رواية ما بين الصباح والمساء الفصل الثالث والعشرون 23 والأخير بقلم مشاعر مبعثره

رواية ما بين الصباح والمساء الفصل الثالث والعشرون 23 والأخير بقلم مشاعر مبعثره

ﺟﺮﻳﺖ ﻟﻪ ﺍﺑﻜﻲ ﻭﺟﺎﺀ ﺷﺎﻟﻮ ﻣﻌﺎﻱ ﻭﺩﻳﻨﺎﻩ ﺍﻟﻤﺴﺘﺸﻔﻰ ﺍﻧﺎ ﺍﻧﻬﺮﺕ ﺗﻤﺎﻣﺎ ﺍﺻﻠﻲ

ﻣﺎ ﻭﻗﻔﺖ ﺑﻜﺎﺀ ﺧﻼﺹ ﺩﻛﺘﻮﺭ ﺍﻟﻬﺎﺩﻱ ﺣﺎﻳﻔﻮﺗﻨﻲ ﺯﻱ ﻣﺎﻣﺎ ﺗﻐﺮﻳﺪ ﺍﻻﻓﺮﺡ ﺑﻬﺪﻱ

ﻓﻴﻨﻲ

ﻗﺎﻝ ﻳﺠﻴﺒﻮ ﻟﻪ ﺍﻻﻭﻻﺩ ﻳﺸﻮﻓﻬﻢ ﻣﺸﻰ ﻓﺮﺡ ﻭﺍﻧﺎ ﺍﻟﺪﻣﻮﻉ ﻣﺎ ﻭﻗﻔﺖ ﺍﻟﺪﻛﺘﻮﺭ

ﻗﺎﻝ ﻟﻲ ﺍﻟﺴﻜﺮﻱ ﻣﺮﺗﻔﻊ ﺷﺪﻳﺪ ﻣﺎ ﻗﺎﻋﺪﻩ ﺗﻬﺘﻤﻲ ﺑﺎﻛﻠﻮ : ﻭﺍﻟﻠﻪ ﺍﻟﻌﻈﻴﻢ ﺯﻱ ﻣﺎ

ﻭﺻﻴﺘﻨﻲ ﺳﻜﺮ ﺩﺍ ﻧﻬﺎﺋﻲ ﻣﺎ ﺑﻀﻴﻔﻮ ﻟﻪ ﺍﻱ ﺣﺎﺟﻪ ﻣﺴﻴﺨﻪ : ﻣﺎ ﺑﺎﻟﻀﺮﻭﺭﺓ ﺍﻟﺴﻜﺮ

ﺣﺘﻰ ﺍﻟﺰﻳﻮﺕ ﺩﻱ .... ﻗﺎﻃﻌﺘﻮ ﻭﺍﻟﻠﻪ ﺍﻟﻌﻈﻴﻢ ﺑﻌﻤﻞ ﺯﻱ ﻣﺎ ﺑﺘﻘﻮﻝ ﻟﻲ ﺍﺗﺬﻛﺮﺕ

ﺍﻧﻮ ﺍﻧﺎ ﺍﺧﺮ ﻓﺘﺮﻩ ﻣﺎ ﻛﻨﺖ ﻣﻌﺎﻩ ﻭﺍﻛﻴﺪ ﻣﺎ ﻣﻨﻈﻢ ﺍﻛﻠﻮ ﻭﺍﻧﻔﻌﺎﻻﺗﻮ ﻛﺘﺮﺕ ﺟﺎﺑﻮ

ﻟﻪ ﺍﻻﻭﻻﺩ ﻗﻠﺖ ﻟﻪ ﺍﻭﻋﺎ ﺗﻮﺻﻴﻨﻲ ﺍﻗﺴﻢ ﺑﺎﻟﻠﻪ ﺍﻟﻌﻈﻴﻢ ﺗﺎﻧﻲ ﺑﻌﻴﻨﻚ ﺩﻱ ﻣﺎ

ﺗﺸﻮﻓﻨﻲ ﺍﻧﺘﻲ ﻛﻮﻳﺲ ﻭﻣﺎ ﻓﻴﻚ ﺍﻱ ﺷﻲ : ﺍﻟﻌﻤﺮ :.... ﺍﻟﻌﻤﺮ ﺍﻟﻌﻤﺮ ﻫﻮ ﺍﻟﻀﺎﻣﻦ

ﻋﻤﺮﻭ ﺍﺣﺘﻤﺎﻝ ﺍﻧﺎ ﺍﻣﻮﺕ ﺍﺳﻲ ﺩﻱ ﻓﻲ ﻗﺪﺍﻣﻚ ﻻ ﺍﻟﺴﻦ ﺑﻘﺘﻞ ﻭﻻ ﺍﻟﻤﺮﺽ

ﺍﻟﻴﻮﻡ ﺑﺲ ﻭﻣﺎﻓﻲ ﺯﻭﻝ ﻋﺎﺭﻑ ﺍﻟﻴﻮﻡ ﺩﺍ ﻣﺘﻴﻦ

ﺩﻛﺘﻮﺭ ﺍﻟﻬﺎﺩﻱ ﺗﻌﺐ ﺷﺪﻳﺪ ﺍﻟﻔﺘﺮﻩ ﺩﻳﻚ ﺑﺲ ﺍﻟﺤﻤﺪﻟﻠﻪ ﺭﺑﻨﺎ ﺭﻓﻌﻮ ﻭﻗﺎﻡ ﻟﻴﻨﺎ

ﺑﺎﻟﺴﻼﻣﻪ ﺍﺻﻼ ﺍﻟﻤﺘﻌﺒﻮ ﺍﻟﻬﻢ ﻭﺍﻟﺤﺰﻥ ﻣﺎ ﺍﻟﻤﺮﺽ ﻣﺸﺘﺎﻕ ﻟﺮﻓﻴﻘﺔ ﻭﻋﻤﺮﻭ ﻭﻣﺎ

ﺑﻘﺪﺭ ﻳﻌﺒﺮ ﺑﺎﻟﺒﻜﺎﺀ ﺯﻳﻨﺎ ﻭﺍﻧﺎ ﺑﻘﻴﺖ ﺍﺳﺄﻝ ﻣﻦ ﺍﻟﻌﻼﺟﺎﺕ ﺍﻟﺒﻠﺪﻳﻪ ﻣﺎ ﺧﻠﻴﺖ ﺷﻲ

ﻣﺎ ﺟﺮﺑﺘﻮ ﻣﻌﺎﻩ ﻭﻫﻮ ﻟﻤﻦ ﻧﻔﺴﻴﺘﻮ ﺍﺗﺼﻠﺤﺖ ﺣﺘﻰ ﺍﻟﺴﻜﺮ ﺍﺗﻮﺍﺯﻥ ﻋﻨﺪﻭ ﻭﺑﻘﻰ

ﻫﻮ ﺯﺍﺗﻮ ﻳﺤﺮﺹ ﻋﻠﻰ ﻧﻔﺴﻮ ﺭﺟﻊ ﺩﻛﺘﻮﺭ ﺍﻟﻬﺎﺩﻱ ﺍﻟﺰﻣﺎﻥ ﺍﻟﻤﻠﻴﺎﻥ ﺑﺎﻟﺤﻴﻮﻳﻪ ﺑﻌﺪ

ﻣﺎﻛﺎﻥ ﺍﺗﺤﻮﻝ ﻟﻌﺠﻮﺯ ﺍﻟﺒﺸﻮﻓﻮ ﻳﻘﻮﻝ ﻋﻤﺮ ١٠٠ ﺳﻨﻪ ﻭﺳﺒﺤﺎﻥ ﺍﻟﻠﻪ ﻓﻲ ﻧﺎﺱ

