رواية عودة عاشق ج4 الفصل الثالث 3 بقلم منة الله الجزار
*صراع الجبابرة*
﷽
ــــــــ
عمر بجمود.. كايا اثبت ليا إنك فعلاً تستحقها وإني مش هيجي في يوم وأختي تزعل منك أو تنجرح منك. اثبت ليا إنك راجل وتعرف تكون نفسك كويس.
كايا بهدوء.. هأسس نفسي بنفسي يا عمر وهتعرف إني راجل يعتمد عليه ووقتها هتعرف إن أختك في إيد أمينة. أنا مستعد أعمل أي حاجة عشان ورد. هثبت ليك إني قد الثقة يا عمر.
عمر بابتسامة خفيفة.. وده أملي فيك. دلوقتي أوعدني إنك ما تكلمش ورد في الموضوع ده ولا تفتحوه إلا لما يوم ما تيجي وتقولي أنا قادر أعيش أختك وفعلاً استحقها.
كايا بابتسامة.. وعد من راجل.. وأنت كمان أوعدني إنها ما تكونش لحد تاني غيري وإلا وقتها هخطفها واتجوزها..
عمر بجدية.. وعد من راجل. أختي مش هتكون لحد تاني غيرك.
ورد ابتسمت ليه بدموع.
وشوق.. ربنا يخليكم لبعض.
كايا بابتسامة.. ويخليكي لينا يا مرات أخويا.
شربات كانت طالعة من على السلم وسمعتهم في آخر الكلام.. بغيظ.. ليه كل ما أحاول أخلص منهم وأفككهم عن بعض يتجمعوا تاني؟ بس مش هيفضل الكلام ده كتير. أنا لازم أخلص منهم ويفضل البيت ده يبقى بتاعي.
شربات راحت أوضتها.
كانت متعصبة أوي وكانت بتفكر تعمل إيه وقررت تعمل اللي جليلة ما وافقتش عليه.. استنت لبليل خالص ونزلت تتسحب وخرجت بره البيت قابلت واحد كان لافف على وشه شال عشان محدش يعرفه وهي كانت بتتلفت حوالين نفسها.
شربات بخوف.. عملت اللي قلتلك عليه؟
الراجل.. آه بيقولك حطي منه في الأكل بتاعهم والشرب وهما هياكلوا في بعض. بس ما تكتريش الكمية كلها. قسميهم على 3 مرات عشان مفعول العمل يشتغل.
شربات بخوف.. ماشي طيب وبتاع مراد فين؟
الراجل.. أنتي ما جبتيش ليا حاجة من أثره. هاتي حاجة من أثره عشان يعرف يشتغل عليها.
شربات طلعت ساعة لمراد.. خد دي. مراد عنده ساعات كتير مش هيلاحظ إن في ساعة اختفت.
الراجل.. ماشي. أنا همشي دلوقتي ولما يخلص هاجي ليكي وما تخافيش الكبير حاسبني.
شربات.. ماشي. أنا همشي دلوقتي لحد يشوفني وأنت امشي بسرعة.
الراجل مشي وشربات فضلت تلف برأسها لحد يكون شافها ورجعت البيت جري ودخلت استحبت وطلعت على أوضتها طوالي... وفضلت تبص على الكيس اللي في إيديها بخبث وفرحة.
شربات بخبث.. قربت نهايتكم يا ولاد حامد العزايزي كلكم. والحق هيرجع لصحابه أخيراً.
راحت دارت الكيس كويس عشان محدش يشوفه وراحت نامت ولا كأن في حاجة.
ـــــــــــــــــ
*عند سيد جوز فاطمة*
سيد كان قاعد بيشرب.
فاطمة كانت نايمة وصحيت على الدخانة اللي ملت الأوضة وهي عندها حساسية قامت تكح.
سيد بزهق.. هتطلع روحك لو هتطلع. غوري بره ما تضيعيش ليا السيجارة.
فاطمة بحزن.. وتعب.. طيب افتح الشباك اتخنقت من الدخانة.
سيد ببرود.. عاوزة اللي هنا يعرفوا إني بشرب؟ أنتي هبلة إياك ولا إيه؟ أنتي ناسية إننا أهل بنتك يعني لو عرفوا بكدا هيزلوها طول حياتها. انكتمي بقى وانخمدي.
فاطمة بدموع.. بس أنت عارف إني عندي حساسية على صدري.
سيد بزهق.. بقولك إيه ما تغوري في داهية مش هتضيعي ليا المزاج.
فاطمة بصت له وعيطت وراحت تنام وهي بتكح.. في سرها.. يا رب ابعد شره عن بنتي يا رب وجوزها.
