رواية ما بين الصباح والمساء الفصل السابع 7 بقلم مشاعر مبعثره
ﻳﻮﻡ ﺍﻟﺤﻨﻪ ﻣﺸﻴﺖ ﺍﻟﻜﻮﻓﻴﺮ ﻣﻊ ﻣﻊ ﻧﺒﺮﺍﺱ ﻭﻣﺜﺎﻧﻲ ﻭﻧﻬﻰ ﻭﻫﺎﻟﻪ ﻟﺒﺴﻮﻧﻲ
ﻓﺴﺘﺎﻥ ﺑﺘﺮﻭﻟﻲ ﻗﺼﻴﺮ ﻣﻦ ﻗﺪﺍﻡ ﻭﻋﻨﺪﻭ ﺯﻳﻞ ﺗﺼﻤﻴﻤﻮ ﺭﻫﻴﺐ ﻭﺍﻟﻴﺪﻳﻦ ٣/٤
ﻭﺍﻟﺸﻌﺮ ﻛﻴﺮﻟﻲ ﻭﺧﺼﻠﻪ ﺑﻘﺪﺍﻡ ﻭﺍﻭﻝ ﻣﺮﻩ ﻳﺘﻌﻤﻞ ﻟﻲ ﻣﻴﻜﺎﺏ ﺍﺧﻮﺍﺗﻲ ﺩﻳﻞ ﻣﺎ
ﺻﺪﻗﻦ ﺍﻟﺸﻜﻞ ﺍﻟﻄﻠﻌﺖ ﻋﻠﻴﻪ ﻳﻌﻨﻲ ﺣﺎﺟﻪ ﻛﺪﺍ ﻣﺒﺎﻟﻐﻪ ﻭﺍﻟﻠﻪ ﻗﺮﺑﺖ ﺍﻣﻮﺕ ﻣﻦ
ﺻﺪﻣﺘﻲ ﻓﻲ ﻧﻔﺴﻲ ﻭﺍﻟﻠﻮﻥ ﺑﻘﻰ ﺍﺑﻴﺾ ﻧﺎﺻﻊ ﺟﺎﺑﻮ ﻟﻲ ﺍﻟﻌﺮﺑﻴﻪ ﻭﻣﺸﻴﻨﺎ
ﺍﻟﺼﺎﻟﻪ ﺭﻗﺼﺖ ﺭﻗﻴﺺ ﻭﻧﺴﻴﺖ ﺍﻧﻲ ﻣﺎ ﻣﻮﺍﻓﻘﻪ ﻋﻠﻰ ﺍﻟﻌﺮﻳﺲ ﺯﺍﺗﻮ ﻭﺻﺎﺣﺒﺎﺗﻲ
ﻣﺎ ﻋﺮﻓﻨﻲ ﻋﺪﻳﻞ ﻭﺍﻱ ﺯﻭﻝ ﻳﺘﻜﻠﻢ ﻋﺎﺩ ﺍﻻﺳﺘﻮﺭﻳﻬﺎﺕ ﻧﺎﺭ ﺍﻟﻴﻮﻡ ﺩﺍﻙ ﻭﺍﻧﺎ ﺗﻘﻮﻝ
ﻣﺎ ﺍﻏﺴﻞ ﻭﺷﻲ ﺍﺗﺼﻮﺭ ﺳﺎﺍﺍﻱ ﺩﻛﺘﻮﺭ ﺍﻟﻬﺎﺩﻱ ﺭﺳﻞ ﻟﻲ ﺻﻮﺭ ﻟﻲ ﻣﻦ ﺍﻟﺤﻔﻠﻪ
ﻭﻗﺎﻝ ﻟﻲ ﻣﺒﺮﻭﻙ ﻳﺎ ﺑﺎﺑﺎ ﻣﺎﺷﺎﺀﺍﻟﻠﻪ ﻃﻠﻌﺘﻲ ﻗﻤﺮ : ﺍﻟﻠﻪ ﻳﺒﺎﺭﻙ ﻓﻴﻚ : ﺍﻫﺎ ﺟﺎﻫﺰﻩ
ﻟﻠﻌﻘﺪ ﺑﻜﺮﺍ؟ ﺳﻜﺘﺖ ﻗﺎﻝ ﻟﻲ ﻣﺎ ﺗﺘﻮﺗﺮﻱ ﻋﺎﺭﻑ ﺍﻧﻮ ﻓﻲ ﺷﻮﻳﺔ ﺧﻮﻑ ﻋﻠﻰ ﺗﻮﺗﺮ
ﺑﺲ ﻋﺎﺩﻱ ﻳﺎ ﺑﺎﺑﺎ ﺍﻋﺘﺒﺮﻳﻪ ﻳﻮﻡ ﻧﺠﺎﺣﻚ ﺍﻭ ﺗﺨﺮﻳﺠﻚ ﻳﻮﻡ ﻓﺮﺡ ﺍﻓﺮﺣﻲ ﺑﺲ ﻣﺎ
ﺗﺘﻮﺗﺮﻱ : ﻣﺎﺷﻲ : ﺍﻟﻠﻪ ﻳﺮﺿﻰ ﻋﻠﻴﻚ ﻃﻴﺐ ﻧﻮﻣﻲ ﺑﺪﺭﻱ ﻭﻣﺎ ﺗﺴﺎﻫﺮﻱ ﻋﺸﺎﻥ ﻣﺎ
ﺗﺼﺤﻲ ﻣﺮﻫﻘﻪ : ﺍﻧﺸﺎﺀﺍﻟﻠﻪ :: ﺗﺼﺒﺤﻲ ﻋﻠﻰ ﺧﻴﺮ : ﻭﺍﻧﺖ ﻣﻦ ﺍﻫﻠﻮ
