وبعد أن تم القبض علي عنتر الدكش ليعترف بجريمه القتل بالاتفاق مع دريه، اما الاطفال فقد اودعو الي احدي دور الرعاية.
اما في منزل هاله، تصلها الاخبار كامله من جابر.
هاله: حلو اوي ياله نشتغل علي التاني عشان نار قلبي تبرد
جابر: تحت امرك
هاله: عايزاك تخلي بالك
جابر: هنبدء بابوالحمد
هاله: اه طبعا متقلقش كله دوره جاي واندمهم علي كل اللي عملوه فيا
وهنا تدخل عليها سكينه.
سكينه: انا حبيت اعرفك اني ماشيه هرجع شقتي
هاله: براحتك الباب مفتوح وله انتي جايه عشان اقولك خليكي قاعده لاء يا حبيبتي مع الف سلامه
سكينه (بحزن): الله يسلمك
اما هشام فها هو قد ذهب الى منزله وهو حزين ويفكر كيف يبلغهم بخبر وفاه هادي
نظمي: مالك في حاجه مزعلاك
هشام: اصل الصراحه يا بابا حصلت حاجه كده هيا فين طنط هيام وتيته بدريه
نظمي: قاعدين جوه
هشام: طاب انا هدخلهم عن اذن حضرتك
نظمي: استني انا جاي معاك
ليدخل هشام الي غرفه هيام وبعد أن طرق الباب
هيام: ادخل
ليدخل عليهم هشام ومعه نظمي
هشام: في حاجه حصلت وعايز اقولكم عليها بس خايف من رده فعلكم اصل الصراحه الموضوع صعب اوي
هيام: قلقتني يا ابني فيه ايه
هشام: هادي اخوكي اتقتل ومراته وابن خالتها هما الفاعلين بالاتفاق
بدريه: بصراخ ابني ابني
هيام: انته متاءكد
هشام: اه والله ده انا حضرت التحقيق بنفسي
هيام: بحزن شديد الله يرحمك يا اخويا
بدريه: كده برده يا ابني بدل متشيل الخشبه بتاعتي اخد انا عزاك يا قهره قلبي وكسرته عليك والعيال فين يا ابني
هشام: ف الملجاء وكيل النيابه امر بكده
بدريه: لاء انا عايزه ولاد ابني يعيشو معايا وانا هرجع المنصوره واربيهم هناك
هيام: وانا جايه معاكي
نظمي: ليه بس متخليكم قاعدين معانا الواحد اتعود عليكم
بدريه: بحزن معلش يا ابني سيبنا علي راحتنا
هشام: ايوه يا تيته بس هتعيشو لوحدكم ازاي
هيام: ربك هو المعين انته بس اتعب معانا ووصلنا المنصوره
نظمي: انا هوصلكم وبالمره افوت اشوف خالي عشان بقاللي كتير مسافرتش
وهنا يشعر هشام باهتزاز هاتفه
هشام: ديه الست سكينه
هيام: يالهوي شوفها احسن تكون هاله فيها حاجه
هشام: ازيك يا ست سكينه
سكينه: نحمده علي كل حال انا بتصل بحضرتك عشان اقولك الحق هاله شيطانها متملك منها ومنال مطوعاها وكمان انا سيبت الفيلا
هشام: ليه
سكينه: الواحد محليتوش غير كرامته بس امانه عليك يا بيه خلي بالك منها
هشام: فهميني بس في ايه
سكينه: اصل انا سمعتهم بيتكلمو هيا ومنال وبيقولو أنهم بيخططو عشان يوقعو خال هاله ف مراته
هشام: اه تمام انتي فين كده
سكينه: انا رايحه الحاره اللي كت ساكنه فيها
هشام: لاء متروحيش تعالي الفيلا عندنا اركبي تاكس واديهوني اكلمه وانا هوصفله العنوان
سكينه: بس بعد اذن حضرتك مش عايزه الست هيام ولا والدتها يعرفو حاجه
هشام: اطمني انا هستناكي
سكينه: ربنا يسترها يابيه
بدريه: ياله يا ابني عشان نجيب العيال من الملجاء
هاله: يعني ياربي اول مره اشوف ولاد اخويا اشوفهم ف ملجاء
بدريه: ربنا خلصلك حقك منه يا هيام اهو اللي ظلمك اتقتل وبقي تحت التراب وياريت حته واحده الا متشرح يا ولداه
هيام: ليه بتقولي كده يا اما ده مهما كان اخويا الوحيد وربنا يعلم زعلي عليه اد ايه ربنا يرحمه ويسامحه واحنا كمان يا اما هنعمله صدقه جاريه علي روحه
بدريه: يعني انتي مش شمتانه ف موته
هيام: لاء يا اما اعوذ بالله
بدريه: طول عمرك مبترديش الشر بالشر بترديه بالخير
نظمي: هو انا حبيتها من شويه
هشام: مش ياله بقي عشان تلحقو المشوار طويل
هيام: قلبي بيقوللي ان سكينه في وراها حاجه
هشام: لا ابدا هيا بس كانت بتطمن
هيام: تطمن علينا تقوم تتصل عليك طاب مكلمتنيش انا ليه
هشام: الصراحه هيا عايزه خدمه واحد قريبها تقريبا اتمسك هو وأصحابه وعايزاني اطلعه
