رواية غيرة اختي الفصل السادس 6 بقلم جمانه السعيدي
@الجميع
غاده...كان التحضير للمهر يخبل الناس الي اجت للمهر
ما تنعد السبارات ترست الشوارع
حجزلي صالون وبدله تخبل
اجن خواته وامه واقاربه بيتنا انترس ناس
من غير الزلم سدة الشارع
عقدولي من بعدها عقدوله دخل عليه
لابس قاط عسلي وقميص ابيض طالع يخبل
منا هو طويل وخشن طالع فد شي النسوان والبنات كلها عينها علي
هبه واكفه بلركن وتباوع بحقد ابد ماشاركت باي
شي لبسني الذهب وباسني
بعدين كدام النسوان حضني وكال ما تنطونيها أخذها وياي
النسوان كامن يضحكن
امي...ليش مستعجل تأخذها اذا مو اليوم باجر
مرتضى...لا اليوم اخذها
التفت عليه وهمسلي طالعه حلوه تخبلين
غاده....وانت طالع تحفه
بعد ما خلصت الحفله وانتهت انطاني تليفون حديث
غاده...شكرا يخبل التليفون
مرتضى....بلعافيه
غاده... ابقى للعشى
مرتضى....غير يوم اليوم تعبتي واهلج تعبووو
الايام كدامنا هواي
علما طلع مرتضى اجيت للغرفه اسمع هبه تحجي ويا
زيد تسئله ليش مااجيت للمهر
رجعت كالت انت كله مشغول يمتى تفرغ مااعرف
شلون ماتجي بهيج يوم حتى اتباها بيك كدام الناس
حفله مهرنا ماعزمنا احد حفله زغير وتفشل تعال شوف حفلة مهر غاده
تخبل والعريس طاير بيها
والذهب الي جايبه الها بي كيلو قابل مثل حظي
غاده...دخلت للغرفه
هبه...مع السلامه حبيبي اني هم مشتاقتلك
عود مو تريدني اسمعها
تريد اضيع الكلام
غيرت ملابسي وطلعت حتى اعزل البيت
امي......هبه ليش خاتله تعالي البيت هوسه
هبه...مالي خلك تعبانه راح انام
غاده...بقيت انظف اني وامي وحضرنا العشى
حتى حسين ساعدنا بالترتيب
حسين...زيد مااجا شكد اتصلت علي ودزيت رساله عزمته
امي...ابجوز عنده شغل الغايب عذره ويااا
جمانه السعيدي
غاده.....من كملت ورجعت للغرفه
لكيت مرتضى دازلي رساله
...وينج حبيبي اتصل وماكوووو
وين صرتي بسلا نمتي تعبانه ونمتي
غاده....هلو مرتضى لا ما نمت كاعد انظف البيت
شويه ورجع رد عليه
مرتضى...لا تعبين نفسج نامي وارتاحي وباجر
اشتغلي على كيفج
غاده...لا كملت ماعندي شي
مرتضى...يمتى تجين تشوفين بيتج
غاده....خل اشوف امي يمتى تفرغ حتى نجي اني وياها
مرتضى..من تقررين تجين اتصلي عليه اجيب السياره
واخذكم للبيت
غاده....انشاء الله
ثاني يوم اجاني بعد العياده بليل وبقينا اني ويا نسولف
للعشره بليل
بعدها بيوم هم اجانا وحايبلي علبة حلويات
اليوم الي بعده عقدنا عقد محكمه
رحنا اني وامي بلعقد من كملنا أخذنا على مطعم اتغدينا
ورجعنا للبيت
من بعدها رحنا اني وامي شفنا البيت
صح ١٠٠ متر بس بنائه يخبل الخارطه كلش حلوه
ومبني طابقين
مرتب بشكل كلش عجبني
من بعدها رحنا اختارينا الغرفه
اشترينا غرفه بيضه تخبل
نصبها ودزلي الصور
كل يوم نطلع اني ويااا ولا يوم مطلعنا سوه
مرتضى....يمتى نروح نشتري فرشات وبردات
غاده...يمتى ما تحب
مرتضى....تشترين ملابس ومكياج
غاده...لا خليهن قبل العرس حتى نشوف الجو حار بارد
ما مستعجله عليهن
اخذني اشترينا بردات وفرشات للغرفه وفراش ارضيه
كملنا كلشي متناسق ومرتب
هبه من شافته كل يوم يجي وكل يوم نطلع ونشتري شغلات
كلها حلوه ويتواصل وياي طول النهار
