هيام: هاله متغيره اوي، شكلها بقيت جامده اوي
هشام: معلش يا طنط، اللي شافته مش قليل
هيام: كله مقدر ومكتوب يا ابني
هشام: معلش، مسيرها تنسي
هيام: يارب
هشام: استأذن انا بقي، ولو محتاجين اي حاجه كلموني
هيام: متخليك يا ابني قاعد شويه
هشام: معلش عشان تاخدو راحتكم، ياله بينا يا بابا
نظمي: ياله يا ابني
اما هاله
فكانت تجلس في غرفتها
وهيا ممسكه بورقه وقلم
هاله: الاول ابوالحمد لازم انتقم منه أشد انتقام، وبعدين ابقي هشوف هعمل ايه ف الباقي، والله لاخد حقي من الكل واندمهم علي كل اللي عملوه فيا وفي امي واخواتي، انا هتصل علي جابر يكون معايا ويبقي السواق بتاعي، وما فيش وقت، هنزل اشتري هدوم واغير من ستايلي، ما انا بقيت سيده اعمال
ثم تتصل علي جابر
هاله: عايزاك تخرج العربية الكبيره من الجراج وتستني عشان هنزل، هنروح مشوار
جابر: أمر حضرتك
ثم تغلق الهاتف مع جابر
لتدخل عليها منال
منال: حمدالله على السلامه، نورتي بيتك
هاله: انا عمري ما هنسي معروفك مع امي واختي، واللي عملتيه ده دين ف رقبتي ناحيتك
منال: متقوليش كده، احنا اخوات، بس انا ليا عندك طلب
هاله: خير
منال: انا هاخد امل اختي ونمشي بقي، الحمدلله خالتي خفت وانتي رجعتي بيتك، يعني مافيش داعي أننا نقعد اكتر من كده
هاله: اخس عليكي، عايزه تمشي وتسيبيني، هو انا ليا ف الدنيا غيرك
منال: ما هو انا مهما قعدت مسيري همشي
هاله: لاء طبعا، عمرك ما هتمشي، عشان ده بيتك، والكلام ده لو قولتيه تاني هزعل منك وأقطع علاقتي بيكي، ده انا الحمدلله ربنا عوضني بيكي انتي وأمل عن هند اختي الله يرحمها
لتحتضنها منال
منال: ربنا ميحرمنيش منك، المهم انا هبعتلك علي الواتس كل حاجه عن هادي خالك ونقط ضعفه، وكمان بيشتغل ف ايه من تحت لتحت هو وناصر الدسوقي
هاله: برافو عليكي، اخلص بس من ابوالحمد ونشوف بعد كده بقي هنعمل ايه
منال: انا بقي اقولك ازاي تخلصي منه
هاله: وده كمان عارفه عنه كل حاجه؟
منال: عيب عليكي، اختك مش بتلعب
هاله: تفتكري ابوالحمد ده ندخله منين
منال: هو انتي يا بنتي مسمعتنيش وانا بقولك اني جيبت قراره، شوفي يا ستي، ابوالحمد ده راجل فلاتي متجوز اربعه وعنده خمس بنات كلهم متجوزين ومخلفين، لكن هو بقي مش مراعي سنه وشغال ف الازرق، يعرف بت كومبارس ف السيما مضيع عليها معظم فلوسه، وهيا ايه مفهماه أنها بتحبه، وهو كان هيطلق واحده من حريمه ويتجوزها، لكن هيا بقي ناصحه قالتله انها متجوزه وجوزها عيان عيا وحش اوي ومستنيه لما أجله ييجي عشان أهلها ميزعلوش معاها
هاله: وبعدين
منال: العبيط انتجلها سهره ف التلفزيون واتذاعت ومحدش اتفرج عليها غيره هو تقريبا، وكمان ايه بقي شغال مع ناصر العدوي ف الشمال
هاله (باهتمام): وايه تاني
منال: الاهم بقي من ده كله أنه ظالم ناس كتير وكلهم عايزين ينتقمو منه
هاله: تعرفي الناس دول
منال: عيب عليكي طبعا
هاله: طاب تعالي معايا هنروح مشوار وناكل لقمه ونفكر هنعمل ايه
منال: طاب مش ترتاحي شويه
هاله: انا مهرتاح غير لما اخد حقي كل اللي ظلمونا