ﺍﻧﺎ ﻧﻤﺖ ﻋﻠﻰ ﻃﻮﻝ ﻭﺻﺤﻴﺖ ﻣﺘﺄﺧﺮﻩ ﻧﺎﺱ ﺍﻟﺒﻴﺖ ﻛﺎﻧﻮ ﻓﻲ ﻣﻮﺿﻮﻉ ﺍﻟﻔﻄﻮﺭ
ﺍﻧﺎ ﺑﻴﺘﺖ ﻓﻲ ﺑﻴﺖ ﺍﻟﺠﻴﺮﺍﻥ ﺑﻌﺪ ﺟﺎﺑﻮ ﻟﻲ ﺍﻟﻔﻄﻮﺭ ﺳﺎﻗﻮﻧﻲ ﺍﻟﻜﻮﻓﻴﺮ ﻭﺍﻧﺎ ﻭﻻ
ﺟﺎﻳﺒﻪ ﺧﺒﺮ ﻟﻠﺤﺎﺻﻞ ﺯﻭﻝ ﻗﺎﻝ ﻟﻲ ﻋﻘﺪﻭ ﻣﺎﻓﻲ ﻟﺤﺪﻱ ﺍﻟﻀﻬﺮ ﺩﻛﺘﻮﺭ ﺍﻟﻬﺎﺩﻱ
ﺍﺗﺼﻞ ﺑﻲ ﻭﺳﻠﻢ ﻋﻠﻲ ﻗﺎﻝ ﻟﻲ ﺳﻤﺮ ﺍﻧﺎ ﻓﻲ ﺍﻟﺠﺎﻣﻊ ﺣﺎﻟﻴﺎ ﺍﻧﺘﻲ ﻣﻮﺍﻓﻘﻪ ﻋﻠﻰ
ﺍﻟﺰﻭﺍﺝ ﺩﺍ ؟؟ ﺳﻜﺘﺖ ﻗﺎﻝ ﻟﻲ ﻟﻮ ﻓﻲ ﺍﻱ ﺗﺮﺩﺩ ﻭﺭﻳﻨﻲ ﻗﺒﻞ ﺍﻋﻘﺪ ﺍﻧﺘﻲ ﻣﻮﺍﻓﻘﻪ
ﻭﻻﻻ؟ : ﻟﻮ ﻗﻠﺖ ﻣﺎ ﻣﻮﺍﻓﻘﻪ : ﺣﺎﺍﻟﻐﻲ ﺍﻱ ﺣﺎﺟﻪ ﺍﻧﺎ ﻟﻠﺤﻈﻪ ﻛﻨﺖ ﺣﺎﺍﻗﻮﻝ ﻻ
ﺍﻧﻔﺴﺎﺳﻲ ﻛﻠﻬﺎ ﺑﺘﻘﻮﻝ ﻛﺪﺍ ﺑﺲ ﻟﺴﺎﻧﻲ ﺗﻘﻞ ﻭﺍﺗﺬﻛﺮﺕ ﺍﻫﻠﻲ ﻭﺍﻟﺤﺎﻳﻌﻤﻠﻮﻩ ﻓﻴﻨﻲ
ﻟﻮ ﻋﻤﻠﺖ ﻛﺪﺍ ﻭﻓﻲ ﺍﺧﺮ ﻟﺤﻈﻪ ﻛﻤﺎﻥ ﺍﺑﻮﻱ ﺑﻀﺒﺤﻨﻲ ﻋﺪﻳﻞ ﻗﻠﺖ ﻟﻪ ﻣﻮﺍﻓﻘﻪ ::
ﻣﺘﺄﻛﺪﻩ ؟؟ : ﺍﻳﻮﺍ : ﺧﻼﺹ ﺗﻤﺎﻡ ﻳﺎ ﺳﻤﺮ ﺣﺎﺍﺗﻮﻛﻞ ﻭﺍﻋﻘﺪ ﺑﻌﺪ ﻧﺺ ﺳﺎﻋﺔ
ﺍﺗﺼﻞ ﺑﻲ ﻭﻗﺎﻝ ﻟﻲ ﺍﻟﻌﻘﺪ ﺗﻢ ﺍﻟﻒ ﻣﺒﺮﻭﻙ ﻳﺎ ﺳﻤﺮ ﻣﺎ ﻗﺪﺭﺕ ﺍﺭﺩ ﻟﻪ ﻭﺍﻧﻔﻘﻌﺖ
ﺑﻜﺎﺀ ﺧﻼﺹ ﺑﻘﻴﺖ ﻣﺮﺕ ﺩﻛﺘﻮﺭ ﺍﻟﻬﺎﺩﻱ ﺍﻟﺸﺎﻳﻔﺎﻩ ﺯﻱ ﺍﺑﻮﻱ ﻭﺍﻟﻌﺮﺳﻨﻲ ﻋﺸﺎﻥ
ﺍﺟﻴﺐ ﻟﻪ ﺍﻟﻮﻟﺪ ﺟﺎﺑﻮ ﻟﻲ ﺍﻟﻐﺪﺍﺀ ﺿﻘﺘﻮ ﺿﻮﺍﻗﻪ ﻭﻟﺒﺴﻮﻧﻲ ﺟﺪﻟﻪ ﻃﻠﻌﺖ ﺍﻟﻨﺎﺱ
ﺑﺎﺭﻛﻮ ﻟﻲ ﻭﻓﻀﻠﺖ ﻟﻤﻦ ﺍﻏﻠﺐ ﺍﻟﻨﺎﺱ ﻓﺎﺗﻮ ﻭﺩﻭﻧﻲ ﺍﻟﻐﺮﻓﻪ ﻧﻤﺖ ﺗﺎﻧﻲ ﺻﺤﻮﻧﻲ
ﺍﻻ ﻟﻠﻌﺸﺎﺀ ﻓﻲ ﻧﺎﺱ ﻛﺘﻴﺮﻩ ﻓﺎﺗﺖ ﻭﺍﻟﺒﻴﺖ ﺧﻒ ﻋﺸﺎﻥ ﻛﺪﺍ ﻓﻀﻠﺖ ﺗﺎﻧﻲ ﻳﻮﻡ
