رواية ما اخفته القلوب الفصل الثالث عشر 13 بقلم مريم احمد البابلي
كانت داليدا في غاية دهشتها و صدمتها
لم تتخيل في يوم انها تسمع الجملة دي " البشمهندس أمير السويفي صاحب سلسلة الشركات اللي انتي شغالة فيها عايز يتقدملك "
معرفتش تنطق بحرف اتكلمت نجوى و قالتلها
نجوى... انا شايفة لنها حاجة كويسة جدا يا داليدا
ضجـ ـر منها جمال و قالها بحـ ـنق
جمال... ممكن متضغطيش على البنت و تسيبيها تفكر زي ما هي عايزة
أومأت نجوى و قالتله
نجوى... كل ام بتبقى عايزة تشوف بنتها ف مستوى كويس يا جمال !
رد عليها
جمال... و بنتك حققت لنفسها مستوى كويس برضو بفضل الله أولا ثم اجتهادها ف شغلها
كل دا و داليدا ساكتة مش عارفة تعمل ايه هل توافق ولا لا !
اتكلم جمال و قالها
جمال... خدي وقتك ف التفكير و قوليلنا امتى وقت اجازتك و نجوى تكلم والدته تقولهم يجيوا
أومأت له داليدا و قالتله
داليدا... حاضر، عن اذنكوا
و راحت لأوضتها و اول حد شافته هي رهف اللي كانت بتذاكر لهدى
اول ما رهف شافتها ابتسمتلها بفرحة و داليدا فهمت ابتسامتها
قالتلها داليدا بلغبطة
داليدا... مش عارفة اعمل ايه !
استغربت رهف و بعدها قالت
رهف... صلي استخارة
بصتلها داليدا من جملتها و أومأت لها فورا
في اليوم التالي في الساعة 6:00 الصبح
راحت داليدا لوالدتها المطبخ و قالتلها
داليدا... صباح الخير
انتبهت لها نجوى و قالتلها و هي بتقطـ ـع الجبنة
نجوى... صباح النور يا حبيبتي
و بعدها سألتها باستغراب
نجوى... انتي مش رايحة الشركة ولا اي
قالتلها داليدا و هي حاسة انها تايهة
داليدا... مش عارفة يا ماما، مش عارفة اروح ولا لا
فهمت نجوى ان قصدها عشان أمير و بعدها قالتلها
نجوى... مش انتي قولتي انه مش بيجي الفرع دا غير كل فين و فين
أومأت لها داليدا بتأكيد و نجوى قالت
نجوى... خلاص اكيد مش هيروح يا داليدا غير لما تقوليلهم قرارك و خصوصا كمان ان انتي اللي بتديري الفرع مش هو كمان متنسيش انه بني ادم محترم و عمره ما اتكلم معاكي غير ف حدود الشغل و قدام الموظفين او ف اجتماع دا لو اتكلمتوا اصلا
كملت كلامها و قالتلها
نجوى... و بعدين مش انتي قولتي انه امبارح جيه الفرع لإن كان في مشكلة و اتحلت الحمدلله
أومأت لها داليدا بتأكيد و نجوى قالتلها
نجوى... يعني السبب انه يروح الفرع دا المشكلة اصلا، بمعنى أن لو مكانتش المشكلة دي موجودة مكنش هو جيه
أومأت داليدا بتفهم و قررت انها هتروح الشركة و قالت لنجوى
داليدا... على فكرة انا اجازتي يوم الجمعة
قالت جملتها و كإنها بتقول لنجوى تقول لعزيزة يجوا يوم الجمعة
ابتسمت نجوى عليها و سكتت
.....
في بيت عزيزة
كانت سلمى فرحانة جدااا لما عرفت ان أمير عايز يتقدم لداليدا و ان امها كلمت مامة داليدا
اتكلمت سلمى و قالتلهم
سلمى.... انا مبسوطة اوي اوي اوي
ابتسمت عزيزة و قالت
عزيزة... هي الصراحة بنت محترمة جدا و انا بحبها
اتكلمت سلمى بكل تلقائية و هي بتقول
سلمى... اتمنى توافق بس
الجملة رنت ف ودن أمير؛ هل ممكن فعلا ترفض ! و بعدها حس انه اتغر بنفسه ف استغفر
اتكلم و قال
أمير.... خير ان شاء الله، انا هنزل بقى عشان الشغل و متأخرش
أومأت له عزيزة و سلمى و هو قال لرضوى
أمير... يلا عشان اوصلك المدرسة فطريقي
خدت شنطتها فورا و نزلوا
بصت عزيزة لسلمى و قالتلها
عزيزة... متتخيليش هبقى فرحانة ازاي لو داليدا وافقت و بقت من العيلة
أومأت لها سلمى و هي بتدعم كلام عزيزة
بس عزيزة اتكلمت بخو.ف و قالت
عزيزة... هي ممكن متقبلش ببيت العيلة يعني ؟!
