رواية ضره من عالم اخر الفصل الثاني عشر 12 بقلم نوسه حمد
علا بقت تحكي لي وانا بالي بقا بعيد 😭بعد الله رزقني بي اهل زاتهم يخافو مني علا شغاله لي نوسه الو انتي معاي وهسي انتي كيف بقيتي كيف والحاجه البتجيك راحت منك اسئله نزلت علي قلبي زي الاسهم كانت بتتكلم دموعي علا قالت لي نوسه ما تبكي انتي اقوي من كده وانا متاكده ح ترجعي اقوا بس العاوزاهو منك م تضعفي لاي سبب من الاسباب خليك قويه ومؤيد قال لي ابتهال واهلا ناس كويسين ومافي عليك خوف ما تتصوري طمن قلبي قدر شنوو وفرحت انو ربنا عوضك بناس احسن مننا وما تتصوري علاء زعلان قدر شنو علي انو المره الفاتت ما استقبلك وعلاء بس مضغوط من اهلو واهلو صعبين انا هسي مستحمله عشانو هو اعفي ليهو يا نوسه هي بتتكلم وانا بالي في حاجات كتيره ابتهال شالت مني التلفون وقالت ليها علا كيفك معليش نوسه شبه انهارت لانها ما كانت متزكره الاحداث دي حاجات كتيره كانت فايته عليها وبتسال في نفسها انا ليه كده وانتي هسي وضحتي ليها حاجات كتيره وشكلها الحقيقه صدمتها خليها ترتاح وح ترجع ليك بقت تقول لي ابتهال عليك الله ماتخليها براها نوسه طيبه والمصايب دي جاتها غصبا عنها وما عندها يد فيها وهي كيف ما تكون بتحس بي حاجات قالت ليها لا اطمني هسي هي فل الفل شكلو الرقيه القراها الشيخ هي الوعتها لنفسها وكلام الدكتور صاح يا صدمه يا نوسه كانت تحت تاثير كتابه وبالرقيه اتفكت وطالما سند الحاصل عليهو كده ابقا ليها حق ما تتزكرو تتزكر شنو اكيد ح تكون شافت معاهو ايام سوده قالت ليها اكيد الله ابعدو منها قالت ليها انا بقا خوفي عليها منو لانو محمد مشا جابو وما كان فاهم الحاصل عليها شنو ونوسه رافضاهو وكانت بتقول لي ما عارفه رافضاهو ليه واستاذنت منها وقفلت علا شكلها خايفه علي قالت ليها خليها تتواصل معاي انا لو لقت نفسها براها مستعده اجي اقيف معاها واخلي زوجي نوسه دي ياما وقفت معانا انا وعلاء حتي في تفاصيل بيتي شاركت معاي رغم اني ماقدمت ليها حاجه قالت ليها ما بتقصري يا علا كفايه كلامك الطيب عنها وح اخليها ع طول ترجع ليك وقفلت الخط وانا كنت قاعده في السرير متربعه ومتمحنه ودموعي سايله كنت خايفه من رده فعل ابتهال شديد ولو طردتني ما بلومها ياخ امي خافت مني وقالت لي ابوي عايز تخليني معاها براي وطلعت مني وما جبرت بخاطري ابقا المجتمع كلو لو ما بقا معاي بعزرو ابتهال جات قالت لي نوسه بجد انا اتوقعت اي شي الا انو تكون الحقيقه دي امس بعد كلام الدكتوره قلت نوسه دي تكون اكتشفتو ما راجل كامل وانصدمت ودخلت في حاله نفسيه بس نهاي م فكرت انو يكون متزوج جنيه قلت ليها نفس الفكرتي فيهو انا فكرت فيهو ع فكره بس ما اقتنعت انوو دا الحاصل بحس في غموض في قصتي معاهو حتي رفض اهلي المتكرر لي شككني كتير لانو فعلا لو عندو حاجه زي دي