﷽
ــــــــــ
عند ورد كانت قاعدة مش عارفة تعمل فعلاً اللي شوق بتقولها عليه بس هي خايفة على زعل كايا منها..
قعدت تفكر طول الليل واخدت قرار إنها هتجرب اللي شوق قالت ليها عليه.
ــــــــــــــ
الباب اتفتح عند شوق وكانت جليلة.
سيد أول ما سمع الباب بيتفتح ساب إيد شوق بسرعة.. وشوق مسكت إيديها بوجع ومسحت دموعها بسرعة
جليلة.. بابتسامة.. قطعتكم ولا إيه أنا كنت جاية أرحب بأهلك يا بنتي.
فاطمة.. لالا يا ست هانم ده بيتك تيجي في أي وقت.
جليلة بابتسامة.. نورتونا البيت بيتكم أسيبكم ترتاحوا.
جليلة خرجت بره وقفلت وحطت إيديها على بقها بصدمة.. عاوزين ينصبوا على ولدي يعيني عليك يا عمر متجوزها وهي بتخطط تلبسك مصيبة مش بتاعتك وتنصب عليك لا لازم البت دي تخرج من بيتنا.
"نفسي بس تريحي نفسك 😐🙆🏻♀️هو راضي"
فاطمة.. بخوف.. لتكون سمعتنا.
شوق.. بخوف.. أنا مش هخسر عمر بسبب جوزك.
سيد.. روحي شوفي لتكون سمعتنا.
شوق برعب.. دي بالذات اللي كانت سبب في خراب جوازة ابنها وأكيد هتخرب جوازتي من عمر لالا أنا مش هقدر أعيش من غير عمر.
فاطمة.. بخوف.. إن شاء الله مش هتكون سمعته.
شوق قعدت ترتعش وفكرت إنها تبعد عن عمر كانت هتموتها.
ــــــ
عند مراد حس بيها قام يدور عليها ويتلفت ويدور عليها في البنات اللي موجودين.. وقف مكانه وفضل يتلفت ويعتذر من الناس ونزل على ركبه.. مايا إنتي فين؟
فون مراد رن وكان كيليان.
مراد أخد تنهيدة ورد عليه.. الو.
كيليان.. أعتذر جداً مراد على عدم لقائك معه اليوم ولكن كان خارج البلاد وعاد اليوم سأتحدث معه غداً لأجلك وسأبعث لك العنوان لتذهب إليه.
مراد.. حسناً كيليان.
كيليان.. الأيام القادمة سأكون في كندا انتظر ونذهب معاً أفضل ما رأيك؟
مراد.. حسناً كيليان متى ستأتي؟
كيليان.. غداً أو بعد الغد لكن ماذا بيه صوتك هل أنت مريض؟
مراد.. لا أنا فقط في الخارج والطقس بارد.
كيليان.. استمتع يا صديقي اليوم هو عيد الحب اجلب لفتاتك شيء رائع من عندك لها وعندما تعود أعطيه لها.
مراد بلع ريقه بوجع.. فتاتي فتاتي أنا لا أعلم أين هي؟
كيليان.. ماذا.
مراد.. أخد تنهيدة.. حين تأتي سوف أتحدث معك إلى اللقاء.
كيليان.. إلى اللقاء.
وقفل معاه...
مراد قام وراح عند واحد بيبيع سلاسل بحروف العشاق راح اشترى واحدة بحرف M.. لما أرجع وألاقيكي هتكون دي هديتي ليكي من يوم الحب.
مراد رجع الفندق تاني.
ـــــــــ
عند مايا.
كانت واقفة ومصدومة وبتبص لجاك.. مالها حسناء؟
جاك بهدوء وحزن.. حزينة.
مايا بصدمة.. كيف؟
وراحت صحت حسناء وحسناء أول ما شافتها اترمت في حضنها وقعدت تعيط.. مايا.
مايا بصدمة.. مالك يا حسناء في إيه وإنتِ هنا إزاي وفين مازن؟
جاك بغضب.. ذلك الوغد لا يجب أن يذكر اسمه هنا أو بحياة حسناء.
