رواية احببت متلازمه داون الفصل التاسع والعشرون 29 والأخير بقلم نوسه حمد
فتحت الرسايل المرسله لانو جاني اشعار بانو ثويبه رسلت رساله وانا قلبي انقطع م خايفه منها بس هي م بتخاف ربها عشان كده جنيت ولقيتا مرسله لي( واعدم امي م ح اخليك تتهني بي بي علي ولا بي اولادو الفرحانه بيهم ديل وح ادمرهم واحد ورا التاني) انا هنا حسيت احساس مرعب م خوفا فيها لكن انا ممكن كان اتوقع صحبتي ورفيقه دربي تبقا كعبه وتخوني والزمن من انسانه بريئه يقلبها لي واحده م مفهومه لكن م كنت متصورها تهددني بالطريقه دي وجاتني ليك قوه من السماء وكتبت ليها لو اجتمعت الامه علي ان يضروك بشي لا يضروك بشي الا كتبه الله لك وان اجتمعو ان ينفعوك بشي لا ينفعوك بشي الا كتبه الله لك وانا م خايفه منك ولا ح اخاف منك طوالي ردت لي قالت ح تشوفي وحظرتني وانا بقيت سرحانه ليه الدنيا تغيرنا كده😭😭😭 علي جا داخل وكان مبسوط لقاني شايلا الولد كان ببكي شالو مني وبقا يشاغل فيهو وابوس فيهو وكان مبسوط قال لي شفتي ي اروجه اهلي مبسوطين لي كيف ومبسوطين بس اولادي والبوست طلع لي ناس لي منهم سنين ومنهم شهد صحبتك اها رجعت ليك لانو اديتا رقمك قلت ليهو دردشت معاها انا زاتي قال لي كويس والله وبالمناسبه انا عزمتها للسمايه هي وزوجها عشان يجو نتعرف ع زوجها واولادها فجاه علي عاين لي ف وشي قال لي اروجه مالك متالمه من العمليه ولا حاجه قلت ليهو لا لا ختا الولد لانو نام ف اثناء م شايلو وجا قعد جنبي قال لي اريج احكي لي حاسيك مضايقه قلت ليهو قبل احكي ليك عاوزه احكي ليك شي قلت ليهو بتزكز زمان انا شهد دي كنت م بحبها رغم اني م شفت منها شي شين بس طوالي بقطع فيها وم بحبها وبحسها عويره دي ايام كنت انا متكبره شايفه الناس اي كلام وصحبتي الاعتبرتها زي اختي وقربتا منها شديد هي الطعنتني في ضهري وفي النهايه بتهدد فيني وعشان شنو م عارفه واولادي م عندهم ذنب علي انخلع قال لي كيف الكلام دا والهددك منو اديتو الدردشه قراها قال لي انا م ركزت في كلاما اكتر مما ركزت في ردك انا ح اسالك سؤال وردي عليهو انتي مقتنعه بقسمه ربنا خير او شر؟ قلت ليهو اكيد قال لي يلا بس دا المطلوب والطالبو منك تتوكلي علي ربنا وانا اولادي بحصنهم وان شاء الله عوجه م بتجيهم انا كنت عايش مع ثويبه وعشان عارف عمايلها قاعد اكون علي طهاره طوالي عشان م تعمل لي مصيبه ووعد ي اريج طول م انا جنبك م تجيك حاجه لا انتي لا اولادي وح احرص عليكم شديد ♥️♥️♥️قال لي بالمناسبه دي اناثويبه ح اطلقها وارسل ليها ورقتا مع اخوها قلت ليهو حسسسسام قال لي اي حسام طلق مرتو واتزوج وجايين اعمرو واشوف ولدو ولا عندك مانع قلت ليهو اكيد م عندي مانع قال لي احتمال كبير يحضرو معانا السمايه لانو حسام مشتاق لي ولدو واستاذن مني اجي قلت ليهو دا ولدك تجي في اي زمن وحبابك قلت ليهو ان شاء الله ربنا يسهل ❤️❤️