ﻧﻔﻮﺳﺎ ﻣﺮﻳﻀﺎ ﻛﻠﻬﻢ ﺍﺗﻮﻗﻌﻮ ﻣﻮﺗﻮ ﻭﺑﻘﻮ ﻳﺘﻜﻠﻤﻮ ﻓﻴﻨﺎ ﺣﺘﻰ ﺩﺍﺧﻞ ﺍﻟﺒﻴﺖ

ﻭﺍﻟﺠﺎﻣﻌﻪ ﻭﺑﻘﻮﻟﻮ ﺍﻧﺎ ﻣﻠﻴﺘﻮ ﺍﻭﻻﺩ ﻋﺸﺎﻥ ﺍﺣﺼﻞ ﺛﺮﻭﺗﻮ ﻭﻫﻮ ﻋﻠﻰ ﻋﺘﺒﺔ ﺍﻟﻘﺒﺮ

ﻣﺎ ﻋﺎﺭﻓﻴﻦ ﺍﻧﻮ ﺛﺮﻭﺗﻲ ﺍﻟﻮﺣﻴﺪﻩ ﺣﻴﺎﺗﻮ ﻧﺰﻝ ﺷﻐﻞ ﻋﺎﺩﻱ ﺻﺤﺘﻮ ﺭﺟﻌﺖ ﻟﻪ

ﻭﻟﻮﻧﻮ ﻭﺍﻧﻴﻖ ﺯﻱ ﻣﺎ ﻣﺘﻌﻮﺩﻳﻦ ﻋﻠﻴﻪ ﺍﻟﻨﺎﺱ ﻟﻤﻦ ﺍﺳﺘﻐﺮﺑﻮ ﻓﻴﻪ ﻭﻓﻲ ﻭﺍﺣﺪﻳﻦ

ﺍﺷﺎﻋﻮ ﺧﺒﺮ ﻣﻮﺗﻮ ﻭﺍﺗﻔﺎﺟﺌﻮ ﺑﺎﻧﻮ ﺟﺎﻱ ﻭﻓﻲ ﺍﺗﻢ ﺍﻟﺼﺤﻪ ﺍﻧﺎ ﻣﺮﺍﺕ ﺑﻤﺸﻲ ﻣﻌﺎﻩ

ﺍﻟﺠﺎﻣﻌﻪ ﻭﺍﻓﻄﺮ ﻣﻌﺎﻩ ﻭﻣﺮﻩ ﺣﺮﺳﺘﻮ ﻟﻤﻦ ﺧﻠﺺ ﻃﻠﻌﺖ ﻣﻌﺎﻩ ﻗﺎﻝ ﻟﻲ ﺩﺍ ﻭﺣﻢ

ﻭﻻ ﺷﻨﻮ : ﻭﺍﻟﻠﻪ ﺷﻜﻠﻲ ﺍﺗﻮﺣﻤﺖ ﺑﻚ ﺍﻟﻤﺮﻩ ﺩﻱ : ﺍﻟﻠﻪ ﻳﺴﺘﺮ ﻣﺸﻴﻨﺎ ﺯﺭﻧﺎ ﻗﺒﺮ

ﻣﺎﻣﺎ ﺗﻐﺮﻳﺪ ﻭﺻﻠﻴﻨﺎ ﺍﻟﻤﻐﺮﺏ ﻗﺒﻠﻨﺎ ﺣﺘﻰ ﺭﺟﻌﻨﺎ ﺍﻟﺒﻴﺖ ﺧﻠﻴﺘﻮ ﺍﺳﺘﺤﻢ ﻭﻗﻌﺪ

ﻟﻤﻦ ﺻﻠﻰ ﺍﻟﻌﺸﺎﺀ ﺟﻴﻨﺎ ﺍﻧﺎ ﻭﺍﻻﻭﻻﺩ ﺻﺤﻴﻨﺎﻩ ﺑﺎﻟﺼﺮﺍﺥ ﻭﺻﻮﺕ ﺍﻟﺠﻬﺎﺯ ﻛﺎﻥ

ﻳﻮﻡ ﻋﻴﺪ ﻣﻴﻼﺩﻭ ﻭﻋﻤﻠﺖ ﻟﻪ ﻣﻔﺎﺟﺎﺓ ﺍﻧﺎ ﻭﺍﻻﻭﻻﺩ ﻫﻮ ﻣﻦ ﺍﻟﻔﺮﺡ ﻟﻤﻦ ﻋﻴﻮﻧﻮ

ﺩﻣﻌﺖ ﻭﺍﺣﺘﻔﻠﻨﺎ ﻭﺟﺒﻨﺎ ﻟﻪ ﺍﻟﻬﺪﺍﻳﺎ ﻭﻗﻄﻌﻨﺎ ﺍﻟﻜﻴﻚ ﻃﺒﻌﺎ ﺑﻨﻨﻮﻡ ﻣﻊ ﺍﻻﻭﻻﺩ ﻻﻧﻬﻢ

ﺑﺨﺎﻓﻮ ﺑﺮﺍﻫﻢ ﺑﻌﺪ ﻧﺎﻣﻮ ﻃﻠﻌﻨﺎ ﺑﺮﺍ ﻗﻌﺪﻧﺎ ﻓﻲ ﻛﻨﺒﺘﻨﺎ ﺑﻨﺤﻀﺮ ﺍﻧﺎ ﺭﻗﺪﺕ ﻓﻲ

ﺣﻀﻨﻮ ﻗﺎﻝ ﻟﻲ ﻟﻮ ﺟﺒﺘﻲ ﺑﻨﺖ ﺳﻤﻴﻬﺎ ﺗﻐﺮﻳﺪ : ﺍﻛﻴﺪ ﺍﻧﺸﺎﺀﺍﻟﻠﻪ : ﺭﺑﻨﺎ ﻳﻘﻮﻣﻚ ﻟﻴﻨﺎ

ﺑﺎﻟﺴﻼﻣﻪ

ﺍﻟﻔﻴﻠﻢ ﺍﻧﺘﻬﻰ ﻭﺍﻧﺎ ﻣﻜﺴﻠﻪ ﺍﻗﻮﻡ ﻗﺎﻝ ﻟﻲ ﻋﺎﻭﺯﺍﻧﻲ ﺍﺷﻴﻠﻚ ﺻﺎﺡ؟ : ﻳﺎﺭﻳﺖ : ﻭﻟﻮ

ﻣﺎﺷﻠﺘﻚ : ﺑﻨﻮﻡ ﻫﻨﺎ ﺑﺲ ﻃﻮﺍﻟﻲ ﻣﺴﻜﻨﻲ ﻣﻦ ﺧﺼﺮﻱ ﻭﻗﺮﺑﻨﻲ ﻟﻪ ﺷﺪﻳﺪ

ﻳﺎ ﺩﻛﺘﻮﺭ ﺍﻻﻭﻻﺩ ﺩﻳﻞ : ﺍﻻﻭﻻﺩ ﻧﺎﻣﻮ ﻣﻦ ﻗﺒﻴﻞ : ﻣﺎ ﻣﻌﺮﻭﻑ ﺑﺮﺿﻮ ﻳﻘﻮﻡ ﻭﺍﺣﺪ

ﻳﺼﺤﻰ ﻳﺠﻲ : ﻋﻠﻰ ﻗﻮﻟﻚ ﺷﻔﻊ ﺍﻟﺰﻣﻦ ﺩﻳﻞ ﺗﻬﺪﻳﺪ ﻋﺪﻳﻞ ﻣﺸﻴﻨﺎ ﻏﺮﻓﺔ ﻣﺎﻣﺎ

ﺗﻐﺮﻳﺪ ﻭﺩﺍ ﺍﻟﻄﺒﻴﻌﻲ ﻋﻨﺪﻧﺎ ﺑﻨﻄﻠﻊ ﻟﻬﻢ ﻣﻦ ﺍﻟﻐﺮﻓﻪ ﻟﻤﻦ ﻳﻨﻮﻣﻮ ﻭﻧﺮﺟﻊ ﺗﺎﻧﻲ

ﻧﻨﻮﻡ ﻣﻌﺎﻫﻢ ﻻﻧﻬﻢ ﻟﺴﻪ ﺻﻐﺎﺭ ﻭﺍﻧﺎ ﻣﺎ ﻋﺎﻭﺯﻩ ﺍﻟﺤﺼﻞ ﻟﻲ ﻳﺘﻜﺮﺭ ﻣﻌﺎﻫﻢ

