رواية سلطانة الزين الفصل الثامن 8 بقلم نوره عبدالرحمن

رواية سلطانة الزين الفصل الثامن 8 بقلم نوره عبدالرحمن

زقته منى بخفه على الكرسي و هي بتقول اشرب قهوتك الاول ...

زين وقف و قال : اللي بيحصل ده مينفعش يا منى 

منى : و انا عملت ايه يا زين انا قلبي عليك. مش اكتر

زين بجديه : منى  انا راجل متجوز

منى : بس مراتك نائمه  ومش شاغلها حالك أن كنت كويس او لا ... زين انا خايفه عليك بفكر فيك طول النهار والله  

زين بتهرب :

 تصبحي على خير و لسا هيمشي مسكت أيده و قالت :

 زين استنى عشان خاطري.

زين بص ليها و هي قربت منه و قالت أنا مش هكون عقبه في حياتك انت و سلطانة لكن متبعدنيش عنك

زين اتوتر من قربها و قال: 

امشي من هنا يا منى عيب اللي بيحصل ده

منى بدلال وحزن مصطنع : 

ايه العيب يا زين  عشان أنا بعبرلك عن مشاعري انا مش عايزه حاجه بس عايزه اخد بالي منك 

 

:تاخدي بالك من ايه بالضبط ...

ده كان صوت سلطانة المتغاظ و هي شيفاها ماسكه زين من دراعه و بتحاول تقرب منه

بعدت مني بسرعه و قالت : 

سلطانه انا شفت زين راجع و قلت اعمله قهوه 

سلطانه بحده :

وتعملي ليه قهوه ليه .. هو اما يحتاج حاجه يطلبها من مرأته 

منى بتوتر هربت و هي بتقول:

 تصبحوا على خير 

لكن سلطانه مسكت دراعها بقوة و بصت في عينيها وقالت :

 بلاش اشوفك مقربه من جوزي تاني عشان هتشوفي حاجه مش من صالحك انك تشوفيها ابدا...

منى بلعت ريقها و كملت طريقها بسرعه و هي مكسوفه من سلطانة و ازاي شافتها بالموقف ده 

زين بتهرب  : 

انتي لسا صاحيه ياروحي 

سلطانة برفعة حاجب :

 وليه حضرتك عايزني افضل مخموده عشان تاخد راحتك

زين قرب منها وقال بابتسامه:

 ايه ده كاني حاسس في حاجه هنا بتتحرق

سلطانة :

زين متعصبنيش اكتر

زين بابتسامه :

وانتي متعصبه ليه 

سلطانة بغيظ :

انت بتسأل البنت دي من امتى بتحاول تقرب منك كده 

زين :

سيبك منها وتعالي هنا 

سلطانه : 

متقربش مني واسيبني منها ليه و قولي بقا هي اتجرأت تقرب منك كده ازاي تلاقيك انت مديها ريق حلو 

زين حاوط وشها وبعد خصلات شعرها عن وشها باحتواء و قال :

حبيبتي غيوره جدا اول مره اعرف

سلطانة :

زين انا مبهزرش 

زين :

ولا انا على فكره  البنت كانت بتعمل قهوه و حسبت حسابي معاها بس كده ..

سلطانه بصت الصينيه اللي عليها الورد وقطعه الحلو و قالت :

الله الله تلاقيني قطعت خلوتكم الجميله ..

زين :

سلطانه بلاش هبل وخلينا نطلع ننام

سلطانه بعند :

انا اللي بعمل الهبل و الا انت .. قولي البنت بتعمل ايه في مكتبك في ساعه زي دي

زين : 

اهدي يا سلطانه و وطي صوتك الناس نائمه 

سلطانة :

انت خايف عليها من كلام الناس

زين بانفعال:

 سلطانه  ماخلاص بقى 

سلطانه امتلت عيونها بالدموع وقالت :

ماشي يا زين والله مش هقعدلك فيها وابقى خد راحتك مع الهانم بتاعتك.

زين مسك أيدها وقال :

استني هنا رايحه فين

سلطانة :

اجهز حاجتي و من الصبح هقول لحازم يجي ياخدني بيت ابوي 

زين : 

انتي اتجننتي احنا كنا بنتكلم بس على اي كل ده 

سلطانة :

 ايوا اتجننت انا شيفاكم بعنيا كان ناقص تاخدك في حضنها

زين :

سلطانه انتي شكلك مش نائمه كويس خلينا نطلع اوضتنا

سلطانة بعدت وقالت بتحذير:

 متلمسنش

زين:

 سلطانه 

سلطانة طلعت اوضتها و هي متعصبه 

اما زين مكنش عاوز يحصلها اصلا هو كان يومه طويل و مليان مشاكل. سأبها براحتها ونام في المكتب وقال لنفسه بكرى يكلمها لحد ما تهدى ويتكلم معاها ده اللي كان بيفكر بيه لكنه الصبح بدري لما صحي عرف أن حازم جي و خدها البيت ابوها 

اتعصب وخد فونه و اتصل بيها لكنها مش بترد اتعصب اكتر وطلع عربيته من غير فطار حتى وحصلها وو 

**********

في بيت عمران والد سلطانه 

حازم: النهارده سالي وكاميليا هيوصلو 

سلطانة : انت مش ندمان يا حازم على جوازك بالطريقه دي

حازم: انا حبيتها يا سلطانه عشان كده مش ندمان بعدين في ما بينا بنوته زي القمر لو شفتيها هتحبيها والله

سلطانة بابتسامه: مش بنتك اكيد هحبها 

حازم بضيق : لكن ابوكي لسه مش راضي يتقبل الجوازه دي.

ولسه هترد عليه سلطانة دخل ابوها عمران وقال : انتي  بتعملي ايه هنا في الوقت ده 

سلطانه بتهرب :

  يابوي انا 

عمران :

انتي ايه ..متخانقه مع جوزك.. ياهانم

حازم:

 ابوي سلطانه البيت ده بيتها برضو

عمران بانفعال : انت اخرس و متتدخلش 

وبص سلطانه و اتكلم بجديه :

وانتي جوزك كلمني و هو في الطريق هتتكلموا وتروحي معاه مش عايز دلع ماسخ

سلطانة دبت الأرض برجلها. قالت بغيظ:

 يابوي ده مش سائل بيا ولا حتى في مشاعري

عمران :

وانت عملتي ايه بدل متفهميه انتي محتاجه ايه هربتي وسبتي بيتك للغربا واهو خليلهم الجو لوحدهم

سلطانه:

 يابوي

عمران : هس مش عايز. اسمع اي اعذار جوزك جاي يصالحك وهتتكلموا وتروحوا مع بعض ومعنديش غير الكلام ده

سلطانه طلعت إوضتها بخنقه وحازم قال :

ليه كده يابوي

عمران:

 مالكش صالح انت خليك في الخوجايه اللي حايبهالنا مش عارف من انهي داهيه

حازم خرج وهو مخنوق من كلام أبوه الجارح اللي مش بيبطله..

***********

سماح بضحكه :برافو عليكي يا منى طفشتيها من البيت

منى بغيره : لكن هو راح يرجعها 

سماح بخبث:

 وماله يرجعها المهم احنا عرفنا ازاي نلعب ونلف عليها الحبل وهنكمل بكده  لحد ما زين يزهق من عنادها و يطلقها و يطردها من البيت 

منى بأمل : تفتكري زين هيعمل كده

سماح بثقه :  متاكده زي منا شيفاكي دلوقتي 

يتبع..

              الفصل التاسع من هنا 

        لقراءة جميع فصول الرواية من هنا

تعديل المقال