مايا بعدم فهم.. أنا مش فاهمة حاجة في إيه؟
حسناء بوجع.. إنتي خرجتي موجوعة من البيت ده وأنا برضو خرجت بنفس الطريقة أنا ومازن خلاص انتهينا.
مايا بصدمة.. بتقولي إيه عملك إيه مازن دانا أخرب بيته.
حسناء.. بيشك فيا يا مايا معرفش مين اللي كان مسجل ليا وأنا كنت بتكلم مع شوق وورد عن جاك وإنه وحشني وبعتها لمازن وهو اتجنن وضربني قدامهم كلهم.
مايا فتحت عيونها بصدمة وجاك تعبيرات وشه اتغيرت وكور إيده بغضب.
مايا بغضب.. قطع إيده هو اتجنن ده ولا إيه وبعدين فين عمو جاسر أو عمر أو مراد محدش فيهم وقفه.
حسناء بدموع.. عمو جاسر مكنش موجود ومراد مسافر وعمر وكايا وقفوا ليه بس هو كان دمر كل حاجة بينا حتى عمر ضربه وكايا بهدلوه خلاص أنا وهو انتهينا يا مايا.. وأنا اللي رنيت على جاك وقولتله تعال خدني مش عاوزة أفضل هنا وهو جه انهارده أخدني.
مايا بصت لجاك.. عشان كدا كنت قافل فونك.
حسناء بدموع.. أنا خلاص معنتش عاوزة مازن زهقت من الشك كان معاك حق لما وقفت لينا قبل كدا إحنا نستاهل إحنا مسمعناش كلامك.
جاك بحنية قعد جانبها وأخدها في حضنه.. كفاكِ بكاء أنتِ في أمان الآن ولن أترك شيء يحدث لك أنتِ وصغيرك في أمان عزيزتي.
مايا كانت مدمعة وحسناء فتحت ليها حضنها ومايا حضنتها وجاك حضنهم الاتنين..
وكان بيتوعد ليهم.
مايا مسحت دموعها وخرجت من حضنهم.. واتكلمت بحماس.. سيبك اللي فات مش بتاعك دلوقتي إحنا سوا خلينا نرجع نسهر زي زمان.
جاك بنفس الحماس.. ماذا سنفعل؟
مايا.. هنشوف فيلم أو نلعب جاك إنت مش عندك أكل يا جدع الواحد ميت من الجوع أكل بس خمس مرات.
حسناء ضحكت.. وجاك.
جاك.. بابتسامة.. سوف نفعل ما تريد حسناء فقط.
مايا بغيظ.. وأنا لا ماشي يا كوكو.
جاك بضحك.. كوكو أتمزحين لو أحد سمع هذا الاسم لضاعت هيبتي يا حمقاء.
مايا ضربته في كتفه بغيظ.. ولاا ما تقولش حمقاء دي تاني.
حسناء بضحك.. كبرتوا بس لسه تصرفاتكم تصرفات أطفال.
مايا بتصنع الزعل.. بقت كدا يا سوسو.
حسناء.. بحب.. قلب سوسو من جوه.
جاك بحب.. انهضي معي لترتيب الأغراض هيا أنتِ وهي.
مايا بغيظ.. إحنا اللي ضيوفك يا جدع مفيش دم خالص.
جاك باستفزاز.. نو هي.
جاك سحب مايا وحسناء معاه ودخلوا المطبخ..
جاك كان بيقولهم هيعملوا إيه..
جاك.. بأمر.. مايا أنتِ دورك عمل العصائر وحسناء هذه هي الأطباق هيا افعلن شيء أنتن فتيات.
مايا.. فين الخلاط.
جاك راح فتح الدولاب ومايا نزلت راسها جاك بصلها بسخرية وفتح الدرفة وقفله كام مرة ومايا راسها عادية مايا كانت أقصر من المطبخ أصلاً بصتله بغيظ.
وحسناء كانت قاعدة بتضحك عليهم.
جاك رفع إيده وجاب ليها الخلاط وابتسامة مستفزة.. تفضلي يا قصيرة.
مايا بصتله بغيظ.
وهو طلع ليها الفاكهة وغسلها مايا أخدتها وقطعتها وحطتها في الخلاط وحطت الماية.
