حاولت إفلات نفسها منه بصعوبه مرددة : سيبني يازين بقولك سيبني.. انت ايه اللي جابك هنا وازاي دخلت اوضتي..
زين همس جمب ودنها وهو محاوطها : اهدى هنتكلم ياسلطانه هنتكلم وبس
ردت بغيظ : مش عايزه اتكلم معاك انا مش طيقاك ما تفهم بقى مش طيقاك ياأخي
لفها ليه وهي بتضربه على صدره بقوه وهي بتقول: كفايه اللي عملته كفايه بقى حرام عليك
امسك وجههها وثبتها لتنظر إليه وقال: بصيلي .. بصي لزين ممكن اعمل حاجه زي دي وانا واعي
نزلت دموعها بحرقه وقالت: بس انت عملت .. عملت حجات مش ممكن اسامحك عليها يازين ومش ممكن انساها... كانت بتتكلم وهي بتترعش كل ما افتكرت اللي حصل ..
زين بخنقه وزعل من نفسه لأنه وصلها لللحال ده :مكنتش في وعي والله مكنتش عارف انا بعمل ايه.... اصلا انا مش فاكر اللي حصل
سلطانه : مش فاكر . مش فاكر وانت بتسحب روحي من جسمي مش فاكر صريخي وانا بتوسل تسيبني ابعد عني بقى كفايه لحد كده كفايه ..حاولت تبعده عنها
لكن زين سند جبينه على جبينه وقال : معنديش اي مبرر ولا عارف انا عملت ايه لكن عاوزك تفتكري كويس انا مش كده قبل النهارده يوم فرحنا محاولتش اجبرك على حاجه افتكري كويس كلامي انا مابخدش ست بالعافيه افتكري انا عملت ايه يومها .. تفتكري زين ممكن يعمل كده
نزلت دموعها بحرقه : بس انت عملت
مسح دموعها بوجع وقال : معرفش . معرفش عملت كده ازاي والله انتي مش عارفه زين مين انتي عارف اني اخاف عليكي اكتر من نفسي
سلطانه لفت وشها الناحيه التانيه وقالت بجديه: امشي يا زين. امشي احنا ملناش نصيب مع بعض
زين حس بغصه جواه وقال: لدرجه ده هانت عليكي ايامنا
سلطانه: زي ما هونت عليك وعملت اللي عملته بيا
زين : مكنتش واعي افهمي والله مكنتش واعي اساسا مش فاكر حاجه ..
سلطانه بدموع : بس انا فاكره ومش هنسي .ابدا .
زين ...
سلطانه : امشي يازين وياريت معدتش تجي هنا تاني
رد عليها بجديه وعناد : بس انا هاجي تاني يا سلطانه وطول منتي بعيده عني هرجع اجي هنا لحد ما ترجعي بيتك اللي بقى زي القبر من بعدك .. ايامي مليانه وجهع بلاش تزودي اللي انا فيه ياسلطانه بلاش تكوني انتي والدنيا عليا ارجعي بيتك وانا هووعدك مش هجبرك على حاجه انتي مش عايزاها
سلطانه بعثه : زي وعدك الاول
مسح وشه بخنقه وبص ناحيتها وقال : هسيبك برحتك دلوقتي وهرجع تاني لكن ياريت ارجع القي سلطانه اللي عارفها اللي تحس بيا من غير ما اتكلم..
قرب عشان يبوس جبينها بعدت بخوف ابتسم بوجع وباس جبينها ونزل من الشباك بسرعه وهي بتبص على أثره ...
*************
كنان بغباء : يعني اي مش فاهم
الدكتوره بابتسامه: يا استاذ ده البيرود عادي بتحصل مع كل البناات
كنان : بس هي بتتوجع اوووي
الدكتورة: ما ده عادي حضرتك
كنان: طب مفيش مسكن اي حاجه تخليها ماتتوجعش
ابتسمت على خوفه عليها وقالت: في حضرتك اديتلها دوا وان شاء الله شويه وهتخف
كنان :طب ممكن اشوفها..
