سحرغمضت عيونها و رحلت عن الحياة هى و علاء
اما في اسكندرية
عامر بص لابنه زعق فيهم بعصبية:- ليييييه تلات تلاف جنية ليييييه هناكلو من الصين
سليم بحزن :- الحق عليا انى جبت نتعشا كلنا مع بعض زى ما اصحابي كل واحد جاب لاهلو دا جزاتي انى حبيت اريح ماما و جنة
هدير بتعمل ضوافرها بالمبرد بصتله ببرود:- ملكش دعوه بامك منك لابوك و بعدين دا بدل ما تقوله تسلم ايدك
عامر بين سنانه:- مش كفاية مطلعكم مصيف شهر في احلي مكان في البلد
جنة بثبات:- بلد اي يا بابا انت جايبنا هنا في اسكندرية.... فين الساحل العالمين راس البر مطروح
عامر مسكها من شعرها:- نعمممم يا روح امك و انتي عرفتي الامكان دى منين
جنة:- هو انا قولت لحضرتك اني مصاحبة مش عارفه انت اي حكايتك مع الامكان الغالية مع انها نضيفة و احلي خدمات
هدير بدعم كلام بنتها :- و بعدين مش كفاية يا مفتري انك مدخلنا الشاطئ ببلاش و مفيش لا شمسية ولا كرسي و الماية.... مش عايزة اتكلم
عامر اخد الاكياس من على تربيزة السفرة و حطهم في ايد سليم:- خد الى في ايدك دا و رجعه و هات الفلوس المحل دا ضحك عليك و بعدين هما مش مكسحين علشان تجيب اكل من برا
سليم بذهول:- انت عايزني ارجع السمك عايز الناس يتريقو عليا..... اسف يا بابا بس انا اكلت منه و مينفعش ارجعه .... و انا مشتريه شكوك
هدير ضربت ايديها على قلبها بصدمة:- نهارك اسود شكوك
سليم باحراج و حزن:- مكنش معايا غير ٥٠٠ جنية دفعتهم لمطاعم و قولت هروح اجيب باقي الفلوس من البيت
عامر بسخرية و غضب:- طبعا مانت بتاكل في اته محلولة ولا على بالك ....... خد الف و نص كفاية كدا اصلا ريحته مش حلوة شكله بايظ و بعدين ليه تلات تلاف اي هيرقص و هو بيتاكل
هدير بنفذ صبر و هدوء:- عامرر ادي لواد الفلوس
عامر نفخ بضيقة:- امسك الف جنية و مفيش هزود عن كدا انا مش بنك ولا لقي فلوسي في الارض
سليم بابتسامة؛- الى تشوفه يا بابا
عامر مسكه من قفاه:- عارف لو اتاخرت هموتك سامع ولا خلاص مبقش اهل
سليم:- مش هتاخر بعد اذنك بقا هروح اودي لمطعم الفلوس قبل ما اتحبس
عامر سابه سليم اتجه لباب فتحو و خرج و بيبص لفلوس بابتسامة و سخرية و هو بيقول في نفسه
سليم :- سمك اي الى بتلات تلاف جنية اي بينور في الضلمة
فلاش
سليم فعلا خرج مع اصحابه الى في اسكندرية
سليم:- اي يا معلم مش هتخرج معانا
صاحبه:- سبوني في حالي الله يخليكم ناس ليها مصيف و فسح و ناس ليها التعب حتي في اجازتي هروح اصطاد و لوحدي ابويا تعبان و الصناعية واخدين اجازة
سليم طالع على المركب و اصحابه طالعو معاه:- دور المركب و اتوكل على الله يا جماعه هنقضي اجازتنا النهاردة في صيد السمك
و فعلا اتحركو بالمركب بعد وقت اصطادو كمية كبيرة من الأسماك انواع مختلفة و فعلا سليم اشتر سمك من صاحبه و راح مطعم السمك علشان يتشوي و يتقلي
باك
سليم حط الفلوس في جيبه و نزل يقعد مع اصحابه شوية و بعدين رجع كانت جنة و هدير حضرو السفرة