مايا باستغراب.. فين السكر؟
جاك كان واقف وساند على المطبخ وبيبص عليها ومربع إيده.. بجانبك.
مايا بغرور.. عارفة إني سكر.
جاك اتعدل وراح وقف وراها وهمس ليها... لا أنتِ التي ترفعي الضغط.
مايا جسمها قشعر وبصتله بغيظ.. نعم.
جاك ابتسم باستفزاز.. أنتِ الملح عزيزتي.. وشد علبة السكر.. ها هو السكر.
مايا كانت في إيديها السكينة وبصت لها وبصتله بخبث.. جاك فهم ليها.
جاك بتصنع الخوف.. لا تفعليها أنا صغير لم أتزوج دعيني أتزوج أولاً وبعد ذلك اقتلوني.
حسناء كانت بتبصلهم بحب وحطت إيديها على خدها وبصت لهم وقعدت تضحك وفي سرها.. الاتنين دول لو اتجوزوا هنعيش في كوميدي على طول.. ربنا يفرحهم على طول يارب.
مايا بسخرية.. لا أخلص البشرية منك.
جاك بغيظ.. لماذا؟ أنا لم أفعل شيء للبشرية.
مايا.. التار ولا العار يا بوي وطلعت تجري وراه وهو يجري منها
حسناء بضحك.. ابعدي يا بت عن الواد اللي حيلتنا.
جاك بتصنع الخوف.. أنقذيني حسناء من آكلة لحوم البشر هذه.
مايا بغيظ.. طيب وحياة أمك مانا سيباك انهارده.
حسناء فضلت تضحك على جنانهم وقامت وقفت في النص وفتحت دراعتها عشان تحمي جاك من مايا وهي بتضحك.. خلاص يا سيد الناس عيل وغلط.
مايا.. أشطا عشانك بس.
جابوا العصير والمسليات وقعدوا يتفرجوا على التلفزيون حسناء.. جاك تعال اقعد هنا جانبي في النص.
مايا بغيظ.. نادلة وأنا أقول هقعد جانبك عشان وحشاني.
حسناء بضحك.. إنتي هتنامي معايا بس هو وحشني.
جاك طلع لسانه لمايا وجاب بطاطين وشغل الدفاية وقعدوا في الصالة مايا أخدت طبق فشار وقعدت تاكل فيه بغيظ وحسناء حطت راسها على كتفه وهو بصلها بحنية وباس راسها.
مايا.. هنتفرج على كرتون.
جاك بغيظ.. ماذا لا نحن ليسنا صغار لن يحدث ذلك.
حسناء.. خلاص اهدوا متتخانقوش هنتفرج على فيلم رومانسي.
مايا.. بلوي بوز.. أوك.
حسناء.. عندك أفلام إيه؟
جاك.. الواي فاي مرتبط لجهاز العرض يمكنك اختيار الفيلم الذي تفضلينه.
حسناء.. أشطا.
مايا.. بحسك لما بتتكلم كدا إنك ريبوت اتكلم عادي زينا.
جاك.. أنتم تتحدثون لغة عابسة أنا أتحدث اللغة العربية بصعوبة ما بالك بلغتكم هذه.
مايا.. دي لطيفة وسهلة كمان جرب إنت بس تتكلم زينا وبعدين أنا وحسناء معاك هتبقى تتكلم مصري زي البلب.
جاك بعدم فهم.. ماذا يعني لبلب؟
مايا.. بغيظ.. يعني حلو.
حسناء لقت فيلم وطفت النور ورجعت قعدت جانبه.. اسكتوا إنتوا الاتنين الفيلم هيشتغل.
جاك ابتسم..
مايا.. بغيظ.. إنتي مش لاقية غير أم الفيلم ده وتشغليه اقلبي يا ستي.
حسناء.. باستفزاز.. لا ده حلو وبعدين رومانسي يمكن يقرب القلوب ولا حاجة.. وضحكت وبصت لهم بمكر.
مايا بصت لها بغيظ ورجعت رجعت ظهرها لورا وحسناء هكذا وجاك ظهرت ابتسامة على شفايفه وكان بيبصلها بطرف عينه.
