رواية احببت متلازمه داون الفصل السابع عشر 17 بقلم نوسه حمد
مرت حسام ولدت ليها طفل منقولي والموضوع دا كانت متأزمه منو شديد وبالذات تعاليق الناس كانت بتتحسس منها شديد وسموهو محمد حاولت اقنعها انو دا انسان ناهيك عن خلقه ربنا المفترض ترضا بيها و م تتحسس ولا تسمح لي اي زول اتنمر فيهو بس حاصل العكس حسيتا انها النوع الما عندو قناعه بالقسمه وعلي حسب كلام الناس انها من قامت بتتنمر في الناس وفي اشكالهم ونظرتها للناس بتفتش لعيب فيهم سوا كان خلقي سوا كان ف الكلام او اللهجه او نطق الحروف وحاجات كتيره ودا سبب خوفا من نظره الناس وكانت مهملاهو شديد بتعاملو كانو م انسان وانا الولد محنني وقاطع قلبي من اول ايام بحسها نافره منو لغايه م اتقدم في الاشهر والرفض ليهو زاد مره سمعت حسام اتناقش معاها وقال ليها لازم تهتم بيهو قالت ليهو تعال اهتم بيهو انت م بضيع زمني فيهو كده كده ح يموت انا سمعت كلاما واتمغست منها وقلت لازم اتكلم معاها استاذنت منهم ودخلت لقيتا خالفه رجل في رجل وتحضر في مسلسل وتضرب في منكير وولدها ف الارض ابكي وبتها جنبها في حضنها انا لو كان عندي عليها سلطه والله كان دقيتا بس قلت اتكلم معاها بالهداواه قلت ليها مني الكلام دا م صاح منك شنو الجهل الانتي فيهو دا وبعدين الضامن روحو اعيش لبكره منو احتمال انتي في رقدتك دي تموتي كيف تقولي م بتضيعي زمنك فيهو ودا واجبك اتجاهو حسام قال ليها كلام اريج صاح قالت ليهو بكل استفزاز المنقولي التلدو هي وتربيهو هي قلت ليها مفتكراني زيك جاهله حتي لو ولدتو منقولي انا البفرحو في الدنيا دي وقت الناس اتنمرو فيهو وانا الحا اقول بكل فخر دا ولدي ولا بتي ليه انفر منو ودي روح ي مني عقلي نفسك وكل راعي مسؤول عن رعيته ومحمد دا امانه في رقبتك عقلي نفسك واحضني زي م حاضنه بتك دي عشان ربنا م يعاقبك قالت لي كل منك دا غضب الله نزل علي حسام عشان ظلمني واتزوجك فيني هدا ولد ليهو ولد لا لامي في الناس النصاح لا المجانين قلت ليها أعوذ بالله منك نظرتك للحياه تعيشي اللحظه وبس لكن م بتعايني للموت وحساب ربنا وولدك ان شاء الله ربنا يحفظو لانو م عندو ذنب ولا اختار انو يتولد كده ودي قسمه ربنا والله اكون في عونك ي محمد وحسام وطلعت منهم واظنها البت دي م نصيحه بتشتغل بي كلام الناس وهمها كلو كلام الناس بقت تكورك في حسام وقالت ليهو اريج دي تبعد مني وم عندها شغله في ولدي ان شاء الله اجدعو ف الشارع واظنو حسام كفتها وبقت تبكي و نسيبتي فاتت عليها والشكله دورت انا اتندمتا اني اتكلمت معاها قلت مالي ومالا بس انا من اتغيرت بقيت زوله نصيحه ودا عيبي الحا يواجهني في الحياه وبقيت قاعده وخايفه حسام اجي اشاكلني وامو كمان وبقيت ارجف بس انا لازم كان اتكلم معاها عشان تعقل شويه حسام جا منفعل وامو تهدي فيهو قال ليها بطلقها وبشيل اولادي اريج بتربيهم لي بت اختك دي م مسؤوله وانتي كنتي بتضاري ليها وانتي