رواية العرجاء الجميلة الفصل السادس 6 بقلم جمانه السعيدي
@الجميع
رزق....شكد اجوني عرسان قبل بس ما ضجت عليهم مثل كمال
اني حبيته وتعلقت بي ليش عافني
تصرفاته تكول هو يريدني وقابل بهذا وضعي ليش تغير بين يوم واليله
ايجوز لان عرجه بس هو كال الموضوع عادي بلنسبه اله
ايجوز الناس تلوم علي لان عرجه
بس هو إنسان مثقف معقوله يفكر بكلام الناس
ليش اني ماعندي حظ
يمكن راح ابقى هيج بدون زواج طول عمري
رزق...صارت عندي كئابه وضجت حيل
عزلت نفسي من جديد
ابوي حالته اتازمت بسببي كلش ضايج عليه
ودائما ضغطه صاعد
كلما يشوفني ضايجه يصعد ضغطه
بعد شهرين نزلت سمر من فوك فرحانه
والضحكه شاكه الوجه
من شفتها كلت شعجب تضحك كل وكتها عاوجه بوزها وما عاجبها العجب
سمر....اليوم اني معزومه على عرس انسان عزيز عليه
رزق...مارديت عليها لان مالي خلكها
سمر...غير تسئلين منو
رزق.... اني شنو علاقتي متعوده اسئلج وين ترحين وين تجين
سمر...لا مو العريس انسان عزيز عليج
رزق...عزيز عليه اني منو
سمر...اليوم عرس كمال يكولون مسوي عرس يخبل
وعازم الناس كلها
رزق....من سمعت عرس كمال حسيت واحد وعصر كلبي
اجتني حراره بجسمي
كمال عرس مو امه كالت بطل مايريد يزوج
راح يزوج وحده غيري
ليش اني شنو ناقصني يعوفني ويروح يزوج وحده
غيري
سمر...اني معزومه راح اروح الاهلي ومناك اروح للعرس
عود من ار ح وارجع احجيلج شنو شفت هناك
اسولفلج تفاصيل العرس
رديت عليها بعصبيه
رزق....واني شنو علاقتي بلعرس
سمر ..على كيفج عيوني شدعوه هلكد عصبيه
ولو حقج لان عافج وراح اختار غيرج
رزق...سمر روحي من كدامي لا ارتكب بيج جريمه
سمر...شدعوه هلكد عصبيه عيوني
كلشي قسمه ونصيب
يمكن انتي ما مقسوملج تزوجين ايجوز تبقين
عانس
رزق... سمر ولي من كدامي انتي شنو من بشر
ما تجين بس بلسوالف الموزينه
سمر....ليش ضايجه مايريدج هيه كوه خوما كوه
رزق....استغفر الله ياربي اللهم طولج ياروح
سمر...على العموم اني راح اروح للعرس
رزق...كوه لزمت نفسي ما ضربتها
شكد حقيره الخاطر الله شنو من بشر هاي
طبعا هي لا معزومه ولا شي بس تريد تقهرني
تريد توصلي خبر زواج كمال
لان ابنها من رجعو بليل
عقيل سئله وين رحتو ما وين خلصتو الوكت
رد علي مارحنا الاي مكان بقينا بيت جدي
اني اللعب ويا الجهال وامي لفت كبة البيت جدي
عرفت هيه ماراحت للعرس بس تريد تغثني الله يغثها
شكد انقهرت من خبر زواج كمال
ااكثر ما انقهرت لان عافني
ليش ازوج غيري اني شبيه شنو ناقصني
ليش اجا وخلاني اتعلق بي وعافني
فاتت الايام والاشهر والسنين واني على نفس وضعي
محد دك بابي
العمر يركض واني بنفس مكاني
عقيل كمل بيته وطلع هو وهاي الحيه
همزين طلعت وخلصنا منها
اخوي وليد ازوج سكن ويانا سنه وحده من بعدها حصل شغل بشركه اهليه بلبصره اخذ زوجته وراح سكن هناك
يكول الطريق بعيد ومااكدر اروح وارجع
الشركه قدمتلهم سكن على حسابها
شركه بناء واعمار
مستقر هناك وشغله خير من الله
يجينا كل ٣ اشهر يوم واحد يشوفنا ويرجع
بس يتواصل ويانا بلتليفون دائما
جمانه السعيدي
اما مسلم ازوج بنيه جانت تدرس ويااا
علاقة حب خمس سنوات هو وياها
اهلها حالتهم الماديه توب وعدهم أملاك وخير من الله
اول ما خطبناها
ابوها شرط بيت وحدها
بلبدايه ااجر بيت وكعدو بي
بعدين ابوها انطاها بيت من بيوته تسكن بي
حتى لا يدفعون ايجار
بقينا بلببت بس اني وامي وابوي بلبيت
ابوي كلما يشوفني ينقهر عليه
البنات الي بعمري كلهن ازوجن والولد ازوجو
واني باقيه على نفس وضعي
ماكو اي شي جديد بحياتي
فكرت ارجع للمدرسه مجرد اشوف الكتب اضوج
مااكدر اقرا واذا قريت أنسا كلشي
حياتي فارغه ومابيها معنى