مستحيل احكي لاهلي قالت لي نوسه ما عارفه بس ما تزعلي مني اهلك ديل قاسيين كيف يعني ما يقيفو معاك في الحاله دي قلت ليها انا ما عايزه ادافع ليهم بس برضو في حاجه خلتهم يصلو للرفض دا وانا زعلانه منهم انهم مافتشو لي اكونو افتكروني خلاص واصلت في عالم الجن عشان كده امي خايفه مني قالت لي نوسه احتمال لانو هسي انتي طبيعيه ربع شك انو انتي لابسك جني ما ح تخطر علي بالي قلت ليها ابتهال انا بجد خوفت منك تخافي وترفضيني كمان واقبل علي وين تاني قالت لي معقوله يا نوسه استحاله يحصل كده وانا شايفاك جنبي كامله مكمله وزوله مدينه وفي حالك وكل الحصل ليك دا كان مافي وعيك قلت ليها الحمد لله اني اتخلصت من الكابوس دا وبكره ح اكلم محمد اتكلم مع سند يطلقني ويشوف حالو علي وين وفي شي محيرني اهل سند وين قالت لي فعلا ما تستبعدي رفضوهو لمن عرفو الحاصل عليهو شنو قلت ليها ما بعيد بس الودانا الدلنج شنو والشيخ الوصفو لينا منو والاولاد المعاهو ديل منو اكونو اخوان سند قالت لي ما معروف بس زي ما عرفتي الحاصل عليك ح تعرفي القصص دي كلها انا متاكده قلت ليها ما هاميني بقا اكتر مما انا عاوزه اطلق ومصره علي قراري زول طلعني من دنيتي دا تاني م ح اعيش معاهو قالت لي اصلا هو زاتو مفترض اكتفي بي زوجتو المن العالم الاخر طالما وصل لمرحله انو اتزوجها واحتمال اكون كان نجس لانو انا بسمع انو الجن ما بلبس الا الزول النجس قلت ليها فعلا
انا زاتي زمان كنت بسمع بكده. قالت لي المهم اطمني وبالمناسبه مؤيد قال بكره بجيب ليك الشهاده بتاعت الخبره قلت ليها اكون م قصر معاي وانا جبت شهاداتي بتاعت الجامعه قالت لي ان شاءالله الشغل ح انسيك قلت ليها اكيد قلت ليها النخليك تتونسي مع مؤيد انا ماشه اشوف امك واتونس معاها قبيل بتكون حست قالت لي تمام ولو نمتا صحيني للصبح لغايه م اتعود قلت ليها حاضر وطلعت وقفلت الباب لقيت محمد قاعد مع امو سلمت عليهم قالت لي الليله ما شديدات فاقده حسكن عديل قلت ليها معليش يمه حقك علينا بس كنت جاريه اعرف حياتي والحاصل فيها وعرفت حاجه من صحبتي انا م متزكراها قالت لي اها ان شاءالله خير يابتي قلت ليها للاسف م خير محمد قال لي عرفتي شنو يا ساتر قلت ليهو محمد ممكن اطلب منك تطلقني منو قال لي ياساتر طلاق شنو قلت ليهو جد انا ما عاوزاهو وصدقني لو فضلت معاهو ح يحصل لي اكعب من الحصل لي دا انت بس اتكلم معاهو قول ليهو نوسه طالبه الطلاق ومن غير رجعه عاوزه قسيمتي قال لي طيب احكي ممكن نساعدك قلت ليهو مابقدر بجد عاوزه طلاقي منو اكون اسبابو م معروفه قال لي اكيد دي اسرار وطالما شايفه كده ح اكلمو وما تشيلي هم ح اسلمك قسيمتك في يدك قلت ليهو جميالك كتيره علي بشكرك انك بقيت لي اخو قال لي ما بينا شكر يا نوسه انتي بس ما تفكري كتير وخليها ع الله هديل جنبك امي