رواية ما بين الصباح والمساء الفصل الخامس عشر 15 بقلم مشاعر مبعثره
ﺻﺮﻳﺖ ﻭﺷﻲ ﻭﻗﻠﺖ ﻟﻪ ﺑﻐﻀﺐ ﺍﻧﺖ ﻓﺎﻫﻤﻨﻲ ﻏﻠﻂ ﻋﻠﻰ ﻓﻜﺮﻩ ﺍﻧﺎ ﻣﺎ ﻗﺼﺪﻱ
ﺍﻧﻮ ............... : ﺣﺘﻰ ﻟﻮ ﺣﺎﺍﻧﻮﻡ ﻋﻠﻰ ﻋﺘﺒﺔ ﺑﺎﺑﻚ ﺑﺲ ﻳﺎ ﺳﻤﺮ ﻣﺎ ﻋﺪﻝ
ﻭﺣﺮﺍﻡ ﻟﻤﻦ ﺷﻔﺘﻮ ﺟﺎﺩﻱ ﻗﻠﺖ ﺍﺩﻟﻊ ﻋﻠﻴﻪ
ﺑﺲ ﺍﻧﺎ ﺑﺨﺎﻑ ﺍﻧﻮﻡ ﺑﺮﺍﻱ : ﻣﺎ ﺗﺨﺎﻓﻲ ﻣﺎﻓﻲ ﺣﺎﺟﻪ ﻭﻟﻮ ﻣﺎ ﻗﺪﺭﺗﻲ ﻭﻟﻌﻲ
ﺍﻟﻨﻮﺭ ﻣﺎﺷﻲ ﻳﺎ ﺑﺎﺑﺎ ؟؟ ﻫﺰﻳﺖ ﺭﺍﺳﻲ ﺑﺎﺱ ﺭﺍﺳﻲ ﻭﻗﺎﻝ ﻟﻲ ﺍﻟﻠﻪ ﻳﺮﺿﻰ ﻋﻠﻴﻚ
ﻋﺪﻳﻨﺎ ﻓﺘﺮﻩ ﻃﻮﻳﻠﻪ ﻛﺪﺍ ﻭﻫﻮ ﻳﻮﻣﻴﻦ ﻫﻨﺎ ﻭﻳﻮﻣﻴﻦ ﻫﻨﺎ ﺍﻧﺎ ﻭﻣﺎﻣﺎ ﺗﻐﺮﻳﺪ ﺟﻔﺖ
ﺷﻮﻳﻪ ﻭﺑﻘﻴﻨﺎ ﻣﺎ ﺯﻱ ﺍﻻﻭﻝ ﻟﻤﻦ ﻳﻜﻮﻥ ﻣﻌﺎﻫﺎ ﺑﻐﻴﺮ ﺷﺪﻳﺪ ﻭﺑﺒﻜﻲ ﻋﺪﻳﻞ ﻭﻫﻲ
ﺑﺮﺿﻮ ﺑﻜﻮﻥ ﺑﺎﻳﻦ ﻋﻠﻴﻬﺎ ﺍﻟﺰﻋﻞ ﻟﻤﻦ ﻳﻜﻮﻥ ﻣﻌﺎﻱ ﺑﺲ ﺑﺘﺤﺎﻭﻝ ﺗﺨﻔﻲ ﺍﻟﺸﻲ ﺩﺍ
ﻋﺎﻳﺸﻪ ﻏﻴﺮﺗﺎ ﺑﺮﺍﻫﺎ ﺍﻣﺎ ﺍﻧﺎ ﻋﻠﻨﻲ ﻻﻧﻲ ﺑﺘﻮﺟﻊ ﻭﻣﺎ ﺑﺘﺤﻜﻢ ﻓﻲ ﻧﻔﺴﻲ ﺯﻳﻬﺎ
ﺩﺍﻳﻤﺎ ﺍﻟﺒﺪﺍﻳﺎﺕ ﺑﺘﻜﻮﻥ ﺻﻌﺒﻪ ﻭﻫﻲ ﺍﻻﺳﺎﺱ ﻟﻠﻌﻼﻗﺎﺕ ﻣﻦ ﺍﻻﻭﻝ ﻟﻮ ﺍﻟﺰﻭﻝ
ﺻﺒﺮ ﻭﻋﺪﺍ ﺍﻟﻤﻮﺿﻮﻉ ﺑﺒﻘﻰ ﻟﻪ ﺳﺎﻫﻞ ﺑﻌﺪﻳﻦ ﻭﺑﺘﻌﻮﺩ ﻟﻜﻦ ﻟﻮ ﻓﻘﺪﺕ ﺳﻴﻄﺮﺗﻮ
ﻭﻭﻗﻒ ﻋﻨﺪ ﺍﻱ ﺷﻲ ﻏﻴﺮ ﺍﻟﻤﺸﺎﻛﻞ ﻣﺎ ﺑﺤﺼﺪ ﺷﻲ ﻭﺑﻨﺪﻡ ﺑﻌﺪﻳﻦ ﻏﻴﺮ ﻛﺪﺍ
ﺩﻛﺘﻮﺭ ﺍﻟﻬﺎﺩﻱ ﻣﺎ ﻗﺎﻋﺪ ﻳﺪﻳﻨﺎ ﻓﺮﺻﻪ ﻧﺘﻨﺎﻓﺮ ﻋﺎﺭﻑ ﺍﻱ ﻭﺍﺣﺪﻩ ﺍﻟﺒﺮﺿﻴﻬﺎ ﺷﻨﻮ
ﺣﺘﻰ ﻟﻤﻦ ﻧﻜﻮﻥ ﻣﻊ ﺑﻌﺾ ﻧﻔﺲ ﺍﻟﻤﻌﺎﻣﻠﻪ ﺍﻟﺰﻣﺎﻥ ﻣﺎ ﺑﻤﻴﻴﺰ ﻭﺍﺣﺪﻩ ﻋﻠﻰ
ﺍﻟﺘﺎﻧﻴﻪ ﻏﻴﺮ ﺍﻧﻮ ﻣﻜﺎﻧﺔ ﻣﺎﻣﺎ ﺗﻐﺮﻳﺪ ﻋﻨﺪﻭ ﺛﺎﺑﺘﻪ ﻭﺍﻧﺎ ﺍﻟﺒﻨﺖ ﻓﻲ ﺍﻟﺤﺎﻟﻪ ﺩﻱ
ﺩﻛﺘﻮﺭ ﺍﻟﻬﺎﺩﻱ ﺑﻮﻋﻴﻮ ﻭﻓﻬﻤﻮ ﺍﺧﺘﺼﺮ ﻋﻠﻴﻨﺎ ﺣﺎﺟﺎﺕ ﻛﺘﻴﺮﻩ ﻟﺤﺪﻱ ﻣﺎ ﺭﺟﻊ ﻟﻴﻨﺎ
ﺍﻟﺸﻐﻒ ﺍﻟﻘﺪﻳﻢ ﺣﺘﻰ ﻫﻲ ﻓﻲ ﺍﻟﻔﺘﺮﻩ ﺩﻳﻚ ﻋﻤﺮﺍ ﻣﺎ ﺣﺴﺴﺘﻨﻲ ﺍﻧﻬﺎ ﻣﺘﻀﺎﻳﻘﻪ
ﺑﺘﻌﺎﻣﻠﻨﻲ ﺯﻱ ﺑﻨﺘﻬﺎ ﻭﺍﻛﺘﺮ ﻭﺗﻬﺘﻢ ﺑﻲ ﻭﺗﻮﺻﻴﻨﻲ ﻛﻤﺎﻥ ﻭﺍﻟﻔﻲ ﻗﻠﺒﺎ ﺣﺪﻭﺩ ﺍﻟﻘﻠﺐ
