رواية ما بين الصباح والمساء الفصل التاسع عشر 19 بقلم مشاعر مبعثره
ﺍﺗﻔﺎﺟﺄﺕ ﺑﺎﻣﻮ ﻭﺍﻗﻔﻪ ﻗﺪﺍﻣﻲ ﺻﺎﺭﻩ ﻭﺷﻬﺎ ﻗﻠﺖ ﻟﻬﺎ ﺍﻳﻮﺍ ﻗﻮﻟﻲ ﺍﻧﺎ ﺍﻟﻐﻴﺮﺕ
ﻭﻟﺪﻙ ﻭﺯﻓﺘﻮ ﻟﻚ ﻛﺪﺍ ﺍﻳﻮﺍ ﺍﻧﺎ ﺍﻟﺴﺄﻟﺘﻮ ﻭﻣﻦ ﺟﺎﺀ ﺑﺘﻮﺍﻗﺢ ﻣﻌﺎﻩ ﻭﺍﻧﺎ ﻣﺮﺕ
ﺧﺎﻟﻮ : ﺳﻤﺮ ﺍﻫﺪﻱ ﺧﻼﺹ ﻣﺎ ﺗﺼﺮﺧﻲ ﻃﺒﻌﺎ ﻫﻲ ﻣﻼﺣﻈﻪ ﻟﺤﺮﻛﺎﺕ ﻭﻟﺪﺍ
ﻭﻋﺎﻭﺯﻩ ﺗﻀﺎﺭﻱ ﻟﻪ ﻭﻣﺎ ﻋﺎﻭﺯﺍﻧﻲ ﺃﺗﻜﻠﻢ ﺷﺎﻛﻠﺘﻮ ﻭﻫﻮ ﻋﺎﻣﻞ ﻧﻔﺴﻮ ﺳﻤﻊ ﺍﻟﻜﻼﻡ
ﺑﺲ ﺑﻌﺪ ﻣﺸﺖ ﻏﻤﺰ ﻟﻲ ﻭﻣﺎﻣﺎ ﺗﻐﺮﻳﺪ ﺟﺎﺕ ﻟﺤﻈﺘﺎ ﻣﺸﻴﻨﺎ ﻛﻨﺖ ﺯﻫﺠﺎﻧﻪ ﺷﺪﻳﺪ
ﻭﻻ ﻓﺮﺣﺖ ﺑﺎﻱ ﺷﻲ ﺑﺲ ﺷﻐﺎﻟﻪ ﻭﺍﺗﻔﺎﺟﺄﺕ ﺑﺎﻧﻮ ﺍﻟﺸﻨﻄﻪ ﻭﺍﻟﻌﻘﺪ ﻣﻊ ﺑﻌﺾ ﺯﻭﻝ
ﺟﺎﺏ ﺧﺒﺮﻱ ﻣﺎﻑ ﺍﺻﻠﻲ ﻣﺎ ﺍﺷﺘﻐﻠﺖ ﺑﺎﻟﻤﻮﺿﻮﻉ ﻣﺪﺍﻡ ﻫﻢ ﺷﺎﻳﻔﻴﻨﻲ ﻭﻋﺎﺩﻧﻲ
ﻏﺮﻳﺒﻪ ﺍﻧﺎ ﺣﺎﺍﻛﻮﻥ ﻏﺮﻳﺒﻪ ﺑﺎﻟﺠﺪ ﻋﺰﻭﻣﺘﺎ ﻗﺎﻟﻮ ﺑﻌﻤﻠﻮﻫﺎ ﻟﻬﺎ ﻣﻊ ﻣﺜﺎﻧﻲ ﺑﻌﺪ
ﺧﻄﻴﺒﺎ ﻳﺠﻲ ﻣﻐﺘﺮﺏ ﻃﺒﻌﺎ ﺩﻛﺘﻮﺭ ﺍﻟﻬﺎﺩﻱ ﺍﺗﺼﻞ ﺑﻲ ﻗﺎﻝ ﻟﻲ ﻣﺎ ﻛﻨﺖ ﻋﺎﺭﻑ
ﺍﻧﻮ ﻓﻲ ﻋﻘﺪ ﻛﻨﺖ ﺣﺎﺍﺟﻲ ﺍﺣﻀﺮ ﻭﺍﻟﻠﻪ : ﻟﻮ ﻛﺎﻥ ﺍﻟﻤﻔﺮﻭﺽ ﺗﺠﻲ ﻛﺎﻥ ﻋﺰﻣﻮﻙ
ﻭﺍﻻﺑﺎﻙ ﺭﻳﺤﻚ : ﻣﺎ ﺗﺰﻋﻠﻲ ﻣﻨﻬﻢ ﻳﺎ ﺳﻤﺮ : ﻣﺎ ﺯﻋﻼﻧﻪ : ﺧﻼﺹ ﺍﻟﻠﻴﻠﻪ ﺑﻴﺘﻲ
ﻣﻌﺎﻫﻢ : ﻻﻻ ﺟﺎﻳﻪ ﺍﺑﻴﺖ ﻟﻬﺎ ﺷﻨﻮ ﻗﻌﺪﺕ ﻧﻀﻔﺖ ﻭﻏﺴﻠﺖ ﺍﻟﻌﺪﻩ ﻣﻌﺎﻱ ﻣﺎﻣﺎ
ﺗﻐﺮﻳﺪ ﺑﻌﺪ ﻇﺒﻄﻨﺎ ﻟﻬﻢ ﺭﺟﻌﻨﺎ ﺧﺎﻟﺘﻮ ﺻﺪﻳﻘﻪ ﺻﺎﺩﻓﺘﻨﻲ ﻓﻲ ﺍﻟﺒﺎﺏ ﻭﻗﻔﺘﻨﻲ
ﻭﺗﺤﻨﺲ ﻓﻴﻨﻲ ﺳﺎﺍﻱ ﻋﺸﺎﻥ ﻣﺎ ﺍﻛﻠﻢ ﺩﻛﺘﻮﺭ ﺍﻟﻬﺎﺩﻱ ﺑﺲ ﻣﺎ ﺍﺷﺘﻐﻠﺖ
