رواية النصاب الفصل الثاني 2 بقلم جمانه السعيدي
@الجميع
بان.....جدي الله يرحمه جان يعرف امي فقيره
ومااتكدر تشتغل ولا تكدر أدبر فلوس وخاصه بعد ما اطلكت وكعدت كل هاي السنيين ومحد اتقدملها
وفوكاها عدها بنيه شلون راح تعيش
وهو اكثر واحد يعرف خالي عماد ماعنده محته على امي وزوجته تكرها
قرر يكتب نص املاكه الامي حتى نكدر تعيش
هيه وبتها وما تحتاج الاي احد
بس جدي مجان متوقع خالي عماد راح يقاطعنا بسبب الطمع
بعد ماانتقل خالي عماد البيته الجديد
صار قليل يزورنا بيتنا وواكثر شي اله بيبي تتصل علي
وتطلب منه يجي حتى تشوفه
اما احنا ومسؤليتنا شال ايده من عدنا فد مره
ابد ما يدخل عينا بعلاكه
كل هذا حقد وكره لان امي أخذت نص الاملاك
بس احنا ما محتاجين رب العالمين ساتره ويانا
عايشين احلى عيشه
اما اني السمره السمينه الموحلوه الي جانت تعاني
من نظرات الولد والبنات
حتى بلجامعه جنت أتعرض للتنمر
بس مو بشكل صريح مثل قبل بس جنت احس
الولد وبعض البنات بتهامسون عليه وعلى شكلي
رغم اني البس ملابس حلوه ومرتبه
بس شسوي للانفس الضعيفه
المهم خلصنا جامعه اني وساره تخرجنا ولله الحمد
بعد التخرج بست اشهر تقريبا ام ساره تخربطت
ونقولها للمستشفى طبعا اني وامي رحنا وياها
جارتنا وعشرة عمر
اهل ساره ناس محترمين وعدهم غيره ومحنه علينا
تقريبا احنا وياهم عبالك بيت واحد
ساره عدها اخوان ثنيين مزوجين وطالعين
وأخ ازغر منها بعده طالب مدرسه
ام ساره تعاني من زمان من مشاكل بلكلى
بس مشيه نفسها بلمسكنات
بس هلمره بعد ماتفيد المسكنات اابد
يومين واحنا نفتر ويا ام ساره فحوصات وتحاليل
بين المستشفى والعياده
تقريبا اني وامي دفعنا نص مبلغ التحاليل والعلاج
الدكتور أأكد لازم عمليه ضروري
الكلى اليمنى منتهيه لازم تنشال بأسرع وقت ممكن
وتبقى ام ساره عايشه على كلى وحده
العمليه بحد ذاتها مشكله بلنسبه الاهل ساره
لان ماعدهم امكانيه العمليه
ناس عايشه على قوت يومها
وماعدهم فلوس للعمليه
بان...ماما احنا ندفع فلوس العمليه
امي....ترا مو عبااج مبلغ بسيط مثل كل مره فلوس جنطه
لو بدي لو حذاء
هاي عمليه
بان...ولو مستحيل اشوف ساره مقهوره على امها واسكت
خل نسحب فلوس من المصرف
لازم ام ساره تسوي العمليه حتلو نسحب كل فلوسنا
امي....يمه اعرف ساره صديقتج بس مو الهلدرجه
احنا بس نسوان وامي مريضه
جاي اشتريلها علاج غالي
من غير مسؤلية البيت
بان..... حتلو لازم نساعد ساره مااكدر اشوفها مقهوره
هيج واسكت
الله يخليج ولله الي يساعد الناس الله يساعده
ومايعوفه ابد
امي....خل نشوف بس مو المبلغ كامل
بان...هاج اخذي تراجي ذني والمحبس والكلاده
مالاتي بيعيهن وخل نساعدهم
الله يخليج ماما الخاطري
بان ...بقيت اللح على امي واتوسل بيها لمن وافقت
وسحبنا المبلغ من المصرف
جمانه السعيدي
اخذت الفلوس ورحت عليهم
لكيت ساره كاعده يم راس امها وحزبنه حيل
واخوانها وواحد جاب العلاج
وواحد راح يسئل اذا يكدر يسوي العمليه بلمستشفى
الحكومي على حساب الدوله حتى تكلفهم ااقل
رائد....يكولون العمليات بلحكومي حجز
واذا نحجز بعد شهر يوصلنا السره
ساره...هواي شهر ما تتحمل
علاء....شلون ماكو واحد. يقرضنا
رائد....شكد.يقرضنا مثلا وحتلو شلون نسدد
بان...اني عندي الحل
ساره...شنو الحل
بان...طلعت الفلوس هاي فلوس العمليه ومن باجر تججزون بمستشفى خاص
وخالتي تسوي العمليه
ساره....لا ماناخذ منج هيج مبلغ
بان....هاي خالتي واني احبها ولها حق عليه
بعدين اذا ما نوكف واحد ويا الثاني بهيج مواقف
