هارون اتسمر مكانه بيحاول يستوعب بصلها بهدوء و ثبات:- قولتي اي يا امي لانى مسمعتش ولا فاهم قصدك
عفاف برفع حاجب قالت بأمر:- لا انت فاهم و سمعت انا بقول اي.... حلو يعني و انت بسم الله ماشاء الله عندك اربعة مرة واحدة و اختك الغلبانة هتموت على ضافر عيل المليان يكب على الفاضي يا ابن بطني هتاخد واحد يبقلك تلاتة اي الصدمة في كدا بطل انانية شوية و بص لخواتك
هارون قام من مكانه بزعر و فزع اكنه اتلدغ من عقرب :- انانية بتقولي بقول بساطة أدى ابنك لاختك ولا اكنه كيس شيبسي ولا جايبهم من الماركت..
عينيه احمرت بغضب و عصبية بصلها بخذلان:- انانية ازاى.... دا انا اتذليت و تعبت و شقيتت و دوخنا على الدكاترة سنين تحاليل و أدوية و غيره انا مش لقي عيالي في الشارع علشان اتبرع بيهم.... هههه حلو دا ادى واحد لبسملة و وأحد لسحر و امشي اوزع فيهم و لو عوزت اجيب تاني انتي بتقولي اي يا امى....... عايزني انسب ابني لراجل تاني علشان اختي.... حرام عليكي الصلاة الى بتصليها
عفاف قامت بغضب و جبروت؛- اااسمع انت لو معملتش زى ما انا قولت لا انت ابني ولا اعرفك و قلبي و ربي غضبانين عليك ليوم الدين و زي ما حرمت اختك تتحرم منهم
هارون اتصدم حس بغصة في قلبه اتجه لباب الشقة فتحه و رزع الباب
عفاف بصوت عالي:- يتقفل في وشك ابواب الخير و الراحة يا ابن بطني يارب ما تفرح بيهم ولا تتهني يتوجع قلبك زي ما انت وجع قلبي
اما في بيت هارون
خلود بتسرح شعرها بكل هدوء و راحة:- يعني خلاص هتسافرو بكرا
راضية هزت راسها:- دى فرصتنا يا خوخة و بعدين كفاية ان عمرو كان ماجل سافره بسبب الظروف و المشاكل الى مكنتش بتخلص و الحمل اصلا كفاية ان الفرصة لسه موجودة..... بعدين هنعمل اي في بلد زى دى كلها مشاكل و مصايب و غيرو و كدا احسن هضمن لعيالي مستقبل افضل ولا انتي عايزني اشوفهم و هما بيدمرو هنا
هدير:- يبختك يارب انا كمان اغور من هنا..... انتي يا خلود باردة ولا ميثلة زيادة
خلود بهدوء:- لا طبعا..... شوفو فين ما تروحو مستحيل تهربو من نصيبكم.... تاني حاجه الموضوع بما فيه تربية مش اكتر تربية على الدين و نطبقه صح...... تاني حاجه اعلمهم الحلال والحرام و بعدين الصح و الغلط و العيب و الى مش عيب و اهم حاجة لازم يتعلمو الصلاة و يعرفوا دينهم كويس و اهم حاجة انهم يقربو من ربنا..... بعدين اقلق ليه و انا عيالي عيال هارون
راضية :- مرارتي يما خلود معلش لو مفيش قلت ادب في سؤالي هى كرامتك فين
هدير؛- نفس سؤالي هو انتوا مش بتتخنقو ابدا
خلود بابتسامة:- هو لازم الناس تسمع صوتنا ولا يغضبني أو يصبحني بعلقة و يمسيني بعلقة علشان نبان اننا نتخانق.... بتخانق كل شوية بس خناقنا هادى و رقيق
العيال عيطو خلود ابتسمت اكتر و قامت تشوف عيالها بعد وقت الساعة واحدة الا ربع كانت رايحة جاية بابنها يونس الباب اتفتح كان هارون الى باين عليه حزين و مهموم
