رواية احببت صاحبة القهوة الفصل الثاني 2 بقلم نونو
وفي يوم وعد كانت مروحه بس اتاخرت شويه
ومالقيتش مواصلات وهي ماشيه طلع عليها اتنين سكرانين جريت وهما جريو وراها وفي نفس الوقت كريم كان مروح شاف بنت بتجري في الضلمه واتنين بيجرو وراها لف ورجع بالعربيه بتاعته علشان يشوف ايه اللي بيحصل ونزل واتصدم من اللي شافه .........
نكمل
كريم نزل وراح نحيتهم واتصدم لما لقي الطريق مقفول والبنت مش عارفه تروح فين والاتنين بيقربو منها وهي عماله تصوت وتقول حرام عليكو سبوني اروح وهما تروحي فين ي قطه ولسا هايقربو عليها علشان يمسكوها
كريم بصوت عالي مكانك انت وهوا اتصدمو وبعدين قرب منهم هي عرفته انما هو الجو كان ليل ماخدش باله من شكلها جريت عليه واستخبت وراه واحد من الاتنين انت عايز اي احسنلك تمشي وتسبها البنت دي تخصنا ولسا ما خلصش كلامه لقي اللي ادلها في وشه وهما كانو سكرانين وكريم اوسعهم ضرب وهما ماقدروش يدفعو عن نفسهم
وعد وقفه وعماله تعيط وخايفه خالص وبعدين قالت خلاص سبهم هايموتو في ايدك
كريم سمع صوتها وقال هو انتي وبعدين سابهم وقرب منها وقال بدال انتي خايفه عليهم ما مشتيش معاهم لي من الاول ولا دي حركه منك
وعد مصدومه من كلامه وقالت انت بتقول اي
كريم اللي سمعتيه ي انسه وعد
وعد انا ما سمحلكش تتكلم عني بالطريقة دى لو حضرتك ما كنتش اخرتني في المكتب ما كنش ده حصل بسببك ما لقتش مواصلات اطريت امشي شويه يمكن الاقي اي حاجه توصلني انت السبب منك لله وبعد ده كله بتتكلم عني بطريقه مقرفه زيك بتتكلم وهي منهاره من العياط ومش قادرة
كريم انا ماحدش يستجرا يكلمني بالطريقة دي شكلك نسيتي نفسك انا هاندمك علي كل حرف
وعد انت مغرور واناني مفكرني زي اللي تعرفهم
كريم رفع ايده وضربها بالقلم وعد وقعت علي الارض وبعدين سابها وقال بكره تكوني في الشركة فاهمه والا ما تلوميش علي اللي هايحصلك
وعد فضلت قاعده علي الارض بتعيط
هو روح بس ضميره صحي وقال مهما حصل ما كنش ينفع اسبها في مكان زي ده لوحدها والوقت متاخر كمان ي ترى عملت اي وفضل يفكر
في مكان تاني عند وعد قامت من علي الارض وفضلت ماشيه لقت عربيه جايه من بعيد بسرعه وكانت هاتخبطها بس هي بعدت عن الطريق بسرعه قبل ما تقرب العربية وقفت نزل منها بنت باين علي شكلها الغني من طريقة لبسها بنت بشرة بيضاء وعيون سوداء وشعر كستنائي اللون وكانت جميله قربت من وعد وقالت انتي كويسه وعد بتعب اه البنت طيب تعال اوصلك الوقت متاخر
وعد شكرا بس مش عايزه اتعبك
البنت تعب اي انتي اللي شكلك تعبانه تعالي اوصلك
وعد استسلمت ليها وركبت معاها علشان توصلها
بعد صمت البنت انا فيروز وانتي
وعد اسمي وعد
فيروز اتشرفت بمعرفتك ي وعد بس اي اللي عامل فيكي كده
وعد حكتلها كل اللي حصل معاها
فيروز دول حيوانات خالص ولا كله كوم والمغرور ده كوم تاني معقول في كده
وعد اه في انا تعبت اوووي وفضلت تعيط
فيروز خلاص ي وعد اهدي ي قلبي اهم حاجه انو ماحدش اذاكي
وعد الحمد لله تعبتك معايا ي فيروز شكرا جدا
فيروز ولا تعب ولا حاجه وبعدين بقينا صحاب يعني بلاش الكلام ده
وعد انتي كنتي ماشيه بسرعه لي
فيروز انا كنت في اميركا وخلاصت دراسه ولسا نزله مصر النهارده وكنت مروحه والطريق كان فاضي ف ذودت السرعه بس الصدفه الحلوه اني قبلتك واتعرفت عليكي
وعد وانا كمان وخدو ارقام بعض وعد وصلت ونزلت وفيروز مشيت
ي تري مين فيروز هانعرف بعدين
وعد دخلت البيت وكانت مش قادره تمشي ما متها مالك ي وعد وعد حولت تبان عاديه مافيش ي ماما بس كان في شغل كتير النهارده
ما متها واي اللي اخرك كده ي قلبي
