سحر طالعت كيس الهيروين من جزمتها فتحتها و بغل:- بقا انتي السبب في ان اختي تضرب و يتحلق شعرها انا بقا هخليكي تتمني الموت و مطلوش يا ساذجة يالى متسويش سوق الستات بصلة
بصت لحنين بثبات و جبروت:- فين الحقنة
حنين اتوترت ضربت ايديها على جبينها:- نسيتها
سحر بحدة:- غبية.... مش مشكلة هنجبس الجرح بيه
حنين هزت راسها بموافقة شالت راس راضية من على الارض و سحر بدات تحط الهيروين على راسها الباب اتفتح كانت خلود ضربت على قلبها بخضة و رعب :- هببتو اي في البت الله يخدوكم
حنين جريت على خلود:- هششش احنا معملناش حاجة طلعنا لقينها واقعة على الارض
خلود بصوت عالي:- وحيات امك الحركات دى على اخواتكم مش عليا انا هوديكم في ستين داهيه
سحر بحدة و جبروت:- مبقش غيرك يا خلود الى يتكلم يا بت انتي من يومين كنتي ارض بور... لو عايزة حملك يكمل و ابنك يتولد بخير هششش تخرسي خالص يلا شوفي رايحة فين
خلود فتحت الفون و لسه تكلم الاسعاف حنين خطفت منها الفون :- انتي جبتي اخرك معانا انا بحب اخويا اه لكن يكون سبب في فضحتي يبقا طز و الى يحصل يحصل
سحر بقت بتجبس في راس راضية خلود جت تصرخ حنين اخدت الطرحة عن رقبتها و بقت بتضغط بغل خلود حاسه ان روحها بتتسحب منها دموعها نزلت نفسها بدا يروح وشها بقا شاحب و ازرق وقعت على الارض شريط حياتها بيمر قدام عينيها غمضت عيونها بعد شوية
سحر خلصت و بصقت عليهم:- اشكال مورفة
حنين:- يلا
سحر:- يلا
حنين لفت وشها و لسه هيخرجو وشها جاب الوان لم شافوا خالتهم قدامهم
حنين:- خ خالتي اي الى جابك اقصد نورتي
سحر بتبتسم بتوتر و بتحاول تداري خالتهم بعدتهم عنها و دخلت هى و خديجة و نورهان و صفاء
صابرة وقفت مكانها متسمرة لم شافت خلود على الارض دموعها نزلت صرخت بأعلى صوتها بارتعاش:- خلوووود.... بنتيييييي
لفت وشها ليهم و هى بتضرب على وشها:- عملتو فيها اي يا كلاب انا هوديكم في ستين داهيه
صفاء شايلة ابنها واقفة مصدومة و الدموع في عينيها نورهان لفت وش ابنها الصغير علشان ميخفش طالعت الفون بايد مرتعشة و اتصلت بالاسعاف خديجه مشيت خطوات و هى بتترعش قربت من خلود نزلت لمستواها مسكت ايديها و حطت ايديها على رقبتها تشوف النبض اتنهدت بارتياح زحفت عند راضية حطت ايديها على قلبها بارتياح و بتعيط:- عايشين يا ماما لسه عايشين نورهان اتصلي بي الإسعاف قوليلهم يسرعو
نورهان هزت راسها و كلمت الاسعاف تاني في الوقت دا كان عمرو و هارون طالعين على السلم بيهزور و بيتكلمو
عمرو:- هو اي اللمة الى خالتك عاملها في شقتي دى بدور على مراتك في شقتي
هارون:- ياخي نفسي مرة تكون عاقل بقا
عمرو وصل شقته بيبص لخالتو باستغراب لف وشه وقف مكانه بصدمة رجليه مش شيله حط ايديه في شعره عينيه بتثبتة على راضية و البيبي رجع خطوة لوراء و اكن مخه اتلغه
فلاش
في البنك
راضية بتلعب بالقلم:- بلاش انا يا عمرو ... ارجوك بلاش
عمرو:- انتي فهمتي اي انتي دماغك حدفت على شئ تاني اصلا
راضية ميلت شوية:- طب ما تجيب من الاخر.... انا لو اترفد مش هسامحك
عمرو ابتسم :- و انا ميرضنيش برضو من الاخر انا بحبك و عايز اتجوزك ياما تكوني ليا ياما هدعي كل شوية ان حالك يقف
راضية رجعت بالكرسي لوراء و هى بتضحك و بتضرب كف على كف:- و انا بقول العرسان بتطفش عليا اتري الاستاذ بيدعي بوقف حالي....