ﺑﺎﻟﻤﻮﺿﻮﻉ ﻛﺘﻴﺮ ﺍﺻﻼ ﺍﻗﻮﻝ ﻟﻪ ﺷﻨﻮ
ﻳﻮﻡ ﻋﻴﺪ ﺍﻻﺿﺤﻰ ﺩﻛﺘﻮﺭ ﺍﻟﻬﺎﺩﻱ ﺿﺒﺢ ﻟﻴﻨﺎ ﺧﺮﻭﻓﻴﻦ ﻃﺒﻌﺎ ﻛﻠﻨﺎ ﺿﺤﻴﻨﺎ ﻣﻊ
ﺑﻌﺾ ﻛﻞ ﺍﻟﺒﻴﺖ ﻭﺍﻧﺎ ﻣﺎ ﺧﻠﻮﻧﻲ ﺍﻋﻤﻞ ﺷﻲ ﻋﺸﺎﻥ ﻭﻟﺪﻱ ﺻﻐﻴﺮ ﻗﻌﺪﺕ ﻃﺮﻑ
ﺟﺎﺀ ﻓﺮﺡ ﻗﻌﺪ ﺟﻨﺒﻲ ﻭﻳﺸﺎﻏﻞ ﻓﻲ ﻭﻟﺪﻱ ﻭﻳﺼﻮﺭﻩ ﻓﺠﺎﺀﺓ ﻗﺒﻀﺘﻮ ﺑﺼﻮﺭ
ﻓﻴﻨﻲ ﻗﻠﺖ ﻟﻪ ﻟﻮ ﻋﺎﻭﺯ ﺣﻤﻮﺩﻱ ﻫﺎﻙ ﺷﻴﻠﻮ ﻭﺻﻮﺭﻭ ﺑﻌﻴﺪ ﻣﻨﻲ : ﺍﻧﺘﻲ ﻣﺎﻟﻚ ﻳﺎ
ﺑﻨﺖ ﻧﻴﺮﻓﺰ ﻛﺪﺍ : ﺍﻧﺖ ﺍﻟﻤﺎﻟﻚ ﺑﻘﻴﺖ ﻛﺪﺍ ﻳﺎﺥ ﺟﺎﻣﻌﺘﻚ ﺧﻠﻴﺘﺎ ﻭﻗﺎﻋﺪ ﻟﻠﺼﻴﺎﻋﻪ
ﺯﻱ ﺍﻟﺸﻤﺎﺳﻲ ﺑﻌﺪ ﻛﻨﺖ ﻣﻤﺘﺎﺯ : ﺍﻟﻘﺮﻭ ﻋﻤﻠﻮ ﺷﻨﻮ : ﺣﺎﻳﻌﻤﻠﻮ ﻣﺎ ﺗﺨﺎﻑ ﻫﻮ ﻛﺎﻥ
ﺑﺲ ﻻﺻﻖ ﻓﻴﻨﻲ ﺍﺻﻠﻮ ﺍﺑﻰ ﻳﺰﺡ ﺑﺤﺠﺔ ﺍﻧﻮ ﺑﻠﻌﺐ ﺣﻤﻮﺩﻱ ﻟﻤﻦ ﻗﻤﺖ ﻣﻨﻮ
ﻭﺧﻠﻴﺘﻮ ﻟﻪ ﻟﺤﺪﻱ ﻣﺎ ﺍﻟﻴﻮﻡ ﺧﻠﺺ ﻭﺍﻱ ﺯﻭﻝ ﻣﺸﻰ ﺑﻴﺘﻮ ﺩﻛﺘﻮﺭ ﺍﻟﻬﺎﺩﻱ ﻗﺎﻝ
ﻟﻲ ﺍﻧﺘﻲ ﻭﻓﺮﺡ ﻋﻼﻗﺘﻜﻢ ﺣﻠﻮﻩ ﻭﺍﺧﻮﻳﻪ ﻋﺎﺭﻑ ﻭﻋﺎﺭﻑ ﺍﻧﻮ ﻫﻈﺎﺭﻛﻢ ﺑﺮﻳﺊ
ﺷﺪﻳﺪ ﺑﺲ ﺣﺎﻭﻟﻮ ﺍﺭﺳﻤﻮ ﺣﺪﻭﺩ ﻻﻧﻮ ﻫﻮ ﻓﻲ ﺍﻟﻨﻬﺎﻳﻪ ﻭﻟﺪ ﺣﻤﺎﻙ ﻭﺍﻧﺘﻲ ﻣﺮﺕ
ﺧﺎﻟﻮ ﻭﻋﻨﺪﻙ ﻭﻟﺪ ﻛﻤﺎﻥ ﺩﻣﻮﻋﻲ ﻧﺰﻟﺖ ﻭﻗﻠﺖ ﻟﻪ ﺣﺎﺿﺮ : ﻣﺎﺗﺒﻜﻲ ﺍﻧﺎ ﺿﺎﻣﻨﻚ
ﺍﻛﺘﺮ ﻣﻦ ﻧﻔﺴﻲ ﻭﺿﺎﻣﻨﻮ ﻻﻧﻮ ﻭﻟﺪﻱ ﻭﻣﺮﺑﻴﻪ ﺑﺲ ﻋﺸﺎﻥ ﻣﻨﻈﺮﻧﺎ ﻗﺪﺍﻡ ﺍﻟﻨﺎﺱ
ﻣﺎ ﺍﻛﺘﺮ ﻣﺎ ﺗﺰﻋﻠﻲ ﻳﺎ ﺑﺎﺑﺎ : ﻣﺎ ﺯﻋﻼﻧﻪ ﻭﺍﻟﻠﻪ
ﻳﻼ ﺑﻌﺪ ﺍﻟﻌﻴﺪ ﻛﺎﻥ ﻋﺮﺱ ﺍﺧﻮﺍﺗﻲ ﻣﺸﻴﺖ ﻋﻤﻠﺖ ﻣﻌﺎﻫﻢ ﺍﻟﺪﻟﻜﻪ ﻭﺍﻟﺮﻳﺤﻪ
