رواية اسرنى عشقها ج2 الفصل التاسع والعشرون 29 ج1 بقلم مريان بطرس
يجلسون جميعهم فى المكتب فاغرين افواههم ناظرين له بعدم تصديق بينما يجلس هو بهدوء خلف مكتبة نظر لة مايكل قائلا
يعنى انت كنت عارف دة كلة وماقولتش لحد فينا
اومئ براسة بهدوء بينما نظر لة حسام قائلا باندفاع حاد
هو البعيد ماعندوش دم يعنى يعرف كل دة ومش هاين علية يقول لحد فينا
كانت الاجابة نظرة واحدة اخرستة نهائيا تنحنح شادى محاولا تهدئة الامور قائلا
طيب اية الحل يعنى الخطة اية او المفروض هنعمل اية
سحب آسر الهواء داخل صدرة ثم وضع مرفقية على طاولة المكتب امامة مشبكا اصابعة معا ثم قال بجدية
هقولكم
ثم بدأ فى سرد مايريد قولة بينما نظر لة الجميع بعدم تصديق من ذكاءة الخارق ذاك صدق من اطلق علية التايجر بينما كريم كان ينظر لهم بذهول من كمية الصدمات التى اخذها اليوم وهو يحاول الاستيعاب لم يكن يعلم ان تلك العائلة مليئة بكل تلك الاسرار والخبايا ولم يكن يعلم ان ذاك التايجر حاد الذكاء بتلك الدرجة سمع كثيرا عن ذكاءة ولكن هذة هى المرة الاولى الذى يكتشتفه فيها
______________________
تجلس بالخارج معهم بملل منذ اتى مايكل واخبرهم فيها بأمر خطوبتة ثم تناولهم العشاء معا وبعدها اخذ آسر كل الشباب والرجال دون استثناء حتى اخيها وحماها حتى سامى ودخل المكتب منذ مايقرب من ساعة الا ربع وتشعر بملل رهيب صرخت بهم هاتفة
بقولكم اية ماتيجى نلعب
نظرت لها مارينا باستهجان قائلة
نلعب نلعب اية يا عروسة وجوزك ييجى يلاقيكى كدة دة مش بعيد يقتلك فيها
نظرت لها ناردين بخبث قائلة
قصدك مايكل ييجى يلاقيكى انتى اللى بتلعبى ماتقلقيش مش هيقول حاجة
ضحكت راندا بصخب
الحقى يارينا دة هتستلمك انتى للعب
اتسعت اعين مارينا وهى تعلم صديقتها جيدا لذا قالت بسرعة
انتى عاوز تلعبى اية يا نادو
اتسعت ابتسامة ناردين وقد علمت انها وصلت الى ماتريد فقالت
هنلعب لعبة الامثال
ضربت راندا جبهتها بيأس من حال اختها بينما قطبت فريدة جبينها متشدقة باستغراب
يعنى اية مش فاهمة يا نادو اية اللعبة دى
اشارت مى بسبابتها بالنفى ل ناردين بينما هى اصرت متشدقة بذكاؤها غير العادى
يعنى كل واحد ييجى علية الدور يقول مثل مش مهم شعبى ولا غيرة المهم يقول مثل
تشدقت ايلين بذهول ممزوج بصدمة
اية!!!
