم كان طويل.
حسناء بضحك.. رايحة فين يا بت رايحة تشوفي كايا.
ورد بكسوف.. وغيظ.. لا يا أختي رايحة أنام.
شوق.. تصبحي على خير.
ورد.. وإنتي من أهله.
ورد مشيت... وشوق بصت لحسناء بشك.
حسناء.. برفع حاجب.. مالك يا شوق.
شوق.. معرفش شكلك مخبية حاجة بس إيه هي معرفش احكيلي لو في حاجة مزعلاكي.
حسناء بحزن.. وحشني أوي تعرفي إنه مكلمنيش من يوم ما اتجوزت أنا ومازن.
شوق بصدمة.. مين ده؟
حسناء بدموع.. جاك مكنش موافق على جوازي من مازن ولا جواز مايا من مراد وقال هتوجعوا إنتوا الاتنين ولما عنّدنا قدامه قال خلاص بس مليش علاقة بيكم تاني وحشني أوي حتى لو جه وضربني موافقة بس أترمي في حضنه من تاني.
شوق خدتها في حضنها بحزن.. حاسة بيكي لأن أنا مليش إخوات حتى أمي لما اتجوزت اداها حبوب منع الحمل عشان متحملش منه وتجيب عيل بس تصدقي أحسن حاجة عملها في حياته إنه مخلاش أمي تحمل منه.
حسناء بدموع.. ليه.
شوق بغضب ودموع.. واحد حقير ومعندوش لا دم ولا أخلاق أهم حاجة عنده مزاجه وبس باع أمي اللي وراها واللي قدامها حتى الشقة اللي فضلت لينا من بابا خلاها كتبها باسمه ربنا ياخده ونخلص منه.
حسناء بزعل عليها وعلى أمها.. طيب مامتك مطلقتش منه ليه؟
شوق.. ماما مريضة وبعدين هتطلق منه كان هيرمينا بره البيت ما هي الشقة خلاص باسمه كانت هتروح فين يعني يا حسناء.
حسناء بزعل.. طيب دلوقتي إنتي اتجوزتي عمر خليها تطلق منه وتيجي تعيش معانا هنا.
شوق.. ماما عمرها ما هتيجي تعيش معايا عشان الناس ميقولوش عليها راحت عالة على بنتها وجوزها وبعدين أصلاً محدش يعرف هناك إني أنا وعمر اتجوزنا غيرها ده لو جوزها عرف مش بعيدة يقتلها ويجي يقتلني هنا.
حسناء بصدمة.. ليه هو مال أهله.
شوق بدموع.. اسكتي يا حسناء خليني ساكتة وكاتمة جوايا.
حسناء خدتها في حضنها.. احكي إنتي زيكم زي مايا عندي.
شوق بدموع.. حاول يتهجم عليا كتير يا حسناء قبل كدا بس ربنا كان بينجدني منه.
حسناء كانت مصدومة.. نعم.
شوق.. آه وعمل كتير أوي يا حسناء.
حسناء بغضب.. ده عايز يتربى بجد إزاي يعمل كدا إنتي بنت مراته وده حرام أصلاً إنتي زيك زي بنته.
شوق بدموع.. اللي زي ده ميعرفش الحلال من الحرام.
حسناء.. طيب عمر يعرف بكدا.. وساكت.
شوق.. عمر قالي أجيب أمي بس عشان ميأذيهاش وهربيه على اليوم اللي فكر إنه يقرب منك فيه.
حسناء.. أيوة هو معاه حق طنط لازم تيجي تبقي في وسطنا وجودها هناك خطر عليها.
شوق.. ما أنا خايفة عليها معرفش بيحصل فيها إيه هناك.
حسناء.. رني عليها دلوقتي وقوليلها إنك تعبانة أوي وفي المستشفى ولازم تيجي ضروري.
شوق.. بخوف.. ممكن أمي قلبها يقف من الخضة.
