يسرا لفت وشها و ربعت ايديها:- لحد هنا و كفاية...... طلاقني لاننا مش لبعض
رحيم حس ان الارض بتتسحب من تحت رجليه كلامها بيرن في ودنه بصدمة كور ايديه بغضب مكتوم مسك دراعها لفها له::- انتي بتقولي اي هاا بتقولي اي يعني اي مش لبعض
يسرا حررت دراعها منه ببرود:- زى ما سمعت طلاقني و سبني في حالي انا اتهانت في بيتك انت متصور دا ابويا و امي عمرهم ما رفعوا صوتهم عليا تجي امك و تضربني ليه يا خويا جارية ولا واحدة من الشارع
ياسين دخل اوضته و يوسف وراه علشان يضحكو براحتهم
يسرا ربعت ايديها بتبصله ببرود و سخرية علشان عارفة انه مش هيعمل حاجة
خلود بصت لهارون:- قول حاجة
هارون رفع ايديه بمعنى متتكلميش ولا تدخلي:- واحد و مراته هو حرا ياريت يا رحيم تطلاقها و يدار ما دخلك شر
خلود اتسعت عينيها بصدمة و عدم تصديق من كلامه :- انت هطاوعها على كلامها دا
هارون بهدوء:- مش بطاوع حد
بص لرحيم:- شوف يا ابني انا اه بحبك بس مش هجي على كرامة بنتي عايزاه اهي عندك ... بس مش رجعة غير لم ولدتك تجي تعتذر تجي لحد عندها و تعتذر و القرار في الاخر ليسرا
خلود بتوتر:- هو في اعتذر بين الاهل
هارون بهدوء:- والله الاعتذار مش عيب زى ما اتهجمت عليها في بيتك تجي هنا و تعتذر ليها.... صدقني حماتك لو كانت مدت ايديها على مرتات عيالها كنت هوديها لحد عندهم تعتذر.... انت ابني و سبق و قولت الكلام دا زمان بس انا حاليا مش بتنازل عن حق ولادي
خلود بصت له بعصبية و عدم فهم و دخلت اوضتها
رحيم بص له بهدوء:- تمام عن اذنك
هارون حط ايديه على كتفه بابتسامة حنية :- رايح فين انت هتتعشا معانا
رحيم بهدوء و ابتسامة:- مش هينفع يا مستر ورايا مشوار
يونس دخل و بيلعب بالمفاتيح بتاعته قال بمزح:- مشوار اي يا مستر و احنا بالليل..... الا بقا لو متجوز التانية
هارون بشك:- تانية
رحيم مسح على وشه بعصبية و توتر:- تانية اي انت هتلبسني مصيبة ما تشوف ابنك يا مستر.... بتشك فيا يا مستر حتي انت
يسرا فتحت الباب سندت ايديها على الباب بحزن مزيف:- قول بقا انك رحيلها اصلا الست مننا بتحس بكل حاجة.. سايبني و ريحلها و انا الى وقفت قدام ابويا و امي علشانك في الاخر تتجوز عليا يخسارة حبي ليك يخسارة عمري الى راح معاك على الفاضي يخسارة
يسرا دخلت و هى مخبية وشها و قفلت الباب سندت عليه و انفجرت في الضحك
هارون بص على اوضة بنته و بعدين بص لرحيم:: انت فعلا
رحيم بتلقائية و بيمسك هدومه لانه جاب اخره:- يا جدعان ارحموني بقا اتجوزت ازاى و انا مش بسيبها من الشغل لبيت. هى دى حد يتجوز عليها انا حاسس اني متجوز اربع شخصيات في شخصية واحدة... عجبك كدا
يونس:- يا مستر روق الكلام اخد و عطا هتاخد على كلامها انت عارفها عصبية بس هبلة و غلبانة طب يارب ابويا يطلق امي لو متعشتش معانا عايزو يطلاقها و نتبهدل
