رواية ماخفي كان اكبر الفصل الحادي عشر 11 بقلم جمانه السعيدي
ميار...اعرف اني غلطانه بس وحده مثلي مزوجه وواحد بكد جدها
وفوكاها مبتعد عنها وماله شغل بيها
ااكيد توكع بحب اول شخص يهتم بيها
ومعتز بلنسبه اليه كان مختلف يعرف يختار المواضيع
يكدر يضحكني حتلو كنت تعبانه اوضايجه
يهتم بأبسط التفاصيل بحياتي
شنو الي يلوك عليه شنو البس كل يوم
حتى عطري ينتبه علي
بديت اتعود علي وصار جزء مهم من حياتي
اتبادلنا أرقام التليفونات من نخلص شغل
نحجي بليل قبل لا انام
اول سؤال سئلتي
معتز... ليش ازوجتي صبحي وهو اكبر منج بهواي
ميار...قسمه ونصيب ما سامع بقسمه ونصيب
معتز....ماكو هيج حجي صبحي اكبر منج بهواي
ميار... خمسين سنه
معتز....انتي كلتي ٥٠ سنه ليش اريد اعرف السبب
ميار....اشتغل ويا شافني عجبته
معتز...احجي الصدك لو اني احجي
ميار...احجي اسمعك
معتز...بدون زعل ازوجتي علمود فلوسه
ميار...لا شنو فلوسه
معتز...ماكو غير هذا السبب وحده مثلج حلوه وزغيره
ليش اضيع عمرها ويا واحد جبير مثل صبحي
ميار... مو كلنا قسمه ونصيب
معتز....تنامون بنفس الغرفه
ميار... تفاجئت من سؤاله لا كل واحد بغرفه
معتز....ليش
ميار... علمود علاوي يكعد بليل وصبحي نومه خفيف
معتز...ماكو هيج حجي
معقوله صبحي غشيم الهلدرجه سخليج تنامين وحدج
بعيد عنه
ميار...انت ليش تدخل
معتز....احب اعرف كلشي عنج
ميار...ليش
معتز....لان احبج وشاغله تفكيري
ميار...بس اني مزوجه
معتز... انتي هم تعتبرين زواجج من صبحي زواج
وكل واحد بيكم ينام بغرفه وحده
ميار...على الاقل كدام الناس احنا مزوجين
معتز...تحبي
ميار...احبه مثل ابوي مو حب عشاق
معتز....شنو مثل ابوج هاي الزواجه وراها سر
واكيد راح اعرفه بيوم من الايام
ميار. ماكو اي سر
معتز...اني متأكد الشغله شغلت فلوس ليش انتن البنات تموتن على الفلوس
ميار....شلون تمشي الحياة بدون فلوس
معتز...هااا مو كتلج انتي ازوجتي صبحي علمود الفلوس
ميار...واذا اكو واحد ما يحب الفلوس
مادام زواج على شرع رب العالمين خلاص هذا اهم شي
جمانه السعيدي
معتز... احبج واموت عليج
ميار.. اني مزوجه
معتز... هذا ما يسمونه زواج هذا كبت مشاعر
سجن انتي بسجن اسمه الزواج
بله انتي شمفتهمه من حياتج بلبيت كل واحد ينام بمكان
والشغل كل وأحد بمكان
اصلا صبحي ما مهتم بوجودج ابد
هاي هم تسميها حياة زوجيه
يعني انتي لو مزوجه ولد شاب جان طلعتو سافرتو
تلعبون تضحكون تنامون سوه بس انتي محرومه من كل هاي الاشياء لان مزوجه شايب
ميار....كلامك صح بس هاي قسمتي ولازم اقبل بيها
معتز...شنو تقبلين بيها ايام العمر تركض واليوم الي يروح مايرجع
زواجكم زواج مع وقف التنفيذ
حياة مؤجله بعد كم سنه راح تباوعين تلكين نفسج عجوز العمر راح وكلشي ما افتهمتي منه
