رواية ما اخفته القلوب الفصل الثاني 2 بقلم مريم احمد البابلي
هتيجي تساعديني يا سلمى ولا اقول لآسر انك خرجتي مع صحابك من غير ما تعرفيه تاني؟!
كان التهد.يد من رانيا مرات أسر و بنت خالة سلمى اخت آسر
بصتلها سلمى اللي كانت لسة داخلة من باب الشقة و يادوبك دخلت اوضتها بضيق من تهد.يدها و قالتلها
سلمى..مينفعش اللي بتعمليه دا يا رانيا هو أي اللي كل شوية تهديدا.ت تهديدا.ت انا لسة راجعة من الجامعة و مش قادرة أساعدك ف حاجة
بصتلها رانيا و قالتلها بتصحيح
رانيا...قصدك لسة راجعة من خروجك مع صحابك مش لسة راجعة من الجامعة
اتكلمت سلمى بعصـ ـبية خفيفة و هي بتقول
سلمى...حضرت محاضراتي ف الجامعة يا رانيا و خرجت انا و يارا و ضحى ساعتين اكلنا برة و جينا في أية!
اتكلمت رانيا بضيق و هي بتقول
رانيا...في أية؟...، في اني تعبت يا سلمى كل يومين انتي ف الجامعة و انا اللي شايلة البيت هنا من تنضيف لفطار و غدا و عشا انتي مش بتساعديني خالص و رضوى فاكرة نفسها لسة صغيرة و ماسكالي ف كلمة مبعرفش اطبخ مبعرفش انضف مع انها مش صغيرة دي خلاص ف ٢ اعدادي
استغربت سلمى جدا من عـ ـصبية رانيا و قالتلها
سلمى..اهدي يا رانيا في أية، حماتك اللي انتي مضايقة من خدمتها دي متنسيش انها خالتك اللي ربتك مع امك و كانت بتخاف عليكي زي خالتو إلهام بالظبط و بالنسبالي ف انتي عارفة مشوار الجامعة بيبقى بعيد عني ازاي و برجع مش قادرة حتى اتغدى و لو على رضوى ف اعتقد انك عمرك ما نضفتيلها حتى اوضتها و ديما المكان اللي بتبقى موجودة فيه بيبقى مرتب و منظم مالك بقى في أية و اي العصبية دي كلها؟!
سكتت رانيا شوية و بعدين قالت بهدوء و قلة حيلة
رانيا... زهقت يا سلمى، حاسة اني اغلب الوقت لوحدي انتي ف الجامعة و رضوى ف المدرسة أو الدرس و شغل البيت كله عليا، انا شقتي فوق مقلو.بة يا سلمى و مش عارفة حتى انضفها لإن كل وقتي هنا
اتنهدت بندم واضح جدا و قالت من غير ما تاخد بالها
رانيا...ساعات بقعد اقول لنفسي لو كنت كملت تعليمي كنت على الاقل هبقى مشغولة بدراستي زيكوا
بصتلها سلمى و هي ساكتة و فهمت دلوقتي لية رانيا كانت متعصبة منها هي و اختها كل العصبية دي
اتكلمت سلمى و قالتلها
سلمى... مش انتي اللي اختارتي لما اتخطبتي لآسر انك توقفي تعليم و مشيتي ورا كلام الناس و ان تعليم البنت مش مهم ؟
بصتلها رانيا بضيق و قالتلها
رانيا...كنت غبيـ ـة
قالت كلمتها و خرجت من الاوضة و هي بترز.ع الباب و سابتها
باصت سلمى للباب اللي اتر.زع و بعدين بصت قدامها بشرود و هي مستغربة رانيا و التحول اللي بتتحوله لما بتلاقيها راجعة من الجامعة او عصبيتها على رضوى لما تبقى راجعة من الدرس ولا مدرستها
اتصلت سلمى بأمير اخوها الكبير فكان اكبر أخواتها أسر و بعدين أمير و رضوى أصغر واحدة فيهم
استنيت كتير يرد بس كالعادة طول ما هو ف الشركة الشغل بياخد كل وقته و مش بياخد باله من تليفونه
بعتتله سلمى رسالة على التلفيون و هي بتقوله
سلمى.." أمير عايزة اقولك حاجة لما تخلص الشغل ابقى كلمني "
بعتت الرسالة و كانت هتقفل الموبايل بس بعتتله رسالة كمان بتقوله فيها
سلمى..." في حاجة كمان، انا خرجت انهاردة مع صحابي و اتصلت على أسر بس مردش عليا "
بعتت الرسايل و قفلت التليفون و بصت لباب الاوضة و هي بتفتكر عصبية رانيا
كانت داليدا بتحاول تعمل الشنطة و ماشية على الخطوات اللي اتعلمتها من بنت خالة نيرة
كانت رهف قاعدة جنبها و هي بتبصلها بتركيز هي كمان دخلت امهم الاوضة و قالتلهم
نجوى... بدل اللي بتعمليه دا روحي اشتغلي بشهادتك
بصتلها داليدا و رهف و داليدا قالتلها
داليدا...يا ماما نفسي افتح مشروع !