بتقول كانو بيلعبو بلياردو ف صاله والشرطه خدتهم
هيام: طاب امانه عليك خليك جنبها ديه ست طيبه اوي
هشام: حاضر يا طنط اتفضلو انتو بقي
نظمي: انا هبات ف المنصوره النهارده
هشام: تمام
هيام: ابقي خلي بالك من هاله
هشام: حاضر
ليذهبو جميعهم ويتركوه
وهنا تصل سكينه الي الفيلا لتجد هشام ف انتظارها لتقص عليه كل ما سمعته من خطه هاله ومساعده منال لها
هشام: تمام خليكي انتي هنا البيت بيتك وانا رايح مشوار وراجع
سكينه: سيبني يا بيه ارجع الحاره
هشام: لاء انتي هتقعدي هنا وبعدين هنسافر المنصوره عند طنط هاله وهتعيشي هناك معاهم إنشاءالله اما فلازم اتحرك قبل متحصل مصايب اكتر من كده عن اذنك
ليتركها هشام ويذهب إلى فيلا هاله
ليجد امل تبكي في بهو الفيلا
هشام: مالك في ايه
امل: ابله هاله زعقتلي
هشام: كده طيب يا حبيبتي روحي اوضتك
امل: حاضر
هشام: بس الاول اندهيلي هاله
امل: حاضر
لتصعد امل الي غرفه هاله لتبلغها بوجود هشام
هاله: طاب روحي وانا هنزله اشوفه جاي ليه وعايز ايه
وبالفعل تنزل هاله الي بهو الفيلا لتجد هشام يجلس علي الاريكه
هاله: خير فيه ايه
لينظر لها هشام
هشام: اهلا هاله هانم ياتري ناويه تخلصي علي مين المره ديه
هاله: قصدك ايه
هشام: انتي فاهمه قصدي كويس ازاي جالك قلب تشاركي ف جريمه قتل بشعه زي ديه
هاله: انته بتتكلم عن ايه
هشام: عن موضوع قتل خالك
هاله: وانا مالي دخلي ايه
هشام: عليا انا برده مش انتي اللي خططتي لكل ده
هاله: وافرض انته مالك
هشام: مالي ازاي اللي بتعمليه ده غلط وكمان لو كل حد حب ينتقم من اللي ظلمه هنعيش ف غابه ونتعامل بقي وكل واحد ياخد حقه باءيده ونلغي المحاكم ماهي هتبقي غابه وبعدين نسيتي أن ربنا سبحانه حكم عدل وهيجيبلك حقك من اللي ظلموكي اتفضلي اقري الخبر ده مش ديه الدكتورة اللي اختك اتوفت عندها ف العياده اهيه اتوقفت عن العمل بسبب عمليه اجهاض عملتها لواحده بالاتفاق مع والده زوجها وكمان هتتحاكم وناصر انا قدمت مذكره فيه للنائب العام بناءا على معلومات كتيره عرفتها من طليقته
حتي ابوالحمد ده عليه العين وتحت المراقبه ده غير معظم الظالمين يعني ربنا هياخدلك حقك
هاله: يا سلام عايزني اقول ايه انته متعلم وبتعرف تتكلم وتذوق الكلام لكن تقدر تقوللي السابقه اللي عندي هشيلها ازاي من سجلي سنه ضاعت من عمري من غير ما اعمل حاجه كان فين القانون بتاعك ده لما اختي ماتت وامي اتشلت وانا مرميه ف السجن انا هااخد حقي بايدي وهدمر كل اللي دمروني
ليصفعها هشام علي وجهها
هشام: فوقي بقي هتدمري نفسك اول حاجه متطاوعيش شيطانك انا بحبك تعالي نتجوز وننسي كل اللي فات وانا هرفعلك قضيه رد شرف وبالنسبه لأختك ده عمرها واجلها اما والدتك فانتي طردتيها من بيتك هيا وجدتك سامحي يا هاله سامحي وتعالي نعيش حياتنا
وبعد عده اشهر كانت هاله قد تعافت من مرض الانتقام وذهبت الي والدتها وجدتها الي المنصوره وها هيا قد كسبت القضيه وتم القبض علي ابو الحمد وناصر العدوي حتي البواب وعلاء قد تم الحكم عليهم
وها هو هشام ووالده في منزل السيده بدريه يطلبون كلا من هاله وهيام للزواج
اما منال فقد تمت خطبتها علي جابر
ونحن الآن نحضر زفاف هاله وكتب كتاب هيام علي نظمي
وعاش الجميع ف سعاده وقد نال الظالمين جزاؤهم
اما بدريه فقد كرست الباقي من حياتها لتربيه احفادها ولكن تربيه سويه
وأصبح الجميع يتنقلون بين القاهره والمنصوره
تمت بحمد الله وتوفيقه
وأيضا زرونا على صفحة الفيس بوك
وايضا زورو صفحتنا سما للروايات
من هنا علي التلجرام لتشارك معنا لك
كل جديد من لينك التلجرام الظاهر امامك
وايضا زورو صفحتنا سما للروايات
من هنا علي التلجرام لتشارك معنا لك
كل جديد من لينك التلجرام الظاهر امامك