وابتهال وانتي زوله واعيه ومتعلمه قلت ليهو ماقصرو معاي ان شاءالله يلقوني زي ما انا لقيتهم قال لي اكيد هم مبسوطين بتواجدك معاهم امو قالت ليهم كنت خايفه تمشي مننا قال ليها مصيرها تمشي بعد تلقا ولد الحلال البسعدها قلت ليها اخر همي بقا جاتني صدمه من العرس قال لي فتره بتعدي وبتطلعي من الصدمه دي قلت ليهو ان شاءالله ربنا كريم قال لي ماتقومي تظبطي لينا قهوه ونادي ابتهال داير افتح معاكم موضوع قلت ليهو تمام دخلت كلمت ابتهال قالت لي حاضر ومشيت ظبطت ليهم قهوه وجيت لقيتهم اتونسو وقال ليهم انا طبعا نويت اتزوج ان شالله امو قالت ليهو الحمد لله يا ولدي اها اخطب ليك قعد اضحك قال ليها انتي من زمن الزول البخطبو انا لقيت الزوله المناسبه لي قالت ليهو من وين دي قال ليها شهاده عربيه اتولدت واتربت بره قالت ليهو نهاي ابتهال قالت ليها يمه م تبالغي دي حياتو هو حر فيها ح تعيشي معاها انتي قالت ليها بس خايفه عليهو احسن اتزوج بت من بلدنا تصونو وتحفظو قالت ليها يمه الزمن اتغير في بلدك زاتو ما ح تلقي بت بالمواصفات الهو عاوزها فلنفترض عرستي ليهو من البلد وجابا ولقاها كعبه شعورك بكون شنو وبعدين الزواج دا بطيخه مقفوله ما بنكشفو الا بعد طول المعاشره والزمن دا ما تضمني بت خليهو هو يختار العاوزها ويتحمل بعدين اي شي بس لو خطبتي لي كل مره ح يقول ليك كل منك وما ح يحس بقبول اتجاها بس اكيد دي مرتاح ليها قالت ليها غايتو بنات الزمن دا غريبات هسي هدي انا عرست لا بعرفو لا بعرفني رشحوني ليهو وعيشنا احسن عيشه محمد قال ليها دا زمان زمن لا في تلفون لا في ترندات لا في مقارنات قلت ليها والله يمه كلامهم صاح اقرب ليك مثال انا شكلي اتزوجت زيك زواج تقليدي عرستو ما عارفه عنو اي شي واكتشفت عنو حاجات كتيره ما بتتقبلها اي بت لاي سبب من الاسباب قالت لينا يعني كلكم بقيتو علي قلنا ليها لا م بقينا عليك العفو انتي ست الكل ورايك سمح بس الزمن اتغير والتغيير دا انتي ما شايفاهو شايفنو نحنا الماسكين التلفونات وطلعنا للمجتمع قالت لينا خير تب ان شاء الله الفيهو خير يبقا محمد فرح شديد وقام سلم علي امو بالحضن قالت ليهو شكلك حبيتا اتشوقت اشوفا قال ليها دقيقه اوريكم ليها وجاب ليهو صوره البت عباره عن ايه من الجمال وصغيره حلاتا قالت ليهو خلاص مبروكه نمشي ليهم متين قال ليها دا العاوز اقولو ليكم اهلا جايين اجازه شهر انا خلال الشهر دا اقنعتها اننا نتزوج اول ما يصلو بطلب يدها وح اخليها تختار عفش بيتا واودي ليهم الشنطه والحاجات والعرس اتم قالت ليهو تمام ابتهال قالت ليهو اخيرا ح نفرح وبقت تتخيل ليهو في شكل العرس والبحصل فيهو وكلهم مبسوطين كانت لحظات اسريه جميله شديد
تاني يوم زكرتا محمد انو يكلم سند قال لي ولا يهمك انا عارف مكان سكن ح امشي وابلغو والمساء بجي اكلمك قلت ليهو طيب