جنة بصوت واطي لسليم:- اي الزفاره دى يا سولي انت كنت في المطعم ولا في البحر بتصطاد
سليم بصوت واطي:- استري عليا الله يخليكي انا زي اخوكي برضو النص بالنص بس امي متعرفش حاجه
جنة بابتسامة:- دا كلام دى لو عرفت هتموتك بس اتاخرت اوى
سليم:- عقبال ما اصطادنا و الرجل نضفه و عملوا ف طبيعي اخد وقت احنا اصلا مخرجنش ولا روحنا سينما الواد صاعب عليا ف قولت اشتغل معاه بدل ما يكون لوحده و احنا بنتفسح
عامر بصلهم بتركيز:- بترغو في اي منك ليها
جنة و هى بتغطي على الموضوع:- ولا حاجة يا بابا انا بقوله الفيلم عبارة عن اي و الجو في السينما حلو ولا لا و كدا
عامر :- طب كلو و بطلو رغي
اما في بيت عفاف
كانت بتبص لصور سحر و علاء يوم فرحهم :- هان عليكي تسبني و تتجوزي و مين علاء الى في اى حاجة هيعايرك بماضيكي و الى حصل زمان ... يخوفي عليكي من نفسك و من دماغك يا بنتي
قالتها و هى حضنة الصورة
فلاش
عفاف:- يا حبيبتي دا مش ينفعك ولا نصيبك
سحر بإصرار قامت :- انا بحب علاء و هو بيحبني و مستحيل يعمل زى ما دماغك بتقول
عفاف بعصبية و خوف قامت:- يااا بنتي مفيش دكتور في مصحة ادمان يحب مدمنة عنده افهمي بقا دا هيذلك بيها طول العمر اصبري
سحر و هى متجهة لاوضتها ٠:- علاء اتفق معايا انه هيجي بعد يومين و هتوافقي يعني هتوافقي و بالنسبة لعيالك و ابوهم ف مش فارقين معايا
سحر رزعت الباب بغضب
باك
عفاف اخدت الفون من على المسند الى وراها فتحته و بدات تتصل بسحر :- مش بترد ليه... تلقيها في الحمام
عفاف سندت ايديها على المسند استنت شوية و رجعت تتصل تاني ملقتش رد اتصلت بعلاء لكن برضو مفيش رد اتصلت على سحر تاني حست بغصة بقلبها
عفاف قامت بعصبية و قلق:- في اي هى مش بترد ليه اول مرة تعملها لا البت فيها حاجة انا مش بعيدة عن عيالي
دخلت اوضتها و برضو اخدت الفون معاها و بتحاول تتصل لكن برضو مفيش رد غيرت هدومها و اخدت الفون و خرجت من الاوضة اتجهت لباب الشقة بعد ما اخدت البوك بتاعها وقفت تاكسي ركبته و اتحرك فتحت الفون و ضغطت على رقم هارون
في بيت هارون
يسرا باصرار و زن:- انا الى هاخد بالفراولة مليش دعوه الفراولة بتاعت البنات
بصت لخلود:- مش كدا يا مامي
خلود وطت قلعت الجزمة و سندت على كتف هارون رفعت فردة الجزمة:- والله العظيم لو ما اتعدلو ل تلقو الجزمة في وشوشكم جننتونيي انتوا مش بتحسو معندكمش دم اي فراولة و اي توت ولا شوكولاتة
هارون بص لياسين:- عجبك يا حقنة شعلالتها و ارتاحت
ياسين ربع ايديه بحزن مزيف و بوز وشه:- مليش دعوة انا هاخد بالفراولة اشمعني يونس و ماما.... ولا يسرا الكيوت و انا ابن الجيران
خلود بتعب من المنهدة:- يا روحي مانا بقلي ساعة بقولك خد بتاعتي
ياسين:- لا انا عايز الى هتاكل منه يسرا
يسرا قعدة على التربيزة سقفت بردح:- جرا اي يالا هو انا مرات ابوك ما تظبط كل حاجة واقفلي على الواحدة ولا هو فرد شخصية و خلاص
يونس:- طب ما الحاجة كتير خد بتاعتي أو بتاعت يوسف
