رواية ما بين الصباح والمساء الفصل الواحد والعشرون 21 بقلم مشاعر مبعثره
ﺷﻠﺖ ﻋﺼﺎﻳﺔ ﺍﻟﻘﻮﻟﻒ ﺑﺘﺎﻋﺘﻮ ﻭﺿﺮﺑﺘﻮ ﻣﺮﺗﻴﻦ ﻓﻲ ﺭﺍﺳﻮ ﻟﻤﻦ ﺟﺎﺏ ﺍﻟﺪﻡ ﻭﻫﻮ
ﺗﺎﻧﻲ ﻣﺎ ﺍﺗﺤﺮﻙ ﻛﻨﺖ ﺑﻘﻮﻝ ﻟﻪ ﺍﻭﻋﻚ ﺍﻭﻋﻚ ﺗﻘﻮﻝ ﺍﻟﻜﻠﻤﻪ ﺩﻱ ﻳﺎ ﺣﻴﻮﺍﻥ ﻛﻨﺖ
ﺳﺎﻣﻌﻪ ﺻﻮﺕ ﺑﺮﺍ ﻭﺍﻟﺒﺎﺏ ﺑﺪﻕ ﻭﺍﻧﺎ ﺷﻐﺎﻟﻪ ﻟﻪ ﺑﻘﺘﻠﻚ ﻳﺎﻓﺮﺡ ﻭﻣﺎ ﺑﺨﻠﻴﻚ ﻗﺎﻡ
ﻭﺭﺍﺳﻮ ﺑﻨﺰﻑ ﻭﺩﻣﻮﻋﻮ ﺟﺎﺭﻳﻪ ﻓﺘﺢ ﺍﻟﺒﺎﺏ ﻛﺎﻧﺖ ﺍﻣﻮ ﻭﻣﻨﻬﺎﺭﻩ ﺷﺪﻳﺪ ﺍﺩﺗﻮ ﻛﻒ
ﻭﻗﻌﺪﺕ ﺗﺒﻜﻲ ﻗﺎﻟﺖ ﻟﻲ ﺯﻱ ﻣﺎ ﺍﺗﻮﻗﻌﺖ ﻣﻦ ﺍﻟﻬﺎﺩﻱ ﻗﺎﻝ ﻟﻲ ﺳﻤﺮ ﺟﺎﻳﻪ ﻣﻊ
ﻓﺮﺡ ﻭﻣﺎﺑﺮﺩ ﻋﻠﻰ ﺗﻠﻔﻮﻧﻮ ﻭﺍﻧﺘﻲ ﻣﺎ ﺑﺘﺮﺩﻱ ﺍﺗﻮﻗﻌﺖ ﺍﺟﻲ ﺍﻟﻘﺎﻛﻢ ﻛﺪﺍ : ﺍﻱ
ﺍﺗﻮﻗﻌﻲ ﺍﻱ ﺣﺎﺟﻪ ﻛﻤﺎﻥ ﺍﻟﺸﺎﻳﻔﺎﻩ ﻗﺪﺍﻣﻚ ﺩﺍ ﺻﺢ ﻭﺣﺎﺍﻗﺘﻠﻮ ﻟﻚ ﺷﺎﻟﺖ ﻣﻨﻲ
ﺍﻟﻌﺼﺎﻳﻪ ﻭﻗﺎﻟﺖ ﻟﻲ ﺍﻫﺪﻱ ﻳﺎ ﺳﻤﺮ ﻋﻠﻴﻚ ﺍﻟﻠﻪ : ﻣﺎ ﺑﻬﺪﺍﺀ ﺍﻧﺘﻲ ﺷﺎﻳﻔﻪ ﺍﻧﻲ
ﺑﺨﻮﻥ ﺍﺧﻮﻙ ﻣﻊ ﻭﻟﺪﻙ ﺻﺎﺡ ؟؟ ﺷﻮﻓﻲ ﻛﻮﻳﺲ ﻣﺸﺖ ﺍﺩﺗﻮ ﺗﺎﻧﻲ ﻛﻒ ﺗﻒ
ﻋﻠﻴﻚ ﻳﺎ ﻭﺩ ﺑﻄﻨﻲ ﻏﻀﺎﺑﻨﻪ ﻋﻠﻴﻚ ﻟﻴﻮﻡ ﺍﻟﺪﻳﻦ ﺩﺍ ﻛﻠﻮ ﻭﻫﻲ ﺑﺘﻤﺴﺢ ﻓﻲ ﺍﻟﺪﻡ
ﻣﻦ ﻭﺷﻮ ﻭﺑﺘﻨﻀﻒ ﻟﻪ ﻓﻲ ﺍﻟﺠﺮﺡ
ﻋﺎﺭﻓﻪ ﻭﻟﺪﻱ ﻳﺎ ﺳﻤﺮ ﻋﻠﻴﻚ ﺍﻟﻠﻪ ﻣﺎ ﺗﻜﻠﻤﻲ ﺍﻟﻬﺎﺩﻱ : ﺍﻧﺎ ﻟﻮ ﺳﻜﺘﺖ ﺍﺑﻘﻰ ﺗﺎﻓﻬﻪ
ﺯﻳﻮ ﻛﺪﺍ ﻋﺪﻳﻢ ﺍﻟﺸﺮﻑ ﻭﺍﻷﺧﻼﻕ ﺗﻒ ﻋﻠﻴﻚ : ﺍﻟﺤﺎﺳﺎﻩ ﺍﻧﺘﻲ ﻳﺎ ﺳﻤﺮ ﺍﻧﺎ ﺣﺎﺳﻪ
ﺑﺎﺍﻛﺘﺮ ﻣﻨﻮ ﺩﺍ ﻭﻟﺪﻱ ﻭﺩﺍﻙ ﺍﺧﻮﻱ ﺍﻧﺎ ﻭﺍﻧﺘﻲ ﻓﻲ ﺍﻟﻨﺺ ﻭﺍﻟﻠﻪ ﻟﺴﺎﻧﻲ ﻗﺎﻡ ﺷﻌﺮ
ﻣﻦ ﻛﺘﺮ ﻣﺎ ﺣﺰﺭﺗﻮ ﻣﻦ ﺍﻻﻭﻝ ﻗﻠﺖ ﻟﻜﻢ ﺍﻋﻤﻠﻮ ﺣﺪﻭﺩ : ﻣﺎﺣﺎﺗﺠﻲ ﺗﻠﻮﻣﻴﻨﻲ ﻓﻲ
ﺍﻟﻨﻬﺎﻳﻪ ﻋﻠﻰ ﻏﻠﻂ ﻭﻟﺪﻙ ﺍﻧﺎ ﺭﺍﺳﻤﻪ ﺧﻂ ﺳﻴﺮﻱ ﻭﻋﺎﺭﻓﻪ ﺣﺪﻭﺩﻱ ﻛﻮﻳﺲ ﺟﺎﺕ
ﻗﻌﺪﺕ ﻓﻲ ﺍﻻﺭﺽ ﻭﻋﺎﻭﺯﻩ ﺗﺒﻮﺱ ﺭﺟﻮﻟﻲ