ابتسمت ناردين قائلة
اخرجى من الجو الارستقراطى دة يا ايلى وعيشى جو شعبى
ثم رفعت سبابتها محذرة
ومحدش يقولى معرفش لان مستحيل مفيش حد فيكم يعرف امثال يلا خرجو الانسان الشعبى اللى جواكم ثم اكملت بحماس وهى تفرك كفيها معا
يلا ورونى امثال ستى وستك واللى هييجى عليها الدور ومش هتعرف هتبقى برة وبسرعة جدا مش هنام فى النص
ضحكت فريدة على تلك المجنونة بيأس التى اتت لتقلب موازين حياتهم وتدخل الفرحة منزلهم بسهولة بينما هتفت تلك المجنونة قائلة
وانا اللى هبتدى وهنمشى من ناحيتى ليمينى يعنى بعدى مى و هكذا ومثلى هو
الباب اللى يجيلك منة الريح سدة واستريح
مى بضحك: اقلب القدرة على فمها تطلع البت لامها
حدجتها ناردين بنظرة جعلتها تصمت وهى بالكاد تتماسك من الضحك بينما خرج الشباب من المكتب ليفاجئهم هذا المنظر لتتسع اعينهم على ذاك المنظر وهم ينظرون ل آسر وكريم على ناردين تلك التى قلبت ذاك القصر الراقى الى حارة شعبية
مارينا وهى بالكاد تتماسك من ضحكاتها : على اد لحافك مد رجليك
حرك مايكل فمة يمينا ويسارا وهو يندب حظة على فتاتة تلك التى قلبتها صديقتها لفتاة شعبية بحتة بينما جاء الدور على راندا لتهتف بضحك
باب النجار مخلع
هتف شادى بحسرة ماهو مخلع فعلا هتبقى اخت ناردين وهيحصل اية
حدجة آسر بنظرة اخرستة و جعلتة يضع يدة على فمة
فريدة بضحك : الماية تكدب الغطاس
اتسعت اعين ابراهيم وهو بالكاد يتماسك حتى لا يقهقة بينما جاء الدور على ايلين فهتفت بضحك
من خرج من دارة اتقل مقدارة
صدم حسام من فتاتة وهمس بحسرة
علية العوض ومنة العوض منك لله يا آسر انت وكريم البت اتحولت بينما ضحكت ناردين قائلة
ايوة كدة نسخن بقى والدور عليا والمثل اللى بعدة هو
قعدو الصبايا تحت الرعريعة لاجاتلهم شروة ولا بيعة
جاء ذلك الصوت الهادئ من خلفها ولكن تستطيع تمييز الحدة منة
فهتفت قائلة حلو دة وانا هقول مثل اقوى بقى
الحداية مابتحدفش كتاكيت
اتسعت اعينهم جميعا بينما هتف ذلك الصوت بهدوء ولكن حدتة اصبحت واضحة
على رأيك هى مش بتحدف كتاكيت دى بتحدف مصايب مش عارف المها فين ولا منين
اتسعت عيناها بعدما ادركت ماهية صاحب الصوت ازدردت ريقها تنظر لهم باستغاثة الا يكون ماوصل اليها ولكنهم اومئو برؤسهم ومازالو تحت تأثير الصدمة ازدردت ريقها بتوتر جاءت لتركض ولكن لا تعلم كيف او متى ولكنها وجدت نفسها مرتفعة من على الارضية ممسكا اياها من ملابسها من الخلف ازدردت لعابها بخوف وهى ترفع رأسها لة لتجد عيناه تقزفها بتلك الحمم البركانية هل سمعت من قبل عن حريق غابات زيتون ؟؟؟ حتما ان كانت لم تسمع عنها فهى باتت الان تراها ادعت الشجاعة ثم هتفت بنزق طفولى
يا اخى ارحمنى بلاش مسكة الارانب اللى بتحب تمسكهانى دى احترمنى شوية انا مهما ان كان زى مراتك
بالكاد يتماسك الجميع حتى لا ينفجرو فى الضحك اما هو ف بدأ بتحريكها للامام والخلف من ملابسها وهى تتحرك بقوة دفعه وكأنها مسلوبة الارادة قائلا
اعمل فيكى اية بس قوليلى اعمل اية كل مرة ادخل الاقى مصيبة شكل عملاها مرة على واحدة ونص ومرة خليتى الست بوتاجاز ولا بابور غاز ومرة خليتى البيت حارة شعبى اعمل فيكى اية بس يا شيخة هتجلطينى حرام عليكى اللى بتعملية فية دة دة انا لسة صغير ماوصلتش حتى التلاتين