ياسين هز راسه برفض:- لااا مليش دعوة
يسرا شاورت بايديها بمعنى تعال:- اخويا حبيبي مليش غيرو سندي و اماني
يوسف ليونس بغيظ و عدم فهم بصوت واطي:- حبيبي و سندي مش دا الى بيرنها علقة
يونس و هو فاهم اخواته:- يا عم انت مش عارف يسرا ولا بعيد عنها اختك كدا و بالطريقة دى ناوية على مصيبة استنا و شوف
ياسين اتجه ليسرا مايل عليها يسرا اخدت الفراولة حطيتها في بؤه حطت ايديها على قطعت التورتة شالتهم و حطت ايديها الى بهدلتها بالتورتة على وش ياسين بابتسامة مستفزة:- عيد ميلاد سعيد يا يسو امشي من وشي يالا لزعلك
قالتها و هى بتزقه من وشه يوسف و يونس ضحكوا
ياسين مسك قطعت التورتة الى بالشكولاته لبسهلها في وشها
يسرا قامت :- طب وحياة ابوك ل اوريك انت فاكرني هسكوت انا ادخل فيك السجن
نطت من على التربيزة يسرا و ياسين بقو بيضربو بعض
خلود و هارون بيسلكو بينهم يونس و يوسف بياكل التورتة
يونس:- تاخد بالكريمة و تدني بالفراولة
يوسف :- مانت بتاعتك بالفراولة
يونس:- لا الفراولة دى هحلي بيها بالليل امك عاملة رز باللبن يطير العقل يلا بسرعة ناكل دا و بعدين نقطحم الرز باللبن
يوسف عجبته الفكرة:- احنا نخلي الفراولة بالليل و ناكل الى بالشكولاته و بعديها الرز باللبن اشطا يا عمي
يونس بضحك:- اشطا يا عم الحاج كفك بقا
يونس ضرب كفه في كف يوسف بيغنو بصوت واحد:- طول ما الدنيا دى بينا بتلف احنا هنفضل كتف في كتف دا المعوج بيتعدل في وجودنا خفاف على القلب تقل على الارض اخوات و عزوة و بمية ضهر احنا اتنين اتنين اه بس اتنين بمقام ملايين
هارون شال يسرا و بصلها بنفذ صبر و غيظ
ياسين بيحاول يفلت من خلود:- لو جدعة انزلي و انا افتح دماغ اهلك
قالها بدون وعي خلود ضربته من وراء بخفة و غيظ:- معرفتش اربيكم
ياسين و اكنه بيتخانق مع صاحبه:- انتي مش شايفها بتقول اي لو بنت ابوكي انزلي لو راجل سيبي ابوكي و انزلي
يسرا سقفت بردح:- طبعا بنت ابويا اومال بنت مين يالي من غير اهل روح شوف اهلك فين يا موكوس يابن الموكوسة سبنيي ياباا سبني اعرفه مقامه ابن
هارون ضربها على راسها بس بحنية و غيظ:- بسسس بقاا عيب يا يسرا
يسرا عملت حركت عفاف وهى بتشهق:- حااااا عيب هو دا يعرف العيب يا خويا ابن..... مش عايزة اتكلم و اشيل ذنوب
ياسين:- حوشي الايمان و الاحترام الى بينقطو منك
خلود:- هارون تلفونك بيرن بقله سنة
هارون دخل اوضتهم و مذل شايل يسرا اخد الفون من الشاحن فتح الفون :: الو يا ست الكل
عفاف بسرعة و قلق:- انا رايحة بيت اختك سحر خمس دقائق تكون هناك اختك فيها حاجة قلبي حاسس انها مش كويسة فيها حاجة
عفاف قفلت الفون في وشه
هارون نفخ بضيقة و حزن من تعامل امه معاه و خرج اتجه لجزامة اخد جزمته نزل يسرا و بقا بيلبس الجزمة
خلود بعدم فهم و قلق:- انت لبس و رايح على فين
هارون:- على بيت سحر امي بتقول ان فيها حاجة هروح افهم مالها
خلود:؛ دلوقتي انت عارف الساعة كام