نحجي ويطلعني من يرجع من الشغل
نفتر بليل تخبلت
جان تتعارك ويا زيد عركه عياطها وصل السابع جار
هبه...انت شنو محسوب عليه زوجي
لا طلعه لا ونسه لا تذكرني لا تتصل عليه
من اتصل عليك تطلع كلبي يله ترد
تعال شوف الناس شلون الطلعات والونسات
والهدايه واني مخلصتها مكابله الحايط لو تعدل اسلوبك وياي وتهتم بيه
لو كلمن يروح بطريقه اني بعد مااكدر اتحمل
جمانه السعيدي
غاده...مرتضى يجي الصبح يوصلني للجامعه
كم مره أخذنا حسين وهبه ويانا وصلناهم
الصبح من يجي مرتضى يجيبلي ويا ورده
لو قلم كتابه حلووو لو ككو لو نستله لو يكول نتريك قبل الدوام
هاي تشوفه شلون يحجي وياي ومهتم بيه تخبلت فد نوب
تسمعنا نحجي اني ويااا
كلما اكول مرتضى يرد عليه عيوني كلبي هاا حبيبي
تسمعه هيج يحجي وياي
مابقى براسها عقل وخاصه زيد مل منها ومن مشاكلها
وبدا يجهلها
طبعا هيه توصله كلشي يصير ببني وبين مرتضى
شلون نطلع شلون يجيبلي هدايه
شلون يتواصل وياي شلون يدور رضاي
كتلتها الغيره
مرتضى.... حبيبي اريد اكولج شي
غاده....اي حبيبي كول
مرتضى....البارحه لكيت رساله من وحده اسم الصفحه
هبه هبه بالانكليزي
دخلت على الأصدقاء انتي وعائلتج
هاي اختج
غاده...خل اشوف الصفحه
فتح تليفونه شفتها اي هاي اختي
مرتضى....كاتبتلي اني هبه عرفتني وبس
غاده...صفنت شتريد هبه من مرتضى تتواصل ويا
هو اني اختها بنفس البيت وياها ما تحجي وياي
شتريد من مرتضى مثلا
مرتضى....وين صفنتي
غاده...ممكن تحضرها وما تتواصل وياها
مرتضى....زحمه شلون احضرها غير اختج
غاده...حتلو اختي احضرها مااريدك تحجي وياها
مرتضى...اكو مشاكل بينكم
غاده...مااريد احجي بهذا الموضوع
مرتضى...براحتج وهاي حضرتها قبل لا ارد عليها
اصلا اني كلت لمن اشوف غاده يله ارد عليها خاف تطلع مو اختج رغم اني شفت الأصدقاء بصفحتها
هيه مخطوبه
غاده...اي مخطوبه
مرتضى...بس اني ولا مره شفت خطيبها
غاده....مشغول ما يجينا اله صدفه
مرتضى...ليش حاس تحجين عليهم بحقد
غاده...لا بلعكس ماعندي وياهم اي شي
مرتضى...على العموم معلينا بيهم اهم شي احنا مرتاحين
غاده...كل يوم تقريبا نلتقي اني ومرتضى لو نكعد بلبيت
تسولف لو نطلع نكعد بمكان عام لو مطعم
بيوم اجانا واني كاعده ويا نحجي مااحس اله هبه داخله علينا لابسه نفنون ضيك وشامره الشال شمر على شعرها
نص شعرها طالع
وخاله مكياج اوفر يعني مو مال وحده كاعده بلبيت
عبالك مستعده الحفله
بيومها حسين جان طالع وابوي بغرفته
جمانه السعيدي
دخلت علينا تمشي بدلع وتضحك
هبه...شلونك مرتضى
غاده....مرتضى تفاجئ لان من يوم عقدنا لليوم
مامسلمه علي ولا شايف شكلها
ارتبك من شاف مضهرها
وكف وكال اهلا وسهلا
...كعدت كبال مرتضى وكامت تحجي بدلع
تتنعوص
هبه.. اني زعلانه عليك
وهو منك راسه كللها ليش زعلانه
هبه...دزيتلك طلب صداقه وحضرتني
باوع عليه ورجع كال اسف ماعرفتج
غاده...حسيت الدم كام يفور بجسمي شتريد بلضبط
تريد تأخذه مني مثل ما أخذت زيد قبل
هبه....راح ادزلك طلب جديد ولو اني متاكده عرفتني
غاده...حجيت بعصبيه ممنوع ادزين اي طلب
شعندج دازتله طلب شتريدين
