رواية ما بين الصباح والمساء الفصل الثاني عشر 12 بقلم مشاعر مبعثره
ﻃﻮﺍﻟﻲ ﻗﻤﺖ ﻭﺟﺎﺀ ﺩﻛﺘﻮﺭ ﺍﻟﻬﺎﺩﻱ ﺩﺍﺧﻞ ﻫﻮ ﺍﻧﺨﻠﻊ ﻗﺎﻝ ﻟﻪ ﺧﻴﺮ ﻓﻲ ﺷﻨﻮ
ﺳﺎﻋﻪ ﻛﺎﻣﻠﻪ ﻋﺸﺎﻥ ﺗﺸﺨﺺ ؟؟ ﻧﻔﺦ ﻭﺷﻮ ﻭﻗﺎﻝ ﻟﻪ ﻋﻨﺪﻫﺎ ﺗﺎﻳﻔﻮﺩ ﻭﻣﻼﺭﻳﺎ
ﻇﺎﻫﺮ ﻋﻠﻴﻜﻢ ﻫﺎﻣﻠﻨﻬﺎ ﺷﺪﻳﺪ ﺍﻟﺒﻨﺖ ﺩﻱ ﻭﺑﻘﻰ ﻳﺘﻜﻠﻢ ﻣﻌﺎﻱ ﻣﺘﺠﺎﻫﻞ ﻭﺟﻮﺩ
ﺩﻛﺘﻮﺭ ﺍﻟﻬﺎﺩﻱ ﻗﺎﻝ ﻟﻲ ﺧﻠﻲ ﺍﺑﻮﻙ ﻳﺸﺘﺮﻱ ﻟﻚ ﺍﻟﺤﺒﻮﺏ ﺩﻱ ﻭﺗﻌﺎﻟﻲ ﺑﻌﺪ ٥ ﺍﻳﺎﻡ
ﻗﻠﺖ ﻟﻪ ﺗﺎﻳﻔﻮﺩ ﻭﻣﻼﺭﻳﺎ ﻣﺎ ﺑﺤﺘﺎﺟﻮ ﻣﻘﺎﺑﻠﻪ ﻭﺑﻌﺪﻳﻦ ﺩﺍ ﻣﺎ ﺍﺑﻮﻱ ﺯﻭﺟﻲ
ﻃﻮﺍﻟﻲ ﻓﺘﺢ ﺧﺸﻤﻮ ﻃﻠﻌﻨﺎ ﺧﻠﻴﻨﺎﻩ ﺩﻛﺘﻮﺭ ﺍﻟﻬﺎﺩﻱ ﺍﻻ ﻳﻮﺩﻳﻨﻲ ﻋﻴﺎﺩﻩ ﺗﺎﻧﻴﻪ
ﻣﺎﻣﺎ ﺗﻐﺮﻳﺪ ﻗﺎﻟﺖ ﻟﻪ ﻣﺎ ﺑﺘﻘﺪﺭ ﺍﻟﺒﻨﺖ ﺩﻱ ﺭﺟﻌﻨﺎ ﺍﻟﺒﻴﺖ ﺍﺗﺼﻞ ﺑﺼﺎﺣﺒﻮ ﺩﻛﺘﻮﺭ
ﺟﺎﻧﻲ ﺍﻟﺒﻴﺖ ﻓﺤﺺ ﻟﻲ ﻃﻠﻌﺖ ﻣﻼﺭﻳﺎ ﺑﺲ ﻣﺸﻰ ﺟﺎﺏ ﻟﻲ ﺍﻟﺤﺒﻮﺏ ﺧﻼﻧﻲ
ﺍﻛﻞ ﻭﺍﺑﻠﻊ ﻣﻨﻬﻢ ﻃﺒﻌﺎ ﻧﻔﺴﻲ ﻣﻘﻔﻮﻟﻪ ﺩﺍﻳﻤﺎ ﺑﺲ ﻣﺎﻣﺎ ﺗﻐﺮﻳﺪ ﻭﺩﻛﺘﻮﺭ ﺍﻟﻬﺎﺩﻱ
ﺑﺤﻨﺴﻮﻧﻲ ﻭﺩﻟﻌﻮﻧﻲ ﺩﻟﻊ ﻓﻲ ﺍﻟﻔﺘﺮﻩ ﺩﻱ ﺑﺎﻛﻠﻮﻧﻲ ﺑﻴﺪﻳﻬﻢ ﻭﻳﻌﻤﻠﻮ ﻟﻲ ﺍﻟﻌﺼﺎﻳﺮ
ﻣﻦ ﺍﻟﺴﺮﻳﺮ ﻣﺎ ﺑﺨﻠﻮﻧﻲ ﺍﻗﻮﻡ ﺍﻻ ﻟﻠﺼﻼﻩ ﻭﺍﻟﺤﻤﺎﻡ ﺩﻛﺘﻮﺭ ﺍﻟﻬﺎﺩﻱ ﺑﺪﺭﺳﻨﻲ ﻓﻲ
ﺍﻟﺒﻴﺖ ﻟﻤﻦ ﺑﻘﻴﺖ ﻛﻮﻳﺴﻪ ﻭﺭﺟﻌﺖ ﺍﻟﺠﺎﻣﻌﻪ ﻓﻲ ﺍﻟﺠﺎﻣﻌﻪ ﺑﻌﺎﻣﻠﻨﻲ ﻛﺄﻱ ﻃﺎﻟﺒﻪ
ﻟﺤﺪﻱ ﻣﺎ ﺍﻟﻨﺎﺱ ﻓﻜﻮ ﺳﻴﺮﺗﻨﺎ ﻭﺧﻼﺹ ﺍﺳﻄﻮﺭﺓ ﺯﻭﺟﺔ ﺍﻟﻌﻤﻴﺪ ﺑﻘﺖ ﻗﺪﻳﻤﻪ