هارون بتعب و اختناق:- والله يا خلود انا تعبت و اتخنقت بس اهلي اعمل اي عامر عامل نفسه من بنهاء و عمرو قطع نفسه و شال ايديه من كل حاجة و ابويا نفس الكلام لم صدق سافر
خلود سابت ياسين قربت من هارون طبطبت على كتفه بابتسامة و حنية:- دول اهلك يا هارون ملهمش غيرك زى ما احنا كمان ملناش غيرك
هارون شال ايديه من على كتفه و قبلها بحب:- خدي بالك من نفسك و العيال
هارون بص ليسرا:- خلود الصغيرة لمي لسانك و بعدين نكش في اخواتك ارجع القيكم صليتو و كل واحد نايم في اوضته
يسرا:- بس انا مش هنام انا فضل صاحية لحد ما حضرتك ترجع
هارون بص لخلود بابتسامة قبل جبينها و خرج يسرا حطه ايديها على خدها و بتبص لامها:- هو الفيلم دا هيخلص امتي
خلود بابتسامة:- ضحكنا و احتفالنا بالعيد ميلاد اكلنا الجاتو و البشاميل و اتفسحنا.... خمس دقائق و القي المكان بيلمع و بعدين ترحو اوضكم تاخدو شور و تتوضو علشان تصلوا قيام الليل و تناموو سامعين مفيش سهررر الكلام ليكي يا ام هشام
يسرا:- دى مبقتش عيشة انا بنتك مش ضرتك
خلود بصرخ:- امشووو من وشييييي حرام عليكم
خلود دخلت اوضتهم غيرت هدومها و قعدت على الفون بعد شوية في بيت اهل علاء
كانت عفاف و مامت علاء بيخبطو على الباب بقوة و خوف كل واحدة منهم قلبها بيتمزق على ضناها
مامت علاء:- يا علاااااء افتح يا ابني
عفاف:- انتي مش بتردي ليه يا بنتي متوجعيش قلبي عليكي اكتر ما هو موجوع
هارون جاه عفاف بخوف و دموع:- اختك... مش بترد عليا يا هارون اعمل حاجة
مامت علاء:- مفيش غير اننا نكسر الباب
هارون مردش عليهم خبط مرة و اتنين و يتصل بيهم قفل الفون :- ابعدو بعد اذنكم
فعلا عفاف و ام علاء بعدو و برضو اخوات علاء نزلو و حاولوا يكسرو الباب مع هارون لحد ما اتفتح
هارون اتجمد مكانه بصدمة سحر مرمية على الارض و سائل نزل من بؤها مامت علاء جريت على ابنها بصرخ حضنته و بتحاول تفوقه
عفاف اتجهت لسحر و هى بتقدم رجل و تاخر التانية نزلت لمستواها حضنتها و هى بتترعش:- بنتيييييي لاااااااااا قومييييي يا سحر متعمليش فيا كدا ردي عليا يا حبيبتي ابوس ايدك ردي عليا اااااااه يا بنتيييييي ياااا سحرررررر
البيت بقا مليان بالصرخات و الصويت للاسف حتي اخواتهم كانوا متجمدين و متلجمين من الصدمة و محدش فاهم حاجة عدا يومين عفاف جتلها جلطة شلت حركاتها و الكلام عمرو طبعا رجع للاسف ملحقش جنازة سحر و ابراهيم كمان عمرو رفض رفض رهيب ان مراته تخدم امو و عامر نفس الكلام و طبعا بسملة عايزة تاخد امها عندها علشان ترعيها ياما ملهاش دعوة خلود بقت هى الى بترعي عفاف تاكلها و تديها الدواء و تغير ليها يعني هى و هارون الى شايلنا عفاف من كل حاجة من مرعية لمصاريف
هارون كان حطت ايديه على راسه:- نامت
خلود قعدت جانبه و رجعت راسها لوراء بتعب مداري بهدوء:- نامت اخيرا
هارون بصلها بحزن و ضيقة:- حقك عليا يا خلود بس هى امي و ملهاش غيري مكنش ينفع اسيبها في المستشفى.