ﻭﻳﻄﻠﻌﻮ ﺧﻮﺍﻓﻴﻦ ﺑﻨﻮﻣﻬﻢ ﻓﻲ ﺣﻀﻨﻲ ﻟﻤﻦ ﻳﻜﺒﺮﻭ ﺍﻧﺸﺎﺀﺍﻟﻠﻪ ﻳﻤﺸﻮ ﻏﺮﻓﻬﻢ

ﻛﻨﺎ ﻣﺨﻄﻄﻴﻦ ﻧﻌﻤﻞ ﻟﻢ ﺷﻤﻞ ﺍﻟﺪﻓﻌﻪ ﻛﻠﻬﺎ ﻣﻦ ﺳﻨﻪ ﺗﻘﺮﻳﺒﺎ ﻭﻣﻊ ﻇﺮﻭﻑ ﺍﻟﺤﻴﺎﺓ

ﻭﺍﻟﻤﺸﺎﻏﻞ ﺍﻟﻤﻮﺿﻮﻉ ﺟﺮﺍ ﺑﺲ ﺍﺗﻮﺍﺻﻠﻨﺎ ﻣﻊ ﺍﻛﺒﺮ ﻋﺪﺩ ﻣﻨﻬﻢ ﻭﺣﺪﺩﻧﺎ ﺍﻟﻴﻮﻡ ﺍﻧﺎ

ﺑﻜﺮﺷﺘﻲ ﺟﻴﺖ ﻭﻣﻌﺎﻧﺎ ﻓﺮﺡ ﻭﻫﺎﻟﻪ ﻭﺟﺰﺀ ﻣﻦ ﺩﻓﻌﺘﻬﻢ ﻟﻤﻦ ﺷﻔﺖ ﺍﺻﺤﺎﺑﻲ

ﻭﺷﻠﺘﻲ ﺑﺘﺎﻋﺔ ﺍﻟﺠﺎﻣﻌﻪ ﺣﺴﻴﺖ ﻗﺪﺭ ﺷﻨﻮ ﺍﻟﺪﻧﻴﺎ ﺩﻱ ﺩﻭﺍﺭﻩ ﻭﺻﻐﻴﺮﻩ ﻓﻲ ﻧﻔﺲ

ﺍﻟﻠﺤﻈﻪ ﻧﺤﻦ ﻓﻲ ﺍﻟﻤﺴﺎﺣﻪ ﺍﻟﺼﻐﻴﺮﻩ ﺩﻱ ﻛﻨﺎ ﻛﻞ ﻳﻮﻡ ﺑﻨﺘﻼﻗﻰ ﻣﻊ ﺑﻌﺾ ﺑﻨﺎﻛﻞ

ﻭﻧﻘﺮﺍ ﻭﻧﺘﻮﻧﺲ ﻭﻧﻬﻈﺮ ﻣﻊ ﺑﻌﺾ ﻧﺰﻋﻞ ﻭﻧﺮﺍﺿﻲ ﺑﻌﺾ ﺍﺗﺬﻛﺮﺕ ﻛﻞ ﻣﻮﺍﻗﻔﻨﺎ

ﺍﻟﻘﺪﻳﻤﻪ ﻓﻲ ﻛﻞ ﺍﺭﻛﺎﻥ ﺍﻟﺠﺎﻣﻌﻪ ﻣﻦ ﺍﻳﺎﻡ ﻛﻨﺖ ﺍﻗﻞ ﻣﻨﻬﻢ ﺑﻀﺤﻜﻬﻢ ﺑﻘﺼﺼﻲ

ﻭﻫﻢ ﻳﻘﻮﻟﻮ ﻛﺬﺏ ﺍﺗﺬﻛﺮﺕ ﻟﻤﻦ ﺳﺮﻗﻮ ﺗﻠﻔﻮﻧﻲ ﻭﺳﻜﻴﺖ ﺍﻟﺤﺮﺍﻣﻲ ﺍﺗﺬﻛﺮﺕ ﺍﻭﻝ

ﻣﺮﻩ ﺷﻔﺖ ﺩﻛﺘﻮﺭ ﺍﻟﻬﺎﺩﻱ ﻭﻟﻤﻦ ﻧﺎﺩﺍﻧﻲ ﻣﻜﺘﺒﻮ ﻣﻮﺍﻗﻒ ﻛﺘﻴﺮﻩ ﻣﺎ ﺑﺘﺘﻤﺤﻲ ﻣﻦ

ﺍﻟﺒﺎﻝ ﻭﻣﻊ ﺍﻟﺸﻠﻪ ﺧﺎﺻﻪ ﻛﻨﺎ ﺯﻱ ﺍﻻﺧﻮﺍﻥ ﻓﻲ ﺣﻮﺵ ﺍﻟﺠﺎﻣﻌﻪ ﻭﺑﻘﻴﻨﺎ ﺣﺘﻰ

ﺍﺧﺒﺎﺭ ﺑﻌﺾ ﻣﺎ ﻋﺎﺭﻓﻨﻬﺎ ﻫﺎﻟﻪ ﺟﺎﺕ ﺣﺎﻣﻞ ﺑﺮﺿﻮ ﻭﻧﻬﻰ ﻋﻨﺪﻫﺎ ﺑﻨﺖ ﺧﺎﻟﺪ

ﻳﺪﺍﺏ ﻋﺮﻳﺲ ﺟﺎﻧﺎ ﺑﻤﺮﺗﻮ ﻓﻲ ﻭﺍﺣﺪﻳﻦ ﻣﺎ ﺍﺗﺰﻭﺟﻮ ﻟﺴﻪ ﻭﻭﺍﺣﺪﻳﻦ ﺍﻟﺪﻧﻴﺎ

ﻏﺮﻳﺘﻬﻢ ﻭﺍﻟﺪﻧﻴﺎ ﺷﺎﻟﺘﻬﻢ ﻓﻲ ﺍﻟﺒﻘﻮ ﺍﺻﺤﺎﺏ ﺍﻋﻤﻞ ﺣﺮﻩ ﻭﻓﻲ ﺭﺑﺎﺕ ﻣﻨﺎﺯﻝ

ﻭﻣﻮﻇﻔﻴﻦ ﻭﺗﺠﺎﺭ ﻳﻌﻨﻲ ﻛﺎﻧﻮ ﻣﺠﺘﻤﻊ ﺑﺤﺎﻟﻮ ﺍﺗﻮﺍﺟﺪ ﻓﻲ ﺣﺘﻪ ﺿﻴﻘﻪ ﻧﻔﺲ

ﺍﻟﺤﺘﻪ ﺍﻟﻜﺎﻧﺖ ﺑﺘﺠﻤﻌﻢ ﺯﻣﺎﻥ ﺑﺄﺣﻼﻣﻬﻢ ﺍﻟﻜﺒﻴﺮﻩ ﻭﺷﺎﻳﻔﻴﻦ ﺍﻟﺠﺎﻣﻌﻪ ﺩﻱ ﻛﺒﻴﺮﻩ

ﻋﻠﻴﻬﻢ ﻣﺮﺣﻠﺔ ﺍﻟﺠﺎﻣﻌﻪ ﺩﻱ ﻣﺎﻓﻲ ﺍﺣﻠﻰ ﻭﻻ ﺍﻫﻢ ﻣﻨﻬﺎ ﺍﻧﺎ ﺑﻌﺘﺒﺮﺍ ﻣﻘﻴﺎﺱ ﺍﻭ

ﻣﺮﺟﻊ ﻟﻼﻧﺴﺎﻥ ﻟﻤﻦ ﻳﺠﻲ ﻳﻌﻤﻞ ﺍﻱ ﺣﺎﺟﻪ ﻓﻴﻬﺎ ﺑﺘﺘﺤﺪﺩ ﺷﺨﺼﻴﺘﻮ ﻭﺑﺘﻜﻮﻥ

ﺍﻧﻄﻼﻗﺘﻮ ﺍﻟﺤﻘﻴﻘﻴﻪ ﻭﺍﻟﺘﺤﺎﻗﻮ ﺑﻘﻄﺎﺭ ﺍﻟﺤﻴﺎﺓ ﻭﺍﻟﻤﺴﺆﻭﻟﻴﺎﺕ ﺍﻟﻤﻬﻢ ﻗﻀﻴﻨﺎ ﻭﻗﺖ