ﻣﺎ ﺑﺘﻄﻠﻌﻮ
ﺍﻟﻠﻪ ﻳﺮﺿﻰ ﻋﻠﻴﻚ ﻳﺎ ﺑﻨﺖ ﺑﻄﻠﻲ ﺧﻼﺹ ﺍﻛﻠﺘﻲ ﺍﻟﺒﻄﺎﻃﺲ ﺩﻱ ﻛﻠﻪ ﺑﻌﺪ ﺷﻮﻳﻪ
ﺗﻘﻮﻟﻲ ﻋﺎﻭﺯﻩ ﺗﺎﻧﻲ : ﺣﻠﻮﻩ ﻳﺎﺥ : ﻋﺸﺎﻥ ﺣﻠﻮﻩ ﺗﺎﻛﻠﻴﻬﺎ ﻛﺪﺍ ﻭﺍﻧﺎ ﺑﻌﻤﻞ ﻓﻴﻬﺎ
ﺧﻠﻴﻨﻲ ﺍﺧﻠﺺ ﺩﻛﺘﻮﺭ ﺍﻟﻬﺎﺩﻱ ﺟﺎﺀ ﺩﺍﺧﻞ ﻗﺎﻝ ﻟﻬﺎ ﺍﻫﺎ ﻳﺎ ﺣﺒﻮﺑﻪ ﺧﻠﻴﺘﻲ ﺍﻟﻔﺮﻙ
ﻭﺑﻘﻴﺘﻲ ﺗﻌﻤﻠﻲ ﺷﻴﺒﺲ ﻭﻣﻘﺮﻣﺸﺎﺕ ﻭﺷﺎﻝ ﻭﺍﺣﺪﻩ ﻣﻦ ﻳﺪﻱ ﺍﻛﻼ ﺯﻋﻠﺖ ﺯﻋﻞ
ﻗﺮﺑﺖ ﺍﻗﻮﻝ ﻟﻪ ﺍﺗﻨﻔﺴﺖ ﻓﻴﻬﺎ ﻣﺎﻣﺎ ﺗﻐﺮﻳﺪ ﻗﺎﻟﺖ ﻟﻪ ﺍﻧﺎ ﺣﺒﻮﺑﻪ ؟؟ ﻭﺍﻟﻠﻪ ﺍﺣﻤﺪ
ﺍﻟﻠﻪ ﻣﺎ ﻋﻨﺪﻱ ﺷﻴﺐ ﻓﻲ ﺭﺍﺳﻲ ﻓﻲ ﻧﺎﺱ ﻛﺪﺍ ﺣﺘﻰ ﺣﻮﺍﺟﺒﻬﻢ ﻭﺍﻟﺸﻨﺐ ﺑﻴﺾ :
ﺩﺍ ﺍﻟﻬﻢ ﺑﺲ ﻳﺎ ﺧﺎﻟﺘﻮ : ﺍﻟﻬﺎﺩﻱ ﺍﺧﺘﺎﻧﻲ ﻻﺣﻆ ﺍﻧﺎ ﺟﻨﺒﻲ ﺯﻳﺖ ﺣﺎﺭ ﻭﻣﻨﻔﻌﻠﻪ
ﺑﻌﺪ ﺍﻛﻞ ﺍﻟﺒﻄﺎﻃﺲ ﻗﻌﺪ ﻳﻜﺢ ﻗﻌﺪﺕ ﺍﺿﺤﻚ ﻭﻗﻠﺖ ﻟﻪ ﻋﺸﺎﻥ ﻧﻔﺴﻲ ﺩﺧﻠﺖ
ﻓﻴﻬﺎ : ﺩﺍ ﺷﻨﻮ ﻳﺎ ﺑﻨﺖ ﺍﻟﺒﺘﺎﻛﻠﻲ ﻓﻴﻪ ﺩﺍ ﻣﺎﻣﺎ ﺗﻐﺮﻳﺪ ﺟﺎﺑﺖ ﻟﻪ ﻣﻮﻳﻪ ﻗﺎﻝ ﻟﻲ
ﺍﻟﺒﻄﺎﻃﺲ ﺩﻱ ﻋﺎﻣﻠﻪ ﻓﻴﻬﺎ ﺷﻄﻪ ؟؟ : ﺍﻳﻮﺍﺍ : ﻻﺣﻮﻝ ﻭﻻﻗﻮﻩ ﺍﻻ ﺑﺎﻟﻠﻪ ﻭﺍﻟﻠﻪ
ﻛﻨﺖ ﻗﺎﻳﻠﻮ ﻛﺎﺗﺸﺐ ﺑﺘﻤﻮﺗﻲ ﺍﻧﺘﻲ ﻣﺠﻨﻮﻧﻪ ﺟﺎﺀ ﻗﻠﻊ ﻣﻨﻲ ﺻﺤﻦ ﺍﻟﺸﻄﻪ ﻗﺮﺑﺖ
ﺍﺑﻜﻲ ﻗﺎﻝ ﻟﺘﻐﺮﻳﺪ ﻣﺎ ﺗﺨﻠﻴﻬﺎ ﺗﺎﻛﻞ ﺍﻟﺸﻄﻪ ﺩﻱ ﺑﻜﻤﻴﺎﺕ ﻛﺒﻴﺮﻩ ﻛﺪﺍ ﺩﺍ ﺍﻧﺘﺤﺎﺭ
ﻋﺪﻳﻞ ﻭﻻ ﺗﺘﺴﺎﻫﻠﻲ ﻣﻌﺎﻫﺎ ﺯﺍﺗﻮ : ﻣﺎﻟﻚ ﻣﺎﺷﺎﻳﻒ ﺻﺤﻨﺎ ﺩﺍ ﻳﻮﻣﻲ ﻓﻲ ﺍﻟﺘﻼﺟﻪ
ﺗﺎﻛﻞ ﻓﻴﻪ ﻋﻤﻠﺖ ﻟﻬﺎ ﻓﻴﻬﺎ ﺩﻛﻮﻩ ﻋﺸﺎﻥ ﺗﺒﺮﺩﺍ ﻗﺎﻟﺖ ﻃﻤﻤﺖ ﺑﻄﻨﺎ ﻛﺸﺤﺘﺎ : ﺍﻧﺎ
ﻭﺍﻟﻠﻪ ﻛﻨﺖ ﻗﺎﻳﻠﻮ ﻛﺎﺗﺸﺐ ﺍﻭﻋﺎ ﺗﺎﻧﻲ ﺍﻛﻠﻲ ﺍﻟﺒﻄﺎﻃﺲ ﺑﺮﺍﻫﺎ : ﻣﺎ ﻓﻴﻬﺎ ﺍﻱ ﻃﻌﻢ
ﻛﺪﺍ ﻣﺸﻴﺖ ﺍﺷﻴﻠﻮ ﻣﻨﻮ ﻗﺎﻡ ﻛﺸﺤﻮ ﻓﻲ ﺣﻮﺽ ﺍﻟﻐﺴﻴﻞ ﻭﺍﻧﺎ ﺯﻋﻠﺖ ﻋﺪﻳﻞ ﻛﺪﺍ
ﻛﺄﻧﻮ ﺍﻟﺼﺤﻦ ﺩﺍ ﺟﺰﺀ ﻣﻨﻲ ﻫﻮ ﺷﺎﻟﻮ ﺩﻣﻮﻋﻲ ﻟﻤﻦ ﺟﺮﺕ ﻭﻃﻠﻌﺖ ﻣﻦ ﺍﻟﻤﻄﺒﺦ
