رواية روح الروح الفصل السادس عشر 16بقلم نوره عبدالرحمن
كانت لمار بحضنه وهو ممنعهاش المره دي كان حاسس بضعفها وانكسارها سابها لحد ما بطلت عياط بعدت وهي بتمسح دموعها
كريم : أن شاء الله تكوني هديتي دلوقتي
لمار : انت بتعمل كده ليه
كريم : عشان مش عايزك تتمرمطي بالحياة دي لوحدك
لمار بغضب :
مالكش دعوه في حياتي انا عايزه اتمرمط ماتتدخلش ياكريم متتدخلش تاني
كريم بانفعال طفيف :
مالك انا عملت ايه لكل ده
لمار :
معملتش لكن متتدخلش في حياتي تاني ارجوك ولسه هتخرج مسك أيدها يمنعها وقال بغضب: مالك في ايه
لمار بانهيار :في اني تعبت .. تعبت مش عارفه اسيطر على مشاعري ناحيتك وكل ما جيت ابعد ترجع تقربني ليك تاني تربطني بيك تاني .. سيبني يا اخي سيبني بالله عليك
كريم :
انا عاوز اساعدك
لمار : مش محتاجه مساعدتك .. انا محتاجه ابعد عنك محتاجه قلبي ده يكون خالي من حبك تعرف ترحعني زي الاول تعرف تنسيني حبك ياكريم اعمل كده لو تعرف..
كريم سكت
لمار شدت أيدها وخرجت بسرعه وهي بتمسح دموعها والمره دي قررت انها تبعد بجد لمكان محدش يعرف يوصلها بيه ..
*********
صحي عمر قبلها وعينيه بتتأملها بشرود فتحت عينيها وشافته بيبص ليها حاولت تقوم لكنه منعها وهو يبعد شعرها عن وشها
مي: في ايه
عمر :عارفه انك جميله اوووي
مي: عمر انت بتقول ايه
عمر : انا عاوز نكمل في الجوازه دي
مي : لكن انت اصلا كنت رافض
عمر وهو بيحسس على حدودها : وغيرت رأيي
مي : ليه
عمر : مش عارف
مي :عمر انت بتهزر صح انت كنت مصر أننا نتطلق اي اللي غيرك
عمر : حاسس أننا ممكن نكمل
مي :لكن انا مش عايزه
عمر بهدوء : ليه لأ
مي :معرفش يمكن عشان ظروف جوازنا
عمر : ومالها ظروف جوازنا احنا اتحوزنا زي اي اتنين
مي : ايوا لكن
عمر : لكن ايه ..
مي : مش عارفه
عمر بجديه : خلينا ندي الجوازه دي فرصه تاني
مي بتتراجع : لكن
عمر : من غير لكن خمس شهور لو مااتفقناش نتطلق ايه رايك
..
ولما شافها ساكته سأل : ساكته ليه.
مي : معرفش لكن خايفه
عمر : خايفه مني
مي :لا خايفه من نفسي
عمر : ليه
مي بضياع : يمكن عشان .. لكنها سكتت ومكملتش كلامها وقالت خليني افكر..
حرك صوابعه على خدودها وقال: فكري برحتك بس متقوليش طلقني تاني ماشي
هزت راسها بايجاب وهمست بخجل من بصاته ليها : ممكن تسيبني دلوقتي عاووزه ادخل الحمام
عمر : اهممم هسيبك قال كده وطبع بو*سه صغيره جمب شفايفها ...
**********
لمار هانم مش موجوده مشيت من امبارح بالليل ده كلام الشغاله لكريم
كريم بعصبية ومحدش بلغني ليه
الشغاله : خرجت في وقت متأخر وحضرتك كنت نايم
كريم اتعصب وحاول يتصل بيها لكن فونها كان مقفول
اتصل بوالدتها اللي بلغته انها مرجعتش البيت
اتعصب ورمى التلفون باهمال
= في ايه يابو عمر ده كان صوت عمر بيسأل بفضول
كريم بخنقه: مفيش انت عامل ايه مع مي
عمر : كويسين لكن انت ايه نظامك مع البنت إياها
كريم بتهرب: بنت مين
عمر بخبث : ابوعمر بلاش تعملهم عليا
كريم : بقولك يا عمر انت مش المفروض تزور الدكتور
عمر عقد حواجبه وقال دكتور ايه
كريم: انا حاسس أننا رجعنا لنقطه الصفر
عمر بتهرب: بابا انا كويس
كريم :مش باين بص ياعمر روح زور الدكتور واكشف خليني اطمن
عمر بخنقه: بقولك انا كويس بعد اذنك
كريم : استنى عندك وقف عمر وبص لابوه
كريم بتحذير: متقولش لنفسك مي مالهاش حد وأبوها غلبان وهجي عليها عادي لا ياعمر دي بنت اختي وأقسم بالله لو شفت دمعه في عينيها بسببك هتندم.
عمر ضحك بتريقه : بتهددني يابو عمر
كريم : احسبها زي منتا عاوز مي عندي خط احمر
عمر بخبث وغمزه : ولمار هانم ايه
كريم زق عمر ومشي وهو متعصب وراح يدور على لمار
يتبع ...