هارون بص لخلود و بعدين بص لدكتورة بغيظ:- يعني اي الجهاز هنج ازاى دا انا بسالك في المتابعة اكتر من مرة يا دكتورا في حاجة تقوليلي لااا اطمن كله زى الفل و بسم الله ماشاء الله كل شوية اكتشف حاجة من الجهاز الخربان بتاعك
الدكتورة عطت الطفلة لممرضة ببرود:- خلي بالك منها
بصت لهارون:- يا عبيط حد يقول لرزق لا ربنا كرمك من النوعين
هارون بسخرية:- صح شوية و هتقولي مبروك يا استاذ مراتك كانت حامل في سته سحيلة و قردة
الدكتورة:- مش هرد عليك لانك مصدوم هخرج اطمنهم
هارون بص لخلود:- طب هى هتفوق امتي
الدكتورة بغيظ:- اموت و اعرف انت بتعمل اي في حياتي دخل معاها العمليات ليه
هارون بيبص على خلود الى مسكه في ايديه بكل قوتها لدرجة ان ضوافيرها خرست في ايديه:- مقدرش اسيبها لوحدها يا دكتورا خلود اوقات بحسها بنتي
الدكتورة بغيظ و مزح:- انا لم كنت بولد كان جوزي في شغله ولا سال فيا جاه بعد ما فوقت حيكم على جيل مهبب غالي حبيبي على قلبي لا هداري ولا اخبي
هارون اتعصب:- دكتوراا كفاية اغاني و شوفي البت بقلها وقت غايبة عن الوعي
الدكتورة بهدوء:- اديك قولت عن الوعي لم تكون غايبة عن بيتها ابقا اتكلم اي المحن دا
هارون بعصبية و ذهول:- محننن البت بتموت و بتقولي محن صح المفروض اشوفها متكفنة و اخرس
الدكتورة بصتلهم و خرجت و هى بتضحك و بتغني
اما في اوضة خلود كانت همس و هاجر و خديجة بيزينو الاوضة اما برا كل واحد شايل طفل و مذهول
عفاف بتبص لطفل بذهول:- توأم يعني كل دول توأم جبتهم امتي
هدير:- قولي ماشاء الله يا حماتي... يعني مطلعتش ارض بور زى ما بتقولي
صابرة برقت عينيها بصت لعفاف الى بصت لهدير بتوعد بلعت ريقها بخوف:: ه كنت بهزر معاها ياختي
صابرة مردتش عليها بتبص لبنت بفرح و بتقول كلمة واحدة بس الحمد لله يارب اخيرا بعد العمر دا شافت اولاد بنتها دموعها نزلت غصب عنها بس دموع فرح و ارتياح
صفاء:- شوف يا اسلام الحمدلله مش واخد حاجة منك و الا كانت خلود اتقصف عمرها
اسلام بيبص لطفل بغرور:- هى تطول يبقا زايى
صابرة:- دا انا اقتله... بطلي ضحك يا نورهان
نورهان:- انا مش مصدقة ان كل دول مولودين في نفس الوقت و انهم تؤام مع ان بنتك مكنش باين عليها
صابرة:- طالعة لامها
عفاف:- و انا بقول مش ببلعه ليه
صابرة بصت لنورهان و هى بتوجه الكلام لعفاف:- الله يرحم لم كنتي بتحفي بس علشان نوافق على ابنك يا نورهان
عفاف:- حااا على الاقل ابني مجتهد مش فاشل زى بنتك انا نجحت بالغش يا هدير
عمرو:- انا الى فاشل و متنمر دا مش وقته ولا مكانه هاتي الواد يا امي
عمرو اخد الطفل من عفاف بعد شوية نقلو خلود اوضتها هارون شالها حطها على السرير