ﺣﻠﻮ ﻭﺍﻟﻴﻮﻡ ﻣﺎ ﻛﻔﻰ ﻟﺤﻜﺎﻭﻳﻨﺎ ﻋﻤﻠﻨﺎ ﺷﻬﺎﺩﻩ ﺗﻘﺪﻳﺮﻳﻪ ﻟﺪﻛﺘﻮﺭ ﺍﻟﻬﺎﺩﻱ

ﻭﻣﺠﻤﻮﻋﻪ ﻣﻦ ﺩﻛﺎﺗﺮﺗﻨﺎ ﻭﺟﺒﻨﺎ ﻫﺪﺍﻳﺎ ﺍﻣﻜﻦ ﺩﻛﺘﻮﺭ ﺍﻟﻬﺎﺩﻱ ﻣﺤﺘﺎﺭ ﻳﺨﺘﻬﺎ ﻭﻳﻦ

ﻭﻋﻤﻠﻨﺎ ﺷﻴﺮ ﻛﻠﻨﺎ ﻋﺸﺎﻥ ﻧﺒﻨﻲ ﻗﺎﻋﻪ ﺑﺎﺍﺳﻢ ﺩﻓﻌﺘﻨﺎ ﺍﻧﺎ ﻋﺰﻣﺖ ﻧﻬﻰ ﻭﺧﺎﻟﺪ ﺟﻮ

ﺍﺗﻌﺸﻮ ﻣﻌﺎﻧﺎ ﻭﻫﺎﻟﻪ ﺟﺎﺕ ﻣﻊ ﺯﻭﺟﻬﺎ ﻛﺎﻧﻮ ﺑﺘﻮﻧﺴﻮ ﻭﻳﺴﺘﺤﻀﺮﻭ ﺍﻟﺬﻛﺮﻳﺎﺕ ﻭﺍﻧﺎ

ﺑﺲ ﻣﻊ ﺍﻟﺸﻔﻊ ﺍﻛﻮﺭﻙ ﻭﻫﻢ ﺷﺎﻳﻠﻴﻦ ﺍﻟﺒﻴﺖ ﻓﻲ ﺭﺍﺳﻬﻢ ﻭﻛﻞ ﻣﺎ ﻳﺸﻮﻓﻮ ﺿﻴﻒ

ﻳﻌﻤﻠﻮ ﻟﻲ ﻛﺪﺍ ﻣﺎ ﺑﺴﻤﻌﻮ ﺍﻟﻜﻼﻡ ﺧﺎﻟﺺ ﻭﺧﺎﻟﺪ ﻳﻀﺤﻚ ﺳﺎﻱ ﻗﺎﻝ ﻟﻲ ﻭﺍﻟﻠﻪ

ﺍﺻﻠﻮ ﻣﺎ ﺍﺗﻮﻗﻌﺖ ﺍﺷﻮﻓﻚ ﻛﺪﺍ ﻓﻲ ﻳﻮﻡ ﻣﻦ ﺍﻻﻳﺎﻡ ﻳﻤﻬﻞ ﻭﻻ ﻳﻬﻤﻞ : ﻛﻠﻮ

ﺭﺍﺟﻴﻚ ﺍﺳﺘﻨﻰ ﺑﺲ ﻃﺒﻌﺎ ﻓﺮﺡ ﺣﺎﺑﻲ ﻟﻪ ﺑﺮﻭﻟﻤﻪ ﺟﺎﺑﺎ ﻣﻌﺎﻩ ﻭﻓﻲ ﺍﻟﺠﺎﻣﻌﻪ ﻛﺎﻧﻮ

ﻣﻄﺮﻓﻴﻦ ﺿﺎﺭﺑﻴﻦ ﺍﻟﺤﻨﻚ ﻭﻟﻤﻦ ﺭﺟﻌﻨﺎ ﺍﻟﺒﻴﺖ ﺑﺎﻟﺘﻠﻔﻮﻥ ﻟﻤﻦ ﺷﻐﻠﻨﺎﻫﺎ ﻟﻪ ﻗﺎﻝ

ﻫﻮ ﺟﺎﺩﻱ ﺍﻟﻤﻬﻢ ﺧﺘﻤﻨﺎ ﺍﻟﻴﻮﻡ ﺑﺼﻮﺭﻩ ﺟﻤﺎﻋﻴﻪ ﻭﻭﺩﻋﻨﺎﻫﻢ ﺑﺲ ﻣﺎ ﻛﺎﻥ ﺍﻟﺨﺘﺎﻡ

ﺑﺎﻟﻨﺴﺒﻪ ﻟﻲ ﺍﻧﺎ ﺑﻄﻨﻲ ﻭﺟﻌﺘﻨﻲ ﻧﺺ ﺍﻟﻠﻴﻞ ﻭﻗﺮﺑﺖ ﺍﺻﺮﺥ ﺑﺲ ﻭﻳﻦ ﻛﺒﺮﻧﺎ ﻋﻠﻰ

ﺍﻟﻜﻼﻡ ﺩﺍ ﻭﺧﺠﻼﻧﻪ ﻣﻦ ﺍﻻﻭﻻﺩ ﺻﺤﻴﺖ ﺩﻛﺘﻮﺭ ﺍﻟﻬﺎﺩﻱ ﻭﺩﻣﻮﻋﻲ ﻣﻄﺮ ﻭﺩﺍﻧﻲ

ﺍﻟﻤﺴﺘﺸﻔﻰ ﻭﻟﺪﺕ ﻃﺒﻴﻌﻲ ﻟﺤﻈﺔ ﺍﻟﻮﻻﺩﻩ ﺩﻱ ﺍﺗﺬﻛﺮﺕ ﻣﺎﻣﺎ ﺗﻐﺮﻳﺪ ﺍﻭﻝ ﻣﺮﻩ

ﺍﻟﺪﻱ ﻣﻦ ﻏﻴﺮﺍ ﺑﻘﻴﺖ ﺍﺗﺨﻴﻼ ﻭﺧﻼﺹ ﺍﺗﻮﻗﻌﺖ ﺍﻧﻲ ﻻﺣﻘﺎﻫﺎ ﻗﻌﺪﺕ ﺍﻭﺻﻲ

ﻓﻲ ﺩﻛﺘﻮﺭ ﺍﻟﻬﺎﺩﻱ ﻟﻤﻦ ﻫﺒﻂ ﺍﺳﻌﻔﻮﻩ ﻭﻫﻮ ﺍﻓﺘﻜﺮﻧﻲ ﻣﺘﺖ ﻓﻲ ﺍﻟﻮﻻﺩﻩ ﺑﻘﻰ ﺯﻱ

ﺍﻟﻤﺠﻨﻮﻥ ﻭﺍﻗﻒ ﻣﺘﺨﺸﺐ ﻭﻻ ﺑﺮﻣﺶ ﺯﺍﺗﻮ ﺍﻻ ﺑﻌﺪ ﻃﻠﻌﻮﻧﻲ ﻗﻤﺖ ﻋﺪﻳﻞ

ﻣﺸﻴﺖ ﻟﻪ ﺣﺘﻰ ﻗﻠﺒﻮ ﺍﺗﻄﻤﻦ ﻟﺤﻈﺎﺕ ﺗﺤﺒﺲ ﺍﻻﻧﻔﺎﺱ ﻛﻠﻨﺎ ﻣﺮﻳﻨﺎ ﺑﻬﺎ ﺍﻟﻮﺍﺣﺪ

ﺑﻔﻘﺪ ﻓﻴﻬﺎ ﺍﻟﻤﻨﻄﻖ ﺍﻻ ﺍﻟﺮﺑﻨﺎ ﺑﺜﺒﺘﻮ ﺗﻮﻗﻌﻮ ﺍﻟﻤﻮﺕ ﻗﺎﺗﻞ ﻭﺍﻣﺮ ﻣﻦ ﺍﻟﻤﻮﺕ ﻧﻔﺴﻮ

ﻗﻠﺖ ﻟﻪ ﺑﻄﻞ ﺗﺨﺎﻑ ﻋﻠﻲ ﻛﺪﺍ : ﺷﺎﻳﻒ ﺩﺍ ﻧﺺ ﺍﻟﺒﺘﻌﻤﻠﻮ ﻣﻌﺎﻱ ﻟﻮ ﺟﺎﻙ ﺻﺪﺍﻉ

ﺗﻘﻌﺪ ﺗﻮﺻﻲ ﻓﻴﻨﻲ ﻭﺩﺧﻠﻨﻲ ﻓﻲ ﺍﻟﺤﺎﻟﻪ ﺩﻳﻚ : ﺣﻘﻚ ﻋﻠﻲ ﺍﻟﻤﺮﻩ ﺍﻟﺠﺎﻳﻪ :