ﺑﺮﺿﻮ ﻧﻔﺲ ﺍﻟﺒﺮﻧﺎﻣﺢ ﻭﺩﻭﻧﻲ ﺍﻟﻜﻮﻓﻴﺮ ﻭﻟﺒﺴﻮﻧﻲ ﺍﻟﺰﻓﺎﻑ ﺩﻛﺘﻮﺭ ﺍﻟﻬﺎﺩﻱ ﺟﺎﺀ
ﺳﺎﻗﻨﻲ ﻛﺎﻥ ﻻﺑﺲ ﺑﺪﻟﻪ ﺳﻮﺩﺍﺀ ﻭﺣﺎﻟﻖ ﺷﻌﺮﻭ ﺣﻼﻗﻪ ﺣﻠﻮﻩ ﻣﺎ ﻣﺘﺤﻨﻦ ﻻﺑﺲ
ﺩﺑﻠﻪ ﻭﺳﺎﻋﻪ ﻭﺍﻧﺎ ﻻﺑﺴﻪ ﺍﻟﺰﻓﺎﻑ ﺍﻟﻤﻨﻔﻮﺵ ﺍﻟﻤﺎﻟﻲ ﻧﺺ ﺍﻟﻐﺮﻓﻪ ﻭﺍﻟﺸﻌﺮ ﻓﻮﻕ
ﺯﻱ ﺍﻻﻣﻴﺮﺍﺕ ﻭﻫﻮ ﻋﺸﺎﻥ ﻋﺎﺭﻓﻨﻲ ﺧﺎﻳﻔﻪ ﻭﻣﺘﻮﺗﺮﻩ ﻓﻀﻞ ﻣﺤﺎﻓﻆ ﻋﻠﻰ
ﺍﺑﺘﺴﺎﻣﺘﻮ ﻭﻣﺎ ﻓﻜﺮ ﻳﻘﺮﺏ ﻟﻲ ﺑﺲ ﻗﺎﻝ ﻟﻲ ﺭﺑﻨﺎ ﻳﺤﻔﻈﻚ ﻭﻇﺎﻫﺮ ﺟﺪﺍ ﺍﻧﻮ
ﻣﻨﺒﻬﺮ ﻣﻦ ﺷﻜﻠﻲ ﺳﺎﻗﻨﻲ ﻣﺸﻴﻨﺎ ﺍﻟﺼﺎﻟﻪ ﺍﺳﺘﻘﺒﻠﻨﺎ ﺍﺑﻮﺍﻱ ﻭﺍﺧﻮﺍﻧﻲ ﺯﻓﻮﻧﺎ ﻭﻣﺎ
ﺭﻗﺼﻨﺎ ﺧﺎﻟﺺ ﺑﺲ ﻗﺎﻋﺪﻳﻦ ﻟﻨﻬﺎﻳﺔ ﺍﻟﺤﻔﻠﻪ ﺑﻘﻴﺖ ﺍﺗﻠﻔﺖ ﺷﺎﻳﻔﻪ ﻟﻚ ﺍﻫﻠﻬﻢ
ﻣﺎﺷﺎﺀﺍﻟﻠﻪ ﻣﺎﺷﺎﺀﺍﻟﻠﻪ ﺭﺍﻗﻴﻦ ﻭﻻﺑﺴﻴﻦ ﻟﺒﺲ ﺟﺪ ﻭﺍﻟﺸﻌﺮ ﺩﺍ ﺍﺳﺘﻐﻔﺮ ﺍﻟﻠﻪ ﻫﻨﻮﺩ
ﺑﺲ ﺣﻤﺪﺕ ﺭﺑﻨﺎ ﺍﻧﻮ ﻟﻤﻮ ﻟﻲ ﺷﻌﺮﻱ ﻓﻮﻕ ﻋﺸﺎﻥ ﻣﺎ ﻳﻜﻮﻥ ﻓﻲ ﻣﻘﺎﺭﻧﻪ ﺑﺲ ﻣﻊ
ﺍﻟﻤﻜﻴﺎﺝ ﻃﻠﻌﺖ ﺍﻷﺣﻠﻰ ﻭﻫﻢ ﺃﻋﺠﺒﻮ ﺑﻲ ﻣﺸﻴﻨﺎ ﻧﻐﻴﺮ ﻟﻠﺠﺮﺗﻖ ﺟﺎﺕ ﺍﻣﻲ
ﺷﺎﻳﻠﻪ ﺍﻟﺮﻳﺤﻪ ﻭﻓﻀﻠﻨﺎ ﺑﺮﺍﻧﺎ ﻓﻲ ﺍﻟﻐﺮﻓﻪ ﻭﻗﻌﺪﺕ ﺗﻮﺻﻲ ﻓﻴﻨﻲ ﻭﺍﻟﺤﺎﺟﺎﺕ
ﺍﻟﻤﻔﺮﻭﺽ ﺍﻋﻤﻼ ﻗﻌﺪﺕ ﺍﺑﻜﻲ ﻧﻬﺮﺗﻨﻲ ﺍﺳﻜﺘﻲ ﻫﺲ ﺍﻭﻋﻚ ﻳﺎ ﺳﻤﺮ ﺗﻐﻠﻄﻲ ﻓﻲ
ﺷﻲ ﻭﺗﺨﺠﻠﻴﻨﺎ ﻣﻊ ﺍﻟﺮﺍﺟﻞ ﻣﺎ ﺗﺸﻮﻓﻲ ﻃﻴﺒﺘﻮ ﺩﻱ ﻭﺍﻟﻠﻪ ﻣﺎ ﻓﻲ ﺭﺍﺟﻞ ﺑﺮﺣﻢ
ﻭﻟﻮ ﻋﻤﻠﺘﻲ ﻟﻪ ﺷﻲ ﻧﺤﻦ ﺑﻨﻌﺮﻑ ﻣﺎ ﺗﻘﻮﻟﻲ ﺧﻼﺹ ﺣﺎﺗﺘﺼﺮﻓﻲ ﻋﻠﻰ ﻛﻴﻔﻚ
ﻭﺍﻟﻠﻪ ﻟﻮ ﻗﻌﺪﺕ ﺗﺘﺠﺎﻓﻠﻲ ﻭﺗﻘﻠﻲ ﻟﻪ ﺍﺩﺑﻚ ﺍﻻ ﻳﺘﺼﻞ ﺑﺎﺍﺑﻮﻙ ﻳﺠﻴﻚ ﻃﻮﺍﻟﻲ