خلود في المطبخ اتسعت عينيها حطت ايديها على راسها:- عوض عليا عوض الصابرين يارب... كان مال العيشة مع خالتي كانت عسل صحيح معايرة بس احلى من جنينة الحيوانات الى عايشة فيه دا .... راجل مجنون كل حاجة عنده عيالو و بت مجنونة و ولاد متربوش حتي الشيخ يونس..... طالع واطي
ملك:: بتكلمي نفسك يا عمتو
خلود:- سبني في حالي ياما هسيب البيت و محدش يعرفلي طريق
مريم بدوق الملوخية:- امي انا حاسه ان الملوخية دى مالحة
خلود:- اعملي غيرها..... ورني مالحة ازاى
مريم اتجهت لخلود بالمعلقة اخدتها منها و دقتها:- لا يا حبيبتي حلوة اوى كدا تسلم ايدك محدش يجي عند المواعين انا الى هعملها..... خلاص يا لوكة اقفلي على ورق العنب تلقيه استوي
ملك عملت زى ما خلود قالت:- بس الكرنب حاسه انه ني
مريم بمزح:- ما هو عمايلك يختي مانتي لو تبطلي رغي مع الاستاذ ياسين و تركزي مكنش بقا ني
خلود ؛- استغفر الله العظيم يارب..... بقولكم اي انا على اخري الى هسمع صوتها هاديها بالشبشب تمام.... لا يا ختي مش ني اقولك خليه شوية عقبال ما البط يستوى هو و اللحمة
ملك:- مش كان كفاية فرخ مع المحشي... اي لازمتها لحمة و مكرونة بالبشاميل
خلود بتعمل ضوافيرها:- حياة بتحب المكرونة البشاميل و حضراتكم بتحبو الفراخ مع المحشي و الولاد بيحبو البط و رحيم بيحب البفتيك.... و طبعا اسامة مش بيحب في المحشي غير الكوسة .... اهو هانت يستوي
خلود حطت المبرد على التربيزة و قامت تعمل معاهم كانت عاملة جميع أنواع المحاشي
اما في بيت تاني
كانت واقفة قدام المرايا بتلف خصلة من شعرها على صابعة و على وشها بابتسامة و سرحانة قالت لنفسها:- ياااه بعد السنين دى اشوفه متغيرش خلاص لسه زى ما هو ...... وسيم في نفسه ليه شخصية ......
فاقت من سرحانها ركزت على انعكاسها في المرايا بسخرية و عصبية:- هو كل الى ينقذ واحدة يتجوزها وبعدين مين يتجوز واحدة زايى غير ساوية..... ابويا و امي مختارونيش مين هيقبل بواحدة كدا بصي لنفسك يا صوفيا و فوقي
بعدت عن المرايا بصت حواليها جريت على سريرها بخوف و سرعة اكنها بتهرب من حاجة طالعت ضمت نفسها و هى بتفتكر الماضي من اول الخطف لحد ما يونس ركبها التاكسي نامت و غطت وشها حطت ايديها على راسها بزعاج:- بس بقااا اسكوتو مش عايزة اسمع صوت
دموعها نزلت في صمت و قهرة غمضت ابتسمت غصب عنها لم افتكرت يونس اما في بيت هارون على السفرة كان الكل متجمع يونس كان سرحان
ياسين بص له:- ما تاكل يالا بقلك ساعة سرحان
يوسف بتعمد:- الى بالي بالك
يسرا ضيقت عينيها بذكاء:- ممم معقول البت بتاعت الحادثة ماثرة عليك لدرجة دى
يونس فاق على صوتها :- شايف يا بابا هى الى بتنكش فيا اهو... و بعدين اي ماثرة دى ما تنقي كلامك
يسرا :- يا سلام يا خويا انت الى شكلك و ملامحك فضحينك
