رواية الوحش ج2 الطريق للقلب الفصل الثالث عشر 13 بقلم حنان احمد ماهر
ـ إيه الحلاوة والجمال والطعامة دي ....هو مش المفروض الاخت تغير على اخوها من مراته انا غيرانه عليكي منه
ضحكت على لارا جامد ـ متأڤوريش بقى
ـ مأڤورش ده إيه...طب هسيب الست كايلا هي اللي تتكلم
كايلا ضحكت ـ لأ هو بصراحه أنتِ قمر اوي ... والفستان يجنن
أتكلمت بغرور وانا ببص لنفسي قُدام المرايا ـ طبعاً مش أنا اللي صممته
ـ والواد أسر عملنا شوية فساتين تجنن
قالتها لارا وهي بتلف بالفستان البينك بفرحة وحماس
ضحكت كايلا وهي بتظبط شعرها ـ اسكتي متعرفيش أنه بعت فستان لنعناعه بتاعته
بصيتلها بإستغراب ـ مين النعناعه دي
ـ أسيل
ـ لأ
قالتها لارا بضحك
كملت ـ هو مسميها نعناعه
ضحكت كايلا وهي بتهز رأسها
ـ طب ونعمه ل اصيته
بصيت لها بضحك ـ قُولي ل عُمير وهو مش هيأثر معاه
ـ طب ونعمه فكره يا بت يا ياسو
دخلت طنط هنا علينا ـ إيه يا بنات جهزتوا و ولا لسه
بصيت عليا بتفاجئ ـ إيه الجمال و الحلاوه بسم الله ما شاء الله الله أكبر
أبستمت بفرحة ـ بالله شكلي حلو
شاورت عليا وهي بتكلمهم ـ دي بتسأل
لارا ضحكت ـ مترديش عليها يا ماما
قربت طنط هنا مني ـ متعرفيش انا مبسوطه أد ايه...حاسه إنك بنتي وبجوزك مش مرات ابني خالص
حضنتها بحب ـ أنا أصلا بنتك
حضنتني ومسدت على ضهري بحنان ـ أنتِ فعلاً بنتي ...انا اللي مربياكِ أصلا
خرجنتي من حضنها ـ بس بقى علشان شوية وهعيط وانا لو فتحت ف العياط مش هسكت
ضحكت وانا بربش بعيوني ـ شكلي انا اللي هعيط
ـ لأ الله يسترك أما صدقت ظبطلك الميكب
قالتها كايلا ليا بتحذير
ضحكت ـ خلاص يا ستي أهدي كده ...مكنش ميكب عملتهولي
ردت عليا وهي بتحط كحل ـ لأ كان يا اختي كان ...مخلياكِ قمر
ـ هي قمر يا أختي من غير حاجة
قالتها طنط هنا ليها وهي بتضربها على كتفها بخفه ـ بقى كده يا كراميلا بتبعيني علشانها
ضحكت وبصيتلي ـ أنا رايحه انادي رحمة بما أنك خلصتي
ـ ماشي يا حبيبتي
--------------------------------------------
ـ مع أني مش طايقك بس شكلك حلو
بصيتله برفع حاجب ورديت ببرود ـ مطلبتش رأيك أصلا
أدخل عُمير ـ أصلا اخويا طول عمرو حلو يا سي ياسين
ـ حبيب اخوك يا عُمير
ـ أيوه أفضله صيتوا في بعض كده ...ماهو جبلك الموتسيكل اللي كنت عايزه
ـ إيه يا صفره مالك هتكيدي مني ولا إيه
قالها عُمير بصوت رفيع بعض الشيء
ضحك أسر عليه ـ طب وربي أنت مسخرة ياض يا عُمير
ـ عارف يا عُمير انا همسك نفسي عليك علشان مبوزش الليله على اختي مش أكتر
قالها ياسين بقرف
رد عليه عُمير ـ الحقوني الحقوني ياسين ماسك نفسه عليا ....طب فكها ل أحسن تقفش
ـ هي إيه دي اللي تقفش
ـ نفسك
جري عُمير بضحك بره الاوضه لما لقه ياسين بيقوم له
ضحك أسر عليه وهو بيظبط شعره
ـ أنا خارج انتوا عيله تغم
ـ ارحملنا والله هتريحنا
قُلتها ببرود
ـ ليث متستفزش أمي انا ممكن الغي كل ده
ـ وريني كده هتلغي ازاي بقى
قُلتها بنفس البرود
أسر أدخل ـ يا جماعه صلوا على النبي ده مش منظر فرح خالص
ـ قولوا
قالها ياسين بغيظ مني
ـ أقوله ايه بس يا ياسين ما أنت اللي عمال تجر شكله من الصبح