مشهد تاني
في الكافي
راضية سندة خدها على ايديها بتبصله برقة و ابتسامة:- بتحبني
عمرو بحب :- بحبك دى كلمة قليلة انا بموت فيكي يا راضية
راضية ابتسمت بفرح و قالت بعفوية تداري بيه خجلها :- و انا بعشق امك
باك
هارون دخل الشقة كان بيبصلهم باستغراب و قلبه بيخبط و مقبوض عينيه اتثبت على خلود حاس ان الارض بتتسحب من تحت رجليه لكن جري عليها نزل لمستواها عينيه بتمشي على وشها المزرق الشاحب شالها و جري بيها برا الشقة بيبصلها و شريط حياتهم و ذكرياتهم بيمرو ببطئ قدام عينيه ضحكتها و غضبها جنانها خرجوا من العمارة هو و عمرو كانوا الجيران بيبصو عليهم بحزن و بيضربو كف على كف و متأكدين ان البنتين ماتوا وصلو لعربيات الاسعاف عمرو حط راضية في عربية الإسعاف و ركب معاها و هو مش قادر يستوعب الى شايفو اما في عربية الإسعاف التانية كان هارون مسك ايد خلود و الدموع في عينيه
فلاش
هارون :- طب والله يا خلود لو نزلتي من البيت دلوقتي ل
خلود لفت وشها و حطت ايديها على وسطها:- بس يا بابا هارون حبيبي انت تقول الكلمة الصبح تنزلها بالليل و بعدين يا راجل بيقولك لسه مرجعة و تعبانة و مش طايقة نفسها عايزني اسيبها لوحدها هروح اطمن عليها ساعة بالكتير لا يمكن مكملش الساعة و هرجع على طول و بالمرة تقعد تتكلم براحتك مع اخوك الى بقا راسمي معرفش ازاي دا عمرو والله انا خايفة ليكون شارب حاجة مخليه كدا
هارون مسك ايديها و هو حاسس ان في حاجة بس اي هى مش عارف قال بخوف و رهب مداريين بحدة:- هو انا كلامي مبقش بيتسمع.... بلاش يا خلود انا علشان قلقان اخد اجازة من الشغل علشان تكوني قدام عيني
خلود بابتسامة و مزح:- كل دا علشان حامل يا هارون قول بقا انك خايف على ابنك
هارون بحب:- بس انا مشوفتوش علشان احبه ولا اخاف عليه انا اخاف عليكي حتي لو كان عندك مليون زمان
خلود برجاء:- علشان خاطري يا هارون خليني اروحلها البت ملهاش غيري اوعدك اني مش هتاخر. بليز
هارون:- نص ساعة تكوني هنا هكلم التاكسي ييجي يوديكي
خلود؛- ما بلاش عم وجدي عصبي و رغاي و مش بيضحك
هارون:- طلاما لوحدك يبقا هتروحي مع عم وجدي دا عشرة سنين برضو
خلود ربعت ايديها :- طبعا طبعا احنا من غيره نتوه
مشهد تاني
خلود:- هارون حبيبي انت نمت
هارون:- اه
خلود:- و بتكلمني ازاي و انت نايم
هارون:- انا بتكلم و انا نايم .... مالك
خلود بجدية و حزن هزت راسها هارون شال ايديه من على عينيه و قام قعد :- مالك يا خوخة الحالة جتلك ولا اي
خلود ضربته في كتفه:- تصدق انك رخم
هارون:- طول عمري
خلود بصت لفراغ:- فكرك البيبي هيتولد سليم أو هيعيش يعني
هارون قاطع كلامها بهدوء :- يا ساتر يارب دا كلام يتقال و الواحد رايح ينام .... هيتولد يا حبيبتي باذن الله هيتولد بخير و سلامة المهم عندي انكي تكوني بخير