ﺍﺑﻮﻩ ﺑﻘﺘﻠﻮ ﻭﺍﻟﻠﻪ ﻫﻮ ﻣﺎ ﻭﺍﻋﻲ ﺩﻱ ﺍﻟﻤﺨﺪﺭﺍﺕ ﻣﻦ ﻣﺸﻰ ﻓﺮﻧﺴﺎ ﺗﺎﺑﻊ ﺷﻠﻪ
ﺑﺎﻳﻈﻪ ﻭﺟﺎﻧﻴﻜﺪﺍ ﺑﺨﻠﻘﺘﻮ ﺩﻱ ﻭﻗﻌﺪﺕ ﺗﻀﺮﺏ ﻓﻴﻪ ﺍﻣﺎ ﻫﻮ ﺑﺲ ﻗﺎﻋﺪ ﺳﺎﻛﺖ
ﻭﺩﻣﻮﻋﻮ ﺟﺎﺭﻳﻪ ﺳﻤﺮ ﻋﻠﻴﻚ ﺍﻟﻠﻪ ﻣﺎ ﺗﺨﺮﺑﻲ ﺑﻴﺘﻨﺎ ﻭﺑﻴﺘﻚ ﻧﺤﻦ ﻋﺸﻨﺎ ﻋﻤﺮﻧﺎ ﺩﺍ
ﻛﻠﻮ ﻣﺎ ﺣﺼﻞ ﻟﻴﻨﺎ ﻣﺸﺎﻛﻞ ﻗﺪﺭ ﻛﺪﺍ ﺣﺎﺟﻪ ﺯﻱ ﺩﻱ ﺍﻟﻬﺎﺩﻱ ﻣﺎ ﺑﻘﺪﺭ ﻳﺘﺤﻤﻼ
ﻭﺍﻟﻠﻪ ﺍﻟﻌﻈﻴﻢ ﻭﻻ ﻛﻮﺛﺮ ﻭﻫﻮ ﻫﻮ ﺍﺑﻮﻩ ﺑﻀﺒﺤﻮ ﻭﺍﻟﻠﻪ ﺍﻟﻌﻈﻴﻢ ﻳﺎ ﺳﻤﺮ ﺑﻀﺒﺤﺒﻮ
ﺍﻧﺘﻲ ﻣﺎ ﺑﺘﻌﺮﻓﻴﻪ ﺍﻧﺎ ﺩﻱ ﺑﺪﻳﻚ ﻛﻠﻤﻪ ﻛﻼﻡ ﺯﻱ ﺩﺍ ﺗﺎﻧﻲ ﻣﺎ ﺑﺤﺼﻞ ﻭﻭﻟﺪﻱ ﺗﺎﻧﻲ
ﻣﺎ ﺣﺎﻳﺘﻌﺮﺽ ﻟﻚ ﻭﻻ ﺑﻨﻈﺮﻩ ﻫﻮ ﻣﺎ ﻭﺍﻋﻲ ﻣﺪﻣﻦ ﻣﺪﻣﻦ ﻣﺎﻋﺎﺭﻑ ﻧﻔﺴﻮ ﺑﻐﻠﻂ
ﻭﻟﺴﻪ ﻭﺍﻗﻌﻪ ﻟﻲ ﻓﻲ ﺍﻻﺭﺽ ﺷﻠﺖ ﺗﻮﺑﻲ ﻭﻃﻠﻌﺖ ﺍﺻﻠﻲ ﻣﺎ ﺭﺩﻳﺖ ﻟﻬﺎ ﺩﺧﻠﺖ
ﻏﺮﻓﺘﻲ ﻭﻗﻌﺪﺕ ﻓﻴﻬﺎ ﺑﺲ ﻣﻘﺒﻠﻪ ﻋﻠﻰ ﺍﻟﺤﻴﻄﻪ ﻭﺍﺑﻜﻲ ﺍﻣﻲ ﺟﺎﺗﻨﻲ ﺍﺑﻴﺖ ﺍﺗﻜﻠﻢ
ﻣﻌﺎﻫﺎ ﻣﺜﺎﻧﻲ ﻭﻧﺒﺮﺍﺱ ﻗﺎﻋﺪﺍﺕ ﺍﻻﺗﻨﻴﻦ ﻣﺜﺎﻧﻲ ﺟﺎﺕ ﻟﻠﻮﻻﺩﻩ ﻭﻫﻲ ﻳﺪﺍﺏ ﻓﻲ
ﺍﻟﺴﺎﺩﺱ ﺍﻣﺎ ﻧﺒﺮﺍﺱ ﻣﺘﺸﺎﻛﻠﻪ ﻣﻊ ﺭﺍﺟﻼ ﻃﺒﻌﺎ ﻫﻮ ﺻﻌﺐ ﺷﺪﻳﺪ ﻭﻫﻲ ﻟﺴﺎﻧﺎ
ﻃﻮﻳﻞ ﻭﺟﻨﻬﺎ ﺣﻮﺍﻣﻪ ﻭﺻﻞ ﻣﻌﺎﻫﺎ ﻟﻤﺮﺣﻠﺔ ﺍﻟﻀﺮﺏ ﻃﻮﺍﻟﻲ ﺟﺎﺕ ﺧﻠﺖ ﻟﻪ
ﺍﻟﺒﻴﺖ ﻭﻫﻮ ﻭﻣﺎ ﺑﺮﺳﻞ ﻟﻬﺎ ﻭﻻ ﻗﺮﺵ ﻣﺜﺎﻧﻲ ﺭﺍﺟﻼ ﺑﺮﺳﻞ ﻟﻬﺎ ﺑﺲ ﺑﺘﺪﺳﻬﻢ
ﻭﺗﺸﺘﺮﻱ ﺣﺎﺟﺎﺕ ﻟﺒﻴﺘﺎ ﺍﺑﻮﻱ ﺷﺎﻣﻲ ﺍﻟﻮﺿﻊ ﻟﻤﻦ ﺟﻴﺖ ﻗﺎﻳﻠﻨﻲ ﺍﺗﻄﻠﻘﺖ
ﻭﻳﺸﺎﻛﻞ ﺳﺎﻱ ﻛﺮﻫﺘﻮﻧﻲ ﻫﻮ ﺷﻨﻮ ﻫﻮ ﺑﻌﺪ ﻋﺮﺳﺖ ﻟﻜﻢ ﺍﻟﺜﻼﺛﻪ ﺗﺠﻮ ﺗﻘﻌﺪﻭ ﻟﻲ
ﺍﺍﻛﻞ ﻭﺍﺷﺮﺏ ﻓﻴﻜﻢ ﻭﺍﻣﻲ ﻣﺎ ﺑﺘﻄﻤﻨﻮ ﺍﺻﻠﻬﺎ ﻗﺎﻟﺖ ﻟﻪ ﺍﺻﻼ ﺳﻤﺮ ﺩﻱ ﺑﺘﻜﻮﻥ
ﺍﺗﻄﻠﻘﺖ ﺟﻴﺘﺎ ﻭﺑﻜﺎﻫﺎ ﺩﺍ ﻣﺎ ﺳﺎﻱ ﻋﺎﺭﻓﺎﻫﺎ ﺑﺘﻜﻮﻥ ﻗﻠﺖ ﺍﺩﺑﺎ ﻣﻌﺎﻩ : ﻣﺎ ﻗﻠﻴﻠﺔ
ﺍﺩﺏ ﻭﻋﻮﺍﻟﻴﻖ ﺩﺍ ﻋﺸﺎﻥ ﺍﻟﻮﻟﺪ ﺍﻟﺘﺎﻓﻪ ﺍﻻﺳﻤﻮ ﻋﺎﻣﺮ ﺩﺍ ﻣﺶ ﺍﺻﻼ ﻗﺎﺑﻀﻚ