عفاف بتبصله بعدم رضا و تقريبا هتتشل اما صابرة ف حمدت ربها على حب هارون لبنتها و خوفو عليها قبل جبينها و خرج بعد وقت كان الكل مشي و مفيش غير صابرة و هارون و همس الى اتفقت مع جوزها يعدي ياخدها و هو راجع من شغله صابرة كانت بتبص لهارون بعصبية
صابرة بعصبية:- اخص عليك يا ابن اختي كدا اعرف ان بنتي بتولد من برا ليه يا خويا مكنش ضرتك و انا معرفش ولا قتللك قتيل
هارون بيحاول يكون هادى:- والله العظيم يا خالتي جت صدفة البت تعبت و كانت بتموت مكنش فى دماغي اكلم حد غير الدكتورة و جيت بيها على المستشفى زى ما الدكتورة قالت يعني مش مقصودة و منعت حد ييجي اعمل اي تاني
صابرة نفخت بعصبية ودت وشها الناحية التانية
خلود بدون وعي:- هارون خاني بعد أربعين سنة جواز بعد ما سبت القصر و هربت معاك
صابرة بصت لهارون بحدة و جنون:- نهااارك اسود خونتهااا بتخون بنتيييييي يابن عفاف
خلود كملت:- عندي حماة بسم الله ماشاء الله عليها تقول لابليس قوما و قعدين مكانك شيطانة بت شياطين و ابنها زيها
هارون بصلها بعصبية و توتر:- بس بقاا فوقيي انتي مش بتسكوتي ليه
خلود بدموع:: اتجوزني غصب يا امي بنتك ادمرت هددني بخطيبي الى بحبه سبته بسببه قوليلو يسامحني
هارون:- اسكوتي بقاا
خلود بدموع:- اما هارون ف هو تخليص حق ضرب و اهانة....
هارون بصدمة:- اناا بضربك يا خلود
خلود هزت راسها بنعم:- عمره ما قالي كلمة حلوة دا بيكلم عيشقته قدامي ابن المضيقة......
سكتت و كملت كلامها برومانسية و طريقة همس:- بحبك يا اشلف...... (اشرف)
همس اتسعت عينيها و شهقت لم أدركت ان خلود بتقلدها:- بتتليقي عليا... اخص عليكي
همس بصت لهارون:- هههه بينج بقا طبعا كلنا عالفين البينج بيعمل اي في الواحد استاذن انا بقا لان حيدل وصل عايزة حاجة يا خالتي
صابرة:- و انا هعوز منك اي يا موكوسة زى الى نايمة روحي شوفي بيتك و ابنك....
همس سلمت على صابرة خرجت من الاوضة خلود شوية و الدكتورة دخلت
هارون قام؛- يا دكتورا الساعة واحدة و نص بالليل و مفيش اى حركة هتفوق امتي
الدكتورة:- يخويا مشتعجل على فوقانها ليه ما هى زى القردة قدامك و بتزغرط و اخر انبساط عايزة اي تاني تصدق اول مرة اشوف واحدة في البينج بتزغرط
صابرة اتنهدت بغيظ و سقفت بردح:- يا خويا مكنت اتهببتو و تابعتو انت زفت دكتور
هارون بعصبية:- دا انا اقتلها اي يا خالتي شايفني اي انا مراتي متروحش لدكتور ولا يبصلها حتي
الدكتورة بهدوء:- والله بنتك هى الى فضلت ورايا ١٥ سنة عندي راحت لدكاترة كتير و في الاخر رجعتلي و لو شايفين ان عدم افاقها اهمال مني ف اشتكوني لحكومة القسم مش بعيدة.... على فكره عندي الى زيها ف مستحيل اضرها انا في مهنتي بقلي سنين ....