منال: ياله بينا في مطعم حلو اوي، تعالي اقعدك فيه، بيعملوا اكل تحفه
هاله: ماشي ياله بينا
لتنزل هاله ومعها منال
لتنظر إليهم هيام
هيام: انتو خارجين
هاله: اه
هيام: كده منك لنفسك من غير متشوريني
هاله: عادي بقي، انا كبيره كفايه ومش لازم اخد اذنك
هيام: مالك يا بت انتي، جرالك ايه، حتي المحامي سيبتيه وطلعتي من غير متشكريه، ايه اللي غيرك، ومن أمته بتراجعيني ف الكلام، انا ربيتك علي كده
لتضحك هاله بسخريه
هاله: ربتيني علي ايه، علي الحرام والحلال والمشي جنب الحيط، لما اتداست تحت الرجلين ودخلت السجن وبقيت مسجله سرقه وانا لسه بقول للدنيا صباح الخير وبفتحلها دراعاتي، شوفت الذل والسجن والمرمطه، عايزاني اعمل ايه، امشي تاني جنب الحيط واعيش طول عمري زي ما كنا عايشين عيشه الفقر، اعملي معروف يا اما سيبيني ف حالي، وخلي بالك محدش هيرجعني عن قراري مهما كان مين، سمعتي يا اما
هيام: ربنا يهديكي يا بتي وترجعي هاله بتاعت زمان
هاله: مش هرجع يا اما
هيام: طاب استني سلمي علي ستك، زمان عمك نظمي جايبها وجاي
هاله: ومين قال إنها تيجي تعيش معانا، ده بيتي، وغير مرحب بامك خالص، تيجي هنا مش تعيش معانا، انتي نسيتي عملت فيكي ايه انتي وابويا
هيام: بس ديه امي، وانا خلاص ها اخدها ونرجع الحاره وخليلك بيتك اشبعي بيه
هاله: والله براحتك، تروحي مطرح ما انتي عايزه
هيام: كده يا بتي
هاله: كتر خيرك
هاله: العفو علي ايه، ياله يا منال نلحق وقتنا
منال: حاضر ياله يا ستي
وتخرج هاله ومنال
ليذهبو الي المطعم
ويتناولو وجبتهم
هاله: البت فين، اتأخرت
منال: زمانها جايه، متقلقيش
علي ما نشرب الشاي تكون جات وها هيا الفتاه قد حضرت
منال: اهيه جات
هاله: اهلا بيكي يا الفتاه
نجلاء: اسمي نجلاء والدلع نوجه
هاله: اقعدي يا نوجه اسمعي الكلام ده كويس عشان هتنفذيه
نوجه: تحت امرك قوللي
اما ف الفيلا فنجد أن نظمي قد وصل ومعه بدريه ليجدو هيام ف انتظارهم
هيام: معلش يا نظمي هتعبك معايا وتوديني الحاره اصل هاله مش عايزانا نعيش هنا عشان ستها يعني
لتبكي بدريه
بدريه: يا عيني عليا مبقاش ليا مكان اعيش فيه
هيام: ازيك يا اما وحشتيني اوي
بدريه: سامحيني يا بنتي حقك عليا
هيام: متقوليش كده انتي امي
لتحتضنها هيام حضن يعبر عن الشوق والحنين
نظمي: انتو هتيجو معايا وتعيشو معانا الفيلا كبيره اوي وهترتاحو معانا
هيام: معلش مش عايزه اتعبك اكتر من كده شقتنا ف الحاره موجوده وانا عارفه أن هاله بتي معدنها اصيل وهتراجع نفسها
نظمي: وانا مصمن بقي يعني عايزه تزعليني منك متقوليلها يا خالتي
بدريه: خلاص يا هيام متزعليهوش
هدي: وانا كمان هااجي معاكم يا امي انا معرفش اعيش من غيرك وكمان عشان ستي تحكيلي حواديت مش كده يا عمو
نظمي: كده يا حبيبتي
هيام: امري لله ربنا يسامحك يا هاله يا بنتي
نظمي: معلش سيبيها تنفس عن نفسها شويه اللي حصلها مش قليل
سكينه: بعني هتسيبوني كلكم وتمشو
هيام: امانه عليكي خلي بالك من هاله
سكينه: من عيني حاضر ربنا يهدي النفوس