رواية عودة عاشق ج4 الفصل السادس 6 بقلم منة الله الجزار
*صراع الجبابرة*
﷽
ــــــــ
في كندا
كان جاك وكيليان وحسناء ومايا والباقين قاعدين بعيد بيتفرجوا عليهم وهما بيلعبوا
بره الملعب.
داليا بابتسامة.. أحسن قرار أخدته إنك جمعت الاتنين دول مع بعض شايفين حلوين أوي إزاي.
ديف وهو بيشرب قهوة.. أنا أريد مايا له منذ الصغر وتحدثت مع أخي أحمد رحمة الله عليه في هذا الموضوع قبل ذلك قال لي الأولاد صغار ومايا لم تبلغ حتى الثامنة عشر وقبل ذلك توجد إنجي تتزوج إنجي وبعدها نفكر في زواج مايا وجاك.
داليا بصدمة.. انت متقدم ليها وأنا معرفش؟
جميلة.. ولا أنا أعرف أحمد مقلش ليا حاجة عن الموضوع ده.
ديف بابتسامة.. لم نخبر أحد لكي لا يحدث أي مشاكل ولكي نرى هل الأولاد ينسجمون مع بعضهم البعض أم لا؟ وبعد سنوات جاء مراد لخطبة مايا ورأينا الانسجام بينهم لذلك لم أفاتح أحمد في ذلك الأمر مجددًا مثلما تعلمان الخطبة حدثت سريعًا ولم نعلم إلا عندما الخطبة الرسمية وجميعًا رأينا مباركات جاك لهما وعدم انزعاجه من ذلك لكن عندما قام مراد بفعل ذلك الشيء الشنيع بمايا رأيت ما فعل به جاك كنت أظن أنه فعل ذلك لأجل شقيقته الصغرى كما يفعل بما يفكر في حرج حسناء لذلك رأيت أنسب حل هو الزواج.
داليا بذهول.. أنا فكرتك عملت كدا عشان تضرب مراد وتبعده عن مايا.
ديف بضحك.. عزيزتي لم تري جاك كيف كان يرقص معها ولدك عيناه تقولان إنه عاشق ولهان.. انظري جيدًا كيف يلعبان كيف شخصية جاك تتغير معها هي.
داليا بابتسامة.. فعلاً جاك بشوف ضحكته معاها أنا بحب مايا وكنت عاوزاها من زمان ليه وكنت هفتحك في الموضوع لقيتك جاية تقوليلي ده مايا اتخطبت سكت وقولت ربنا يسعدها.
جميلة بتنهيدة.. أنا مكنتش موافقة على مراد بس أعمل إيه هي فضلت تصر عليا وانتي عارفة إنها عنيدة قولتلها خلاص بس مترجعيش تعيطي قالتلي لا مش هعيط مراد استحالة يزعلني ده بييجي ليا عند الجامعة وبيعتذرلي ووو وقعدت تعدلي قولتلها تمام أوك.. ولما اتوجعت منه جات ليا وقالتلي كان معاكي حق جات ليا مكسورة منه تعرفي إن أمه كلمتني قبل ما أنزل أخد مايا من الصعيد.
داليا باستغراب.. كانت عاوزة إيه العقربة دي؟ أنا ما بحبش الولية دي.
جميلة بسخرية.. قال إيه بنتك أنا مستحيل أقبل بيها في عيلتي تعالي خديها من هنا ولا هتطلعها من هنا على نقالة.. هبعتلك رجالة مراد ييجوا ياخدوكي وخدي بنتك خليها تبعد عن ابني بدل ما أموتها ليكي.
كانت بتتكلم بسخرية وغضب في نفس الوقت.
داليا بغضب.. نقالة ننقلها هي واللي يتشدد ليها هي مفكرة إنها ملهاش أهل ولا إيه دي كانت بس تفكر تقربلها والله في سماه لكونت جبتها من مصارينها وهي في قلب ولادها هي هبلة دي ولا إيه هما مفكرين إن اللي عملوه في بناتي ده هسكت ليهم عليه ده الصبر بس والله لخليهم يترعبوا كدا ويخافوا يناموا.
ديف بضحك.. عزيزتي لا تقلقي جاك لن يتركهم.
جميلة.. بس جاك الصبح وافق إنه مايأذيش حد فيهم.
ديف بضحكة عالية.. ههههه جاك تتحدثين كأنك لا تعلمين جاك جيدًا جاك تحدث من بين أنيابه هو لم يفعل شيء حتى الآن لكنه سوف يفعل في الوقت المناسب للرد انتم لا تعلمون جاك.