مرت الايام وجا يوم السمايه وعلي ودكتور محمد م قصرو رتبو لي اي شي واخواتي جو واول المعازيم كانت حضور شهد صحبتي بقيت م مصدقه انو اخيرا الدنيا جمعتنا وبقينا نتونس ونحكي وحكيت ليها بالعذاب المريت بيهَو وكذبه ثويبه انو اتهمتني انو الفي بطني م ولد علي وربنا كريم كشف اي شي قاطعتني ف الكلام قالت لي انتي عارفه ي اريج اكتر زول كان بحقدك منو ثويبه وكانت لمن تكون معانا بتنبزك نبز وكلنا عارفين انها بتحب علي الا انتي الما عارفه واكيد انخلعتي لمن عرفتي بي خطوبتو منها وانا واحده من الناس مره ساقتني عشان تعمل نفسا قابلتو صدفه واتعابطت فيهو لغايه م اتزوجها وهي الما بتلد ع فكره والدكتور زمان قال ليهم ٩٩ ف الميه المشكله العندها تمنعا الولاده قلت ليها حسبي الله ونعم الوكيل فيها واحسن نسكت م نشيل فيها ذنَوب قالت لي اي والله قلت ليها شهد ممكن تعفي لي قالت لي عافيه ليك لله والرسول وبقينا نحكي بدرامات المدرسه وقالت لي الاستاذه ديك الاتهمتينا انا َوهي وامك جات شاكلتنا بتتزكري قلت ليها بتزكر قالت لي اتوفت بي كانسر قلت ليها ي ريتني م شاكلتها 💔💔
علي جا داخل قال لي حسام وزوجتو وصلو قلت ليهو كلمهم ارحبو بيهو وجيب لي علي ولدي عشان امهد ليهو الطريق م يخاف منو قال لي طيب دقايق م عديتا على ولدي جاني قال لي نعم ي ماما قلت ليهو سلم ع خالتو شهد سلم عليها وقعد جنبي قلت ليهو علي رايك شنو اخليك تشوف بابا عاين لي ودموعو رقرقن قال لي لا ي ماما م عاوزه اشوفو لانو هو م سأل مني ولا شغال بي قلت ليهو للناس ظروف قال لي لا يا ماما انا م عاوزو انا ابوي علي وفكا مني بالقوه وداير امشي حسام قاطعو ف الكلام وضماهو عليهو وقال ليهو انا ابوك وانا عملت المستحيل عشان اقدر اصل ليك خليت اي شي وجيتك خليت امي وخليت بتي وجيت اشوفك وعلي بقا اعاين لي قلت ليهو دا ابوك ي علي سلم عليهو وبل شوقك انا حاسه بيك وحسام بقا يبكي وعلي يبكي لمن الناس اتلمو فيهم وفكوهم من بعض وابوي شكلو متاثر شديد قال ليهو ليه ي حسام عملت كده قال ليهو اعفي لي غصبا عني يابا م قصدي اطلقها لكن الحال العلي م يعلم بيهو الا ربنا وانا الان تمام وربنا عوض اريج بي علي البستاهلها قال ليهو م قصدي ليك طلاق بتي اريج لانو بتي ربنا كريم عليها والحمد لله ربنا سترها انا بقصد ليك ليه تكرر غلطك وتجدع بتك تاني مره م كان تطلق مرتك قال ليهو بتي برضو الله كريم عليها وانا كان لازم اطلقها وبتي بمش ليها م بقصر منها وان شاء الله ربنا يقسم لي واجيب ليها اخوان وعرفنا علي مرتو شكلها طيبه وبت ناس في قلبي قلت الله يستر عليها من ثويبه وضرتها
حسام بقا مبسوط بي ولدو وعلي زاتو مبسوط بي ابوهو وكان طاير من الفرحه وطلعو مشو الديوان وانا بقيت اتونس مع شهد ومرت حسام الجديده قالت لي حسام حكا لي عنك انا قلبي قال شح 😩