عليمن بعد نكول جيران وأهل
اخذو المبلغ حتى تحجزون بأسرع وقت ممكن
وإنشاء الله تنجح العمليه
وترجع خالتي علينا سالمه
بان...حضنتني ساره وكامت تبجي
ساره...ولله انتي ماكو منج انشاء الله رب العالمين
يسعدج ويهنيج طول العمر
هذا الموقف بعمري مراح انسى ابد
بان...راح اكون حاضره وياج بعلميه احنا مو خوات
ساره........لو عندي اخت متوكفلي هاي الوكفه ابد
روحي انشاء الله يسعدج ويفرج عنج بكد ما جاي تساعدينا
فعلا راح رائد حجز بمستشفى اهلي
وكمل كل التحاليل واخذناها بعد يومين سوينالها عمليه
بقيت واكفه وياهم من الصبح لليل
لمن اتاكدت حالة ام ساره تمام
بعد ما طلعت من العمليه
رجعني اخو ساره الزغير للبيت
من بعد ما طلعت للبيت كل يوم اني عدهم
ماارجع للبيت اله بليل
اساعد ساره على امها وعلى شغل البيت
المثل يكول الصديق وقت الضيق
وهاي اني وفيت حق ساره عليه كل عمرها واكفه وياي دافع عني
ساره عزيزه عليه حيل
من بعد تخرجي بسنه وحده حصلت تعيين
بدائرة حكوميه بقسم الحسابات
اما ساره تعينت مدرسه بمدرسه قريبه علينا
صح كل وحده انشغلت بعملها بس نلتقي بليل كل يوم ونحجي وحده للثانيه تفاصيل يومنا من بدايته النهايته
هاي السوالف بلنسبه النا صارت عاده يوميه
مانكدر نستغني عنها
بلنسبه الساره بعد ما تعينت بسنه وحده اجتها قسمه زينه
ووحده من المدرسات وياها خطبتها الاخوها
عايش بامريكا وعنده شغل خاص بي
وأموره الماديه تمام
ساره من زمان جانت حابه تسافر وتشوف الناس والعالم
بس مو تسافر للخارج
يعني تريد تسافر داخل العراق لان هيه ابد ما طالعه من هاي المحافظه ولا مسافره ابد
بس جان مجرد حلم
حلم بنيه فقيره تتمنى تطلع من الفقر وتسافر حتى تشوف الدنيا
جمانه السعيدي
بان بيومها رحت علبها بليل
ساره...تعاي باركيلي اني راح اطلع للخارج
بان.. اي خارج قصدج خارج بينكم
ساره...لا لا الامريكا
بان...أمريكا مره وحده انتي حلمانه
ساره...لا حقيقه مو حلم
بان...شو خل اشوفج خاف مصخنه
ساره.... اي ولله حقج
تعاي اكعدي اسولفلج
اكو مدرسه ويانا من بداية الدوام وهيه
تحاول تقرب مني وتسألني وجمع معلومات عني
لحد ما اليوم فاجئتني
اخوها عايش بامريكا ويشتغل ويريد عروس عراقيه
تكول عجبتيني
من اول مره شغتج بيها هو يريد وحده حلوه
ومرتبه مثلج
بان....تحجي وهيه فرحانه واني كلش ضجت
تسافر الامريكا صديقتي الوحيده الي مالي غيرها
تسافر وتعوفني
ساره...شبيج شو سكتي ما مصدكه مو اي حقج هو اني
ما مصدكه
لو شكد مااحلم مستحيل اتخيل ازوج بامريكا
يعني اني أقصى طموحي ازوج واحد هنا
موظف او يشتغل شغله زينه واكعد ويا عيال
وابقى مسحوله طول عمري
بس وواحد بامريكا لا هذا الشي فوق سقف طموحي
يراد اقوي الانكليزي خوما اروح هناك
واخليهم يضحكون عليه
ولج شبيج سكتي بان احجي اكيد انصدمتي مثلي
موووو
لا و اخته تكول اطلبي ودللي اي شي يعجبج احنا حاضرين
بان...بقيت ساكته مصدومه
ساره...شببج احجي
بان....شحجي تردين تعوفيني وتسافرين
ساره....راح نبقى على تواصل
بان...شنو تواصل ولج اني يوميه لو اتغدى لو اتعشى عدكم
اجي اسولف كلشي بخاطري
احجي الزغيره والجبيره
وانتي تكولين اسافر
اكيد لا ارفضي ارفضي شنو خلصو شباب العراق
ماكو عرسان بس بلخارج
انتي حلوه والف واحد يتمناج
ليش تردين تعوفين اهلج وناسج وامج واخوانج
اني مافكرت بيه
شلون تعوفيني ساره انتي نصي الثاني
اني مستحيل اتخيل بيوم مااشوفج
ساره...اوووي حبيبتي انتي ما تحبيلي الخير
هاي السفره راح تفتحلي أبواب السعاده
احتمال اسحب خواني وراي