ـ يعني يرضيك يتجوز اختي
ـ أحسن من الغريب يتجوزها ولا ايه
ـ ما أنت اتجوزت اختي حد كلمك
ـ والله على أساس إن ضحكتك كانت من الودن للودن وقتها
ـ يعني بتردهالي يعني ولا ايه
ـ انتوا خنقتوني انا خارج
ـ شوفلي المأذون جيه ولا لسه يا أسر
ـ يا استفزازك يا اخي
قالها ياسين وخرج
ضحكت وبصيت على نفسي في المرايا وانا بظبط آخر اللمسات
-----------------------------------
ـ إيه الجمال اللي عيوني شايفه ده
ـ بسم الله الرحمن الرحيم ...في حد يخض حد كده
ـ سلامتك من الخضه يا قمر
ـ عُمير أحترم نفسك لو سمحت
ضحك وظبط ياقة القميص بتاعته وقالي ـ شكلي حلو
بصيت عليه
كان لابس بنطلون اسود وشميز اسود برضو وساعة لونها فضي منقوش عليها من جوه اول حرف من اسمه
وشعره اللي نازل على عيونه العسلي الحلوين
فوقت عليه وهو بيغمزلي ـ مز مش كده ...قولي قولي انا ما بتكسفش
بعدت عيوني عنه بإحراج وانا بحاول اظبط انفاسي ـ لأ عادي يعني
نزل لمستوايا ـ بس أنتِ بقى يا نجمتي مش عاديه خالص ...فوق الوصف للاسف مش لاقي حد احلى منك ابصله
ـ وأنت عايز تبص اصلا يا عُمير ولا ايه
قولتها بضيق شديد حسيته جوايا معرفش مصدره ايه
بص لعيوني اوي وهو بيشبك أيده في شعره وبيرفعه لفوق ـ والله لو الاقي واحده تخطبني وتشكمني كده مش هبص خالص غير ليها ....يا نجمتي
ضحكت وبعدت عيوني عنه ـ أبعد عني يا عُمير
عدل وقفته ـ طب خلاص ماشي اللي تحبيه أروح أنا بقى اشوف حد تاني أقف معاه ....أو بمعنى أصح واحده
كان لسه هيمشي بس وقفته ـ واحده مين دي اللي تقف معاها أنت عيارك فلت منك ولا ايه
ـ منا عايز اللي يركبلي عيار جديد بقى
ـ يا ربي منك بجد
قُلتها بنفاذ صبر منه ومن تصرفاته اللي هتجنني
ـ عايزك تيجي معايا
رفعت حاجبي بإستغراب ـ فين
ـ هتعرفي
تنهدت واخدت نفس ومشيت معاه
---------------------------------
ـ بنتنا كبرت وهتجوز يا غيث
قالتها ماما ليا وهي بتحضني للمره اللي مش عارفه عددها وبتعيط
ـ يا طنط يعني هي معاكي بقالها 27 سنه ولسه واخده بالك إنها كبرت
قالتها لارا بضحك
ـ بس أنتِ ملكيش دعوه يا بت
ـ أنا أصلا إيه اللي موقفني معاكم انا هروح اشوف زوجي العزيز
ـ زوجك العزيز جيه لحد عندك يا قمر أنت
ـ بس يلا أبعد عني انا مدايقه منك
مسكها ياسين من ايديها ـ بقولك إيه انا مش فايقلك لحركاتك دي وربنا
ـ بس يلا منك ليها خلونا نعيش اللحظة... وأنتِ يا ست رحمة ابعدي خليني احضن البت شوية بقى
قالها بابا وقرب مني بعد ما ماما بعدت
حاوط وشي ـ مش مصدق أن خلاص بنتي حبيبتي هتبعد عني كده
ـ متقولش كده ...ده لسه كتب كتاب
ـ ما الواد اللي هتجوزيه ده مُصر أنه يخلي الفرح بعد شهر
قالها ياسين بغيظ وضيق
ردت عليه لارا ـ اسمه ليث يا حبيبي
ـ قوليلي ايه لزمتها حبيبي اللي بتقوليها في الكلام دي وأنتِ بدايقيني
ـ علشان اسبتك يا قمر
قالتها وهي بتعدله ياقة قميصه
ـ قلب القمر
ـ أنا واقف على فكره
قالها بابا ليهم ببعض الحدية وتحذير
بعدها بصلي وحضني
وانا حضنته بحب ودموعي تمردت ونزلوا غصب عني
بقالي كتير بحاول معيطش بس مش عارفه احبسهم أكتر من كده بجد