ﻭﻗﺒﻞ ﺍﺳﺒﻮﻉ ﻋﺎﺩ ﻣﺘﺖ ﺑﺎﻟﺸﻐﻞ ﻭﺩﻛﺘﻮﺭ ﺍﻟﻬﺎﺩﻱ ﻛﻞ ﻣﺎﻳﺘﺼﻞ ﻳﻠﻘﺎﻧﻲ ﺑﻌﻤﻞ ﻓﻲ
ﺣﺎﺟﻪ ﻭﺍﻟﺘﻠﻔﻮﻥ ﺑﻌﻴﺪ
ﺧﻠﻲ ﺑﺎﻟﻚ ﻣﻦ ﻧﻔﺴﻚ ﻳﺎ ﺳﻤﺮ ﻣﺎ ﺿﺮﻭﺭﻱ ﺗﻤﻮﺗﻲ ﺑﺎﻟﺸﻐﻞ ﺑﺮﺍﻙ : ﺍﻧﺸﺎﺀﺍﻟﻠﻪ :
ﻭﺍﻫﺘﻤﻲ ﺑﻮﻟﺪﻙ ﻟﻮ ﺍﺣﺘﺠﺘﻮ ﺍﻱ ﺣﺎﺟﻪ ﻭﺭﻳﻨﻲ ﻋﻠﻰ ﻃﻮﻝ : ﺍﻛﻴﺪ ﻻ ﺍﺻﻼ
ﺍﻟﻘﺮﻭﺵ ﻭﺍﻟﺤﺎﺟﺎﺕ ﺍﻟﺠﺒﺘﺎ ﻟﻴﻨﺎ ﺗﻜﻔﻲ ﺷﻬﻮﺭ : ﻣﺎ ﺗﻘﺼﺮﻱ ﻣﻊ ﺍﻫﻠﻚ ﻭﺍﺧﻮﺍﻧﻚ
ﻓﻲ ﺷﻲ ﺍﻧﺘﻲ ﻋﺎﺭﻓﻪ ﺍﻻﻋﺮﺍﺱ ﻣﻜﻠﻔﻪ ﻛﻴﻒ : ﺣﺎﺿﺮ ﻃﺒﻌﺎ ﺍﻱ ﺣﺎﺟﻪ
ﻳﺤﺘﺎﺟﻮﻫﺎ ﻓﻲ ﺍﻟﺒﻴﺖ ﻭﻻ ﺑﺘﻠﻔﺖ ﺑﺪﻳﻬﻢ ﺑﺲ ﺍﻣﺎ ﺩﻛﺘﻮﺭ ﺍﻟﻬﺎﺩﻱ ﺩﺍ ﻣﺪﻱ ﺍﺑﻮﻱ
500 ﺍﻟﻒ ﻭﺍﻣﻲ ﺯﻳﻬﻢ ﻣﺎﻣﺎ ﺗﻐﺮﻳﺪ ﻛﺎﻧﺖ ﺗﻌﺒﺎﻧﻪ ﺷﻮﻳﻪ ﻗﻠﻘﺖ ﻋﻠﻴﻬﺎ ﺷﺪﻳﺪ
ﻭﻟﻮ ﻋﻠﻲ ﺍﺭﺟﻊ ﻟﻬﺎ ﺑﺲ ﺧﻔﺖ ﻣﻦ ﺍﻣﻲ ﻭﺍﺧﻮﺍﺗﻲ ﺑﻘﻴﺖ ﻛﻞ ﻳﻮﻡ ﺍﻣﺸﻲ ﻟﻬﺎ
ﺳﺎﻋﺘﻴﻦ ﺗﻼﺗﻪ ﺍﻃﺒﺦ ﻭﺍﻧﻀﻒ ﻟﻬﺎ ﻭﺍﺭﺟﻊ ﺗﺎﻧﻲ ﻟﺸﻐﻞ ﺑﻴﺘﻨﺎ ﻫﻠﻜﺖ ﻋﺪﻳﻞ ﻫﻲ
ﻗﺎﻟﺖ ﻟﻲ ﺑﻘﻴﺖ ﻛﻮﻳﺴﻪ ﻣﺎ ﺗﺠﻲ ﺗﺎﻧﻲ ﺍﻧﺎ ﺯﺍﺗﻲ ﺑﺠﻲ ﻳﻮﻡ ﺍﻟﻌﺮﺱ ﻭﺩﻛﺘﻮﺭ
ﺍﻟﻬﺎﺩﻱ ﺑﺠﻲ ﻃﻮﺍﺍﻟﻲ ﻭﻳﺸﻮﻑ ﻟﻮ ﻧﺎﻗﺺ ﺷﻲ
ﻳﻮﻡ ﻛﺎﻥ ﻗﺎﻋﺪ ﻣﻌﺎﻧﺎ ﻓﻲ ﺍﻟﻐﺮﻓﻪ ﺑﻠﻌﺐ ﻓﻲ ﻭﻟﺪﻭ
ﻣﺎﻣﺎ ﺗﻐﺮﻳﺪ ﻛﻴﻒ ﺍﻟﻠﻴﻠﻪ ﻣﺎ ﻗﺪﺭﺕ ﺍﻣﺸﻲ ﻟﻬﺎ : ﻻﻻ ﻛﻮﻳﺴﻪ ﻣﺎﻓﻴﻬﺎ ﺷﻲ ﺍﻧﺘﺒﻬﻲ
ﻟﻲ ﻋﻠﻲ ﻧﻔﺴﻚ ﺩﻱ ﺑﺲ : ﺍﻧﺸﺎﺀﺍﻟﻠﻪ ﻛﺎﻥ ﺑﻌﺎﻳﻦ ﻟﺮﺟﻮﻟﻲ ﻏﻄﻴﺘﻬﻢ ﻗﺎﻝ ﻟﻲ ﻣﺎﻟﻚ
ﻣﺎ ﺍﺗﺤﻨﻨﺘﻲ : ﻭﺍﻟﻠﻪ ﻣﺎﻟﻘﻴﺖ ﻃﺮﻳﻘﻪ ﻣﻊ ﺍﻟﺠﺮﻱ : ﺍﻧﺎ ﻗﻠﺖ ﺷﻨﻮ ﺍﺳﻲ : ﺣﺎﺿﺮ