م دايمه ليها وعيانه م بتحملي الشفع ديل ومني دا واجبها وولدها دا ح يموت بالبهدله قبل قدرو امو قالت ليهو الفضيحه والستره متباريات نتحملها نعمل شنو وانت وقت عرستها عارفها من دون اخواتا مدلعه حسام قال ليها الدلع عندو حد بقت عندها اولاد تدلعهم وتهتم بيهم انا م فاضي لي دلعها وشغال داير اجي ارتاح موش اجي اكورك وانفعل حاولت اهديهو واطبطب عليهَو بس حسام مصر يكورك ومنفعل جبتها ليهو مويه اشربها كشحها فيني بي صينيتا زحيت منو قلت اقوم اتهور ويضربني وانا كرشتي قدامي امو قالت ليهو اها دي ذنبا شنو كان انت ي ولدي كان بت اختي كلكم عيوب والله اكملكم بي عقلكم لي اولادكم انا م محتاجه ليكم وفاتت انا بقيت سرحانه واتندمتا ندم وحلفت تاني م اكررها عشان تحصل مشاكل واليوم داك بالجلاله حتي عدا ع خير
ومرت حسام شالت بتها وجدعت لينا ولدا ولملمت شنطتا وفاتت اهلا وياها عوايده لو حسام قال ليها زحي من الطريق بتعملو موضوع وتلملم شنطها وتمش اهلا واهلا زاتو اكعب منها م بعقلوها نهاااي انا طوالي قلت لي ام حسام انا ح امسك محمد لانو انا السبب في المشكله وطلبت منها تهدي حسام عشان م يطلقها ولو علي ولدو جوه ف عيوني قالت لي م قصرتي وان شاء الله اعلقها وكنت شايله الولد باكل فيهو ونتونس انا ونسيبتي فجاه جات ثويبه ومعاها على وطبعا انا من ربنا هداني علي في عيونو م بعاين وبتجنبو وهو بقا ملتزم شديد بس بحسو لسه بحبني ومتندم بس كمان الحصل كلو كوم وزواجي واستقراري كوم براهو م بقدر اتزعزع من حياتي واصلا انا توبتا توبه من غير رجعه طبعا ثويبه من مقاطع وشها فهمتها جايه لشنو علي سلم علينا وهي بطمام بطن سلمت علي وانا استاذنت منهم شلت حمودي وطلعت طوالي جات لاحقاني ثويبه في غرفتي انا بقيت افضل فيها عشان ترتاح قالت لي بطلي تمثيل ولا اقول ليك امشي فكي العمل العملتي لي امي واخوي قلت ليها عمل شنو قالت لي م علي انا انا واقعه من السماء ميه مره وتمثيلك دا م بخيل علي قلت ليها شكرا ليك كتير وربنا يهديك ان شاء الله قالت لي ربنا ربنا انتي بتعرفي ليهو شنو نسيتي ماضيك الوسخان وغاشه علي اخوي وامي قلت ليها الله يسامحك قالت لي اريج دافننو سوا مسكتني بي استفزاز من رقبتي قلت ليها انتي زوله متعلمه وتصرفك دا تصرف انسان جاهل وبعدين انتي لوزعلانه عشان مني انا م سالتها انا قلت الحقيقه قالت لي لا انتي ضمنتي اخوي وامي بالشيوخ وكتبتيهم عشان كده شغاله تتمسكني قلت ليها برضو شكرااا قالت لي انا م جيتك تشكريني جيت عشان احزرك تطلقي من حسام ولا اكلم امي انك حملتي بالحرام مرتين قلت ليها دي خوتك لي قالت لي م بينا خوه بينا عداوه ي اريج انتي دخلتي حياتنا ودمرتيها بزواجك لي حسام وانا بحزرك لاخر مره تطلقي من حسام ولا اكلم امي بي فضيحتك وانتي عارفه امي سبب في رحولك هنا لو كلمتها دقيقه م ح تقعدي ف البيت دا والفي بطنك دا ح اعيش زيو وزي اخوانو من غير اب .......
يتبع.