#عودة_عاشق2
﷽
ـــــــــ
ورد صرخت.. كمااال.
وهي شايفة الدم بينزل من حاجبه ومن قوة الخبطة نزل على ركبه وبان عليه التعب.
مغاوري بغضب وراح مسك ورد من فكها.. بتصرخي باسمه ليه بتحبيه هخلصلك عليه زي ما خلصت على حبيب القلب القديم.
ورد برعب.. اوعك اوعك تعمل فيه حاجة هو ملوش ذنب.
مغاوري بغضب.. خايفة عليه طيب أنا هخلصلك عليه انهارده وقدام عينك.
ورد بصلتله برعب.
مغاوري شاور لرجالته وواحد فيهم جاب حبل ولفه على رقبة كايا وبدأ يخنق فيه واتنين مكتفينه ومقعدينه على الأرض.
ورد بصريخ.. الحقووونا يا خلق هيموتوا الجدع ابعد إيدك عنه انت وهو يا لهووووي.
كايا بسخرية وهو مش قادر ياخد نفسه ووشه أزرق.. بتستخبى في رجالتك عشان إيه عشان مش راجل خليك راجل لراجل بدل ما انت مستخبي كدا زي الحريم.
مغاوري ساب ورد وراح ليه وبرجله في بطن كايا وكايا كان بيضحك.. وده جنن مغاوري أكتر ونزل لمستواه.. انت معندكش دم ولا إيه؟
كايا بسخرية.. أنا الموت قبل كدا مقدرش عليا انت هتقدر عليا غبي هه.
ورد كانت مستغربة ومش فاهمة حاجة وبدأت تتكلم بغيظ.. انت بتضحك على إيه انت كمان ده هيموتك إيه جابك هنا يا ولد الناس وخالك ترمي نفسك في الموت.
جه عليهم صوت.. عشان بيحبك.
الكل بص للصوت ده واتفاجئوا.
ـــــــــــــ
عند مايا.
كانت بتتكلم مع حسناء وفجأة دخلت جميلة بلهفة وجريت عليها وحضنتها بخوف.
مايا باستغراب.. ماما بتعملي إيه هنا وبعدين انتِ لسه تعبانة.
جميلة بخوف.. انتِ كويسة أهم حاجة؟ وبعدين بصت على حسناء وبدأت تزعق ليها.. انتِ كبيرة يا حسناء أكبر من مايا معقولة تسيبيها كدا ترمي نفسها في النار من غير ما تنصحيها حتى هي دي الصحوبية يا ستي كنتي نصحتيها من باب إنكم ولاد خالة وإنك بنت أختي ليه تشجعيها على الغلط يا حسناء وانتِ عارفة كويس أوي إن مراد ده هلاك مش نجاة ليها.
حسناء دموعها نزلت.. والله يا خالتو نصحتها بس.
قطعتها جميلة بعنف.. بس إيه هو عشان ابن عم جوزك وخايفة على بيتك إنه يتخرب والأستاذ بتاعك يقولك حاجة تورطي بنتي التوريطة دي أنا مايا هتسافر معايا القاهرة انهارده.
مايا بصدمة.. استحالة أسيب مراد.
جميلة بغضب.. مراد مراد هو حد جايب لينا الصداع غير مراد مفيش مراد تاني وعشان أنا دلعتك وبقيت بعمل ليكي كل اللي انتِ عاوزاه خلاص كدا يبقى كلامك هيمشي عليا من انهارده مفيش مراد تاني انتِ فاهمة.
مازن خبط ودخل واتصدم بجميلة.
مازن بابتسامة وكان رايح يسلم عليها.. بس هي شاورت بإيديها ليه بمعنى خليك مكانك.
مازن اتصدم.. وبص لحسناء لقاها بتعيط ومايا متعصبة فكر حسناء حكت ليها على موضوع طلاقهم عشان كدا هي مش طايقاه.
مازن.. طنط اهدي بس وأنا هقولك اللي حصل أنا مكنتش قاصد إني أطلقها والله كان غصب عني.
جميلة بعدم فهم.. طلقها.
حسناء حطت إيدها على راسها بولولة ومايا بصلته بغضب.
مازن بعدم فهم.. في إيه يا جماعة أنا مش فاهم حاجة؟
جميلة قامت وراحت قدامه ووقفت بشموخ.. طلقت مين يا مازن؟
مايا من وراها كانت عاملة تشاور ليه بمعنى متقولش حاجة وهو مش فاهم.
جميلة بزعيق.. طلقت حسناء يا مازن.
مازن.. بهدوء.. طنط اهدي وأنا هفهمك.