هبه...وليش انتي عصبيه ترا مرتضى صار واحد من هاي العائله عادي ايجوز احتاجه بشغله
غاده...اني كتله احضرها ممنوع تقربين علي
مرتضى زوجي وانتي مره مزوجه تواصلي ويا زوجج
هبه.. شبيج انهديتي عليه مرتضى ليش ما تحجي
اني سويت شي غلط
ليش متحسسه مني
غاده..معليج بمرتضى محد يعرفج مثلي
مرتضى....اني اترخص عندي شغل غاده لا تنامين
اتصل عليج تصبحون على خير
شكد محترم ماحب نتعارك اني واختي كدامه
طلع مرتضى من البيت وصلته للباب ورجعت
جان تلاكيني هبه نزعت الشال وعاطت بيه
هبه....شبيج ماشايفه
غاده..اني الماشايفه لو انتي تتصيدين الفرص
شوفي مرتضى خط أحمر لا تحاولين تقربين علي
فهمتي لو لا
انتي ما اجذبين بس الناس الي تشبهج
زيد وامثال زيد عيب عليج اهتمي بزوجج وانتبهي عل نفسج
على صوت عياطنا طلع ابوي وامي
بابا...شبيكم ليش هذا العياط
غاده...اسئل بنتك شوف شلابسه وشوف المكياج وجايه تتماوع كدام مرتضى
موعيب عليها مره مزوجه شتريد جايه كاعده ويانا
جمانه السعيدي
امي...شببج ويا اختج واذا سلمت على مرتضى طار نصه
هبه...ولله ماادري عبالها مرتضى نمونه
اني العتب عليه لان اجيت اسلم علي
غاده....لا تسلمين علي ولا يسلم عليج ابتعدي عنه
فهمتي لو لا
هبه..عوع عوع شكول شكول
غاده..... اسم الله على شكلج لا طمه بلحمره وجايتني
عبالك قرقوز
امي.. يااا غاده يمه شبيج ليش هيج ويا اختج
هبه...عوفيها يمه ماشايفه وشافت عبالها خطيبها نمونه
انتي وخطيبج ماابدلكم بشعره من زيد
بابا....عيب هذا الحجي يله روحن على غرفتجن
احترمن وجودي على الاقل
غاده...اني رجعت للاستقبال وهبه دخلت غرفتنا
دزيت رساله المرتضى
غاده...لا تزعل حبيبي اكو مشكله بيني وبين اختي
مااريد احجي بيها
بس اني احذرك منها هبه مو سهله
لا تقبل منها اي تواصل
شويه ورجع رد عليه
مرتضى....لا حبيبي ماكو مشكله
غاده....هبه بينها وبين خطيبها مشكله من تشوفنا اني وياك منسجمين اضوج
تريد تخرب علاقتنا مثل ماعلاقتها بخطيبها خربت
مرتضى...ولا يهمج حبيبي
غاده...كملنا كلامنا ورجعت للغرفه
اسمع هبه تحجي بلتليفون
هبه...اني اريد افسخ الخطوبه اني استعجلت
تعال شوف غاده شلون خطيبها مدللها دلال ماصاير
طلعات و وهدايا طول النهار تواصل
وحاير شلون يرضيها
وانت حتى مكالمه ماكو بينا
افضل شي ننفصل غاده مو احسن مني
ليش اقبل بهذا الوضع واسكت من حقي اعيش
حالي حالها
غاده...رجعت كعدت بلاستقبال شلون بلوه هاي
شلون راح اخلص من غيرة هبه
تريد ادمر حياتي ليش هيج حاقده عليه
هيه اختارت شريك حياتها
واني اختاريت ليش الغيره ليش
قررت اواجها بعد ماكو خوف ومستحه هيه ما استحت مني
ليش استحي منها
دخلت للغرفه نزلت التليفون من ايدها
غاده...انتي شتردين بلضبط
مو اخذتي الانسان الي تحبينه مو كلتي اقتنع بيه
واني مقتنعه بي
شتريدين مني عوفيني بحالي وارضي وعيشي
مثل ما رب العالمين قسملج
هبه...مالي شغل بيج انتي ليش مكبره الموضوع
دزيت طلب صداقه الزوجج
عادي كل العوائل يتبادلون أرقام التليفونات
مرتضى صار واحد من عائلتنا وماكو بيني وببنه شي
مجرد دزيتله طلب صداقه
ليش مكبره الموضوع لو انتي ما واثقه من نفسج
تحسين مرتضى ما مقتنع بيج
وتخافين عينه تروح على غيرج
