رواية ما اخفته القلوب الفصل التاسع عشر 19 بقلم مريم احمد البابلي
عدى شهرين و كانت داليدا لسة زعلانة شوية
كانت بتتمنى لو انه ميفضلش الشغل عن عيلته، كانت تتمنى انه ميبقاش اهم حاجة عنده شغله و بس
كانت ماشي مع ابوها ف جنينة ورود... من اكتر الحاجات اللي بتحبها.... خصوصا الورد البلدي الجميل
اتكلم ابوها و هو بيقولها
جمال... بتحبي الورد انتي
أومأت بتأكيد و قالت بهدوء
داليدا... اوي
ابتسم جمال و قالها و هو بيفتكر
جمال... تعرفي اني كنت عايز اسميكي ورد
بصتلها بدهشة و قالتله
داليدا... بجد !!
أومأ بتأكيد و بعدها قال
جمال... بس نجوى كانت عايزة تسميكي داليدا و انا محبتش ازعلها...
سكتت داليدا شوية و بعدها قالتله
داليدا... بتمنى من ربنا ان اللي هيكون من نصيبي يخاف على زعلي كدا
اتكلم جمال و قالها
جمال... بس أمير كان بيخاف على زعلك يا داليدا... بس اخر موقف دا اللي زعلك
ردت داليدا و هي بتحاول تبرأ صورتها
داليدا... انا مقصدش حاجة عن أمير بجد
أومأ جمال و قالها
جمال... انا عارف انك كنتي بتحبيه... بس بتحبي كرامتك اكتر و دا حقك بس هو كان يستحق اننا نديله فرصة
صمتت داليدا و معرفتش تقول ايه... و جمال قالها
جمال... طيب هو طلب مني انه يجي و انا وافقت
استغربت داليدا و قالت
داليدا... مش فاهمة
بس سمعت صوت أمير اللي كان وصل و قالهم
أمير... السلام عليكم... ازيك يا عمي
ردوا السلام و جمال سلم عليه
بصتله أمير هل اتكلم معاها بخصوصه زي ما اتفقوا ؟ بس اطمن شوية لما جمال أومأ بتأكيد
اتكلم أمير و هو بيوجه كلامه لداليدا
أمير... ازيك يا داليدا
ردت باختصار و قالت
داليدا... الحمدلله بخير
فضلوا ساكتين كلهم لثواني... لحد ما اتكلم أمير و قالها
أمير... انا أسف
معرفتش تقوله ايه ف سكتت و هو اتكلم تاني
أمير... عدى شهرين و نص و انتي لسة زعلانة !..... انا مكنش قصدي اضا.يقك كدا
فضلت ساكتة و بعدها قالت
داليدا... بس انت اها.نت كرامتي قدام الموظفين
قالها بندم... أنا أسف
كانت عايزة تقوله انها خلاص سامحته بس كانت خايفة... خايفة يكررها تاني و يتعصـ ـب كدا تاني
اتكلم تاني و قالها
أمير... انا اتغيرت يا داليدا... مبقتش بدي للشغل و الشركة اكتر من وقتها و برجع البيت لو مش مصدقاني اسألي ماما او سلمى او رضوى
اتكلم جمال و قالها
جمال... خلاص بقى يا داليدا
أومأت له بهدوء بعد تردد و جمال قالها
جمال... يعني خلاص ؟... موافقة ترجعي خطيبة أمير السويفي تاني ؟
أومأت و قالت بكسوف
داليدا... ايوا
اتكلم أمير و قال لجمال و هو معاه باقة من الورد
أمير... انا عارف انها بتحب الورد قولت استحالة اجي من غيره
ضحك جمال و شكره و خد منه البوكيه شم ريحة الورد الطبيعي المنعشة و اداه لداليدا و قالها
جمال... الورد تبارك الله جميل اوي
و بعدين قال لأمير
جمال... تسلم يا ابني
أدى أمير لجمال علبة الشبكة بتاعة داليدا و هو فرحان و بعدها قال