ﻭﺍﺭﺗﺤﻨﺎ ﻣﻨﻬﺎ
ﻋﻠﻰ ﻭﻳﻦ ﺍﻟﻠﻴﻠﻪ ﻳﺎ ﺑﻨﺖ : ﻣﺎﺷﻪ ﻟﻨﻬﻰ : ﻛﻠﻤﺘﻲ ﺧﺎﻟﻮ ﺍﻟﻬﺎﺩﻱ ؟ : ﺍﻳﻮﺍ : ﻻﻻ
ﻛﻮﻳﺲ ﻓﺎﻟﺤﻪ : ﻃﻴﺐ ﺍﻧﺖ ﺍﺑﻘﻰ ﻓﺎﻟﺢ ﻭﻭﺻﻠﻨﻲ : ﺍﻣﺮﻙ ﺑﺲ ﻣﺎ ﺗﺘﻌﻮﺩﻱ
ﻭﺍﺗﻌﻠﻤﻲ ﺍﻟﺴﻮﺍﻗﻪ ﺯﺍﺗﻮ ﺑﻌﺪ ﺩﺍ ﺯﻫﺠﺘﻴﻨﺎ : ﺍﺯﻫﺞ ﺳﺎﺍﺍﻱ ﻭﺻﻠﻨﻲ ﻭﺭﺟﻊ ﺍﻧﺎ
ﻗﻌﺪﺕ ﺍﺗﻮﻧﺴﺖ ﻣﻊ ﻧﻬﻰ ﻭﺍﻣﻬﺎ ﻇﺮﻳﻔﻪ ﺷﺪﻳﺪ ﻃﺒﻌﺎ ﻣﻦ ﻭﺻﻠﺖ ﺍﺩﻳﺘﻢ ﺗﻠﻔﻮﻧﻲ
ﺧﺘﻮ ﻟﻲ ﻳﺸﺤﻦ ﻭﻣﺎ ﺣﺴﻴﺖ ﺑﺎﻟﻮﻗﺖ ﺍﻻ ﻟﻤﻦ ﺳﻤﻌﺖ ﺍﺫﺍﻥ ﺍﻟﻌﺸﺎﺀ ﻭﺍﺍﺍﺍﻱ ﺍﻧﺎ
ﺷﻠﺖ ﺗﻠﻔﻮﻧﻲ ﻟﻘﻴﺖ ﻣﻴﺔ ﻣﻜﺎﻟﻤﻪ ﻭﺭﺳﺎﻟﻪ ﻋﺎﻭﺯﻩ ﺍﺗﺼﻞ ﺑﺪﻛﺘﻮﺭ ﺍﻟﻬﺎﺩﻱ ﺍﺗﺼﻞ
ﻫﻮ ﻭﺷﺎﻛﻠﻨﻲ
ﺍﺻﻠﻮ ﻣﺎ ﻣﻤﻜﻦ ﻳﺎ ﺳﻤﺮ ﺍﻟﻌﻤﻠﺘﻴﻪ ﺩﺍ ﻣﻮﺗﻴﻨﺎ ﻣﻦ ﺍﻟﺨﻮﻑ ٤ ﺳﺎﻋﺎﺕ ﺑﺘﺼﻞ ﻭﻳﻦ
ﺍﻧﺘﻲ : ﺍﺗﺄﺧﺮﺕ ﻋﻨﺪ ﻧﻬﻰ : ﻣﺎ ﻗﻠﺖ ﻟﻲ ﻣﺎﺷﻪ ﻟﻬﺎ ﺍﻭﻻ ﻭﺛﺎﻧﻴﺎ ﺍﻟﻮﺍﺣﺪ ﻟﻤﺎ ﻳﺘﺄﺧﺮ
ﺑﺘﺼﻞ ﻳﻄﻤﻦ ﺍﻟﻨﺎﺱ ﺍﺳﻲ ﻗﺎﻋﺪﻩ ﻣﻌﺎﻫﻢ ؟؟ : ﻃﺎﻟﻌﻪ : ﻻﻻ ﺍﻭﻋﻚ ﺧﻠﻴﻚ
ﻭﺻﻔﻲ ﻟﻲ ﻭﺍﻧﺎ ﺟﺎﻱ ﻋﻠﻴﻚ ﻭﻓﻌﻼ ﺟﺎﺀ ﺩﺧﻞ ﺳﻠﻢ ﻭﻗﺎﻝ ﻟﻲ ﻳﻼ ﻣﻨﺘﻈﺮﻙ ﺑﺮﺍ
ﺍﻡ ﻧﻬﻰ ﺍﺩﺗﻨﻲ ﺑﺨﻮﺭ ﻭﺩﻟﻜﻪ ﻓﻲ ﻛﻴﺲ ﺷﻠﺘﻬﻢ ﻭﻃﻠﻌﺖ ﺩﻛﺘﻮﺭ ﺍﻟﻬﺎﺩﻱ ﺍﻟﻄﺮﻳﻖ
ﻛﻠﻮ ﻳﻮﺑﺦ ﻓﻴﻨﻲ ﺍﺩﺍﻧﻲ ﻣﺤﺎﺿﺮﻩ ﻛﺎﻣﻠﻪ ﺍﻛﺘﺮ ﺣﺎﺟﻪ ﺯﻋﻠﺘﻮ ﺍﻧﻲ ﻣﺸﻴﺖ ﻣﻦ
ﻏﻴﺮ ﻣﺎ ﺍﻛﻠﻤﻮ ﻫﻮ ﻃﺒﻌﺎ ﻻ ﺑﻨﻬﺮ ﻻ ﺑﻀﺮﺏ ﺑﺲ ﻛﻼﻣﻮ ﺣﺎﺭ ﻭﺑﺤﺴﺴﻚ ﺑﻤﺪﻯ
ﺍﻟﻐﻠﻂ ﺍﻧﺎ ﻗﺮﺑﺖ ﺍﺑﻜﻲ ﺑﺲ ﺭﺿﺎﻧﻲ ﺍﺷﺘﺮﻯ ﻟﻲ ﺍﺳﻜﺮﻳﻢ ﻭﻟﻒ ﺑﻲ ﺑﺎﻟﻌﺮﺑﻴﻪ