غاده....شكد حقيره انتي مستحيل تكونين اختي
دمرتيني واخذتي زيد مني
ومن شفتيني تعافيت ورب العالمين قسملي قسمه زينه
احسن من زيد ضجتي
خليتي عينج علي عبالج مرتضى مثل زيد
ماعنده شخصيه وملعب
بس يشوفج تموع روحه ويركض وراج ويعوفني
اجيتي لابسه ضيك ومكيجه وكعدتي كباله
بلكت يباوع عليج
افتهمي مرتضى رجال
وزيد أشباه الرجال تعرفين ليش لان مااحترم البيت الي دخله واكل بي خبز وملح
وقرر يلعب عليج مثل مالعب عليه
بس انتي غبيه بمكان مااضيعين علي لفرصه
لا استقبلتي وفتحيتله ايدج ثنيينه
وقررتي اتقهريني فرحانه لان اختارج وعافني
على اساس انتي احسن مني
بس رب العالمين يعرف النويا قسملي وواحد احسن
منكم ثنيينكم
من شفتيني سعيده وفرحانه وتعافيت بسرعه
خليتي عبنج على مرتضى
تردين تاخذينه مني مغروره اتحسين نفسج احسن مني
اي شي اريده تاخذينه اللج
جمانه السعيدي
بس هلمره لو اموت مااعوف مرتضى
لان اني توني عرفت شنو يعني رجال
ومراح اسمحلج تقربين علي فهمتي لو لا
هبه....هاي الأفكار بعقلج وبس تحسين بلنقص
لو واثقه من نفسج مجان خفتي من اي احد
شخصيتج ضعيفه
عيشي بهاي الافكار المريضه
راح تبقين طول عمرج خايفه ومراح تاخذين استحقاقج
غاده....شكد مغروره وشايفه نفسج
أخذت المخده وطلعت من الغرفه احس نفسي مختنكه
ومااكدر اتنفس
هاي عدوه مو اخت
تمددت بلصاله افكر بهبه ليش هيج تغار مني
شلون اخلص من شرها لازم استعجل وازوج بسرعه
قبل لا تخرب عليه
اجتني رساله اتوقعت من مرتضى
فتحت التليفون
زيد....شلونج غاده مشتاقلج
اعترف اني غلطان لان عفت الذهب وجلبت بلحديد
عفتج وركضت ورا هبه
بس مو اني الي ركضت وراها
هيه الي ركضت وراي بس حتى تبعدني عنج
ما تتخيلين شكد ندمان
صح المثل الي يكول ما تشوف خيري اله اجرب غيري
ما تتخيلين شكد ندمان
كل يوم هبه تثبتي اني غلطان
كل يوم اعرف اني اختاريت غلط اني بعدني
احبج ومستعد احارب الدنيا كلها علمودج
انت الحب الاول والاخير بحياتي
اتمنى تسامحيني وتقبلين نبدي من جديد
اني مستعد اعوف هبه واخطبج اتمنى
تسامحيني بس هلمره واني مستحيل اتخلى عنج مره ثانيه
اخر كلامي حب ومشاعر اتمنى تقدرينها
غاده...من كمل الرساله دزلي صورتي اني ويااا
من شفتها تخبلت لا هذا متقصد يخرب حياتي
مادام دزلي هاي الصوره يعني جاي يهددني
ولله مصيبه ياربي شلون بيه
بلمقابل بنفس الوقت
هبه دزت رساله من حسابها الثاني المرتضى
كتبت بيها رساله من فاعل خير
غاده كانت على علاقه بصاحب اخوها وكانو يلتقون
بلبيت من يطلعون اهلها تختلي بي وحدها بلبيت
علاقتهم استمرت اكثر من ٣ سنوات الله اعلم شجان يصير بينهم
قبلت بيك حتى تحرك كلبه لان اتخلى عنها
وخطب غيرها
بس هيه مستعده ترجعله بمجرد ما يتواصل وياها
لان هذا حب حياتها الاول والوحيد
انت خوش ولد ليش تسمحلها تضحك عليك
انت تستاهل وحده احسن منها
عوفها مادام بعدكم على البر ليش تورط نفسك وياها
اذا تكول جذب اسئلها اتحداها تنكر
من شفتها اول مره بلمستشفى كانت مريضه
ومنهاره لان عافها وخطب غيرها
اني مالي اي مصلحه بس حبيت انبهك
انت انسان محترم وتستاهل كل الخير
فاعل خير
انتظرونا.......