ﺑﻬﺘﻢ ﺑﻨﻔﺴﻲ : ﺗﻐﺮﻳﺪ ﻛﻠﻤﺖ ﻟﻚ ﺍﻟﺤﻨﺎﻧﻪ ﺍﻟﻔﻲ ﺍﻟﺤﻲ ﻗﻠﺖ ﻟﻬﺎ ﻣﺎ ﺑﺘﻜﻮﻥ ﻏﺒﺸﻪ
ﻟﺤﺪﻱ ﺍﺳﻲ ﻃﻠﻌﺖ ﻏﻠﻄﺎﻥ : ﺧﻠﻴﻬﺎ ﺗﺠﻴﻨﻲ ﺳﺎﻱ ﻧﺒﺮﺍﺱ ﺳﻤﻌﺘﻨﺎ ﻧﺒﺮﺍﺱ ﺟﺎﺕ
ﻗﺎﻟﺖ ﻟﻪ ﺧﻠﻴﻬﺎ ﺗﻜﻠﻤﺎ ﻟﻴﻨﺎ ﻧﺤﻦ ﺯﺍﺗﻨﺎ ﻣﺎ ﻟﻘﻴﻨﺎ ﺣﻨﺎﻧﻪ ﻧﺎﻓﻌﻪ ﺩﺧﻠﺘﻨﻲ ﻓﻲ
ﺍﻇﺎﻓﺮﻱ ﻃﺒﻌﺎ ﻭﺍﺣﺪﻩ ﻋﺮﺳﺎ ﺑﺎﻗﻲ ﻟﻪ ﻳﻮﻣﻴﻦ ﺗﻘﻮﻝ ﻣﺎ ﻟﻘﺖ ﺣﻨﺎﻧﻪ ﻃﺒﻌﺎ ﺩﻛﺘﻮﺭ
ﺍﻟﻬﺎﺩﻱ ﺩﻓﻊ ﻟﻴﻨﺎ ﺍﻟﺜﻼﺛﻪ ﻭﻟﻠﺤﻔﻠﻪ ﺑﺮﺿﻮ ﻳﺘﻨﺎﻗﺸﻮ ﻓﻲ ﻗﺪﺍﻣﻮ ﻓﻲ ﻣﻮﺿﻮﻉ
ﺍﻟﺘﻜﻠﻔﻪ ﻟﻤﻦ ﺗﻤﺎ ﻟﻬﻢ ﻭﺟﺎﺏ ﻟﻬﻢ ﺍﻟﺨﻀﺎﺭ ﻏﺎﻳﺘﻮ ﺧﺠﻠﻮﻧﻲ ﺧﺠﻞ ﺑﺲ ﺍﺻﻠﻲ ﻣﺎ
ﺍﺗﻜﻠﻤﺖ ﻳﻮﻡ ﺍﻟﺤﻨﻪ ﻟﺒﺴﺖ ﻓﺴﺘﺎﻥ ﻭﺭﺩﻱ ﻭﻣﻤﻜﻴﺠﻪ ﻭﻻﺑﺴﻪ ﺍﻟﺪﻫﺐ ﻣﻊ ﺍﻟﺤﻨﻪ
ﺣﺎﺟﻪ ﻓﻈﻴﻌﻪ ﻃﺒﻌﺎ ﺟﺎﺀ ﻋﺎﻣﺮ ﺍﻟﺮﻓﻀﻨﻲ ﺯﻣﺎﻥ ﺩﺍﻙ ﻭﻣﺎ ﻋﺮﻓﻨﻲ ﻟﻤﻦ ﺷﺎﻓﻨﻲ
ﺷﺎﻳﻠﻪ ﻭﻟﺪﻱ ﺳﻠﻢ ﻋﻠﻲ ﻭﺍﺗﻮﻧﺲ ﻣﻌﺎﻱ ﺗﺎﻧﻲ ﻣﺎ ﺭﻳﺤﻨﻲ ﻛﻞ ﻣﺎ ﻳﺸﻮﻓﻨﻲ ﻋﺎﻭﺯ
ﻳﺘﻜﻠﻢ ﻣﻌﺎﻱ ﻟﻤﻦ ﺑﺘﺠﻨﺒﻮ ﺟﺎﺀ ﻟﻘﺎﻧﻲ ﺑﺮﻗﺺ ﻭﺍﻟﻠﻪ ﺑﻘﻴﺘﻲ ﺣﻠﻮﻩ ﺷﺪﻳﺪ ﺑﻌﺪ
ﺍﻟﻌﺮﺱ : ﻛﻠﻚ ﺫﻭﻕ : ﺑﺎﻟﺠﺪ ﻭﺍﻟﻠﻪ ﺳﻜﺘﺖ ﻗﺎﻝ ﻟﻲ ﻟﻜﻦ ﺭﺍﺟﻠﻚ ﺩﺍ ﻣﺎ ﻛﺒﻴﺮ
ﻋﻠﻴﻚ ؟؟ ﻣﺮﺗﺎﺣﻪ ﻣﻌﺎﻩ ؟؟ ﺻﺮﻳﺖ ﻟﻪ ﻭﺷﻲ ﺍﻛﻴﺪ ﻣﺮﺗﺎﺣﻪ ﻣﺎﺍﻛﻮﻥ ﻣﺮﺗﺎﺣﻪ
ﻛﻴﻒ ﻭﺍﻧﺎ ﻣﻊ ﺍﻟﺸﺨﺺ ﺍﻻﺧﺘﺮﺗﻮ ﻭﺍﻟﺒﺤﺒﻮ ﻭﺍﺑﻮ ﻭﻟﺪﻱ : ﻻﻻ ﺗﻤﺎﻡ ﻃﻮﺍﻟﻲ
ﺯﺣﻴﺖ ﻣﻨﻮ ﻃﺒﻌﺎ ﻛﻨﺖ ﻭﺍﻗﻔﻪ ﻣﻊ ﺍﺧﻮﺍﺗﻲ ﻣﺸﻴﺖ ﻗﻌﺪﺕ ﻏﻀﺒﺖ ﻣﻨﻮ ﻏﻀﺐ
ﺍﻟﻌﻮﺍﻟﻴﻖ ﻭﻣﺎ ﻧﺎﺳﻴﻪ ﺍﻟﻌﻤﻠﻮ ﻣﻌﺎﻱ ﺯﻣﺎﻥ ﺩﻛﺘﻮﺭ ﺍﻟﻬﺎﺩﻱ ﻧﺎﺩﺍﻧﻲ ﻃﺒﻌﺎ ﻣﻤﺴﻜﻪ