قالت لي كلمني بالاتهمات الوجوهوها ليك مرتو واختو وعشان اختو كانت بتحب علي وعلى كان عاوزك عملت المستحيل قلت ليها غايتو الحمد لله ربنا أداني ع حسب نيتي قال لي اكيد وانا هسي ابوي اشترط عليهو نقعد في بيتنا والحمد لله حسام زول ممتاز وادعي لي ربنا يرزقنا بي ولد عشان نجيب لي علي اخ اتزكرت محمد المنقولي ولد حسام 😭😭😭😭😭وانفقعت بالبكا وهي حست بي قالت لي اتزكرتي محمد ود حسام صاح قلت ليها اي والله قالت لي حسام حكا لي انك كنتي بتحبي شديد وبتهتمي بيهو اكتر من ولدك قلت ليها محمد متلازمه داون امو كانت شايفاهو زي العقاب ليها وهو كان روحي ونفسي ولمن عرفت انو اتوفي قلبي انقطع 😩😩😩😩😩 شهد قالت لي اريج خلاص انسي العذاب دا وخلينا نتونس وبقينا نتونس ونضحك وانبسطنا ويوم كان رهيب علي ولدي مبسوط بي ابوهو وانا حسيت نفسي اخيرا ارتحتا ومن ٠جواي انو ولدي شاف ابوهو وابوهو شافو وتاني م بهمني شي وح اطوي صفحات العذاب واعيش دنيتي مبسووووووطه ودي كانت ختام روايه #احببت متلازمه داون ♥️
*اول هدف للروايه طلب من عضوه ف القروب ف الاول اترددت م اكتب الروايه وتاني كتبتها عشان جد حسيت انها اتغيرت ونفسها البنات اتعظو من قصتها وكانت بتحكي لي انها حملت ثلاثه مرات الاول من حبيبها غشاها والتاني من استاذ حبتو بعد انصدمت من حبيبها وكانت مفتريه وشايفه الناس م ناس لغايه م حصل حملها والناس عرفتها وبقيت منبوزه والمجتمع الم رحمتو لمن كانت شايفه نفسها م رحمها لمن غلطت والحاجه دي بقت ليها عقده من ناحيه ومرضه من ناحيه ومعصيه من ناحيه✋ عقده انو المجتمع كان بنظر ليها نظره كعبه😒 ومرضه انها ادمنت الحرام ومشت وراهو لغايه م كررت غلطها تلاته مرات ✍️ومعصيه لي اهلها عشان اسلوبهم كان كعب وفوق دا كلو الحصل ليها كان خلصان حق وكما تدين تدان وبالذات في العرض ربنا بخلص حقو دنيا واخره ✌️*
*وانا دايره اقدم نصيحه ف زمن كترت فيهو المعاصي للاولاد والبنات مهما الدنيا ساقتك للحرام عندك حدودو م تتخاطاها انت كولد لو حبيت حافظ ع البتبحبها زي م بتحافظ ع اختك ومهما كان م تتجرأ تشيل حاجه م حقتك بالحرام ابقا راجل وعرسها 💪وبالنسبه للبنات ماف سبب واحد بخليك تغلطي وتغضبي ربك عشان حب محرم وعلاقه حرام وفي حاجات فيك لو اتفقدت طعم الحياه ح ينفقد*
*🚮 وح ينعدم الحياء وح تكوني عباره عن واحده قلبها مات وما فاهمه شي للدنيا والشيطان ح اغشك الف مره 💔وفوق دا كلو ح تكوني عايشه مكسوره لانك كسرتي القيود ☝️ وح تغرك الدنيا والرجال وح تبيعي نفسك وح تغلي في نظر العندهم حب الشهوات وح يشتروك وح تكوني عباره عن جسد مبيوع للغاشي والماشي وح ترخصي في نظر المجتمع 😓*
