رواية من قلب العتيك الفصل الرابع عشر 14 والأخير بقلم جمانه السعيدي
@الجميع
علي....من وصلنا ودخلنا للبيت طلعت جبت مسواك
النجيه ومسواك الايمان
دخلت على نجيه نزلت العلاليك
علي...باعي نجيه هذا اخر انذار اللج هلمره عزلت اني وايمان عنج
مرت الأخ اطلع من البيت وبعد ما تشوفين وجهي
كل الناس يكولون طلكها انت مامستفاد منها شي بس الاذيه بس اني اكول لا ماانسى وصية عمي سلمان
خليج محترمه وخليني ساكت
علي...فعلا سكتت نجيه هلمره شافت الحديده حاميه
لان اني من يوم زعلت ايمان لليوم ماحجيت وياها كلمه وحده ولا اكل ولا اشرب وياها
خافت لا اعوفها من صدك كعدت بيتها وسكتت
مخلصتها زيارات وتعرفت على كم وحده من الشارع
تروح يمهن تتونس طبعا الشارع كله يعرف هيه اختي
محد يعرف الحقيقه
من سنة ٢٠٠٥ السنة ٢٠١٥ خلال عشر سنوات صار عندي خمس بنات وحده احلى من الثانيه
بس اني اريد ولد احب بناتي واموت عليهن وابد مامقصر وياهن بشي
بس اريد ولد اريد اخو البناتي اريد سند الهن
اريد اخ يحميهن من يكبرن
طبعا هذا رزق رب العالمين وماعلي اعتراض
الف الحمد لله والشكر بس اني بنفسي يصير عندي ولد
ونجيه بلرايحه والجايه وكالت اي مرتك اجيب بس بنات
على امها
امها جايبه عشر بنات وهسه مرتك اسويهن الك عشره
شكد يقهرني كلامها ويخوفني بنفس الوقت
اخاف لا يصيرن عشره ومااشوف الولد
حملت ايمان للمره السادسه وهلمره حملها متعب حيل
ماتكدر تشكي من تعب الحمل خلصنا اشهر الحمل كلها مراجعات
الدكتوره حذرتها هلمره اخر مره رحمها تعبان
واحتمال اذا حملت بعد مره يتمزق الرحم
جنت منتظر يجي الولد حتى ارتاح وايمان ترتاح
من الحمل والولاده بس مشيئة رب العالمين كان أقوى من مشيئتنا واجت البنيه السادسه
هلمره اني انهاريت ايمان تعبانه حيل بعد الولاده
وهاي اخر فرصه للحمل واني ايست بعد مااشوف الولد
جمانه السعيدي
حاولت ابين كلشي عادي وامشي الامور
بس ماكدر اخفي قهري اريد ولد اريد ولد يسمى على اسمي يبقى سند الامه وخواته من بعدي
ياشماتت نجيه كل شويه وكالت مو كتلك تسويهن عشره
صرت ابو البنات بعد ما تشوف الولد
علي......حتى ايمان لا اضوج سميت الطفله فرح بلكت يجينا الفرح على عينها حلوه تخبل خدودها طالعات من وجها
عيونها عبالك فص شذر اجنن
شكرت ربي حمدته الف الحمد لله والشكر اني احسن من غيري ست بنات احسن من كلشي ماكو
ايجوز الله يطرح بيهن البركه احسن من الولد
صار عمر فرح ٣ اشهر البيت كله مخبوص بيها تخبل
حتى اني من اطلع اشتاقلها
بيوم رجعت المغرب من الشغل نزلت مسواك نجيه
بلاول بس دخلت بيت نجيه جان اسمع صوت طفل زغير يبجي
طلعت نجيه تضحك تعال علي تعال
علي....شنو هذا الصوت
نجيه...تعال شوف رب العالمين انطنا الولد الي جنا منتظرينه
علي...اي ولد
اخذتني من ايدي ودخلتني بغرفتها
وولد يخبل ابيض وعيونه عسلي وشعره اشكر تقريبا عمره سبع ايام