أمير... تسلم... و لو عايزيني اجيبلها شبكة كاملة جديدة انا عيني ليكوا
رفضت داليدا فورا و قالتله
داليدا... لا لا ليه يعني... و بعدين انا بحب دي
و بعدها جمال قاله
جمال...احنا مش عايزين حاجة غير انك تشيلها ف عينيك و متزعلهاش
أومأ له أمير و قاله
أمير... حاضر
ابتسمله جمال و أمير قال
أمير... طيب بما ان كلنا فاضيين دلوقتي ايه رأي حضرتك يا عمي و داليدا لو روحنا نقينا العفش و الحاجة... انا عارف ان داليدا ديما بتحب رأي والدتها و اخواتها نكلمهم يجوا و نروح نختار ؟
صمت جمال لثواني و بعدها قاله
جمال... انا عن نفسي انهاردة اجازة من الشغل و عمر زمانه مروح البيت دلوقتي... لو كدا هكلمه و نقابله هو و رهف
اتكلمت داليدا و هي بتقول
داليدا... انا عايزة طنط عزيزة تيجي معانا برضو
أمير... طنط عزيزة اكيد بتجهز الغدى دلوقتي
داليدا...هكلمها
أومأت لها نجوى و قالت
نجوى... ايوا و انا كمان هكلمها
اتكلم جمال و قالهم
جمال... مش لما تتفقوا على لون الدهان الاول نبقى نروح نختار العفش ؟
ردت داليدا و هي بتقول لأبوها
داليدا... انا عايزة الشقة كلها لون واحد و ممكن حيطة او اتنين ف الريسبشن تبقى اغمق كام درجة بس
ابتسم جمال عليها؛ نفس اختيارات و ذوق امها... ديما بتفكره بنجوى
اتكلم أمير ببساطة و قال لجمال
أمير... موضوع الدهان خلص
استغربوا و جمال قاله
جمال... يعني ايه ؟
أمير... انا و سلمى اتفقنا على خطة عشان نصالح داليدا و نجحت اهي الحمدلله
داليدا... خطة ؟!
جمال.... ما تفهمنا يا أمير
أومأ له أمير و قاله
أمير... سلمى قالتلي ان لما كنا ناويين نختار لون الدهان بعتت لسلمى درجات لونين الكافيه و الرمادي... و داليدا اختارت درجة من درجات الكافيه ميدي على بيج شوية و الحيطة اللي عند الشباك ف الصالون اختارت ليها كافيه برضو بس اغمق درجتين.... و الشقة لما ادهنت و خلصت كلمت حضرتك عشان نتقابل و افرح داليدا اني مبقتش أهمل باقيت الحاجة عشان الشغل
كانوا مدهوشين من اللي سمعوه... و جمال ابتسم له عشان حس انه فعلا حاول بقدر الإمكان انه يسعد داليدا و حس انه هيبقى فعلا مطمن عليها
أعطى أمير تليفونه لهم و قال
أمير... اهي الشقة بعد ما ادهنت و الشبابيك معمولة الموتال لو مش عاجباكي يا داليدا نغيرها
بصت داليدا للشبابيك و البلكونات
داليدا... لا حلوة
و لفت نظرها ان حيطة المطبخ متكـ ـسرة و اتبنى أمريكاني ف قالت بدهشة
داليدا... المطبخ أمريكاني !!!
حس انها فرحت ف قالها
أمير... ايوا... سلمى قالتلي ان الشقة عجبتك بس كان نفسك المطبخ يكون امريكاني ف قبل ما ندهن الشقة كسـ ـرنا حيطة المطبخ و عملناه و بعدين دهنّا الشقة
كانت مبسوطة... شكل المطبخ كان جميل اوي و ألوانه لايقة مع الوان الشقة
داليدا... تحفة اوي
أمير... مرضيتش اخلص حاجة تانية ف الشقة غير لما تتصالحي عشان تختاري انتي
ردت داليدا بأدب
داليدا... شكرا ليك
أمير... العفو
........