ﺷﻮﻳﻪ ﺣﺘﻰ ﺭﺟﻌﻨﺎ ﺗﻌﺒﺎﻧﻴﻦ ﻧﻤﻨﺎ ﻋﻠﻰ ﻃﻮﻝ ﻣﺎ ﻗﺪﺭﺕ ﺍﻣﺸﻲ ﺍﻟﺠﺎﻣﻌﻪ ﺗﺎﻧﻲ
ﻳﻮﻡ ﻭﻫﻮ ﻟﻤﻦ ﻟﻘﺎﻧﻲ ﺗﻌﺒﺎﻧﻪ ﺷﺪﻳﺪ ﻭﻏﺎﻟﺒﺎﻧﻲ ﺍﻟﺼﺤﻴﻪ ﺧﻼﻧﻲ ﺻﺤﻴﺖ ﻋﻠﻰ
ﺭﺍﺣﺘﻲ ﻟﻘﻴﺖ ﻣﺎﻣﺎ ﺗﻐﺮﻳﺪ ﻣﺠﻬﺰﻩ ﻟﻲ ﺍﻟﻔﻄﻮﺭ ﺍﺗﻮﻧﺴﻨﺎ ﺷﻮﻳﻪ ﻛﺪﺍ ﺟﻮ ﺿﻴﻮﻑ
ﺍﻫﻠﻬﻢ ﻃﺒﻌﺎ ﺍﻧﺎ ﻭﻣﺎﻣﺎ ﺗﻐﺮﻳﺪ ﻧﺰﻟﻨﺎ ﻧﺴﻠﻢ ﻋﻠﻴﻬﺎ ﻧﺎﺱ ﻣﺴﺎﺍﺍﺍﺍﺍﺥ ﻭﻣﺘﻜﺒﺮﻳﻦ
ﻣﺎﻣﺎ ﺗﻐﺮﻳﺪ ﻣﺎ ﺍﺩﺗﻢ ﻓﺮﺻﻪ ﻓﻴﻨﻲ ﺧﺎﻟﺺ ﻗﻠﺖ ﻟﻬﺎ ﺑﺮﺍﺣﻪ ﺍﻟﻨﺎﺱ ﺩﻳﻞ ﻣﺎ
ﺣﺒﻴﺘﻢ : ﺍﻋﻤﻠﻲ ﺯﻳﻲ ﺑﺲ ﻣﺸﻴﻬﻢ ﻭﺍﻋﻤﻠﻲ ﻧﻔﺴﻚ ﻣﺒﺴﻮﻃﻪ ﺩﻳﻞ ﺑﺘﺎﻋﻴﻦ
ﻣﺸﺎﻛﻞ ﻭﺻﻮﺍﻃﺎﺕ ﺑﻌﻤﻠﻮ ﻟﻚ ﻣﺤﻦ ﺳﺎﻱ ﻣﻬﻤﺎ ﻗﺎﻟﻮ ﻟﻚ ﻋﺪﻱ ﻭﻣﺸﻴﻬﻢ ﻗﻠﺖ
ﻟﻬﺎ ﺯﻫﺠﺖ ﻣﻨﻬﻢ ﻣﺎﺷﻪ ﺍﻗﺮﺍ : ﺍﻱ ﺍﺣﺴﻦ ﻃﻠﻌﺖ ﻏﺮﻓﺘﻲ ﺟﺎﺕ ﻭﺍﺣﺪﻩ ﻭﺭﺍﻱ
ﺛﻘﻴﻴﻴﻴﻠﻪ ﻭﻋﺎﻣﻠﻪ ﻧﻔﺴﺎ ﺑﺘﺘﻮﻧﺲ ﻣﻌﺎﻱ ﻭﻧﺴﺘﺎ ﺯﺍﺗﺎ ﺑﺎﻳﺨﻪ ﻣﺎ ﻋﺠﺒﺘﻨﻲ ﻻﻧﻬﺎ
ﺑﺘﺤﺎﻭﻝ ﺗﻨﺘﻘﺪ ﻣﺎﻣﺎ ﺗﻐﺮﻳﺪ ﻭﻋﺎﻭﺯﻩ ﺗﺤﺮﺷﻨﻲ ﻓﻴﻬﺎ
ﻭﺍﻟﻠﻪ ﺍﺣﺴﻦ ﻟﻚ ﺗﺒﻘﻲ ﻋﺸﺮﻩ ﻋﻠﻰ ﺭﺍﺟﻠﻚ ﻭﻻ ﺍﻟﻤﺮﺍ ﺩﻱ ﺑﺘﻄﻔﺸﻚ ﻣﺎ ﺗﺸﻮﻓﻲ
ﻣﺴﻜﻨﺘﺎ ﺩﻱ ﻭﺍﻟﻠﻪ ﺑﺘﻤﺜﻞ ﻋﻠﻴﻚ ﺑﺲ ﺣﻤﻠﺘﻲ ﻭﻻ ﻟﺴﻪ : ﻟﺴﻪ : ﻣﺎﻟﻚ ﻣﺎ ﻋﺎﺭﻓﺎﻩ
ﻋﺎﻭﺯ ﺍﻟﻮﻟﺪ ؟؟ ﺍﻭﻋﺎ ﺗﺴﻤﻌﻲ ﻛﻼﻡ ﺍﻟﻤﺮﺍ ﺩﻱ ﻣﺎ ﻋﺎﻭﺯﺍﻙ ﺗﺠﻴﺒﻲ ﻟﻪ ﺍﻟﻮﻟﺪ
ﻋﺸﺎﻥ ﻳﻔﻀﻞ ﻣﻌﺎﻫﺎ ﻫﻲ ﺍﻧﺘﻲ ﺟﺎﻫﻠﻪ ﻭﺻﻐﻴﺮﻩ ﺑﺲ ﻣﺎ ﺷﺎﻳﻔﻪ ﺷﻐﻠﻚ ﻣﺸﺖ