*تالت حاجه ي جماعه ع قدر م تقدرو خففو من الصحبه الشديده لانو ٩٩ ف الميه اتخزلو من صاحباتهم و اسألوني انا اذا كانت اختك بت امك وابوك مرات بتصلو لمرحله بتتشاكلو فيها ابقا كيف واحده غريبه تكون معاك مثاليه والله الا تكون تمثال واغلبيه البشر بقو يحبو حاجه الغير زي م حصل لثويبه حبت حبيب صحبتها عشان هي بتحكي ليها عنو وثويبه م اعتبرتو اخوها وح يكون زوج صحبتها لا فكرت فيها وزي م بقولو حلا ليها وعملت المستحيل عشان تصل ليهو*
*ورابع حاجه م بحقدك الا زول عجز اكون زيك وم بدمرك الا انسان اكون فشل اكون زيك ولمن اصل مرحله الحقد والحسد بلجا لي انو يدمرك سوا كان بي مصيبه زي م عملت ثويبه او بي تلفيق تهم وبي طبيعه البشر فارغين وبحبو الفارغه م اصدقو اسمعو في زول حاجه طوالي بصدقوها 🚮ونسال الله السلامه*
*خامس حاجه ي جماعه العقم م عيب دي قسمه ربنا لو كنتي ربنا م رايد ليك الولاده صارحي زوجك بالحقيقه م تدسي عنو وليهو الخيار اقعد معاك واتحمل عدم الجنا ولا يطلقك ولا يتزوج فيك ودا حق من حقوقو م تبقي انانيه وكذالك للراجل لو و بتلد صارح مرتك ودا م عيب ي جماعه والولاده أقسام وكونك انت عقيم م عيب معناتا ربنا م رايد ليك الولاده 💔*
*سادس حاجه حاجه م جاتك بالدرب العديل م تفتشو ليها بالشيوخ المحبه اقسام والزواج اقسام والطلاق قسمه والقبول اقسام ماف داعي للكتابه وماف داعي تدمرو حياه ناس م عندهم ذنب*
*سابع حاجه نوع الجنين دي حاجه م بتحددها الام ولا الاب دي قسمه من ربنا وانتي حامل اتوقعي تلدي طفل مشوه او متلازمه داون.......... الخ ومتلازمه داون وديل احلي ناس م اختارو اجو الدنيا كده لكن جد هم حاجه من ربنا فكاهه البيت والحاجه دي م عيب ولا نبزه بس نحنا مجتمع متعقد جدا جدا جدا ونظرتنا للحياه وللناس سطحيه وزي م علقت ع طفل وضحكت ع شكل زول انت م ضامن الدنيا داسه ليكم شنو انا ي جماعه ضد التنمر بكل أنواعو سوا كانت في خلقه زول لانو هو م اختارا جات كده وبتاثر جدا لمن اشوف زول بيضحك على خلقه زول بنكسر انا قبل البضحكو عليهو بخت نفسي مكانو وبقول معقوله الناس دي فهمها سطحي حتي في خلقه ربنا 😩☝️*
*ختام روايتي دي😩 انتو عارفين البت الكتبت عشانها الروايه بقيت احسها انها عاشت في خيال الختام والسرد للروايه واخر رساله منها انها ح تختم حياتها بي انها تعيش علي خيال اريج وعلي ومحمد واسره دكتور محمد حاولت اقنعها انو ربنا كريم احتمال ارزقها بي انسان غلط زيها وتاب او انسان متقبل بت بكل عيوبها وقادر انو يخلق انسانه تانيه وتكون اجر ليهو*..
تمت بحمد الله
لقراءة جميع فصول الرواية من هنا
وأيضا زرونا على صفحة الفيس بوك
وايضا زورو صفحتنا سما للروايات
من هنا علي التلجرام لتشارك معنا لك
كل جديد من لينك التلجرام الظاهر امامك
وايضا زورو صفحتنا سما للروايات
من هنا علي التلجرام لتشارك معنا لك