خلود اتسعت عينيها بصدمة:- في واحدة متربية تقول فضحينك
يسرا بعفوية:- لا اكدب يعني يا امي هو متعلم عليه من اول ما شافها... قولي اسمها و اجبلك تاريخ اهلها و اهاليهم كمان
خلود بتاكلها لان مش هتعرف تاكل من دراعها:- كلي و انتي ساكته سيبي اخوكي في حالو
يسرا:- انا شاكة انكي مرات ابويا
ياسين بحب يغيظها:- يا ماما انتي جيتي فوق البيعة تلاتة و الرابعة فوق البيعة
مريم و ملك بيحاولو ميضحكوش حتي رحيم الى المفروض زعلان لكن هو دا بيت هارون و خلود ميعرفش حزن
يوسف بضحك:- بصراحة هو مجبش حاجة من عندك صح يا بابا
هارون:- صح يا بنتي كلام أخواتك صح بصي انا و امك و الكل عارف ان المفروض يكون عندي تلات ولاد لكن يوم ما اتولدو لقيت الدكتورة يسرا
خلود بصتله و ضحكت غصب عنها :- قول لانى مكنتش موجودة
هارون بصلها بغيظ:- بس بقا كفاية ضحك
بص ليسرا:- فجأة بعد ما التلاتة ولاد اتولدو لقيتها شايلة شي كدا و بتقولي مبروك بنت زى القمر
خلود انفجرت في الضحك و بتقلد الدكتورة:- هو انا مقولتش ليك ان الجهاز هنج
الكل ضحك
يسرا بضحك:- طب مكنت استنيت يا بابا يمكن كان الجهاز طلع مهنج و كان عندي اخت
خلود:- الحمدلله قفلت كدا و بعدين انتي بمية بنت
يسرا:- قصدك اي شايف مراتك يا بابا طلاقها و النفقة عليا
خلود:- طب اكلي نفسك بقا ولا خلي ابوكي ينفعك
اما في شقة عامر
في اوضة جنة كانت قعدة على السرير ضمة نفسها عيونها حمراء و ورمة من العياط
جنة بتبص لعامر بوجع:- مكنتش عايزة ازعاجكم بمشاكلي... كنت اريحك مني
عامر بغصة و عتاب حط ايديه على ايديها و الدموع في عينيه:- مشاكلك.... و تريحني.... جنة انا في حاجات كتير عملتها و استحملتها علشانكم و علشانك انتي بالتحديد ... انتي بنتي و اغلي حاجة عندي اول فرحتي
جنة مسحت أنفها بالمنديل :- بس كنت دايما بشوف نفسي سجينة أو متهمة... كل ما كنت بكبر كنت بتقسي عليا و لولا امى كنت موتني.... عارفة انك خايف عليا
سكتت اتنهد بهدوء ممزوج بمرارة:- انت دمرتني يا بابا... ممم مع ان انا تربيتك معقول انا كدا معقول شايفني مش كويسة لدرجة الشك و الخوف مني.... انا محبتش جمال يمكن اعجاب بس اتجوزته و عملت كدا علشان اهرب من سجنك ..... عارف ان غصب عنك بس انا مش زي حد.... عارف اوقات كنت ببقا نفسي اقف قدامك و اقولك شوفني يا بابا انا بنتك.... ولا مرة مديت ايدك عليا بس كلامك و نظراتك بتوجعني عارف يعني اي ابوك بيكون بيشك فيك اقرب ما ليك كان نفسي اكون شايلة كل أسراري معاك بس شك فيا منعني..... عمري ما اتجننت على جمال الا لم بيبدا الاستاذ الى كنت بدفع عنه من فترة ماشي وراء كلام امو الى فاكرة فلوسك لكل الناس أو لقيها في الشارع بتتكلم عن حاجة مش من حقها و ابنها ولا اكنه موجود المهم كلام امو.... انا اتكسرت يا بابا ... زمان قولت ليا متكسرنيش يا جنة... بس انت كسرتني يا بابا