ـ عجبك كده يا عمو غيث اهو الميكب باظ
قالتها كايلا بنفاذ صبر
ضحكت وخرجت من حضن بابا وانا بهوي وشي ـ ولا باظ ولا حاجه يا ست اهو ما هو زي الفل
ـ طب بعد اذنكم كده بره اظبطه علشان العروسه تنزل
قرب ياسين مني ـ عارفه لولا إنك بتحبيه وإن مش هلاقي أحسن منه علشان يتجوزك ويصونك كنت اخدتك وهربتك
ضحكت عليه وعلى غيرته وحضنته ـ أخويا حبيبي والله
ـ دلوقتي حبيبك
قالها وهو بيبدلي الحضن
ـ والله حبيبي ...يا عم ده احنا تؤام يعني دقاتك نفس دقاتي
ـ بت يا ياسمين انا اه مش بغير عليكِ من اخويا بس بغير على جوزي ف بس كلام حلو ليه بقى
ضحكت عليها انا وياسين
بعدها اخدها وخرجوا وكايلا بدأت تظبطلي الميكب
-----------------------------
ـ يا عُمير واخدني على فين عايزه أفهم
ـ أمشي معايا وأنتِ ساكته
اتنفست بنفاذ صبر ومشيت وراه
لحد ما وقفت بصدمة
بعد ما شوفت ماماته وباباه
عيونه دمعوا ونزلت رأسي للأرض
قرب مننا عمو راكان ـ ارفعي رأسك ومتنزليهاش قدام حد أبداً
أتكلمت طنط هنا ـ أنا زعلت منك في الأول وده حقي علشان كسرت قلب ابني ....بس ابني سامحك وربنا بيسامح يبقى انا مين علشان مسامحش
خرج صوتي بالعافية وشهقت وانا بقول ـ أنا أسفه
لمحت عُمير بيغمض عينه بضيق
وطنط هنا قربت مني حضنتني ـ خلاص يا بنتي حصل خير ...متعيطيش
ضميتها ليا اوي ـ أنا أسفه بجد
ـ مسدت على شعري بحنان ـ خلاص يا حبيبتي متتأسفيش أنا مسامحكِ اللي حصل حصل
خرجنتي من حضنها ـ يلا بقى امسحي دموعك دول وأنتِ قمر كده
ضحكت
ـ يلا بقى خلينا نروح نشوف ابنك جهز ولا ايه نظامه علشان المأذون جيه ومستني
ـ ماشي يلا
ـ أمشي يا بابا وأحنا جايين وراكم اهو
ـ ماشي يا حبيب بابا
قالها راكان بسخرية ومشي
ـ أنتِ كويسة... مكنتش بعمل كده علشان تعيطي
رفعت عيونها ليا وأبتسمت ـ شكراً
أبتسمت على ابتسامتها ـ على ايه
ـ على اللي عملته ...انا بجد مكنتش عايزه اجي بعد اللي حصل لولا أن ياسمين اصرت وكانت هتزعل بس دلوقتي ارتحت خالص
ـ انا معملتش حاجه ف مافيش داعي لشكر
بصيت لها بتفكير وملين عليها ـ بس ممكن عادي اطلب طلب وتنفذيه صح
سرحت في عيونه ـ طبعاً اللي أنت عايزه
ـ أنا عايز نجمتي تظبط عياري الفالت إيه رأيك
اتوترت وبعدت عيوني عنه ـ مش فاهمه
ـ لأ فاهمه يا نجمتي
ـ اعتقد لازم نمشي علشان طولنا
قالتها وهي بتزوغ بعينها بعيد عني ومشيت خطوتين
روحت ضحكت وجريت ومشيت جنبها بس بمسافة ما بينا
----------------------------------
ـ كنت لسه هفتح الباب وانزل إيه المأذون جيه
ـ جيه يا عم وأحنا جايين نشوفك
قالها بابا ليا
قربت ماما مني وهي بتحاوط كتفي ـ ربنا يحفظك يارب يا بني قمر اربعتاشر
ـ والله يا ست هنا ده أنتِ مقولتيهاش ليا
ضحكت ـ يا وحش أهدى علينا بقى ده الليلة ليلتي
ـ ماهو علشان ليلتك انا ساكت اهو
ضحكت عليه ومسحت دموع ماما ـ خلاص بقى يا كراميلا كفاية عياط
حضنتني وانا حضنتها بحب
ـ ربنا يحميكم يارب ويوفقكم في حياتكم ويجعلكم الذرية الصالحة يارب
ـ ما خلاص يا ست هنا ده لسه بيكتب الكتاب هو هيسيبك ويمشي