ﻓﺘﺤﺖ ﺍﻟﺪﻭﻻﺏ ﻃﻠﻌﺖ ﻟﻲ ﻗﻤﻴﺺ ﺍﺣﻤﺮ ﻳﺨﺠﻞ ﻗﺎﻟﺖ ﻟﻲ ﺭﻳﺤﺘﻚ ﻭﻳﻦ
ﻃﻠﻌﺘﺎ ﻟﻬﺎ : ﻛﺮﻋﻠﻲ ﺯﻱ ﻣﺎﻫﻲ ﻣﺎ ﺍﺗﻔﺘﺤﺖ ﺩﻱ ﻛﻠﻬﺎ ﺍﻣﻮﺭ ﺗﻐﺮﻳﺪ : ﻻﻻ ﻭﺍﻟﻠﻪ :
ﺍﺳﻜﺘﻲ ﺍﻧﺘﻲ ﻳﺎ ﺧﺎﻳﺒﻪ ﺷﺎﻟﺖ ﺍﻟﻘﻤﻴﺺ ﻣﻠﺘﻮ ﺭﻳﺤﻪ ﻣﺮﺍ ﻣﺘﺨﻠﻔﻪ ﺧﻼﺹ ﻗﺎﻟﺖ
ﻟﻲ ﻫﺎﻙ ﺍﻟﺒﺴﻴﻪ ﻭﺍﺗﺮﻳﺤﻲ ﻭﻃﻠﻌﺖ ﻟﻲ ﺩﻟﻜﺔ ﺍﻟﻤﺤﻠﺐ
ﺩﺍ ﺷﻨﻮ ﺩﺍ : ﺣﺎﺍﻭﺭﻳﻚ ﺍﺳﻲ ﻭﺑﻮﺭﻳﻚ ﺗﻌﻤﻠﻲ ﺑﻬﺎ ﺷﻨﻮ ﺷﻠﺘﺎ ﻣﻨﻬﺎ ﺧﺘﻴﺘﺎ ﻃﺮﻑ
ﻗﻠﺖ ﻟﻪ ﻳﺎ ﺧﺎﻟﻪ ﻋﻠﻴﻚ ﺍﻟﻠﻪ ﺯﺣﻴﻬﺎ ﺑﻌﻴﺪ : ﻫﻮ ﺷﻨﻮ ﺍﻟﺰﺣﻴﻬﺎ ﺍﻣﻚ ﻋﻤﻠﺘﺎ ﻟﻚ
ﻋﺸﺎﻥ ﺗﺮﻛﻨﻴﻬﺎ ﻛﺪﺍ؟؟ ﺗﻌﺎﻟﻲ ﻛﺪﻱ ﺍﻗﻌﺪﻱ ﻟﻲ ﺍﻭﺭﻳﻚ ﻭﻗﻌﺪﺕ ﺗﺘﻜﻠﻢ ﻭﺗﻮﺻﻲ
ﻭﺍﻧﺎ ﻭﻻ ﺷﻐﺎﻟﻪ ﺑﻬﺎ ﺍﻧﺎ ﺍﻣﻲ ﺳﻤﻌﺖ ﻣﻨﻬﺎ ﺧﻠﻲ ﺩﻱ ﺑﺨﺮﺕ ﺍﻟﻐﺮﻓﻪ ﻭﻛﺒﺮﺗﺘﺎ ﺣﺘﻰ
ﻃﻠﻌﺖ ﺍﻧﺎ ﻃﻮﺍﻟﻲ ﺭﺟﻌﺖ ﺍﻱ ﺣﺎﺟﻪ ﻣﻜﺎﻧﺎ ﻭﻏﺴﻠﺖ ﻳﺪﻱ ﺑﺎﻟﺼﺎﺑﻮﻥ
ﻭﺍﺳﺘﺤﻤﻴﺖ ﻟﺸﻌﺮﻱ ﻏﺴﻠﺘﻮ ﻭﻋﻄﺮﺕ ﺍﻟﻐﺮﻓﻪ ﻋﺸﺎﻥ ﺍﻟﺮﻳﺤﻪ ﺩﻳﻚ ﺗﺮﻭﺡ ﻗﻔﻠﺘﻬﺎ
ﻭﻃﻠﻌﺖ ﺑﺮﺍ ﻗﻌﺪﺕ ﻓﻲ ﺍﻟﺘﻠﻔﺰﻳﻮﻥ ﺩﻛﺘﻮﺭ ﺍﻟﻬﺎﺩﻱ ﺟﺎﺀ ﺩﺧﻞ ﺍﻟﻐﺮﻓﻪ ﻭﻃﻠﻊ ﻛﺎﻥ
ﺑﻘﻌﺪ ﺟﻨﺒﻲ ﻭﻳﺤﻀﺮ ﻣﻌﺎﻱ ﺍﻟﺘﻠﻔﺰﻳﻮﻥ ﺑﺲ ﻣﺎ ﺟﺎﺀ ﻣﺸﻰ ﺍﻟﺤﺪﻳﻘﻪ ﺟﺎﺕ ﻣﺎﻣﺎ
ﺗﻐﺮﻳﺪ ﻗﻌﺪﺕ ﻣﻌﺎﻱ ﻗﺎﻟﺖ ﺩﺍ ﺣﺎﺳﻲ ﺑﺸﻨﻮ ﺍﻟﻠﻴﻠﻪ ؟؟ : ﺩﻛﺘﻮﺭ ﺍﻟﻬﺎﺩﻱ؟ : ﺍﻱ
ﻣﺎﻟﻮ ﻓﺎﺻﻠﻨﺎ ﻛﺪﺍ ﻋﻤﻠﻨﺎ ﻟﻴﻪ ﺷﻨﻮ : ﺑﺮﻱ ﺳﻤﻌﻨﺎ ﺻﻮﺕ ﺗﻠﻔﻮﻥ ﻣﺎﻣﺎ ﺗﻐﺮﻳﺪ ﻗﺎﻟﺖ