عامر حضنها و جنة بقيت بتعيط بانهيار هدير كانت واقفة برا بتعيط في صمت و قهرة على بنتها
اما في شقة عمرو
عمرو بص لراضية:- هو نوح كلمك النهاردة
راضية و هى بتقلب في الفيس بوك ببرود:- بيكلمني كل يوم و ادم كمان
عمرو:: المفروض يطلعوا يقعدو معانا المفروض ان في نفس العمارة و اهلهم
راضية و هى متجاهلة كلامه:- كل واحد له حياته يا عمرو و بعدين انت اصلا مكنتش بتشوف امك و هى عيانة ولا دفعت ليها جنية مع انك اكتر واحد اخد منها فاكر ولا افكرك
قالت كدا و هى بتبصلها ببرود و نظرات غريبة و قامت دخلت اوضتها اما بيت حياة و اسامة
كانت حياة صحيت و فاقت شوية خرجت من التواليت و هى بتجفف شعرها
مامت اسامة رحمة كانت بتحط الاكل على السفرة :- تعالي كليلك لقمة. وشك بقا اد اللمونة
حياة باستغراب:- حضرتك عملتي كل دا ازاي و امتي المفروض انا الى اريحك
رحمة اخدت منها المنشفة حطيتها في اوضة حياة خرجت مسكت ايديها و قعدتها على كرسي السفرة و قعدت جانبها سندت ايديها على خدها:- طول ما انتي و اسامة بخير و بتضحكو انا مرتاحة
شالت ايديها من على خدها و مسكت المعلقة و بقت بتاكل حياة:- و بعدين انتي عايزة الواد يرجع من المأمورية يلقيك خسة بالشكل دا يقول اي بعذبك
قالتها بمزح و هى بتاكل حياة
حياة :- طب يا امي كلي حاجة انتي مكلتيش حاجة من اول ما قعدنا
رحمة بعفوية:- ملكيش دعوة بيا لم اجوع هاكل.. ولا قصدك انى ضيفة و غريبة
حياة :- والله ما قصدي دى بيت حضرتك زى ما هو بيتي انا و اسامة .... ما هو انتي لو ماكلتيش معايا انا مش هاكل
حياة مثلت انها هتقوم رحمة مسكت ايديها:- اقعدي بقا اي القفش دا هاكل اهو بس كلي
حياة كانت بتاكل و الدموع في عينيها مبسوطة حست ان ربنا عوضها بام تانية اه هى شافت في رحمة امها مش حماتها طيبتها و حنيتها و خوفها عليها عمرها ما حست انها حماتها عمرها ما ادخلت في حياتهم أو اتحكمت فيهم أو حتي سمعتها كلمة وحشة
بعد وقت في بيت اهل رحيم
ريهام بغيظ و غيرة:- جدعة يا طنط هى عايزة ضرب الجزمة على وشها مش كفين...... خطفته مني
وفاء و هى بتشرب الشاي:- اوعدك ان من النهاردة رحيم ملكك انتي اكيد طلاقها اومال واحدة لسانها متربئ منها
ريهام بخوف:- بس يا مرات عمي
وفاء بثبات:- مبسش انتي لرحيم و رحيم ليكي صبرتي سنين ما باقي الا القليل اثقي فيا..... يا رباب افتحي الباب يا حبيبتي
رباب اخت رحيم الصغيرة و برضو من سن يسرا خرجت من الاوضة بملل و فتحت الباب
رحيم دخل رباب قفلت الباب و قالت بصوت واطي:- خد بالك بيقطعو في فروة مراتك انا نصحتك و انت براحتك ... صح سارة جت النهاردة و شكلها ميطمنش ليه لانها اتخنقت مع عمر جوزها و الى هو ابن عمنا ليه بقا هقولك ام عمر الى هى مرات عمنا راحت ليها و بتفتش في حاجاتها و قالت بصوت عالي فين العمل الى عمله لابني خفيتي العمل فين يا فاشلة يا الى سقطة في الجامعة و