خلود بغضب خفيف:- كلام اي دا يا ابني..... امك دى خالتي و امب قبل ما تبقا حماتي و لو مشلتهاش الارض اشيلها في عيني انا مش بعمل حاجة انت معايا و بنساعد بعض كالعادة اي الجديد في حياتنا
هارون:- يعني انتي
خلود بعفوية:- انت اتهبلت على كبرا يا راجل ولا مالك من امبارح و بتقول كلام غريب و ثم عيب اوى لم نخليها في المستشفى علشان الرعاية و احنا موجودين... و بعدين لو مكنتش شيلت حماتي هشيل مين الجيران ... قوما نام و سيب بكرا لبكرا و قول لهموم و الغمو غورو
قالتها و هى بطبطب على ايديه بحنية و ابتسامة هارون مسك ايديها قبلها و ضمها له يسرا كانت واقفة بعيد و سامعة كل حاجة
اما في شقة عمرو
عامر:- انا مش قادر ادفع لسه خارج من مصيف اقوم ادفع فلوس و بعدين هى مش امي لوحدي. ياما عذبت مراتي
عمرو:- معاك حق و بصراحة انا مش قادر اشوفها كدا و كمان راضية مش حمل كل دا كفاية عليها التلات عيال سيندر مجننها دا غير ادم و نوح و انت فيك الى مكفيك و زيادة فكك هارون حل كل حاجة و هو مش عنده ضغوطات زينا
تاني يوم على الفجر
خلود كانت نايمة على الارض و سندة راسها على السرير جانب عفاف
عفاف فتحت عيونها حاولت تقوم لكن معرفتش
خلود صحيت قامت بسرعة
خلود بقلق مسكت ايديه :- مالك يا خالتي.... في حاجة وجعكي
عفاف هزت راسها بنفي
خلود :- تروحي التواليت
عفاف هزت راسها بنعم للاسف عفاف مبقتش بتتكلم ابسط حاجة تحرك راسها غير كدا لا
خلود راحت تنادى هارون و رجعت لعفاف دخلوها التواليت و خرج و فعلا خلود غيرت لعفاف هدومها و هارون دخل ليهم شال عفاف حطها على الكنبة و خرج
خلود اخدت المشط سرحت ليها شعرها و بتتكلم معاها و بعدين غيرت ملاية السرير هارون جاه و معاه الفطار
عفاف بتبصله
فلاش
عفاف:- تروح ما ترجع يا هارون الهي ما تشوف فرح ولا تتهني بيهم
مشهد تاني
خلود:- يا خالتي حرام عليكي ارحميني بقا
عفاف:- حرمت عليكي عيشتك بتبجحي اشحال انكي بور و مش بتخلفي كنتي عملتي اي
مشهد تاني
هارون:- انا بقولك هخدهم و لم ارجع هرجعهم ليكي على طول
عفاف:- ليه اومال انت بتهبب اي متكنش بتشتغل ببلاش اسمع انا شيلتك سنين لكن اديك شحط اشتغل و اصرف على نفسك مش عيب تكون في إعدادى و تطلب فلوس من امك المفروض مين يدي مين غور من قدامي دى لدورس اخواتك مش هتموت لم تروح المدرس مشي
هارون:- مينفعش يا امي انا كدا هسقط.
عفاف:- مليش فيه
مشهد تاني
عفاف:- امسك دول يا عامر
عامر:- مانا بشتغل يا امي
عفاف:- عارفه يا حبيبي بس انت في امتحانات و فلوس شغلك دى متجبش حاجة روح هاتلك طقم ولا جزمة بدل جزمتك القديمة دى
مشهد تاني
عفاف:- متشلش هم يا حبيبي شوف عايز تعمل فرحك فين و اعملو في احسن قاعة فيكي يا مصر و الشقة متشلش هم انا ايدي بايدك
عامر قبل ايديها:- ربنا ما يحرمني منك يا ست الكل
عفاف بضحك و حب:- ولا يحرمني منك يا حبيبي
مشهد تاني
عمرو:- اي دا يا امي
عفاف:- دى شبكة راضية و متشلش هم الفرح شوف كل جوازتك عليا زى عامر
مشهد تاني
عفاف:؛ و لم انت معكش زفت فلوس بتتهبب ليه اصبر شوية مش معايا فلوس هو انت مش بتشتغل
هارون:- يا امي دول سلف والله و هرجعهم على طول
عفاف بقسوة:- مش لازم بهبب الشقة الى هى ولا فرح كلنا اتجوزنا من غير فرح اقولك خلي الشملولة تساعدك ولا هتاخدك مننا ببلاش