حسناء.. خلاص رني على عمرني واسأليه تعملي إيه وخليه يبعت ليها عربية تجيبها من هناك ضروري.
شوق.. تمام هرن على عمر.
وطلعت فونها ورنت عليه.
عمر كان جاي في الطريق.
فتح.. ألو.
شوق.. ألو عمر بقولك إنت فين حد جانبك.
عمر بقلق.. لا أنا جاي في الطريق أصلاً في إيه إنتي كويسة؟
شوق.. أيوة يا حبي بس كنت عاوزة أقولك على حاجة.
عمر بقلق.. شوق في إيه متقلقنيش.
شوق.. لما تيجي هقولك إنت فين دلوقتي.
عمر.. داخل على البيت أهو.
شوق.. تمام خلي بالك من نفسك.
عمر.. تمام.
وقفلت.
حسناء كانت بتبصلها وتضحك.. شوق باستغراب.. مالك؟
حسناء بضحك.. متقلقش يا حبيبي 😂.
وكانت بتقلد شوق.
شوق.. بغيظ.. اتلمي ها وبعدين إنتي مش بتدلعي مازن يعني وتقوليله حبيبي.
حسناء ضحكت بصوت عالي.. أقول لمازن حبيبي ده روحي وأبو عيالي يا بت.
شوق بغيظ.. إنتي متأكدة إنك أجنبية يا بت بحسك بتضحكي علينا.
حسناء بضحك.. لا هندية قومي يا بت شوفي الواد اللي جاي ده أكيد عاوز ياكل أكليه وشربيه كويس وبعدين اصدميه بالخبر بسرعة عشان لو صدمتيه الأول مش هياكل وهيتعكنن ويعكننها على أمك اسأليني أنا الرجالة دول هيودونا القبر بدري بدري.
شوق.. معاكي حق باي.
شوق قامت وفضلت حسناء قاعدة لوحدها مستنية مازن مسكت فونها وفتحت صفحة أخوها وقعدت تشوف الصور بتاعته وقد إيه هو وحشها فعلاً دخلت تكلمه كانت مترددة خرجت ودخلت تاني.
حسناء بتردد.. ابعتي يا حسناء حتى لو هيشتمك المهم إنك تطمني عليه.
بعتت.. How are you doing? "عامل إيه؟"
استلم الرسالة كانت هتمسحها لكن هو رد عليها
جاك I'm fine, how are you? "أنا بخير كيف حالك إنتي؟"
حسناء دموعها نزلت.. وفكرت إنه مش هيرد عليها لقت اللي بيرن عليها فتحت عليه.
جاك.. بتنهيدة.. Hasnaa "حسناء"
حسناء خدت نفس طويل وطلعته لما هو نطق اسمها.. وقد إيه مشتاقة ليه ولصوته.
حسناء.. بحب.. spiritual "روحي"
جاك ابتسم.. بحب.. اشتقت لك كثيراً.
حسناء بدموع وحب.. وأنا إنت وحشتني أوي أوي ومامي وحشتوني كلكم.. كدا يا جاك ما تسألش عليا عارفة إني غلطت بس إنت الوحيد اللي كنت بتقف لبابي عشاني دلوقتي حتى معنتش بتبعت نقطة حتى واحدة.
كانت بتتكلم بعتاب كبير.
جاك بحزن.. لم أتصور هذا حسناء كنت أتألم كثيراً أنتي تعلمين لماذا ولكنك وقفتي معاه.. أنا لم أعتقد أن الفتاة الصغيرة التي كبرت أمام عيوني تقف مع شخص أنا أعلم جيداً أنه لن يكون جيد بالنسبة لها.
حسناء بدموع.. أنا بحبه يا جاك ومازن بيحبني وعمره ما جرحني حتى.
جاك بسخرية.. فعلاً تكذبين علي بسببه.
حسناء.. قصدك إيه؟
جاك بسخرية.. أعلم أنه طلقك قبل ذلك هل هذا هو الحب التي تتحدثين عنه.