بعد وقت اتجمعوا كلهم عند محل كبير متخصص ف الاثاث
راحوا لقسم الانتريهات
اتكلمت رهف و قالت لداليدا
رهف... تبارك الله الحاجة حلوة اوي
قال جمال لنجوى
جمال... مفيش حاجة هتعجب بنتك
أومأت نجوى و عزيزة قالت لداليدا
عزيزة... ايه رأيك يا داليدا
بصت داليدا لشكل الانتريهات المختلفة و بعدين بصت لأبوها و مامتها
اتكلم جمال و قالها
جمال... لسة بقول لوالدتك
استغرب أمير و سأل
أمير... على ايه ؟
رد جمال عليه بأسف
جمال... داليدا بتفضل محتارة تنقي ايه و مفيش حاجة هتعجبها ف الاخر بنعتذرلكوا بقى
قالها عمر
عمر... بصي طيب الانتريه دا و دا احسن اتنين و اكتر اتنين هيليقوا مع لون الشقة ايه رأيك
بصت داليدا للأنتريه دا و دا و بعدين قالتله بعدم معرفة و هي حاسة انها تايهه
داليدا... مش عارفة يا عمر خايفة اختار دا... اندم اني مجبتش دا و خايفة اختار دا اندم اني مجبتش التاني
صمت عمر و هي قالت
داليدا... انا عارفة ان دا من أكبر محلات الأثاث بس انا متلخبطة
اتكلم أمير و هو بيحاول ميخليهاش زعلانة
أمير... خلاص تعالو نشوف السفرة
أومأوا بموافقة و بعدين قالهم
أمير... او اقولكوا خلونا نشوف أجهزة المطبخ اظن دي هتبقى متأكدة منها و محددة هي عايزة ايه
صمتت داليدا هي مش محددة حاجة اصلا بس سابوا المحل و راحوا ب٣ عربيات لمحل الأجهزة الكهربائية
اتكلمت موظفة و هي بتقول لداليدا
شروق... تحبي اساعد حضرتك ف حاجة؟
أومأت داليدا لها و شروق قالتلها
شروق... اي نوع أجهزة كهربائية عايزاها
ردت نجوى و قالتلها
نجوى... ورينا الأول أجهزة المطبخ التلاجة الغسالة الميكرويف كدا
أومأت شروق باحترام
شروق... تمام
و بعد شوية صغيرين كانت داليدا باصة لتلاجتين قدامها محتارة بينهم مش عارفة تختار انهي
اتكلم عمر و قالها
عمر... انهي واحدة عجبتك اكتر
ردت بعدم معرفة و هي بتقوله
داليدا... معرفش
صمتت لثواني و بعدين قالها بتهد.يد مضحك
عمر... طب اعرفي حالا عشان شكلي هتعصـ ـب
قالتله بلوم
داليدا... ايه يا عمر قولي رأيك في التلاجتين مش تقولي كدا!!!
رد عليها بذهول و هو بيقولها
عمر... انا شايف اني دي هتتلج الاكل و دي كمان هتتلج الاكل... مفيش فرق بينهم اصلا غير ان دي لونها اسود بتلمع و دي لونها رمادي غامق
و بعدين قالها و هو بيساعدها
عمر... اقولك رأيي خدي الرمادي شكلها احلى
ردت باعتراض و هي خلاص خدت قرارها
داليدا... لا هاخد السودة
سألتها نجوى و قالتلها
نجوى... اخر كلام؟
أومأت داليدا بتأكيد و أمير حمد ربنا و شاور للي شغال ف المكان انه يسجل التلاجة دي و انهم هياخدوها
قالتلها سلمى
سلمى... تعالي نشوف بقى غسالة الأطباق
أومأت لها داليدا و اخيرا اختارت واحدة بعد ساعة الا بحالها محتارة
اتكلمت سلمى و قالت
سلمى... اخيرا
أومأت لها رهف و جمال قال
جمال... عكس اختها خالص رهف لما جت تختار حاجة بيتها كانت محددة هي عايزة ايه و نوع الحاجة ايه
صمتت رهف و هي تتذكر خطبتها السابقة و نجوى طبطب عليها
بصت رهف لأمها و قالتلها
رهف... الحمدلله على كل حال....ربنا يعوضنا خير
دعيتلها نجوى و قالتلها
نجوى... يا رب إن شاء الله
و عزيزة قالت لداليدا
عزيزة... نختار البوتجاز بقى ؟
اتكلم أمير و قال لوالدته
أمير... هيبقى بيلت ان
ردت عزيزة باعتراض و هي بتقول
عزيزة... انا عارفة ايه الاختراعات الجديدة دي ما البيوت كلها فيها بوتجازات عادية و طبيعية
أومأت لها داليدا و قالتلها
داليدا... ايوا يا. طنط بس دا الجديد
بصتلها عزيزة و سكتت و سامى قالت لمامتها
سلمى... دلوقتي كمان طالع مكنسة بتكنس لوحدها
بصتلها عزيزة باستغراب و سلمى أومأت لها بتأكيد
و بعدين راحوا يشوفوا البوتجاز و دا ماخدتش فيه وقت كتير لإن فريق الموظفات ساعدوا داليدا و واحدة منهم أكدت لها انها جابت لبيتها نفس النوع
كانت سلمى معاها دفتر صغير بتعلم صح جمب الحاجة اللي خلصت
سلمى... كدا التلاجة و غسالة الأطباق و البوتجاز تمام فاضل الميكرويف و بعدين هيتبقى الحاجات البسيطة بقى زي الغلا.ية و الكبة و كدا يعني
أومأت لها رهف و قالتلها
رهف... ابقي قابليني لو داليدا خلصت الحاجات البسيطة دي انهاردة
سمعتها داليدا و قالتلها
داليدا... بتقولي ايه ؟
عادت رهف كلامها بتأكيد و قالت
رهف... بقولها تبقى تقابلني لو خلصتي الحاجات البسيطة دي انهاردة
بصتلها داليدا بغيـ ـظ و قالتلها
داليدا... طيب ماشي
رد عمر و قالهم
عمر... يلا يا جماعة نشوف بقيت الحاجة
اختاروا الميكرويف و الغلا.ية و الخلا.ط و الكبة و باقي أجهزة المطبخ و طبعا عدى وقت كتير جدا
اتكلمت عزيزة و قالتلها
عزيزة... بما اننا بقى في محل أجهزة كهربائية تعالي نشوف المكنسة و المراوح و بقيت الحاجة
اتكلم أمير و قال
أمير... مش مهم مراوح كدا كدا ركبت تكيفات ف الشقة
اتصد.مت عزيزة و قالتله
عزيزة... هي التكيفات هتغضل شغالة طول اليوم دي تتحر.ق لا طبعا لازم مراوح !!