خلود بدموع:- هارون لو موت أو جرالي حاجة بالله عليك خد بالك من ابني ارجوك متحسسوش بغيابي ولا انه يتيم الام..... و لو هتتجوز اختار واحدة تحبه و تعملوا اكنه ابنها.... اوع تطرده علشان ترضي مراتك
هارون :- و انتي فكرك ان هعرف اكمل الدنيا من غيرك مش يمكن اموت قبل ما يتولد و يشوفني
خلود حطت ايديها على بؤه:- انا مقدرش من غيرك يا هارون ولا اقدر اتخيل حياتي و انت مش فيها
باك
اما عند هدير و عامر
هدير قامت :- لحظة واحدة يا مولانا
عامر و المأذون قاموا باستغراب و عدم فهم
هدير كملت كلامها:- انا موافقة ارجع ليك و نبدا من تاني
عامر بفرح و ابتسامة:- بجد يا هدير
هدير رفعت راسها بثبات و ثقة:- بس بشروطي
عامر سكت و قال:- و يا تري اي هي شروطك هديرو
هدير بقت بتعد على صوابعها:- اولا شقة بعيدة عن امك و اخواتك تاني حاجه انقل العيال في مدرسة خاصة تلات حاجة تدني مصروف بيت يرضي ربنا رابع حاجة ارجع اشتغل
عامر ابتسامته اختفت و قال باعتراض و صدمة :- نعممم يختي
هدير ببرود:- نعمين يا روحي مش نعم واحدة و هو دا شرطي علشان ارجعلك
عامر:- انتي عبيطة عايزني اشتري شقة بمليون و نص ليه شغال حرامي ولا ديلير
هدير قامت:- اومال فالح بس تدي امك و اخواتك
هدير بصت لماذون:- طب اشهد حضرتك يا مولانا يرضيك البيه من ساعة ما اتجوزنا مخرجنيش ولا مرة
الشيخ:- ما يمكن مش مقدرته يا بنتي عيشي على حسب مقدرت جوزك
هدير:- طب بلاش دى يرضيك يدي لاخته فلوس تجيب فستان و انا بقول ننقل العيال مدارس خاصة يقولي معيش مالها المدارس الحكومي
عامر:: والله بقا دى مفيش نقاش فيها الحكومي احلي و شرحههم احلي و أمن من الخاص بالف مرة
المأذون؛- انت صح
هدير:- و دهبي الى بعته و اكتشفت انك ساعد جوز اختك علشان يشتري الشقة
عامر:- يعني اسيب البت تعنس و الواد يتيم قولت اقف جانبه غلطت انا كدا و البت اتجوزت و خلاص
هدير:- بلاش دى يرضيك يا عم الشيخ اقوله تعبانة يقولي خدي اى برشام و هتخفي بدل ما يودني الدكتور
عامر:- مانا مدفعش فلوس و يطلع معندكش حاجة يبقا كدا عملت اي رميت فلوسي في الارض
هدير:- بلاش دى يرضيك يا عم الشيخ اقوله عايزة ادى فلوس لبت يقولي ليه هى في ثانوي علشان تاخد دروس و بيخلي عمها يزكر ليها علشان يوفر فلوس الدرس
الشيخ؛- هو و اخوه انتي ملكيش دعوة و بعدين البت صغيرة و لسه المشوار طويل الراجل من حقه يشيلو قرشين لزمان الزمن من مضمون يا بنتي
عامر:- الله يفتح عليك يا عم الشيخ قولها المفترية المبذرة انتي ربنا مش هيسامحك على التبذير و الافتراء دا هو انا مش لسه مفسحكم من سنتين
هدير:- طب ما تقول فسحتنا وديتنا فين
عامر:- مش فاكر
هدير:- مشنا على الكورنيش و مهانش عليه يركبنا تاكسي ولا حتي توك توك و مجبش لينا ترمس حتي
عامر:- المشي مفيد لصحة و اكل برا مش حلو
هدير:- هى كلمة واحدة لو عايزنا تفك الكيس و تجبلي شقة بعيدة عن امك و اخواتك و تكون في نفس العمارة الى اخوك هارون واخد فيها
عامر:- انتي كدا ناوية على خراب بيتي