الدكتورة خرجت و رزعت الباب بغضب صابرة لهارون:- جايب لبنتي جزارة يا ابن عفاف هو دا مقام بنتي عندك
صابرة دخلت البلكونة عدت ساعة و نص صابرة كانت بتصلي الفجر في اوضة خلود فتحت عيونها ببطء رجعت شعرها لوراء بصت حواليها حطت ايديها على معداتها لكن الهدوء اتحول لفزع قامت بلهفة الباب اتفتح كان هارون الى خلص صلاة في الجامع و رجع جري عليها بخوف و لهفة:- انتي اي الى قومك من مكانك
خلود مذل ايديها على بطنها دموعها نزلت بخوف
هارون وشه جاب الوان لم شاف دموعها:- انتي كويسة
خلود بصتله:- ا انا كنت حامل او حامل.... و دلوقتي في المستشفى اجهضت صح كابوسي اتحقق
صابرة قامت طبقت سجادة الصلاة و حطتها على الكنبة:- يا ساتر يارب تفائلي خير يا حزينة.... انتي اي الى قومك
خلود باستغراب؛- امى انتي بتعملي اي هنا هو اي الى حصل اخر حاجة فاكرها انى كنت قعدة
هارون سندها رجعها مكانها صابرة ظبطت ليها المخدات
قعد جانبها مسك ايديها :- اولا ارتاحي و اهدي تاني حاجة انتي فعلا تعبتي و انا جبتك على هنا بعد ما كلمت الدكتورة و قالت ان اجيبك هنا اخيرا عيالنا شرفو
صابرة قعدت مكانها:- الف مبروك يا حبيبتي....اخيرا شيلت عيالك يا خلود
خلود بصت لهارون و مذل دموعها بتنزل:- اسفة ان تعبتك معايا طول الخمس شهور الى فاتو شيلتك فوق طاقتك و دايما بصحيك من نومك بسببي و بسبب تعبي الى مكنش بيخلص
صابرة حطت ايديها على خدها بغيظ منهم هارون رفع ايديه مسح دموعها قبل جبينها و نسي ان صابرة. موجودة معاهم حقيقي هطق بينهم:- لا تعب ولا حاجة تعبك راحه يا حبيبتي ...... انتي ولا مرة شيلتني أو زودي عليا بالعكس انتي طول عمرك السند و الدفع الى مخليني اكمل معافرة و اتحمل
خلود رغم تعبها اترمت في حضنه ابتسم بارتياح و فرح فاق على صوتها الباكي:- انا بحبك اوى يا هارون انت احلي حاجة في حياتي
هارون بعدها عنه سندت راسها على المخدات بصلها بغضب مزيف:- ليه مانا من شوية خونتك و بكلم عشيقتي قدامك و متجوزك غصب عنك.... دا بعد ما خليتك تسيبي خطيبك الى بتموتي فيه و بحبك يا اشلف مين اشرف دا بقا
خلود اتسعت عينيها:: ا اشرف اشرف اشرف هههه مش تقول والله ما اعرف حد بالاسم دا ولا اسم تاني ما تقوليله يا امي
صابرة:- يبقا ابن الجيران يووه لا بتاع السايبر الى كان تحت البيت دا واحد اد ابوها بس كانت بتموت فيه الله يرحمه كانت مخططة تتجوزه صحيح كانت تلات سنين بس بتحبه اكتر من ابوها
خلود:: انتي بتقولي اي
صابرة؛- يونس بقا الى سميت ابنك على اسمو دا كان المستر بتاعها في اولى ابتدائي بس كان دمه خفيف و روش في نفسه زيك كدا ف اعجبت بيه بصراحة بتحب
هارون:- بتقولي اي يا خالتي
خلود بضحك:- مانا في الاخر لبستك اعمل اي تاني
هارون مسكها من شعرها بس مش بقسوة ولا عنف:- و ليكي نفس تضحكي بعد ما مسحتي بيا الارض
خلود رمشت عينيها بصدمة شاروت على نفسها:- انا امسح بيك الارض لا عشت ولا كنت يا روحي
صابرة قامت:- انا هخرج شوية لحسن اتشل و اموت مجلوطة منك .... يختي اتكسفي على دمك دا انتي و هو داخلين على الاربعين الى زيكم بيكون بيدعي على التاني بيلففو في المحاكم مش المحن دا مرارتي يما