ﻭﺍﻧﺘﻲ ﻋﺎﺭﻓﻪ ﺍﺑﻮﻙ ﻭﺍﻟﻠﻪ ﻳﻤﻮﺗﻚ ﺿﺮﺏ ﺍﻧﺎ ﻣﻦ ﺍﻟﺒﻜﺎﺀ ﻟﻤﻦ ﺧﺮﺑﺖ ﺍﻟﻤﻜﻴﺎﺝ
ﻛﻼﻣﺎ ﺩﺍ ﻣﺴﺦ ﻟﻲ ﺍﻱ ﺷﻲ ﺑﻌﺪ ﺗﻌﺐ ﻗﺪﺭﻭ ﻳﻬﺪﻭﻧﻲ ﻭﻃﻠﻌﻨﺎ ﻟﻠﺠﺮﺗﻖ ﻛﺎﻥ
ﻓﺨﻢ ﺑﺲ ﺑﺮﺿﻮ ﻣﺎ ﻗﻤﻨﺎ ﻧﻬﺎﺋﻲ ﺑﻌﺪﺍﻙ ﻭﺩﻋﺖ ﺍﻫﻠﻲ ﺑﺎﻟﺪﻣﻮﻉ ﻭﺩﻛﺘﻮﺭ ﺍﻟﻬﺎﺩﻱ
ﺳﺎﻗﻨﻲ ﺭﻛﺒﻨﺎ ﻭﺭﺍ ﻭﺳﺎﻳﻘﻨﺎ ﺍﺧﻮﻩ
ﺣﺎﻧﻤﺸﻲ ﺍﻟﺒﻴﺖ ﻃﻮﺍﻟﻲ ﻋﻨﺪﻙ ﻣﺸﻜﻠﻪ ؟؟ ﻫﺰﻳﺖ ﺭﺍﺳﻲ ﺗﺎﻧﻲ ﺑﻘﻰ ﻳﺘﻜﻠﻢ
ﻣﻌﺎﻱ ﻟﻤﻦ ﻭﺻﻠﻨﺎ ﻭﺍﻧﺎ ﻣﺎ ﻗﺎﺩﺭﻩ ﺍﺗﺠﺎﻭﺏ ﻣﻌﺎﻩ ﻟﺤﺪﻱ ﻣﺎ ﻭﺻﻠﻨﺎ ﻧﻔﺲ ﺍﻟﺒﻴﺖ
ﺍﻟﻔﺨﻢ ﺍﻟﻤﺸﻴﻨﺎﻩ ﻳﻮﻡ ﻛﺮﺍﻣﺔ ﺩﻛﺘﻮﺭ ﺍﻟﻬﺎﺩﻱ ﺑﺲ ﻛﺎﻥ ﻓﺎﺿﻲ ﺍﺗﻮﻗﻌﺖ ﺍﻟﻘﻰ ﻧﺎﺱ
ﺍﻟﺒﻴﺖ ﺑﺲ ﻣﺎﻓﻲ ﺯﻭﻝ ﻗﻠﺖ ﻟﻪ ﻧﺎﺱ ﺍﻟﺒﻴﺖ ﻓﻮﻕ ﻭﻻ ﺷﻨﻮ :: ﻻﻻ ﻓﻮﻕ ﺷﻘﺘﻨﺎ
ﻧﺤﻦ ﻧﺎﺱ ﺍﻟﺒﻴﺖ ﻣﻌﺰﻭﻣﻴﻦ ﻋﻨﺪ ﻭﺩ ﺧﺎﻟﺘﻲ ﻛﻢ ﻳﻮﻡ : ﻛﻠﻬﻢ ؟؟ ﺍﺑﺘﺴﻢ ﻭﻗﺎﻝ
ﻟﻲ ﻣﺎﻟﻚ ﺧﺎﻳﻔﻪ ؟؟ : ﻻﻻ : ﻃﻴﺐ ﺧﻠﻴﻨﺎ ﻧﻄﻠﻊ
ﻃﺒﻌﺎ ﺍﻧﺎ ﻻﺑﺴﻪ ﺗﻮﺏ ﺍﻟﺠﺮﺗﻖ ﻭﺷﺒﻂ ﻋﺎﻟﻲ ﻗﺎﻝ ﻟﻲ ﻃﻠﻌﻲ ﺍﻟﺸﺒﻂ ﻣﺎ ﺗﻘﻌﻲ
ﺍﺻﻼ ﻛﻨﺖ ﺑﺘﻜﻌﻮﺝ ﺳﺎﻱ ﻭﻻ ﺑﻌﺮﻑ ﺍﻣﺸﻲ ﺑﻪ ﻣﺎ ﺻﺪﻗﺖ ﻗﻠﻌﺘﻮ ﻭﺩﺧﻠﻨﺎ ﻃﺒﻌﺎ
ﺷﻘﺔ ﺑﺴﻢ ﺍﻟﻠﻪ ﻣﺎﺷﺎﺀﺍﻟﻠﻪ ﺗﺸﺮﺡ ﺍﻟﻘﻠﺐ ﺯﻱ ﺑﻴﻮﺕ ﺍﻻﺗﺮﺍﻙ ﺍﻟﺒﺸﻮﻓﻬﻢ ﻓﻲ
ﺍﻟﺘﻠﻔﺰﻳﻮﻥ ﺍﻟﻌﻔﺶ ﺩﺍ ﻭﺍﻟﺒﻮﻫﻴﺎﺕ ﻭﺍﻟﺴﺮﺍﻣﻴﻚ ﺍﻟﺪﻳﻜﻮﺭﺍﺕ ﻭﺍﻟﻨﺠﻔﺎﺕ ﻳﺎﺥ ﺍﺑﺪﺍﻉ
ﻋﺪﻳﻞ ﺍﻧﺎ ﺣﺴﻴﺖ ﻛﺄﻧﻲ ﻓﻲ ﺟﻨﻪ ﻭﻣﺎ ﻗﺎﺩﺭﻩ ﺍﺻﺪﻕ ﺍﻧﻮ ﺩﺍ ﺑﻴﺘﻲ ﺍﻧﺼﺪﻣﺖ