هدير:- ليه هو انت فقير ولا فقير ولا بتجي عندي انا و عيالك و تدعي الفقر
عامر:- عايزني ادفع خمسة مليون في شقة واسعة على الفاضي و المنطقة مش كويسة و بعيدة عن شغلي و مدرسة العيال
هدير:- لا مانا قررت العيال هيبقو في المدرسة الى اخوك بيشتغل فيها اهو اكون مطمنة عليهم و المنطقة ..... مالها العجوزة يا عيني هااا مالها منطقة راقية و محترمة و اولهم مفيش حد ينكد عليا لو كدا نفضها سيرة
عامر:- و مالو بيت العيلة ما هما ونس معاكي ولا هو اى افتر و خلاص طب مش لم بتتعبي امى و اخواتي مش بيشلوكي على كفوف الراحة صح ولا لا ما تحضرنا يا مولانا
المأذون:- يا بنتي الواحد من غير اهلو ولا حاجة
هدير:- والله طب ما تقول لعم المأذون عيالك اتولدو فين
عامر:- والله البيت اضمن ايش عرفني انهم في المستشفى مش هيبدلو العيال ولا يتخطفو اهو اتولدو
المأذون:- الله يفتح عليك حتي المستشفيات غالية على الفاضي و متعرفش مين ابن مين و الخطف على ودنه
هدير بصت المأذون بصدمة :- انت بتقول اي دا بخيل و جلدة من بخلو استخسر فيا متابعة عند الدكتورة و معرفتش ولد ولا بنت غير يوم الولادة و ياريت دكتورة دا جاب ام محمد الداية
المأذون:- على اد فلوسه يا بنتي و لازم تعيشي مع جوزك على الحلوة و المرة
هدير:- والله طب و بالنسبة انه بخيل
المأذون:- دا اسمه حريص يا بنتي اعقلي الله يرضى عليكي الست ملهاش غير جوزها
هدير:- لو بالشكل و البخل دا مش عايزة ضل حيطة احسن من ضله و هو دا شرطي علشان ارجع عجبك عجبك مش عجبك اشرب من البحر
المأذون قام بعد ما زهق:- لا حول ولا قوة الا بالله العلي العظيم لم تقررو تطلقو ابقو كلموني
المأذون مشي و رزع الباب من جنانهم عامر بص لهدير بفرح و انتصار لكن الفون رن كانت خديجة بنت خالته و اخت خلود حكت له على الى حصل قفل الفون و وقف مكانه بصدمة
هدير استغربته:- في اي
عامر بقلق و توتر:- سحر و حنين اتخنقو مع راضية و خلود و حاليا حالة راضية و خلود صعبة
هدير ضربت على قلبها بصدمة و قلق:- استنا انا جاية معاك
هدير و عامر نزلو هدير خبطت على نعمة و طلبت منها تاخد بالها من العيال و فعلا نعمة طالعت تقعد مع جنة و حمزة
في الشارع عامر وقف تاكس
شارو ليها:- اركبي
هدير بصت لتاكس و لعامر بصدمة فتح الباب:- اركبي هو دا وقت صدمة
هدير ركبت و عامر ركب جانبها اما عند عفاف هى مكنتش حاسه بحاجه لانها كانت واخدة دواء مخليها نايمة و متحسش بحاجة
سحر قامت و هى حطه ايديها على خدها بصدمة:- بتضربني يا امي
عفاف بغضب:- و اكسر دماغك على رقبتك و متقوليش امي انتي مجنونه هاااا هى حصلت تموتو مرات اخوكم و بت خالتكم يا ولاد الكلب اخص عليكم و على البطن الى شلتكم
حنين اتصدمت من كلامها:- يا امى احنا عملنا كدا لان راضية السبب في الى حصلي
عفاف:- والله محدش قالك امشي على حل شعرك و تلبسيها لليتيمة الغلبانة مكفكيش و كمان تطلعو تتهجمو عليها و تموتوها