سيد قعد يفكر هيعمل إيه؟
ـــــــــــــــ
*عند كايا وبلال*
بلال بصدمة.. بتقول إيه؟
كايا بهدوء.. زي ما سمعت هتطلع أشتغل بره.
بلال بصدمة.. يا بني أنت عندك شركة بملايين هتسيب ده كله وتروح تشتغل باليومية؟ كايا أنت أكيد اتجننت.
كايا ببرود.. اتجننت ليه؟ أولاً الشركة بتاعت ماما سكر مش بتاعتي. وفيها إيه لما أبني نفسي بنفسي؟ وبعدين أنا معايا كلية تجارة. ممكن أقدم في أي وظيفة محاسب. أي حاجة. المهم إني أبني نفسي عشانها عشان أعيشها من جيبي مش من فلوس أبويا. هي هتتجوزني أنا مش أبويا.
بلال بهدوء.. فاهم بس طنط سكر كاتبة كل حاجة باسمك أنت. دي يا جدع ادتك وش ابنها من غير ما تتردد. هتسيب ده كله عشان الحب.
كايا بحب.. أنا أسيب الدنيا كلها إن شاء الله أقعد معاها في عشة. المهم إني أكون معاها وبس. وحتى العشة دي هتكون من تعبي أنا مش من فلوس أي حد.
بلال بدعم.. وخوف عليه.. كايا أنت عارف إني معاك في أي حاجة. أنت صاحبي بعد كمال الله يرحمه وأنا بجد خايف عليك. أنت متدلع من يوم ما جيت على الدنيا دي. هيبقى صعب عليك إنك تنزل تشتغل كدا.
كايا.. عارف إنك خايف عليا بس يا عم أنا عاوز أثبت نفسي إني كايا مش كايا العزايزي أخو مراد وابن جاسر العزايزي. فاهمني.
بلال.. تمام.. وأنت هتعمل إيه دلوقتي؟
كايا.. هروح بكرة إن شاء الله أدور على أي شغل.
بلال.. اشطا وأنا معاك مش هسيبك لوحدك يا صاحبي.
كايا بحب.. بحبك يا صاحبي.
بلال بحب.. معاك على الموت.
وحضنوا بعض بحب.
دول اللي أغنية بحبك يا صاحبي بجد تمشي معاهم 😂
ـــــــــــــــــ
جاهزين قولوا جاهزين 🫣👀😊
*عند جاك* كان بيدور من ناحية وكيليان من ناحية هو وحسناء والكل.
جاك كان بيفتح الأوض كلها من غير حتى ما يستأذن من حد. وفي اللي كانوا نايمين واتخضوا من جاك وسابهم وخرج. كان بيدور زي المجنون.
*عند مايا ومراد*
مراد ببرود.. زي ما أنتي بعتيني ونمتي معاه آه أنا كمان نمت معاها.
الكلام نزل على مايا قعدت من كتر الصدمة ورجليها ما كانتش قادرة تشيلها من كتر الصدمة.. بتقول إيه؟
مراد بصلها ببرود.. إيه؟ معلش اتصدمتي؟ عادي يا قلبي. أنا كنت عارف إن جاك أخدك وسافر. واللي متأكد منه إن جاك في مشاعر من ناحيته ليكي وأنتي كمان ما تلعبيش عليا عشان أنتي قلتي لي في مرة إن جاك هو حبك الأول ولما لقيتيه منفض ليكي بعدتي وما قلتيش ليه حاجة. جاك وأنتي. أنا ما كنتش أعرف إنك ممكن تبيعي نفسك ليه كدا.. عشان كدا نمت مع جاسيكا.
مايا بصدمة.. بعت نفسي ليه؟
مراد.. وهو بيشرب سيجارة تانية.. آه.
مايا قعدت تضحك بدموع.. بجد هههه وأنتم من إمتى مع بعض.
مراد ببرود.. من يوم ما جيت هنا كندا اتقابلنا وأنا بتغدى في الفندق والبنت حلوة ولقيتها رامية نفسها عليا قلت أدلع نفسي فيها حاجة يعني..
مايا.. بسخرية.. ما طلعتش خطة ولا لعبة من جاك أهو وطلعت عارفها وكمان نمت معاها في الحرام يا مراد.
مراد بسخرية.. يعني أنتي أحسن مني؟ ما أنتي كنتي مع جاك كدا. واحدة بواحدة. أنا قلتلك شوفي الليلة بكام وأنا مستعد أدفع ليكي. وغير كدا كمان هغرقك فلوس وعربية جديدة من أحدث موديل على الأقل أنا هدفع مش زيه أخد ببلاش.