ﻋﺪﻳﻞ ﻭﺑﻘﻴﺖ ﺍﺗﻠﻔﺖ ﺯﻱ ﺍﻟﻬﺒﻠﻪ ﻗﺎﻝ ﻟﻲ ﺗﻌﺎﻟﻲ ﺩﺧﻠﻨﺎ ﻏﺮﻓﺔ ﺍﻟﻨﻮﻡ ﻭﺍﻟﻠﻪ ﻗﺮﺑﺖ
ﺍﺟﻦ ﻣﻦ ﺷﻜﻼ ﻭﺗﺠﻬﻴﺰﺍ ﻭﺍﻟﻔﺮﺵ ﺍﻟﻔﻴﻬﺎ ﻣﺮﺍﻳﺎﺕ ﻓﻲ ﻣﻜﺎﻥ ﻣﺤﻞ ﻣﺎ ﺍﻗﺒﻞ
ﺍﺷﻮﻑ ﻧﻔﺴﻲ ﻭﺍﻟﻌﺠﺐ ﺍﻟﺴﺮﻳﺮ ﺍﻟﺤﺎﺍﻧﻮﻡ ﻋﻠﻴﻪ ﺍﺣﻴﻴﻴﻴﻴﻴﻨﺎ ﻗﺎﻝ ﻟﻲ ﺍﺧﺪﻱ
ﺭﺍﺣﺘﻚ ﺑﻌﺪ ﺷﻮﻳﻪ ﺍﻟﺒﺎﺏ ﺩﻗﺎ
ﺍﺗﻔﻀﻞ : ﺍﻟﺴﻼﻡ ﻋﻠﻴﻜﻢ : ﺗﻌﺎﻟﻲ ﻳﺎ ﺗﻐﺮﻳﺪ ﻭﺟﺎﺕ ﻣﺮﺍ ﺩﺍﺧﻠﻪ ﻛﺒﻴﺮﻩ ﻛﺪﺍ ﻭﺷﻜﻼ
ﻃﻴﺒﺎﻧﻪ ﺳﻠﻤﺖ ﻋﻠﻲ ﺑﺎﻟﺤﻀﻦ ﻭﺑﺎﺭﻛﺖ ﻟﻴﻨﺎ ﻗﺎﻝ ﻟﻬﺎ ﻣﺎﻟﻚ ﻣﺎ ﻣﺸﻴﺘﻲ ﻣﻌﺎﻫﻢ :
ﻣﻌﻘﻮﻟﻪ ؟؟ ﻭﺍﻟﺒﺨﺪﻣﻜﻢ ﻣﻨﻮ ؟ ﺟﺎﺑﺖ ﻟﻴﻨﺎ ﻣﻮﻳﻪ ﻭﻋﺼﻴﺮ ﻭﺍﻧﺎ ﺑﺲ ﻗﺎﻋﺪﻩ
ﺍﺗﻠﻔﺖ ﺟﺎﺑﺖ ﻟﻴﻨﺎ ﻋﺸﺎﺀ ﻭﻫﻮ ﻗﺎﻡ ﺧﺖ ﺍﻟﺘﺮﺑﻴﺰﻩ ﻭﺍﺗﻨﺎﻭﻝ ﻣﻨﻬﺎ ﺍﻟﺼﻴﻨﻴﻪ ﻗﺎﻝ
ﻟﻬﺎ ﺗﻌﺎﻟﻲ ﺍﺗﻌﺸﻲ ﻳﺎ ﺗﻐﺮﻳﺪ : ﻻﻻ ﻭﺍﻟﻠﻪ ﺳﺒﻘﺘﻜﻢ : ﻣﺎ ﺍﺗﻌﺸﻴﺘﻲ ﺗﻌﺎﻟﻲ ﺍﻛﻠﻲ
ﺳﺎﻱ ﻣﺎﻓﻲ ﺯﻭﻝ ﻏﺮﻳﺐ : ﻋﺎﺭﻓﻪ ﻭﺍﻟﻠﻪ ﻭﺳﻤﺮ ﺩﻱ ﺑﻨﺘﻲ ﻟﻜﻦ ﺍﻧﺖ ﻋﺎﺭﻓﻨﻲ ﺑﻨﻮﻡ
ﺧﻔﻴﻔﻪ ﻗﻠﺖ ﻟﻬﺎ ﻃﻴﺐ ﺍﻛﻠﻲ ﻣﻌﺎﻧﺎ ﺍﻟﺘﺤﻠﻴﻪ ﻭﺭﻓﻌﺖ ﻟﻬﺎ ﺍﻟﺼﺤﻦ ﺍﺑﺘﺴﻤﻮ ﻫﻢ
ﺍﻻﺗﻨﻴﻦ ﻭﻋﺎﻳﻨﻮ ﻟﺒﻌﺾ ﻗﻠﺖ ﻟﻬﺎ ﻋﻠﻴﻚ ﺍﻟﻠﻪ ﺩﻛﺘﻮﺭ ﺍﻟﻬﺎﺩﻱ ﻗﺎﻝ ﻟﻲ ﺧﻼﺹ ﻳﺎ
ﺳﻤﺮ ﺧﻠﻴﻬﺎ ﻋﻠﻰ ﺭﺍﺣﺘﺎ ﻗﻠﺖ ﻟﻬﺎ ﻋﻠﻴﻚ ﺍﻟﻠﻪ ﺩﻛﺘﻮﺭ ﺍﻟﻬﺎﺩﻱ ﻗﺎﻝ ﻟﻲ ﺧﻼﺹ ﻳﺎ
ﺳﻤﺮ ﺧﻠﻴﻬﺎ ﻋﻠﻰ ﺭﺍﺣﺘﺎ ﻗﺎﻟﺖ ﻟﻪ ﻭﺍﻟﻠﻪ ﻣﺎ ﺍﻛﺴﻔﺎ ﺑﻌﺪ ﺭﻓﻌﺖ ﻟﻲ ﺍﻟﺼﺤﻦ ﺑﻴﺪﻳﻬﺎ