ﺟﺎﻧﻲ ﻗﺎﻝ ﻟﻲ ﻳﻌﻨﻲ ﺍﻟﺰﻭﻝ ﻳﺨﻠﻴﻚ ﺗﻀﺮﻱ ﻧﻔﺴﻚ ؟؟ ﻣﺎ ﺣﻤﻴﻨﺎﻙ ﻣﻨﻬﺎ ﺍﻛﻠﻲ
ﻟﻜﻦ ﺷﻮﻳﻪ ﺷﻮﻳﻪ ﻣﺎ ﻛﺪﺍ ﺍﻧﺘﻲ ﺑﺘﻐﺮﻗﻲ ﻗﻄﻌﺔ ﺍﻟﺸﻴﺒﺲ ﻓﻴﻬﺎ ﻟﻤﻦ ﺗﺒﻘﻰ ﺣﻤﺮﺍﺀ
ﻭﺗﻨﻘﻂ : ﻟﻮ ﻣﺎ ﺍﻛﻠﺘﺎ ﻛﺪﺍ ﺑﻤﻮﺕ : ﻭﺍﻟﻠﻪ ﻫﻲ ﺍﻟﺒﺘﻤﻮﺗﻚ ﺑﺎﻟﺒﻄﻴﺊ ﻣﺸﻰ ﺟﺎﺏ
ﻟﻲ ﺷﻜﻮﻻﺗﻪ ﺟﺪﻋﺘﺎ ﻟﻪ ﺑﻜﻞ ﺟﺮﺍﺀﺓ ﻟﻤﻦ ﺍﻧﺨﻠﻊ ﺑﺲ ﻣﺎ ﻗﺎﻝ ﺷﻲ ﻣﺸﻴﺖ
ﺧﻠﻴﺘﻮ ﻭﻣﺎﻣﺎ ﺗﻐﺮﻳﺪ ﺧﺎﻓﺖ ﻋﺪﻳﻞ ﺍﻧﻮ ﻳﺸﺎﻛﻠﻨﻲ ﺑﻘﺖ ﺗﺤﺎﻭﻝ ﺗﺒﺮﺭ ﻭﺍﻧﺎ ﻭﻻ
ﻏﺮﺿﻲ ﻣﺸﻴﺖ ﺍﻟﻐﺮﻓﻪ ﺟﺎﺀ ﺯﻣﻦ ﺍﻟﻐﺪﺍﺀ ﺍﺑﻴﺖ ﺍﻃﻠﻊ ﻭﻫﻮ ﻳﺤﻨﺲ ﻓﻴﻨﻲ ﺳﺎﺍﻱ
ﻣﻊ ﺍﻧﻮ ﻣﺎﺷﻲ ﺍﻟﺠﺎﻣﻌﻪ ﻭﻣﺘﺄﺧﺮ ﻣﺎﻣﺎ ﺗﻐﺮﻳﺪ ﺟﺎﺑﺖ ﻟﻲ ﺍﻻﻛﻞ ﻭﻗﺎﻟﺖ ﻟﻲ ﺍﻛﻠﻲ
ﻋﺸﺎﻥ ﻣﺎ ﺗﺄﺧﺮﻳﻪ ﺍﻧﺘﻲ ﻋﺎﺭﻓﺎﻩ ﻟﻮ ﻣﺎ ﺍﻛﻠﺘﻲ ﻣﺎ ﺑﻤﺸﻲ ﻭﻫﻢ ﺭﺍﻓﻊ ﻟﻲ ﺍﻻﻛﻞ
ﺑﻴﺪﻭ ﺍﻛﻠﺖ ﺷﻮﻳﻪ ﻭﺑﻌﺪ ﻓﺎﺕ ﺷﺘﺖ ﺍﻟﺼﺤﻦ ﺑﺮﺟﻠﻲ ﻟﻤﻦ ﺍﺗﻜﺴﺮ ﺟﺎﺕ ﻣﺎﻣﺎ
ﺗﻐﺮﻳﺪ ﻟﻤﺘﻮ ﻭﻣﺴﺤﺖ ﺍﻻﺭﺽ ﺑﻘﻴﺘﻲ ﻋﻨﻴﺪﻩ ﺷﺪﻳﺪ ﻭﺍﻟﻠﻪ ﻃﺒﻌﺎ ﻻ ﺑﻌﺘﺰﺭ ﻭﻻ
ﺑﺤﻨﺲ ﻭﻻ ﺑﺸﺘﻐﻞ ﺍﻱ ﺣﺎﺟﻪ ﻓﻲ ﺍﻟﺒﻴﺖ ﻭﻣﺮﺍﺕ ﺑﺤﻤﻴﻬﺎ ﺗﺴﺮﺡ ﻟﻲ ﺷﻌﺮﻱ
ﺑﻘﻮﻝ ﻟﻬﺎ ﺧﻠﻴﻪ ﻭﺍﻗﻒ ﻓﻲ ﻣﺤﻠﻮ ﻳﻌﻨﻲ ﺗﺼﺮﻓﺎﺕ ﻣﺴﺘﻔﺬﻩ ﻭﻏﻴﺎﻇﻪ ﺷﺪﻳﺪ ﻟﻮ
ﺍﻣﻚ ﻭﺍﺑﻮﻙ ﻳﺰﻫﺠﻮ ﻣﻨﻚ
ﺑﻌﺪﺍﻙ ﺟﻌﺖ ﻗﻠﺖ ﻟﻤﺎﻣﺎ ﺗﻐﺮﻳﺪ ﻋﻠﻴﻚ ﺍﻟﻠﻪ ﺧﻠﻴﻨﻲ ﺍﻋﻤﻞ ﺷﻄﻪ ﺷﻮﻳﻪ ﻋﺸﺎﻥ
ﺍﻗﺪﺭ ﺍﻛﻞ ﻭﺍﻟﻠﻪ ﺍﻟﻌﻈﻴﻢ ﺟﻌﺎﻧﻪ ﺍﺳﻤﻌﻲ ﺻﻮﺕ ﺑﻄﻨﻲ : ﺍﻛﻠﻲ ﻣﻦ ﻏﻴﺮ ﺷﻄﻪ :
ﻻﻻ ﻣﺎ ﺣﺎﺍﻛﻞ ﻭﺣﺎﺍﻗﻌﺪ ﻟﻜﻢ ﺟﻌﺎﻧﻪ ﻛﺪﺍ ﻟﻤﻦ ﺍﻣﻮﺕ ( ﻣﺎﺳﺘﺘﻐﺮﺑﻮ ﻣﻦ ﺍﻟﺠﺮﺍﺀﺓ
ﺩﻱ ﻻﻧﻮ ﻫﻢ ﺍﻻﺩﻭﻧﻲ ﺍﻟﻤﺴﺎﺣﻪ ﺩﻱ ﻭﺍﻛﺒﺮ ﻣﻦ ﻛﺘﺮﺕ ﺍﻟﺪﻟﻊ ) ﻗﺎﻟﺖ ﻟﻲ ﺧﻼﺹ
ﻳﺎ ﺳﻤﺮ ﺣﺎﺍﺧﻠﻴﻚ ﺗﺎﻛﻠﻲ ﺷﻮﻳﻪ ﺑﺲ ﺑﻌﻤﻞ ﻟﻚ ﻓﻴﻬﺎ ﺩﻛﻮﻩ ﺗﺒﺮﺩﺍ ﻏﻴﺮ ﻛﺪﺍ ﻻ :
ﺑﺲ ﺍﻟﺪﻛﻮﻩ ﺑﺘﻄﻤﻢ ﺑﻄﻨﻲ ﺟﺮﺑﻴﻬﺎ : ﺣﺎﺿﺮ ﻭﺟﺎﺑﺖ ﻟﻲ ﺍﻻﻛﻞ ﻭﻋﻤﻠﺘﺎ ﻟﻲ ﺟﺎﺕ
ﺧﺎﻟﺘﻮ ﺟﻮﺍﻫﺮ ﻟﻘﺘﻨﻲ ﺑﺎﻛﻞ ﻓﻲ ﺍﻟﺒﻄﺎﻃﺴﺎﻏﺮﻗﺎ ﻟﻤﻦ ﺗﺒﻘﻰ ﺣﻤﺮﺍ ﻭﺗﻨﻘﻂ ﻣﺮﺍ ﻓﻲ