جميلة بغضب.. تفهمني إيه يا مازن أنا بناتي اتخربت حياتهم بسببكم أنا هاخد بناتي معايا وهنسافر انهارده.
مازن بعدم فهم... تسافروا تسافروا على فين؟
جميلة... مش يخصك معتش يخصك لا انت ولا هما وبعدين يا قليلة الحياء قاعدة في بيت غريب وكل شوية بتشوفيه إيه يا جبروتك بجد هو طلقك قاعدة في بيته بصفتك إيه فهميني........
حسناء كانت منهارة ومش قادرة تفتح بقها وعارفة إن جميلة معاها حق في كل كلمة.
مايا كانت هتتكلم بس اتكلمت جميلة بحدة.. اخرسي مش عاوزة أسمع نفسك انتِ كمان عشان انتوا الاتنين زودتوها أوي يلعن أبو الحب اللي يجي على كرامتك انتِ وهي والأستاذ مازن هو ده الوعد اللي وعدته لأبوها وانت حاطط إيدك في إيده هو عشان أهلها مسافرين بره مصر يبقى ملهاش أهل تبيع وتشتري فيها لا حسناء ليها أهل وليها رجالة يترد عليهم والطلاق مش لعبة عشان تلعب بيها يا مازن حسناء هتيجي معايا انتِ ومايا لموا حاجاتكم وهنطلع انهارده على القاهرة فاهمين.
مازن بغضب.. حسناء مش هتسافر حسناء مراتي.. أنا رديت حسناء في نفس اليوم يعني اللي حضرتك بتقوليه يا طنط ده مش هينفع دي مراتي ومكانها جانبي جانب جوزها.
جميلة بحدة.. هتطلقها دلوقتي وهتيجي معايا مش هسيب بناتي هنا دقيقة واحدة.
مازن بغضب.. مش هتتنقل حسناء من هنا مكانها جانبي جانبي يا طنط انتِ مش راضية تفهمي ليه مراتي وحامل بابني.
جميلة.. حسناء هتيجي معايا ولا هتفضلي هنا وتخسرينا زي ما خسرتي كرامتك؟
حسناء كانت منهارة واتصدمت.......
ـــــــــــــــ
عند عمر وشوق.
شوق بصدمة.. بتقول إيه؟
عمر ببرود.. ولا حاجة.. ولف الناحية التانية
شوق بدموع في عيونها.. وبصت لدبلة اللي في إيديها.
شوق.. عمر عاوزة أقولك على حاجة؟
عمر رجع بصلها تاني.. خير.
شوق.. بدموع.. ساعدني يا عمر أخلص منه.
عمر بصلها بانتباه.. تخلصي من مين؟
شوق.. من نادر.. كانت الدموع متجمعة في عيونها.
عمر بغيرة.. وسخرية.. تخلصي منه ليه مش بتحبيه.
شوق.. ولا عمري حبيته أنا مبحبوش أنا اتخطبت ليه غصب عني عشان جوز أمي باعني ليه.
وفضلت تعيط بقهر.
عمر كان مصدوم 😳ومش فاهم باعها ليه إزاي؟
عمر.. جاب كوباية ماية واداها ليها واتكلم بهدوء.. اشربي واهدي كدا واحكيلي في إيه؟
شوق خدتها منه وشربت وبدأت تشهق بدموع.. نادر انت عارف إنه زميلي في المستشفى وهو كان عينه مني بس نادر مش كويس مش كويس يا عمر سمعته زي الزفت و حاول كتير يتقرب مني بس أنا كنت بصده عني وفي مرة كنت نبطشية ليل أنا مش قادرة أنسى اليوم ده اتهجم عليا يا عمر.
عمر كور إيده بغضب.. نعم.
شوق بقهر.. أيون وكان معاه اتنين من الممرضين الرجالة ومسكوني ليه كنت لوحدي في أوضة العمليات ولسه مخلصة العملية واخدة المريضة عشان ينقلوها أوضة عادية دخل نادر ومعاه اتنين رجالة.
ـــــــــــــفلاش.
ــــــــــ
عند مراد.
كان نايم وحواليه أجهزة كتيرة وكان جاسر وجليلة واقفين بره.
جليلة كانت بتعيط.
وجاسر حاسس إن ضهره اتكسر هو كان دايماً يقول معدش عنده ولاد وإن ولاده خلاص ماتوا الاتنين بس هو كان بيقول كدا من ورا قلبه مراد أول فرحته وابنه الكبير وسنده وضهره واللي كان بيبقى مبسوط أوي وهو سامع صوته في البيت نايم لا حول له ولا قوة.