ﺍﻟﺤﻠﻮﺍﺕ ﻭﻗﻌﺪﺕ ﺟﻨﺒﻲ ﻭﻣﺪﺕ ﻳﺪﻫﺎ ﻣﻦ ﺍﻟﺼﺤﻦ ﺍﻟﻔﻲ ﻳﺪﻳﻬﺎ ﻭﻗﺎﻟﺖ ﻟﻲ
ﻳﺴﻠﻤﻮ ﻳﺪﻳﻚ ﺍﻧﺸﺎﺀﺍﻟﻠﻪ ﻳﺎﻟﺴﻤﺤﻪ ﺭﺑﻨﺎ ﻳﻬﻨﻴﻚ ﺍﻧﺎ ﺣﺴﻴﺖ ﺑﺎﻟﺮﺍﺣﻪ ﻣﻦ ﻭﺟﻮﺩﺍ
ﻣﻌﺎﻧﺎ ﻭﻛﻼﻣﺎ ﺍﻟﺴﻤﺢ ﺩﻛﺘﻮﺭ ﺍﻟﻬﺎﺩﻱ ﻗﺎﻝ ﺷﻜﻠﻨﺎ ﺣﺎﻧﺒﺪﺍﺀ ﺑﺎﻟﺘﺤﻠﻴﻪ ﻭﻛﻠﻮ ﻣﻨﻚ
ﻳﺎ ﺳﻤﺮ ﻗﺎﻟﺖ ﻟﻪ ﻭﻣﺎﻟﻮ ﺍﺑﺪﻭ ﺑﺎﻟﺘﺤﻠﻴﻪ ﺍﻧﺖ ﺷﻦ ﻋﺮﻓﻚ ﻳﺎﻟﺸﺎﻳﺐ ﺑﻄﺮﻳﻘﺔ
ﺍﻟﺸﺒﺎﺏ ﻓﻲ ﺍﻻﻛﻞ ﻗﻌﺪ ﻳﻀﺤﻚ ﻭﻗﺎﻝ ﻟﻬﺎ ﺍﻫﺎ ﻳﺎ ﺷﺎﺑﻪ ﻳﺎ ﺑﻨﺖ ﺍﻝ١٧ ﺳﻨﻪ :
ﺷﺎﺍﺍﺑﻪ ﻭﺍﻟﻠﻪ ﻟﺴﻪ ﻣﺎ ﺷﻴﺒﺖ ﺯﻳﻚ ﻭﻻ ﺷﻨﻮ ﻳﺎ ﺳﻤﺮ ﺍﻧﺎ ﻗﻠﺖ ﻟﻬﺎ ﻓﻲ ﺧﻠﻌﻪ
ﺍﻻﺗﺘﻴﻦ ﺷﺒﺎﺏ ﻗﺎﻟﺖ ﻟﻲ ﻭﺍﻟﻠﻪ ﻣﺎﻓﻲ ﺷﺎﺑﻪ ﻏﻴﺮﻙ ﻳﺎ ﺑﻨﺘﻲ ﺍﻛﻠﻲ ﺍﻛﻠﻲ ﻭﻻ
ﺧﺠﻼﻧﻪ ﺍﻗﻮﻡ ؟؟ ﻗﻠﺖ ﻟﻬﺎ ﻻﻻ ﻣﺎ ﺗﻤﺸﻲ ﻋﻠﻴﻚ ﺍﻟﻠﻪ : ﻻﻻ ﻛﻼﻣﻜﻢ ﺩﺍ ﻣﻌﻨﺎﻩ ﺍﻧﺎ
ﺍﻻﻣﺸﻲ ﺗﺤﻨﺴﻦ ﻓﻲ ﺑﻌﺾ ﻛﺪﺍ ﻭﻃﻮﺍﻟﻲ ﻗﺎﻡ ﺍﻧﺎ ﺍﻧﺨﻠﻌﺖ ﻗﻤﺖ ﻋﻠﻰ ﺣﻴﻠﻲ
ﻭﻗﺮﺑﺖ ﺍﺑﻜﻲ ﻗﻠﺖ ﻟﻪ ﻻﻻ ﻣﺎ ﻗﺼﺪﻱ ﻛﺪﺍ ﻭﺍﻟﻠﻪ ﺍﻧﺎ ﻣﺎ ﻗﺼﺪﻱ ﺍﻧﺖ ﺗﻘﻮﻡ ﺍﻗﻌﺪ
ﻳﺎ ﺩﻛﺘﻮﺭ ﻛﻤﻞ ﻋﺸﺎﻙ ﺍﺑﺘﺴﻢ ﻟﻲ ﻭﻫﻲ ﻗﺎﻟﺖ ﻟﻲ ﻫﺎﺍﺍﺍﺍﻱ ﺧﻠﻴﻪ ﻳﻘﻮﻡ ﺳﺎﺍﺍﻱ
ﻫﻮ ﺍﺻﻼ ﺷﺒﻌﺎﻥ ﻣﺎ ﻳﻌﻤﻞ ﻟﻚ ﻓﻴﻬﺎ ﺍﻟﺴﻤﺢ ﻣﺎ ﺃﻛﺎﻝ ﻗﺎﻝ ﻟﻬﺎ ﺍﻧﺎ ﺧﻠﻴﻨﻲ ﻫﻴﻴﻴﻦ
ﺍﻟﻜﻼﻡ ﻓﻲ ﺍﻟﻨﺎﺱ ﺍﻟﻘﺎﻟﻮ ﻋﺎﻭﺯﻳﻦ ﻳﻀﻮﻗﻮ ﺍﻟﺘﺤﻠﻴﻪ ﻭﻗﺎﻣﻮ ﺑﺎﻟﺼﻴﻨﻴﻪ ﻛﻠﻬﺎ : ﺑﺮﻱ
ﻭﺍﻟﻠﻪ ﻗﻌﺪﺕ ﻣﺠﺎﻣﻠﻪ ﺑﺲ ﻋﺸﺎﻥ ﺳﻤﺮ ﺗﺎﻛﻞ : ﺍﻟﻤﺠﺎﻣﻠﻪ ﻛﺪﻱ ﻫﻲ ﻗﺎﻟﻮ ﻟﻚ ؟