ﻣﻼﺑﺴﻲ ﻓﻲ ﺍﻟﺘﺮﺑﻴﺰﻩ ﻓﻲ ﺍﻻﺭﺽ ﻓﻲ ﻭﺷﻲ ﺯﺍﺗﻮ ﻣﺎ ﻏﺮﺿﻲ ﻟﻤﻦ ﺷﺎﻓﺘﻨﻲ
ﺍﺷﻤﺄﺯﺕ
ﺩﻱ ﻣﺎﻻ ﺑﺘﺎﻛﻞ ﻛﺪﺍ ﺯﻱ ﺍﻟﻜﺄﻧﻮ ﺍﻻﻛﻞ ﻃﺎﻳﺮ ﻣﻨﻬﺎ ﻭﻣﻮﺳﺨﻪ ﻟﻚ ﺍﻻﺭﺽ ﺯﻱ ﻣﺎ
ﺑﻘﻮﻟﻮ ﺍﻟﻤﺎﻟﻘﻴﺘﻮ ﻓﻲ ﺑﻴﺖ ﺍﻫﻠﻚ ﺑﺨﻠﻌﻚ : ﺍﺷﺸﺸﺸﺶ ﻭﻃﻲ ﺻﻮﺗﻚ ﺣﺮﺍﻡ
ﻋﻠﻴﻚ ﺩﻱ ﻃﻔﻠﻪ ﺯﻱ ﺍﻭﻻﺩﻙ ﺍﺳﻲ ﻣﺮﺍﺕ ﻣﺎ ﺑﻌﻤﻠﻮ ﻓﻮﺿﻰ ﻭﻳﺘﺴﺎﺑﻘﻮ ﻓﻲ
ﺍﻻﻛﻞ ﻛﻤﺎﻥ ؟؟ : ﺩﻱ ﻃﻔﻠﻪ ﺩﻱ؟ ﺩﻱ ﻣﺮﺍ ﻳﺎ ﺍﺧﺘﻲ : ﺟﻮﺍﻫﺮ ﻓﻜﻲ ﺳﻴﺮﺓ
ﺍﻟﺒﻨﺖ ﻋﻠﻴﻚ ﺍﻟﻠﻪ ﻣﺎ ﺗﺴﻤﻌﻚ ﺗﺤﺮﺩ ﺍﻻﻛﻞ ﺩﺍ ﻣﻦ ﻗﺒﻴﻞ ﺟﻌﺎﻧﻪ : ﺑﺘﺎﻛﻞ ﻓﻲ ﺷﻨﻮ
ﻛﺪﺍ ﺍﻟﺴﺎﻳﺒﻪ : ﺑﻄﺎﻃﺲ ﺑﺸﻄﻪ : ﺍﻋﻮﺫ ﺑﺎﻟﻠﻪ ﺩﻱ ﻛﻠﻬﺎ ﺷﻄﻪ ؟ ﺑﺘﻤﻮﺕ : ﺍﻋﻤﻞ ﻟﻬﺎ
ﺷﻨﻮ ﻟﻮ ﻣﻨﻌﺘﺎ ﺑﺘﺒﻜﻲ ﻋﺪﻳﻞ ﻭﺍﻟﻠﻪ ﺍﻟﻌﻈﻴﻢ ﻳﺎ ﺟﻮﺍﻫﺮ ﺣﻴﺮﺗﻨﻲ ﻣﻌﺎﻫﺎ : ﺩﺍ ﺍﻟﺪﻟﻊ
ﺍﻟﻜﺘﻴﺮ ﻟﻮ ﺟﻨﺎﻙ ﻣﺎ ﺗﺪﻟﻌﻴﻪ ﻛﺪﺍ ﻋﺸﺎﻥ ﻣﺎ ﻳﺮﻛﺐ ﻟﻚ ﻓﻲ ﺭﺍﺳﻚ ﻟﻜﻦ ﺍﻧﺘﻲ
ﻭﺍﻟﻬﺎﺩﻱ ﺟﺒﺘﻮﻫﺎ ﺣﻤﺎﻣﻪ ﺑﻘﺖ ﺻﻘﺮ : ﺟﻮﺍﻫﺮ : ﻣﺎ ﻗﻠﺖ ﺣﺎﺟﻪ ﺍﻧﺎ ﻣﺎ ﻟﻤﺼﻠﺤﺘﺎ
ﻋﺎﺩ ﺍﻛﻞ ﺍﻟﺸﻄﻪ ﻛﺪﺍ ﺳﻤﺢ ؟ ﻣﺎ ﺑﺘﻀﺮﻫﺎ ؟؟ : ﻓﻌﻼ ﺿﺎﺭﺍﻫﺎ ﺍﻟﻬﺎﺩﻱ ﻗﺎﻝ ﻛﻞ
ﻳﻮﻡ ﺑﺘﻨﻮﻡ ﺑﺤﻤﻰ ﻭﺍﺭﻕ ﺷﺪﻳﺪ ﺍﻧﺎ ﺍﻧﺸﺮﻗﺖ ﻭﻗﻌﺪﺕ ﺍﻛﺢ ﺟﺎﺑﺖ ﻟﻲ ﻣﻮﻳﻪ
ﻃﻮﺍﻟﻲ ﺑﻄﻨﻲ ﻗﻠﺒﺖ ﻭﻣﺴﺎﻓﺔ ﺍﺻﻞ ﺍﻟﺤﻤﺎﻡ ﺍﺳﺘﻔﺮﻏﺖ ﺍﻟﻔﻲ ﺑﻄﻨﻲ ﻛﻠﻮ ﺧﺎﻟﺘﻮ
ﺟﻮﺍﻫﺮ ﺩﻱ ﺗﻘﻮﻝ ﺗﻜﻔﺘﻨﻲ ﻫﻲ ﺯﺍﺗﺎ ﻗﺮﻓﺖ ﻭﺑﻄﻨﺎ ﻃﻤﺖ ﺍﻣﺎ ﻣﺎﻣﺎ ﺗﻐﺮﻳﺪ ﺑﺲ
ﺑﺘﻨﻀﻒ ﻭﺭﺍﻱ
ﺧﺘﻲ ﺍﻟﻘﻄﻌﻪ ﻳﺎ ﺗﻐﺮﻳﺪ ﻛﻤﺎﻥ ﺑﺘﻨﻀﻔﻲ ﻟﻬﺎ ﻋﻔﻨﺎ ؟؟ ﺧﻠﻴﻬﺎ ﺗﺠﻲ ﺗﻤﺴﺤﻮ ﺑﺮﺍﻫﺎ
ﺗﻐﺴﻠﻮ ﻋﺪﻳﻞ ﺭﻳﺤﺘﻮ ﺍﻟﻜﺮﻳﻬﺔ ﺩﻱ ﻭﻋﻄﺮﻱ ﺍﻟﺒﻴﺖ ﺩﺍ ﻭﺑﺨﺮﻳﻪ : ﺣﺮﺍﻡ ﻋﻠﻴﻚ
ﺍﻧﺘﻲ ﻓﻲ ﺷﻨﻮ ﻭﻻ ﺷﻨﻮ ﻭﺍﻟﻠﻪ ﺍﻟﺒﻨﺖ ﺩﻱ ﻋﻴﺎﻧﻪ ﻣﻦ ﺍﻻﻭﻝ ﻗﺎﻟﺖ ﻟﻲ ﺍﻟﺪﻛﻮﻩ
ﺑﺘﻄﻤﻢ ﺑﻄﻨﻲ ﻣﺎ ﺻﺪﻗﺘﺎ : ﺍﻟﺪﻛﻮﻩ ﺑﺮﺍﻫﺎ ؟؟ : ﺍﻟﺤﻠﻴﺐ ﺑﺮﺿﻮ ﺑﻘﺖ ﺗﻜﺮﻫﻮ