أمير... لا اكيد مش هتبقى شغالة على طول بس ملهاش لازمة المراوح.....او ممكن نجيب مروحة او اتنين بس
أومأوا له بتفهم الا عزيزة كانت مضا.يقة جدا فمردتش
كانت داليدا مبسوطة؛ حاسة ان بيتها هيبقى احلى مما كانت عايزاه كمان... كل حاجة حديثة و كل حاجة كانت جميلة
بس اتكلمت و قالتلهم
داليدا... طيب هو احنا ممكن نبقى نشتري بقيت الأجهزة الكهربائية وقت تاني؟... اساسا الساعة قربت على ١٠ و المحل هيقفل
سكتت عزيزة و أمير قالهم
أمير... تمام هبقى اكلم حضرتك يا عمي نحدد وقت و ننزل نجيب بقيت الحاجة
أومأ جمال و رهف قالت لسلمى
رهف.... مش قولتلك
أومأت لها سلمى بتأكيد و داليدا قالتلها
داليدا... حافظاني يعني
راحوا يحسبوا على الحاجة اللي اشتروها و أمير قال لجمال ان الحاجة هتروح على الشقة على طول و جمال وافق لإن اساسا مفيش مكان ف شقتهم لحاجة داليدا بسبب حاجة رهف
و عزيزة سابتهم و راحت لعربية أمير
راحتلها نجوى و داليدا و نجوى قالتلها
نجوى... مالك يا عزيزة انتي مش فرحانة؟
بصتلها عزيزة و بعدين قالتلها
عزيزة... اكيد كنت هبقى فرحانة لو بنتك حافظت على فلوس ابني اكتر من كدا... يعني تكيفات ليه اصلا ما هي مش هتدفع فواتير الكهربة من جيبها..... و بعدين من الصبح عمالين نلف على حاجة تعجب بنتك و ف الاخر تقولنا وقت تاني.... على مزاجها احنا ولا ايه
اتفاجأوا جدا من اسلوبها معاهم و داليدا صعب عليها نفسها و معرفتش تقول ايه
ردت نجوى و قالتلها بقوة
نجوى... اولا انا بنتي لحد انهاردة الصبح مكنتش تعرف ان أمير هيقابل ابوها و هما ف الجنينة و اتفاجئت ان أمير عمل الدهان و المطبخ و التكيف مكانتش تعرف كل دا الا انهاردة... و ميصحش انك تقولي على بنتي انها مادية و استغلاليه لإن ابسط حاجة أمير قال لجمال انه عنده استعداد يجيبلها شبكة جديدة نوفي غير شبكتها القديمة و هي مقبلتش انه يتكلف و عشان ميبقاش تبذير
اتفاجئت عزيزة و زاد غضـ.ـبها من ابنها اكتر لما عرفت و قالت بغضـ.ـب مكتوم
عزيزة... شبكة جديدة !!
ردت عليها نجوى و قالتلها
نجوى... لا انتي شكل بقى أسلوب الحموات ظهر من بدري اوي و انا بنتي اللي يزعلها يزعلني ف خلينا صحاب زي ما احنا احسن يا عزيزة ....و افتكري انك كنتي بتحبي داليدا قد ايه و كنتي طايرة بيها من الفرحة لما وافقت تتخطب لي أمير و برضو كنتي زعلانة لما حصلت المشكلة الأخيرة و فشكلوا فترة و كنتي بتفضل تدعي انها توافق ترجع تاني و بتكلميني تقوليلي اتكلم معاها بخصوص رجوع خطوبتهم تاني
سكتت عزيزة و سلمى قالت لنجوى
سلمى... طنط ماما متقصدش...