ﻳﺎ ﺷﻴﺨﻪ ﺍﻛﻠﺘﻲ ﺍﻛﺘﺮ ﻣﻦ ﺍﻟﺒﻨﺖ : ﺍﻟﻬﺎﺩﻱ ﺍﻣﺸﻲ ﻣﺸﻴﻚ ﺳﺎﻱ ﻣﺎ ﺗﻠﺨﻤﻨﺎ : ﺍﺻﻼ
ﻣﺎﺷﻲ ﻣﺎ ﻗﺎﻋﺪ ﻟﻜﻢ ﻭﻃﻠﻊ ﻗﻠﺖ ﻟﻬﺎ ﺑﻜﻮﻥ ﺯﻋﻞ ﻣﻨﻲ ﺻﺎﺡ ﻭﻋﻴﻮﻧﻲ ﺭﻏﺮﻏﺖ
ﻗﻌﺪﺕ ﺗﻀﺤﻚ
ﺯﻋﻞ ﺷﻨﻮ ﻳﺎ ﺑﻨﺖ ﺩﺍ ﻛﻠﻮ ﻫﻈﺎﺭ ﺗﻤﻲ ﺍﻛﻠﻚ : ﺷﺒﻌﺖ : ﻃﻴﺐ ﻗﻮﻣﻲ ﺍﻣﺸﻲ
ﺍﺳﺘﺤﻤﻲ ﻭﻏﻴﺮﻱ ﻣﻼﺑﺴﻚ ﺩﻱ ﺩﺧﻠﺖ ﻭﺑﺼﺮﺍﺣﻪ ﺍﻧﺎ ﺷﻔﺖ ﺣﻤﺎﻣﺎﺕ ﺭﺍﻗﻴﻪ
ﻗﺒﻞ ﻛﺪﺍ ﻣﺎﺍﻭﻝ ﻣﺮﻩ ﻳﻌﻨﻲ ﺑﺲ ﻭﺍﻟﻠﻪ ﻏﻠﺒﻨﻲ ﺍﺳﺘﺨﺪﻡ ﺍﻟﺤﻤﺎﻡ ﺩﺍ ﻳﺎﺥ ﻟﻘﻴﺖ
ﻟﻲ ﺣﺎﺟﻪ ﻛﺪﺍ ﻛﺒﺖ ﻓﻴﻨﻲ ﻣﻮﻳﻪ ﺯﻱ ﺍﻟﺠﻤﺮ ﻟﻤﻦ ﺻﺮﺧﺖ ﻃﻮﺍﻟﻲ ﻫﻲ ﺟﺎﺕ
ﺩﻗﺖ ﻟﻲ ﺍﻟﺒﺎﺏ ﻓﺘﺤﺖ ﻟﻬﺎ ﻭﻇﺎﻫﺮ ﻋﻠﻴﻬﺎ ﺍﻟﺨﻮﻑ ﻭﺍﻧﺎ ﺧﺠﻠﺖ ﺍﻭﺭﻳﻬﺎ
ﻣﺎﻟﻚ ﻳﺎ ﺑﻨﺘﻲ ﻣﺎ ﻳﻜﻮﻥ ﺟﺎﺗﻚ ﺣﺎﺟﻪ : ﻻﻻ : ﻃﻴﺐ ﻣﺎﻟﻚ ﻭﻟﻴﻪ ﻣﺎ ﺍﺳﺘﺤﻤﻴﺘﻲ
ﻟﺤﺪﻱ ﺍﺳﻲ ﻫﻲ ﺷﻜﻼ ﻓﻬﻤﺘﻨﻲ ﻗﻌﺪﺕ ﺗﻀﺤﻚ ﻋﺎﺩﻱ ﻳﺎ ﺑﻨﺘﻲ ﻣﺎ ﺗﺨﺠﻠﻲ ﻫﻮ
ﻗﺎﻝ ﻟﻚ ﺍﻧﺎ ﻛﻨﺖ ﺑﻌﺮﻑ ﺍﺳﺘﻌﻤﻼ ﺍﻟﺤﺎﺟﺎﺕ ﺩﻱ ﻇﺒﻄﺖ ﻟﻲ ﺍﻟﻤﻮﻳﻪ ﺩﺍﻓﻴﻪ
ﻭﻭﺭﺗﻨﻲ ﺍﺳﺘﻌﻤﻞ ﺍﻟﺤﻤﺎﻡ ﻛﻴﻒ ﺟﻴﺖ ﻣﺎﺭﻗﻪ ﻻﺑﺴﻪ ﻧﻔﺲ ﺍﻟﻔﺴﺘﺎﻥ ﻭﺍﻟﺘﻮﺏ
ﻗﺎﻟﺖ ﻟﻲ ﺩﺍ ﺷﻨﻮ ﻳﺎ ﺳﻤﺮ ﻣﺎﻟﻚ ﻣﺎ ﻏﻴﺮﺗﻲ ؟ ﺳﻜﺘﺖ ﻭﻧﺰﻟﺖ ﺭﺍﺳﻲ ﺟﺎﺕ
ﻗﻌﺪﺕ ﺟﻨﺒﻲ ﻭﻗﺎﻟﺖ ﻟﻲ ﻣﺎﻟﻚ ﻳﺎ ﺳﻤﺮ ﺧﺎﻳﻔﻪ ؟؟ ﻣﺸﻴﺖ ﻃﻠﻌﺖ ﻟﻬﺎ ﺍﻟﺤﺎﺟﻪ
ﺍﻻﻣﻲ ﻭﺻﺘﻨﻲ ﺍﻟﺒﺴﺎ ﻭﺧﺠﻼﻧﻪ ﺣﺘﻰ ﺍﻋﺎﻳﻦ ﻟﻬﺎ ﻗﻠﺖ ﻟﻬﺎ ﺍﻣﻲ ﻗﺎﻟﺖ ﻟﻲ ﺍﻟﺒﺴﻲ