كان يتحدث وهو يحركها كخرقة بالية تتحرك للامام والخلف اثر حركته لها بينما هتفت بسماجة
تعمل اية اقولك انا ... اعمل نفسك من بنها ولا كأنك شايف حاجة دة انت حتى لسة صغير وماعندكش غير مرارة واحدة فامتخدش حاجة على اعصابك وبعدين يجيلك سكر ولا ضغط محدش هينفعك
سعل الجميع بينما خرجت زمجرة من البعض اثر حبسهم لضحكاتهم نظر لهم آسر قائلا
على المكتب كلكم يلاااا
خرجت الكلمة الاخيرة كزمجرة اسد جعلتهم يهرعون من امامة كالارانب التفت هو لها فشعرت بأنها كفأر سقط الان فى المصيدة فماذا سيفعل لها هل سيشويها اولا ام يضربها بالعصى وسيقان حديدية ام ان كان رحيما سيستمر بتحريك المصيدة حتى يحدث لها ارتجاج بالمخ وتموت صرخت حينما حملها على احدى اكتافة كأحدى جوالات البطاطا صرخت محركة جسدها للتخلص من اسرة ولكنها صرخت وارتفع صوت صراخها حينما وجدت تلك الصفعة التى سقطت على مؤخرتها بقوة جعلتها تضع يدها عليها محاولة تخفيف وطأة الالم وهو يهتف اهدى ياناردينتى بدل ما اخليكى سردينة فعلا
صمتت وهى تعلم انها الان وقعت بين يدى من لا يرحم
_____________________
جلسو يضحكون بعدما رأوة من جنان وهو يتابعها ويعلو ثغرة ابتسامة عذبة ثم هتف قائلا
ماقولتليش يا راندا نتيجتك بانت ولا لسة
نفت براسها وقد ظهر على وجهها امارات الخوف قائلة بكرة او بعدة بالكتير
ابتسم قائلا
وانتى كنتى علمى ولا ادبى
ادبى
ابتسم قائلا بنبرة ذات مغزى: خير هيحصل كل خير ان شاء الله
ابتسمت لة راندا قائلة بامتنان :ميرسى خالص يا مستر شادى
تدخل مايكل فى الحوار قائلا
مفيش حد فيكم مايجيش خطوبتى بعد بكرة واوعى حد منكم مايجيش فاهمين
اومئو برؤسهم بضحك بينما نظر ل مارينا قائلا بمرح
بس يارب مايحصلش شغل اتوبيسات
ضحكو جميعهم بينما تضجرت وجنتيها بحمرة قانية من الخجل
_____________________
كانت الساعة حوالى الثانية صباحا حينما افاقت على صوتة يغمغم بكلمات غير مفهومة يزمجر بصوت عالى وكأنة يصارع احدا فى اثناء نومة اقتربت منة تهزة بهدوء تريد افاقتة من ذاك الكابوس الذى يجثم على صدرة هاتفة بخوف
آسر!! آسر فوق !! آسر قوم دة كابوس آسر!!!
احمممممد
صرخ بها بعلو صوتة لدرجة شعورها بتمزق احبالة الصوتية ، هل هو نفس الكابوس؟؟ ، اخية.. هذا ماعلمتة ولكن ماذا حدث ؟؟
نظر لها ليجد عيناها خائفة متسائلة تحرك للخروج حينما وجدها تحركت لتقف امامة لتسد علية الطريق ووقفت امامة رفع نظرة لها باعين متسائلة وهو يعلم تمام العلم ان زوجتة لن تمرر الامر على خير وهذا ماحدث نظرت لة قائلة
فية اية ؟؟ واية اللى حصل ؟؟
نظر لها ثم تشدق باقتضاب
مفيش
قالها ثم تحرك للخروج حينما هتفت هى من خلفة بنشيج باكى
آسر انت لية مش عاوز تفهم انى مراتك، يعنى من حقى اعرف مشاكلك واشاركك فيها ان مش بس المفروض اشاركك فى حقوق زوجية او فى الفرح بس انا معاك فى الحزن قبل الفرح انا سندك اة مش هقدر اعمل حاجة كبيرة بس سندك فى انك تحكيلى اوجاعك واخفف عنك علشان تفضل قوى ، انا المفروض قوتك لكن انت لية بتهمشنى ، لية بتحسسنى ان انا ليا مكانة وحدود فى حياتك ماينفعش اتخطاها ومن بين الحدود دى انى اعرف اسرارك