ﻭﺭﻳﺤﺘﻮ ﺑﺘﻄﻤﻢ ﺑﻄﻨﺎ : ﺍﻧﺘﻲ ﻳﺎ ﻣﺮﺍ ﻏﺒﻴﻪ ﻭﻻ ﺑﺘﺘﻐﺎﺑﻲ ؟؟ ﺍﻟﺒﻨﺖ ﺩﻱ ﺣﺎﻣﻞ
ﻇﺎﻫﺮ ﻋﻠﻴﻬﺎ ﺩﺍ ﻭﺣﻢ : ﺣﺎﻣﻞ ؟؟؟ ﻻﻻﻻﻻ ﻣﺎ ﺍﻇﻦ ﻣﺴﺘﺤﻴﻞ : ﻟﻴﻪ ﻣﺴﺘﺤﻴﻞ ﻣﺎ
ﻗﺎﻋﺪﻩ ﺗﻨﻮﻡ ﻣﻊ ﺭﺍﺟﻠﻚ ؟؟ ﻣﺎﻣﺎ ﺗﻐﺮﻳﺪ ﺍﺳﺘﻔﺰﺗﺎ ﺍﻟﻜﻠﻤﻪ ﺑﺲ ﻛﺎﻟﻌﺎﺩﻩ ﻋﻨﺪﻫﺎ
ﺛﺒﺎﺕ ﺍﻧﻔﻌﺎﻟﻲ ﺷﺪﻳﺪ ﻗﺎﻟﺖ ﻟﻬﺎ ﻻ ﺑﺲ ﻟﻮ ﺣﺎﻣﻞ ﻛﺎﻥ ﻭﺭﺗﻨﻲ : ﻭﺍﻟﻠﻪ ﻭﺍﺍﺍﺍﺿﺤﻪ
ﻫﻲ ﺍﻟﺸﺎﻓﻌﻪ ﺩﻱ ﺷﻦ ﻓﻬﻤﺎ ﺑﺘﻜﻮﻥ ﻫﻲ ﺯﺍﺗﺎ ﻣﺎ ﻋﺎﺭﻓﻪ ﺭﻭﺣﺎ ﺣﺎﻣﻞ ﺍﻧﺘﻲ ﺑﺲ
ﻭﺩﻳﻬﺎ ﺍﻟﻤﺴﺘﺸﻔﻰ ﻋﺸﺎﻥ ﺗﺘﺄﻛﺪﻱ ﻭﻻ ﺟﻴﺒﻲ ﻟﻬﺎ ﺍﻟﺸﺮﻳﻂ : ﻣﻌﻘﻮﻝ ؟؟ ﻋﺎﺩ
ﺍﻧﺸﺎﺀﺍﻟﻠﻪ ﻳﺎ ﺟﻮﺍﻫﺮ ﻳﻜﻮﻥ ﻇﻨﻚ ﻓﻲ ﻣﺤﻠﻮ : ﻓﺮﺣﺎﻧﻪ ﻛﻤﺎﻥ ﻳﺎﻟﻐﺒﻴﺎﻧﻪ ﺿﺮﺗﻚ
ﺣﺎﻣﻞ ﻭﻋﺎﻭﺯﻩ ﺗﺠﻴﺐ ﻟﺮﺍﺟﻠﻚ ﺍﻟﻮﻟﺪ ﻭﺗﻤﺴﻜﻮ ﻣﻨﻚ ﻭﺍﻟﻠﻪ ﺍﻧﺘﻲ ﺭﺍﺣﺖ ﻋﻠﻴﻚ
ﻳﺎ ﺗﻐﺮﻳﺪ ﻭﺑﺮﺍﺍﻙ ﻋﻤﻠﺘﻴﻬﺎ ﻓﻲ ﻧﻔﺴﻚ : ﻛﺪﻱ ﺧﻠﻲ ﺍﺳﺘﻨﺘﺎﺟﺎﺗﻚ ﺍﻟﺴﺎﺑﻘﻪ ﻻﻭﺍﻧﺎ
ﺩﻱ ﻭﺧﻠﻴﻨﺎ ﻧﻮﺩﻱ ﺍﻟﺒﻨﺖ ﺍﻟﻤﺴﺘﺸﻔﻰ ﺟﺎﺕ ﺗﺴﻮﻗﻨﻲ ﺍﺑﻴﺖ ﺍﻣﺸﻲ ﻗﻠﺖ ﻟﻬﺎ ﺍﻧﺎ
ﻛﻮﻳﺴﻪ ﺑﺨﺎﻑ ﻣﻦ ﺍﻟﺤﻘﻦ ﺩﺍ ﺳﺒﺐ ﻧﻔﻮﺭﻱ ﻣﻦ ﻣﺸﻲ ﺍﻟﻤﺴﺘﺸﻔﻴﺎﺕ ﺍﺗﺼﻠﺖ
ﺑﺪﻛﺘﻮﺭ ﺍﻟﻬﺎﺩﻱ ﻗﺎﻟﺖ ﻟﻪ ﺗﻌﺒﺎﻧﻪ ﻭﺑﺘﺴﺘﻔﺮﻍ : ﺍﺩﻳﻨﻲ ﻟﻬﺎ
ﺍﻧﺎ ﺟﺎﻱ ﺍﺳﻲ ﻭﺑﺴﻮﻗﻚ ﻏﺼﺒﺎ ﻋﻨﻚ ﺍﻧﺘﻲ ﺑﺘﻌﺮﻓﻴﻨﻲ ﻃﻮﺍﻟﻲ ﻗﻤﺖ ﻟﺒﺴﺖ
ﻭﻣﺸﻴﺖ ﻣﻌﺎﻫﺎ ﻋﻤﻠﻮ ﻟﻲ ﺍﻟﻔﺤﺺ ﻋﺎﺩ ﺍﺗﺠﺮﺳﺖ ﺗﺠﺮﺱ ﻣﻦ ﺍﻟﺤﻘﻨﻪ ﺭﻗﺪﺕ ﻟﻬﺎ
ﻓﻲ ﺭﺟﻮﻻ ﻭﺍﻟﻨﺎﺱ ﻓﺎﻛﺮﻧﻬﺎ ﺍﻣﻲ ﺍﻟﻨﺘﻴﺠﺔ ﻃﻠﻌﺖ ﻣﻦ ﻗﺎﻟﻮ ﺍﺳﻤﻲ ﺑﻄﻨﻲ ﻃﻤﺖ
ﺟﺮﻳﺖ ﺍﻟﺤﻤﺎﻡ ﻭﻫﻲ ﺩﺧﻠﺖ ﺑﺎﻟﻨﺘﻴﺠﻪ ﻟﻠﺪﻛﺘﻮﺭ ﺍﻧﺎ ﻟﻤﻦ ﺟﻴﺖ ﻟﻘﻴﺘﺎ ﻗﺎﻋﺪﻩ ﻓﻲ
ﺍﻟﻜﺮﺳﻲ ﺑﺘﺒﻜﻲ ﻗﻌﺪﺕ ﻋﻨﺪ ﺭﺟﻠﻴﻨﺎ ﺣﻀﻨﺘﻨﻲ ﻭﺍﻧﺎ ﺧﻔﺖ ﺧﻮﻑ ﻗﻠﺖ ﺧﻼﺹ
ﻣﻌﻨﺎﻫﺎ ﻋﻨﺪﻱ ﻣﺮﺽ ﺧﻄﻴﺮ ﺍﻛﻴﺪ ﺳﺮﻃﺎﻥ ﺩﻣﻮﻋﻲ ﺟﺎﺕ ﺟﺎﺭﻳﻪ ﻛﻨﺖ ﻋﺎﺭﻓﻪ