ﻭﻟﺪﻱ ﻟﻤﺎﻣﺎ ﺗﻐﺮﻳﺪ ﻗﺎﻝ ﻟﻲ ﺷﻴﻠﻲ ﻭﻟﺪﻙ ﺩﺍ ﻭﺍﻗﻌﺪﻱ ﺧﻼﺹ : ﻣﺎ ﻫﺪﻱ ﻗﺎﻋﺪﻩ :
ﻣﺎ ﺗﻘﻮﻣﻲ ﺗﺎﻧﻲ : ﻓﻲ ﺷﻨﻮ ﺍﻫﺪﺍﺀ : ﻣﺎ ﺑﻬﺪﺍﺀ ﻭﻓﺴﺘﺎﻧﻚ ﺩﺍ ﺿﻴﻖ ﺍﻧﺎ ﻣﺎ ﺣﻤﻴﺘﻚ
ﻣﻦ ﺍﻟﻔﺴﺎﺗﻴﻦ ﺑﺲ ﺗﻠﺒﺴﻲ ﻭﺍﺳﻊ : ﻓﺴﺘﺎﻧﻲ ﻣﺎ ﺿﻴﻖ : ﻣﺎﺿﻴﻖ ﺷﻨﻮ ﻫﺪﺍ ﻣﻊ
ﺟﺴﻤﻚ ﻭﺍﻟﻨﺎﺱ ﻛﻠﻬﺎ ﺗﻌﺎﻳﻦ ﻓﻴﻚ ﻭﻻ ﻋﺎﺭﻓﻨﻚ ﻣﺘﺰﻭﺟﻪ ﺯﺍﺗﻮ ﺑﺤﺰﻣﺘﻚ ﺩﻱ :
ﺣﺎﺿﺮ ﺑﻜﺮﺍ ﺑﻠﺒﺲ ﺷﺒﺸﺐ ﻋﺸﺎﻥ ﻳﺸﻮﻓﻮ ﺍﻟﺤﻨﻪ : ﺳﻤﺮ ﻣﺎ ﺗﺴﺘﻬﺘﺮﻱ ﺑﻜﻼﻣﻲ :
ﻭﺍﻟﻠﻪ ﺍﻟﻌﻈﻴﻢ ﺟﺎﺩﻩ ﺍﻧﺎ ﺍﻟﻌﺎﻭﺯﻭ ﺍﻧﺖ ﻳﺤﺼﻞ ﺍﻧﺎ ﻃﺒﻌﺎ ﺧﻠﻴﺖ ﺍﻟﺤﻨﻪ ﻭﺍﻟﺪﺧﺎﻥ
ﻭﺍﻟﺠﻴﻬﺔ ﻣﻦ ﺑﻌﺪ ﺍﻟﻮﻻﺩﻩ ﻣﺎ ﺍﺗﺤﻨﻨﺖ ﺍﻻ ﻟﻠﻌﺮﺱ ﻭﻫﻮ ﻣﺘﻀﺎﻳﻖ ﻣﻦ ﺍﻟﺸﻲ ﺩﺍ
ﺑﺲ ﻣﺎ ﻗﺎﺩﺭ ﻳﻘﻮﻝ ﺍﻫﺎ ﻳﻮﻡ ﺍﻟﺰﻓﺎﻑ ﻟﺒﺴﺖ ﺗﻮﺏ ﺍﺳﻮﺩ ﺭﻫﻴﺐ ﻭﻋﺎﻣﻠﻪ ﺭﻭﺝ
ﻛﺒﺪﻱ ﻭﺷﺒﻂ ﻋﺎﺍﺍﻟﻲ ﻭﻋﻤﻠﺖ ﺧﺼﻠﻪ ﺑﻘﺪﺍﻡ ﺩﻛﺘﻮﺭ ﺍﻟﻬﺎﺩﻱ ﻋﻴﻨﻮ ﻣﺎ ﺷﺎﻻ ﻣﻨﻲ
ﺣﻘﻮ ﻧﻜﺴﺮ ﺣﻨﻚ ﺍﻟﺤﻔﻠﻪ ﺩﻱ ﻭﻧﻤﺸﻲ ﺑﻴﺘﻨﺎ ﻓﺎﺍﺍﺍﺍﺿﻲ ﻧﺰﻟﺖ ﺭﺍﺳﻲ ﻗﻌﺪ
ﻳﻀﺤﻚ ﻗﺎﻝ ﻟﻲ ﺍﺣﻠﻰ ﻣﺎ ﻓﻴﻚ ﺧﺠﻠﻚ ﺩﺍ ﺍﻟﻤﺸﻜﻠﻪ ﺍﻧﻮ ﻣﺎ ﺩﻛﺘﻮﺭ ﺍﻟﻬﺎﺩﻱ ﺑﺮﺍﻩ
ﺍﻟﻜﺎﻥ ﻣﺮﻛﺰ ﻣﻌﺎﻱ ﺣﺘﻰ ﻋﺎﻣﺮ ﻭﻟﻤﻦ ﺩﺧﻠﺖ ﺟﻮﺍ ﻋﺸﺎﻥ ﺍﺷﻮﻑ ﻣﻮﺿﻮﻉ
ﺍﻟﻌﺸﺎﺀ ﺟﺎﺀ ﻭﺭﺍﻱ ﻭﻭﻗﻔﻨﻲ ﻓﻲ ﺣﺘﻪ ﻣﻀﻠﻤﻪ
ﻋﺎﻣﺮ ؟؟ ﻋﺎﻭﺯ ﺷﻨﻮ : ﻋﺎﻭﺯﻙ ﻳﺎ ﺳﻤﺮ ﻭﻋﺎﺭﻑ ﺍﻧﻮ ﺍﻧﺘﻲ ﺑﺮﺿﻮ ﻋﺎﻭﺯﺍﻧﻲ
ﻣﺴﺘﺤﻴﻞ ﺗﻜﻮﻧﻲ ﻣﺮﺗﺎﺣﻪ ﻣﻊ ﺭﺍﺟﻠﻚ ﺍﻟﻌﺠﻮﺯ ﺩﺍ ﺍﻧﺎ ﺍﺻﻼ ﺍﻛﺒﺮ ﻏﻠﻂ ﻋﻤﻠﺘﻮ