قفل الباب و قلع جزمته اتجهت له و هى شايلة يونس:- حمدالله على سلامتك يا حبيبي
هارون بهدوء:- الله يسلمك يا حبيبتي
هارون راح قعد على الركنة خلود راحت قعدت جانبه:- مالك يا هارون اتخنقت مع خالتي
هارون بهدوء:- اي الجديد بس هى كلمتك ولا اي
خلود بصتله بحب:- حسيت... يا روحي انا بحس بيك على مسافات
هارون شال يونس من ايديها قامت:- اروح احضر العشاء
هارون قام:- استني عندك
لف حواليها مسكها من شعرها بس بخفة:- قميصي بيعمل اي معاكي برضو فيكي الحركة المنيلة دى
خلود بمزح:-ما احنا الاتنين واحد هدومك هدومي و شرباتك شرباتي و بعدين اعمل اي عيال بيشقطو عليا كل خمس دقائق ملقتش غير هدومك لو مقلبتش جوزي حبيبي قرة عيني في هدومه اقلبه في اي... خف ايدك يا ابن.... خالتي
هارون بغيظ :- هدومي بس دى هدومي و شرباتي حتي محفظتي مسلمتش منك
خلود رفعت صابعة:- عندك انت الى ماشي توقع على نفسك انا معملتش حاجة.... يعني لقيت شوية فكة و انا بغسل البنطلون اقول لا ولا ارميها... اعقل احنا مش صغيرين على الهبل ده الواد بيبص علينا مينفعش يشوف امه بتتضرب و تتهان
هارون بغيظ و ذهول:- انا بضربك و بهيانك يا بت المفترية.... و بعدين طفل عمره اسبوعين يفهم اي
خلود؛- شوفت بيبصلك ازاى شوفت يا يونس امك بتضرب و انت ساكت
هارون سابها:- روحي نامي ولا اعملي حاجة و انا هعمل العشاء... انتي لسه تعبانة برضو
خلود:- يا هارون انا خفيت اسبوعين يعني اتحسنت
هارون عطها الواد:- خدي دا و ادخلي جوا و غيري القميص يا خلود
خلود:- خلاص هلبس التشيرت بتاعك البني و البنطلون الرمادي
هارون:- انا حاسس انكي ورثاني بالحياء ابعدي عن التشيرت البني
خلود دخلت جوا و هى بتلعب يونس هارون ضرب كف على كف بغيظ:- عوض عليا عوض الصابرين يارب البت اتجننت هى الدكتورة دى عملت ليها اي
هارون طالع السمك من التلاجة بانفة و بدا يعملو خلود خرجت و هى لبسه الترنج بتاعه اخدت طبق الخضار و طبق فاضي و قعدت في الصالة تحضر السالطة
هارون:- بطلي دندنة
خلود غنت بصوت عالي:- غاااالي حبيبيي على قلبييي
هارون بيسمع و بيحاول يكون هادى لان صوتها مسرسع و وحش في الغناء:- خلووود صوتك حلو بس بلاش تعلي صوتك هتتحسدي
خلود علت صوتها اكتر بعد نص ساعة على السفرة
هارون بمزح:- بسم الله ماشاء الله شايفك رايقة النهاردة
خلود بروقان :- النهاردة بس
هارون بابتسامة:- كل الاوقات
خلود سبت المعلقة في الطبق سندت ايديها الاتنين على التربيزة تحت دقنها:- بتحبني يا هارون
هارون بصلها بحب لا نظرات تخطت كل معاني العشق::- بحبك دى كلمة قليلة عليكي.... انتي عديتي معايا كل معاني الحب
قل بمزح:- لو مكنتش بحبك مكنتش دخلت الشي دا في البيت ولا حطيته في بؤي ولا كنت استحملت جانبك و مزاجك الى كل ثانيه بحال
كمل بحب:: و لو رجع بيا الزمن كنت اختارتك انتي مستحيل احب غيرك لانكي نسخة واحدة و مش هتكرر يا خلود بحبك