ﺩﺍ ﺗﻠﻔﻮﻧﻮ ﺑﻘﻴﻨﺎ ﻧﻌﺎﻳﻦ ﻟﺒﻌﺾ ﻗﻠﺖ ﻟﻬﺎ ﺭﺩﻱ ﺍﻧﺘﻲ ﻣﺸﺖ ﺍﻟﻐﺮﻓﻪ ﻭﺳﺎﻋﻪ ﺣﺘﻰ
ﺟﺎﺕ ﻣﺘﻐﻴﺮﻩ ﻗﻠﺖ ﻟﻬﺎ ﻣﺎ ﺳﺎﻣﻌﺎﻙ ﺑﺘﺘﻜﻠﻤﻲ : ﻗﻔﻞ ﻗﺒﻞ ﺍﺻﻠﻮ ﺧﻼﺹ ﺍﻗﻔﻠﻲ
ﺍﻟﺘﻠﻔﺰﻳﻮﻥ ﺩﺍ ﻭﺍﻣﺸﻲ ﻧﺎﺩﻱ ﺭﺍﺟﻠﻚ ﻋﺸﺎﻥ ﻧﻘﻔﻞ ﺑﻌﺪﺍ ﻧﻨﻮﻡ : ﺭﺍﺟﻠﻚ ﺩﻱ ﺷﻨﻮ
ﻛﻤﺎﻥ ﺑﻌﺪﻳﻦ ﺑﻜﺮﺍ ﺍﻟﺠﻤﻌﻪ ﻧﻨﻮﻡ ﺑﺪﺭﻱ ﻟﻴﻪ ﻋﺎﻭﺯﻩ ﺍﺳﺎﻫﺮ : ﺳﺎﻫﺮﻭ ﻓﻲ ﻏﺮﻓﺘﻜﻢ
ﻗﻔﻠﺖ ﺍﻟﺘﻠﻔﺰﻳﻮﻥ ﻗﻠﺖ ﻟﻬﺎ ﻟﻴﻪ ﻳﻌﻨﻲ : ﻛﺪﺍ ﺑﺲ ﺑﻌﺪ ﻣﺸﺖ ﺟﺎﺕ ﺭﺍﺟﻌﻪ ﻟﻲ
ﻓﻜﺖ ﻟﻲ ﺷﻌﺮﻱ ﻭﺧﻠﺘﻮ ﻧﺎﺯﻝ ﻭﺍﺑﺘﺴﻤﺖ ﻟﻲ ﺗﺼﺒﺤﻲ ﻋﻠﻰ ﺧﻴﺮ : ﻭﺍﻧﺘﻲ ﻣﻦ
ﺍﻫﻠﻮ : ﻳﻼ ﺍﻣﺸﻲ ﻧﺎﺩﻳﻪ ﻭﻣﺸﺖ ﺍﻧﺎ ﺯﺍﺗﻲ ﻣﺸﻴﺖ ﻟﻘﻴﺖ ﺭﻳﺤﺔ ﺍﻟﻐﺮﻓﻪ ﺯﻱ ﻣﺎ
ﻫﻲ ﻭﺍﺍﺍﺍﻱ ﺍﻧﺎ ﻛﺄﻧﻲ ﻣﺎ ﻋﻄﺮﺗﺎ ﺍﻟﺮﻭﺍﺋﺢ ﺩﻱ ﻗﻮﻳﻪ ﺷﺪﻳﺪ ﻭﺍﻟﺪﻟﻜﻪ ﻓﻲ
ﺍﻟﺘﺴﺮﻳﺤﻪ ﻧﺴﻴﺖ ﻣﺎ ﺩﺧﻠﺘﺎ ﺩﺍ ﻛﻠﻮ ﻣﻦ ﺍﻟﻤﺮﺍ ﺍﻟﻜﺮﻳﻬﺔ ﺩﻳﻚ ﻣﺸﻴﺖ ﻟﺪﻛﺘﻮﺭ
ﺍﻟﻬﺎﺩﻱ ﻗﻌﺪﺕ ﺟﻨﺒﻮ ﻗﺎﻝ ﻟﻲ ﺍﻣﺸﻲ ﻧﻮﻣﻲ ﻳﺎ ﺳﻤﺮ ﺍﻟﺰﻣﻦ ﺍﺗﺄﺧﺮ : ﻻﻻ ﺑﻌﺪ
ﺷﻮﻳﻪ ﺭﻗﺪﺕ ﺭﺍﺳﻲ ﻓﻲ ﻛﺘﻔﻮ ﻃﻮﺍﻟﻲ ﻗﺎﻡ ﻣﺴﻜﺘﻮ ﻣﻦ ﻳﺪﻭ ﻗﻠﺖ ﻟﻪ ﺩﻛﺘﻮﺭ
ﺍﻟﻬﺎﺩﻱ ﻋﺎﻳﻦ ﻟﻲ ﻭﺑﺴﺮﻋﻪ ﻛﺴﺮ ﻋﻴﻨﻮ ﻗﻠﺖ ﻟﻪ ﻣﺘﻮﻗﻊ ﺷﻨﻮ ﻳﻌﻨﻲ ؟؟ : ﻣﺎ
ﻣﺘﻮﻗﻊ ﺣﺎﺟﻪ ﺭﺟﻊ ﻗﻌﺪ ﻭﺷﻮﻳﻪ ﻛﺪﺍ ﺭﺟﻊ ﻟﻄﺒﻴﻌﺘﻮ ﻭﺷﻔﺖ ﻧﻈﺮﺓ ﺍﻟﻌﻄﻒ
ﺍﻟﻤﺘﻌﻮﺩﻩ ﻋﻠﻴﻬﺎ ﻓﻲ ﻋﻴﻮﻧﻮ ﺍﻧﺎ ﺯﺍﺗﻲ ﺣﺴﻴﺖ ﺑﺎﻷﻣﺎﻥ ﺭﻗﺪﺕ ﺭﺍﺳﻲ ﻓﻲ ﻛﺘﻔﻮ
ﻓﺠﺎﺀﺓ ﺍﻟﻤﻄﺮﻩ ﺑﻘﺖ ﺗﻨﻘﻂ ﻗﺎﻝ ﻟﻲ ﻗﻮﻣﻲ ﺧﻠﻴﻨﺎ ﻧﺪﺧﻞ : ﻻﻻ : ﺣﺎﺗﻤﺮﺿﻲ ﻛﺪﺍ