رحيم باس ايد رباب:- ابوس ايدك ارحمني
رباب:- انا غلطانة اني بقولك اخبار العيلة و
رحيم:- على اوضك يا بت
رباب جريت على اوضتها رحيم اتجه لامه و ريهام :- السلام عليكم... ازيك يا آنسة ريهام يارب تكوني بخير
ريهام قامت بحب و فرح:- انا بخير طول ما انت بخير
رحيم بصلها و بعدين قال و هو بيقول لامه:- انا بخير طول ما يسرا بخير صحيح بتسلم عليكم جدا
ريهام :- طب عن اذنكم هنزل انا لان امي بتنادي عليا
ريهام نزلت و قفلت الباب حط المفاتيح على التربيزة:- ليه يا امي
وفاء بعدم فهم:- ليه اي
رحيم ببعض الحادة و الثبات:- ليه مش عايزة تشوفيني مبسوط و مرتاح.... اخدي مفتاح شقتي من ورايا اتهجمتي على مراتي و ضربتيها و تقولي اي الى ليه يعني لم بيتي يتخرب هتكوني مبسوطة
وفاء قامت بغضب و غل:- هى السنيورة لحقت تقلبك عليا و بعدين انا ضربتها لانها مش متربية اهلها نسيو يربوها و انا ربيتها
رحيم شارو على نفسه بعصبية:- دى مراتي و كرامتها من كرامتي انا انتي خليتي منظري زفت قدام اهلها .... حضرتك هتروحي بكرا معايا تعتذري ليها
وفاء ربعت ايديها بسخرية:- و لو معتذرتش هتعمل اي هتضربني مثلا ولا هتعمل محضر ليا بقا دا اخرت تربيتي فيك تبقا ابن مراتك عيلة صغيرة تاكل عقلك بكلمتين دا تافهة و قليلة ادب
رحيم بحادة:- ااامي بعد اذنك كفاية أبوس ايدك ارحميني بقا انتي لو معتذرتيش بيتي هيتخرب و هطلقها
وفاء:- متغور في داهية
رحيم سند ايديه على كرسي السفرة:- اول مرة اطلب منك حاجة ليه مصممة تكسرينييي ليه
وفاء بحزن:- انا اكسرك دا انت سندي و ابني الوحيد
رحيم ابتسم بوجع:- في ام تتمني لابنها الخراب تصبحي على خير
رحيم دخل اوضته رما نفسه على السرير فتح الفون اتفجا ان يسرا عملت له بلوك:- يا بت المجانين
اما في شقة بسملة
دانا و الدموع في عينيها:- انت هتجي امتي يا معتز انت وحشتني اوى
معتز بحب:- هانت يا دانا اعمل بص حق الشقة و هنزل على طول
دانا بعصبية و دموع:- انا مش عايزة شقة ولا زفت انا عايزاك انت حتي لو هقعد معاك في صندوق بس ارحمني
قالتها برجاء و دموع بسملة جت اخدت منها الفون و بعدته شوية:- خلاص بقا ارفتني غورية امسحي التواليت
دانا واقفة مكانها بحزن و دموع بسملة زقتها باحتقار:- غورية بقا واقفة عندك بتعملي اي يلا غورية
دانا راحت تعمل زى ما حماتها قالت بسملة حطت الفون على ودنها:- الو يا حبيبي عامل اي طمني عليك بتاكل كويس بتعرف تنام ب
معتز قطع كلامها :- والله انا زى الفل يا امي طمنيني عليكي عاملة اي و دانا يا امي اوعي تزعليها يا امي