ﺍﻧﻲ ﻓﺮﻃﺖ ﻓﻴﻚ ﻭﻋﺎﻭﺯ ﺍﺻﻠﺤﻮ : ﺍﻧﺖ ﺑﺘﺘﻜﻠﻢ ﻣﻌﺎﻱ ﻛﺪﺍ ﻛﻴﻒ ﻳﺎ ﺣﻴﻮﺍﻥ ﻳﺎ
ﺗﺎﻓﻪ ﻗﺮﺏ ﻣﻨﻲ ﻭﻗﺎﻝ ﻟﻲ ﻣﺎ ﺗﺨﺎﻓﻲ ﺍﻟﻤﻮﺿﻮﻉ ﺣﺎﻳﻜﻮﻥ ﺳﺮ ﺑﻴﻨﺎﺗﻨﺎ ﻧﺤﻦ
ﺍﻻﺗﻨﻴﻦ ﻣﺎﻓﻲ ﺯﻭﻝ ﺣﺎﻳﻌﺮﻑ ﺍﻧﺎ ﺣﺎﺍﻋﻮﺿﻚ ﻋﻦ ﺍﻟﺤﺐ ﻭﺍﻟﻨﻘﺺ ﺍﻟﻤﻌﻴﺸﻚ ﻓﻴﻪ
ﺍﻟﻌﺠﻮﺯ ﺭﺍﺟﻞ ﺍﻟﻤﺮﺍ ﺩﺍ ﻋﺎﺭﻑ ﺍﻧﻮ ﺍﻫﻠﻚ ﺟﺒﺮﻭﻙ ﻋﻠﻴﻪ ﻋﺸﺎﻥ ﺍﻟﻘﺮﻭﺵ ﻃﻮﺍﻟﻲ
ﺿﺮﺑﺘﻮ ﻛﻒ ﻭﺗﻔﻴﺖ ﻟﻪ ﻓﻲ ﻭﺷﻮ ﻭﻗﻌﺪﺕ ﺍﺷﺎﻛﻞ ﻓﻴﻪ ﺑﺼﻮﺕ ﻋﺎﻟﻲ ﺟﺎﺀ ﺍﺑﻮﻱ
ﻭﻣﻌﺎﻩ ﺩﻛﺘﻮﺭ ﺍﻟﻬﺎﺩﻱ ﺩﻛﺘﻮﺭ ﺍﻟﻬﺎﺩﻱ ﺩﺍ ﺿﺮﺑﻮ ﺿﺮﺏ ﻟﻤﻦ ﻛﺴﺮ ﻟﻪ ﺳﻨﻮ ﻭﻫﻮ
ﻛﻤﺎﻥ ﻋﺎﻭﺯ ﻳﺘﻀﺎﺭﺏ ﻭﻳﺘﺴﺪﺍ ﺍﻻ ﺍﻧﺎ ﻭﺍﺑﻮﻱ ﺣﺠﺰﻧﺎﻫﻢ ﺍﺑﻮﻱ ﻧﺒﺰ ﻋﺎﻣﺮ ﻭﻃﺮﺩﻭ
ﻃﺒﻌﺎ ﺩﻛﺘﻮﺭ ﺍﻟﻬﺎﺩﻱ ﺩﺍ ﺍﻭﻝ ﻣﺮﻩ ﻳﺘﺼﺮﻑ ﺑﺘﻬﻮﺭ ﻛﺪﺍ ﺍﻟﻐﻴﺮﻩ ﻛﺎﻧﺖ ﻣﺴﻴﻄﺮﻩ
ﻋﻠﻴﻪ ﺍﺑﻮﻱ ﻃﺒﻌﺎ ﺧﺎﻑ ﺷﺪﻳﺪ ﺧﺎﺻﺔ ﻟﻤﻦ ﺷﺎﻑ ﺩﻛﺘﻮﺭ ﺍﻟﻬﺎﺩﻱ ﺍﻧﻔﻌﻞ ﻭﺑﻌﺎﻳﻦ
ﻟﻲ ﺑﻐﻀﺐ ﺣﺲ ﺍﻧﻲ ﺧﺮﺑﺖ ﺑﻴﺘﻲ ﺧﻼﺹ ﻣﻦ ﻏﻴﺮ ﺳﺎﺑﻖ ﺍﻧﺰﺍﺭ ﺍﺩﺍﻧﻲ ﻛﻒ
ﻭﻟﻢ ﻓﻴﻨﻲ ﺿﺮﺏ ﻭﺷﻜﻞ ﻳﺎ ﻗﻠﻴﻠﺔ ﺍﺩﺏ ﺍﻟﺒﺨﻠﻴﻚ ﺗﻄﻠﻌﻲ ﻣﻦ ﻧﺺ ﺍﻟﻨﺎﺱ ﺷﻨﻮ
ﻋﺸﺎﻥ ﺍﻟﻮﺳﺦ ﺩﺍ ﻳﻘﻞ ﺍﺩﺑﻮ ﻋﻠﻴﻚ ﺍﻧﺎ ﺭﻏﻢ ﺍﻧﻲ ﺍﺗﻔﺎﺟﺄﺕ ﺑﺲ ﺩﻣﻌﻪ ﻣﺎ ﻧﺰﻟﺘﻬﺎ
ﻭﻻ ﻗﻠﺖ ﻟﻪ ﺑﺘﻌﻤﻞ ﻓﻲ ﺷﻨﻮ ﺩﻛﺘﻮﺭ ﺍﻟﻬﺎﺩﻱ ﺣﺠﺰﻧﻲ ﻣﻨﻮ ﺩﺍ ﺍﻟﻠﻪ ﻗﺪﺭﻙ ﻋﻠﻴﻪ
ﺗﻀﺮﺑﺎ ﻫﻲ ﻳﺎﺥ ﺩﻱ ﺷﻨﻮ ﺍﻟﻌﺎﻟﻢ ﺍﻟﻤﺎﻓﺎﻫﻤﻪ ﺩﻱ ﺳﺎﻗﻨﻲ ﻓﻲ ﻳﺪﻭ ﺭﻛﺒﻨﻲ ﺍﻟﻌﺮﺑﻴﻪ
ﻭﻣﺸﻰ ﺟﺎﺏ ﺗﻐﺮﻳﺪ ﻭﺣﻤﻮﺩﻱ ﻭﻫﻲ ﻣﺎ ﺟﺎﻳﺒﻪ ﺧﺒﺮ ﺍﻱ ﺯﻭﻝ ﺍﺳﺘﻐﺮﺏ ﻓﻴﻨﺎ