ﻣﻌﺎﻩ ﻗﺒﻞ ﻛﺪﺍ ﺍﻧﺎ ﻧﺪﻣﺖ ﻋﻠﻰ ﺍﻟﻴﻮﻡ ﺍﻟﺨﻼﻧﻲ ﺍﺟﻴﻬﻢ ﻗﺎﻝ ﺟﺎﻳﻪ ﺍﺭﺗﺎﺡ ﺍﻧﺎ
ﻛﻨﺖ ﻣﺮﻫﻘﻪ ﺣﺮﻓﻴﺎ ﻛﺪﺍ ﻣﻦ ﻛﻞ ﺍﻟﺠﻮﺍﻧﺐ ﻧﻔﺴﻴﺎ ﻭﺟﺴﺪﻳﺎ ﻭﺍﻧﻔﻌﺎﻟﻴﺎ ﻣﺎ ﻗﺪﺭﺕ
ﻏﻴﺮ ﺍﺳﻜﺖ ﻟﺤﺪﻱ ﻣﺎ ﺟﺎﺀ ﺩﻛﺘﻮﺭ ﺍﻟﻬﺎﺩﻱ ﻻﺣﻘﻨﻲ ﻣﺎ ﻋﺎﺭﻑ ﺷﻲ ﻭﻗﻠﻘﺎﻥ ﻋﻠﻲ
ﺷﺪﻳﺪ ﻫﻢ ﻟﻤﻦ ﺷﺎﻓﻮﻩ ﺍﺗﻄﻤﻨﻮ ﻭﻃﻠﻌﻮ ﺍﻟﺸﻜﻮﻙ ﺍﻟﻔﻲ ﺭﺍﺳﻬﻢ ﻗﺎﻝ ﻟﻲ ﻟﻴﻪ ﻣﺎ
ﻭﺭﻳﺘﻴﻨﻲ ﺍﻧﻚ ﺟﺎﻳﻪ ﻫﻨﺎ : ﻋﺎﻭﺯﻩ ﺍﻗﻌﺪ ﻛﻢ ﻳﻮﻡ ﺗﻌﺒﺎﻧﻪ : ﺗﻌﺒﺘﻲ ﻣﻦ ﺷﻐﻞ
ﺍﻟﺒﻴﺖ : ﻻ ﻭﻣﺎﺗﺴﺄﻟﻨﻲ ﺗﻌﺒﺎﻧﻪ ﺑﺲ ﻣﺎ ﺍﻛﺘﺮ ﻭﻣﺤﺘﺎﺟﻪ ﺍﻗﻌﺪ ﻫﻨﺎ ﺷﻮﻳﻪ ﻫﻮ ﻓﻬﻢ
ﺍﻧﻬﺎ ﻧﻔﺴﻨﻪ ﺑﺴﺒﺐ ﺍﻟﺤﻤﻞ ﻭﺍﻟﻮﺿﻊ ﺍﻟﻤﺮﻳﺖ ﺑﻪ ﺍﻟﻔﺘﺮﻩ ﺍﻟﻔﺎﺗﺖ ﻣﺎ ﺿﻐﻂ ﻋﻠﻲ
ﺍﺩﺍﻧﻲ ﻣﺼﺎﺭﻳﻒ ﻭﻗﺎﻝ ﻟﻲ ﺍﺟﻴﺐ ﻟﻚ ﻭﻟﺪﻙ ؟ : ﻻ ﺧﻠﻴﻪ ﻣﻊ ﻣﺎﻣﺎ ﺗﻐﺮﻳﺪ
ﻳﻮﻧﺴﺎ : ﻗﺎﻟﺖ ﺟﺎﻳﺎﻙ : ﻳﺎﺥ ﻣﺎﺗﺠﻴﻨﻲ ﻣﺎﻓﻲ ﺯﻭﻝ ﻳﺠﻴﻨﻲ ﺧﺎﻟﺺ ﻭﻻ ﺯﻭﻝ ﺍﻧﺎ
ﻣﺸﻴﺖ ﻣﻨﻜﻢ ﺗﻠﺤﻘﻮﻧﻲ ﻭﻏﻄﻴﺖ ﺭﺍﺳﻲ ﺑﺎﻟﻤﺨﺪﻩ ﻫﻮ ﺍﺻﻠﻮ ﻣﺎﺍﻧﻔﻌﻞ ﻭﻻ
ﺷﺎﻛﻠﻨﻲ ﻗﺎﻝ ﻟﻲ ﺧﻼﺹ ﻋﻠﻰ ﺭﺍﺣﺘﻚ ﺑﺲ ﺧﻠﻲ ﺑﺎﻟﻚ ﻣﻦ ﻧﻔﺴﻚ ﻭﻣﻦ ﺍﻟﻔﻲ
ﺑﻄﻨﻚ ﻟﻮ ﺍﺣﺘﺠﺘﻲ ﺍﻱ ﺣﺎﺟﻪ ﻳﺎ ﺳﻤﺮ ﺑﺲ ﺍﺗﺼﻠﻲ ﺑﻲ ﻣﺎ ﺿﺮﻭﺭﻱ ﻗﺮﻭﺵ ﻟﻮ
ﻋﺎﻭﺯﻩ ﺗﺘﻜﻠﻤﻲ ﻋﺎﻭﺯﻩ ﺗﺒﻜﻲ ﺍﻱ ﺣﺎﺟﻪ ﺑﺎﺑﺎ ﻗﺎﻋﺪ ﻣﺎ ﺭﺩﻳﺖ ﻟﻪ ﺟﺎﺀ ﺑﺎﺱ
ﺭﺍﺳﻲ ﻭﻣﺸﻰ ﺧﺎﻟﺘﻮ ﺻﺪﻳﻘﻪ ﻛﻞ ﻳﻮﻡ ﺑﺘﺠﻴﻨﻲ ﺧﺎﻳﻔﺎﻧﻲ ﺍﻛﻠﻢ ﺩﻛﺘﻮﺭ ﺍﻟﻬﺎﺩﻱ
ﺑﺲ ﻣﺎ ﺑﻘﺎﺑﻼ ﺧﺎﻟﺺ ﻣﺎ ﻣﺘﺤﻤﻠﻪ ﻓﻜﺮﺓ ﺍﻧﻲ ﺍﺗﻌﺮﺿﺖ ﻟﻠﺸﻲ ﺩﺍ ﻣﻦ ﻓﺮﺡ ﻭﺍﻧﻲ
ﻣﺠﺒﻮﺭﻩ ﺍﺳﻜﺖ ﻛﻤﺎﻥ ﻭﺍﺿﺎﺭﻱ ﻟﻪ ﺍﻫﻠﻲ ﺯﺍﺗﻬﻢ ﺿﻴﻔﻮﻧﻲ ﺗﻼﺗﻪ ﺍﻳﺎﻡ ﺑﻌﺪﺍﻙ
ﺯﻫﺠﻮ ﻣﻨﻲ ﻭﺧﺎﺻﺔ ﺍﺑﻮﻱ ﻻﻧﻮ ﺯﻫﺠﺎﻥ ﻣﻦ ﻗﻌﺪﺗﻨﺎ ﺍﻟﺘﻼﺗﻪ ﻭﻣﺼﺎﺭﻳﻔﻨﺎ ﺑﻘﻰ
ﻳﺠﻮﻁ ﻭﻛﻞ ﻳﻮﻡ ﻳﺴﺄﻟﻨﻲ ﺭﺍﺟﻠﻚ ﺟﺎﻱ ﻳﺴﻮﻗﻚ ﻣﺘﻴﻦ؟ ﻃﻮﺍﻟﻲ ﺍﺗﺼﻠﺖ