ﺍﻟﺤﻴﺎﺓ ﺩﻱ ﻣﺴﺘﺤﻴﻞ ﺗﻀﺤﻚ ﻟﻲ ﻛﺪﺍ ﻭﺗﺪﻳﻨﻲ ﻣﻦ ﻏﻴﺮ ﻣﺎ ﺗﻐﺪﺭﻧﻲ ﺑﻌﺪﺍ ﻗﻠﺖ
ﻟﻬﺎ ﺍﻧﺎ ﺣﺎﺍﻣﻮﺕ ﺻﺢ ؟؟ ﻣﺎ ﺗﺒﻜﻲ ﻋﻠﻲ ﺩﺍ ﺍﻟﺮﺑﻨﺎ ﻛﺎﺗﺒﻮ ﻟﻲ ﻭﻣﺎﻓﻲ ﺍﻟﻄﻒ ﻣﻦ
ﺭﺑﻨﺎ ﻋﻠﻴﻨﺎ ﺍﺩﺗﻨﻲ ﻗﺮﺻﻪ ﻓﻲ ﺧﺪﻱ ﻭﻣﻌﺎﻫﺎ ﺍﺑﺘﺴﺎﻣﻪ ﺧﻔﻴﻔﻪ ﻻ ﻣﺎ ﺣﺎﺗﻤﻮﺗﻲ ﻳﺎ
ﺑﻨﺘﻲ ﺍﻧﺘﻲ ﺣﺎﻣﻞ ﻓﻲ ﺍﻟﺸﻬﺮ ﺍﻟﺘﺎﻧﻲ ﻃﻮﺍﻟﻲ ﻏﻤﺮﺕ ﻭﻫﻲ ﻗﺎﻣﺖ ﺗﺼﺮﺥ ﺍﺻﻼ
ﻛﻨﺖ ﺧﺎﻳﻔﻪ ﻭﻛﺘﺮﺕ ﺍﻟﺼﺪﻣﺎﺕ ﻫﺒﻄﺘﻨﻲ ﻭﻫﻲ ﻗﺎﻣﺖ ﺗﺼﺮﺥ ﺻﺤﻴﺖ ﻟﻘﻴﺖ
ﻧﻔﺴﻲ ﻓﻲ ﻏﺮﻓﺘﻲ ﻭ ﺩﻛﺘﻮﺭ ﺍﻟﻬﺎﺩﻱ ﺟﻨﺒﻲ ﻭﺩﻣﻮﻋﻮ ﻓﻲ ﻋﻴﻮﻧﻮ ﻣﺘﺄﺛﺮ ﺷﺪﻳﺪ
ﺍﻟﻒ ﻣﺒﺮﻭﻙ ﻳﺎ ﺑﺎﺑﺎ : ﺍﻟﻠﻪ ﻳﺒﺎﺭﻙ ﻓﻴﻚ : ﺭﺑﻨﺎ ﻳﺴﻬﻼ ﻋﻠﻴﻚ ﻭﻳﻘﻮﻣﻚ ﺑﺎﻟﺴﻼﻣﻪ :
ﻳﺎ ﺩﻛﺘﻮﺭ : ﻋﻴﻮﻧﻮ : ﺍﻧﺎ ﻣﺎ ﻋﺎﻭﺯﻩ ﺑﻴﺒﻲ ﺍﺑﺘﺴﻢ ﻟﻲ ﻭﻗﺎﻝ ﻟﻲ ﻟﻴﻪ ﻣﺎ ﻋﺎﻭﺯﻩ
ﺑﻴﺒﻲ ؟؟ : ﺍﻟﻮﻻﺩﻩ ﺣﺎﺭﻩ ﻭﺍﻧﺎ ﺧﺎﻳﻔﻪ ﻣﻨﻬﺎ ﻗﻌﺪ ﻳﻀﺤﻚ ﻣﺎ ﺗﺨﺎﻓﻲ ﻭﺍﻧﺎ ﻣﻌﺎﻙ
ﻳﺎ ﺑﺎﺑﺎ ﺍﻧﺎ ﻭﻣﺎﻣﺎ ﺗﻐﺮﻳﺪ ﺣﺎﻧﻜﻮﻥ ﻣﻌﺎﻙ ﺧﻄﻮﻩ ﺑﺨﻄﻮﻩ ﻭﺣﺎﻧﻌﺪﻳﻬﺎ ﻣﻊ ﺑﻌﺾ
ﻣﺎﻣﺎ ﺗﻐﺮﻳﺪ ﻛﺎﻧﺖ ﺑﺘﺒﻜﻲ ﻭﻣﺸﺖ ﻏﺮﻓﺘﺎ ﻭﻗﻔﻠﺖ ﻧﻔﺴﺎ ﺍﻧﺎ ﻛﺘﺒﻮ ﻟﻲ ﻓﻴﺘﺎﻣﻴﻨﺎﺕ
ﺍﺩﺍﻧﻲ ﺑﻠﻌﺖ ﺣﺒﻪ ﻭﺭﻗﺪﺕ ﺑﻌﺪ ﺷﻮﻳﻪ ﻃﻠﻊ ﻭﻫﺎﻟﻪ ﺟﺎﺕ ﺩﺍﺧﻠﻪ ﺗﺒﺎﺭﻙ ﻟﻲ ﻗﻠﺖ
ﻟﻬﺎ ﻣﺎﻣﺎ ﺗﻐﺮﻳﺪ ﺯﻋﻼﻧﻪ ﻣﻨﻲ ﻣﻦ ﻗﺒﻴﻞ ﺗﺒﻜﻲ ﻭﻣﺸﺖ ﻏﺮﻓﺘﺎ : ﻳﺎ ﺳﻤﺮ ﻣﻬﻤﺎ
ﻛﺎﻧﺖ ﺑﺘﺤﺒﻚ ﺍﻟﺸﻲ ﺩﺍ ﺣﺎﺭ ﻋﻠﻴﻬﺎ ﻭﺍﻟﻠﻪ ﻏﻴﺮﺍ ﻣﺎ ﺗﻌﺎﻣﻠﻚ ﺑﺮﺑﻊ ﺍﻟﻌﻄﻒ ﺩﺍ ﻏﻴﺮ
ﺗﺒﻘﻰ ﻟﻚ ﻋﺪﻭﻩ ﺍﻧﺘﻲ ﺍﺗﺨﻴﻠﻲ ﺑﺲ ﻭﺍﺣﺪﻩ ﺗﺠﻲ ﺗﺎﺧﺪ ﻣﻨﻚ ﺩﻛﺘﻮﺭ ﺍﻟﻬﺎﺩﻱ
ﻭﻳﻬﺘﻢ ﺑﻬﺎ ﻻ ﻭﻛﻤﺎﻥ ﺗﺤﻤﻞ ﻣﻨﻮ ﺍﺳﻲ ﺑﻴﻨﻲ ﻭﺑﻴﻨﻚ ﻛﺪﺍ ﻣﺎ ﻗﺎﻋﺪﻩ ﺗﻐﻴﺮﻱ ﻟﻤﻦ
ﻳﻜﻮﻥ ﻣﻌﺎﻫﺎ ؟؟ ﻫﻬﻬﻬﻬﻬﻬﻬﻬﻬﻬﻪ ﻫﻲ ﻣﺎ ﻋﺎﺭﻓﺎﻧﻲ ﺑﻐﻴﺮ ﻟﻤﻦ ﺑﻌﻤﻼ ﻭﺍﺿﺤﻪ ﻗﻠﺖ
ﻟﻬﺎ ﺑﻐﻴﺮ ﺑﺲ : ﺑﺲ ﺑﺮﺿﻮ ﺑﺘﺤﺒﻴﻬﺎ ﻭﺑﺘﺘﻤﻨﻲ ﻟﻬﺎ ﺍﻟﺨﻴﺮ ﻭﺍﺳﻠﻮﺑﻚ ﻣﻌﺎﻫﺎ ﻣﺎ