بسملة بحنية :- اخص عليك انت متعرفش امك يعني.... دى بنتي الى مخلفتهش بعملها بما يرضي الله ربنا شاهد عليا ان بعملها زى بنتي بس هى مصرفة اوى كل الفلوس الى بتبعتها بتصرفها على حاجات تافهة ايش اكل ايش مكياج حتي الاب توب الى جبته ليها في الاجازة ضيعته و على طول على النت مش بخليه تشيل قشية من الأرض سيبك من دانا قولي اخبارك اي في شغلك مبسوط
معتز بحزن مداري:- مبسوط يا امي الحمدلله
تاني يوم في التاكسي
يسرا بتبص على العمارة الى صوفيا عايشة فيها:- متاكد يا عم محمد انها ساكنه هنا
محمد ضرب كف على كف:- لا اله الا الله محمد رسول الله
يسرا:- عليه افضل الصلاة والسلام انت متعصب ليه
محمد بعصبية:- خمس مرة تسالي نفس السؤال
يسرا نزلت من التاكسي :- استناني يا عم محمد متمشيش
محمد:- اكيد بس اخلصي
يسرا بصت لعمارة و دخلتها بتبص حواليها بتراقب
البوابة:- بدوري على حد يا شابة
يسرا بابتسامة:- صباح الخير
البوابة:- صباح النور
يسرا:- ممكن نتعرف
البواب ضربت على ايديها:- بوابة العمارة انا النهار و جوزي بالليل خير يختي
يسرا طالعت فلوس و حطيتها في ايديها:- خير... يدي الكسوف و العيبة جيت و ايدي فاضيه يقطعني يختي.... ممكن هو الدنيا بدور ليا انا مش شايفة
البوابة مسكت ايديها و قعدتها على مقعد المدخل:- اقعدي يختي... الجو نار اليومين دول.... انتي بقا جاية لمين
يسرا بلعت ريقها بتوتر ابتسمت بارتباك:- جاية لبنت بنت بنت بنت عم امي صحيح مش شوفتها من كتير بس الدم بيحن
البوابة:- قصدك ابلة صوفيا الدكتورة البت الى كانت هتتخطف
يسرا فتحت بؤها رمشت عينيها بذهول ضربت على قلبها :- حادثة اي يختي كفلة الشر
البوابة مطت شفايفها؛- هو انتي متدريش بالى حصل .... من كام سنه الدكتورة كانت هتتخطف
يسرا شهقت بصدمة:- يمصبتيشي و بعدين
البوابة:- معرفش يختي و هى راجعة من عند صاحبتها شابين طلعو عليها في عز النهار عيني عينك ولاد البجحة و عايزين يخطفوها لولا شاب ربنا يكرمه و يستره دنيا و اخرة
يسرا رفعت ايديها:- امين
البوابة رفعت ايديها:- و يوفقه في حياته
يسرا:- امين
البوابة:- و يعلي مراتبه
يسرا باستغراب من الدعوة الى مش عارفه معنها:- امين
البوابة:- و يرزقه ببنت الحلال
يسرا:- امين
البوابة:- و يحبب فيه خالقه
يسرا:- امين
البوابة:- و يخليه لامه
يسرا:- امين
البوابة:- و الحركة الى عملها مع الدكتورة تترد في اخته
يسرا ضربت على قلبها:- نهارك اسود عايزني اتخطف يا ولية لا اقولك اي اخلصي و قولي كل حاجة
البوابة:- بصي هى كانت عايشة مع ابوها و امها في العمارة دى زمان بس انفصلوا بسبب فلوس أو خيانة ربنا يسترها علينا يختي المهم مين خان مين الله اعلم