ﺑﺪﻛﺘﻮﺭ ﺍﻟﻬﺎﺩﻱ ﺍﺑﻜﻲ ﺳﺎﺍﺍﺍﻱ ﻭﻫﻮ ﺧﺎﻳﻒ ﻭﻣﻠﻬﻮﻑ ﻋﻠﻲ ﻗﻠﺖ ﻟﻪ ﺭﺳﻞ ﻟﻲ
ﻗﺮﻭﺵ : ﺑﺲ ﻛﺪﺍ ؟ ﺣﺎﺿﺮ ﻳﺎ ﺑﺎﺑﺎ ﺑﺮﺳﻞ ﻟﻚ ﻣﻊ ﺍﻟﺴﻮﺍﻕ ﺍﻧﺘﻲ ﺑﺲ ﻣﺎ ﺗﺒﻜﻲ
ﻭﺧﻠﻲ ﺑﺎﻟﻚ ﻣﻦ ﺻﺤﺘﻚ ﺍﻱ ﺣﺎﺟﻪ ﺗﺸﺘﻬﻴﻬﺎ ﺍﺷﺘﺮﻳﻬﺎ ﻣﻬﻤﺎ ﻛﺎﻧﺖ ﻏﺎﻟﻴﻪ
ﺍﻟﺴﻮﺍﻕ ﻟﻤﻦ ﺟﺎﺀ ﻣﺸﻴﺖ ﺷﻠﺘﻬﻢ ﻣﻨﻮ ﻗﺎﻝ ﻟﻲ ﺍﻟﻠﻴﻠﻪ ﻧﺒﺮﺍﺱ ﻭﻳﻦ ؟؟ : ﻗﺎﻋﺪﻩ
ﻋﺎﻭﺯ ﻣﻨﻬﺎ ﺣﺎﺟﻪ ؟؟ : ﻻﻻ ﺑﺲ ﻋﺸﺎﻥ ﻛﺎﻧﺖ ﻫﻲ ﺍﻟﺒﺘﺴﺘﻠﻢ ﻣﻨﻲ : ﺗﺴﺘﻠﻢ ﺷﻨﻮ :
ﻣﺼﺎﺭﻳﻔﻚ ﻭﺍﻟﺤﺎﺟﺎﺕ ﺍﻟﺒﺮﺳﻼ ﺯﻭﺟﻚ ﻣﻌﺎﻱ ﺍﻧﺎ ﺣﺮﺍﺭﺗﻲ ﻭﺻﻠﺖ ١٠٠٠٠٠٠٠٠٠
ﺩﺭﺟﻪ ﻗﻠﺖ ﻟﻪ ﺍﻧﺖ ﺟﺒﺖ ﻟﻲ ﻣﺼﺎﺭﻳﻒ ﻗﺒﻞ ﻛﺪﺍ ؟؟ : ﺍﻳﻮﺍ ﺛﻼﺛﻪ ﻣﺮﺍﺕ ﺍﻟﻤﺮﻩ
ﺍﻷﻭﻟﻰ ﻟﻘﻴﺖ ﺍﺧﺘﻚ ﻧﺒﺮﺍﺱ ﻣﺼﺎﺭﻳﻒ ﻭﻓﻮﺍﻛﻪ ﻭﺷﻜﻮﻻﺗﺎﺕ ﻗﻠﺖ ﻟﻬﺎ ﺗﺴﻠﻤﻚ
ﻟﻴﻬﻢ ﻭﻭﻭﻭﻭﻭﻭ ﻭﺍﻟﻤﺮﻩ ﺍﻟﺘﺎﻧﻴﻪ ﺑﺮﺿﻮ ﻫﻲ ﻭﺍﻟﺘﺎﻟﺘﻪ : ﺧﻼﺹ ﺗﻤﺎﻡ ﺍﻣﺸﻲ ﺍﻧﺎ
ﻣﺸﻴﺖ ﻟﻬﺎ ﺷﺎﻛﻠﺘﺎ ﻗﻠﺖ ﻟﻬﺎ ﻟﻮ ﻋﺎﻭﺯﻩ ﻗﺮﻭﺵ ﻭﺭﻳﻨﻲ ﻋﺪﻳﻞ ﻟﻜﻦ ﺗﻜﺬﺑﻲ
ﻭﺗﺴﺮﻗﻲ ﻭﺗﺨﺠﻠﻴﻨﻲ ﻗﺪﺍﻡ ﺭﺍﺟﻠﻲ ﻣﺎ ﺑﺴﻤﺢ ﻟﻚ : ﺳﺒﺤﺎﻥ ﺍﻟﻠﻪ ﺟﺎﻳﻪ
ﺗﺤﺎﺳﺒﻴﻨﻲ ﻋﻠﻰ ﺷﻮﻳﺔ ﺍﻟﻘﺮﻳﺸﺎﺕ ﺩﻳﻞ ﺯﻱ ﺍﻟﺘﻘﻮﻝ ﻋﺪﻣﺎﻧﻪ ﻣﺎ ﻫﺪﺍ ﺭﺍﺟﻠﻚ
ﻣﻼﻥ ﻗﺮﻭﺵ ﻭﺑﺪﻭﻥ ﻣﺎ ﻧﻄﻠﺐ ﺍﻟﻤﻔﺮﻭﺽ ﺗﺴﺎﻋﺪﻳﻨﺎ : ﻣﺎ ﻋﻨﺪﻱ ﻣﺸﻜﻠﻪ ﻭﻫﺪﻱ
ﺍﺳﻲ ﺑﺪﻳﻜﻢ ﻟﻬﺎ ﺑﺲ ﻣﺎ ﺗﺨﻠﻮﻧﻲ ﺍﻃﻠﺐ ﻗﺮﻭﺵ ﻣﻦ ﺍﻟﺮﺍﺟﻞ ﺑﻌﺪ ﻳﺮﺳﻞ ﻟﻲ ﻳﺎﺥ
ﻋﻴﺐ ﺯﺍﺗﻮ ﻣﺎ ﺗﻜﺮﻫﻮﻧﺎ ﻣﺸﻴﺖ ﺍﺩﻳﺖ ﺍﻟﻘﺮﻭﺵ ﻻﺑﻮﻱ ﻋﺸﺎﻥ ﻳﻄﻠﻌﻨﻲ ﻣﻦ ﺭﺍﺳﻮ
ﻭﻛﻞ ﻣﺎ ﻳﺮﺳﻠﻮ ﻟﻲ ﻗﺮﻭﺵ ﺑﺪﻳﻬﻢ ﻟﻬﺎ ﺑﻈﺮﻓﺎ ﺍﻧﺎ ﺑﺲ ﺑﺎﻛﻞ ﻭﺑﻨﻮﻡ ﻻﺑﺸﺮﺏ
ﻋﺼﺎﻳﺮ ﻭﻻ ﻣﺪﻳﺪﻩ ﻭﻻ ﺍﻱ ﺣﺎﺟﻪ ﺧﺎﺻﻪ ﻳﻮﻡ ﻛﻨﺖ ﻣﺎﺷﻪ ﺍﻟﺤﻤﺎﻡ ﺑﻠﻴﻞ ﻛﺪﺍ
ﺳﻤﻌﺖ ﺻﻮﺕ ﻛﻼﺏ ﻣﺰﻋﺞ ﺟﻨﺐ ﺑﺎﺏ ﺍﻟﺒﻴﺖ ﻋﺎﻳﻨﺖ ﺑﺎﻟﺤﻴﻄﻪ ﻟﻘﻴﺖ ﻋﺮﺑﻴﺘﻲ