جاسر راح قعد جانبه على الكرسي واتكلم بحزن.. كسرت ضهري يا ولدي شوفتك أكيد كسرت ضهري قوم وارجع لينا من تاني قوم ومتسيبش حقك لحد واصل انت طول عمرك مببتسيبش حقك هتسيبه دلوقتي مش تعرف مين اللي كان ورا الحريقة دي وبعدين هتسيب حبيبتك تسافر وتروح أمك وأمها اللي مكنوش بيتفقوا على حاجة واصل اتفقوا انهارده على فراقكم مايا هتسافر ومعتش هتعرف ليها مكان قوم يا ولدي البت محتاجاك.
جليلة بغضب.. بتقوله أكيد ليه البت دي هي السبب في اللي ولدي فيه.
جاسر بصلها بهدوء.. جليلة قبل ما تتحدتي عنها افتكري إنك ليكي بنت وهيترد فيها ربنا ما بيسيبش حق حد واصل.
جليلة.. رهف مش كيف مايا رهف جوزها خدها وقاعد بيها في السعودية بنتي متربية على الأصول وإنها بنت العزايزي مش كيف مايا بت مايصة ومايعة ولبسها قصير أما رهف بنتي منقبة وعارفة ربنا.. في فرق بين التربيات.
جاسر.. يعني قصدك إنك انتِ اللي بتعرفي تربي وبس ما هو عندك تربيتك أهي مراد ولا نسيتي.
جليلة.. مراد راجل ومايعبوش عليه حاجة أما التانية بت.
جاسر.. وهو أدام راجل ميتحاسبش والبنت بس اللي يتحط في قفاها المسلة جليلة راجعي نفسك قبل ما يجي اليوم اللي مفيش فيه رجوع.
جليلة سكتت وهو سكت وفضل باصص لمراد.
ـــــــــــ
عند بلال
كان هيتجنن على كايا ومش عارف يوصله وغير كمان سكر عمالة ترن عليه وهو مش عارف يقولها إيه وأفرض إنها طلبت منه إنها تكلم كايا هيجيب كايا ليها منين....
.. كايا انت فين رد عليا يا ربي أعمل إيه دلوقتي ولا أوصله إزاي الفون اتقفل أنا خايف عليه أوي مش مرتاح.
ــــــــــــ
عند كايا.
الكل اتفاجأ.
ورد بصدمة.. ست هند.
هند بسخرية.. أيون يا أختي.
مغاوري بغضب.. بيحبها كيف؟ ورد بتاعتي وبس.
هند جابت كرسي وقعدت عليه وحطت رجل على رجل بشر.. وقربت على وش كايا ومسكته بإيدها.. أقولهم تبقى مين ولا انت تقول.
كايا بسخرية.. كنت عارف إنك انتِ اللي وراها بس معنديش دليل.
هند ضحكت بشر.. هربت من الموت قبل سابق بس انهارده مش هتهرب أول ما الوصية بتاعتك تتفتح هخلص عليك.. والمرة دي هيكون بإيدي مش بإيد أي حد تاني.
كايا.. ههههه هتخليني عايش يا هند لحد ما الوصية تتفتح صح ههه غبية يا هند مقدرتيش تقفي قدامي قبل أكيد هتقف قدامي دلوقتي.. ورد أنا عارف انتِ عاوزة تخلصي منها ليه عشان هي تبقى بنت الساعي وبصلها بسخرية وبنتك.
الكل اتصدم.
هند بصدمة.. انت تعرف الحديث ده منين؟
كايا بسخرية.. هند روحك في إيدي ولو حصلي حاجة أو ورد بلاويكي كلها هتكون عند الشرطة وكل حاجة هتتفضح.
هند بسخرية.. أنا اللي وقعت بينك وبين مراد وأنا اللي غزيت سلاح مراد برصاص من غير ما يعرف وأنا اللي زقيتك في النص بين مراد وأبوك ومراد بيضرب كان عشان كان متأكد إن السلاح فاضي وأنا اللي سلطت الراجل اللي ضرب على جاسر نار في القعدة وأنا اللي خليت جليلة تتعمي وتاخد علاج غلط عشان تفضل أكيد هيجي عيل زيك يقف قدامي.
ورد بصدمة.. كايا.
كايا.. أيون كايا كابوس هند القديم ورجعت تاني من جديد ليها.
هند بغضب.. في ورايا رجالة يا كايا رجالة تقرقشك انت واللي معاك.. أنا مش هخاف منك.
كايا بسخرية.. لا لازم تخافي مفكرة إنك منكشفتيش تبقي غبية يا هند خلاص أيامك في عيلة العزايزي عادت معدومة.. وكان بيبص عليها بشماتة.
هند قامت ومسكت السكينة من على رقبة ورد واتكلمت بغضب وويتبع.
الفصل التاسع عشر من هنا