لف وجهة تجاهها قاطبا جبينة وهو لا يدرك كيف وصل لها تلك المعانى بينما هى هتفت ونشيجها الباكى يزداد وتتعالى شهقاتها
ايوة انت بتبعدنى عنك اوى يا آسر اوى محسسنى انى غريبة مش من حقى اعرف اسرار جوزى او انى واحدة ماتقدرش تامنها على اسرارك خايف!!! خايف من اية انا مراتك حياتى مربوطة بيك برباط قوى وجدا كمان اقوى حتى من رباط الدم .... رباطنا ان انا وانت واحد يعنى مستحيل اسيبك وبعدين اللى تتخلى عن اللى قدامها يبقى ماتستحقهوش وتبقى انسانة مش كويسة .. هل انت شايفنى كدة يا آسر ؟؟!! بتقول انى روحك و حياتك بس للاسف حبنا عمرة ماكان قوى انت خليت حبنا مجرد كلام انت شايف حبنا مايقدرش يقف قدام اوجاع الماضى انت مخلينى حد غريب عن ماضيك واللى من الواضح انة بياثر على حاضرك .... انا اسفة يابشمهندس بس العلاقة دى بالذات قايمة على الثقة تبقى ضامن ان اللى قدامك هو نفسك وان وجعتك الناس كلها هو لا وان سابك الناس كلها هو هيفضل معاك.. مراتك هى سكنك ، نصك التانى ، قوتك ، مرايتك سندك سواء نفسى او معنوى او حرفى دى الحد اللى معاة ماتحتجش لحد لصديق لغريب او قريب لكن للاسف انا معرفش عن جوزى حاجة بالعكس بعرف عنة كل حاجة بالصدفة او من الاغراب مابيحاولش يشركنى ف حياتة
رفعت نظرها لة ودموعها تسيل كالشلالات ولكنها قالت بقوة
للاسف يابشمهندس انت مش عارف معنى الجواز مش عارف ان اللى لية الحق انة يعرف كل حاجة عنك هى مراتك حتى همستك للاسف متعرفش حاجة كنت متوقعة ان علاقتنا اقوى من الصخر وراسية وثابتة اكتر من ثبات الجبال مهما جالها اعاصير ورياح وسيول هتفضل ثابتة
ثم ابتسمت بسخرية وقالت لكنى اكتشفت ان علاقتنا سطحية وتافهة وعاملة زى الريشة اى شوية هوا خفاف يطيروها ويوديها لمكان بعيد مش محتاجة لحاجة تدمرها لانها من الاساس ملهاش اساس تتبنى علية لان اى علاقة اساسها الثقة والاحترام والصراحة و الحب ولاسف فية ركنين مش موجودين فى علاقتنا الصراحة والثقة وانا مرضاش اكون زوجة فى وقت الفرح بس ، او زوجة اسمع كلام حلو زى انتى حياتى وحبى وما الى ذلك لكن وقت الجد الاقى نفسى مهمشة ، انا عمرى ما اوافق اكون زوجة لازم اكون بشارك جوزى فى كل نفس بيطلع منة ، اشاركة فى كل فكرة بتيجى فى دماغة مش بس اشاركة فى بيتة واوضتة وفلوسة لكن غير كدة ماليش عفوا يابشمهندس دة مش طبعى ولا دى طريقتى فى الحياة اللى اعرفة الحب افعال مش اقوال وافعالى انى اخلية محور حياتى يعرف عنى اصغر من اصغر تفاصيلى ، احسسة انة قوتى لانة فعلا كدة وارمى علية كل همى لانى واثق انة هيكون فى ضهرى وسندى ، قدام الناس كلها قوى لكن هى الشخص الوحيد اللى ابان ضعيف قدامها ارمى وجعى عليها وماتكسفش من انى اعرى نفسى واظهر وجعى وضعفى حتى دموعى قدامها لانها استثناء ومختلفة لانها الوحيدة اللى ساكنة قلبى ف معاها هى ارمى حملى ووجعى واظهر المى واظهر حتى الطفل الصغير اللى جوايا وخوفى قدامها يعنى ببساطة
ثم بدأت بضرب سبابتها فى صدرة هاتفة بحسرة ونشيجها الباكى يتعالى
هى تعرف عنك اللى مفيش حد ممكن يعرفة تظهر طفوليتك خوفك وجعك وتعرى كل مشاعرك وضعفك وكل اللى جواك قدامها وعمرك ماتبقى مكسوف او خايف او حزين انك بتعمل كدة بل بالعكس بتبقى مبسوط لان لقيت حد تظهرلة اللى جواك زى ماهو وعمرة ماهيشوفك باى طريقة او يزعل منك او يحتقرك او حتى يستصغرك بل بالعكس يكون قوتك وهيبقى مبسوط ان انت اختارتة دونا عن الناس كلها اللى تقولة كل اللى واجعك وقالق منامك فاهم