ﻭﺍﻗﻔﻪ ﺑﺮﺍ ﺍﺳﺘﻐﺮﺑﺖ ﺍﻟﺠﺎﺑﺎ ﺷﻨﻮ ﻭﺍﻧﺎ ﻣﺨﻠﻴﺎﻫﺎ ﻓﻲ ﺍﻟﺒﻴﺖ ﻃﻠﻌﺖ ﻭﻣﺎﺷﻪ ﻋﻠﻰ
ﺍﻟﺒﺎﺏ ﺑﺲ ﺍﺳﻤﻊ ﻟﻚ ﺍﺻﻮﺍﺕ ﻣﺎ ﻣﻄﻤﻨﻪ ﻧﻬﺎﺋﻲ ﻭﺍﻟﺒﺎﺏ ﻓﺎﺗﺢ ﻃﻠﻌﺖ ﺑﺮﺍﺣﻪ
ﻣﺸﻴﺖ ﻋﻠﻰ ﺍﻟﻌﺮﺑﻴﻪ ﻭﺿﻮﻳﺖ ﺍﻟﻔﻼﺵ ﺑﺲ ﺷﻔﺖ ﻣﻨﻈﺮ ﺍﻗﺒﺢ ﻣﻨﻈﺮ ﺍﺷﻮﻓﻮ
ﻓﻲ ﺣﻴﺎﺗﻲ ﻟﻤﻦ ﺟﺴﻤﻲ ﻫﺒﻂ ﺍﺗﺨﻴﻠﻮ ﺑﺲ ﺷﻔﺖ ﻧﺒﺮﺍﺱ ﺍﺧﺘﻲ ﻣﻊ ﺍﻟﺴﻮﺍﻕ
ﻓﻲ ﻋﺮﺑﻴﺘﻲ ﺯﻱ ﻣﺎ ﺍﻟﻠﻪ ﺧﻠﻘﻬﻢ ﻭﻓﻲ ﺣﺎﻟﻪ ﻣﺎ ﻳﻌﻠﻢ ﺑﻬﺎ ﺍﻻ ﺭﺑﻨﺎ ﻭﻫﻢ ﺍﻧﺨﻠﻌﻮ
ﻟﻤﻦ ﺷﺎﻓﻮﻧﻲ ﻫﻲ ﺟﺎﺕ ﻧﺎﺯﻟﻪ ﻋﺸﺎﻥ ﺗﺴﻜﺘﻨﻲ ﻭﻣﺎ ﺍﺻﺮﺥ ﻫﻮ ﻟﺒﺲ ﻭﻋﺎﻭﺯ
ﻳﻄﻠﻊ ﺍﺩﻳﺘﺎ ﻛﻒ ﻗﺎﻟﺖ ﻟﻲ ﻋﻠﻴﻚ ﺍﻟﻠﻪ ﻋﻠﻴﻚ ﺍﻟﻠﻪ ﻳﺎ ﺳﻤﺮ ﺍﺳﻜﺘﻲ ﻭﺍﺳﺘﺮﻳﻨﻲ
ﺍﺩﻳﺘﺎ ﺗﺎﻧﻲ ﻛﻒ
ﺍﻧﺘﻲ ﺷﺒﻪ ﺳﺘﺮﻩ ﻳﺎ ﺣﻴﻮﺍﻧﻪ ﻳﺎ ﻗﻠﻴﻠﺔ ﺍﺩﺏ ﺩﺍ ﺷﻨﻮ ﺍﻟﺒﺘﺴﻮﻱ ﻓﻴﻪ ﺩﺍ؟؟ ﻋﺸﺎﻥ
ﻛﺪﺍ ﺧﻠﻴﺘﻲ ﺭﺍﺟﻠﻚ ﻭﺟﻴﺘﻲ ﻋﺸﺎﻥ ﺗﻌﻤﻠﻲ ﻟﻴﻨﺎ ﻓﻀﺎﺋﺢ ﻭﺍﻧﺖ ﺍﺻﺒﺮ ﻟﻲ ﺑﺲ
ﻭﻟﻠﻪ ﺍﻟﻌﻈﻴﻢ ﻣﺎ ﺍﺭﺣﻤﻜﻢ ﻗﺎﻝ ﻟﻲ ﻭﺍﻟﻠﻪ ﻣﺎ ﺫﻧﺒﻲ ﺩﻱ ﺍﺧﺘﻚ ﺩﻱ ﻣﻦ ﺷﺎﻟﺖ
ﻣﻨﻲ ﺍﻟﻘﺮﻭﺵ ﺍﺩﺗﻨﻲ ﺭﻗﻤﺎ ﻭﻗﺎﻟﺖ ﻟﻲ ﻟﻤﻦ ﺗﻜﻮﻥ ﺟﺎﻱ ﺗﺎﻧﻲ ﺍﺗﺼﻞ ﺑﻲ ﻭﺩﺍ
ﺍﻟﺤﺼﻞ ﺟﺎﺕ ﺷﺎﻟﺖ ﺍﻟﻘﺮﻭﺵ ﻟﻠﻤﺮﻩ ﺍﻟﺘﺎﻧﻴﻪ ﻭﻟﺤﻘﺘﻨﻲ ﻟﻠﻌﺮﺑﻴﻪ ﻛﺎﻧﺖ ﺑﺘﺘﻌﻤﺪ
ﺗﺘﻠﺼﻖ ﻓﻴﻨﻲ ﻭﻗﺼﺪﺍ ﻛﺎﻥ ﻭﺍﺿﺢ ﻭﺍﻧﺎ ﻋﻤﻠﺘﺎ ﻟﻬﺎ ﺍﻟﻬﻲ ﻋﺎﻭﺯﺍﻩ ﻭﺍﻟﻤﻮﺿﻮﻉ ﺑﻘﻰ
ﻋﺎﺩﻱ ﺑﻴﻨﺎﺗﻨﺎ : ﺍﺩﻳﻨﻲ ﺍﻟﻤﻔﺎﺗﻴﺢ ﺩﻱ ﻭﻣﺎ ﺍﺷﻮﻑ ﻭﺷﻚ ﺩﺍ ﺗﺎﻧﻲ ﻳﺎ ﺣﻴﻮﺍﻥ ﻳﺎ
ﻛﻠﺐ ﻭﺩﺧﻠﺖ ﺧﻠﻴﺖ ﻧﺒﺮﺍﺱ ﺧﺎﻳﻔﻪ ﻳﻮﻣﻲ ﺑﺘﺠﻲ ﺗﺒﻜﻲ ﻟﻲ ﻭﺗﺘﺮﺟﺎﻧﻲ ﻣﺎﺍﻛﻠﻢ
ﺯﻭﻝ ﻭﻭﻋﺪﺗﻨﻲ ﻣﺎ ﺗﻌﻤﻞ ﻛﺪﺍ ﺗﺎﻧﻲ ﺍﻟﻤﺸﻜﻠﻪ ﺍﻧﻮ ﺍﻟﺰﻭﻝ ﻟﻤﻦ ﻳﺘﻌﻮﺩ ﻋﻠﻰ ﺣﺎﺟﻪ
ﺑﺘﺒﻘﻰ ﻟﻪ ﻣﺮﺿﻰ ﻭﻧﺒﺮﺍﺱ ﻣﺎ ﺑﻄﻠﺖ ﻛﻞ ﻣﺮﻩ ﻗﺎﺑﻀﺎﻫﺎ ﻣﺮﻩ ﺑﺘﺎﻉ ﺍﻟﺨﻀﺎﺭ ﻭﻣﺮﻩ
ﻣﻊ ﻭﺩ ﺍﻟﺠﻴﺮﺍﻥ ﻭﻛﻞ ﻣﺮﻩ ﺗﻘﻮﻝ ﺑﺘﺘﻮﺏ ﻭﻣﺎ ﺑﺘﺘﻮﺏ ﺍﺿﻄﺮﻳﺖ ﺍﻛﻠﻢ ﻟﻬﺎ ﺍﺑﻮﻱ