خلود ابتسمت بفرح عيونها دمعت غصب عنها
تاني يوم عمرو و راضية سافروا و هدير و خلود قعدين مع بعض اما هارون ف هو في المطبخ بيعمل لنفسه قهوة
هارون:- الله دا الروقان حلو بشكل اسبوعين مش عارف اقعد بروقان دا
فجأة سمع خبط على الباب و اصوات هو عارفها كويس
عمر بيطبل على الباب:- يا مسترر
سارة بتخبط بقوة:: بالراحة خبطو بالراحة الأصول اصول
ريهام:- يا مستر احنا محدش غريب الى بيخبط
بقا بيقولوا بصوت عالي يا مستر يا مستر هارون فتح الباب:- و لم اديك منك له على وشوشكم مش في ناس نايمين بشر نايمين و لو صحيو مش بيسكوتو.. ادخلوا
العيال قلعو الجزمة و دخلو قعدو في الصالون راح
هارون:- هو مش الامتحانات خلصت و خلصنا مع بعض اقصد ان ملناش دعوه ببعض
عمر:- والله ليك وحشاة يا مستر متعرفش احنا مفتقدين حضرتك اد اي بسبب الاجازة
سارة بتبص حواليها:- مستر هما اولاد حضرتك على طول في المدرسة مش بيقعدو زينا في البيت
هارون بهدوء:- اشربي و انتي ساكته و بطلي تتلفتي حواليك... عيالي شاطرين مش زيكم بيطلعو عيني
ريهام:- انا نفسي اتعرف عليهم طب المدرسة فين أو الحضانة اروح اخدهم
رحيم:- و نتعرف على البنوتة شوف حضرتك انا حجزتها خلاص مش هتتجوز غيري.... اسم عروستي اي
هارون ببعض الحدة و اكنه رحيم قال حاجة غلط:- اخرررس يا زفت منك له الزم حدك يا رحيم
رحيم:- سنة الحياة يا مستر.... صح هى اكيد في ثانوي من سننا يعني صح.... بس مش موجودة لانها مسافرة مع اصحابها
يسرا عيطت هارون حط ايديه في شعره بغضب خفيف قام:- الى بهدل كرسي يظبطه
اتجه لاوضتهم اتجه ليها شالها:- شكلك هتجنني انا و امك يا يسرا ليه كل العياط دا ... انتي مش عارفه اني مصدع.... بلاش النظرات دى انتي غلطانة و مش عجبك
هارون غيرا هدومها و شالها و خرج و هو شايلها:- بنتي الى في ثانوي
رحيم بدون وعي ضرب قلبه بصدمة:- يا مصبتي يعني يوم ماحب احب قاصر و دى هربيها ولا اتجوزها مستقبلنا
هارون و هو بيبص ليسرا:؛ و مين قال كدا بنتي هتقعد جانب ابوها تونسه هو و امها
سارة متنحة:- ب بنتك يا مستر.... صغننة اوى
ريهام سقفت بحماس:- الله هلقي حاجة العب بيهاا...اسمها اي يا مستر
عمر:: اكيد على اسم امها
سارة:- وغلاوة ام خلود عندك خليني اشيلها يا مستر مش هوقعها
هارون:- اسمها يسرا... انا خايف عليكي منها
سارة اتجهت له:- يا مستر دى طفلة صغننة هتعمل اي يعني مش هينفع تتف
سارة شالتها و قعدت على الكنبة يسرا مكنتش بتضحك بتبصلها باستغراب و بعدين بدات تضحك شوية و خلود نزلت من عند هدير و هى شايلة يوسف و ياسين:- دا انا هربيكم بتعملوها عليا انا ربتكم على كدا
العيال قاموا بذهول ياسين عيط هارون راح يجيبه و خرج العيال فتحو بؤاهم بصدمة قالوا بصوت واحد:- تووووام
رحيم اتجه لهارون:- احم مستر انا الاول هتخرج بعد ما اتعلم و اكون نفسي عقبال ما كل دا يحصل تكون الآنسة يسرا كبرت و مبقتش قاصر