ﺷﻨﻮ : ﺑﻤﻮﺕ ﻓﻲ ﺻﻤﺖ ﺣﻤﺮﺕ ﻟﻪ ﻗﻌﺪ ﻳﻀﺤﻚ ﺑﻬﺎﻇﺮﻙ ﻳﺎ ﺑﺎﺑﺎ ﻭﺑﺎﺱ ﺭﺍﺳﻲ

ﺟﺒﺖ ﺑﻨﺖ ﻭﺳﻤﻴﺘﺎ ﺗﻐﺮﻳﺪ ﻛﻞ ﺍﻟﻨﺎﺱ ﺑﺘﺤﺒﻬﺎ ﻭﺑﺘﺬﻛﺮﻫﻢ ﺑﻬﺎ

ﻧﺒﺮﺍﺱ ﺍﺧﺘﻲ ﻃﺒﻌﺎ ﻣﺎ ﺑﻄﻠﺖ ﺍﻣﻮﺭﺍ ﻟﺤﺪﻱ ﻣﺎ ﺍﺑﻮﻱ ﻳﻮﻡ ﺯﺭﺍﻫﺎ ﻣﻊ ﻭﻟﺪ

ﺍﻟﺠﻴﺮﺍﻥ ﻭﻋﻘﺪ ﻟﻪ ﻋﻠﻴﻬﺎ ﻏﺼﺒﺎ ﻋﻨﻬﺎ ﻭﻋﻨﻮ ﺳﻜﻨﺖ ﻣﻌﺎﻫﻢ ﻓﻲ ﺍﻟﺒﻴﺖ ﻻﻧﻮ

ﺍﻟﻮﻟﺪ ﻳﺪﺍﺏ ﺑﻜﻮﻥ ﻓﻲ ﻧﻔﺴﻮ ﻣﺜﺎﻧﻲ ﻟﺴﻪ ﺟﺎﺭﻳﻪ ﻓﻲ ﺩﺭﺏ ﺍﻟﻮﻻﺩﻩ ﻣﻊ ﺍﻧﻮ ﺑﻘﻰ

ﻋﻨﺪﻫﺎ ﺍﺗﻨﻴﻦ ﺑﺘﻘﻮﻝ ﺍﻟﺤﺒﻮﺏ ﻋﻘﺮﻧﻬﺎ

ﺍﺑﻮﻱ ﺟﺎﻩ ﺯﻱ ﺧﺮﻑ ﻛﺪﺍ ﻭﺑﺘﻜﻠﻢ ﻛﺘﻴﻴﺮ ﺑﻀﺤﻜﻨﺎ ﻭﻳﺤﻜﻲ ﻟﻴﻨﺎ ﻋﻦ ﺷﺒﺎﺑﻮ

ﺍﻭﻻﺩﻱ ﺑﺤﺒﻮ ﻳﻘﻌﺪﻭ ﻣﻌﺎﻩ ﻭﻫﻮ ﺑﺤﺒﻬﻢ ﺷﺪﻳﺪ ﻭﺑﺪﻳﻬﻢ ﺍﻟﺒﻠﺢ ﺍﻟﺒﻴﺖ ﻣﺎ ﺑﺨﻠﻮ

ﻣﻦ ﺍﻟﺒﻠﺢ ﻧﻬﺎﺋﻲ ﺑﺨﻠﻴﻪ ﺟﻨﺒﻮ ﺍﻱ ﺯﻭﻝ ﻳﺠﻲ ﺑﺪﻳﻪ ﻓﻲ ﻳﺪﻭ ﻭﺑﺪﻳﻨﻲ ﺍﻧﺎ ﻧﺼﻴﺐ

ﺩﻛﺘﻮﺭ ﺍﻟﻬﺎﺩﻱ ﻓﻲ ﻳﺪﻱ ﻳﻘﻮﻝ ﻟﻲ ﺍﻭﻋﺎ ﺗﺎﻛﻠﻲ ﻣﻨﻮ ﻭﺑﺴﺄﻟﻨﻲ ﻣﻦ ﻣﺎﻣﺎ ﺗﻐﺮﻳﺪ

ﻧﺴﻰ ﺍﻧﻬﺎ ﺍﺗﻮﻓﺖ ﻭﺍﻣﻲ ﺩﻱ ﻋﺎﺩ ﺑﻘﺖ ﺗﺎﺟﺮﻩ ﻣﺎﻓﺎﺿﻴﻪ ﻟﺰﻭﻝ ﺑﺘﺤﺐ ﺗﻐﺮﻳﺪ

ﺑﻨﺘﻲ ﺷﺪﻳﺪ ﻭﻣﺮﺍﺕ ﺑﺘﺼﺮ ﺗﺨﻠﻴﻬﺎ ﻣﻌﺎﻫﺎ ﻭﻫﻲ ﺑﺘﺮﺿﻊ ﺍﻻ ﺍﺿﻄﺮ ﺍﻧﺎ ﺍﺑﻴﺖ

ﻭﺍﻟﻠﻪ ﺩﺍ ﻣﺎ ﻛﻼﻡ ﻳﺎ ﻣﺮﺍ ﻛﻞ ﺍﺳﺒﻮﻉ ﺑﺎﻳﺘﻪ ﻋﻨﺪ ﺍﻫﻠﻚ ﻳﻮﻣﻴﻦ ﻭﺛﻼﺛﻪ ﻫﺎﻣﻠﻪ

ﺭﺍﺟﻠﻚ ﻭﺑﻴﺘﻚ : ﺭﺍﺟﻠﻲ ﻣﺎﻟﻮ : ﻣﺸﺘﺎﻕ ﻭﺍﻟﻠﻪ ﺍﻟﻌﻈﻴﻢ : ﻣﺎ ﺑﺼﺪﻕ : ﻭﻟﻮ ﺍﺳﻲ

ﺭﻛﺒﺖ ﺭﺍﺱ ﻭﺟﻴﺖ ﺳﻘﺘﻚ ﻣﻦ ﺑﻴﺘﻜﻢ ﺣﺎﺗﻌﻤﻠﻲ ﺷﻨﻮ : ﻣﺎ ﺣﺎﺗﻌﻤﻼ : ﻃﻴﺐ ﺍﻧﺎ

ﺣﺎﻟﻴﺎ ﻓﻲ ﺍﻟﺒﺎﺏ : ﻻ : ﺗﻌﺎﻟﻲ ﺷﻮﻓﻲ ﻗﻤﺖ ﺟﺎﺭﻳﻪ ﻛﺮﻋﻠﻲ ﺩﻱ ﻓﻀﻴﺤﻪ ﻭﺍﻟﻠﻪ

ﺍﻣﻲ ﻭﺍﺑﻮﻱ ﻳﻘﻮﻟﻮ ﻋﻠﻴﻨﺎ ﺷﻨﻮ ﻓﺘﺤﺖ ﺍﻟﺒﺎﺏ ﻟﻘﻴﺖ ﺍﻟﻌﺮﺑﻴﻪ ﻭﺍﻗﻔﻪ ﻓﻌﻼ ﺑﺲ

ﻃﻠﻊ ﻣﻨﻬﺎ ﺍﻟﺴﻮﺍﻕ ﺍﺩﺍﻧﻲ ﻣﺼﺎﺭﻳﻒ ﻭﺣﺎﺟﺎﺕ ﻗﻌﺪﺕ ﺍﺿﺤﻚ ﺍﺗﺼﻞ ﺑﻲ

ﺑﺘﺒﺎﻟﻎ ﺍﻗﺴﻢ ﺑﺎﻟﻠﻪ : ﺍﻧﺘﻲ ﺍﻟﺨﻮﺍﻓﻪ ﺯﻳﺎﺩﻩ ﻭﻓﻬﻚ ﻭﺳﺨﺎﻥ ﻣﺘﺨﻴﻠﻪ ﺍﻧﻮ ﺍﻧﺎ ﻣﻤﻜﻦ

ﺍﻋﻤﻞ ﻛﺪﺍ : ﺍﻟﺨﺮﻑ ﺑﻌﻤﻞ ﺍﻛﺘﺮ : ﺍﻫﺎ ﻳﺎ ﺑﻨﺖ ﺍﻝ١٧ ﺳﻨﻪ ﻗﻌﺪﺕ ﺍﺿﺤﻚ ﻗﺎﻝ ﻟﻲ

ﺳﻤﺮ ﻋﻠﻴﻚ ﺍﻟﻠﻪ ﻣﺎ ﺗﺘﺄﺧﺮﻱ ﻋﻠﻲ ﻳﻮﻡ ﺍﻟﺠﻤﻌﻪ ﻳﻌﻨﻲ ﺍﻟﺠﻤﻌﻪ ﻭﺍﻟﻠﻴﻠﻪ ﺍﻟﺜﻼﺛﺎﺀ

ﻣﻨﺘﻈﺮﻙ ﺍﺷﺘﻘﺖ ﻟﺘﻐﺮﻳﺪ ﻭﺁﻟﻠﻪ ﺍﻧﺎ ﻣﺸﻴﺖ ﻓﻲ ﺳﺎﻋﺘﻲ ﺍﺗﺤﻨﻨﺖ ﻭﺍﺗﺪﺧﻨﺖ

ﻭﺗﺎﻧﻲ ﻳﻮﻡ ﻣﻦ ﺷﺮﺑﺖ ﺍﻟﺸﺎﻱ ﺳﻘﺖ ﺍﻻﻭﻻﺩ ﻭﻣﺸﻴﺖ ﻟﻘﻴﺘﻮ ﻣﺸﻰ ﺍﻟﺠﺎﻣﻌﻪ

ﻟﻤﻦ ﺭﺟﻊ ﻟﻘﺎﻧﻲ ﻗﺎﺍﺍﺍﻋﺪﻩ ﻣﻨﺘﻈﺮﺍﻩ ﻟﻤﻦ ﺍﻧﺨﻠﻊ ﻃﻮﺍﻟﻲ ﺣﻀﻨﻲ ﻗﻠﺖ ﻟﻪ ﺍﻟﻬﺎﺩﻱ

ﻻ ﺍﻻﻭﻻﺩ ﻗﺎﻋﺪﻳﻦ ﺣﻚ ﺭﺍﺳﻮ ﻭﻗﺎﻝ ﻟﻴﻨﺎ ﺟﻴﺘﻮ ﻣﺘﻴﻦ ﺩﻱ ﺷﻨﻮ ﺍﻟﻤﻔﺎﺟﺄﺕ

ﺍﻟﺤﻠﻮﻩ ﺩﻱ ﺟﻮ ﺣﻀﻨﻮﻩ ﻗﺎﻝ ﻟﻲ ﻓﻲ ﺍﺿﺎﻧﻲ ﺩﻳﻞ ﻳﻜﺒﺮﻭ ﻣﺘﻴﻦ ﻭﻳﺮﻳﺤﻮﻧﺎ :

