رواية عودة عاشق ج4 الفصل العاشر 10 بقلم منة الله الجزار
﷽
ــــــــــ
.. برعب.. ماذا؟
مراد باستغراب.. ما الأمر؟
.. برعب.. أتريد التخلص منه أجننت جاك جركام لا أحد يجرؤ على فعل ذلك والتورط مع عائلة جركام وعائلة ريفو.
مراد باستغراب.. وشر.. لماذا كل هذا الخوف أنت قا'تل مأجور ولا تهاب شيء أريد التخلص منه في أسرع وقت وماذا تريد سوف أدفع لك.
.. صحيح أنا قا'تل مأجور ولا أهاب شيء لكن لا يمكنني الوقوع معهم نصيحة لك اخرج هذه الفكرة من رأسك تماماً لا أحد هنا يجرؤ على فعل ذلك.. متأسف.
وقفل في وش مراد.
مراد اتعصب.. يعني إيه مش هخلص منه جاك أكبر عدو ليا ولازم أتخلص منه بأي طريقة حتى لو... وبص على مازن اللي واقف في الشباك وبيبص للسما وسرحان.
مراد لمعت في باله فكرة شيطانية وفي سره.. حقك عليا يا مازن بس لازم أعمل كده مش هك'سره غير كده.
ـــــــــــ
عند مازن كان سرحان وشريط ذكرياته مع حسناء كان بيمشي قدامه من يوم ما شافها في خطوبة مراد ومايا وإنها إزاي خطفت قلبه بسهولة دي وشخصيتها القوية وهو عارف إنه خلاص وقع ولما طلب من مراد يقول لمايا إنها تعرفو عليها وأول لقاء بينهم وأول مرة اعترف ليها بحبه وهي برضو ولما اتجوزها وبقى أسعد إنسان في الدنيا بعد المشاكل اللي حصلت دي كلها واعتراض أهلها عليه ووقفها جانبه وأول مرة قالت له فيها إنه خلاص بقى أب وشالها وقعد يلف بيها من كتر الفرحة وخناقهم سوا لحد النهاردة كله خلاص اتبخر عرف قد إيه هو خسرها بتسرعه ودمر حياتهم سوا وابنه هيعيش من غيره إزاي ولا إيه هيكون مصيره... نزلت دموع مازن بقهر.
ــــــــــ
عند كايا وبلال
وصلوا المستشفى
نزلوا من العربية
بلال.. بحيرة.. كايا هندخل إزاي المستشفى متقفلة.
كايا بغرور.. ومعاك كايا وتسألني السؤال ده هندخل من ورا مش من قدام يا ذكي.
بلال بضيق.. سبت لك الذكاء امشي.
لفوا من ورا المستشفى كان كل حاجة مقفولة فيها.
بلال.. هتعمل إيه؟
كايا.. شبك إيدك كده ليا..
بلال عمل كده وكايا طلع على إيده ونط على العلبة بتاعة المكيف من بره.. وطلع من جيبه سك'ينة صغيرة وفضل يمشي بيها بين الشباك والقفل وبلال كان بيتلفت حواليهم يشوف إذا في حد جاي ولا لأ
بعد معاناة كايا فتح القفل وفتح الشباك..
كايا بصوت واطي.. بلال هدخل وهفتح لك الشباك عشان تدخل.
بلال.. تمام بسرعة.
كايا دخل من الشباك للأوضة وقفل الشباك تاني وراه وخرج بحذر ليكون في كاميرات شغالة تجيبه ولما كان بيشوف كاميرات كان بيلزق نفسه في الحيطة لحد ما يعدي منها وبلال بره كان خايف حد يقفشهم... كايا نزل على الدور اللي تحت وفتح الشباك لبلال.
كايا.. بلال يلا أنجز.
بلال دخل وقفلوا الشباك وخرجوا من الأوضة.. بلال كان ماشي عادي بس كايا سحبه وبلال اتفاجئ.
بلال.. في إيه؟
كايا حط إيده على بقه بخوف.. يخرب بيتك وطي صوتك الكاميرات مالية المستشفى.
بلال بخوف.. ماشي.
كايا... اعمل زي ما هعمل ماشي.
وعمل زي ما بيعمل كايا وراحوا الدور الأرضي اللي فيه أوضة الكاميرات.
دخلوا بعد عناء من إنهم يتخبوا من الكاميرات.
بلال بضيق.. دي كلها كاميرات إيه داخلين متحف.
كايا.. أكيد الكاميرات لقطت حاجة لازم نفتش الكاميرات كلها من أول الأسبوع ده..
وشغلوا الكاميرات وكان عمر مديهم باسورد الكاميرات عشان يعرفوا يفتحهم.
قعدوا يرجعوا الكاميرات كلها بتركيز عدت ساعات كتير على كده ومفيش أي فايدة خلاص كان قرب الفجر يأذن
كايا بزهق.. أنا تعبت ما عدتش قادر.
بلال.. وأنا.. بس لازم نركز حياة عمر في خطر.
كملوا بتنهيدة وفجأة حصل حاجة قلبت كل الموازين
ــــــــ
عند جاك ومايا
جاك أخدها وطلع بيها فوق حطها على السرير وجاب مايه وحطها على إيده ورشها على وشها لحد ما فاقت مايا فاقت بتعب ومسكت راسها بوجع..
مايا.. بتعب.. إيه اللي حصل.
جاك بقلق.. لا أعلم فجأة فقدتِ الوعي هل أنتي بخير؟
مايا بتعب.. راسي بتوجعني مصدعة أوي.
جاك بقلق.. أتحدث مع الطبيب يأتي انتظري.
مايا مسكت إيده.. لا أنا بخير مش مستاهلة دكتور.. وكملت.. بتوتر.. جاك.
جاك بانتباه.. ماذا؟
مايا وهي بتفرك في إيديها بتوتر.. انت عرفت سبب مو'تها.
جاك بحزن.. من؟
مايا بحزن.. إنجي.
جاك بتنهيدة حزن.. لا لحد الآن لكن أنا أبحث في ذلك ولن أترك حقها يذهب سوداً.
مايا حضنت جاك وجاك اتصدم..
مايا بحزن.. ميرسي يا جاك على كل حاجة عملتها عشاني وبعتذر عن أي حاجة عملتها ولا أي حاجة قولتها لك ووجعتك أنا كنت مخدوعة فيه ومعرفتش أفرق بين الحقيقة والكذب.
جاك بحنية.. لا شيء مايا أنا أعلم إنك كنت تحبين ذلك الوغد لكن لا تقلقي هو ذهب خارج حياتنا مايا ارتاحي.
مايا بحب.. انت بجد إنسان حنون جداً يا جاك ربنا يخليك ليا.
جاك بابتسامة.. وياكي مايا.
وفضل حضنها شوية لحد ما نامت في حضنه عدلها وبص لها بحب وراح نام وهو مبسوط إن الحمل اللي كان في قلبه من زمان خلاص راح وإنها هتفضل معاه على طول بس خاف من اللي ممكن يأذوها عشان يدمروه.
جاك بغضب.. لن أسمح بحدوث ذلك مهما كلف الأمر.
ـــــ،
الصبح جه ومعاه أحداث كتيرة وويتبع....