هارون بين سنانه:- تعرف تختفي من وشي يا رحيم
خلود دخلت على اوضتهم حطت العيال على الكوفيرت الى حطها على الارض حطيتهم عليها اخدت يوسف التواليت علشان ياخد شور و بعدين لبسته و حطيته جانب يونس و اخدت يونس التواليت اخد شور و لبسته و بقت قعدة بتلعبهم:- يا نهار اسود يسرا تلقيها بهدلتهم برا
خلود جريت بسرعة على برا راحت الصالون سارة فتحت بؤها على وشك العياط لم يسرا:- ااااع اروح ازاي انا دلوقتي
عمر ببساطة:- عادى يا سارة دا اشط اطفال هتعملي عقلك بعقل طفلة
خلود اخدت البت من سارة و اخدت ياسين من هارون و دخلت هى و سارة جو
خلود دخلت غرفة الملابس :- معلشي يا حبيبتي حقك عليا هى يسرا كدا معرفش مالها بس شكلها حبيتك بنتي لم بتحب حد بتبهدله
قالتها بمزح و طالعت ليها فستان من عندها :- خدي دا نضفي هدومك و البسي الفستان عليها و بالفعل سارة عملت زى ما خلود قالت عدا سبع سنين بسملة و خالد ربنا رزقهم بمعتز صح طبعا خفت و اتجوزت و جوزها و اهلو قاسيين عليها جدا
سحر رجعت شعرها لوراء بعصبية و جنون:- يعني اي يعني اااي اتجوزت طب و انا
علاء :- انا بقلي معاكي ست سنين من غير عيل و من حقي اكون اب
مامت علاء:- و بعدين يا حبيبتي كفاية انه كان متجوز مدمنة لا و كمان ارض بور احنا عملنا معاكي الواجب و زيادة دكاترة تحاليل و غيرو بس إرادة الله طبعا بس انا كام نفسي افرح بعيال ابني مانتي لو كنتي ام كنتي فهمتي كلامي
قالتها و نزلت على شقتها علاء:: عمري ما هسيبك أو هقصر معاكي يا سحر بس بصراحه موضوع الخلفة بقا مستحيل ف سامحيني لازم اتجوز انا مش هعصي كلام امي
سحر بسخرية و وجع:- لانه على بالك
علاء مردش عليها سابها و نزل وقعت على الارض و بتعيط بحسرة و هستيري
بالليل في بيت هارون بيولع الشموع
يسرا ضربت ياسين:- اهو
خلود خرجت بسرعة و هى برضو لبسه فستان فرحهم:- بطلووو بقا
يونس:- انا معملتش حاجة و بابا شاهد
خلود؛- حبيب ماما ما كفاية النيش الى كسرته الاسبوع الى فات انت و اخوك
يوسف:- ذلينا بقا
خلود لهارون،:- شايف
هارون شال يسرا وقفها على الكرسي جانبه خلود حطت على التورتة رقم عمرهم وقفو جانب بعض و بيغنو اما في شقة سحر و علاء
سحر سندت المعلقة على الطبق بابتسامة:- عارف عمري ما حبيت غيرك
علاء:- ولا انا
سحر بوجع:- اومال ليه بتجرحني ليه مصمم تكسرني
علاء كان هيرد حط ايديه على بطنه:- ا ااااه...... هموت انتي حطيتي اي في الاكل
سحر:- انت مش لحد غيري محدش هياخدك مني
على قام من على الكرسي وقع على الارض سحر حطت ايديها على بطنها بوجع نزلت على الأرض بصتله بدموع:- انت هان عليك تسبني يا علاء لكن انا مهانش عليا انى اسيبك.... مش بايدي والله كان نفسي اكون ام بس مش بايدي ااه ااااه
وقعت على الارض جانبه راسها خبطت في الارض غمضت عيونها
تمت بحمد الله