ﻗﺎﻋﺪﻳﻦ ﻟﻴﻚ ﻓﻲ ﺭﺍﺳﻚ ؟؟ : ﻣﺎ ﻛﺪﺍ ﻟﻤﻦ ﻳﻜﺒﺮﻭ ﺑﻜﻮﻧﻮ ﻓﺎﻫﻤﻴﻦ ﺍﻧﻮ ﺑﺎﺑﺎ

ﻭﻣﺎﻣﺎ ﻋﻨﺪﻫﻢ ﻣﺴﺎﺣﻪ ﺧﺎﺻﻪ ﺍﻟﻤﻔﺮﻭﺽ ﻧﺪﻳﻬﻢ ﻟﻬﺎ ﻭﻟﻤﺎ ﻳﻜﻮﻧﻮ ﻣﻊ ﺑﻌﺾ ﻣﺎ

ﺍﻟﻤﻔﺮﻭﺽ ﻧﻤﺸﻲ ﻋﻠﻴﻬﻢ ﻓﻲ ﺍﻟﻠﺒﺲ ﺩﺍ ﻣﻘﻴﺪﻧﻨﺎ ﻗﻌﺪﺕ ﺍﺿﺤﻚ ﻗﺎﻝ ﻟﻲ ﻓﺎﺭﻗﻚ

ﻣﻌﺎﻙ ﻫﻮ ؟؟ : ﻭﺍﻟﻠﻪ ﺍﻟﻌﻈﻴﻢ ﺍﺷﺘﻘﺖ ﻟﻚ ﺷﻮﻕ ﻳﺎ ﺍﺑﻮ ﻣﺤﻤﺪ

ﻗﻤﺖ ﻧﺺ ﺍﻟﻠﻴﻞ ﺟﻌﺎﻧﻪ ﻣﺸﻴﺖ ﺍﻟﻤﻄﺒﺦ ﺍﻛﺎﺑﺲ ﺍﻟﺤﻠﻞ ﺑﺲ ﺍﺣﺲ ﻟﻚ ﺑﺰﻭﻝ

ﻣﺴﻜﻨﻲ ﻣﻦ ﻧﺼﻲ ﻗﺮﺑﺖ ﺍﺿﺮﺑﻮ ﺑﺎﻟﺼﺤﻦ ﻣﺴﻚ ﻳﺪﻱ ﺩﺍ ﺍﻧﺎ ﻳﺎ ﺧﻮﺍﻓﻪ ﺑﺘﻌﻤﻠﻲ

ﻓﻲ ﺷﻨﻮ : ﺟﻌﺎﻧﻪ : ﺍﻭﻋﺎ ﺗﻜﻮﻧﻲ ﺑﺲ ﺣﺎﻣﻞ : ﻣﺎ ﻣﻌﺮﻭﻑ : ﻭﺍﻟﻠﻪ ﻳﺎ ﺳﻤﺮ ﺍﻻﻭﻻﺩ

ﻧﻌﻤﻪ ﻟﻜﻦ ﻧﻈﻤﻲ ﻳﺎﺥ ﻣﺎ ﻛﻞ ﺳﻨﻪ ﻗﺮﺑﺘﻲ ﺗﺸﻴﺒﻲ ﺑﺴﺒﺐ ﺍﻟﻮﻻﺩﻩ ﻗﻌﺪﺕ ﺍﺿﺤﻚ

ﻗﺎﻝ ﻟﻲ ﺟﺎﺩﻱ ﻳﺎﺥ ﻭﺗﻘﻌﺪﻱ ﺗﻌﻤﻠﻲ ﻟﻲ ﺍﻣﻮﺭ ﺍﻧﺎ ﺣﺎﻣﻞ ﻣﺎ ﺗﻬﺒﺸﻨﻲ ﻭﺑﻌﺪ ﺗﻠﺪﻱ

ﺗﻘﻌﺪﻱ ﻟﻲ ﺍﺭﺑﻌﻴﻦ ﻳﻮﻡ ﻭﻣﺮﺍﺕ ﺷﻬﺮﻳﻦ ﺑﺤﻨﺘﻚ ﻭﺟﻴﻬﺘﻚ ﻭﺗﻨﻮﻣﻴﻨﻲ ﺍﻧﺎ ﻓﻲ

ﺍﻟﺼﺎﻟﻮﻥ : ﻭﺍﻟﻠﻪ ﺍﻧﺖ ﺭﺍﺟﻞ ﺟﺮﺳﻪ ﻣﺎ ﺗﺨﺎﻑ ﻣﺎ ﺣﺎﻣﻞ ﻭﻻ ﺷﻲ ﺑﺲ ﻋﺸﺎﻥ

ﻛﻼﻣﻚ ﺩﺍ ﻣﺘﻤﻨﻴﻪ ﺍﺣﻤﻞ ﻭﺍﺟﻴﺐ ﺗﺆﺍﻡ ﺑﻨﺎﺕ ﻭﺍﻟﺴﻨﻪ ﺍﻟﺠﺎﻳﻪ ﺍﻭﻻﺩ ﻣﺴﻜﻨﻲ

ﻣﻦ ﺧﺼﺮﻱ ﻣﺎ ﻋﻨﺪﻱ ﻣﺎﻧﻊ ﻳﺎ ﺑﺎﺑﺎ

ﺍﻟﺤﻤﺪﻟﻠﻪ ﺭﺑﻨﺎ ﻋﻮﺿﻨﻲ ﺑﺤﻴﺎﺓ ﺟﺪﻳﺪﻩ ﻛﺎﻣﻠﻪ ﺑﻌﺪ ﻣﺎ ﺣﻜﻤﺖ ﻋﻠﻰ ﺣﻴﺎﺗﻲ

ﺑﺎﻟﻨﻬﺎﻳﻪ ﻭﺍﻧﺎ ﻓﻲ ﻋﻤﺮ ﺍﻝ١٩ ﺳﻨﻪ ﺍﺗﻮﻗﻌﺖ ﺍﻧﻲ ﻣﺎ ﺣﺎﺍﺷﻮﻑ ﺣﺎﺟﻪ ﻓﻲ ﺣﻴﺎﺗﻲ

ﻭﻋﻤﺮﻱ ﻣﺎ ﺣﺎﺍﻛﻮﻥ ﺯﻱ ﺍﺧﻮﺍﺗﻲ ﺑﺲ ﺭﺑﻨﺎ ﺑﻘﺪﺭﺗﻮ ﺧﻼﻧﻲ ﻓﻮﻕ ﻭﺍﺧﻮﺍﺗﻲ ﻫﻢ

ﺍﻟﺒﺤﺎﻭﻟﻮ ﻳﺼﻠﻮ ﻟﻠﺴﻌﺎﺩﻩ ﺍﻻﻧﺎ ﻓﻴﻬﺎ ﺍﻫﻠﻲ ﺣﻤﻠﻮﻧﻲ ﻣﺴﺆﻭﻟﻴﺔ ﺍﻛﺒﺮ ﻣﻨﻲ

ﻭﺯﻭﺟﻮﻧﻲ ﻟﺮﺍﺟﻞ ﻛﺒﻴﺮ ﻓﻲ ﺍﻟﻌﻤﺮ ﻏﺼﺒﺎ ﻋﻨﻲ ﺑﺲ ﺍﻟﻐﻠﻄﺔ ﺩﻱ ﻛﺎﻧﺖ ﺍﺣﻠﻰ

ﺣﺎﺟﻪ ﻓﻲ ﺣﻴﺎﺗﻲ ﺯﻭﺟﻲ ﺟﺎﺀ ﺷﺎﻝ ﺍﻟﻤﺴﺆﻭﻟﻴﻪ ﺩﻱ ﻣﻨﻲ ﻭﺧﻼﻧﻲ ﺑﻨﺘﻮ

ﻭﻣﺪﻟﻠﺘﻮ ﻭﻟﻘﻴﺖ ﺣﻨﺎﻥ ﺍﻻﻡ ﻓﻲ ﺿﺮﺗﻲ ﺍﻟﻜﻨﺖ ﺧﺎﻳﻔﻪ ﻣﻨﻬﺎ ﻭﻣﺘﻮﻗﻌﻪ ﺍﻧﻬﺎ

ﺣﺎﺗﻜﻮﻥ ﻗﺎﺳﻴﻪ ﻃﻠﻌﺖ ﺍﺣﻦ ﻋﻠﻲ ﻣﻦ ﺍﻣﻲ ﻭﻋﻮﺽ ﺩﻛﺘﻮﺭ ﺍﻟﻬﺎﺩﻱ ﺍﻟﺨﺘﺎﻧﻲ

ﻓﻲ ﻣﻜﺎﻥ ﺑﻨﺘﻮ ﺑﺄﻭﻻﺩ ﻭﺑﻨﺎﺕ ﻣﻠﻮ ﻋﻠﻴﻪ ﺣﻴﺎﺗﻪ ﺑﻌﺪ ﻣﺎ ﻛﺎﻥ ﻓﺎﻗﺪ ﺍﻻﻣﻞ ﺍﻧﻮ

ﻳﻜﻮﻥ ﺍﺏ ﺭﺑﻨﺎ ﻳﺪﻱ ﻛﻞ ﺍﻧﺴﺎﻥ ﻣﺮﺍﺩﻭ ﺍﻟﻌﺎﻭﺯ ﻳﺘﺰﻭﺝ ﻳﺪﻳﻪ ﺍﻟﺰﻭﺝ ﺍﻟﺼﺎﻟﺢ

ﻭﺍﻟﻤﺸﺘﻬﻲ ﺍﻟﺠﻨﻰ ﻳﻄﻌﻤﻮ ﻳﺎﺭﺏ

*#ﻣﺎ _ ﺑﻴﻦ_ ﺍﻟﺼﺒﺎﺡ _ ﻭﺍﻟﻤﺴﺎﺀ*

*#ﺑﻘﻠﻤﻲ :# ﻣﺸﺎﻋﺮ _ ﻣﺒﻌﺜﺮﻩ*

*النهــــــــــــــــــــــــاية*

*# ﺍﻟﻤﻐﺰﻯ ﻳﻜﺎﺩ ﻳﻜﻮﻥ ﻭﺍﺿﺢ ﻭﺍﻟﻤﻀﻤﻮﻥ ﺑﻴﻦ ﺳﻄﻮﺭ ﺍﻟﺮﻭﺍﻳﻪ ﻛﻞ ﺍﻟﻘﻀﺎﻳﺎ*

*ﺍﻟﺤﺒﻴﺖ ﺍﻃﺮﺣﺎ ﺍﻟﻤﻬﻤﻪ ﻭﺍﻟﺜﺎﻧﻮﻳﻪ ﻓﺮﺯ ﺍﻻﻫﻞ ﻭﺗﻤﻴﺰﻫﻢ ﺑﻴﻦ ﺍﻻﺑﻨﺎﺀ ﻭﺩﺍ ﺍﻛﺒﺮﻏﻠﻂ ﻳﻠﻘﻮ ﺍﻟﻤﺴﺆﻭﻟﻴﻪ ﻛﻠﻬﺎ ﻋﻠﻰ ﻭﺍﺣﺪ ﻭﺍﻟﺒﺎﻗﻴﻦ ﻗﺎﻋﺪﻳﻦ ﺳﻮﺍﺀ ﻛﺎﻥ ﻭﻟﺪ ﻭﻻﺑﻨﺖ ﻭﺩﺍ ﺣﺎﺻﻞ ﻛﺘﻴﻴﺮ ﻭﺍﺣﺪ ﺷﻘﻴﺎﻥ ﻭﺗﻌﺒﺎﻥ* 

