رواية غيرة اختي الفصل الحادي عشر 11 والأخير بقلم جمانه السعيدي
غاده...بقينا نحجي للصبح هو رجع البيتهم واني نمت
بهذا اليوم مرتضى ماداوم اخذ اجازه
راح ابوي للمستشفى يطمن على حالة زيد طبعا اهله كلهم مجمعين يمه
ابوي اعتذر منهم بس ابو زيد قبل يحجي ويااا
اما اخوانه وامه محد قبل يرد السلام
على ابوي
ابوي...خويه اني جاي اعتذر منك ابني غلطان بس شاب
وأخذته الحميه والغيره على خواته ااكيد انت تعرف السالفه
ابو زيد....شني السالفه ترا هو لا اول ولا اخر واحد يفسخ خطوبته من بنيه
ابوي...لا مو هاي القصه القصه الحقيقيه انت ما تعرفه
زيد جان ناوي يخطب بنتي الجبيره وبعدين حول على الزغيره بعد ما استقبلنا ورضينا بوضعه
دز رساله للزغيره اريد اعوفج وارجع
الاختج بشرفك هذا حجي احنا غير محترمينه ومقدرينه
دخل بيتنا اكل وشرب
ابو زيد...ماكو هيج حجي شلون يعني يعوف وحده ويرجع الوحده
ابوي...عدنا ادله ورسائل علي اني مو اكول ابني مو غلطان
لا غلطان من راسه الرجليه واني مستعد الاي طلب تطلبو
بس ماكو داعي كعدت عشاير هاي سمتعنا ماعدنا غيرها
اطلب واحنا انشاء الله مانقصر
ابو زيد ...وانت وحسين وين جنتو وهو يلعب على هاي
وعلى هاي
ابوي...كلامك ماله داعي احنا قدرناه ودخلنا بيتنا
وحسبنا واحد من عدنا بس ماجن نعرف هو غدار
وخاين للملح
هذا الكلام ماله داعي شوف شنو طلباتكم واحنا حاضرين
ترا الكعده العشائريه اضرنا وضركم بنفس للوقت
اذا كعدنا وياكم اني راح احجي كل الحقيقه
ومثل ماالناس راح تحجي علينا تحجي عليكم
مع احترامي ابنك ماعنده اخلاق ولا غيره
شوف شنو طلباتكم واني مستعد بس اطلعون حسين
من هاي القضيه
حسين اخذته الغيره على خواته وحس بلغدر
من صديق عمره
ابو زيد ...من يطلع زيد سالم من ألمستشفى يصير حجي ثاني
ابوي...اني سئلت الدكتور وكال ماكو علي خطوره
عبر مرحلة الخطر
ابو زيد...يصير خير انشاء الله
غاده...الساعه ١٢ امي كعدتني كالت مرتضى اجا
وابوج رجع من ألمستشفى
كعدت دخلت الحمام غسلت وبدلت وطلعت
غاده...شلونك بابا
ابوي.. الحمد لله
غاده..شلونك مرتضى
مرتضى...الحمد لله اليوم مارحت للدوام خلصتها نوم
امي...الله يساعدك تعبت ويانا البارحه
غاده...هااا بابا شكالو اهل زيد
ابوي....ابو يكول لمن يطلع من ألمستشفى اطمن علي
يله اتفاوض وياكم
غاده...وهذا الوقت كله يبقى حسين بلسجن
ابوي...خلي بلسجن ماعلي شي اخوان زيد عيونهم تطفر شرار خلي زيد يصير زين ونطلعه
امي.. عمت عيني حسون يمه
ابوي...وين الغده خل نتغدا اريد انام تعبان
امي...مرتضى جابلنا غده حاهز دجاج وتمن ومرك
ابوي...ليش كلفت نفسك عمووو
مرتضى...شي بسيط
جمانه السعيدي
غاده..جهزنا الاكل وكعدنا نأكل بس هبه ماجت يمنا
امي....خاف يطلبون فلوس هواي
ابوي....خل يطلبون بس حسبن يطلع
امي...منيين اجيبلهم
ابوي...الله كريم ابيع قطعة الارض الي عندي
اطلع حسين والباقي ازوجه بيهن
اني من زمان كلت ابيع الكاع وازوج حسين
امي...الله كريم
بليل راح مرتضى اخذ عشى وراح الحسين اطمن علي
غاده....احنا طابخين ليش أخذت اكل جاهز
مرتضى...عليمن تطبخون جاهز احسن حتى المساجين الي ويا فرحووو بلاكل
غاده...الله يسعدك ويفرح كلبك
مرتضى...يسعدنا اني وياج
غاده...انشاء الله
غاده..... مر اسبوعين وزيد تحسنت حالته
ابو زيد دز على ابوي حتى يتفاوض ويااا..