ﻋﺸﺎﻥ ﻣﺎ ﺗﺠﻴﺐ ﻟﻴﻨﺎ ﻣﺼﻴﺒﻪ ﻭﻫﻮ ﺿﺮﺑﺎ ﺷﺪﻳﺪ ﺣﺘﻰ ﺍﻣﻲ ﺍﻟﻜﺎﻧﺖ ﻣﻔﻀﻼﻫﺎ
ﻋﻠﻲ ﺧﺎﺻﻤﺘﺎ ﺍﺑﺖ ﺗﺮﺟﻊ ﻟﺮﺍﺟﻼ ﺍﺿﻄﺮ ﻃﻠﻘﺎ ﺍﻣﺎ ﺍﻧﺎ ﻛﺮﻫﺖ ﺣﻴﺎﺗﻲ ﻭﻛﺮﻫﺖ
ﺍﻟﻨﺎﺱ ﻛﻠﻬﺎ ﻛﻠﻬﻢ ﻃﻠﻌﻮ ﻗﺰﺭﻳﻦ ﺍﻟﻌﻤﻠﺘﻮ ﻧﺒﺮﺍﺱ ﺧﻼﻧﻲ ﻓﻘﺪﺕ ﺍﻟﺜﻘﻪ ﻓﻲ ﺍﻟﻨﺎﺱ
ﻛﻠﻬﺎ ﻭﺍﺳﺘﺼﻐﺮﺕ ﺍﻟﻌﻤﻠﻮ ﺑﺎﻟﻤﻘﺎﺭﻧﺔ ﺑﻬﺎ ﻫﻲ ﺭﺟﻌﺖ ﺍﻟﺒﻴﺖ ﻣﺠﺒﻮﺭﻩ ﻭﻣﺎ ﻟﻘﻴﺖ
ﻣﻨﻬﻢ ﻏﻴﺮ ﺍﻟﻤﻌﺎﻣﻠﻪ ﺍﻟﻄﻴﺒﻪ ﺩﻛﺘﻮﺭ ﺍﻟﻬﺎﺩﻱ ﻭﻣﺎﻣﺎ ﺗﻐﺮﻳﺪ ﻛﺎﻧﻮ ﻣﺸﺘﺎﻗﻴﻦ ﻟﻲ
ﺷﺪﻳﺪ ﻭﻓﺮﺣﻮ ﺑﺠﻴﺘﻲ ﺍﻣﺎ ﻓﺮﺡ ﺍﻣﻮ ﻭﺩﺗﻮ ﻣﺼﺤﻪ ﻳﺘﻌﺎﻟﺞ ﻣﻦ ﺍﻻﺩﻣﺎﻥ ﺟﻴﺖ
ﻟﻘﻴﺘﻮ ﻣﺎﻓﻲ ﺑﻌﺪﺍﻙ ﺍﻧﺎ ﻭﻟﺪﺕ ﺟﺒﺖ ﺗﻮﺃﻡ ﻭﻟﺪ ﻭﺑﻨﺖ ﺳﻤﻴﻨﺎﻫﻢ ﺍﺑﻮﺑﻜﺮ ﻭﻏﺰﻝ
ﻏﻠﺒﻮﻧﻲ ﺷﺪﻳﺪ ﻭﻭﻟﺪﺗﻬﻢ ﺑﻌﻤﻠﻴﻪ ﺑﺲ ﻣﺎﻣﺎ ﺗﻐﺮﻳﺪ ﻣﺎ ﻗﺼﺮﺕ ﻣﻌﺎﻱ ﺑﺘﻌﺒﺎ ﺩﺍ
ﺑﺘﺨﺪﻣﻨﻲ ﻭﺍﻣﻲ ﻟﻤﻦ ﺟﺎﺕ ﻗﻠﺖ ﻟﻬﺎ ﺍﻟﻤﺮﺍ ﺩﻱ ﻋﻠﻴﻚ ﺍﻟﻠﻪ ﻋﺸﺎﻧﻲ ﻣﺎ ﺗﺴﺄﻟﻴﻬﺎ :
ﺷﺎﻳﻔﺎﻧﻲ ﺟﻴﺖ ﺟﻨﺒﻬﺎ ﻭﻻ ﻭﺣﺶ ﺍﻧﺎ : ﺑﺲ ﺍﻭﻋﺪﻳﻨﻲ ﺍﻟﻤﺸﻜﻠﻪ ﺍﻧﻮ ﺍﻣﻲ
ﻣﻀﻴﻘﺎﻫﺎ ﻋﻠﻴﻬﺎ ﺷﺪﻳﺪ ﻭﻣﺨﻠﻴﻪ ﻟﻬﺎ ﺍﻟﻄﺒﻴﺦ ﺍﻟﻨﻀﺎﻓﻪ ﺩﻱ ﻋﻠﻰ ﺍﻟﺤﺒﺸﻴﻪ ﻃﺒﻌﺎ
ﺑﺲ ﺑﺮﺿﻮ ﻓﻲ ﺣﺎﺟﺎﺕ ﺍﻟﻮﺍﺣﺪ ﺍﻻ ﻳﻘﻮﻡ ﺑﻬﺎ
ﺍﻟﺒﻨﺖ ﺩﻱ ﺟﻌﺎﻧﻪ ﻣﻦ ﺍﻟﺼﺒﺎﺡ ﺑﺘﻌﻤﻠﻲ ﻓﻲ ﺷﻨﻮ ﺍﻧﺘﻲ ﻭﻟﻮ ﻣﺎ ﻣﺪﻳﺪﺓ ﺣﻠﺒﻪ :
ﻓﻲ ﺍﻟﻨﺎﺭ ﻳﺎ ﻛﻮﺛﺮ : ﻭﺩﻱ ﺭﻳﺤﺔ ﺷﻨﻮ ﻣﺸﻮ ﺍﻟﻤﻄﺒﺦ ﻛﺎﻧﺖ ﺍﻟﺤﻠﻪ ﺣﺮﻗﺎﻧﻪ ﻭﺍﻣﻲ
ﻟﻤﺖ ﻓﻲ ﻣﺎﻣﺎ ﺗﻐﺮﻳﺪ ﺷﻜﻞ ﻭﺍﻟﻠﻪ ﺍﻟﻌﻈﻴﻢ ﺍﺧﺪﺕ ﻏﻔﻮﻩ ﺑﺲ ﻣﺎ ﻗﺎﻳﻼ ﻧﻔﺴﻲ
ﺑﻨﻮﻡ ﻗﺪﺭ ﻛﺪﺍ ﻟﻤﻦ ﻗﺮﺑﺖ ﺗﺒﻜﻲ ﺍﻧﺎ ﺟﻴﺖ ﺍﺗﺪﺧﻠﺖ ﺳﻘﺖ ﺍﻣﻲ ﺩﻱ ﻣﻦ ﻳﺪﻫﺎ
ﻭﺩﺧﻠﺘﺎ ﺍﻟﻐﺮﻓﻪ ﻳﺎﺍﻣﻲ ﺍﻟﻤﺮﻩ ﺩﻱ ﻣﺎ ﺑﺘﻘﺪﺭ ﺍﻓﻬﻤﻲ ﺍﻧﺘﻲ ﺍﻟﻤﻔﺮﻭﺽ ﻣﺎ ﺗﺨﻠﻴﻬﺎ