 *ﻭﻭﺍﺣﺪ ﻧﺎﻳﻢ ﻭﺍﻻﻡ ﻭﺍﻻﺏ ﻣﺎ ﺑﻬﻢﻏﻴﺮ ﺍﻧﻮ ﺍﻟﺸﻲ ﺍﻟﻌﺎﻳﺰﻧﻮ ﻳﺘﻢ ﺑﻐﺾ ﺍﻟﻨﻈﺮ ﻋﻦ ﺍﻟﻌﻤﻠﻮ ﻣﻨﻮ ﻭﺑﺸﻮﻓﻮﻩ ﻣﻮﺿﻮﻉﺗﺎﻓﻪ ﺑﺲ ﺍﻟﻮﺍﻗﻊ ﺍﻧﻮ* *ﺑﺨﻠﻖ ﻓﺠﻮﻩ ﻭﺑﻜﻮﻥ ﺫﻛﺮﻯ ﺍﻟﻮﺍﺣﺪ ﻣﺎ ﺑﻘﺪﺭ ﻳﻨﺴﺎﻫﺎ ﻭﺑﺘﺄﺛﺮﺑﻬﺎ ﻟﻤﻦ ﻳﻜﺒﺮ*

*# ﺍﻟﻀﺮﻩ ﻳﺎ ﺟﻤﺎﻋﻪ ﻣﺎﺑﺎﻟﻀﺮﻭﺭﻩ ﺗﻜﻮﻥ ﺍﻟﺴﺎﺣﺮﻩ ﺍﻟﺸﺮﻳﺮﻩ ﻋﺸﺎﻥ ﺍﻟﻨﺎﺱ ﺗﺨﺎﻑ*

*ﻣﻨﻬﺎ ﺣﺘﻰ ﺍﻹﺳﻼﻡ ﺣﻠﻞ ﻟﻠﺮﺍﺟﻞ ﻳﻌﺮﺱ ﺍﺭﺑﻌﻪ ﻣﺎ ﻋﺸﺎﻥ ﺭﺍﺟﻠﻚ ﻋﺮﺱ ﻓﻴﻚ*

*ﻣﻌﻨﺎﻫﺎ ﺗﻜﺮﻫﻴﻬﺎ ﻭﺗﻌﺘﺒﺮﻳﻬﺎ ﻋﺪﻭﺗﻚ ﺍﻧﺘﻲ ﺑﺎﺩﺭﻱ ﻭﺍﻋﺘﺒﺮﻳﻬﺎ ﺍﺧﺘﻚ ﻭﻟﻮ ﺟﺎﺀ*

*ﺍﻟﻐﻠﻂ ﻣﻨﻬﺎ ﻳﺒﻘﻰ ﺗﺨﺘﻲ ﺣﺪﻭﺩ ﻓﻲ ﺍﻟﺘﻌﺎﻣﻞ ﺑﺲ ﻭﻣﺎ ﻋﻴﺐ ﺭﺍﺟﻠﻚ ﻳﻌﺮﺱ*

*ﻋﺸﺎﻥ ﺍﻟﺠﻨﻰ ﻣﺎﻓﻲ ﺯﻭﻝ ﻓﻲ ﺍﻟﺪﻧﻴﺎ ﺩﻱ ﻣﺎ ﺑﺘﻤﻨﻰ ﻳﺸﻮﻑ ﺟﻨﺎﻩ ﻭﻳﺸﻴﻠﻮ ﻓﻲﻳﺪﻭ ﻭﺍﻧﺘﻲ ﻛﻮﻧﻚ ﺟﻴﺘﻲ ﻓﻲ ﻣﺮﺍ ﻣﺎ ﺧﻼﺹ ﺍﻟﺮﺍﺟﻞ ﺑﻘﻰ ﺣﻘﻚ ﺑﺮﺍﻙ ﻭﺗﺤﺎﻭﻟﻲ ﺗﺒﻌﺪﻳﻪ ﻋﻦ ﻣﺮﺗﻮ ﺍﻻﻭﻟﻰ ﻭﺍﻭﻻﺩﻭ ﻟﻮ ﻋﻨﺪﻭ ﺍﻟﻤﻔﺮﻭﺽ ﺍﻟﻨﺎﺱ ﺗﻜﻮﻥﺍﻭﻋﻰ ﻣﻦ ﻛﺪﺍ ﻭﺍﻟﺮﺍﺟﻞ ﺯﺍﺗﻮ ﻻﺯﻡ ﻳﻌﺪﻝ ﻭﻟﻮ ﻣﺎ ﻗﺎﺩﺭ ﺣﺮﺍﻡ ﺯﺍﺗﻮ ﻳﺠﻴﺐ*

*ﺯﻭﺟﻪ ﺗﺎﻧﻴﻪ ﻭﻳﻈﻠﻤﺎ ﻣﻌﺎﻩ ﺍﻭ ﻳﻈﻠﻢ ﺍﻻﻭﻟﻰ ﻓﺎﻟﺮﺍﺟﻞ ﻫﻮ ﺍﻟﺒﺤﺪﺩ ﺷﻜﻞ ﺍﻟﻌﻼﻗﻪﺑﻴﻦ ﺍﻟﺰﻭﺟﺎﺕ ﺗﻜﻮﻥ ﺳﻠﻤﻴﻪ ﻭﻻ ﻋﺪﺍﺋﻴﻪ*

*# ﺍﻫﻠﻨﺎ ﺍﻟﻜﺒﺎﺭ ﺩﻳﻞ ﻣﺎ ﺩﺍﻳﻤﻴﻦ ﻟﻴﻨﺎ ﻭﻣﻊ ﺍﻧﻮ ﺍﻟﻤﻮﺕ ﻣﺎ ﻣﻌﺮﻭﻑ ﻭﻣﻤﻜﻦ ﻳﺸﻴﻞﺍﻟﺼﻐﻴﺮ ﻗﺒﻞ ﺍﻟﻜﺒﻴﺮ ﺑﺲ ﻫﻢ ﺑﻜﻮﻧﻮ ﻣﺘﻮﻗﻌﻨﻮ ﺍﻛﺘﺮ ﻣﻨﻨﺎ ﻭﻋﺎﻭﺯﻳﻦ ﻳﺸﺒﻌﻮ ﻣﻨﻨﺎﻭﻳﺸﻮﻓﻮ ﺣﺼﺎﺩ ﻋﻤﺮﻫﻢ ﻓﻴﻨﺎ ﻣﺎ ﺻﺎﺡ* *ﻧﺘﺰﻫﺞ ﻣﻨﻬﻢ ﻭﻧﺤﺮﻣﻬﻢ ﻣﻨﻨﺎ ﻳﺎﺥ*

*ﺯﻭﺭﻭﻫﻢ ﺍﻧﺸﺎﺀﺍﻟﻠﻪ ﻣﺮﻩ ﻓﻲ ﺍﻟﺴﻨﻪ ﺍﻣﻜﻦ ﺍﻟﺴﻨﻪ ﺍﻟﺠﺎﻳﻪ ﺭﺑﻨﺎ ﻳﺎﺧﺪ ﺍﻣﺎﻧﺘﻮ ﻭﻣﺎﺗﻠﻘﻮﻫﻢ ﺗﺎﻧﻲ ﻭﻳﺒﻘﻰ ﺍﻟﻜﻮﻥ ﻓﺎﺿﻲ ﺑﻼﻫﻢ* *ﻭﺗﻨﺪﻣﻮ ﻋﻠﻰ ﺍﻟﺰﻣﻦ ﺍﻟﻀﻴﻌﺘﻮ*

