رواية احببت متلازمه داون الفصل الثالث 3 بقلم نوسه حمد
قلت ليهو حسام انا خايفه قال لي ي بت انتي مجنونه تخافي مني فشنو انا سحار باكل وانا كنت خجلانه منو بي قلبي قلت ليهو انت احلي منك ماف قال لي كدي عايني لي في عيوني وانا كنت برجف شديد اي نعم انا م بتوقف لي حاجه في الدنيادي بس نهاي م فكرت اقرب من ولد قال لي اروجه قلت ليهو نعم قال لي سرحتي وين قلت ليهو لا لا خليني النمشي قال لي م صدقت اني لقيت حلم حياتي قدامي دايراني افكك بالسهوله دي قلت ليهو منو حلم حياتك قال لي انتي اكيد انا غلبني البسويهو وي مؤمن ي صديق صدقتو قلت ليهو حسام انت اصلا متعود ع الكلام دا قال لي لا والله بس مبهور من جمالك م قادر انزل عيوني منك ونفسي تبادليني نفسي الاحساس قلت ليهو من غير م اعاين ف عيونك حس بي قال لي لا عايني لي وياريتني م عاينت ليهو جاني احساس اول مره احسو قال لي اها رايك فيني شنو انفع اكون راجلك وابو اولادك وانا م مصدقه ومندهشه فيهو هل حسام كلامو صاح ولا داير ياكل عقلي بقيت ساكته قال لي اروجه حبيبتي ردي انا شده م كلمه حبيبتي دي حسيتا جوه حسيت نفسي دوختا عديل قلت ليهو حسام انا ماشه عليك الله خليني النفوت قال لي تفوتي وتخليني معقوله ي اروجه انا بنتحر ليك لو تاني قلتي كده قلت ليهو لا بعد الشر عليك قال لي يلا قولي لي حبيبي قلت ليهو م حاسه الكلمه دي قال لي لمن تنطقيا ح تحسيها قلت ليهو جد قال لي جربي وبقا مغمض عيونو وانا كنت طايره من الفرحه معقوله ولد بالوسامه دي واحبني انا قال لي يلا م تسرحي كتير قولي انا منتظرك قلت ليهو حبيبي قال لي شنو قلت ليهو حبيبي وبقا اضحك ومبسوط وباسني في يدي انا حسيت باحساس غريب زحيت منو وشلت شنطتي وطلعت
مشيت البيت وحسام زعل مني وانا بقيت افكر هل هو بحبني ولا بغش علي بقيت خايفه ومرتبكه والمشكله م هنا المشكله انو تفكيري كلو بقا في حسام وصدا صوتو وهو بقول لي رايك شنو فيني ينفع اكون ابو اولادك بتردد في كل ثانيه جواي والاحساس اتمكن فيني وتفكيري كلو بقا حسام و علي نسيتو فتحت تلفوني لقيتو متصل علي كتير شديد م رجعت ليهو امي جات قالت لي مالك ابيتي الاكل قلت ليها م عندي نفس قالت لي اكلتي وين قلت ليها ولا حته والله م اكلت فيها قالت لي خلاص لو جعتي امشي اكلي انا كان نفسى احكي لي امي بي حسام وعلي وانا واقعه في حيره احتمال بينهم الاتنين هي ترشدني بس امي لو كلمتها ح تقول لي ي بت خلي بالك من قرايتك وح تشاكلني وانا حاسه انو جواي فراغ عاطفي لازم اتمو وعلي صغير مهما كان امو م ح توافق اتزوج بعد امتحن وحسام م شاء الله ولد كبير وواعي بس انا مشاعري م زيو هو حتي في تفكيرو في الحب بحسو تفكيرو اعلي مني وبقيت سرحانه صديقتي الوحيده الممكن احكي ليها هي ثويبه وم ينفع احكي ليها بحسام لانو حزرني قال لي ثويبه بتكلم ابوي وح يعمل لي موضوع وطلب مني علاقتنا تكون في السر عشان نتم الموضوع للنهايه
مرت الايام وانا بقيت م برد علي حسام ولا بمش بيتهم وعلي كمان م برد عليهو رسل لي ثويبه قلت ليها خلي ينساني ي ثويبه قالت لي مالك انتي ي بت متغيره وبقيتي تسرحي كتير فشنو احكي لي قلت ليها ماف شي ي ثويبه قالت لي طيب الايام الجايه لازم نجتهد عشان الامتحانات قلت ليها ان شاء الله
رجعت البيت لقيت علي مرسل لي رسايل قال لي بعد كلمت امي تجي تقولي لي انساني وم تجي منك توصي لي صحبتك وشكرا ليك ي اروجه وانا عندي كرامه والله اوعدك وعد م ح اضايقك ولا ح اتصل ولا ح ارسل ليك وح تكوني حبي الاول وبعديك م ح احب الا ام اولادي وخلي بالك من نفسك ي اروجه واقري عشان الامتحانات وانا ح اقفل التلفون عشان عاوز اقرا للامتحانات واعفي لي بقيت اقرا في كلامو ودموعي عشره عشره بس حسيت قلبي مات ورجعت ليهو لقيت تلفونو مغلق وبقيت ابكي شديد حسام بقا يتصل رديت عليهو وانا ابكي قال لي اروجه مالك حبيبتي منو الهبشك عشان اشرب من دمو قلت ليهو ماف شي وكنت ببكي شديد قال لي اروجه اهدي حبيبتي عشان خاطري انا م بحب اشوف دموعك دي ح تكتلي اي شي جواي قلت ليهو حاضر قال لي يلا اشوف بسمتك قشيت دموعي وبقيت مبتسمه قال لي ايوا كده ي حلوه وبعدين تعالي هنا ليه م بتردي علي قلت ليهو زهجانه كنت قال لي تاني لمن تزهجي اتصلي على خلينا نزهج سوا قلت. ليهو حاضر قال لي يلا قومي البسي وانا منتظرك بيتنا فاضي قلت ليهو لا ي حسام قال لي اسمعي كلامي ي بت ولا ازعل منك عاوز اشوف بسمتك قلت ليهو طيب بس م بتاخر مشيت قلت لي امي عندي حصه قالت لي م تتاخري ومشيت استحميت ولبست وعملت ميك اب خفيف ومشيت لقيت حسام منتظرني قلت ليهو حسام انا خايفه قال لي م تخافي ي بت انا راجلك وسندك قلت ليهو لكن انت م راجلي قال لي بسيطه مسك شنطتي وطلع منها ورقه وقال لي قولي وراي قلت ليهو اقول شنو قال لي قولي زوجتك نفسي قلت ليهو لا لا العقد م كده بكون بي مأذون وبعقد لي ابوي قال لي اي ي اروجه بس دا عقد بينا عشان انتي م تخافي مني وانا اتخرج بهنا اجي اسوقك من يدك قدام الناس كلهم واقول ليهم دي ياها الخطفت قلبي من اول نظره انا صدقتو وقال لي يلا امضي علي الورقه دي وختيها عندك عشان تطمئني قلت ليهو طيب
وبقا يتغزل فيني وجاب لي عصير وحسيت نفسي دايخه وراسي كبير بقيت شايفه حسام طشاش طشاش لمن صحيت قلت ليهو حسام انتي عملت شنو قال لي مبروك انتي بقيتي مرتي وانا اليوم اسعد يوم في حياتي.........
يتبع