جميلة.. أنا اللي عاوزاه يبعدوا عن ولادي الناس دول خليهم في حالهم بعيد عنهم أنا ما صدقت رجعت الضحكة على وش بنتي من تاني ده كله اللي أنا عاوزاه هي خلاص بقت مع راجل بجد مش عاوزة حياتها تتخرب من تاني.
في الملعب.
كيليان.. بحماس.. من ستكون معي في الفريق؟
حسناء.. انتم الاتنين بتعرفوا تلعبوا سلة أنا ملعبتش من زمان ومش هعرف أتنطط كتير عشان البيبي.
كيليان.. باستغراب.. هل الصغير سوف يلعب معنا؟
مايا بغيظ حدفت كيليان بالكورة وهو شقطها.. كيليان افتح دماغك هي حامل يا بابا والتنطيط غلط ليها افهم ممكن لا قدر الله يحصل ليها حاجة أو البيبي.
كيليان.. بضيق.. حسنًا أنا لم أكن أعلم لم ألد قبل ذلك؟
مايا بغيظ.. هو انت من النوع اللي بيولد كيليان ما تجننيش عليك.
جاك بضحك.. حسنًا فتى وفتاة كل اتنين فريق من معي ومن مع ذلك الأحمق.
كيليان بغيظ.. أكيد ليست تلك الساحرة الشريرة.
مايا بغيظ.. ولاااااااااا مين دي الساحرة الشريرة.
كيليان بضحك.. انتي تعلمين أيتها الساحرة لا أحد يعلم أكثر منك.
حسناء بضحك.. خلاص اهدوا انتم الاتنين بطلوا نقار وانتم عاملين زي الأطفال كدا خلاص مايا وجاك وأنا وكيليان كدا الفريقين خلاص.
مايا بغرور.. جاك أحسن من كيليان.
جاك.. حسنًا هيا لنلعب.
كيليان غمز لجاك وضحك وجاك فهم إنه عمل كدا عشان مايا تكون مع جاك مش معاه "مش سهل كيليان 😁"
وبدأ اللعب وكانوا بيلعبوا وبيدخلوا أهداف في بعض كان كيليان بيتعمد يزق مايا على جاك وجاك يمسكها وكانت حسناء فاهمة ده وكانت بتضحك عليهم
بعد ساعة من اللعب تعبوا وقعدوا في الأرض كلهم من كتر التعب
كيليان.. بتعب وضحك.. لم أمرح منذ وقت طويل كذلك اشتقت لهذه الأيام.
جاك شرب مية.. مؤكد.
حسناء.. بحماس.. إيه رأيكم نتصور سوا؟
مايا.. فكرة حلوة.
كيليان.. حسنًا اقتربوا جميعًا لكي ألتقط بعض الصور لنا.
قربوا منه وحسناء ومايا كانوا في النص وجاك على الطرف مايا كانت قصيرة مكنتش باينة في الصور
كيليان بخبث.. قصيرة جداً مايا جاك لماذا لا تحملها.
مايا بصدمة.. إيه؟
كيليان.. بتصنع البراءة.. ماذا انتي قصيرة جداً.
مايا بغيظ.. انتم اللي عمالقة.
جاك قرب منها وشالها ومايا اتصدمت وهو بص للكاميرا وهي برضو بصت للكاميرا واتصوروا كتير وقعدوا على الأرض واتصوروا كانوا أغلب الوقت بيبصوا لبعض وكيليان وحسناء بيبصوا لبعض بخبث عليهم.. وفجأة.
ـــــــــــــــــــــ
عند عمر في القسم.
كان واقف والمحامي وجاسر قاعدين ورئيس النيابة معاهم.
رئيس النيابة.. الأفيد ليك إنك تتكلم وتقول الحقيقة ده هيحسن موقفك في القضية.
المحامي.. حضرتك موكلي معملش كدا وتقدر تسأل الناس عن سمعته في البلد وشغله الكل بيحبوه أكيد حد زق الناس دول عليه عشان يوقع موكلي.
جاسر.. يا باشا ولدي لا ليه في الحديث ده ولا يعرفوه ده بيخاف يقتل نملة هيتاجر في أعضاء وسلاح أكيد حد مزقوق عليه يا باشا.