ﺗﻌﻤﻞ ﺣﺎﺟﻪ ﺍﺻﻼ ﻣﺎ ﺷﺎﻳﻔﺎﻫﺎ ﺗﻌﺒﺎﻧﻪ ﻛﻴﻒ : ﺗﻌﺒﺎﻧﻪ؟؟ ﻳﺎ ﺍﺧﺘﻲ ﺩﺍ ﻣﺎ ﺍﻟﻨﻮﻡ
ﺍﻟﻜﺘﻴﺮ ﻫﻲ ﻭﺭﺍﺟﻠﻚ ٢٤ ﺳﺎﻋﻪ ﺟﻮﺍ ﺍﻟﻐﺮﻓﻪ ﺑﺲ ﺍﻭﻋﺎ ﺗﻜﻮﻥ ﺣﺎﻣﻞ ﻛﺮ ﻋﻠﻴﻚ
ﻳﺎ ﺑﻨﺘﻲ : ﻛﻔﺎﻳﻪ ﻳﺎ ﺍﻣﻲ ﻛﻔﺎﻳﻪ ﻣﺎ ﺗﻔﻜﺮﻱ ﺑﻌﻴﺪ ﻣﺎ ﺗﺤﻠﻠﻲ ﻣﺎﻣﺎ ﺗﻐﺮﻳﺪ ﻋﻨﺪﻫﺎ
ﻗﻠﺐ ﻭﺗﺎﻋﺒﺎ ﺷﺪﻳﺪ ﺍﻟﺸﺮﺍﻳﻴﻦ ﻣﻘﻔﻠﻪ ﺍﻟﻨﻮﻡ ﻣﺎ ﺑﺘﻘﺪﺭ ﺗﻨﻮﻡ ﺍﻧﺘﻲ ﻟﻮ ﻣﺎﺣﺎﺳﻪ ﺑﻬﺎ
ﻣﺎﺷﺎﻳﻔﺎﻫﺎ : ﺷﻨﻮ : ﺍﻳﻮﺍ ﻳﺎ ﺍﻣﻲ ﺩﺍ ﺍﻟﺤﺎﺻﻞ ﻗﺒﻞ ﺷﻬﺮﻳﻦ ﺭﻗﺪﻧﺎ ﻣﻌﺎﻫﺎ ﻓﻲ
ﺍﻟﻤﺴﺘﺴﻔﻰ ﻭﻣﻘﺮﺭﻳﻦ ﻟﻬﺎ ﻋﻤﻠﻴﻪ ﺍﻣﻲ ﺩﻱ ﻗﻌﺪﺕ ﺗﺒﻜﻲ ﺑﻜﺎﺀ ﻟﻤﻦ ﺧﻠﻌﺘﻨﻲ ﻭﻣﻦ
ﺍﻟﻴﻮﻡ ﺩﺍﻙ ﻏﻴﺮﺕ ﻣﻌﺎﻣﻠﺘﺎ ﻣﻌﺎﻫﺎ ﺑﻘﺖ ﻣﺎ ﺑﺘﺨﻠﻴﻬﺎ ﺗﻌﻤﻞ ﺷﻲ ﻭﺑﺘﺠﻴﺐ ﻟﻬﺎ
ﺍﻻﻛﻞ ﻟﺤﺪﻱ ﻋﻨﺪﻫﺎ ﻭﻛﻞ ﻣﺎ ﺗﺸﻮﻓﺎ ﺗﺒﻜﻲ ﻟﻤﻦ ﺍﻧﺎ ﺍﺗﻜﻠﻤﺖ ﻣﻌﺎﻫﺎ ﻗﻠﺖ ﻟﻬﺎ ﻣﺎ
ﺗﺨﻠﻴﻨﻲ ﺍﻧﺪﻡ ﺍﻧﻲ ﻭﺭﻳﺘﻚ ﻛﺪﺍ ﺍﻟﻤﺮﺍ ﺑﺘﺘﺤﺴﺲ ﻣﻨﻨﺎ ﺷﻌﻮﺭ ﺍﻟﺸﻔﻘﻪ ﺩﺍ ﻣﺎﻓﻲ
ﺯﻭﻝ ﺑﺘﻘﺒﻠﻮ : ﻣﺎ ﺷﻔﻘﻪ ﻭﺍﻟﻠﻪ ﺣﻨﻨﺘﻨﻲ ﻣﺴﻜﻴﻨﻪ ﺍﻟﻠﻪ ﻳﺪﻳﻬﺎ ﺍﻟﻌﺎﻓﻴﻪ ﻣﺎ ﻗﺼﺮﺕ
ﻣﻌﺎﻙ ﺑﻌﺪ ﺗﻤﻴﺖ ﺍﻻﺭﺑﻌﻴﻦ ﺍﻣﻲ ﻣﺸﺖ ﻋﺸﺎﻥ ﻣﺎ ﺗﺨﻠﻲ ﻧﺒﺮﺍﺱ ﺑﺮﺍﻫﺎ ﻭﻣﺜﺎﻧﻲ
ﺑﺮﺿﻮ ﺑﻌﺪ ﻭﻟﺪﺕ ﺑﻠﻌﺖ ﻟﻬﺎ ﺣﺒﻮﺏ ﻣﺎﻧﻊ ﺗﻌﺒﺘﺎ ﺷﺪﻳﺪ ﻭﺑﻘﺖ ﻳﻮﻣﻲ ﺟﺎﺭﻳﻪ
ﺍﻟﺪﻛﺘﻮﺭ ﻣﻊ ﺍﻣﻲ
ﻳﻮﻡ ﻻﻗﻴﺖ ﻓﺮﺡ ﺑﺎﻟﺼﺪﻓﻪ ﻓﻲ ﺍﻟﺤﺪﻳﻘﻪ ﺷﺎﻳﻞ ﺑﻨﺘﻲ ﻣﺎ ﻛﻨﺖ ﻗﺎﻳﻼﻩ ﻗﺎﻋﺪ
ﺍﺻﻼ ﺟﻴﺖ ﻗﻠﻌﺘﻬﺎ ﻣﻨﻮ ﺑﻐﻀﺐ ﺩﻣﻮﻋﻮ ﺟﺮﺕ ﻗﺎﻝ ﻟﻲ ﻓﻌﻼ ﺍﻧﺎ ﻣﺎ ﻋﻨﺪﻱ
ﺍﻟﺤﻖ ﺍﻛﻮﻥ ﻭﺩ ﻋﻤﺔ ﺍﻭﻻﺩﻙ : ﻣﺎ ﺑﺘﺴﺘﺤﻖ ﺗﻜﻮﻥ ﺑﻨﻲ ﺍﺩﻡ ﺍﺻﻼ : ﻭﺍﻟﻠﻪ
ﺍﻟﻌﻈﻴﻢ ﻳﺎ ﺳﻤﺮ ﻏﺼﺒﺎ ﻋﻨﻲ ﻭﻛﻼﻣﻚ ﺍﻟﻘﻠﺘﻴﻪ ﺣﺼﻞ ﻧﺪﻣﺖ ﻭﺳﻔﻴﺖ ﺍﻟﺘﺮﺍﺏ
ﻭﻣﺎ ﻗﺎﺩﺭ ﺍﺗﻮﺏ ﺧﺎﻳﻒ ﻣﻦ ﺭﺑﻨﺎ ﻭﺧﺠﻼﻥ ﻣﻦ ﺍﻟﻌﻤﻠﺘﻮ ﺑﺲ ﻣﺎ ﻛﻨﺖ ﻭﺍﻋﻲ ﻟﻪ
ﺻﺪﻗﻴﻨﻲ ﻛﺎﻥ ﻓﻲ ﻏﺸﺎﺀ ﻣﻐﻄﻲ ﻋﻴﻮﻧﻲ ﻣﻦ ﺍﻟﻮﺍﻗﻊ ﻣﺴﺢ ﺩﻣﻮﻋﻮ ﻭﻗﺎﻝ ﻟﻲ