ﺑﺘﻐﻴﺮ : ﺍﻛﻴﺪ ﻃﺒﻌﺎ : ﻫﻲ ﻧﻔﺲ ﺍﻟﺸﻲ ﻭﻣﺎﺗﻨﺴﻲ ﺍﻧﻬﺎ ﻋﻘﻴﻢ ﻭﺍﻧﺘﻲ ﺣﺎﻟﻴﺎ ﺣﺎﻣﻞ
ﻣﻦ ﺭﺍﺟﻼ ﺑﻌﺪ ﺩﻛﺘﻮﺭ ﺍﻟﻬﺎﺩﻱ ﻃﻠﻊ ﻣﻨﻬﺎ ﻣﺸﻴﺖ ﻟﻬﺎ ﺭﻗﺪﺕ ﻭﺭﺍﻫﺎ ﻭﺣﻀﻨﺘﺎ
ﻋﺎﻭﺯﻩ ﺍﻗﺮﺑﺎ ﻟﻠﺒﻴﺒﻲ ﺍﻛﺘﺮ ﻭﺗﺤﺴﻮ ﺯﻳﻲ ﻋﺸﺎﻥ ﺗﺤﺒﻮ ﺯﻱ ﻣﺎ ﺑﺘﺤﺒﻨﻲ ﻣﺮﺍﺕ
ﺑﺠﻲ ﺍﻧﻮﻡ ﻣﻌﺎﻫﺎ ﻋﺪﻳﻞ ﻭﺑﻠﻘﺎﻫﺎ ﺧﺎﺗﻪ ﻳﺪﻫﺎ ﻋﻠﻰ ﺑﻄﻨﻲ ﺑﻘﺖ ﺗﻬﺘﻢ ﺑﻲ ﺯﻳﺎﺩﻩ
ﻭﻣﺎﻧﻌﺎﻧﻲ ﺍﻋﻤﻞ ﺍﻱ ﺷﻲ ﺩﻛﺘﻮﺭ ﺍﻟﻬﺎﺩﻱ ﺣﻤﺎﻧﻲ ﺍﻣﺸﻲ ﺍﻟﺠﺎﻣﻌﻪ ﻗﺎﻝ ﻟﻲ
ﺍﻟﺸﻬﻮﺭ ﺍﻻﻭﻟﻰ ﺻﻌﺒﻪ ﻭﻣﺎ ﻋﺎﻭﺯﻩ ﺗﻌﺐ ﻭﻫﻢ ﺍﻟﻨﻬﺎﺭ ﻛﻠﻮ ﻳﺒﺤﺜﻮ ﻓﻲ ﻗﻮﻗﻞ
ﺍﻟﻤﻔﺮﻭﺽ ﺍﻋﻤﻠﻮ ﺷﻨﻮ ﻭﺍﻟﻤﻤﻨﻮﻉ ﺷﻨﻮ ﻭﻣﺎ ﺑﺰﻋﻠﻮﻧﻲ ﻻﻱ ﺳﺒﺐ ﻣﻦ ﺍﻻﺳﺒﺎﺏ
ﻟﻤﻦ ﺍﺩﺧﻞ ﺍﻟﺤﻤﺎﻡ ﻻﺯﻡ ﻭﺍﺣﺪ ﻓﻴﻬﻢ ﻳﻜﻮﻥ ﻣﻨﺘﻈﺮﻧﻲ ﺑﺮﺍ ﻋﺸﺎﻥ ﻟﻮ ﺣﺼﻞ ﺷﻲ
ﻭﻻ ﺍﻧﺰﻟﻘﺖ ﻳﻠﺤﻘﻮﻧﻲ ﻛﺎﻥ ﺍﻟﻤﻔﺮﻭﺽ ﺍﻛﻮﻥ ﺧﺮﻳﺠﻪ ﺑﺲ ﺑﻘﻴﺖ ﺣﺎﻣﻞ ﺑﺪﻝ ﻛﺪﺍ
ﻃﺒﻌﺎ ﺍﻣﻲ ﻧﺴﻴﺖ ﻣﺎ ﻛﻠﻤﺘﺎ ﻭﻋﺮﻓﺖ ﻣﻦ ﻣﺜﺎﻧﻲ ﺯﻋﻠﺖ ﺯﻋﻞ ﺷﺪﻳﺪ ﻭﺧﺎﺻﻤﺘﻨﻲ
ﻭﺍﺑﺖ ﺗﺠﻴﻨﻲ ﺍﻻ ﻣﺸﻴﺖ ﻟﻬﺎ ﺍﻧﺎ ﻭﻣﺎﻣﺎ ﺗﻐﺮﻳﺪ ﺑﻌﺪ ﺗﻌﺐ ﺳﻠﻤﺖ ﻋﻠﻲ ﺍﻣﺎ ﺍﺑﻮﻱ
ﻟﻪ ﻓﺘﺮﻩ ﻓﺎﺻﻠﻨﻲ ﻻﻧﻮ ﺑﻄﻠﺐ ﻣﻨﻲ ﺣﺎﺟﺎﺕ ﻣﺴﺘﺤﻴﻠﻪ ﻭﺍﻧﺎ ﺑﺮﻓﺾ ﻋﺎﻭﺯﻧﻲ
ﺍﻃﻠﺐ ﻗﺮﻭﺵ ﻣﻦ ﺩﻛﺘﻮﺭ ﺍﻟﻬﺎﺩﻱ ﺑﺼﻮﺭﻩ ﻣﺎ ﻋﺎﺩﻳﻪ ﻭﺑﻘﻮﻝ ﻟﻲ ﺧﻠﻴﻪ ﻳﻌﻤﻞ ﻟﻚ
ﻣﺸﺮﻭﻉ ﻭﻻ ﻳﺴﺠﻞ ﻟﻚ ﺣﺎﺟﻪ ﺑﺎﺍﺳﻤﻚ ﻣﻊ ﺍﻧﻲ ﺍﻟﻌﻨﺪﻱ ﻛﻠﻮ ﺑﺪﻳﻪ ﻟﻬﻢ ﺣﺘﻰ
ﺩﻫﺒﻲ ﻋﻨﺪ ﺍﻣﻲ ﺑﺲ ﺍﺑﻮﻱ ﻣﻊ ﺍﻻﺳﻒ ﻣﺎﺩﻱ ﺷﺪﻳﺪ ﻳﻼ ﻟﻤﻦ ﻋﺮﻓﻨﻲ ﺣﺎﻣﻞ
ﺭﺟﻊ ﻟﻈﺮﺍﻓﺘﻮ ﺍﻟﺒﻌﺪ ﺍﻟﻌﺮﺱ ﺩﻳﻚ ﻭﻳﺴﺄﻝ ﻓﻴﻨﻲ ﻋﻦ ﺟﻨﺲ ﺍﻟﺒﻴﺒﻲ ﻗﻠﺖ ﻟﻪ ﻣﺎ
ﺑﻈﻬﺮ ﺍﺳﻲ ﻗﻌﺪﻧﺎ ﻳﻮﻣﻴﻦ ﻣﺎﻣﺎ ﺗﻐﺮﻳﺪ ﺩﻱ ﺍﺗﺤﻤﻠﺖ ﻓﻴﻬﻢ ﻣﺎ ﺍﺗﺤﻤﻠﺖ ﻣﻦ ﺍﻫﻠﻲ
ﺑﺲ ﻋﺸﺎﻥ ﺗﻔﻀﻞ ﺗﻬﺘﻢ ﺑﻲ ﻭﻣﺎ ﺗﺨﻠﻴﻨﻲ ﺑﺮﺍﻱ ﺍﻣﻲ ﺩﻱ ﺑﺘﻄﺎﻋﻨﺎ ﺑﺎﺳﺘﻤﺮﺍﺭ
ﻭﻣﺮﺍﺕ ﺗﺤﻤﻴﻬﺎ ﺗﻘﺮﺏ ﻣﻨﻲ ﻣﻼﻳﺔ ﻟﻠﻐﻄﻰ ﺳﺎﻱ ﺍﺑﺖ ﺗﺪﻳﻬﺎ ﺍﻻ ﺍﻧﺎ ﺍﺩﻳﻬﺎ