البوابة لفت وشها تتاكد ان مفيش حد بصت ليسرا و كملت:- زمان سمعت خناق ابوها و امها ابوها كان راجل ساكري و امها ست خاينة ف أطلقوا و حطوها في مدرسة داخلي و قبل الحادثة بأسبوع صوفيا جت تعيش هنا بدل اهلها اصل ابوها كتب ليها الشقة باسمها تأمين يعني
يسرا هزت راسها و قعدت البوابة تتكلم معاها و حكت ليها كل حاجة على الى في العمارة يسرا مكنتش متأثرة خالص بعد وقت في اليوجا يسرا واقفة بتلم شعرها و بتتكلم مع صاحبة صوفيا
يسرا:- يعني هى مش متجوزة
صاحبة صوفيا:- يختيييييي بيجلها يختي كتير و قليل بس الحادثة و موضوع انفصال اهلها معقدنها نفسية زى ما انتي شايفة مش مركزة في حاجة غير في اليوجا و الرقص الشرقي
يسرا :- نهار اسود جزمتي اتقطعت
صاحبه صوفيا:- ثانية واحدة
يسرا ملحقتش ترد كانت صاحبة صوفيا جابت ليها جزمة من عند صوفيا
يسرا اخدت الجزمة و قلبتها على وشها:- دا بتلبس نفس مقاسي لا اصغر دى بيبي خالص ٣٤
يسرا بصت لصاحبة صوفيا باحراج:- بس اسفة هى فردة اصغر من فردة يعني واحدة اربعة و واحدة تلاتة
صاحبة :- احم خلقة ربنا مولودة كدا اقولك اي فاضية يوم الجمعة
يسرا:- طبعا بس اشمعنا
صاحبة صوفيا:- اصل يوم الجمعة بنقضيها في النادي و مدرسة الرقص بصي يوم الجمعة بنخربها خروجات و شوبينج
يسرا ضربت كفها في كف صاحبة صوفيا:- دى لعبتي انا اصلا بتاعت خروجات الا قوليلي الموزة دى بتشتغل اي
صاحبة صوفيا:- بصي احنا بنشتغل في مستشفى دكاترة يعني بصي انا حبيتك انتي دخلتي قلبي لازم تبقي في الشيلة ...... خدي رقمها لان ناسية رقمي
يسرا بفرح:- ميضرش يا حياتي قولي
يسرا اخدت رقم صوفيا و عرفت عنها كل حاجة صح يسرا كانت بتمثل ان جزمتها اتقطعت بالليل كان يونس قعد على بيتفرج على التلفزيون يسرا خرجت من المطبخ و معاها طبق فشار
صحيح مش انا شوفت الجو
يونس :- بطلي قلت ادب
يسرا :- طب مش تعرف هى مين أو الكلام على مين على الاقل
اما في بيت صوفيا بعد ما عملت كل مغامراتها و اكلت القطة بتاعتها و نايمتها كانت قعدة على الكنبة بتشرب النسكافيه اغنية نجاة الباب خبط نفخت بضيقه و قامت فتحت الباب
صوفيا باستغراب:- ماما.... اي الى جابك دلوقتي اقصد جيتي امتي
امها دخلت و قعدت على الكرسي:- جيت اطمن عليكي بيم انكي مش عايزة تعيشي معايا ولا مع ابوكي الناس هتاكل وشنا بسببك
صوفيا حطت المج على التربيزة بهدوء:- حضرتك لم قررتو تنفصلو من زمان مفكرتوش فيا أو حتي في شكل حياتي.... دخلتوني مدرسة دخلي و برضو ولا فكرتو فيا...... كل واحد اتجوز و اختار حياته ولا فكرتو فيا و دلوقتي بتقولوا بنتكم و الناس.... لا معلش انا شغلي و حياتي كدا عجبني ف ارجوكم خليكم في أولادكم و حياتكم بعيد عني احترموا رغبتي
اما عند يونس