ﻣﺎ ﺑﻨﻜﺮ ﺍﻧﻲ ﻣﻦ ﺯﻣﺎﻥ ﻛﻨﺖ ﻣﻨﺠﺬﺏ ﻟﻚ ﺷﺪﻳﺪ ﻭﺍﻣﻜﻦ ﺣﺒﻴﺘﻚ ﺑﺲ ﻟﻤﺎ ﺩﻛﺘﻮﺭ
ﺍﻟﻬﺎﺩﻱ ﻗﺮﺭ ﻳﺘﺰﻭﺟﻚ ﺑﺮﻏﺒﻪ ﻣﻦ ﺧﺎﻟﺘﻮ ﺗﻐﺮﻳﺪ ﺍﻟﻤﺸﺎﻋﺮ ﺩﻱ ﻛﻠﻬﺎ ﺍﺗﺤﻮﻟﺖ
ﻟﺼﺪﺍﻗﻪ ﻭﺍﺧﻮﻩ ﻳﺸﻬﺪ ﺍﻟﻠﻪ ﻣﺎ ﺣﺎﺻﻞ ﻋﺎﻳﻨﺖ ﻟﻚ ﺑﻄﺮﻳﻘﻪ ﻏﻠﻂ ﻧﻬﺎﺋﻲ ﺑﺲ ﻟﻤﺎ
ﺳﺎﻓﺮﺕ ﻓﺮﻧﺴﺎ ﺍﺗﻌﺮﻓﺖ ﻋﻠﻰ ﺍﺻﺤﺎﺏ ﻛﻨﺖ ﻓﺎﻛﺮ ﺍﻧﻲ ﺑﻘﻴﺖ ﺍﻧﺴﺎﻥ ﻣﻨﻔﺘﺢ
ﺑﻘﻴﺖ ﺍﺗﻌﺎﻃﻰ ﻣﺨﺪﺭﺍﺕ ﻭﺍﺗﺪﻣﺮﺕ ﺑﻌﺪ ﺭﺟﻌﺖ ﻫﻨﺎ ﺍﺻﺤﺎﺑﻲ ﺑﻘﻮ ﻳﻘﻮﻟﻮ ﻟﻲ
ﻣﺮﺕ ﺧﺎﻟﻚ ﺳﻤﺤﻪ ﻭﺻﻐﻴﺮﻩ ﻭﻗﺎﻋﺪﻩ ﻗﺪﺍﻣﻚ ﻛﻞ ﻳﻮﻡ ﺗﺤﺮﻡ ﻧﻔﺴﻚ ﻣﻨﻬﺎ ؟
ﻭﻭﻭ .... ﺍﻟﻤﻬﻢ ﻳﺎ ﺳﻤﺮ ﺧﻠﻮﻧﻲ ﺑﻘﻴﺖ ﺍﻓﻜﺮ ﻓﻴﻚ ﻛﻤﺮﺍﺀﺓ ﻭﻛﻞ ﻣﺎ ﺍﺷﻮﻓﻚ
ﻏﺮﺍﻳﺰﻱ ﺍﻟﺤﻴﻮﺍﻧﻴﻪ ﺑﺘﺘﺤﺮﻙ ﺍﺷﺘﻬﻴﺘﻚ ﺑﺎﻟﺠﺪ ﺍﺳﻒ ﻋﻠﻰ ﺍﻟﻜﻠﻤﻪ ﻭﺍﻧﺎ ﺍﺻﻼ
ﺭﺍﺳﻲ ﺟﺎﻳﻂ ﻭﻣﺎﻓﺎﻫﻢ ﺷﻲ ﺑﺲ ﺍﻟﺸﻲ ﺩﺍ ﻣﺎ ﺑﺘﻌﺪﻯ ﺣﺪﻭﺩ ﺍﻟﻜﻠﻤﻪ ﺍﻟﻘﻠﺘﻬﺎ ﻟﻚ
ﺩﻱ ﻭﺩﻱ ﺣﺎﺟﻪ ﻗﺼﻴﺮﺓ ﺍﻟﻤﺪﻯ ﺍﻧﺘﻬﺖ ﺻﺪﻗﻴﻨﻲ ﺍﻧﺎ ﻋﺎﺭﻑ ﺍﻧﻮ ﻣﺎﻓﻲ ﻣﺒﺮﺭ
ﻟﻠﻌﻤﻠﺘﻮ ﻟﻜﻦ ﻧﺪﻣﺎﻥ ﻭﺍﻟﻠﻪ ﺍﻟﻌﻈﻴﻢ ﻭﻣﺎﻋﻨﺪﻱ ﻋﻴﻦ ﺍﻋﺘﺰﺭ ﺍﻧﺘﻲ ﺍﺧﺘﻲ ﻗﺒﻞ ﻣﺎ
ﺗﻜﻮﻧﻲ ﻣﺮﺕ ﺧﺎﻟﻲ ﻭﻋﻨﺪﻙ ﺍﻟﺤﻖ ﺗﻌﺎﻗﺒﻴﻨﻲ ﻛﻠﻤﻲ ﺧﺎﻟﻮ ﺍﻟﻬﺎﺩﻱ ﺑﺮﺿﻮ ﻳﻀﺮﺑﻨﻲ
ﻋﺎﻗﺒﻮﻧﻲ ﻋﺎﻗﺒﻮﻧﻲ : ﺍﻧﺎ ﻣﺎ ﺣﺎﺍﻟﻮﺙ ﺗﻔﻜﻴﺮ ﺩﻛﺘﻮﺭ ﺍﻟﻬﺎﺩﻱ ﺑﺘﻔﺎﻫﺘﻚ ﺩﻱ ﻭﻣﺎ
ﺣﺎﺍﺍﺿﺮﺑﻚ ﺧﻠﻲ ﺿﻤﻴﺮﻙ ﻫﻮ ﺍﻹﻋﺎﻗﺒﻚ ﻭﻣﺸﻴﺖ ﺧﻠﻴﺘﻮ ﻗﺎﻋﺪ ﻓﻲ ﺍﻻﺭﺽ
ﺩﻣﻮﻋﻮ ﺟﺎﺭﻳﻪ ﻫﻮ ﺧﻼﺹ ﻧﺰﻝ ﻣﻦ ﻋﻴﻨﻲ ﻭﻣﺎ ﻣﺴﺘﻌﺪﻩ ﺍﻗﻴﻒ ﻋﻨﺪﻭ ﺗﺎﻧﻲ
ﻣﺎﻣﺎ ﺗﻐﺮﻳﺪ ﺗﻌﺒﺖ ﺷﺪﻳﺪ ﻭﺣﺪﺩﻭ ﻟﻬﺎ ﺍﻟﻌﻤﻠﻴﻪ ﻭﺑﻘﺖ ﻣﻦ ﺍﻭﻟﻮﻳﺎﺗﻲ ﻧﺴﻴﺖ ﺍﻱ
ﺣﺎﺟﻪ ﻭﺭﺍﻗﺪﻩ ﻣﻌﺎﻫﺎ ﻓﻲ ﺍﻟﻤﺴﺘﺴﻔﻰ ﺍﻭﻻﺩﻱ ﺍﻻ ﺑﺠﻴﺒﻮﻫﻢ ﻟﻲ
يتبــــــــــــــــــــــــــــــــــــــــــــع..