نفت سلمى و هي بتطمنها و قالتلها
سلمى... لا خالص انا كنت بتكلم معاها ف مرة و بقولها ان فيلا احسن من البيت و سألتها رأيك ايه لاقيتها قالتلي انها تحب المكان اللي تحس فيه. بجو العيلة مبتحبش تبقى منعزلة
فرحت عزيزة جدا و قالتلها
عزيزة... طب كويس
خدت سلمى تليفونها و قالت
سلمى... تلاقيها رايحة الشركة دلوقتي هكلمها
اعترضت عزيزة و قالتلها
عزيزة... لا بلاش دلوقتي
سلمى... ليه انا صاحبتها و بطمن عليها عادي
أومأت لها عزيزة و قالتلها
عزيزة... طيب ماشي
رنت سلمى على داليدا و جالها الرد
داليدا... ازيك يا سلمى صباح الخير
سلمى... صباح النور يا حبيبتي وصلتي الشغل؟
ردت عليها داليدا و قالتلها
داليدا... قربت اهو
سلمى.... توصلي بالسلامة
داليدا... الله يسلمك
اتكلمت داليدا و قالتلها
داليدا... طنط عاملة ايه
ردت عليها سلمى و قالتلها
سلمى... طنط كويسة كانت قلقانة من حاجة بس خلاص دلوقتي لا
استغربت داليدا و قالتلها
داليدا... في ايه
حكيتلها سلمى اللي حصل و انها حكت لعزيزة كلام داليدا
ابتسمت داليدا و قالتلها
داليدا... شغلي الاسبيكر طيب
عملت سلمى كدا و بعدها اتكلمت سلمى و قالتلها
سلمى... اتكلمي ماما سمعاكي
اتكلمت داليدا و قالتلها بحب
داليدا... صباح الخير يا طنط ازي حضرتك
ردت عزيزة عليها و قالتلها
عزيزة....ازيك انتي يا دودو انا الحمدلله بخير
داليدا... انا كمان كويسة الحمدلله
و بعدها قالتلها
داليدا... اطمني لو حصل نصيب ان شاء الله انا هبقى معاكي مش هسيبك
اتكلمت عزيزة و قالتلها
عزيزة... اهم حاجة متخليش أمير يسيبنا
خدت داليدا بالها من جملة عزيزة و قالتلها
داليدا... يعني انا برة الموضوع اساسا و المهم مستر أمير بس !
اتوترت عزيزة شوية و قالت
عزيزة...لا... يعني قصدي...
اتكلمت داليدا و قالتلها
داليدا... عموما لو في نصيب متقلقيش انا اصلا بحب جو العيلة و مبحبش ابقى لوحدي
كملت كلامها و كإنها بتذكرها و قالت
داليدا... اهم حاجة عندي بس ان حضرتك تفضلي بتحبيني و تعتبريني زي سلمى احسن انا اعرف ناس كتير حماتهم طريقتها اتغيرت معاهم مرة واحدة بدون سبب
اتكلمت عزيزة و قالتلها قالتلها
عزيزة... لا متقلقيش طول ما انتي طيبة انا هفضل طيبة برضو
صمتت داليدا هل ممكن عزيزة اسلوبها يتغير معاها فعلا !!
هي حست كدا من كلامها جدا و خصوصا اخر جملة هل لو داليدا اتشرفت بدون قصد حتى تصرف معجبش عزيزة، عزيزة هتقلب اسلوبها معاها!!
اتكلمت داليدا و قالتلها
داليدا... تمام هقفل انا دلوقتي عشان وصلت الشركة
عزيزة... ماشي يا حبيبتي سلام
انهت المكالمة و سلمى قالت لعزيزة
سلمى... ماما اوعي تكوني زي الحموات اللي بتضايق مرات ابنها انا بحب داليدا و عارفة برضو انك طيبة
أومأت لها عزيزة و قالتلها
عزيزة... انا كمان بحب داليدا
.......
عدت الايام سريعا جدا و جيه يوم الجمعة
كانت داليدا ف اوضتها سامعاهم برة عمالين يتحركوا يمين و شمال بتوتر
كانت قلقانة شوية جت بنت خالتها و قالتلها
مروة... اي يا بنتي سكوتك و هدوء الأعصاب دا
بصتلها داليدا و قالتلها
داليدا... انتي شايفاني ساكتة بس انا في زحمة ف دماغي
كملت بتو.تر
داليدا... عمال يجي ف بالي اني و انا خارجة اسلم عليهم ولا و انا بقدم الحاجة ممكن الكوبايات تقع مني !