ضحكت ماما وبعدت عني وهو قرب حضني ـ ربنا يوفقك في حياتك يارب يا ابني
حضنته بحب ـ يارب يا حبيبي
ـ يلا بقى علشان تنزل وانا هقول ل غيث يجيب عروستك
ـ ماشي
قُلتها بإبتسامة وأنا جوايا فرح العمر كله
--------------------------------------------------
ـ حاليتي الفستان يا نعناعه
ابتسمت ونزلت عيوني لتحت ـ شكراً... عاجبني اوي بصراحه
ـ أمم... يبقى ذوقنا طلع واحد ولا ايه
ـ شكله كده
ـ ازيك يا سما عامله ايه
ـ كويسه يا دكتور أخبارك
ـ كويس يا ستي
جيه واحد غريب اول مره اشوف و وقف جنب سما وبصلي باستغراب ـ مين حضرتك و واقف جنب ايسو ليه
ـ ايسو
قُولتها برفع حاجب وانا ببصلها
بصيتلي بتوتر وقالت ـ ده أحمد أبن خالي واخويا في رضاعة يا دكتور
وبصيت ل احمد ـ ده دكتور أسر يا أحمد
ـ بس
قُولتها ليها وانا بضيق عيني
بصيتلي بإستغراب
وأحمد مد أيده ليا
مديت أيدي وقلت ـ دكتورها اه بس هبقى جوزها قريب اخدت معاد مع عمي .. والاسبوع الجاي ..جاي اتقدم
بصلي أحمد بإستغراب
وانا بصيت عليها ـ الا صحيح عمي مجاش ليه
حاولت تخفي ابتسامتها بس انا شوفتها وابتسمت
ـ تعب شويه ومعرفش يجي
ـ تعب جامد يعني نوديه المستشفى
ـ لأ لأ متقلقش مش حاجه كبيره..هو بس ضغطه وطي شويه ف ماكنش هيقدر يجي
ـ ماشي يا نعناعه
ـ أسر الدويري أخبارك يا عم
قالها شخص ليا وهو بيحط أيده على كتفي
ـ عمر عاش من شافك
قولتها وانا بحضنه بعشم
ـ إيه يا عم نسيتنا خالص
ـ أنا برضو اللي نسيت ... أنت اللي نسيتنا خالص
ـ لو نسيتكم مكنتش جيت ...الواد ليث عزمني
ـ أنت متتعزمش يا عم أنت صاحب مكان
قالها ياسين ليه وقرب منه سلم عليه
ضحك عمر ـ صحيح معاك حق
ـ طول عمري
ـ فين الواد عُمير وحشني
ـ تلاقي متلقح ف اي حته
ـ الاه أنت متخانق معاه ولا ايه
قالها عمر بضحك
ـ متفكرنيش بقى
قالها ياسين بضيق مصطنع
ـ أسر فينك يا بني بابا كان عايزك .... أنت
ـ أنتِ تعرفيه
قالها أسر ل كايلا
ـ ده هو نفس الشخص اللي حكتلك عنه
ـ أصلا
ـ أصلا
ضحك أسر
وعمر سألني ـ بتعملي ايه هنا
ـ دي اختي يا عم
ـ لأ ده الدنيا صغيره بقى
ـ تعرفوا منين يا أسر
ـ يا بنتي كان بيشتغل مع ياسين وليث وصحاب من زمان وعرفتوا صدفه واتصحابنا
ـ بس صدفه حلوه على فكره إني الأقيكي هنا
ـ لم نفسك يا عمر بقولك اختي
ـ يا عم انا اتكلمت
ـ امي اللي اتكلمت
ـ عيب يا أسر ألفاظ دي سيادة الرائد يقول عننا ايه
ـ وحيات أمك
ـ وحيات أمك أنت يا أسر
ـ ماما
ـ حبيب ماما
ـ حبيبتي
لمحت أسيل بتضحك
ـ الاه صحيح يا ماما معرفتكيش على عروستي ... أعرفك أسيل... أسيل دي ماما
قربت منها ماما وقالت ـ ما شاء الله تبارك الله زي قمر يا حبيبتي
ـ شكراً يا طنط
ـ العفو يا قلب الطنط
قربت مننا لارا في اللحظة دي ـ يلا يا جماعة العروسه نازلة تعالوا نقف جنب المأذون علشان كتب الكتاب
روحنا كلنا وقفنا وشفنا ياسمين وهي نازله كانت قمر ما شاء الله وفستانها يجنن
نزلت وقعدت على كرسي بعيد عن ليث وعمي غيث قعد جنبهم وبدأ المأذون كتب الكتاب وجيه يسأل ياسمين إذا كانت موافقة ولا لأ
ردت ياسمين ـ مش موافقة
يتبع ...
عودة حميدة 🤭 😂 ..
الفصل الرابع عشر من هنا