رواية العاثر الاخير الفصل الخامس 5 بقلم إسماعيل موسى


رواية العاثر الاخير الفصل الخامس 5 بقلم إسماعيل موسى


ان من يذكر الأشباح والجان أكثر من سبع مرات فى اليوم معرض لتلقى شيء من عالمهم بنسبة عشرة فى الميه اكتر من الشخص العادى.


تشعر ندى انها قرأت تلك المعلومه مره، وتشعر بالخوف لانه تفكر فيهم طوال الوقت.


كان هادى مريض وكانت قلقه لكن ذلك لم يمنع هواجسها ان تسرح ،كانت فى شقة الشاب، مكنش كفيف ولا معاق، كان شايف وحاسس كل حاجه ،لكن مكنش فيه رد فعل


كان ممكن يتكلم، يحذرها، يطردها ،يتكلم معاها لكنه اختار الصمت.


اعطت هادى جرعة العلاج، مفيش فايده انها توتر هادى اكتر من كده، كان يمكنها ان تخبره ان هذا الشخص ليس حقيقى وانه ربما شبح، وكانت تعرف ان هادى لن يصدقها


سيتهمها بالجنون ويطلب عرضها على دكتور نفسى.


همست ندى انا مش هقعد كده ساكته، لازم اتصرف، انا السبب فى كل حاجه ولازم أصلح إلى بوظته


انتظرت حتى غرق هادى فى النوم، خرجت من الشرفه المفتوحه، كان الشاب فى شرفته يحدق بالشارع


كان شارد يراقب الشارع مبهور بكل تفصيله تمر امامه


عليك ان لا تشغل بالك بالمستقبل، ما سيحدث سيحدث


الأشباح لا تظهر خلال ضوء النهار، لكن للجان طبيعه مختلفه


الجان يتشكل ،لديه قدره على التواجد فى عالم البشر.


لا يمكنها ان تدخل شقته مره اخرى ،الرعب يسكنها، عادت داخل الشقه، جلست، تمنت ان يتوقف كل شيء عند ذلك الحد، تحستت حرارة هادى، كان ثابته، قعدت جنب هادى


لما يستعيد صحته هتطلب منه يسيبو الشقه، هتجبره يعزلو حتى لو كان مش مصدقها.


على الكنبه اغمضت عيونها، نامت، حلت ظلمة حالكه داخل الشقه، من الباب دخل الشاب، جلس فى الصاله فى مواجهتها


مثلما يجلس كعادته ،فى الحلم ارتعشت ندى، صرخت انت عايز منى ايه؟


قبلات أخرى ترددت الكلمه فى ذهنها وتحركت داخل الشقه


حتى فتحت عيونها مرعوبه


تلفتت فى كل اتجاه مكنش فيه أثر لأى شخص سوى جوزها هادى


قبلات أخرى كانت الكلمه عالقه فى ذهنها


ماذا تفعل له القبلات؟


هل ما رأيته وسمعته كان حقيقى ولا مجرد حلم 


ارتعش جسد هادى، ارتفعت حرارته وتحركت ندى تضع كمادات بارده فوق رأسه


اشرب يا هادى دا خافض حراره، انا تعبان جدا همس هادى بصعوبه، جسمى كله نار يا ندى


سلامتك يا حبيبى يا ريتنى كنت انا


رفع هادى دماغه انا عمرى ما مرضت بالشكل ده ،مش عارف ايه إلى بيحصل معايا؟


هتبقى كويس طمنته ندى، دور وهيعدى ان شاء الله


قبلات أخرى، قبلات أخرى، صرخت ندى اطلع من دماغى


بتكلمى مين يا ندى ؟سألها هادى جوزها


مش بكلم حد يا هادى مضغوطه بس شويه




حاول هادى ان ينهض لكن قدمه خانته سقط على السرير


مش قادر انصب طولى يا ندى


يلا بينا نروح المستشفى، مش هنستنى اكتر من كده، لازم اطمن عليك


هناك يشوفو عندك ايه وتتعالج.


الفحوصات كلها سليمه، مفيش اعراض لاى مرض


همس الدكتور لندى اعتقد ان مرضه نفسى مش اكتر


جوزك بيتعرض لضغوط نفسيه ،فيه حاجه مزعلاه ؟


ردت ندى لا


طيب وحرارته المرتفعه سببها ايه ؟


يمكن فيروس او عدوى جرثوميه، لكن العلاج هيعمل مفعوله


يعنى مفيش حل تانى؟


طبيآ لا، لكن انتى مراته وتقدرى تعرفى جوزك نفسيته تعبانه من ايه.


الدكتور قالك ايه يا ندى؟


مقلش حاجه يا هادى، قال كل حاجه تمام وهتبقى كويس


امال مش قادر أمشى ليه؟


وبحرك رجلى بصعوبه ؟


يمكن لان جسمك هزلان مش اكتر، مع الراحه والاكل هتستعيد قوتك وتبقى ذى الحصان.


قبلات أخرى، قبلات أخرى، هزت ندى دماغها بالرفض


حاولت تطرد الهمس داخل عقلها.


غرق هادى فى النوم، سحبت ندى عليه الفراش، بعدها فى الصاله بكت


هادى جوزها بيضيع منها ومش عارفه السبب


كله بسبب الشقه المعلونه دى وبسبب الشاب إلى ساكن قصادهم.


نزلت ندى من الشقه، حتى لو كانت مخاطره فهادى جوزها يستحق تضحيتها


وقفت قدام العماره الشاب كان واقف فى البلكونه لما وصلت


وكان الغفير موجود


انا ساكنه فى العماره إلى جنبك اسمى ندى، ساكنه فى الدور التالت


رفع الغفير بصره وابتسم ،عارف ،انا بشوف جوزك رايح الشغل كل يوم، اقدر اساعدك بأيه رفعت ندى ايدها


الشاب إلى ساكن فى الشقه إلى قصادنا اسمه ايه ؟


رفع الحارس عينه


وقال سلامتك يا هانم الشقه دى فاضيه مش مسكونه


بلعت ندى رييقها ،حاولت تجد مخرج منطقى


معاك حق ان اختلط عليه الأمر، طيب الشقه دى معروضه للايجار ؟


بصى هى فاضيه، لكن مينفعش اتعدى على زميلى احنا عشره من سنين طويله


شكرا، شكرته ندى ورجعت الشقه، كل مخاوفها تحققت


مش تخيلات ومهما انكر هادى الحقيقه ظهرت


جارهم مش انسان ،بصت على هادى إلى بيئن من الوجع


مفيش اى داعى اقله الحقيقه ،هو مش مستحمل اكتر من إلى فيه


بكره الصبح هتاخد هادى وتمشى من الشقه من غير اسباب


هيقعدو عند اهلها لحد ما يلاقو شقه جديده


ودعت ربنا ان حالة هادى تتحسن ويقدر يمشى بكره


بصت على البلكونه المفتوحه، وقفت بغضب الباب لازم يتقفل لحد ما يعزلو


مسكت الباب بعصبيه تقفله، لكن الباب متحركش، قاومها ورفض الانغلاق كأنه إنسان يدافع عن نفسه


مره تانيه شدت ندى الباب متقفلش، جسمها كله اترعش


أسنانه اصطكت فى بعضها ورجليها كمان


قبلات أخرى، قبلات أخرى وصلها الصوت القادم من الشرفه المقابله لشرفتهم ،لكن مكنش همس كان صوت مسموع..



                    الفصل السادس من هنا 

         لقراءة جميع فصول الرواية من هنا 

تعليقات
×

للمزيد من الروايات زوروا قناتنا على تليجرام من هنا

زيارة القناة