ابتسمت مروة و قالتلها
مروة... عادي كنت كدا، بس قولي لخالتو و عمر هما اللي يقدموا المشروبات
كملت و هي بتطمنها
مروة... يوم و هيعدي متقلقيش و بعدين انتوا عارفينها و مامتك و مامته صحاب انا بقى لما ابراهيم جيه يتقدملي مكناش عارفين عنهم اي حاجة، على الاقل انتوا واثقين فيهم شوية
سكتت داليدا شوية و بعدين قالتلها
داليدا... بس اننا نبقى عارفينهم مش كل حاجة يا مروة
صمتت مروة و لم تتحدث سمعوا صوت باب الشقة و بعدها ترحيب عيلة داليدا بالضيوف
اتكلمت مروة و قالت لداليدا
مروة... متقلقيش إن شاء الله خير
داليدا... يا رب إن شاء الله
مر الوقت و قالت بنت خال داليدا
نجلاء... عمتو جاية
لسة داليدا هتستوعب الكلام لاقت امها بتقولها
نجوى... تعالي سلمي على الناس
راحت داليدا معاها و كانت مكسوفة جدا
سلمت عليهم و أمير اعطاها بوكية من الورد و دا زاد من كسوفها و احراجها شكرته و راحت جمب ابوها فورا
ابتسم جمال عليها
اتكلم أمير و قاله
أمير... انا ممكن اكون أول مرة اقابل حضرتك او محصلش مناسبة بس والدتي تكون صديقة والدة داليدا و انا حبيت نبقى عيلة دا طبعا بعد موافقة حضرتك و داليدا
ابتسم جمال ليه من ذوقه و قاله
جمال... و انا مش هلاقي عيلة تحب بنتي قدكوا والدتك بتعتبرها بنتها و اختك بتعتبرها اختها
فرح أمير جدا و قاله
أمير... افهم من كلام حضرتك أن حضرتك موافق؟
أومأ جمال بتأكيد و قاله
جمال... لكن مهم طبعا رأي العروسة
اتكلم آسر بتأكيد و قال لجمال
آسر... اكيد طبعا
كل دا و كانت داليدا صامتة
قالت عزيزة
عزيزة... متضغطوش عليها سيبوها تفكر براحتها و ابقوا بلغونا قرارها
حست داليدا انها اتحررت شوية من توترها
عدى الوقت و انتهت المقابلة و اول ما جمال قفل الباب اتكلم خال داليدا و قالها
زين... انا من رأيي انهم ناس محترمة جدا يا داليدا
أومأوا له بتأكيد و خرجت رهف و بنات خالتها و خالها من الاوضة
اتكلم جوز خالتها و قالها
حسني... انا بأيد رأيك جدا يا زين
لقت داليدا ان عيليتها كلها موافقين ف اتكلمت و قالتهم
داليدا... ماشي انا كمان موافقة بس محدش يقولهم قراري دلوقتي
اتكلم جمال و قالها
جمال... طبعا.. هما هيتصلوا يسألوا و وقتها هنقولهم قرارنا
اتمنى البيت بالزغاريط من نجوى و اخواتها و ظهرت الفرحة علىىوشوهم جميعا
اتكلم عمر و قال لداليدا
عمر... مباارك يا دودو
اكتفت داليدا بابتسامة و مردتش
اتكلمت عمر و هو بيحاول يضا.يقها
عمر... لا بس البوكية جميل
اخدت داليدا البوكيه فورا و قالتله
داليدا... ملكش دعوة بالبوكيه بتاعي
ضحك بعضهم عليهم و داليدا راحت على اوضتها حطت البوكيه ع الكمود الخاص بيها و خرجت تاني
اتكلم زين و قاله
زين... مش هتبطل تضـ ـايق اختك بقى
نفى له عمر بدون ولا كلمة و جمال ابتسم على عياله و هزارهم
.......
عدى اسبوعين كانت داليدا اغلب الوقت بتتابع شغلها من البيت و لو راحت الشركة مكانتش بتطول هناك
و رهف بقت ديما شايفة نصيحة داليدا قدامها و مبقتش تهتم مين بتضايقـ ـها و مين لا بقت مشغولة بشغلها و بس
اما سلمى فكانت بتروح جامعتها و ترجع تساعد والدتها شوية عشان ميحصلش مشا.كل مع رانيا
و رانيا كانت طول الوقت مضـ ـايقة من مساعدتها لخالتها بس كانت بتسكت لما تفتكر ان داليدا جاية و هتساعدها هي كمان
.......
في الفرع الاساسي لشركة أمير السويفي
كان ف مكتبه و كان وليد موجود
اتكلم أمير و قاله
أمير... عدى اسبوعين و معرفش ردها ايه يا وليد
اتكلم وليد و قاله
وليد... طب ما انتوا لازم تتصلوا يا أمير تعرفوا ردهم ايه !
صمت أمير و قاله بعد شوية
أمير... ما انا بقول اديها وقتها برضو
وليد... لا خلاص اتصل يلا
راح أمير ناحية الشباك و اتصل بجمال و جاله الرد
جمال... اهلا و سهلا ازيك يا أمير
ابتسم أمير و قاله
أمير... الحمدلله تمام، اخبار حضرتك ايه يا عمي
جمال... كلنا كويسين الحمدلله
أمير... ديما أن شاء الله
اتكلم جمال و هو بيقوله
جمال... بتتصل تعرف رأي داليدا صح ؟
أمير... ف الحقيقة ايوا
ابتسم جمال و قاله
جمال... طيب يا بشمهندس انا الأستاذة بنتي موافقة...
يتبع.
استغفر الله العلي العظيم الذي لا إله الا هو الحي القيوم و اتوب اليه عدد خلقه و رضى نفسه و زنة عرشه و مداد كلماته و عدد قطرات المياة و حبات الرمال و الحركات و السكون♥️🥰.