ﻣﻼﻳﺘﻲ ﻭﺍﻣﺸﻲ ﺍﺟﻴﺐ ﻭﺍﺣﺪﻩ ﻭﺍﻋﺘﺰﺭ ﻭﺍﺑﻜﻲ ﻟﻬﺎ ﻭﻫﻲ ﺑﺘﻘﻮﻝ ﻟﻲ ﻣﺎ ﻣﺸﻜﻠﻪ
ﻭﺍﻫﻠﻚ ﻳﺎﻫﻢ ﺍﻫﻠﻲ ﻣﺎ ﺻﺪﻗﺖ ﺧﻠﺼﻮ ﻭﺭﺟﻌﻨﺎ ﻟﺤﻴﺎﺗﻨﺎ ﺍﻟﻄﺒﻴﻌﻴﻪ ﺍﻧﺎ ﻗﻠﺖ
ﻟﺪﻛﺘﻮﺭ ﺍﻟﻬﺎﺩﻱ ﻋﺎﻭﺯﻩ ﺍﺭﺟﻊ ﺍﻟﺠﺎﻣﻌﻪ ﻛﻠﻮ ﺳﻤﺴﺘﺮ ﻭﺍﺣﺪ ﻭﺍﺗﺨﺮﺝ ﺍﺗﺮﺟﻴﺘﻮ
ﻋﺪﻳﻞ ﺣﺘﻰ ﺳﻤﺢ ﻟﻲ ﻟﺤﻘﺖ ﺩﻓﻌﺘﻲ ﻭﺟﺎﺀ ﺯﻣﻦ ﺍﻟﺘﺨﺮﻳﺞ ﻣﺎﻣﺎ ﺗﻐﺮﻳﺪ ﺍﺷﺘﺮﺕ
ﻟﻲ ﻓﺴﺘﺎﻥ ﺧﻄﻴﻴﻴﺮ ﻭﺣﺠﺰﺕ ﻟﻲ ﻓﻲ ﻛﻮﻓﻴﺮ ﻋﻤﻠﻮ ﺍﻟﺘﺠﻬﻴﺰﺍﺕ ﺩﻱ ﻣﺎ ﺧﻠﻮ
ﺷﻲ ﺍﺷﺘﺮﻭ ﻟﻲ ﺍﻱ ﺣﺎﺟﻪ ﻋﻤﻠﻮ ﻟﻴﻨﺎ ﺍﻟﺤﻨﻪ ﻓﻲ ﺻﺎﻟﻪ ﺍﺗﻔﻘﻨﺎ ﻛﻠﻨﺎ ﻧﻠﺒﺲ ﺗﻴﺎﺏ
ﺍﺷﺘﺮﻳﺖ ﺗﻮﺏ ﺑﺎﻟﻜﻮﺑﻲ ﺍﺧﺘﺎﺭﺗﻮ ﻟﻲ ﻣﺎﻣﺎ ﺗﻐﺮﻳﺪ ﺍﻧﺎ ﻛﻨﺖ ﻋﺎﻭﺯﻩ ﻣﺎﻣﺎ ﺗﻐﺮﻳﺪ
ﺗﺸﺎﺭﻛﻨﻲ ﻛﻞ ﻟﺤﻈﻪ ﺑﺲ ﻫﻲ ﻋﺪﺗﺎ ﺑﻜﺎﺀ ﺍﺗﺄﺛﺮﺕ ﺷﺪﻳﺪ ﻟﻤﻦ ﺷﺎﻓﺘﻨﻲ ﻓﻲ
ﻣﻨﺼﺔ ﺍﻟﺘﺨﺮﻳﺞ ﻃﺒﻌﺎ ﺍﻫﻠﻲ ﻟﻠﺘﺨﺮﻳﺞ ﻣﺎ ﻗﺎﻟﻮ ﺍﻧﺎ ﻣﺎ ﻋﺰﻣﺘﻬﻢ ﻣﻊ ﺍﻧﻲ
ﻣﻜﻠﻤﺎﻫﻢ ﻣﻦ ﺑﺪﺭﻱ ﺑﺎﻟﺘﻔﻮﻥ ﻗﺎﻟﻮ ﻛﺎﻥ ﺍﻟﻤﻔﺮﻭﺽ ﺍﺟﻲ ﻟﻬﻢ ﻓﻲ ﺍﻟﺒﻴﺖ ﻗﺒﻠﻮ
ﺑﻴﻮﻡ ﻭﺍﻭﺭﻳﻬﻢ ﺗﺎﻧﻲ ﺍﻳﻮﻱ ﻫﻮ ﺍﺻﻼ ﻣﺎ ﻣﻬﺘﻢ ﺍﺗﺨﺮﺝ ﺍﺗﻨﻴﻞ ﻣﺎ ﻏﺮﺿﻮ ﺑﻲ ﻳﻮﻡ
ﺍﻟﺘﺨﺮﻳﺞ ﺟﻴﺘﻬﻢ ﻟﻠﺒﻴﺖ ﺑﺎﻟﻌﺮﺑﻴﻪ ﺍﺑﻮ ﻳﺮﻛﺒﻮ ﺣﺘﻰ ﻣﺜﺎﻧﻲ ﺣﺮﻗﻮ ﻗﻠﺒﻲ ﻋﺪﻳﻞ
ﻣﺸﻴﺖ ﻣﻊ ﺍﻫﻞ ﺭﺍﺟﻠﻲ ﻟﻤﻦ ﻧﺪﻫﻮ ﺍﺳﻤﻲ ﺳﻤﺮ ﺍﻟﻔﺎﺗﺢ ﻭﻃﻠﻌﺖ ﻣﺎﻣﺎ ﺗﻐﺮﻳﺪ
ﻗﺮﺑﺖ ﺗﻐﻤﺮ ﺣﺘﻰ ﺩﻛﺘﻮﺭ ﺍﻟﻬﺎﺩﻱ ﺭﺟﻒ ﺣﻀﻨﺘﻬﻢ ﺍﻻﺗﻨﻴﻦ ﻣﻊ ﺑﻌﺾ ﻛﺄﻧﻮ ﻫﻢ
ﺍﺑﻮﻱ ﻭﺍﻣﻲ
ﺍﻟﻒ ﻣﺒﺮﻭﻙ ﻳﺎ ﺑﻨﺘﻲ ﺍﻟﺤﻤﺪﻟﻠﻪ ﺷﻔﻨﺎ ﺟﺪﻳﺪﻙ
ﺍﺳﺘﻠﻤﻮ ﻣﻌﺎﻱ ﺍﻟﺸﻬﺎﺩﻩ ﻃﺒﻌﺎ ﻟﻘﻴﺖ ﻛﻤﻴﺔ ﺷﻬﺎﺩﺍﺕ ﻣﺎ ﻋﺮﻓﺖ ﺍﻭﺩﻳﻬﺎ ﻭﻳﻦ
ﻭﺭﻗﺼﺖ ﺭﻗﻴﺺ ﻣﻊ ﻣﺎﻣﺎ ﺗﻐﺮﻳﺪ ﺭﺟﻌﻨﺎ ﺍﻟﺒﻴﺖ ﺗﻌﺒﺎﻧﻴﻦ ﻭﺍﻧﺎ ﻣﺎ ﻗﺪﺭﺕ ﺍﻧﻮﻡ
ﻓﺠﺎﺀﺓ ﺟﺎﻧﻲ ﻣﻐﺺ ﺷﺪﻳﺪ ﺣﺴﻴﺖ ﻛﺄﻧﻮ ﻣﺼﺎﺭﻳﻨﻲ ﺑﺘﺘﻘﻄﻊ
يتبــــــــــــــــــــــــــــــــــــــــــــع.