ردت نجوى عليها و قالتلها
نجوى... تقصد او لا انا قولت الكلام اللي عندي
في الوقت دا جيه عمر و جمال و أمير
كانوا كلهم ساكتين و أمير قال لسلمى
أمير... في ايه
سكتت سلمى و جمال قالهم
جمال... طيب يلا نمشي احنا
سلمت سلمى على داليدا و قالتلها بصوت واطي عشان متحرجهاش
سلمى... متزعليش يا داليدا و افرحي الحاجة حلوة اوي اوي تبارك الله
حاولت داليدا ترد عليها تجبر بخاطرها زي ما هي عملت بس معرفتش كانت زعلانة و حاسة ان فرحتها اتكـ ـسرت
الشخص اللي أصرت انها تيجي تشاركها ف اختيارها للعفش و الحاجة و كلمتها مخصوص هي اللي فهمتها انها استغلالية و مادية و مبتحسش بالفلوس و أنانية
مشي جمال و عيلته ف و اتقسموا ف عربية داليدا و عربية عمر
و مبقاش فاضل غير أمير و عزيزة و سلمى
اتكلم أمير و قال
أمير... ايه اللي حصل
بصت سلمى لوالدتها و عزيزة قالتله
عزيزة... اسمع مش عشان فلوسك كتير يبقى ترميها ف الارض و دا آخر كلام
سألتها أمير و قالها
أمير... هو ايه اللي حصل حد يفهمني
اتكلمت عزيزة بضيـ ـق و قالتله
عزيزة... قولتلهم اني مش عاجبني جو عدم المسؤولية من اولها دا ولا هي الحاجة الغالية و خلاص !
صمت أمير و سلمى و أمير كان مضا.يق و كل اللي بيفكر فيه ان اكيد داليدا زعلت من كلام عزيزة... هل ممكن تسيبه ؟ دول لسة منصالحين انهاردة !!
رجعت داليدا البيت و اول ما دخلت اوضتها عيطت فورا و هي صعبان عليها نفسها
حضنتها نجوى و قالتلها
نجوى... اياكي اشوف دموعك فاهمة
بس داليدا مكانتش قادرة متعيطش و غصب عنها دموعها كانت بتنزل
قالتلها نجوى بحدة
نجوى... اسمعي لما تتجوزي ان شاء الله بيتك أولى بيكي اوعي الاقيكي مهملة ف بيتك و البيت مترب و نازلة تحت تطبخي... بيتك اهم احنا كان اتفاقنا يوم ما جم يتقدموا انك هتروحي بيت العيلة ماشي بس على شرط ان حياتك تبقى مستقلة كإنك ف شقة برة... انتي لو ف شقة برة هتسيبي بيتك كل يوم و تروحي هناك تساعدي؟
نفت داليدا و نجوى قالتلها و هي بتنصحها
نجوى... يبقى بيتك أولى انه يبقى نضيف و غداكي مجهزاه و مفيش ذرة ترابة واحدة موجودة و بعدين لو لاقيتي ان عندك وقت تنزلي تساعدي ماشي غير كدا لا... عشان مش هتبقى مساعدة يا داليدا هيتقالك دا واجب قهري عليكي زي ما بيحصل دلوقتي و هو اساسا المساعدة بتبقى ود و محبة .....ف من اولها كدا اتعودي ان بيتك رقم واحد......
كملت و هي بتنصحها
نجوى.... و لو اتخانـ.ـقتي انتي و أمير اياكي تنزلي تحكيلها حاجة و لا تحكيلي انا شخصيا محدش ليه ان يعرف عن حياتك حاجة حلوا مشا.كلكوا انتوا عشان لو نزلتي تحكي مش هتتنصفي و هتبقي انتي اللي غلطانة ف الاخر .... انا بقولك الكلام اللي امي قالتهولي و الحمدلله عايشين مبسوطين اهو
أومأت لها داليدا و مسحت دموعها و قالتلها بطاعة
داليدا.... حاضر يا ماما
يتبع.
ليه يا عزيييييزة كداااا تزعلي داليدا و هي كانت مبسوطة...
استغفر الله العلي العظيم الذي لا إله الا هو الحي القيوم و اتوب اليه عدد خلقه و رضى نفسه و زنة عرشه و مداد كلماته و عدد قطرات المياة و حبات الرمال و الحركات و السكون♥️🥰.
الفصل العشرون من هنا