ﻭﻓﻲ ﻧﺎﺱ ﺳﻤﻌﻮ ﺍﻟﺠﻮﻃﻪ ﺑﺲ ﻣﺎ ﻋﺎﺭﻓﻴﻦ ﺍﻟﺤﺎﺻﻞ ﺷﻨﻮ ﺩﻛﺘﻮﺭ ﺍﻟﻬﺎﺩﻱ ﻛﺎﻥ
ﺳﺎﻳﻖ ﻭﺳﺎﻛﺖ ﻭﻣﺎﻣﺎ ﺗﻐﺮﻳﺪ ﺗﺴﺄﻝ ﻓﻴﻪ ﻗﺎﻝ ﻟﻪ ﺗﻐﺮﻳﺪ ﺍﻟﻠﻪ ﻳﺮﺿﻰ ﻋﻠﻴﻚ
ﺍﺳﻜﺘﻲ ﻣﻨﻲ ﻭﻟﻤﻦ ﻭﺻﻠﻨﺎ ﺟﺎﺀ ﻭﺭﺍﻱ ﺍﻟﻐﺮﻓﻪ ﺍﻧﺎ ﻗﻠﺖ ﺧﻼﺹ ﺍﻟﻠﻴﻠﻪ ﺣﺎﺍﻧﻀﺮﺏ
ﻭﺣﺎﺍﺗﻄﻠﻖ ﺍﺻﻠﻲ ﻣﺎ ﺍﺑﺪﻳﺖ ﺭﺩﺓ ﻓﻌﻞ ﻭﻻ ﺩﺍﻓﻌﺖ ﻋﻦ ﻧﻔﺴﻲ ﻣﻦ ﺩﺧﻞ ﻳﺸﺎﻛﻞ
ﻓﻴﻨﻲ ﺍﻧﻔﻌﻞ ﺷﺪﻳﺪ ﻟﻤﻦ ﺿﺮﺏ ﻟﻲ ﺍﻟﺘﺮﺑﻴﺰﻩ ﺑﺲ ﺳﺎﻋﺘﺎ ﺩﻣﻌﺘﻲ ﻧﺰﻟﺖ ﻗﻠﺖ ﻟﻪ
ﺑﺪﻝ ﻛﻼﻣﻚ ﺩﺍ ﺍﺿﺮﺑﻨﻲ ﺑﺲ ﺯﻱ ﻣﺎ ﻋﻤﻞ ﺍﺑﻮﻙ : ﺍﻧﺎ ﻣﺎ ﺍﻧﺴﺎﻥ ﺟﺎﻫﻞ ﻋﺸﺎﻥ
ﺍﻣﺪ ﻳﺪﻱ ﻋﻠﻰ ﻣﺮﺍ ﻭﻻ ﺑﺎﻃﻞ ﻋﺸﺎﻥ ﻳﺘﺤﺮﺷﻮ ﺑﻤﺮﺗﻲ ﻭﺍﺳﻜﺖ ﻭﻣﺎ ﺍﻭﺟﻬﺎ ﻫﻲ
ﺯﺍﺗﺎ ﻭﺍﻭﺭﻳﻬﺎ ﻏﻠﻄﺎ : ﺍﻧﺎ ﺍﻟﻘﻠﺖ ﻟﻪ ﺗﻌﺎﻝ ﺍﺗﺤﺮﺵ ﺑﻲ ؟؟ ﺑﺲ ﻓﺎﻟﺢ ﺗﺸﺎﻛﻠﻨﻲ
ﻋﺸﺎﻥ ﺳﺎﻛﺘﻪ ﻟﻚ ﻳﻌﻨﻲ ﻭﻻ ﺑﺘﺨﻠﻴﻨﻲ ﺍﺑﺮﺭ ﺯﺍﺗﻮ : ﺗﺒﺮﺭﻱ ﺷﻨﻮ ﺍﻧﺘﻲ ﺍﺻﻼ ﻟﻮ ﻣﺎ
ﺍﺩﻳﺘﻴﻪ ﻓﺮﺻﻪ ﻣﺎ ﻛﺎﻥ ﺍﺗﺠﺮﺍﺀ ﻋﻠﻴﻚ ﻛﺪﺍ : ﺍﺩﻳﺘﻮ ﻓﺮﺻﻪ ؟؟ ﻃﻮﺍﻟﻲ ﻗﻌﺪﺕ
ﺍﺑﻜﻲ ﺗﺎﻧﻲ ﻣﺎ ﻧﺎﻗﺸﺘﻮ ﺍﺻﻠﻲ ﻭﺯﻋﻼﻧﻪ ﻟﻤﻦ ﻗﻠﺒﻲ ﻭﺍﺟﻌﻨﻲ ﻣﺎﻣﺎ ﺗﻐﺮﻳﺪ ﺩﻗﺖ
ﺍﻟﺒﺎﺏ ﻃﻠﻊ ﺑﺮﺍ ﻫﺪﺗﻮ ﺷﻮﻳﻪ ﻭﺟﺎﺑﺖ ﻟﻲ ﻭﻟﺪﻱ ﺍﻧﺎ ﺍﺻﻠﻲ ﻣﺎ ﻭﻗﻔﺖ ﺑﻜﺎﺀ ﻟﻤﻦ
ﻧﻤﺖ ﺟﺎﺀ ﻟﻘﺎﻧﻲ ﻧﺎﻳﻤﻪ ﻓﻲ ﺍﻻﺭﺽ ﺟﻨﺐ ﺍﻟﺴﺮﻳﺮ ﻭﻭﻟﺪﻱ ﻧﺎﻳﻢ ﺑﺮﺿﻊ ﺭﻓﻌﻮ
ﺑﺮﺍﺣﻪ ﻭﺷﺎﻟﻨﻲ ﺧﺘﺎﻧﻲ ﻓﻲ ﺍﻟﺴﺮﻳﺮ ﻗﺎﻋﺪ ﻳﻄﻠﻊ ﻟﻲ ﻓﻲ ﺍﻟﺘﻮﺏ ﺻﺤﻴﺖ
ﻣﺨﻠﻮﻋﻪ ﻭﺻﺮﺧﺖ