علي...شنو هذا
نجيه...هذا ابنا انت مو تريد ولد هذا ولد
علي....شنو فهميني مجاي افهم
نجيه...اليوم رحت للخياطه ولكيت هذا الولد عدها
سئلتها علي كالت هذا مسكين محد يريده
نجيه.. سئلتها.شلون يعني محد. يريده
الخياطه...هذا امه حامل بي وابو تعارك وياها ويا اهلها وطلكها وسافر للخارج وكللها هذا الي بطنج مااريده
ومااقبل تسجلي باسمي وراح اخذ كل اواراقي واهج من العراق حتى لايصير باسمي
البنيه تبجي تكول اهلي ماعدهم وحالتهم تعبانه
يكولون مانربده ابو عافه ونهزم واحنا نتكفل بي
بس تولدين بلسلامه انزوجج وهذا الطفل مانريده
لا اهل ابو يردو ولا اهل امه
البنيه جايبته يم الخياطه وكايلتلها اي واحد يريده انطي
حتى لاتكولين منو اخذه مااريد اعرف منو اخذه
ولا اربد اسئل عنه
اهل البنيه يردون يزوجوها لابن عمتها
الخياطه تكول اكيف اي واحد ياخذه اني كافي عليه جهالي
اني أطفالي وما متحملتهم انوب طفل زغير
جمانه السعيدي
نجيه...علي الله عليك اني اريده احلفك بكل عزيز عليك
اريد هذا الطفل ابوس ايدك ابوس رجلك
اني عايشه وحدي وماعندي ونس بهاي الدنيا
اريدك تسجله باسمك اول نعقد اني وياك بلمحكمه
حتى اكدر اسجله باسمي الله يخليك طلبتك هذا الطلب لا تردني
علي...بقيت صافن صدك عود واحد يكدر يعوف ابنه
اني بناتي عندي اعز الهوى شلون اهل هذا الطفل عافو
نجيه....الله يخليك لا ترفضلي هذا الطلب
علي....اني ماكسرت خاطري نجيه كسر خاطري هذا الطفل
الزغير اذا اني ماوافقت اخلي على اسمي
شنو راح يكون مصيره منو ياخذه شلون راح يعيش
علي...اربد وقت افكر
نجيه...بس تحجي الايمان ماتقبل الله يخليك اريد هذا الطفل يصير ابني اني كبرت ومحتاجه احد يساعدني
اريد واحد اشغل وقتي ويااا
راح اموت من الوحده طول النهار
علي...عفتها وصعدت الايمان
ايمان...شبيك صاير شي
علي...ايمان نجيه تريد تتبنى طفل
ايمان...نجيه تتبنى طفل منيين جابته
علي...صديقتها انطتها تكول اريده يرد الوحشه عليه
ايمان..وتسجله باسمك
علي.. اكيد باسمي
ايمان..لا مااقبل يصير اخ البناتي واني مااعرف منيين ما منيين جايبته نجيه
علي...اني اريد اسوي هذا العمل في سبيل الله
اذا اني رفضت هذا الطفل شنو راح يكون مصيره
ايمان...ترجعه منيين ماجابته
علي...لا اني راح اسجله باسمي واربي واحمي من الناس
ايمان...واني مااقبل ليش ماتعوفنا نجيه بحالنا
ليش تركض ورانا
جمانه السعيدي
علي...حقها عايشه وحدها تريد طفل تتونس علي
ايمان... شنو طفل وهيه بهذا العمر
علي..يعني اذا جبيره نموتها اني راح اسجله باسمي
واربي احسن تربيه حتى يكون اخ البناتي
زعلت ايمان ما قبلت اسجل هذا ااطفل باسمي
بس اني صمتت هذا الولد راح يكون اسمه على اسمي
هلكد ماحلو حلو حلو شكد ما تتخيلون سميته يوسف
ثاني يوم رحنا عقدنا اني ونجيه بالمحكمة
وشفتلي ولد عرف سوا تاريخ زواجنا اني ونجيه قديم