سحر بصتلها بصدمة:- طب و بالنسبة لى الى امرت بتصوير مرات ابنها و هى بترقص و غيرو و غيرو
عفاف رغم التعب الا انها اتسندت و قامت بتسند على اى حاجة قدامها اتجهت لسحر ضربتها كف و ضربت حنين كف:- موتو البت يالي منكم لله حرام عليكم
اتجهت لدولاب كانت حاسه بوجع رهيب في رجليها اخدت الطرحة من الدولاب حطيتها على راسها و بقت بتسند و ماشية واحدة واحدة نزلت من العمارة وقفت تاكسي ركبته و اتحرك و هى بتحاول تتصل بعمرو أو باختها و بتلعن عيالها بعد وقت وصلت المستشفى نزلت من التاكس دفعت الفلوس و جريت على المستشفى مكنتش حاسه بوجع رجليها الا لاول مرة تحس بالخوف و القلق لانها عارفه اختها ممكن تعمل اي راحت قسم الطوارئ في العناية
صابرة بعصبية و جنون:- بركة يختي انكي ظهرتي و شوفت وشك هى دى اخرتها بقا اديكم بنتي عروسة اليقيها ميتة يا شيخة روحي حسبي الله ونعم الوكيل فيكم الهي ما تشوفو فرح ولا راحة على وجع قلبي على بنتي
عامر بص لامه و لخالته:- يا خالتي ابوس ايدك اهدي احنا في مستشفى مينفعش كدا
صابرة بزعيق و صرخ:- اومال اي الى ينفع ان اشوفها ميته و اسكوت نسب مهبب ياريتني كنت حطتها تحت قطر ولا جوزتهلك هى دى الامانة الى امنتك انا و ابوها عليها يا هارون اخص عليك و على اهلك اطلع القيها مرمية على الارض و اخواتك خارجين بكل هدوء ولا اكن عملو حاجة طب وحياة امك لحبسهم و احبسك معاهم على اهمالك لبنتي قالتها بصوت عالي جدا لدرجة ان المستشفى اتلمو عليهم من الصوت كملت بتوعد .....
صابرة:- لو نسيين هى بنت مين انا هفكركم لا عاش ولا كان الى يبهدلل بنتي و يذلها... ابوها اشهر نجار موبيليا فيكي يا فيوم و اسلام اشهر محامي حسني وكيل نيابة و اخرهم يوسف صحفي اه لكن عند اخواته و ميعرفش امو لو كنتو فاكرين انها لوحدها ف تبقو غلطانين و غلابة و رحمة ابويا يا عفاف ما هحلك ولا هحل بناتك و و انت يا هارون وحياة بنتي عندي لنفضها سيرة دلوقتي غصب عنك و عن اهلك و بنتي متقدرش تكسر كلمتي و كلمت ابوها و انا اقول بختها مايل ليه ما طبيعي يكون مايل بعد ما اختارتك اختيار يعر
خديجه:- يا ماما ميصحش كدا عيب احنا اهل في الاول و الاخر
صابرة:- اخرسي يا بت انتي متعرفيش حاجة اي بكلمهم باللغه امهم لغة اختي ولا اي يا عفاف
عمرو قعد حطت ايديه على راسه مش شايف ولا سامع حاجه و هارون بيسمع خالته و هو في دنيا تانية
بعد وقت خرجت الدكتورة و عينيها في الارض بحزن:- انا اسفة يا جماعة معرفناش ننقذ المدام خلود..... البقاء لله
هارون الكل اتجمد مكانه بصدمة هارون سابهم و دخل غرفة خلود كانت الاوضة فاضية و ملية بصمت مخيف مشي بخطوات بطيئة كان قلبه بيخبط قرب منها كان وشها متغطي بالغطاء الأبيض رفع ايديه بارتعاش و بطء شال الغطاء عن وشها بيبصلها بعدم تصديق و صدمة :- اعيش ازاى و روحي راحت يا خلود.......
#يتبع