ﺩﺍ ﺍﻧﺎ ﻳﺎﺑﺎﺑﺎ ﻟﻔﻴﺖ ﻭﺷﻲ ﻣﻨﻮ : ﺍﻗﻠﻌﻲ ﺍﻟﺘﻮﺏ ﻋﺸﺎﻥ ﺗﻨﻮﻣﻲ ﻃﻠﻌﺘﻮ ﻭﺭﻗﺪﺕ ﻫﻮ
ﺯﺍﺗﻮ ﺭﻗﺪ ﺟﻨﺒﻲ ﻭﺑﻤﺴﺢ ﻟﻲ ﻓﻲ ﺭﺍﺳﻲ ﺩﻣﻮﻋﻲ ﺗﺎﻧﻲ ﺟﺮﺕ ﻭﻫﻮ ﻓﻀﻞ ﻳﻌﻤﻞ
ﻓﻲ ﺍﻟﺤﺮﻛﻪ ﺩﻱ ﻟﻤﻦ ﻧﻤﺖ ﺍﻧﺎ ﺯﻋﻠﺖ ﺷﺪﻳﺪ ﻣﻦ ﺩﻛﺘﻮﺭ ﺍﻟﻬﺎﺩﻱ ﻭﻫﻮ ﺯﺗﻮ ﺷﻜﻠﻮ
ﻟﺴﻪ ﺯﻋﻼﻥ ﻭﻓﺎﺻﻠﻨﻲ ﻣﺎﻓﻲ ﺍﻻﻫﺘﻤﺎﻡ ﻻ ﻓﺼﻠﻨﻲ ﻛﺰﻭﺝ ﺑﺲ ﻛﺄﺏ ﻻ ﻣﺎﻓﻲ
ﺗﻐﻴﺮ ﻓﻲ ﺍﻟﻤﻌﺎﻣﻠﻪ ﺣﺘﻰ ﺍﻟﻮﻧﺴﻪ ﻭﺑﻘﻮﻝ ﻟﻲ ﻳﺎﺑﺎﺑﺎ ﻭﺑﻬﺎﻇﺮﻧﻲ ﻭﻛﻠﻮ ﻣﻤﻜﻦ ﻳﻘﻌﺪ
ﻣﻌﺎﻱ ﻳﻮﻧﺴﻨﻲ ﻻﺧﺮ ﺍﻟﻠﻴﻞ ﺑﺲ ﺑﺮﺟﻊ ﻳﺒﻴﺖ ﻋﻨﺪ ﻣﺎﻣﺎ ﺗﻐﺮﻳﺪ ﻫﻲ ﺯﺍﺗﺎ ﺗﻌﺒﺎﻧﻪ
ﺍﻟﻔﺘﺮﻩ ﻭﺍﻧﺎ ﺍﻻ ﻗﺎﻳﻤﻪ ﻋﻠﻴﻬﺎ ﺍﻻﻛﻞ ﺩﺍ ﺑﺄﻛﻼ ﻏﺼﺐ ﻭﺑﺴﺮﺡ ﻟﻬﺎ ﻭﺑﻤﺴﺤﺎ
ﻭﺑﻨﻀﻒ ﻟﻬﺎ ﻏﺮﻓﺘﺎ ﻭﺍﻃﺒﺦ ﻗﺎﻳﻤﻪ ﺑﺸﻐﻞ ﺍﻟﺒﻴﺖ ﻛﻠﻮ ﺑﺎﻻﺿﺎﻓﻪ ﻟﻮﻟﺪﻱ
ﻳﻮﻡ ﻓﺮﺡ ﻛﺎﻥ ﺑﺘﻬﺎﺑﻞ ﻭﻳﺘﻮﺍﻗﺢ ﻣﻌﺎﻱ ﻛﻌﺎﺩﺗﻮ ﻭﺍﻧﺎ ﺧﻼﺹ ﺯﻫﺠﺖ ﻣﺎ ﻋﺎﻭﺯﻩ
ﺍﺳﻤﻊ ﻛﻠﻤﻪ ﻭﻻ ﺍﺷﻮﻓﻮ ﻡ ﻣﺘﺤﻤﻼﻩ ﺧﺎﻟﺺ ﻭﻫﻮ ﻣﺼﺮ ﻳﺘﻜﻠﻢ ﻣﻌﺎﻱ ﻭﻣﺘﺎﺑﻌﻨﻲ
ﺟﺮﻳﺖ ﻣﻨﻮ ﻋﺪﻳﻞ ﻭﻫﻮ ﺟﺎﺭﻱ ﻭﺭﺍﻱ ﻭﺍﺷﺎﻛﻞ ﻓﻴﻪ ﻳﺎﺥ ﻃﻴﺮ ﻣﻨﻲ ﺍﻧﺖ ﻣﺎ
ﺑﺘﻔﻬﻢ ﻋﺎﻭﺯ ﻣﻨﻲ ﺷﻨﻮ : ﺍﻧﺘﻲ ﺧﺎﻳﻔﻪ ﻣﻦ ﺷﻨﻮ ﻣﺎ ﻋﺎﻭﺯ ﺍﻏﺘﺼﺒﻚ ﺍﻧﺎ ﺍﺑﺮﺩﻱ
ﻋﺎﻭﺯ ﺍﺗﻮﻧﺲ ﻣﻌﺎﻙ ﺯﻱ ﺯﻣﺎﻥ ﺑﻘﻴﺖ ﺟﺎﺭﻳﻪ ﻭﻫﻮ ﻭﺭﺍﻱ ﻓﺠﺎﺀﺓ ﺟﻴﺖ ﻭﺍﻗﻌﻪ
ﻛﻨﺖ ﻓﻲ ﺍﻟﺴﻠﻢ ﺍﺗﺪﺣﺮﺟﺖ ﻓﻴﻪ ﻷﺧﺮﻭ ﻭﺍﻟﺪﻡ ﺑﻘﻰ ﻣﺎﻟﻲ ﺍﻟﻤﻜﺎﻥ ﻛﻠﻮ ﺯﻱ
ﺍﻟﻀﺒﺤﻮ ﻓﻴﻪ ﺑﻬﻴﻤﻪ
يتبــــــــــــــــــــــــــــــــــــــــــــع..