صابرة مشيت كام خطوة اتجهت لباب فتحته و خرجت نفخت بضيقه بعدين كتمت ضحكتها و فرحتها أما جوا:- شكرا انك جانبي... صحيح كنت مش في وعي بس حاسه بيك و بكل حركة حتي عصبيتك كنت حساها
هارون قبل ايديها و شالها اتجه بيها لسرير الى في الاولاد نزلها على الارض حاوط كتفها سندت راسها عليه بابتسامة ممزوجة بدموع فرح:- الله يا هارون شكلهم حلو اوي انا مش مصدقة ان دول عيالنا
خلود عينيها جت على البنوتة الى نايمة جانب اخواتها:- بس هى مين دى هما مش تلاتة ولا انا بخرف و شايفة غلط من البينج
هارون بصلها و بعدين بص للاطفال:- دى بقا يا ستي يسرا... بنتنا اه مانا قولك
الدكتورة فتحت الباب و هى بتغني:- .... اخيرا قومتي انا قولت انكي موتي حمدالله على السلامة... بصي بقا الجهاز هنج ف معرفناش انكي حامل في بت غير الصبح. مستخبيه وراء اخواتها و دى إشارة حلوة
خلود بذهول:- دكتورا انتي لسه هنا
الدكتورة:- معلوم مش لازم افضل معاكي لحد ما تفوقي و اطمن عليكي و على الاولاد الف مبروك يا حبيبتي مع ان طلعتي عيني معاه بس يلا الطيب احسن
خلود بابتسامة:- الله يبارك فيكي
الدكتورة فحصتها و اطمنت انهم بخير و خرجت
خلود قعدة على السرير بتبرم ضوافرها بالمبرد الى همس سبته ليها:: سميتهم اي بقا... اوع تقول اسلام و حسني انا مش ناقصة كفاية نسخة واحدة منهم
هارون ابتسم:- لا يا ستي الاربعة اساميهم بتبدا من حرف الياء... يونس و يوسف و ياسين و اخيرا ست يسرا الى صدمتني
خلود بصت عليهم بابتسامة:: ذوقك حلو اوي.... ما تصحيهم نلعبهم شوية و اهو بالمرة نتعرف عليهم و يعرفو أننا اهلهم
هارون مسح على وشه:- اصلا.. يا روحي يا بنتي يا عمري هما لسه بيبيهات هاا بيبيهات مش عارفين حاجة ولا عرفنا احنا شخصية و نلعبهم شوية ازاى انتي بتقولي اي
خلود:- طب صحيهم اغيرلهم و بعدين ينامو
هارون:- ما صاحبتك مدام همس غيرتلهم هى و خالتي
خلود بدهشة و فرح:- هى جت
هارون هز راسه:- ايوة كلهم جم بس طبعا راضية تعبانة ف مقدرتش و هدير و عامر برضو لسه ماشيين من ساعة
خلود بصتله بحب و فرح فاقو على صوت عياط يونس بعدو ايديهم عن بعض هارون راح اخده من جانب اخواته عطه لخلود شوية و الباقي صحي صابرة دخلت و بقو التلاتة بيسكتو فيهم عد اليوم عادى جدا تاني يوم طبعا خلود نفذت كلامها و روحت على بيتها كانت قعدة على الركنة
الف مبروك يا خلود متعرفيش انا فرحت اد اي
خلود بابتسامة:- عارفه يا حبيبتي من غير ما تقولي
سارة مرات ابن جارة خلود كانت ساكتة
خلود بابتسامة:- اي رايك تشيليهم شوية
عفاف:- نايمين و تعبانين
خلود اتعصبت بس مبيناتش سارة حست بغصة في قلبها متسمرة مكانها خلود قامت رغم التعب دخلت اوضتها كانت هدير غيرت ليهم هى و خديجة
خلود اتجهت ليها شالت يونس و يوسف و خرجت و وراها هدير و خديجة
خلود اتجهت لركنة قعدة جانبها:- شيلي مني يا سارة بس سمي الاول
سارة شالته يوسف براحة حست بفرح جواها قالت في سرها بفرح و امل:- بسم الله ماشاء الله تبارك الله زى القمر.... انا اكيد ربنا هيرزقني بولد حلو زيك... انت بتضحكلي كمان
خلود بحنية و مزح:- خليه معاكي شوية شيلي عني
عفاف بصتله بغضب و حدة:-العيال عايزين ينامو يا حبيبتي كفاية كدا
