رواية ضره من عالم اخر الفصل الخامس عشر 15 بقلم نوسه حمد
رساله متاب اكدت لي كلام عبير انها عينه قويه قلت ليها مصايب شنو البتجيني منك انتي مفتكراني ضعيفه يابت انا شفت المافي بت شافتو عشت مع الجن والإنس عشان كده اتجاوزيني وسند خط احمر انتي مالك شفقانه علي قسمتك اصبري بتجيك حدي عندك وحظرتها بس اتمغست منها مغسه ودمي فار اتصلت علي سند قلت اشوف عرفها كيف قلت ليهو سند انت كنت ح تتزوج متاب سكت ماردا قلت ليهو معناتا صاح انت كنت ح تتزوجها سند بجد م عارفه اقول ليك شنو بس انت قصدك تمغسني بيها قال لي نوسه لا اقسم بالله صدقيني انا ما عرفت انها زميلتك الا قبل يومين قلت ليهو هي كانت معاي لمن انت جيتني في الشغل قال لي م ح تصدقيني اذا قلت ليك ما ركزت معاها ولا في شكلها وحتي لمن اتعرفت عليها هي م وضحت لي الحقيقه وع فكره انا حكيت ليها عنك ما قالت لي دي زميلتي قلت ليهو طيب اتعرفت عليها كيف قال لي يوم انا طالع من الشغل كنت ماشي لي زميلي قريب منهم المهم انا طالع من زميلي دايره ادور العربيه البت دي وقفت وسلمت علي وحسيت عندها فضول انها تتعرف علي وما اكذب عليك الزمن داك انا قنعت منك وكنت محتاج اتزوج عشان مايحصل لي زي م حصل لي زمان اتعرفت عليها بعد يومين قالت لي اهلي م بقبلو اتونس بالتلفون وخطوبه م عندهم عقد بس قلت ليها كمان انا ما الراجل البونس وابشري بالخير المهم اتصلت اتكلمت مع اخوها وحدد لي يوم العقد وانشغلتا مكالماتي معاها بالحساب وهي فاضيه وانا م فاضي لي ونسه بتتصل برد عليها بليل لمن افضا بقفل منها لانو عندي شغل المهم بعد انتي وافقتي علي رجعت لي اخوها م رجعت ليها هي واتكلمت معاهو واحد اتنين تلاته ووريتو اني عاوز استقر مع زوجتي وقال لي خير وهي رسلت ليها رساله بعد كلمت اخوها لقيت منها رسايل وشابكاني ليك هي قالت ما دايراك من عرفت انك ح تتزوجني وافقت عليك من خلال تسجيلاتا حسيتا انها بتعرفك وانا م عندي اخلاق اجادل بت قلت ليها يا بت الحلال مافي قسمه وحظرتها وعرفتها ح ترجع ليك انتي ويا نوسه م تركزي معاها خليها وخلينا في المهم انا حجزت صاله واتفقت مع واحد اجهز ليك شنطه ع زوقك ح اجي اسوقك وبالكتير يومين واجيبها ليكم رايك شنو قلت ليهو طيب بس انا متغاظه قال لي نوسه انسي ما تركزي وفي الشغل اتجاوزيها ممكن قلت ليهو حاضر قال لي طيب اخليك تاخدي راحتك بحبك وقفل بكل بساطه قال لي بحبك وانا اعصابي انهارت كاني م جربت الحب وفعلا انا م جربتو الا فتره المراهقه وحتي م سمعت كلمه بحبك بقيت اتبسم براي وحاضنه التلفون ابتهال قالت لي نوسه ما شاء الله غرامات شديده قلت ليها الحمد لله بس في موضوع مزعجني قالت لي ياساتر خليك ريلاكس عشان وشك ينور قلت ليها موضوع صعب اتجاوزو قالت لي شنو احكي احتمال اخفف عليك حكيت ليها بي متاب ماتت بالضحك قالت لي شكلك م متعوده علي صحبه البنات الخسيسات قلت ليها اي والله انا ما صاحبت علا وبالمناسبه دي زكرتيني لازم اعزم علا قالت لي والله كنت دايره ازكرك وكدي خلينا من علا يابت البنات الزي متاب دي تعفصيهم بي رجلك وما تعايني ليهم كتير قلت ليها عشان اول مره اتعامل مع بت كده وسبحان الله ماعرفت حقيقتا الا امس قالت لي ولا يهمك طالما سند صارحك قلت ليها فعلا قالت لي في الشغل ماعندك ليها حاجه قلت ليها اكيد كلام ابتهال طمني شويه رغم انو بطني كانت طامه شديد بس قدرت اتجاوز