سكتت نجوى شوية و بعدين قالتلها
نجوى... طب يلا خدي ورقك و انزلي شوفيلك شركة اعلام اشتغلي فيها يلا و لما ترجعي ابقي كلمي الشنط بتاعتك دي
بصت داليدا للخرز اللي ف ايديها و هزت دماغها باقتناع لإنها اصلا بدأت تحس بشوية يأس او ان المشاريع مش ليها مثلا
فتحت اللاب تدور لو في شركة اعلام محتاجة موظفين و لاقيت قدامها منشور مطلوب فيه موظفين كاتبي مقالات و محررين اخباريين لشركة أمير السويفي للإعلام
بصت داليدا للينك التقديم و بصت قدامها و قالت بصوت واطي
داليدا.. محرر اخباري
بصتلها رهف من بين شرودها و قالتلها
رهف..أية؟، مسمعش كويس علي صوتك
مردتش عليها داليدا و دخلت علة لينك التقديم و بعتت سيرتها الذاتية
اتأ.فإفت رهف منها و قالت
رهف...تفتكري يا داليدا كريم نهى الخطوبة مرة واحدة كدا لية
صمتت داليدا و هي بتفتكر كلامها مع ابوها
....فلاش باك....
كانت داليدا واقفة مع ابوها ف البلكونة و هي بتتكلم معاه و بتقوله
داليدا... رهف زعلانة اوي يا بابا
اتنهد جمال و قالها
جمال..شوية و هترجع كويسة
اتكلمت داليدا و هي مش فاهمة حاجة
داليدا... انا مش فاهمة بجد لية كريم عمل كدا حتى مقلهاش السبب !
مردش جمال، لاحظت داليدا سكوت ابوها و قالت
داليدا... يا بابا ؟!
بصلها جمال و قالها
جمال...انتي بنتي الكبيرة و انا متأكد ان اي كلمة بقولهالك مش بتقوليها لأي حد
ركزت داليدا ف كلام ابوها و قالت
داليدا.. في أية يا بابا
اتكلم جمال و هو حاسس بشوية ندم بعد م شاف حزن رهف
جمال... انا اللي خليت كريم ينهي الخطوبة
اتصدمت داليدا و قالت
داليدا... أية!!
قال جمال بتوضيح قصده
جمال... انا بس كنت عايزلها حياة أفضل و تبقى ف مستوى اجتماعي احسن من اللي هي عايشة فيه و كريم عدى سنة و نص على خطوبتهم و مش عارف يكون حق الشقة التمليك
اتكلمت داليدا و هي بتقول
داليدا...طب مت هو كان قايل يا بابا انه ظروفه المادية مش هتسمح انه يجيب شقة ملك !
جمال... كنت فكره طموح و هيقدر يكون فلوس .
سكتت داليدا و معرفتش ترد تقول اي. و بعدين بصت لجوه الشقة لاقيت رهف قاعدة ف الصالون سرحانة و باين عليها الحزن
....باك....
