سقط: كلي براحتك واجيبلك تاني
سنيه: لاء خلاص انا شبعت بس خليهم يلفو باقي الاكل اخده معايا ولا انته عايزه
ليضحك سقط: لاء بالف هنا
اما في الحاره فها هيا نعناعه تذهب الى محل الجزاره
نعناعه: صباح الخير يا معلمه
شيكا: صباح النور
نعناعه: قاصداكي ف خدمه
شيكا: خير
نعناعه: كت عايزه كيلو لحمه عشان اطبخها اول يوم رمضان كل سنه وانتي طيبه
شيكا: ماشي اوزنلها كيلو يا لقط واتوصي
نعناعه: بس اصلي مش معايا فلوس
شيكا: وماله نعناعه انتي طيبه وجدعه
شيكا: بقولك ايه متيجي بدل القعده قدام الباب ليل نهار انتي واختك تعالو اشتغلو معانا ورزق رمضان حلو اوي وبعدين الايد الشقيانه كسبانه
نعناعه: والله فكره حلوه انا موافقه
شيكا: خلاص خدي اللحمه وكل يوم تيجو توضبو الحاجه انا هعلمكم
اما سقط فها هو قد اوصل سنيه الي منزلها
اما سنيه فها هيا تتصل علي حنيدء
سنيه: انته يا شيخ الهم الواد صبي الجزاره وقع ف غرامي وعايز يتجوزني
ليضحك حنيدء: طاب متتجوزيه يعني انتي كتي لاقيه حد يعبرك يا حجه انتي معنسه يا أبله وافقي حد طايل اهو تأكلي لحمه ببلاش واقفلي بقي عشان بجهز ورقي عشان اسافر اعمل عمره رمضان
سنيه: لا مؤمن اوي يا اخويا
حنيدء: ده زبون باعتلي دعوه
سنيه: يعني اعمل ايه انا دلوقتي
حنيدء: قولنا وافقي حد لاقي وسيبك من مدرس الهم بتاعك ده
سنيه: طاب غور ف داهيه بقي جاتك الهم
ثم تغلق الهاتف في وجهه
سنيه: اعمل ايه بس ياربي انا عارفه اني غلطت
سنيه: بس الصراحه الواد حلو ويتحب وغني كمان انا منكرش اني معجبه بيه انا هتصل بيه يرجعلي تاني واقوله علي كل حاجه وهو يبقي يقرر وكمان انا لازم أكفر عن غلطتي ديه انا ايه اللي خلاني امشي ورا الدجالين والنصابين لازم استغفر ربنا واتوب وانشاء الله ربنا هيسامحني
لتتصل علي سقط
سقط: خير يا ست الكل
سنيه: من فضلك تعالي مطرح ما نزلتني عشان عايزاك ضروري
سقط: من عيني حاضر
ثم يغلق معها الهاتف
سقط: معقوله الأبله تكون هتقوللي موافقه يافرحه قلبك يا سقط واقوم ايه بقي محدد معاها معاد الفرح واخد المعلمه شيكا تخطبهالي ايه هو اتهبلت ولا ايه ميعاد الفرح هنحدده لما نروح نخطبها افرحي يا عروسه انا العريس انا العريس
وبعد نصف ساعة يصل سقط الي سنيه التي كانت تنتظره ف الشارع
سقط: اركبي يا ابله
سنيه: انا مش موافقه علي طلبك عن اذنك
سقط: ممكن اعرف ليه
سنيه: معلش ديه حاجه تخصني
سقط: بس انا من حقي اعرف ليه
سنيه: لو عرفت مش هتكون عايز تتجوزتي وكمان نظرتك ليا هتتغير
سقط: انا اللي احدد ده لما اعرف في ايه اتفضلي اركبي مش هنقف نتكلم ف الشارع
سنيه: حاضر بس نمشي من هنا
سقط: حاضر
وبعد عده دقائق
سنيه: ممكن تقف هنا
سقط: انا سامعك اتفضلي
سنيه: بحرج اصل انا كنت معجبه باستاذ منجي وهو مكانش معبرني فواحده صاحبتي خدتني عند واحد دجال وعمله عمل وحطيته ف العصير عشان كده انته عايز تتجوزني اصل العمل كان بالمحبه
سقط: بذهول معقوله انتي يا ابله يا متعلمه تعملي كده ازاي متعرفيش أن ده اكبر حرام وغلط
سنيه: عارفه بس اعمل ايه حد قالك تشرب العصير
سقط: هو ده كل اللي هامك هو انتي متعرفيش انك كده اشركتي بالله سبحانه وتعالى
سنيه: مش للدرجه ديه
سقط: قال رسول الله صل الله عليه وسلم من اتي عرافا فقد أشرك بما أنزل على محمد صل الله عليه وسلم
سنيه: ياخبر
سقط: يعني اشركتي بالله عشان واحد مش معبرك من أصله اتفضلي عشان اوصلك وانسي انك شوفتي واحد اسمه سقط ولا حتي تعرفيه
ثم يتركها ويذهب الي منزله حزينا
سقط: احسن حاجه اني انام
اما ف الحاره فها هيا شيكا تنتهي من تعليق الفانوس والزينه والانوار
منجي: شكل الفانوس حلو اوي
شيكا: تشكر يا استاذ ما هو ده رمضان
منجي: فعلا أجواء رمضانية جميله
وهنا ياءتي العم مختار صانع الكنافه والقطايف
شيكا: انا فضيتلك الحته ديه عشان تبني الفرن
مختار: تسلمي يا بت الاصول
شيكا: كل سنه وانت طيبه يا عم مختار
مختار: وانتي طيبه
شيكا: خلي بالك سعيد هيقف جنبك بالعصاير والمخلل موسم بقي
مختار: احلي شهور السنه بس يا خساره بيخلص بسرعه ياريت السنه كلها رمضان
الفصل التاسع من هنا