مرت الايام وجهزت حاجاتي كلهن وسند جابهم لي ابتهال وامها م قصرو جهزو لي اي شي وانا اخدت اجازه بدون مرتب للزواج واتصلت عزمت علا وعلاء وقالو لي ح نجي وعلاء شال رقم سند قلت ليهم ماتكلمو اهلي علا في الاول اتناقشت معاي بس قلت ليها خايفه منهم يحرجوني اكتفيت بالمواقف العملوها لي وعندهم مكانه لسه جواي ما عايزاها تتشوه اكتر قالت لي معليش ايام وبتنسي المهم انتي بخير قالت لي بجي قبل المناسبه قلت ليها خير
مرت الايام وسند كان حريص علي اي لحظه عكس زواجي الاول منو حسسني انو عاوز يبسطني اكتر واكتر
زي الليله وبكره المناسبه علا جات وكانت مبسوطه لي ومشينا التلاته الكوفير وعشتا اجمل اللحظات وسند كان ملهوف علي اكتر مني ومناسبتي طلعت احلي من مناسبتي الاولي عليهو وجات لحظه اسوقني البكا البكتو علي ابتهال اهلي زمان م بكو علي وعدتهم اني ما اغيب عنهم كتير سند قال ليهم في اي يوم بجيبا ليكم ما تهمو ودعتهم ودمعتي في عيني ومشينا بورسودان شهر العسل كنت مبسوطه بي سند وهو مبسوط اكتر مني اول مره اكتشف سند حنين اعتزر لي علي اي لحظه اتوجعت فيها بسببو وقال لي انو ما بي يدو غصبا عنو حسيت سند طبيعي ما زي زمان وقضينا اجمل شهر في حياتنا ورجعنا ناس ابتهال استقبلوني احسن استقبال امها جهزت لي حاجاتي كلهن ورحلوني وسند كان ماجر ليهو شقه صغيره وحلوه ومجهزه من مجاميعو
مرت الايام وسمعت بي مرت محمد مريضه عندها القلب وحامل تعبت شديد كانت راقده في المستشفى بالايام وكنا بنمشي ليها بالتناوب مره انا ومره امو ومره ابتهال واهلا ماقدرو يرجعو قعدت اكتر من شهر في المستشفى وفي ايامي ديك حسيت بي دوخه وتعبت شديد اكتشفت اني حامل سند فرح شديد لدرجه انو منعني الطلعه وكان خايف علي شديد ووقفت من الشغل اصلا ما كنت في حوجه ليهو وبقيت قاعده في البيت والحمل تاعبني واكتشفت انهم تؤام وحملي كان متعب انا ابكي وسند ابكي بجد احتجت شديد لي امي بس لو مشيت ليها احتمال تخاف مني وام محمد وابتهال مع مرت محمد ومحمد شكلو لمن اتغير اتمنيت اقيف معاهم للنهايه بس ما بي يدي
مرت الايام والشهور ومرت محمد ولدت بت واتوفت في الولاده وخبر وفاتا نزل علينا زي الصاقعه محمد جنا عديل والبت تبكي ليل نهار م بتسكت اهل مرتو جو حضروا الدفن وقعدو اسبوعين وسافرو كانو عاوزين يسوقو البت معاهم بس محمد رفض شديد وزي الجاتو حاله نفسيه حالتو اتبهدلت شديد لانو كان بحب مرتو حب م عادي بس القدر كان ليهو دور انا رجعت بيتي لانو م قدرت استحمل منظر اكتر زول مدا لي يدو وسند زاتو اتأثر شديد
وانا بعد الوفاه تعبت تعب شديد سند كان لي نعم السند بس فجاه بقا يسرح شديد ومرات بحسو زي الطفل غالبو يتصرف وكنت ما عارفه مالو واليوم كلو بقول لي نوسه ما تمشي كانو انا ح امشي افوتو حسيت انو موت مرت محمد خوفو ووقف من الشغل واليوم كلو سرحان وخايف ومتوتر وانا مستبعده اي شي وخاته حالتو دي انو خايفني اموت في الولاده وفي يوم بليل حسيت بالم ولاده وهو كان نايم في الغرفه وانا بره مشيت عشان اصحيهو حسيتو زي البتكلم بالتلفون فتحت النور من غير م يشعر قلت اكيد سند بخون فيني بس اكتشفت الاخطر من الخيانه وربنا يستر بقيت منططه عيوني ووجع الولاده ماشي زايد علي وسند م جايب خبر…….يتبع.