حسناء بصدمة.. عرفت منين؟
جاك بسخرية.. أنا أعلم ماذا يحدث معك هناك وماذا كان يحدث مع هذه الحمقاء الأخرى لا تعلمين أنني أعلم كل شيء ولو قسوت عليك فلن أتركك إنتي ابنتي وليست أختي فقط.
حسناء بصدمة ودموع.. جاك إنت جربت الحب وعارف إزاي هو وأنا بحب مازن وكمان حامل منه هتبقى خالو يا جاك.
جاك ابتسم بسخرية عليها.. فتاتي بجانبي الآن ولن أتركها ثانية يا أختي مبارك لك.
حسناء بحزن.. مالك بتقولها من غير نفس ليه؟
جاك.. بغيظ.. كم أود أن آتي وأكسر راسك اللعين هذا وآخذك معي ولكن إنتي متزوجة من أحمق وتحملين بطفل منه.
حسناء.. بضحك من بين دموعها.. وحشتني يا جاك ووحشني جنانك عليا وحشتني.. بقولك إيه هكلمك تاني شكل مازن جه ومش عاوزة خناق إنت وهو باي.
في اللحظة دي مازن كان داخل ولسه هيفتح الباب وسمع الكلام اللي بعد وحشتني اتصدم.
مازن بصدمة.. حسناء بتخوني.
مازن دخل وعمل نفسه مسمعش حاجة.. ودخل على الحمام.
حسناء مسحت دموعها وقامت حضنت مازن من ضهره لما خرج كانت مبسوطة.
مازن.. بجمود.. حسناء أنا تعبان وعاوز أنام.
حسناء باستغراب.. مالك يا مازن؟
مازن.. تعبان اليوم كان طويل اطفي النور ونامي.
مازن راح على السرير والشك كان هيموته وإزاي هي بتخونه ومع مين إزاي قدرت تعملها.
حسناء طفت النور وكانت مستغربة مازن وراحت نامت وهي مقررة تصلح العلاقة بين مازن وجاك.
ـــــــــــــــ
عند مراد
كان كلام كيليان في دماغه وإن الخطة دي خطيرة جداً وهتحتاج وقت كبير.
مراد.. لازم أزور الشركات دي والبنوك لازم أتأكد وأعرف مين غريمي. وافتكر كلام كيليان.
.. مراد يجب أن تذهب إلى هناك وأنا هدور في البنوك هنا.
مراد مسك الأوراق وشاف أسماء الشركات اللي كانت في المكسيك وأستراليا والهند وكندا وإيطاليا.
مراد.. كيليان هيبحث في المكسيك والهند وإيطاليا.. وأنا لازم أسافر كندا وأستراليا والمكسيك.. لازم أسافر بكرة كندا وبعدين هروح المكسيك وبعدين أستراليا.
رن على حد وقاله يحجز تذكرة ليه بكرة على كندا.
قفل وجهز شنطته وراح ينام.
كان في إحساس غريب جواه مش عارف إيه هو ولا من إيه؟
ـــــ
عند عمر وصل وشوق قالتلو وقالها الصبح هبعت ليها.
الكل ناموا.
الصبح.
مراد صحي بدري عشان معاد الطيارة وراح المطار استنى ساعة وبعدين الطيارة جه معادها وراح يركب والطيارة أقلعت متجهة إلى كندا.
عند مايا..
صحيت من النوم لقت رسالة من جاك ورن كتير افتكرت جاك والمباراة وقامت بسرعة تلبس ونزلت بسرعة لقيته مستنيها في العربية وبينفخ.
مايا.. بتأسف.. بعتذر راحت عليا نومة اهدى لسه الساعة واحدة ونص.
جاك بصلها بغيظ.. وشغل العربية ومشيوا.
بعد كام ساعة كان مراد نزل على أرض كندا و... يتبع.
ملحوظة.. مايا صاحية متأخرة مراد الطيارة بتاعته كانت الساعة 8 الصبح عشان بس محدش يجي يقولي إزاي.