قبل سنتين حتى اكدر اسجل يوسف باسمي
صار هذا الولد الحلو على اسمي
ما تتخيلون نجيه شكد تغيرت من دخل يوسف حياتها
صارت انسانه ثانيه التهت بي حتى من البيت ما تطلع
مكابلته وكاعده طول النهار
اما ايمان تكرها كره العمى
طفل زغير ماله ذنب ليش تكرها فوك ماامه وابو
شمرو قبل لا يشوفهم ولا حتى يتعرف عليهم
النوب نجي اني وايمان نجني علي
كلما يكبر يصير احلى واحلى
بين الناس كلنا هذا الطفل ابن ايمان ونطته النجيه تربي
حتى لا يصير حجي بلشارع علينا
كلما يكبر اكثر احبه واتعلق بي اكثر
كلمة بابا تخبل طالعه من حلكه
شكد يحب خواته ومايقبل احد.يحجي عليهن
كل يوم اخذه يلعب وياهن
مايخلي شي بحلكه اله فرح تاكل ويااا
اليوم صار عمره ١١ سنه صار ولد شاب
ذكي وشاطر وحنيين عليه وعلى نجيه وعلي خواته
ياسبحان الله مقسوملي يصير عندي ولد بس مو من صلبي
احبه حيل احبه معزته من معزت بناتي
خواته يحبنه بس ايمان بعدها ما تحبه وماتريده
الله يهديها علي
عفنا شغل العتيك وفتحنا محل أدوات احتياطيه مال سيارات شغلنا خير من الله
اني ويوسف لازمين الشغل
من اشوفه يشتغل وكلمه والثانيه وكال بابا
غير احس نفسي ملكت الدنيا ومابيها
اما اهلي....ابوي مات بس لو تعرفون شلون مات
لانسان القذر مستحيل يموت نظيف
اخوي الجبير اول مازوج طلع بيت وحده لان يعرف مشاكل اهلي ما تخلص
اما اخوي الازغر مني ازوج بيتنا
لان خواتي كلهن ازوجن بقت بس الزغيره ازغر وحده
بيوم امي طالع تشتري ملابس الاختي للدوام
واخوي طالع للشغل يكول بيومها حسيت نفسي تعبان وكلبي مقبوض حيل قررت اخذ اجازه وارجع للبيت
ابوي طلع تقاعد وكاعد بلببت
زوجت اخوي حيل حلوه وزغيره
ابوي يتحرش بيها من اول مازوجت على الخفيف بحجة الشقه
دائما تشكي الأخوي منه
هلكد ماحياته حرام مايكدر يميز عرضه عن عرض الناس
كلها عنده سوه
مخليهم طالعين من البيت وهاجم علي البنيه
يريد يغتصبها عباله شغله بسيطه وتعدي
بيومها اخوي حيل مريض فلاونزا وصل للشغل ورجع لان مايكدر راسه يوجعه
دخل للبيت سمع زوجته تعيط
صعد الغرفتها لكه ابوي صاعد فوكها وهيه تدفع بي وتعيط
سحبه اخوي ودفعه قوي
طلعه من الغرفه ابوي من شاف اخوي
حاول ينهزم ركض على الدرج وكع من فوك ليجوه ونفتح راسه بلنص
طبعا اهلي ماحجو هاي القصه لان يخافون على سمعتنا
ويخافون من اهل زوجت اخوي خاف تصير مشاكل
كالو وكع من الدرج ومات
وفعلا اسجل حادث بشهادة الوفاه
واخذو دفنو وسووله فاتحه
عاش قذر ومات قذر
بعد وفاة ابوي رجعت علاقتنا بااهلي اني وعائلتي
ازورهم ويزوروني
شكرا للمتابعه
دمتم سالمين...
تمت بحمد الله
لقراءة جميع فصول الرواية من هنا
وأيضا زرونا على صفحة الفيس بوك
وايضا زورو صفحتنا سما للروايات
من هنا علي التلجرام لتشارك معنا لك
كل جديد من لينك التلجرام الظاهر امامك
وايضا زورو صفحتنا سما للروايات
من هنا علي التلجرام لتشارك معنا لك