خلود بصتلها بعصبية عطت يونس لسارة:- و خلي دا كمان معاكي يا سارة
صابرة خرجت من اوضة الصلاة:- العيال لسه صاحيين يختي و بعدين هى امهم و ادرة بيهم اومال فين حماتك يا حبيبتي خلود قعدت تتكلم مع سارة و خليتها تشيل الاربع الاربع اطفال و حقيقي سارة فرحت جدا كانت بتحسب ان خلود هتخبي العيال منها زى ما بيحصل في كل مرة لكن اتصدمت لم خلود خليتها تشيل الاربع الاربع و بيقعدو وقت على ايديها اما عفاف ف كان نفسها تقتل خلود على حركتها بالليل
عفاف بعصبية:- عجبك الى الهانم عملته دى كسرت كلامي و احرجتني ترضهلي يا ابن بطني
هارون بهدوء:- امي خلود مش صغيرة و مش قصدها تتعصب بس يا امي مش من الصح برضو اننا نكسف الناس
عفاف بعصبية:- يعني عايز واحدة مبتخلفش و بور تبص لعيالك تديهم عين
هارون بهدوء عكس الغضب:- الى بتقولي عليها تديهم عين دى تخاف عليهم و تفرح بيهم اكتر مننا و احنا علشان لاخر لحظة كونا مكانها ف عارفين و حاسينا بدا ف بعد اذنك يا امي ابوس ايدك بلاش الطريقة دى مع الناس زمان مكنتش طايل ضافر عيل حرام نكسر بخاطر الناس ربنا مقالش كدا... و ياريت ترجعي معايا البيت وحش اوي من غيرك
عفاف:- اطلع برا عليك و عليها هى لحقت تقسيك عليا انا مش غايرة في مكان من ساب داره اتقل مقداره
هارون:- انتي عارفة مقدارك عندي و اني تحت رجلك بس مبحبش الكسفة و انتي كسفتي البت قدامهم كلهم انتي عارفه انكي هتنامي و في عيوني ممكن مدوقش النوم بسبب كلامك انا عارف ان خايفة عليهم بس مكنش ينفع
عفاف بعصبية:- غور من قدامي بكرا يروحو منك بسبب بتجي على امك علشان مراتك
هارون حاس ان قلبه هيقف لكن قال بهدوء:- ربنا يحفظهم و يباركلنا في عمرك
هارون قام فتح الباب و خرج
عفاف بعصبية و هى بتحدف الشبشب على الباب:- تروح ما ترجع يا تعب قلبي اما في شقة هارون
صابرة:- مكنش ينفع كدا يا بنتي
خلود كانت مغمضة عينيها
فلاش
خلود كانت تبارك لصاحبتها
صاحبتها و هى بتبص لسلسلة بانبهار:- واووو دى تحفه اوى يا خلود بس دا كتير
خلود بفرح و حب:- يا حبيبتي مفيش حاجة تكتر عليكي
صاحبتها دقيقه هروح اجيبلك البت تشوفيها
خلود قامت:- لا مفيش داعي انا جاية اشوفك و اطمن عليكي
صاحبتها:- بس بقا
صاحبتها دخلت جوا
حماتها بعصبية:- بت اي الى تشوفها انتي اتجننتي
امها:- يا بنتي دى مش بتخلف تشوف بنتك يعني تديها عين و متلقيش بنتك العين فلقت الحجر و الحسد مذكور في القران
صاحبتها:- يعني هى جاية تباركلي اعمل معاها كدا
امها:- لو مكسوفة اخرجلها اقولها ان البت نايمة
حماتها:- بترجع يا حبيبتي و سخنة طول اليوم
صاحبتها فعلا خرجت من غير البت قعدت:- معلشي يا خوخة كان نفسي اوريلك البنت بس من امبارح منامتش على سخنة و بترجع
خلود بهدوء و ابتسامة ممزوجة بوجع مداري:- مفيش حاجة.... شهد
شهد؛- صحيح بتشوفي البت همس دا انا عرفت ان جوزها مطلع عينيها بس هى الى اختارت بقا
خلود طالعت الفون قالت بتمثيل التوتر و قامت:- ينهار اسود هارون بيرن انا همشي بقا
شهد قامت:- اوم كدا انا ملحقتش اقعد معاكي
خلود حضنتها بابتسامة:- مرة تانية
شهد:- حتي مشربتيش العصير