ابتسمت داليدا لرهف و قالتلها
داليدا... إن شاء الله يا حبيبتي ربنا هيكرمك و هيعوضك
ابتسمتلها رهف و قالتلها
رهف...اللهم امين
........
عدى يومين و داليدا كانت كل شوية تبص لإشعارات تليفونها يمكن يكون جالها القبول لشغلها ف شركة أمير السويفي
كانوا كلهم متجمعين على الفطار اتكلمت نجوى و هي بتقول
نجوى... ملقيتيش شغل؟!
اتكلمت داليدا و هي بتقولها
داليدا... قدمت من يومين ف شركة اعلام كانوا طالبين موظفين محريرين بس لسة مجاليش اي رد
قالها جمال و هو بيدعلها هي و اخواتها
جمال... ربنا يوفقكوا يا رب
بصت داليدا لأختها الصغيرة و قالتلها
داليدا... الكتكوتة الصغيرة اللي داخلة سنة ساتة
بصتلها هدى و ابتسمت و قالتلها داليدا
داليدا... زي ما انتي، عايزة ترتيبك يبقى الأول على الدفعة برضو ان شاء الله
هزتلها هدى دماغها بابتسامة و قالتلها
هدى...إن شاء الله
ابتسمت نجوى عليهم
صر.خت داليدا مرة واحدة و دا خلاهم كلهم يتنفضوا بـ.ـخضة
داليدا.... جالي القبوووول
بصتلها امها بغيظ و قالتلها
نجوى... كل دا عشان جالك القبول
ضحك عمر اخو داليدا الكبير و قالها
عمر...اصل شركة أمير السويفي من أكبر شركات الاعلام ف مصر
هزت نجوى دماغها بتفهم و عمر قال لداليدا
عمر... مقابلة الانترفيو امتى. ؟!
بصت داليدا لشاشة التليفون و قالتله
داليدا... يوم الاتنين
عمر... بكرة يعني
اومأت داليدا و عمر قالها
عمر...اهم حاجة متتوتريش و خلي عندك ثقة ف نفسك
اتكلمت داليدا و هي بتقوله باستغراب
داليدا...أنت مش جاي معايا ولا اية؟!
عمر...غالبا هيبقى عندي شغل مش عارف
اتكلم جمال و قاله
جمال...خد اجازة بكرة. متسيبش اختك تروح لوحدها يا عمر
بعد كام ساعة كان عمر و داليدا ف الصالة و بيحاولوا يمثلوا مقابلة الانترفيو عشان داليدا متبقاش متوترة
اتكلم عمر بملل من كتر اعادة الكلام نفسه بالملّي و هو بيقول بغيظ
عمر.... اسم حضرتك اييية؟!
داليدا...داليدا جمال مختار الرامي
اتكلم عمر و هو بيقول بسخرية
عمر... الرامي ايوة
قالتله داليدا بغيط
داليدا...انا قولت الراوي
رد عليها عمر بخنقة
عمر...طب اسكتي
اتكلمت داليدا بعصبية خفيفة و ضيق
داليدا... أنت اصلا اللي موترني يا عمر و متعصب
رد عمر بدهشة و هو بيقول
عمر... انااا اللي متعصب!!!
اتكلمت هدى و هي بتقول بضيق منهم
هدى... بس بقى انتوا الاتنين
اتكلم عمر بحدة خفيفة
عمر.. اسكتي يا بت انتي
قالتله داليدا بضيق
داليدا..متكلمش هدهدة كدا يا عمر!