باك
دموعها نزلت بوجع غصب عنها كام مرة جت على هارون و مراته كام مرة دعيت عليهم و ذلتهم اد اي الدنيا دى قاسية و مخيفة الى تقف جانبه يتخلي عنك و الى تسيبه يكون هو اول حد مدت ايديه ليك مكنتش تعرف انها ملهاش قيمة عند عيالها
ودت وشها الناحية التانية خلود قامت من على الارض اخدت الصينية من هارون و خليته يخرج حطت الصينية على التربيزة شوية و يسرا جت و اخدت المعلقة من على الصينية:- تيته مش هتاكل من ايد حد غيري صح يا تيته هتاكلي و مفيش اعتراض
خلود:- يسرا اخرج تيته مش بتحب الصداع
يونس دخل:- ولا احنا
ياسين و هو بيجري وراه:- احنا مبسوطين ان تيته معانا و مش هنسيبها مهما حصل
يوسف وراه:- مهما حصل و هتاكل من ايدي
العيال اتجمعو حوالينا عفاف خلود قعدت على الارض بتتفرج على عيالها و هما بياكلو جدتهم و بيهتمو بيها
اما في شقة عامر
هدير بعصبية:- خلي عندكم دم و انزلو اطمنو على ستكم
جنة:- رجلي وجعني مش قادرة اتحرك بصي كدا يا ماما
سليم:- خمسين جنية و اكون تحت رجليها
هدير بصتلهم بحسرة و يأس و نزلت
اما في عمرو
سيندر:- ماما انا عايزة اشوف تيته
راضية بتحط المناكير
ادم:- و من الواجب تكون معانا احنا اشمعنا يونس هو احسن مني في اي علشان تيته قعدو عنده هو
نوح:- و بعدين بصراحة انا مش عجبني الحال دا المفروض تكون عندنا احنا
راضية اتنهدت بضيقة:- عندكم عايزنها انزلو انا مش قادرة و تعبانة.... مش ناقصة
سيندر:- حضرتك مش بتعملي حاجة و عندك شغالة تساعدك و احنا مش بنعملك حاجة
نوح رفع ايديه:- أوقفها الراي
ادم:: حضرتك معظم الوقت ل تلفزيون يا مول فين التعب بقا
راضية اتسعت عينيها قامت بغضب:- و عليا كف يربي بلاد تحبو تجربوه على اوضكم مفيش تيته ولا فسح غور من قدامي
كل واحد من التلاتة راح على اوضته راضية نفخت بضيقه و حزن:- مش عايزين يفهموا ان مش قادرة اشوف ماما كدا لا كلام ولا حركة.... بجد مش هقدر انا بعيد عنها و حاسه ان روحي بتروح مني
اما تحت في شقة هارون كانت هدير بتساعد خلود في كل حاجة عدت سنة و اتنين سنين و عفاف في العذاب دا بسملة لو تكرمت بتجي زيها زي الضيفة و راضية نفس الكلام هدير و خلود الى شايلنا عفاف رغم ان عامر ضد دا و بيحصل خناق بسبب كدا لكن هدير متجاهلة كلامه
في الصبح
خلود قربت من عفاف :: خالتي يلا الدواء
هدير فتحت الشباك:- يلا يا حماتي الضهر على اذان
خلود حطت ايديها على عفاف:- خالتي... عفاف عفاف يلا اصحي
خلود بصت لهدير:- مش بتصح
هدير قربت منها
خلود خرجت بسرعة اتصلت بهارون الى ساب الى في ايديه و جاه جري و معاه الدكتورة
هدير لخلود بتسال:- غيبوبة
خلود بخوف و ارتباك:- مش عارفه
هارون جاه و معاه الدكتورة هدير حطت ايديها على كتف خلود بقلق و خوف الدكتورة فحصتها
الدكتورة:- البقاء لله يا جماعة
اما في بيت ابراهيم في اوضته نعمة فتحت الباب
نعمة:- كل دا بتصلي يا
كان إبراهيم واقع على الارض نعمة جريت عليه نزلت على الأرض :- ابراهيم ااابراهيم رد عليا فيك اي اي الى حصلك
نعمة مسكت ايديه ايديه وقعت من ايديها نعمة بعدت عنه:- لا لا لا ابراهيم قوما علشان خاطري علشان خاطر حياة... ط طب احنا نعمل اي من غيرك نعيش ازاى
حياة جت على الصوت جريت على ابوها اترمت في حضنه و بقت بتعيط في صمت ......
#يتبع