بعمري ٢٧ سنه ابوي تمرض هلمره وكع من صدك
شكد أخذنا دكاتره
بس ماكو فايده حالته الصحيه حيل تعبانه
خطيه عقيل حاير بي
ماعافه ولا دقيقه ماكو علاج ولا دكتور مااخذه
وهو ماكو على السانه غير رزق
بويه عقيل اختك بويه وصيتي اختك
لاتعوفها اختك امانه عقيل بويه
لاتعوف رزق لا تخليها تنقهر
ماكو على السانه غير رزق
الحد ما انتهت حياته
على فراش المرض ومات
اذا ابوي يحبني ليش عافني جان اخذني ويااا
لو هو بقى وياي اني مااكدر بدونه
مات الانسان الي جان مقدرتي وما مقصر وياي
ماتت المحنه والطيبه
الناس عايشه هاي الدنيا
واني دنيتي ابوي ماعندي دنيا غيره
جنت اشوف العالم بعيونه
قويه لان ابوي وراي لان ساندني
عمري كله ماطلبت شي وسمعت منه كلمة لا
كله صار وحاضر وتدللين
جان يفضلني على الولد
شلون بيه ضعت ابوي مات وضعت
حسره بكلبي شكبرها علي
مااكدر اسكت عيوني مايسكتن ابد
دموعي تجري عمت عيني لو اكدر اشتري جنت اشتريته بروحي
المن باقيه بعده هو الحياة كلها
جمانه السعيدي
انهاريت ووكعت مريضه هلكد ماخذ مسكنات مااعرف اليل من النهار بس افتح عيوني دموعي تنزل
ضعفت كلش مااكدر ااكل
تعبت نفسيتي حيل
خلص بعد ماكو ابوي بلبيت
ماتت الحنيه والطيبه والصبر والقوه
حتى امي ادهورت حالته الصحيه من بعده
ابوي مات وأخذ كلشي حلو وياااا
بس ليش مااخذني مو هو يكول انتي الحلوه
الي ماكو احلى منج
ليش مااخذني وياااا اني مااكدر من بعده
بدت الايام تمر طويله وممله بس عقيل كل يوم يجي يشوفنا ويجيبلنا مسواك
طول النهار اني وامي وحده مكابله الثانيه
من كد الضوجه والقهر امي تعبت حيل تعبت
وبدت رحلة العلاج وياها كلبها تعبان
سوينالها قسطرة رجعت تعبت من جديد
بعد وفاة ابوي بسنتين امي قررت تعوفني وتروح ورا
يامصيبتي الي ما تتسولف
ابوي وامي عافوني بعدني ابجي على ابوي راحت ورا امي
صرت يتيمه ووحيده
هاي الدنيا شكد قاسيه وياي
حتى حجي مااكدر احجي
اشوف الدنيا سوده مابيها اي لون
بقيت وحدي
كل واحد من اخواني عرض عليه ياخذني اعيش ويااا
بس عقيل ماقبل
عقيل...رزق وصية ابوي مراح تعيش بيت غير بيتي
لو اني وسمر وجهالي نرجع نعيش هنا
رزق....اني مااطلع من بيت امي وابوي
مااكدر اعيش بغير مكان
بلبدايه عافوني براحتي لان حزينه ومااكدر اتحمل كلام اي واحد بيهم
بس عقيل ماعافني ابد
مسلم ووليد كلمن رجع البيته والشغله
بس عقيل حاير بيه
مايقبل يعوفني
رجعت زوجته تسوي مشاكل ويااا
لان باقي وياي مايقبل يعوفني
يكول انتي وصية ابوي
ابوي وصاني عليج مااكدر اعوفج
الي ان اجتني سمر بس وحده ثانيه مو سمر الي اعرفها
وحده حنيبنه تبجي وتتوسل بيه اروح اسكن وياهم بيتهم
وتعتذر عن كلشي سوته وياي
ووعدتني نفتح صفحه جديد
ونصير خوات
بس اقبل اروح اسكن وياها حتى عقيل يستقر ويرتاح
ويبقى يم جهاله
بقت يمي يومين حارت شسوت حتى اقتنع اروح اعيش وياهم
رزق...حسيت نفسي صرت ثقل على عقيل خطيه
مايكعد بيته ولا يكدر يستقر بسببي
قررت اروح اعيش ويا بيته واتحمل سمر
الخاطر عقيل
مو معقول هو يخرب حياتي علمودي واني ماعندي اي احساس
مثل ماهو صار اكثر من تلث اشهر عايف بيته وكاعد وياي
لازم اني هم اتحمل سمر واصبر واروح اكعد وياا
واشوف اذا سمر صدك تغيرت لو لا
جمعت ملابسي ورحت وياهم البيتهم
مايهون عليه اعوف بيت اهلي ابد
بي ريحة ابوي وامي
بي عمر ٢٩ سنه واني عايشه بهذا البيت
بس شسوي الظروف أقوى مني
طول الطريق من بيت اهلي البيت عقيل بس ابجي
الدنيا لعبت بيه طوبه
وبعد مااعرف شنو الجاي
حلو مر مااعرف الله اعلم
كله مقدر ومكتوب من رب العالمين
الحمد لله على كل حال
انتظرونا....تتوقعون سمر فعلا تغيرت
لو عدها مخطط جديد...