المساء منتظره محمد بفارق الصبر وكنت قاعده بره في الصاله ومهمومه امو قالت لي م تشيلي هم ي بت كلو لخير ما تزعلي نفسك قلت ليها ان شاء الله يمه بس الدنيا دي ما عارفاها داسه لينا شنو قالت لي داسه ليك كل خير بنتكلم كده سمعنا صوت محمد ومعاهو زول انا دخلت لبست عبايتي وجيت لقيت معاهو سند سلمت عليهو محمد قال لي سند عاوز اتكلم معاك اسمعيهو وتاني العاوزاهو ح يحصل قلت ليهو تمام مشيت جبتا ليهم عصير وقهوه محمد قال لي انا شربت هسي اقعدي معاهو عشان تتفاهمو قلت ليهو طيب. سند قال لي نوسه انتي عاوزه تطلقي قلت ليهو اي في شنو بينا عشان اعاين ليهو قال لي في انو انا حبيتك في انو انا كنت في عالم تاني وانتي كنتي لي طوق نجاه انا عارف اني ظلمتك وما قلت ليك الحقيقه وانا سبب الصدمه الانتي فيها وبتتعالجي منها دي انا دموعي سالت قلت ليهو م عارفه اقول شنو بس انا مابقدر اسامحك انت اذنبت في حقي وما رحمتني قال لي عارف بس انا كل الناس اتخلت عني وكنت بعاني نفسي زول اطلعني من الانا كنت فيهو اهلي ابسط شي قدمو لي قفلو الباب في وشي وكنت في نظرهم انسان مخاوي وخايفين لي وهم كانت سبب في كل الحصل لي نوسه انا من وعيت للدنيا لا زول قال لي صلي ولا زول قال لي اتحصن صباح ومساء كنت جاهل في الدين بطريقه تخلي الف جن يفكر فيني وكنت انسان مغرور وشايف نفسي كل الصفات دي اكتسبتها من اهلي ياريتهم وجهوني لطريق ربنا انا يا نوسه رغم الحصل لي بس كنت بحاول اصلي وكانت بتمنعني حسيت نفسي بقيت افكر في الزمن الضايع زمان كنت وين انسان متعلم وقريت وين كان عقلي لمن بعدتا من الدنيا قلت ليهو سند ممكن سؤال انت هسي بقيت كويس قال لي انا بقيت كويس والفضل يرجع ليك قلت ليهو لي انا انا عملت شنو قال لي نوسه انتي ما بتتزكري للدرجه قلت ليهو والله نهاي ماقادره اتزكر قال لي انا السبب ودموعو كانت جاريه وبقا يحكي لي بالشيخ والحصل وانو بقا يرقي ليهو وقال لي تعبت شديد وكنت ح اموت انا طول المده دي بصارع في الجن والحمد لله الشيخ ماقصر مني وما وقف مني رقيه لاخر لحظه والحمد لله انا الان بقيت كويس واحسن من زمان زول بخاف ربنا وماسك دربي عديل وزي ما انتي جاتك صدمه انا جاتني صدمه من اهلي وما نفسي الاقيهم لانهم قسو علي قلت ليهو حتي اذا بقيت كويس ما ح يصدقو انا يا سند بسببك اهلي طردوني من غير ما يفهوني حاجه قال لي معليش مع الايام ح ترجعي ليهم قلت ليهو الله كريم ربنا يسهل قال لي ان شاءالله يا نوسه انا هسي جيت عشان اقول ليك جد انا حبيتك وكبرتي في نظري شديد لمن وقفتي جنبي واستحملتي الما قدرو اهلي يستحملوهو وما طالب منك غير تديني فرصه سكتا ما قدرت ارد عليهو لاني فقد الثقه فيهو وياعالم كلامو صاح ولا غلط وبقيت محتاره بين اوافق او ارفض ……يتبع.
لقراءة جميع فصول الرواية من هنا