مايا كانت بتبصله بذهول كانت مذهولة من بروده وقد إيه هو طلع ممثل شاطر أوي كدا وقدر يخدعها. بتحمد ربنا إنها ما ادتهوش اللي هو عاوزه يوم الحفلة. كان زمانه راميها في أول سلة زبالة.. ودلوقتي اكتشفت الفرق بين مراد وجاك وطلع الفرق بينهم كبير أوي.. بس هي زعلانة ليه ما هي وافقت إنها ترجع له بعد ما خانها مع أختها.
مايا.. ما دام ما بتحبنيش وسهل إنك تخون كدا رميت نفسك في النار عشاني ليه..؟
مايا كانت مستنية.
مراد.. عادي عشان لو ما كنتش أنا رميت نفسي كان هيبقى مازن أو عمر وبعدين أنا كنت بعمل كدا عشان ده واجب مش أكتر وأنتي كنتي في بيتي.
مايا ضحكت بسخرية.. في بيتك.
مراد ببرود.. آه في بيتي. وإحنا من عاداتنا الضيف لازم يبقى بخير.. ما دام موجود في بيتك.
كانت شايفة واحد تاني غير اللي هي تعرفه.. اتغيرت كتير يا مراد.
مراد بصلها ببرود.. إحنا مش هنخلص من الفيلم الهندي ده. ما تنجزي مش هنفضل طول الليل كدا. قلتلك شوفي سعرك كام؟
مايا.. بسخرية.. ووجع.. وهتاخد استعمال غيرك؟
مراد.. ما أنا حابب آخد منك اللي أنا عاوزه وأرميكي ليه تاني. مين قالك إني هتجوزك أصلاً؟ أنتي عبيطة.
مايا بصت له بوجع كبير.. تعرف كنت هقولك على حاجة بس خلاص ما بقاش ليها لازمة الحاجة دي.
مراد قام وقف وبقى يقرب منها وهي بصت له بصدمة..
مايا بصدمة.. مراد ابعد عني وإلا هلم عليك الدنيا كلها.
مراد بسخرية.. هعجبك زيه ويمكن أكتر وبعديها تسكتي.
مراد مسكها من شعرها وهي صرخت من الوجع..
وقرب منها وباسها غصب عنها وهي كانت بتضربه وبتقاومه ومرة واحدة عضته وهو بقه جاب دم اتعصب عليها وبدأ يقطع ليها هدومها ويضربها وهي كانت بتصوت.
جاك كسر باب الأوضة وبص لمراد بجنون وجري شاله من عليها ونزل ضرب فيه. الاتنين كانوا بيضربوا بعض بجنون.
جاك بجنون.. سوف أقتلك اليوم؟
مراد بسخرية.. أهو حبيب القلب جه يلحقك أهو. جاي عشانها بجد وهي بتحبني أنا مش بتحبك أنت يا جاك.. أنا وهي بنحب بعض يا جاك ما تدخلش بينا.
جاك بجنون.. أتسمعي ذلك عشق؟ هذه مجرد سخرية. سوف أقطع لك يدك اللي تجرأت واقتربت من فتاتي.
مراد كان شارب كتير واتجنن على جاك.. فتاتك دي بتاعتي أنا.
جاك بسخرية.. ليست ملكك يا حقير. مايا ليست لعبة. مايا إنسان من لحم ودم ومشاعر. هذا ليس حب. أنت لا تعلم شيئاً عنه.
جاك كان بيضرب مراد ومراد كان نايم على الأرض وجاك فوقه وعمال يضرب فيه. مايا مسكت إيد جاك في آخر حاجة لما لقت وش مراد كله بقى دم وجاك كدا.
جاك بصلها بصدمة..
مراد ابتسم بسخرية.. شوفت قلتلك بتحبني.
مايا بقرف.. لا ما بحبكش. أنت دمرت كل حاجة حلوة كانت بينا يا مراد. أنا بكرهك. جاك سيبه خلاص ما بقاش ليه لازم الكلام معاه.
جاك قام وقف وبصلها بخوف.. هل فعل لك شيء؟ هل تأذيت يا فتاتي؟ أجيبيني. ماذا فعل لك؟
جاك قلع الجاكت بتاعه وقلع القميص ولبسه لمايا وقفله عشان الفستان كان اتدمر خالص ولبسها الجاكت كمان فوقه.. وبص على مراد وتف عليه بقرف وشال مايا ومشي بيها.
مراد بصلهم بشر ومرة واحدة وويتبع...