رئيس النيابة.. ما هو لازم يتكلم يا كبير السكوت مش فايدة ليه المشكلة إن اللي اتمسكوا اعترفوا عليه هو وقالوا اسمه إنه المعلم بتاعهم وغير كدا في شهود موقفه صعب قوي يا كبير القضايا اللي هو اسمه فيها كبيرة وفيها حبل مشنقة أنا ممكن أخر التحقيق معاه يومين ويتحبس أربع أيام على ذمة التحقيق يكون اتكلم أو حصل أي حاجة تثبت براءته اكتب يا بني قررنا نحن شريف منصور محمد رئيس النيابة بحبس المتهم عمر مكرم حامد العزايزي بالحبس أربعة أيام على ذمة التحقيق نظر طعن المحامي حسن محمود في الأدلة وانتظار التقرير الشرعي للمتوفين واستخراج الجثث من المقابر وتشريحها وتتطابق الأدلة مع الأدلة المقدمة ضد المدعى عليه.
عمر غمض عيونه بوجع وجاسر بص له بحزن عليه.
شريف.. رن جرس وجه الأمين.. خده على الحبس.
أخد عمر وعمر مشي معاه..
جاسر.. مش هسيبك يا ولدي لحالك وإن شاء الله هتبان الحقيقة يا متر مفيش نوم ابني مظلوم 🥺 لازم تبان الحقيقة انت فاهم وإلا هخرب الدنيا.
ــــــــــــ
عند شوق
أمها خدتها ومشيوا وراحت عند القسم فضلت مستنية جاسر بره لحد ما خرج جريت عليه بدموع.. عملت إيه يا عمي فين عمر مخرجش معاكم ليه؟
جاسر بحزن.. اتحبس أربع أيام على ذمة التحقيق.
شوق بلطم على وشها.. يا لهوي عمر معملش حاجة لده كله عمر مظلوم ليه يشيل ليلة مش ليلته طيب المستشفى فيها أكيد كاميرات مرجعوش الكاميرات ليه؟
المحامي.. يا مدام التحقيقات شغالة وأكيد هيبان اللي عمل كدا.
شوق.. دول هيكونوا لغوا كل حاجة أكيد في حاجة عمر مش هيلبس الليلة دي ده أكيد هو اللي عملها.
جاسر باستغراب.. مين هو قولي يا بنتي.
شوق بصت على سيد بشر وراحت مسكته من هدومه وفضلت تضرب فيه.. لبستوها ليه يا ولاد الكلـــــــــب انت وهو ده واحد منهم يا عمي أكيد ليه يد في اللي عمر فيه ده كله.
سيد مسك إيدها وزقها بالقوة وقعت على السلالم ونزلت دم..
فاطمة صوتت.. شوووق.
جاسر كان مصدوم وسيد جري.
شوق بوجع.. وهي بتبص على هدومها اللي بقت كلها دم وبطنها وجعتها ووو.
"يا عيني عمر هيلاقيها من مين ولا مين ده اللي بيقولوا عليه موت وخراب ديار"
ــــــــــــــــ
عند ورد
راحت بيت ثنية وخبطت عليها وكانت بتعيط.
ثنية فتحت ليها واتفاجأت لما لقتها ورد وكمان بتعيط.
ثنية بخضة.. مالك يا ضنايا فيكي إيه بتعيطي ليه وإيه الشنطة دي في إيه؟
ورد حضنتها وفضلت تعيط.
ثنية مكنتش فاهمة حاجة....
ـــــــــــــــــ
عند مراد
وصل بيت جركام
نزل ودخل وطلب إنه يشوف حسناء.
راح حد وقال لحسناء.
حسناء باستغراب.. مقلش ليكي هو مين؟
الخدامة.. لا مدام.
حسناء.. تمام.
حسناء.. هروح أشوف مين؟
جاك.. آتي معك؟
حسناء.. لا هشوف مين ولو احتجت حاجة هعرفك.
حسناء راحت تشوف ولقت في شاب واقف ومديها ظهره..
حسناء باستغراب.. مين حضرتك؟
مراد لف ليها وحسناء اتصدمت..
حسناء بصدمة.. مراد انت اتجننت بتعمل إيه هنا؟
مراد بهدوء.. حسناء أنا هنا عشانك انتي ومازن.
حسناء.. أنا ومازن أنا ومازن خلاص انتهينا يا مراد قوله ميتعبش نفسه استحالة أرجعله بعد اللي حصل ده كله.
مراد بهدوء.. حسناء عارف إنه غلط بس سامحيه انتم بينكم بيبي فكري فيه.
مايا.. هروح أشوف حسناء اتأخرت ليه.
راحت تشوف حسناء اتأخرت ليه وخرجت لقت مراد واقف مع حسناء.
مايا بصدمة.. مراد وويتبع.
رأيكممم
عاوزة تفاعل حلوو ورأيكم .