الدكتوره : اه اكيد اتفضل وكملت كلامها وهي بصاله بإعجاب على فكره اختك محظوظه فيك اوووي
ابتسم كنان بحرج وداخل عليها اول ما دخل فتحت حضنها وعيطت وهو خدها فحضنه ومسح شعرها بحنان : اشش اهدي ياحبيبتي خلاص هتخفي
هناء بطفوله : بطني وجعاني اووووي
دخلت الدكتوره وهي بتبص لكنان بإعجاب واهتمامه بأخته وسرحانه بيه اول مره تشوف حدي بيتهم بأخته كده قربت من هناء ومسحت شعرها وقالت: يابختك عندك اخ جميل بيحبك
هناء بصت للدكتوره اللي بتبص لكنان بإعجاب وكنان كان بيبصلها ويبتسم
مسكت ايد كنان وشدته ليها وقالت: احنا نخرج امتى ياكنان
كنان : تخفي الاول ونخرج
هناء بغيره : لا نخرج دلوقتي دلوقتي ياكنان قالتها بغضب طفولي
كنان : طيب ياحبيبتي طيب اهدي
هناء : انا هاديه شايفين بقطع بهدومي خلينا نمشي يللا قالت كلامها وهي تقف وتشد فيه
كنان طيب ياحبيبتي طيب هنمشي ... وبص للدكتوره بحرج وقالها لو سمحتي ممكن تندهي الممرضه تغيرلها عشان أنا مش هعرف ..
الدكتوره: طبعا اكيد وده الكرت بتاعي لو احتجت حاجه ابقى كلمني وابتسمت بخجل وقالت .بعد اذنكم
بصت ليه هناء وقالت: دي بتتكلم معاك كده ليه
كنان : بتتكلم عادي ياحبيبتي
هناء : لا مش عادي دي مش عارفه تعمل كده وكده في اديها (هناء بتقلدها )
محبتهاش ومش عايزه أجيلها تاني اديني ده وخدت الكرت بتاعهاا من أيده وقطعته ورمته في الزباله وبصت ليه بغيظ ..
وهو كان مستغرب أسلوبها ده لكن مكنش عاوز يزعلها وسأبها براحتها ..
في الطريق وهما في العربيه
كنان مسك أيدها وهو بيسوق العربيه وسأل باهتمام : حاسه انك احسن
هناء كانت بتفكر وقالت : ايوا بقيت كويسه ..
كنان : الحمدلله
هناء بهمس : كنان
كنان : عيون كنان
هناء : انا لما اكبر هبقى دكتوره انت تحب كده ..
كنان بلع غصته عشان هي اصلا بتدريس ادارة أعمال وقال بارتباك: أن شاء الله حاولي تنامي دلوقتي..
هناء : مش عايزه انام دلوقتي هنام لما اوصل.. انت تحب البنت تبقى دكتوره مش كده
كنان : اشمعني
هناء : معرفش زي الدكتوره الغلسه من شويه
ابتسم لما لاحظ واخيرا انها غيرانه وقال : أنا بحب هناء تبقى دكتوره تلميذه اللي هيا عايزاه المهم اني بحب هناء وبس
وقفت وهو بيسوق العربيه وحضنته بحماس وقالت : وانا بحبك اوووووووويي
ضحك على طفولتها بأس ذراعها اللي حضنها وهو بيقول هنعمل حادثه يابنتي بالراحه ..
**********
منى بزعل : مش شايفيني ياسماح مش شايلني من ارضي حاولت معاه كتتير مفيش فايده
سماح : يبقى مفيش الا حل واحد تخلي يجيلك يتوسل عشان تقبلي تتجوزيه
منى : اتجوزه مره وحده ايه هو قوليلي
سماح: فاكره فنجان القهوه اللي شربه يوم ماسبته سلطانه نشربه نفس الفنجان وبكده هيضطر يصلح غلطه ..
منى بخوف : لا .. لا انت مش هتحمل كده انتي عرفاني...
سماح : ياعبيطه انتي مش عايزاه تبقى مراته مش مستعجله
منى بتردد : ايوا لكن
سماح :مالكنش خلاص انا هتصرف
منى : بس انا خايفه
سماح : متخفيش جهزي نفسك الليله وحياة عنيكي الاسبوع الجاي لتكوني مراته
منى : يارب ياسماح يارب
يتبع.....