ساعتها راح تتندمين ندم العمر
ميار....اني مااكدر اعوف صبحي لان صبحي
قدملي هواي اشياء وغير حياتي للافضل
معتز...تنتظرين يموت حتى انتي تعيشين مو
ميار....لا ماافكر هيج
معتز....شمدريج يجوز يعيش بعد عشرين سنه
وكلما يكبر يحتاج خدمه ااكثر وراح تفنيبن عمرج بخدمته
وتلكين العمر راح وانتي ما حاسه بي
ميار...حتلو اخدمه مااجازي
معتز....ترا هو الي ربحان بهاي الزواجه
ماخد وحده زغيره وحلوه
كل شاب يشوفها يتمناها انتي لو عندي
مااقبل تطلعين للشغل حتى لا يشوفونج الشباب ويطمعون بيج
محضوظ هلصبحي ماخذ وحده تسوه راسه
ميار...كلما يتصل معتز يبقى يحجي عليه شلون ماخذه صبحي وانتي حلوه والف واحد يتمناج
من غير كلام الغزل والحب الي اسمعه منه
كلامه وتصرفاته تخليني ابتعد عن صبحي وياخذني الغرور
صار وقتي كله واهتمامي المعتز نسيت حتى ابني
اطلع للشغل بلهفه بس حتى اشوفه واحجي وياا
اما صبحي من نوصل للشغل كل اهتمامه كله بعلي
يخاف علي لا يوكع لو يطلع للشارع لو يتأذه
مجان مركز وياي نهائيا عقله مشغول ويا علاوي
وابد ما متوقع مني الغدر وخاصه اني مريت بتجربه صعبه قبل لا نزوج اني ويااا
جمانه السعيدي
معتز جان يعرف شلون يستغل مشاعري ويخليني احبه
تجاوزنا مرحلة الكلام وبدا يصير بينا تحرش داخل العمل
يتعمد يطخ جسمي لو يلزم ايدي
لو يخلي ايده على جسمي
ماكنت امنعه نهائيا كنت اعتبر هذا حقي
اني بنيه زغيره ومحتاجه رجال حقيقي بحياتي
مو شايب مثل صبحي
مرن بعد سبع اوثمن اشهر بعلاقتنا اني ومعتز
بدا معتز يحرضني على صبحي
يريد ياخذ مكان صبحي بلشغل والفلوس والزوجه
يريد كلشي اله وحده
معتز....انتي لازم تشوفين حل
ميار...حل الشنو
معتز...الوضعنا انتي عاجبج هذا الوضع
ميار...يعني شسوي مثلا
معتز...مااعرف اني بعد مااكدر اتحمل ااكثر
ميار...واني مابيدي اي شي اسوي
صبحي ضحا هواي علمودي وما بخل عليه
حتى خوانه عاداهم علمودي وفلوسه كلها سجلها باسم ابني مااكدر ااكوله تعال طلكني بهاي السهوله
معتز....مادام ضامنه حياتج بدون صبحي ليش ما تتخلصين منه
ميار...يااا اتخلص منه
معتز...اي فلوسه باسم علي وواكيد انتي راح تورثين كلشي
اذا مات بعد ليش ما تشوفين طريقه تخلصين منه
ميار...مستحيل اسوي هيج
معتز....ليش مستحيل تضربين عصفورين بحجر
هم تخلصين من صبحي وتاخذين كل املاكه
وهم اني وياج نزوج ونجيب اخوان وخوات العلاوي
اكلج اريد اسئلج شلون صبحي بهذا العمر وكدر يخلف
لو تلقيح صناعي
ميار....اي تلقيح صناعي
معتز.....فكري زين اما تقبلين بهذا العرض
او نبتعد واحد عن الثاني
اني شاب واريد ازوج واعيش حياتي
حتى الشغل راح اعوفه لان مستحيل اكدر انساج وانتي كبالي طول النهار
بس اذا عفت الشغل ايجوز اكدر
ميار.. لا عفيه شلون تعوف الشغل شلون تبتعد عني .