ﺩﻱ : ﻣﺎﻟﻚ ﻣﺎ ﻟﺒﺴﺘﻴﻪ ؟ : ﻣﺎ ﺑﻘﺪﺭ ﺍﻟﺒﺴﻮ ﻗﺪﺍﻡ ﺩﻛﺘﻮﺭ ﺍﻟﻬﺎﺩﻱ ﺍﺑﺘﺴﻤﺖ ﻭﻗﺎﻟﺖ
ﻟﻲ ﺍﻧﺘﻲ ﺧﺎﻳﻔﻪ ﻣﻦ ﺍﻟﻬﺎﺩﻱ ؟؟ ﻭﺍﻟﻠﻪ ﺍﻟﻬﺎﺩﻱ ﺩﺍ ﻟﻮ ﺧﺎﻳﻔﻪ ﺗﻠﺠﺌﻲ ﻟﻪ ﻣﺎﻓﻲ
ﺍﺣﻦ ﻭﻻ ﺃﻃﻴﺐ ﻣﻨﻮ ﺍﻧﺘﻲ ﺍﻟﻤﻔﺮﻭﺽ ﺗﻜﻮﻧﻲ ﻣﻄﻤﻨﻪ ﺧﺎﻟﺺ ﺍﻟﻬﺎﺩﻱ ﻣﺎ ﺍﻟﻌﺮﻳﺲ
ﺍﻟﺒﻨﺨﺎﻑ ﻣﻨﻮ ﻭﺑﻌﺪﻳﻦ ﺷﻜﻠﻬﻢ ﺍﻫﻠﻚ ﺍﺭﻫﺒﻮﻙ ﺷﺪﻳﺪ ﺷﺎﻟﺖ ﺍﻟﺤﺎﺟﻪ ﺩﻳﻚ ﺧﺘﺘﺎ
ﺑﻌﻴﺪ ﻗﺎﻟﺖ ﻟﻲ ﻣﺎ ﺿﺮﻭﺭﻱ ﺗﻠﺒﺴﻴﻪ ﺍﺻﻼ ﻃﻠﻌﻲ ﺍﻱ ﺟﻠﺒﺎﺏ ﻭﻻ ﺑﺠﺎﻣﻪ ﻣﻦ
ﺍﻟﺒﺘﻠﺒﺴﻴﻬﻢ ﻓﻲ ﺍﻟﺒﻴﺖ ﻭﺗﻮﺏ ﻟﻮ ﺑﺘﺨﺠﻠﻲ ﺷﺪﻳﺪ ﺣﻨﺴﺘﻨﻲ ﻭﺍﺩﺗﻨﻲ ﺟﻠﺒﺎﺏ
ﻋﺎﺩﻱ ﻭﺗﻮﺏ ﻫﺰﺍﺯ ﻓﻜﺖ ﻟﻲ ﺷﻌﺮﻱ ﻋﻤﻠﺘﻮ ﻟﻲ ﺿﻨﺐ ﺣﺼﺎﻥ ﻭﻣﺎﺷﻪ ﻗﻠﺖ ﻟﻬﺎ
ﻣﺎ ﺗﻔﻮﺗﻴﻨﻲ
ﻧﺤﻦ ﻗﻠﻨﺎ ﺷﻨﻮ ؟ ﻣﺎ ﻋﺎﻭﺯﻳﻦ ﺧﻮﻑ ﻭﺍﻟﻠﻪ ﺣﺎﺟﻪ ﺑﺘﺠﻴﻚ ﻣﺎﻓﻲ ﻣﺸﺖ ﻭﺍﻧﺎ
ﻗﺎﺍﻋﺪﻩ ﻓﻲ ﻃﺮﻑ ﺍﻟﺴﺮﻳﺮ ﺧﺎﻳﻔﻪ ﺷﺪﻳﺪ ﻣﻦ ﺍﻟﺤﺎﻳﺤﺼﻞ ﻭﻟﻮ ﻋﻤﻠﺖ ﺍﻱ ﺣﺎﺟﻪ
ﻏﻠﻂ ﺍﻛﻴﺪ ﺣﺎﻳﻜﻠﻢ ﻟﻲ ﺍﺑﻮﻱ ﻭﻳﺠﻲ ﻳﻀﺮﺑﻨﻲ ﺯﻱ ﻣﺎ ﻗﺎﻟﺖ ﺍﻣﻲ ﺍﻧﺎ ﻣﻦ
ﺍﻟﺨﻮﻑ ﺟﺴﻤﻲ ﻛﻠﻮ ﻛﺎﻥ ﺑﺮﺟﻒ ﻭﻋﺮﻗﻲ ﺳﺎﻝ ﻣﻊ ﺍﻧﻮ ﺍﻟﺘﻜﻴﻴﻒ ﻋﺎﻟﻲ ﻫﻮ
ﺷﻜﻠﻮ ﺍﺳﺘﻌﻤﻞ ﺣﻤﺎﻡ ﺗﺎﻧﻲ ﺟﺎﻧﻲ ﺩﺍﺧﻞ ﻻﺑﺲ ﺑﺠﺎﻣﻪ ﻭﺍﻧﺎ ﺧﻼﺹ ﻗﻠﺒﻲ ﻗﺮﺏ
ﻳﻘﻴﻒ ﻃﻮﺍﻟﻲ ﻭﻗﻔﺖ ﻋﻠﻰ ﺣﻴﻠﻲ ﻭﻫﻮ ﺟﺎﻱ ﻋﻠﻲ ﻛﻞ ﻣﺎ ﻳﻘﺮﺏ ﺍﻧﺎ ﺍﺧﺎﻑ
ﺩﻣﻮﻋﻲ ﻃﻮﺍﻟﻲ ﺟﺎﺕ ﺟﺎﺭﻳﻪ ﻏﻤﻀﺖ ﺑﺲ ﻭﺑﻘﻴﺖ ﻣﺴﺘﺴﻠﻤﻪ ﻟﻠﺤﺎﻳﺤﺼﻞ.
يتبــــــــــــــــــــــــــــــــــــــــــــع.