وعد لحد لما خلصت ي ماما انا داخله انام تصبحي على خير دخلت وعد اترمت علي السرير وفضلت تعيط وبعدين دخلت اخدت شور وطلعت غيرت وصلت وفضلت تدعي وتعيط وبعدين راحت في سبات عميق من كتر التعب
عند كريم قاعد هو ووالده ووالادته وسرحان ي تري عاملت اي وروحت ازاي وعمال يفكر فيها ومش مركز خالص
والده مالك ي كريم في حاجه ي ابني
كريم لا يابابا مافيش حاجه بفكر في الشغل بس
وقطع حديثهم صوت اللي دخل فجاه
الكل اتصدم
فيروز انا جيت ملكم سكتين لي امشي تاني
ما متها طلعت جري عليها وحضنتها وقالت حببتي وحشاني لي ما قلتيش انك جايه النهارده فيروز حبيت اعملها مفاجاه
وراحت حضنت بباها جامد وبعدين كريم سرح تاني
راحت وقفت قدامه وقالت ابو طويلة وحشتني
كريم فاق علي صوتها وقال وحشتيني ي قزعه وقام حضنها وحضنو بعض جامد فيروز تكون اخت كريم الصغيرة وبيحبها جداا وهي كمان بتعشقه وفضلو يهزرو ويضحكو وكريم شويه يركز وشويه يسرح في وعد ويرجع يقول لنفسه ما تتحرق انا شاغل نفسي لي وبعدين دي انسانه عنيده ولزم تتربي انا هاعرفها مين كريم الشرقاوي
وبعدين اخته حكت لهم اللي حصل معاها والبنت اللي قابلتها وكريم ركز اووووي في كلمها واطمن أن اخته وصلتها وبعدين فاق علي كلام اخته وهي بتقول معقول في كده ي بابا
مامتها ردت وقالت ياريت ي فيروز تقطعي علاقتك بيها شكلها بنت مش كويسه وبعدين ممكن تكون عملت ده كله علشان توصليها فيروز لا ي ماما دي عسوله ومحترمه جداا كمان وانا حبتها
مامتها انا قلت كلمه ومش هاعدها فيروز علشان تريحها حاضر ي ماما فيروز كريم انت اي رايك معقول في حد بالغرور ده والقسوة دي انه يسيب بنت في الشارع في الوقت المتاخر ده كريم بكل برود اكيد هي عملت حاجه ف تستاهل اللي يجرالها وقال بعد ازنكو انا رايح انام علشان عندي شغل الصبح كتير وراح علشان ينام فضل يفكر فيها وفي كلأم اخته وبعدين قال تستاهل كل اللي جرالها علشان تتكلم معايا بأسلوب احسن المره الجايه وبعدين بعد تفكير طويل نام
تاني يوم في الشركة يوم جديد علي ابطالنا
كريم نزل كا العاده بطلته الجذابه
راح علي الشركه ما لقلش وعد موجوده
راح علي مكتبه مالقهاش هناك رن علي مها المساوله
كريم الو ي مها
مها الو ي فندم
كريم السكرتيرة الجديدة ما جتش النهارده
مها لا ي فندم ما جتش وما بلغتش حد فينا فكرتك عارف
كريم لا هاتيلي رقم الفون بتاعها
مها حاضر وادتهوله
عند وعد كانت نائمه ومش قدره مامتها اي ي وعد مش رايحه الشغل ي حببتي
وعد لا ي ماما مش رايحه اجازه النهارده قالت كده علشان مش عارفه تقول اي لمامتها ومسكت دموعها بالعافيه
مامتها طلعت وسابتها تنام
وعد كانت بتفكر انها ما ترحش تاني وهي غرقانه في تفكرها الفون بتاعها رن
وعد الو مين
كريم بعصبيه هو حد اذنلك انك تغيبي النهارده
وعد بكل برود وانت مين علشان اخد الاذن منك انا اعتبرت كلامك امبارح رفد ليا علشان كده مش هاجي ومش عايزه منك حاجه سبني في حالي وابعد عني
كريم شكلك نسيتي الشرط الجزائي اللي في العقد انك لو مشيتي قبل ٦شهور هاتدفعيه
وعد كانت ناسيه قصت الشرط ده خالص وقالت انت بتعمل فيا كده لي حرام عليك
كريم كلامي خلاص ي تدفعي الفلوس ي تيجي حالا
وقفل الخط هو عارف انها مش معاها تدفعه ف هاتيجي ويعرف يذلها كويس
وعد رمت الفون بتاعها وفضلت تعيط وتقول يارب يارب
ومش عارفه تجيب الفلوس دي منين قررت انها تروح وتتجاهله خالص لحد لما المده تخلص وتشوف شغل تاني
قامت غيرت ومشيت مامتها رايحه فين ي وعد
وعد طلبوني في الشغل ي ماما في ورق لزم يخلص
ما تقلقيش
كريم قاعد في المكتب مستنيها
وعد وصلت وراحت علي المكتب ودخلت
كريم نورتي ي هانم ❤❤تفاعلوا بعشر ملصقات ومتابعه لصفحتى الشخصيه
يتبع…..