يسرا:- شوف يا سيدي اسمها صوفيا اهلها منفصلين و كل واحد منهم متجوز و هى عايشة لوحدها.... بتحب تسمع نجاه الصغيره للساعة ١٢ الساعة ٢ بتنام نينة الساعة ٥ بتصح تصلي الفجر و الصبح و بعدين تفطر اه بتفطر توست بالنوتيلا و طبعا القهوة اهم حاجة عندها حياتها كلها شغلها و شكلها و اصحابها..... اه و مش مخطوبة ولا متجوزة ولا حد ليها في الجو دا بيجلها كتير و قليل لكن بترفض.... اصلها عندها عقدة بسبب اهلها و الحادثة و يعني مش مبذرة ولا بخيلة...... مصاريفها كلها يجي ٣٠ الف جنية بتحب القطط و عندها فوبيا من الاسانسير و الكلاب و لبسها دائما اسود..... يوم الجمعة في النادي و اليوجا اكتلها المفضلة السمك مطربها المفضل عبد الحليم حافظ بتحب تنام على سورة البقرة تشغلها و تنام اخر مرة غيرت صورة البروفايل الخاص يجي من خمس دقائق
يسرا غمزتله:- مش ساهلة انا صح
يونس بصلها بهدوء و تركيز:- و انتي عرفتي كل دا منين
يسرا و هى بتلعب فى شعرها بفخر:- دا شغل مخبارات ملكش دعوه بيه قولي بقا هتتجوزها امتي بقا
يونس:- لا دا انتي عقلك ضرب على الاخر
يسرا كانت هتكمل كلامها لكن الباب خبط يونس قام فتح الباب
وفاء بابتسامة:- ازيك يا حبيبي
يونس:- الحمدلله ازي حضرتك يارب تكوني بخير
وفاء:- الحمدلله
يونس :- ماما جوا اتفضلي
وفاء دخلت و يونس قفل الباب يسرا قامت لفت وشها :- ماما
خلود و هارون خرجو و استغربوا من وجود وفاء الى بصت ليسرا بصدمة معقول كفين عملو كدا طب ازاي و كمان دراعها مكسور
وفاء:- ممكن اقعد
هارون؛- اتفضلي
وفاء قعدت و كلهم قعدو:- ا انا مكنتش اقصد أو اقتحم بيتك زى ما انتي فكرتي... ا انا بس قلقت عليكي يا حبيبتي اصل حلمت بيكي حلم وحش ف قولت اطمن عليكي بس أدى كل الحكاية
يسرا بصتلها ببرود و غيظ لانها فاهمة حماتها:- لا يا ماما مفيش حاجة طبيعي ام بتخاف على بنتها
هارون بسخرية:- ف تضربيها لا كتر الف خيرك
وفاء بتوتر:- ا انا يعلم ربنا بخاف عليها زى بنتك.. رحيم ميستاهلش منك كدا انا و انتي هو دخله اي
خلود:- ابنك بس دى كل الحكاية
وفاء وشها جاب الوان:- ا انا جيت استاسمح حضراتكم و يسرا تروح بيتها مع جوزها
وفاء قامت وقفت قدام يسرا بابتسامة:- و لو على زعلك مني ف حقك عليا يا نن عيني
وفاء قبلت راسها يونس دخل اوضته و خلود راحت المطبخ يسرا قامت وفاء حضنتها لكن كل واحدة منهم تقبل العمي ولا ان تشوف التانية
اما في بيت جمال
جمال كان قعد على الكنبة تلفون عفاف رن مسك الفون كانت رسالة فتح الفون و شاف الرسالة........
اما في بيت حازم و سيندر
حازم:- سوسو كوباية ماية يا حبيبي
سيندر من المطبخ:- حاضر يا روحي في المطبخ
سيندر حضرت له الماية بصت وراها بحذر و خوف فتحت الدرج طالعت ازازة صغيرة فتحتها حطت منها قطرات قفلتها و شالتها مكانها و خرجت ايديها بتترعش اتجهت لصالون بابتسامة:- اتفضل يا حبيبي بالف هنا
حازم بابتسامة:: شكرا يا قلبي
حازم اخد منها كاس الماية .........
#يتبع
الفصل الثامن من هنا