حتى يشتغلون ويتغير مستواهم المادي
بشرفج هنا أقصى شي اخذ موظف
واعيش لو ويا اهله ويكون شايل مسؤليتهم
واذا وحدي بعد ادهى الراتب يروح للايجار والكهرباء
والمسواك
جمانه السعيدي
بينما هذا جاهز من كلشي
انتي اذا تحببني من صدك تفرحيلي
بان....لا لا مجاي اتخيل شلون تردين تعوفيني
لا عفيه كولي جاي تشاقين وياي كولي هاي كذبة نيسان
ساره...اي كذبة نيسان ولج هذا الحلم تحقق
اني راح اوافق وابصم بلعشره
بس بلاول اخواني يسئلون عليهم
الله عليج بان افرحيلي اني راح اطلع من العراق
بان....احس كلبي انعصر شلون بيه
معقوله ساره تعوفني من صدك
بان....انتي ما تحبيني
ساره...ليش مااحبج اموت عليج انتي اختي الي ما حابتها امي بس اذا تحبيني صدك تدعيلي الله يتمم على خير
واسافر من صدك ويطلع ابن حلال ومحترم
بان ...رجعت للبيت ماكدرت انام بعمري ما تتخيله
اني وساره نفترق
لا وتكون بعيده عني كل البعد
شلون راح اخلص يومي ومنو الي راح تكون صديقتي
وتقبلني بكل حالاتي وما تتنمر عليه
شكد دعيت ربي تخرب هاي الخطبه
وتبقى ساره وياي وما ياخذها احد مني
ايجوز اني انانيه بهذا التفكير بس ولله احبها
ومااتخيل شلون اعيش حياتي وهيه بعيده
بس من سوء حظي كلشي مشى بسرعه عبالك
مخططله مسبقا الولد اتصل على أهل ساره
واجو اهله شافوها
وفعلا قدمولها مهر عالي
كلشي مشى بسرعه عبالك حلم
من اروح اشوفها دائما تحجي ويا تليفون
عبالك عشاق من زمان
عجيب التوافق بينهم
شكد ساره فرحانه اني حزينه
ساره.....هلو بان اسفه انشغلت عنج موجاي نتفق
اني وياا على كل التفاصيل
بان...تحبي
ساره...طبعا غير زوجي شلون مااحبه
بان... واني
ساره...هههه هههه ههه يابعد كلبي غير انتي الحب الحقيقي
غير انتي اول حب بحياتي
بان. اجذبين عليه تحبينه اكثر مني
ساره.....ههههه لا ولله بس انتي اختي
وصديقتي حبج يختلف عن حبه
بان.... ماجنت متوقعه يجي يوم وواحد ياخذج مني
ساره...محد يكدر ياخذج مني
ولا ياخذني منج
هاي العلاقه ما تتغير طول العمر
بان...عبالي تزوجين هنا ويوميه اجي اكعد على كلبج انتي وزوجك منا لمن يمل ويطلكج ونرجع سوه اني وياج
ساره...هههههه اسم الله ترديني اطلك
بان....لو تشوفيلي واحد ونزوج سوه
ساره...ولله اتمنى تسافرين وياي
عبالج بس انتي تحبيني ولج اني اموت عليج
انت القطعه الوحيده الي ما خلق رب العالمين الها شبيه
هيه قطعه وحده واجتني هديه من السما
بان...اي مبين لان تردين تعوفيني
ساره.... مراح اعوفج ابد
بان...راح اشوف حساب مافيا بامريكا وانطيهم كل ما مالك
حتى يخلصوني من زوجج
ساره...يمه اسم الله علي ليش هيج
ايجوز اسافر واشوفلج وواحد واسحبج وراي
بان....محد يقبل ببه اله وواحد اسود من ذوله الي بامريكا
ساره...شنو اسود يرحولج فدوه أمريكا وأهلها
بان....يمكن مااتحمل واجي وراج
ساره...هله بيك اهلا وسهلا
بان...بقت ساره ااكثر من سنه كامله يل كدر زوجها يسحبها ورا
ازوجت ساره وعافتني وحدي بعد كل هاي السنيين
بجيت عليها بجي
حتى جدي من مات ما بجيت علي هيج
متت من البجي
حتى ضغطي صعد كمت مااشوف هلكد ما بجيت عليها
يوميه اروح الامها اطمن عليها
ونكعد نسولف عنها
وكل اربع إلى خمس ايام نتصل اني وياها ونكعد نحجي
حتى زوجها يكول اني حبيتج
هلكد ما ساره تحجي عنج
دوم اتعارك ويااا اكله ليش أخذت صديقة عمري مني
يضحك يكول تقبلين اخطبج وتصيرن شرايج
بان....لا مااقبل ساره اختي ومااقبل احد يضوجها حتلو بلشقى
متت بعد ما فارقت ساره الفراغ الي عايشه بي مو طبيعي
عبالك ساره كانت بلنسبه اليه العالم كله
انتظرونا.....