خلود بابتسامة:- معدتي موجعني مرة تانية مانا هجيلك تاني
باك
مسحت دموعها و هى بتفتكر خوف صاحبتها منها و نظرات الشفقة و نظراتهم الى بتوجع
صابرة حضنت خلود :- اتوجعت كتير اوى يا امي مكنش ينفع اخليها تحس و تجرب نفس الوجع الى حسيته و جربت مراره نظرات الناس ليا كانت سكاكين بتدخل تقطع في قلبي
فلاش
سحر بشماتة و اهانة:- اي رايك يا خلود في ندى جمال و تعليم.... و الاهم صغيرة يعني عشرين سنة كدا
خلود:- ندى مين
بسملة بابتسامة :- ضرتك يا روحي و بيم ان جوزك محلتوش حاجة ف هتقعد معاكي في نفس الشقة
عفاف:- مانا مش هخليه جانبك اتفرج على خيبتك يا بور اومال لو كنتي حلوة شوية كنتي عملتي اي
باك
خلود مسكت في امها و بقت بتعيط بانهيار و صابرة بطبطب عليها مش حزن ولا قهرة لكن تعاطف مكنتش تعرف بالى خلود شايله في قلبها سنين شايلة و كاتمة جواها صحيح ربنا كرامها لكن موقف سارة فتح جواها جروح مستحيل تتنسي
خديجة كانت بتصلي و هى هتموت من فرحتها
تاني يوم في المستشفى في اوضة العمليات
الدكتورة بتغني:- فكرك يا ناسيني بعدك على عيني الحب مسهرني و الشوق بيناديني ترر
راضية بتصرخ:- يا دكتورووووة سيبك من اكتشاف المواهب و خليني اخلص
الدكتورة:- لسه دكتورة التخدير مجتش اصبري شوي حبيبي النهاردة لازم تعرف حبك عملني جنان انا بحبك بحبك حبببب محبووووش انسااان و اااااه متسبنيش و حياة اغلي حاجة عندك و متحرمنيش منك و متبعدنيش عنكككك
راضية صرخت بأعلى صوتها و هى بتعض ايد الدكتورة
الدكتورة صرخت بأعلى صوتها زقت راضية براحة:- اتهدي بقااا يا بعيدة طالعتي ليه من انهي مصيبة
راضية بعصبية و تعب و دون وعي ولا أدرك:- بموت يالي معندكش ريحة الدم حرام عليكي انتي بتعملي اي في حياتي منك لله يا خلود حسبي الله ونعم الوكيل فيكي و فيها و في عمرو و حماتي الحيزبونة الى برا
بعد وقت الدكتورة خرجت
عمرو بلهفة:- راضية عاملة اي
الدكتورة عطيته الطفل::- مبروك ولدين وبنت زى القمر
عمرو:: نعم
الدكتورة:- الجهاز هنج مخدش بالي انهم تلاتة مش واحد ولدين وبنت
هدير بتضحك:: طب يا دكتورا ما تشوفي تاني يمكن تلقي اتنين ضايعين هنا ولا هنا
الدكتورة بصت لممرضات :- اديها البنت و انتي ادى لحماتها الولد التاني
عدا اسبوع طبعا عملو السبوع في بيت هارون و خلود و طبعا دبح الاضاحي كان في بيتهم القديم و نعم و ابراهيم ربنا رزقهم ببنت و سموها حياة
في بيت عفاف
عفاف بحنية:- لا يا ضنايا انت عارفني يا هارون بطلع و بنزل على مفيش
طبطبت على ضهره ؛- الحمدلله كونا بس عايزين عيل ربنا ادك من وسع اوى و زى ما هى وسعة عليك وسعها على غيرك
هارون:- كان نفسي اسمي عفاف
عفاف:- لا لا عفاف اي دلوقتي هى نسخة واحدة و مستحيل اتكرر
سكتت شوية بصتله:- بسملة الدكاترة قالوا مفيش امل عارفة انها صغيره بس العمر يا حبيبي مش مضمون
هارون:- ربنا يخليكي لينا و تفرحي بولاد ولادنا
عفاف:- لو عايزني ارضا عنك و اسامحك على عك مراتك ادي واحد من التوأم لأختك و نسميه باسم خالد و بسملة ..... ايوة بدل ما يكون معاك اربعة و تتعب و بيتك يتخرب بالمصاريف اختك تشيل عنك كدا تبقا ابني و عمري كمان........
#يتبع
الفصل الثالث والعشرون من هنا