*ﻭﺍﻟﻔﺮﺹ ﺍﻟﻤﺎ ﺍﺳﺘﻐﻠﻴﺘﻮﻫﺎ ﻋﺸﺎﻥ ﺗﻜﻮﻧﻮ ﺟﻨﺒﻬﻢ ﺩﻋﻮﻩ ﺳﺎﻱ ﻣﻨﻬﻢ ﺗﻔﺮﺝ ﻋﻠﻴﻜﻢ*

*#ﻇﺎﻫﺮﺓ ﺍﻟﺨﻴﺎﻧﻪ ﻋﻨﺪ ﺍﻟﺰﻭﺟﺎﺕ ﺍﺻﻼ ﺍﻧﻮ ﺍﻟﻮﺍﺣﺪ ﻳﻌﺎﻳﻦ ﻟﻮﺍﺣﺪﻩ ﻣﺘﺰﻭﺟﻪﻭﺣﻘﺖ ﻏﻴﺮﻭ ﺯﻱ ﻣﺎ ﻋﻤﻞ ﻓﺮﺡ ﺍﻗﺰﺭ ﻭﺍﻗﺒﺢ ﻇﺎﻫﺮﻩ ﻓﻲ* *ﺍﻟﻤﺠﺘﻤﻊ ﻭﻟﻸﺳﻒﻛﺘﺮﺕ ﻟﺪﺭﺟﺔ ﺗﺴﺪ ﺍﻟﻨﻔﺲ ﻧﺎﺱ ﻛﺘﻴﺮﻩ ﻧﻨﺼﺪﻡ* *ﻓﻴﻬﻢ ﺧﺎﺻﺔ ﺯﻭﺟﺎﺕ ﺍﻟﻤﻐﺘﺮﺑﻴﻦ*

*ﻭﻣﺎ ﻛﻠﻬﻢ ﻃﺒﻌﺎ ﻳﺎﺥ ﺍﻧﺘﻲ ﻣﺎ ﻣﺠﺒﻮﺭﻩ ﻟﻮ ﻣﺎ ﻗﺎﺩﺭﻩ ﺗﺼﺒﺮﻱ ﻋﻠﻰ ﺍﻟﻮﺿﻊ ﺩﺍﺍﺗﻄﻠﻘﻲ ﻋﺪﻳﻞ ﻭﺷﻮﻓﻲ ﺍﻟﺒﻨﺎﺳﺒﻚ ﺣﺘﻰ ﺍﻟﺮﺟﺎﻟﻬﻢ ﻗﺎﻋﺪﻳﻦ ﻣﻊ ﺍﻻﺳﻒ ﺑﺨﻮﻧﻮﻟﻮ ﻋﺸﺎﻥ ﻗﺮﻭﺵ ﻭﻻ ﺭﻏﺒﻪ ﺗﺎﻧﻴﻪ ﻓﻲ ﻧﻔﺴﻬﻢ ﻭﺍﻟﻌﻴﺎﺫ ﺑﺎﻟﻠﻪ ﺑﺎﻟﻨﺴﺒﻪ ﻟﻠﺮﺟﺎﻝﺍﻟﻤﺘﺰﻭجين* *ﻭﻏﻴﺮﻭ ﻳﺎﺥ ﺍﺗﺨﻴﻞ ﺍﻟﻤﺮﺍ ﺩﻱ ﺍﻣﻚ ﺍﻭ ﺯﻭﺟﺘﻚ ﺍﻭ ﺍﺧﺘﻚ ﺍﻟﻤﺘﺰﻭﺟﻪ*

*ﺗﻘﺒﻞ ﺍﻧﻮ ﻫﻲ ﺗﻌﻤﻞ ﻛﺪﺍ ؟ ﻭﻻ* *ﻳﺠﻲ ﻭﺍﺣﺪ ﺗﺎﻓﻪ ﺯﻳﻚ ﻳﻌﻤﻞ ﻣﻌﺎﻫﺎ ﺯﻱ ﺍﻟﻌﻤﻠﺘﻮﺍﻧﺖ ﺍﻟﺤﻼﻝ ﺩﺍ ﺑﻴﻦ ﻭﺑﺮﺿﻮ ﺍﻟﺤﺮﺍﻡ ﻣﺎﻓﻲ ﺯﻭﻝ ﻣﺎ ﻋﺎﺭﻑ ﻓﻲ ﺯﻭﻝ ﻣﺘﻌﻤﺪ ﺑﺲ*

*#ﻏﻠﻂ ﺍﻧﻮ ﺍﻻﻡ ﻭﺍﻻﺏ ﻳﻤﺎﺭﺳﻮ ﺣﻴﺎﺗﻬﻢ ﺍﻟﺰﻭﺟﻴﻪ ﻗﺪﺍﻡ ﺍﻻﻭﻻﺩ ﻭﻓﻲ ﻏﺮﻓﻪﻭﺍﺣﺪﻩ ﻳﻜﻮﻧﻮ ﻣﻌﺎﻫﻢ ﺩﺍ ﺷﻲ ﻣﻔﺮﻭﻍ ﻣﻨﻮ ﺑﺲ ﺑﺮﺿﻮ ﻣﺎ ﻋﺸﺎﻥ ﺗﺎﺧﺪﻭﺭﺍﺣﺘﻜﻢ ﺗﻄﻠﻌﻮ ﺍﻻﻭﻻﺩ ﺍﻟﺼﻐﺎﺭ ﻣﻦ ﺍﻟﻐﺮﻓﻪ* *ﻭﺗﺨﺘﻮﻫﻢ ﻓﻲ ﻣﻜﺎﻥ ﻣﺎ ﻣﻬﻴﺄ*

*ﺑﺮﺍﻫﻢ ﻭﻓﻲ ﺍﻋﻤﺎﺭ ﺻﻐﻴﺮﻩ ﻳﺎﺥ ﻟﻮ ﻣﺎ ﻗﺎﺩﺭﻳﻦ ﺗﻌﻤﻠﻮ ﻟﻬﻢ ﻏﺮﻓﻪ* *ﺍﺗﺼﺮﻓﻮ ﺍﻧﺘﻮ*

*ﺍﻧﺸﺎﺀﺍﻟﻠﻪ ﻓﻲ ﺍﻟﺤﻮﺵ ﻭﺧﻠﻮ ﻟﻬﻢ ﺍﻟﻐﺮﻓﻪ ﺑﻌﺪ ﻳﻨﻮﻣﻮ ﻃﺒﻌﺎ ﺑﻌﺪﺍﻙ ﺍﻣﺸﻮ ﻣﺤﻞ*

*ﻣﺎﺷﻴﻦ ﻭﺍﺭﺟﻌﻮ ﻟﻬﻢ ﻭﺍﻟﻠﻪ ﻓﻲ ﻧﺎﺱ ﺑﺮﻗﺪﻭ ﺍﻭﻻﺩﻫﻢ ﻓﻲ ﺍﻟﻤﻄﺒﺦ ﻟﻠﺼﺒﺎﺡ*

*ﺟﻨﺐ ﺍﻧﺒﻮﺑﺔ ﺍﻟﻐﺎﺯ ﻭﺍﻟﻌﻮﺍﻟﻴﻖ ﻳﻌﻨﻲ ﺍﻧﺘﻮ ﺗﻨﻮﻣﻮ ﻓﻲ ﺍﻟﻐﺮﻓﻪ ﺍﻟﻜﺒﻴﺮﻩ ﺍﻟﻤﻜﻴﻔﻪ*

*ﻭﻫﻢ ﻓﻲ ﺍﻟﺤﺮ ﺍﻟﻤﻔﺮﻭﺽ ﺍﻟﻨﺎﺱ ﺗﺮﺍﻋﻲ ﻟﻠﻤﻮﺿﻮﻉ ﺩﺍ ﻭﺗﺪﺭﺳﻮ ﻟﺤﺪﻱ ﻣﺎﻳﺸﻮﻓﻮ ﺍﻟﺤﻞﺍﻻﻣﺜﻞ*

*#ﻣﺎ _ ﺑﻴﻦ_ ﺍﻟﻮﻻﺩﻩ _ﻭﺍﻟﻮﻓﺎﻩ ﺣﻴﺎﻩ ﻗﺼﻴﺮﻩ ﺟﺪﺍ ﻭﺑﺘﻨﻌﺎﺵ ﻣﺮﻩ ﻭﺍﺣﺪﻩ ﻓﻴﻬﺎ ﻛﻞ*

*ﺍﻟﺘﻔﺎﺻﻴﻞ ﺩﻳﻞ ﻣﺎ ﺍﻧﺖ ﺍﻟﺒﺘﺤﺪﺩﺍ ﺑﺲ ﺍﻧﺖ ﺍﻟﺒﺘﺤﺪﺩ ﺗﻠﻘﻰ ﺍﻟﺴﻌﺎﺩﻩ ﻭﻳﻦ ﻭﻣﺘﻴﻦ ﻭﻣﻊ ﻣﻨﻮ*

 *ﻭﺍﻟﻌﻔﻮ ﻭﺍﻟﻌﺎﻓﻴﻪ*..

                       تمت بحمد الله 

          لقراءة جميع فصول الرواية من هنا 

وأيضا زرونا على صفحة الفيس بوك 

روايات سما القاهره لكل جديد

وايضا زورو صفحتنا سما للروايات 

 من هنا علي التلجرام لتشارك معنا لك

 كل جديد من لينك التلجرام الظاهر امامك

تعديل المقال