ﻗﻮﻣﻲ ﻣﺎ ﺗﻘﻮﻱ ﺭﺍﺳﻚ : ﺑﺸﺮﻁ : ﻣﺎ ﺑﺸﻴﻠﻚ : ﺷﻴﻠﻨﻲ ﺷﻮﺍﻝ ﻋﻴﺶ : ﺍﻟﻠﻪ ﻳﻜﺒﺮ
ﻋﻘﻠﻚ ﻗﺎﻡ ﻃﻮﺍﻟﻲ ﺍﺗﻌﻠﻘﺖ ﻟﻪ ﻓﻲ ﺿﻬﺮﻭ ﺍﻟﺤﺮﻛﻪ ﺩﻱ ﺑﺤﺒﻬﺎ ﺷﺪﻳﺪ ﺟﺎﺭﻧﺎ ﻗﺎﻋﺪ
ﻳﺸﻴﻞ ﺍﻭﻻﺩﻭ ﺍﻟﺼﻐﺎﺭ ﻛﺪﺍ ﺑﺎﻟﺪﻭﺭ ﻭﺍﻧﺎ ﺍﺑﻮﻱ ﻣﺎ ﺣﺼﻞ ﺷﺎﻟﻨﻲ ﻭﺍﺗﻤﻨﻴﺖ ﺯﻭﻝ
ﻳﺸﻴﻠﻨﻲ ﻣﺎ ﻛﻨﺖ ﻋﺎﺭﻓﻪ ﺍﻧﻮ ﺍﻟﺸﻲ ﺩﺍ ﺣﺎﻳﺘﺤﻘﻖ ﺑﻌﺪ ﻛﺒﺮﺕ ﺍﻟﻤﻬﻢ ﺟﺮﺍ ﺑﻲ
ﺳﺮﻋﻪ ﻋﺸﺎﻥ ﻣﺎ ﻳﺸﻮﻓﻨﺎ ﺯﻭﻝ ﻛﺎﻥ ﻓﺘﺮﺍﻥ ﺷﺪﻳﺪ ﻧﺎﻡ ﻋﻠﻰ ﻃﻮﻝ ﻭﺍﻧﺎ ﺧﻠﻴﺘﻮ
ﻧﺎﻡ ﻃﻠﻌﺖ ﻣﺸﻴﺖ ﻟﻤﺎﻣﺎ ﺗﻐﺮﻳﺪ ﻭﺍﻧﺎ ﺑﺘﺬﻛﺮ ﻓﻲ ﻛﻼﻡ ﺭﺍﺟﻠﻚ ﻭﺳﺎﻫﺮﻭ ﻓﻲ
ﻏﺮﻓﺘﻜﻢ ﻭﺷﻌﺮﻱ ﺍﻟﻔﻜﺘﻮ ﻟﻲ ﻫﻲ ﺍﻛﻴﺪ ﻓﺎﻫﻤﻪ ﻏﻠﻂ ﻭﻻﺯﻡ ﺍﻭﺿﺢ ﻟﻬﺎ ﺣﺎﻻ
ﻣﺸﻴﺖ ﻟﻘﻴﺘﺎ ﺻﺎﺣﻴﻪ ﻭﻇﺎﻫﺮ ﻣﻦ ﻋﻴﻮﻧﺎ ﺍﻧﻬﺎ ﺑﻜﺖ ﺣﻀﻨﺘﻬﺎ ﻭﻭﺭﻳﺘﺎ ﺑﺎﻟﻌﻤﻠﺘﻮ
ﺍﻟﻤﺮﺍ ﺩﻳﻚ ﻗﻌﺪﺕ ﺗﻀﺤﻚ ﻭﻣﺎﻟﻮ ﻳﻌﻨﻲ ﻳﺎ ﺑﻨﺖ ﻣﺎ ﻓﻴﻬﺎ ﺣﺎﺟﻪ ﺍﻟﻬﺎﺩﻱ ﺭﺍﺟﻠﻚ
ﻭﺣﻼﻟﻚ : ﻣﺎ ﺭﺍﺟﻠﻲ : ﺍﻟﻠﻪ ﻳﻜﺒﺮ ﻋﻘﻠﻚ ﺑﺴﺘﻬﺎ ﻓﻲ ﺧﺪﻫﺎ ﻭﻣﺸﻴﺖ ﻧﻤﺖ ﺟﻨﺐ
ﺩﻛﺘﻮﺭﻱ
ﺟﺎﺕ ﻓﺘﺮﺓ ﺍﻻﻣﺘﺤﺎﻧﺎﺕ ﻭﻛﺎﻧﺖ ﺻﻌﺒﻪ ﺷﺪﻳﺪ ﻫﻢ ﺍﻫﺘﻤﻮ ﻟﻲ ﻭﺧﻠﻮﻧﻲ ﺍﺿﻐﻂ
ﻧﻔﺴﻲ ﺑﺴﺎﻫﺮﻭ ﻣﻌﺎﻱ ﻭﻣﺎﻣﺎ ﺗﻐﺮﻳﺪ ﻣﺎ ﻭﻗﻔﺘﻨﻲ ﻣﻦ ﺍﻟﺠﻴﻬﺔ ﻓﻲ ﻣﺤﻠﻲ
ﺑﺘﺤﻨﻨﻲ ﻭﺗﻤﺴﺤﻨﻲ ﻫﻢ ﻣﺎ ﺧﻠﻮﻧﻲ ﺍﺣﺲ ﺍﻧﻮ ﺑﺮﺍﻱ ﺍﻟﻤﻤﺘﺤﻨﻪ ﻻ ﺍﻟﺒﻴﺖ ﻛﻠﻮ
ﻭﻣﺼﺤﺼﻴﻦ ﻣﻌﺎﻱ ﻣﺮﺍﺕ ﺑﻘﺮﺍ ﻟﻠﺼﺒﺎﺡ ﻭﻣﺎ ﺑﺤﺲ ﺍﺻﻼ ﺍﻧﻮ ﺩﺍ ﻟﻴﻞ ﺍﻻﻧﻮﺍﺭ