ابوي اخذ عمي وأخذ مرتضى وراح عليهم
اول ماطلبو خمسين مليون شكد طماعين
بس ابوي وعمي بقو يتفاوضون وياهم اخير شي
قبلو ١٠ مليون ويتنازلون عن حسين
ثاني يوم راح مرتضى وابوي جابو حسين من السجن
عمت عيني حيل متغير ضعفان ولحيته طولانه
من شفته حضنته وكمت ابجي
غاده...اسفه كلشي صار بسببي اسفه
حسين....لا انتي مالج علاقه هو واحد حيوان وناكر
الخوه لازم يتعلم درس
بعد ماكعدنا تغدينا وكملنا جان مرتضى يفاجئنا
مرتضى...عمي من رخصتك اني اريد ازوج
ابوي.. اي ازوج منو لازمك
مرتضى...بلخميس العرس
غاده....ياا خميس ما مشتريه اي شي
مرتضى...اني كلت الخميس يعني الخميس
اني اخذج تشترين ملابس
غاده...ماالحك والصالون
مرتضى...تلحكين والباقي نكمل بعد العرس
كون الشهر الجاي ابنج بحظنج
امي....يااا ههههه شلون ابنها بحضنها
مرتضى....معليكم بس انطونيها اذا ما حسبت شهر واحد
تجيكم وابنها بحضنها
ابوي...ليش مستعجل يابويه
مرتضى...كل هذا التأخير ومستعجل
جمانه السعيدي
غاده...صمم مرتضى يوم الخميس العرس
حجزت صالون ورحنا اني وياا اشتريت كم قطعة ملابس
مااشتريت كلشي اريده
لان ماعندي وقت ماسويت حنه هو حنه هو عرس
واخيرا ازوجنا ورحنا البيتنا اني وياا
احلى وارق واحن كلب بلدنيا
من بعد زواجنا باربع اشهر حسين ازوج
زوجته تخبل وبت حلال
بس هبه ماعايفتها بحالها تتناكر وياها ليل نهار
بس البنيه عاقله وتحب حسين تموت علي
متحمله وساكته
بعد زواجي بشهر واحد طلعت حامل
مرتضى يكول مواني كلت شهر واحد وتطلعين حامل
ابنج بحضنج
غاده...بحضني لو بطني
مرتضى...نفس الشي ماكو فرق
درست مرحله ثانيه واني حامل انشلع كلبي بس مرتضى ماعافني ابد يوصلني للدوام ويرجع ياخذني
كمل جامعتي اتخرجت
مرتضى مايقبل اتعين
يكول اني اتكفل بكلشي بس انتبهي على بيتج وجهالج
جمانه السعيدي
بعد زواجي بسنه ونص اجا واحد تقدم الهبه منفصل
بس ماعنده اطفال
ازوجها وبعد زواجهم بست اشهر اخذها وطلع للخارج
تكول مرتاحه ويااا
اذا تتصل على اهلي واني عدهم اسلم عليها واسئل عن احوالها
واذا بيتي مااتصل عليها ابد احجي الحقيقيه
ليش اجذب صار عدها بنات ثنيين
حسين صار عنده اولاد ثنيين وبنيه
اما اني عندي اولاد اتلاثه
الجبير نسخه من ابو حتى وكح مثله من جان زغير
شكد اعلم بي مايفيد صدك جينات وراثيه
والوسط يشبهني هادء مثلي
والزغير يشبه عمي ابو مرتضى الله يرحمه
هاي قصتي من البدايه وتستمر حلوه للنهايه انشاء الله
الغيره اول خطيئه صارت من اول ما نخلق ادم
لمن الشيطان ما قبل يسجد الادم
وقال خلقته من طين وانا من نار
غيرته منه منعته يسجدله رغم كان هذا أمر الاهي
الجريمه الأولى الي صارت على الارض بسبب الغيره
لمن قابيل قتل هابيل بسبب الغيره
لان رب العالمين تقبل قربان هابيل ولمن يقبل قربأن قابيل
اخذته الغيره وقتل اخوووو
بسم الله الرحمن الرحيم
(فطوعت له نفسه قتل اخيه فقتله فاصبح من الخاسرين )
اول خطيئه بلدنيا بسبب الغيره
ليش نستغرب من غيرة هبه من اختها
اذا قابيل قتل هابيل لان يغار منه
انتهت الرواية دمتم سالمين.
تمت بحمد الله
وأيضا زرونا على صفحة الفيس بوك
وايضا زورو صفحتنا سما للروايات
من هنا علي التلجرام لتشارك معنا لك
كل جديد من لينك التلجرام الظاهر امامك
وايضا زورو صفحتنا سما للروايات
من هنا علي التلجرام لتشارك معنا لك
كل جديد من لينك التلجرام الظاهر امامك