ردت رهف اللي كانت واخدة طبق فراولة و واقفة على باب المطبخ بصالهم
رهف..هو انتوا مبتبطلوش خناق خالص ؟
قالتلها داليدا
داليدا... خليكي فحالك
رد عليها عمر و هو بيقولها
عمر... و اشمعنا انتي عادي تكلميها بضيق و لما جيت اتكلم مع هدى اضايقتي اوي
اتكلمت رهف و هي زعلانة و بتقول
رهف... انتوا ديما كدا معايا
استغربت داليدا و بصتلها و هدى قالتلهم
هدى...انا اتخنقت من خنا.قتكوا دي
جيه. جمال و قال جملة واحدة بس
جمال... اللي هسمع صوته فيكوا هو حر
سكت الكل و كانت نظرات ضيقهم من بعض
هي اللي بتتكلم
اتنهد جمال منهم لإنهم فعلا سكتوا زي ما طلب منهم بس برضو في خنا.ق صامت بينهم كلهم و قال
جمال... كل واحد على اوضته
قام الكل و مبقاش في حد ف الصالة غيره و بس
جمال.... ربنا يهديكوا و تبطلوا خنا.ق
اتكلمت نجوى اللي لسة خارجة من المطبخ بالشاي و قالتله
نجوى... دا بيبقى حب و ترابط يا جمال مش خنا.ق عدا.وة متقلقش
اومأ جمال و سكت
.......
عدى اليوم و جية تاني يوم و اللي المفروض هتكون فيه المقابلة
كانت داليدا واقفة قدام الشركة بتبصلها بدهشة و رهبة شوية من منظرها
كان عمر جنبها و دهشته متقلش عن دهشتها ابدا
عمر... لو اتقبلتي في المكان دا يبقالك الكلام
اضايقت داليدا منه و قالتله
داليدا...دي كلمة تقولها بدل ما تشجعني
رد عمر و هو بيقولها
عمر...مش هنضحك على بعض
سكتت داليدا شوية و قالت
داليدا...يلا نمشي
عمر...لا لا يلا عشان المقابلة،
ثم أكمل بتشجيع صادق
عمر... فعلا لو اتقبلتي هتفرق معاكي جدا
داليدا...قلقانة
عمر...طبيعي
اخدت داليدا نفس عميق و دعت ربنا و دخلت هي و اخوها الشركة
كلم عمر موظف الاستقبال و قاله
عمر...كان في مقابلة شغل
اومأ موظف الاستقبال و اتكلم
عامر...تمام يا فندم اتفضل
راحوا معاه على المكتب و كانت داليدا خايفة شوية بس حاولت تتحلى ببعض الشجاعة
عامر... أستاذة نغم الآنسة عندها مقابلة شغل
بصتلها نغم و قالتلها
نغم...اتفضلي
دخلت داليدا المكتب و قالتلها
داليدا...حضرتك اللي هتعمليلي الانترفيو
اومأت نغم و قالتلها
نغم...ايوا اتفضلي
و بدأ الانترفيو و كانت داليدا ف الاول متوترة شوية بس بعدين اتكلمت بكل ثقة و شجاعة و فضلت تفكر نفسها بتعبها ف مذاكرتها و دراستها عشان تشتغل فشركة كويسة و الفرصة قدامها دلوقتي
انتهى الانترفيو و اتكلمت نغم و هي بتقولها
نغم... تمام هبلغ مستر أمير و هيتبعتلك ايميل انهاردة بالتأكيد و تيجي امتى تشتغلي
اومأت لها داليدا بابتسامة و قالت
داليدا...ميرسي
مردتش نغم عليها و داليدا قالت
داليدا..عن اذنك
و خرجت من المكتب و اول حد كلمها كان عمر اللي قالها
عمر...عملتي اي
داليدا...قالتلي هتقول لمستر أمير و هيتبعتلي ايميل من الشركة خلال اليوم
صمت عمر و بعدين قالها
عمر...بنسبة ٩٠% اقتنعوا بيكي
اتكلمت داليدا بفرحة و هي بتقوله
داليدا...بجد يا عمر عرفت منين؟
عمر...مش عارف بس حاسس انك هيبقى ليكي مكان هنا يا داليدا
صمت قليلا ثم قال
عمر...و مكان كبير كمان...
يتبع
سبحانك اللهم وبحمدك أشهد ألا إله إلا أنت أستغفرك و اتوب اليك 💗.