ﻣﻮﻟﻌﻪ ﻭﻫﻢ ﻗﺎﻋﺪﻳﻦ ﻋﺎﺩﻱ ﻳﺘﻮﻧﺴﻮ ﻭﺣﺘﻰ ﺍﻟﺘﻠﻔﺰﻳﻮﻥ ﺑﺸﻐﻠﻮﻩ ( ﺑﺼﻮﺕ
ﻭﺍﻃﻲ ﻃﺒﻌﺎ ) ﻧﻈﺎﻡ ﻧﺤﻦ ﻫﻨﺎ ﻭﺍﻟﺸﺎﻱ ﻭﺍﻟﻔﺸﺎﺭ ﺩﺍ ﺑﻠﻴﻞ ﻋﻨﺪﻧﺎ ﻭﺟﺒﻪ ﻋﺪﻳﻞ
ﺑﻨﻘﻌﺪ ﻟﻬﺎ ﺍﻟﺴﺎﻋﻪ ١ ﻭﺩﻛﺘﻮﺭ ﺍﻟﻬﺎﺩﻱ ﻣﻦ ﻛﺘﺮﺓ ﻣﺎ ﺣﻔﻈﻨﻲ ﻣﺎﺩﺗﻮ ﺩﻱ ﺑﻘﻴﺖ
ﺩﻛﺘﻮﺭﻩ ﺯﻳﻮ ﻓﻴﻬﺎ ﺑﻌﺪ ﺍﻻﻣﺘﺤﺎﻧﺎﺕ ﺍﻧﺘﻬﺖ ﻋﺎﺩ ﻓﺮﺣﺖ ﻓﺮﺡ ﺍﻟﻨﻮﻡ ﻭﺍﻟﻜﺴﻞ ﺑﺲ
ﺍﺷﺘﻘﺖ ﻻﻳﺎﻡ ﺍﻟﺴﻬﺮ ﻭﻭﺟﺒﺔ ﺍﻟﺴﺎﻋﻪ ١ ﺻﺒﺎﺣﺎ ﻛﺎﻧﺖ ﺍﺟﺎﺯﻩ ﺣﻠﻮﻩ ﺑﺲ ﻗﺼﻴﺮﻩ
ﺍﻟﻨﺘﻴﺠﻪ ﻇﻬﺮﺕ ﻭﺍﻟﺘﻮﺗﺮ ﺍﻟﻤﺮﻩ ﺩﻱ ﺍﺿﻌﺎﻑ ﺣﺒﺴﺖ ﻧﻔﺴﻲ ﻓﻲ ﺍﻟﻐﺮﻓﻪ ﻋﺪﻳﻞ
ﻟﻤﻦ ﺟﺎﺀ ﺩﻛﺘﻮﺭ ﺍﻟﻬﺎﺩﻱ ﺑﺎﻟﺒﺸﺎﺭﻩ ﺍﻟﻤﺮﻩ ﺩﻱ ﻋﻤﻠﺖ ﺍﻣﺘﻴﺎﺯ ﻗﺮﺑﺖ ﺍﻣﻮﺕ ﻣﻦ
ﺍﻟﻔﺮﺡ ﻭﺩﻛﺘﻮﺭ ﺍﻟﻬﺎﺩﻱ ﺍﺷﺘﺮﻯ ﻟﻲ ﺍﻟﻬﺪﻳﻪ ﻋﺮﺑﻴﻪ ﻟﻤﻦ ﺍﺩﺍﻧﻲ ﺍﻟﻤﻔﺎﺗﻴﺢ ﻗﺮﺑﺖ
ﺍﺻﺪﻡ ﻭﺧﺎﻟﺘﻮ ﺟﻮﺍﻫﺮ ﻭﺻﺪﻳﻘﻪ ﻣﻐﻴﻮﻇﺎﺍﺍﺕ ﻣﻨﻲ ﻣﺎﻣﺎ ﺗﻐﺮﻳﺪ ﺗﺰﻏﺮﺩ ﺳﺎﻱ
ﺟﺎﺑﺖ ﻟﻬﻢ ﺍﻟﺤﻼﻭﻩ ﻭﺍﻟﺒﺎﺭﺩ ﻳﺸﺮﺑﻦ ﺑﻼ ﻧﻔﺲ ﺩﻛﺘﻮﺭ ﺍﻟﻬﺎﺩﻱ ﻋﻠﻤﻨﻲ ﺍﻟﺴﻮﺍﻗﻪ
ﻭﻓﺮﺡ ﺑﺮﺿﻮ ﺑﻌﺪ ﺗﻌﺐ ﺣﺘﻰ ﺍﺗﻌﻠﻤﺖ ﻏﻠﺒﺘﻬﻢ ﺷﺪﻳﺪ ﺩﻛﺘﻮﺭ ﺍﻟﻬﺎﺩﻱ ﺩﻱ ﺍﻧﺴﺎﻥ
ﺻﺒﻮﺭ ﻟﺪﺭﺟﻪ ﻭﺍﺗﺤﻤﻠﻨﻲ ﺷﺪﻳﺪ ﻟﺤﺪﻱ ﻣﺎ ﺍﺗﻌﻠﻤﺖ ﻭﻃﻠﻊ ﻟﻲ ﺍﻟﺮﺧﺼﻪ ﻋﻼﻗﺘﻲ
ﻣﻊ ﻓﺮﺡ ﺣﻠﻮﻩ ﺷﺪﻳﺪ ﺍﺧﻮﻳﻪ ﺑﺲ ﺍﻣﻮ ﻧﻬﺎﺋﻲ ﻣﺎ ﺑﺘﺤﺐ ﺗﺸﻮﻓﻨﺎ ﻣﻊ ﺑﻌﺾ ﻣﺮﻩ
ﻟﻘﺘﻨﺎ ﻗﺎﻋﺪﻳﻦ ﺟﻨﺐ ﺑﻌﺾ ﻓﻲ ﺍﻟﻜﻨﺒﻪ ﺑﻮﺭﻳﻨﻲ ﻓﻲ ﺻﻮﺭ ﺣﺒﻴﺒﺘﻮ ﺟﺎﺕ ﺗﺸﺎﻛﻞ