بعدين شلون تريد اخلص منه قابل اني مجرمه
مااكدر مستحيل شلون اتخلص منه كول شي معقول
بدا معتز يلعب عليه عاف الشغل بقيت وحدي
حتى شغل مااكدر اشتغل ووين جان مالي المكان عليه
فرح وضحك واهتمام
ووين هسه رجعت وحدي
ومايرد على اتصالاتي
اني تعلقت بي ومااكدر اخسره
دزيتله اكثر من عشرين رساله
اتوسل بي يرد عليه بس بدون فايده
كاعده على نار معقوله اخسره بعد كل هذا الحب والتعلق
شلون اكدر ارجعه اليه
جمانه السعيدي
جبنا بنيه تشتغل بمكانه بس اني ماعندي اي واهس للشغل
اريده يرجع حياتي مو حلوه بدونه
رجعت ادزله رسايل
معتز فدوه جاوبني الله يخليك
على الاقل نحجي بلتليفون
معتز. اذا اليه خاطر عندك رد عليه
ترا ضايعه بدونك تعرف اني اتاكدت من حبي الك
بس عفت لمكان تبهذلت
راح اطلب الطلاك من صبحي ونزوج اني وياك
اي نزوج ونعيش سوا بدون ما نرتكب اي غلط بحق
صبحي
ولله مايستاهل اي اطلك ونزوج اني وياك
انت مو تحبني شلون انطاك كلبك تعوفني كل هذا الوقت
اني عندي ذهب ابيعه وفتحلك مشروع
بس ارجع الله يخليك اني ما صدكت لكيت انسان
يفهمني ويحس بيه
يقرأ الرسايل وما يجاوب عليهن
واني عبالك كاعده على نار مجاي اقتنع شلون حياتي تمشي بدون معتز
كل الوقت افكر بي نسيت حتى نفسي
صبحي....شبيج بابا ليش ضايجه
ميار..مابيه شي
صبحي....من يوم معتز ترك الشغل وانتي ضايجه
ميار....لان جان شايل الشغل كله على راسه والزباين يحبونه
يعرف شلون يكسب الزباين
صبحي....ايجوز لكه مكان احسن يشتغل بي الله يرزقه
ميار...تعبت حيل عبالك مسحوره
مجاي اكدر اطلعه من بالي شهر كامل واني ماشايفته
وادز رسايل واتصل وما يجاوب عليه
دزيتله رساله
الضاهر انت ما تحبني لو تحبني مجان كدرت على بعدي هلكد
رد عليه
محد يحبج بكدي حتى امج ما تحبج بكدي
اموت عليج انتي أغلى شي عليه
بس افهمي اني ضروفي صعبه ومستحيل اكدر اعيشج نفس المستوى الي عايشه بي
ولأن احبج ابتعدت عنج مااريد اضلمج وياي
ميار...حتلو نعيش بغرفه وحده اني قابله
بس كون اكون وياك
معتز...هذا كلام وبعدين يصير غير كلام
مستحيل تتحملين العيشه وياي
بعدين اني عندي عائله بركبتي امي وخواتي
ميار...اي ليش عفت الشغل جان باقي واني اخلي
صبحي يزود راتبك
معتز...مااكدر اشوفج كدامي مااتحمل انتي مجاي تحسين بيه
اني عبالك جاي اموت موت بطئ
شلون الانسانه الي حبيتها وتعلقت بيها كدامي طول النهار
واني واكف عاجز كلشي مااكدر اسوي علمودها
خل نبتعد احسن كل واحد يشوف حياته
مادام انتي سعيده ويا صبحي ليش اخرب حياتج
ميار...منو كال اني سعيده
معتز....متمسكه بي ودافعين عنه كدامي
تتعمدين تحركين كلبي
ميار...مو قصدي بس هو ضحى باهله علمودي
معتز...شوفي رجعتي تمدحين بي
عبالك اني حايط ماكو اي احساس
ميار...خلاص مراح احجي عنه مره ثانيه بس
رد على المكالمات وخل اشوفك
معتز....لا نبتعد احسن هاي العلاقه مالها نهايه
انتي متمسكه بصبحي
واني راح يضيع شبابي واني منتظرج
ليش اضيع عمري واني انتظر وحده مزوجه وتحب زوجها
اني هم ازوج واستقر احسن
ميار.. لا لا شنو تزوج صدك تزوج وتعوفني
معتز...هذا احسن حل
ميار.. انت شتريد واني مستعده انفذ كلشي تكول علي
معتز....نزوج اني وياج
ميار...اي مو جاي اكول انفصل عن صبحي ونزوج اني وياك
معتز...وليش نعوف الخير هذا كله
صبحي رجال جبير ما باقي بعمره شي
ليش نعوف هذا الخير ياخذونه خوانه
احنا أولى بي من الغريب
ميار...يعني شسوي
معتز....لازم صبحي يموت وانتي تورثين كل املاكه
بعدها نزوج ونعيش اني وياج
احلى عيشه
ميار.. شلون يموت اني ماكدر اقتله
معتز...انتي مراح يكون عليج اي شبها
اني حضرت خطه اذا مشيتي عليها صح
نخلص من صبحي بدون مايكون علينا اي شبها جنائية
ميار...شلون اني خايفه خاف ننكشف
معتز....لا تخافين محد راح يكشفنا
اصلا انتي مالج علاقه بلموضوع
بس عوفي كلشي وراي
ميار.....شني الخطه خل افهم
معتز.... اسمعيني زين
انتظرونا........