قعدوا يتفرجوا على الفيلم حسناء كانت قاصدة تجيب الفيلم ده عشان هو أكتر فيلم رومانسي ويمكن يحرك مشاعرهم لبعض.
مايا بتتفرج وبتحط إيدها جانبها عادي ومش مركزة حطتها على إيد جاك جاك عمل نفسه مركز مع الفيلم وهي شالت إيديها.. بعد 3 ساعات الفيلم كان خلص ومايا كانت سندت راسها على كتف جاك.
جاك كان منزل كتفه ليها عشان تعرف تحط راسها كان مستمتع بقربها منه.
حسناء بخبث.. إيه رأيكم نلعب لعبة الصراحة أو جرأة.
جاك.. حسناً.
مايا.. بلاش أسئلة محرجة.
حسناء.. أوك.
حسناء.. بخبث.. هنبدأ مع مايا.. صراحة ولا جرأة.
مايا.. مش هتولك اللي في بالك صراحة.
حسناء بخبث.. مين أول حب ليكي؟
مايا اتصدمت وبصت لها بغيظ وبعدين بصت على جاك اللي مستنيها تقول...
مايا بتوتر.. وكدب.. مراد.
جاك لف وشه الناحية التانية واتنهد بغضب.
حسناء.. أمم جاك دورك.. صراحة ولا جرأة.
جاك.. جرأة.
حسناء.. بوس أول شخص يجي على بالك.
جاك ابتسم وبص لمايا.. اللي مفهمتش نظرته.. وحسناء كانت بتبصلهم بمكر.
جاك باس مايا من خدها.
مايا بصدمة.. إنت عملت إيه..
جاك ببرود.. تحدي مايا.
حسناء كانت كاتمة ضحكتها عليهم.
حسناء.. خلاص اهدوا إحنا بنلعب عادي وتحدي ليه وهو كسب وإنتي يعني تعادل.
حسناء.. مايا إنتي المرة اللي فاتت اختارتي صراحة المرة دي هيبقى تحدي.. قومي ارقصي.
مايا بغضب.. إنتي اتجننتي.
حسناء.. عادي يا مايا مفيش حد فينا غريب ده جاك وأنا.
مايا بغيظ.. هو يعني جاك ده بنت ماهو راجل.
حسناء بتأف.. أنجزي يا مايا ياما جاك هياخد نقطة منك.
مايا قامت.. نعم هرقص إيه؟
حسناء بخبث.. بلدي.
جاك بلع ريقه بصعوبة.. حسناء لا تفعلين ذلك.
حسناء بمكر.. إيه ده تحدي إنتوا مكبرين الموضوع ليه وبعدين ما هي مايا رقصت في فرحي عادي هو الرقص قدام الناس حلو والتحدي وحش خلاص النقطة لجاك.
مايا بصت لها بغيظ.. طيب فين الأغنية؟
حسناء.. شغلت الطبلة وقعدت تصقف ليها.. يلا يا مايا.
مايا رقصت وهي متوترة وجاك نزل عيونه لتحت وكان بيبلع ريقه بصعوبة.
حسناء عشان تشجع مايا قامت برضو وشدت جاك معاها ورقصت معاها عشان تقربهم من بعض حسناء راحت غيرت الأغنية وشغلت ولا كان الحب عمره باختيارنا.
وزقت جاك على مايا وجاك فهم لحسناء.. ارقص معاها إنتوا عاملين زي الريبوتات كدا ليه وكملت بضحك..
حسناء حطت إيد جاك على وسط مايا وإيد مايا على رقبة جاك.. يلا ارقصوا انهارده عيد الحب يلا بدل ما أزعل وأنا قولت أفرح معاكم.
واصطنعت الزعل.
الاتنين رقصوا مع بعض عشانها والاتنين كانوا متوترين وحسناء قعدت وحطت رجل على رجل وقعدت تصقف لهم.. وفي سرها.. هخليكم تحنوا لبعض لأنكم إنتوا الاتنين لبعض.
فجأة حصل حاجة بعَدتهم عن بعض وويتبع.
الفصل الثامن عشر من هنا