ﺳﻤﻌﺘﻨﻲ ﻛﻼﻡ ﺯﻱ ﺍﻟﺰﻓﺖ ﻭﻗﺎﻟﺖ ﻟﻪ ﺍﻧﺖ ﻗﺎﻳﻼ ﻣﺮﺗﻚ ﻭﻻ ﺷﻨﻮ ﻭﻫﻮ ﻛﻤﺎﻥ ﺑﻘﻰ
ﻟﻤﻦ ﻳﻜﻮﻥ ﻋﺎﻭﺯ ﻳﻜﺎﻭﻳﻬﺎ ﺑﻘﻮﻝ ﻟﻲ ﻣﺮﺗﻲ ﻗﺪﺍﻣﺎ ﻭﻳﻤﻮﺕ ﺿﺤﻚ ﻟﻤﻦ ﻣﺸﺖ
ﻛﻠﻤﺖ ﻟﻪ ﺍﺑﻮﻩ ﺷﺎﻛﻠﻮ
ﻳﺎ ﺍﺑﻮﻱ ﺩﺍ ﻫﻈﺎﺭ ﻋﺎﺩﻱ ﻣﺎﻓﻴﻪ ﺷﻲ : ﻣﺎﻓﻲ ﺣﺎﺟﻪ ﺍﺳﻤﺎ ﻫﻈﺎﺭ ﺩﻱ ﻣﺮﺕ ﺧﺎﻟﻚ
ﺍﻟﻔﻲ ﻣﻘﺎﻡ ﺍﺑﻮﻙ : ﻭﺍﻟﻠﻪ ﺩﺍ ﻧﻮﻉ ﻣﻦ ﺍﻟﺘﻌﻘﻴﺪ ﺑﺲ ﻭﺍﻣﻲ ﺑﺘﺤﺐ ﺗﻜﺒﺮ ﺍﻟﻤﻮﺍﺿﻴﻊ
ﺍﻟﺘﺎﻓﻬﺔ ﻋﻠﻰ ﻓﻜﺮﻩ ﺍﻟﺒﻨﺖ ﺩﻱ ﺍﻛﺒﺮ ﻣﻨﻲ ﺏ ﺳﻨﺘﻴﻦ ﻳﻌﻨﻲ ﻟﻤﻦ ﺍﺗﻮﻟﺪﺕ ﻛﺎﻧﺖ
ﺑﺘﻤﺸﻲ ﻭﺗﺘﻜﻠﻢ ﻭﺍﻧﺎ ﺍﺻﻼ ﺑﻌﺮﻓﺎ ﻗﺒﻞ ﺧﺎﻟﻮ ﺍﻟﻬﺎﺩﻱ ﻳﻌﻨﻲ ﻟﻮ ﻛﺎﻧﺖ ﺑﺘﻠﻔﺖ
ﻧﻈﺮﻱ ﻛﺎﻥ ﺣﺒﻴﺘﺎ ﻓﻲ ﺍﻟﺠﺎﻣﻌﻪ ﺍﺑﻮﻩ ﺯﻋﻞ ﻃﺒﻌﺎ ﻣﻦ ﺟﺮﺃﺗﻮ ﺩﻛﺘﻮﺭ ﺍﻟﻬﺎﺩﻱ ﻗﺎﻝ
ﻟﻪ ﻣﺎ ﺗﻜﺒﺮﻭ ﺍﻟﻤﻮﺍﺿﻴﻊ ﺩﺍ ﻫﻈﺎﺭ ﺳﺎﻱ ﻭﺍﻧﺖ ﻳﺎ ﻓﺮﺡ ﺍﻋﻤﻞ ﻛﻮﻧﺘﺮﻭﻝ ﺷﻮﻳﻪ
ﻋﻠﻰ ﺗﺼﺮﻓﺎﺗﻚ ﻋﻠﻰ ﺍﻻﻗﻞ ﻗﺪﺍﻡ ﺍﻟﻨﺎﺱ ﺧﻠﻲ ﺍﻟﻤﻘﺎﻣﺎﺕ ﻣﺤﻔﻮﻇﻪ
ﻧﻬﺎﻳﺔ ﺍﻷﺳﺒﻮﻉ ﻛﺎﻥ ﻋﺮﺱ ﺯﻣﻴﻠﺘﻨﺎ ﻓﻲ ﺍﻟﺠﺎﻣﻌﻪ ﻭﺍﻟﺤﻔﻠﻪ ﻳﻮﻡ ﺍﻟﺠﻤﻌﻪ ﺟﻬﺰﺕ
ﻧﻔﺴﻲ ﻣﻦ ﺑﺪﺭﻱ ﺍﻧﺎ ﻭﻓﺮﺡ ﻛﻨﺎ ﺑﻨﺘﻔﻖ ﻋﻠﻰ ﻛﻢ ﺣﺎﺟﻪ ﻛﺪﺍ ﺑﺲ ﺍﻣﻮ ﺟﺎﺗﻨﺎ
ﻧﺎﻃﻪ
ﺣﻔﻠﺔ ﺷﻨﻮ ﺍﻟﺒﺘﻤﺸﻮﻫﺎ ﺯﻱ ﺍﻟﺰﻣﻦ ﺩﺍ ﻛﻤﺎﻥ : ﺩﺍ ﺯﻣﻦ ﺍﻟﺤﻔﻼﺕ ﻋﻠﻰ ﻓﻜﺮﻩ ﻳﺎ
ﻣﺎﻣﺎ : ﻭﻫﺎﻟﻪ ﻣﺎﻣﺎﺷﻪ ﻟﻴﻪ ﻳﻌﻨﻲ ؟؟
يتبــــــــــــــــــــــــــــــــــــــــــــع.