صرخت بالكلمة الاخيرة بصوت جهورى وهى تظرب صدرة بقبضتيها ثم تراجعت للخلف بوجع وضعف
رفع نظرة لها ليجد عيناها تعلنان عن زلزال وبراكين آتية لن تصمت ابدا شرارت تمردها بدت ظاهرة واضحة للعيان لن ترتضى بهذا الوضع لن ترضى بتهميشها ابدا لن تصمت عن ابعادها عن اوجاعة وعن كل مابقلبة عيناها تعلن خياران لا ثالث لهم اما معرفتها واشعارها بانها الاهم والادرى بكل مابحياتة او ان تترك تلك الحياة التى تشعر بها بانها مهمشة لا حق لها بمعرفة شئ وبانها ماهى الا مجرد زوجة ليس اكثر بحياة زوجها
صرخ بتعب ووجع وقد اعلن صوتة الم و تعب وانهزام لا مثيل لة قائلا
يعنى عاوزة اية دلوقتى
صرخت هى بالمقابل
عاوزة اعرف عنك كل حاجة عاوزة اعرف مين اللى واجع آسر التهامى ، عاوزة اعرف اسرار آسر التهامى ، اعرف خبياه ، مين احمد اللى كلكم بتخفوة من حياتكم ، اية غلطتة ، اية اللى عملة خلاكم ترفضو حتى تجيبو اسمة ، عاوزة اعرف اية اللى جواك وانت مين ، انت قاسى ولا رقيق ، غامض ولا صريح ، موجوع ولا فرحان ، برئ ولا ماكر، طفل ولا كبير ، عاوزة اعرف لية بتخبى عنى كل دة ، عاوزة اعرف اية اللى وجعك ووصلك لكدة، عاوزة اعرف اية الكابوس اللى مش بيخليك تنام بالليل وقالق منامك وتاعبك عاوزة اعرف كل حاجة يا آسر انا مش غريبة انا مراتك والله ماغريبة ولا عمرى هسيبك فية اية يا آسر مين احمد دة واية الماضى؟؟؟ مين احمد يا آسر انطق مين ؟؟؟
جهر هو بالمقابل بصوتة كلة
اخويا .. اخويا الكبير
لم تهتز حتى رمش من جفنيها ولا حتى حدقة عينيها لم تصدم ابدا نعم لم تصدم اذا كانت على علم بالامر عيناها تلومة على عدم قول شئ متالمة وموجوعة بان لا تعلم امرا هام كهذا عينان منكسرة ولكنها ايضا متسالة ، متسالة عن الاسباب التى جعلتة يفعل هذا لم يستطع مواجة عيناها وموجات اللوم والعتاب والاستفسار تلك لذا خرج من الغرفة هاربا من مواجهتها بينما سقطت هى على الاريكة تبكى واضعة يدها على وجهها متألمة مما يحدث وهى تهتف بنشيج باكى حار
لية لية يا آسر مصر تدمر علاقة كويسة وبريئة وحب كبير بيننا ؟؟!!! لية مصر تدمر علاقتنا بكبريائك وبالماضى لية ؟؟ لية بتخرجنى من حياتك بالطريقة دى لية ؟؟؟!!!
اما بالخارج وضع وجهة بين كفية لا يصدق كيف يفعل هذا ؟؟ كيف يوصلها لتلك المرحلة بان لا تعلم عن زوجها شيئا كهذا وهى من المفترض انها رفيقة دربة كيف اوصلها بان تشعر بانها فقط زوجة لافراغ مشتهياتة ولكن ليس لها الحق بمشاركتة تفاصيل حياتة ؟؟ كيف اوصلة الماضى لتدمير نفسيتها وفعل هذا بها يا الله رحمتك انقذ حبى وقلبى المسكين انقذ عشق كاد يدمر بطريقة غير عادية ومن ماضى مجهول لابد لها ان تعلم كل شئ لابد ان تعلم بانها بالنسبة لة كل مايملك وانها الوحيدة التى سيلقى عليها حمولة واوجاعة ومايعرف، سيحكى لها اسباب خوفة ورعبة عليها وعلى الجميع وسبب صلابتة الخارجية نعم سيبكى داخل احضانها ويخرج بداخلها وبين يديها كل مايعتمل صدرة ومايؤرقة لانها وبكل بساطة حبة وقوتة.