رواية النصاب الفصل الثاني عشر 12 بقلم جمانه السعيدي
@الجميع
بان...كعدنا ثاني يوم من الصبح اتريكنا ووليد راح يأجر سياره حديثه ااكدت علي ساره تكون السياره عاليه
وكشخه وشكله يجذب الانظار
طول هاي السنيين الي تغربت بيهن ساره ما تغير شكلها ابد
بلعكس صارت احلى من قبل الف مره
شكد حلوه وشخصيتها قويه
اكيد الحياة والغربه والعمل طول هاي السنيين
غيرت شخصيتها للاحسن طبعا
دخلت ساره للغرفه بدلت ملابسها لبست قاط
كامل بنفسجي فاتح بنطرون وستره وقميص وردي
وحجاب حذاء عالي ومكياج وعطر
طلعت تخبل هيه اصلا حلوه بدون كلشي
رجع وليد الساعه عشره جايب السياره وجاي
سياره عاليه سوده تخبل
ساره....وليد اريد تلبس قاط كامل وكمامه ونظاره
مااريد اي احد يتعرف عليك
دخل وليد لبس قاط نيلي وقميص ابيض وكمامه
ونظاره صعدو وطلعو من البيت
وصلو المكان الشركه
ساره...اوكف بعيد عن الشركه شويه
وليد...ليش مراح ننزل كبال الشركه
ساره...لا ماننزل كبال الشركه هيج راح نبين قاصديهم
خل اللقاء صدفه هيج مراح يشكون باي شي
وليد..تمام
ساره...انتظرنا بلسياره تقريبا عشرين دقيقه بلظبط
جان يطلع ميثم صديق عصام من باب الشركه
ساره...منو هذا
وليد...هذا ميثم صديق عصام
ساره...اي عز الطلب امشي ومن تصير كباله ووكف السياره
اريد من انزل يشوفني
وليد...بس هذا مو عصام
ساره...امشي بسرعه لا تحجي قبل لا يبتعد عن الشركه هواي
طبعا ميثم موكف سيارته بعيد عن باب الشركه
ويريد يروح السيارته
مشى وليد من صار كبال ميثم وكف السياره
ساره. انزل افتحلي الباب
نزل وليد فتح الباب
نزلت ساره كبال ميثم عبالك ما منتبها الوجوده عدلت سترتها
ولبست النظاره
هلكد ماحلوه وشكلها مميز وصاعده هيج سياره
جذبت ميثم بقا يباوع عليها
مشت ساره كدامه هو يمشي وراها وعينه عليها
وليد بقى بلسياره يراقب المنظر من بعيد
طلعت تليفونها وبدت تحجي بصوت بحيث ميثم يسمعها
ساره....اي جاي ادور على مكان للشركه اريد مكان مناسب
هيج مشروع ماينجح اذا ماكان المكان مناسب
بس المشكله مااعرف اسئل منو
لازم اشوف انسان ثقه اسئله شلون الوضع
ووين اكدر افتح هيج مشروع
مشروع يكلف اكثر من مليار لازم المكان مناسب
وكفت ساره وهيه مستمره تحجي عن مشروع
ضخم وبي ارباح هواي
فات ميثم من كدامها وهو عينه عليها ويحاول يسمع باقي الكلام
ساره... بس اشوف احد اسئله حتى اختار صح
فات ميثم نزلت التليفون ساره وكالت من رخصتك
عبالك ماصدك وحده مثل هاي سيدة اعمال ومبينه
ثريه ومن طبقه راقيه تحجي ويااا
ساره...من رخصتك اريد اسئلك سؤال
نزلت التليفون
ميثم...اي تفضلي
ساره...رجعت صعدت التليفون على اذنها
دقيقه بس اسئل وارجع اتصل عليك
جمانه السعيدي
ميثم...مبينه مو منا شكلج يختلف
ساره....نزلت النظاره وخليت عيوني بعيونه وردت علي
نعم
ميثم....قصدي اني ماشايفج قبل
ساره.. اذا سمحت عندي كم سؤال إذا عندك وقت
ميثم...كل الوقت اللج تفضلي
ساره...انت من هاي المنطقه
ميثم....اي عندي شركه هنا
ساره...يعني تعرف كلشي عن هاي المنطقه
ميثم....اي تفضلي اي سؤال اي استفسار
( هنا ميثم اشتغل عنده حس النصب مبينه هاي وحده طاكه وصاحبت فلوس وفوكاها حلوه
مستعد يسوي اي شي بس حتى ينصب عليها
لان هاي شغلته من زمان )
ساره...هااا عندك شركه هنا تمام انت اكثر واحد مناسب
حتى اسئله عن الشي الي جايه علموده
ميثم...راح نبقى نحجي بلشارع ممكن تجين وياي للشركه
حتى اعرفج على صاحب الشركه وشريكي
ساره...تمام ماعرفتك بنفسي ساره سيده اعمال
عايشه بامريكا عندي شركه هناك بولاية تكساس
وجايه هنا افتح شركة استيراد وتصدير بلعراق
ميثم... عز الطلب وصلتي اني ميثم صاحب شركه
الديار للاستيراد والتصدير
تفضلي وياي نحجي داخل الشركه
وليد دخل داخل السياره وبقى ينتظر
اما ساره راحت حتى تقابل عصام وهيج خطتها
ماشيه مثل ماتريد واحسن
دخلت ساره للشركه تمشي بكل ثقه رافعه راسها
وتمشي وكانما مو سيدة اعمال عبالك رئيسة
وزراء
ميثم سرع خطوته قبلها حتى يكول العصام
جبتلك خوش صيده
وصل قبلها وشاور عصام وعصام رفع عينه ومانزلها من عدها
لان حلوه وشخصيه
ساره.... مرحبا
وكف عصام ....اهلا وسهلا يامرحبا
ساره....اعرفك على نفسي ساره سيدة اعمال عايشه بامريكا
عصام...ماكدر ينزل عينه من عليها
حلوه وانيقه ورشيقه وتحجي بثقه
عصام.. اهلا وسهلا تفضلي ميثم عصير برتقال فرش بسرعه
ساره...ماكو داعي لان اني وقتي محسوب عليه
اني جايه بمهمه للعراق وقتها محدود
لازم اخلصا وارجع الامريكا بسرعه
عصام...تفضلي بيش اكدر اخدمج
جمانه السعيدي
ساره.. اني شرحت الميثم قبلك
اني عندي شركه استيراد وتصدير بامريكا صار عشر سنوات واني استغل هناك
الحمد لله شغلنا توسع وجاي نفتح فروع بأكثر من مكان
واني حبيت افتح فرع للشركه هنا
أبناء بلدي اولى بهيج مشروع من غيرهم
عصام. المطلوب شنو
ساره.. احب الي يفتهمني بسرعه ويختصر الوقت عليه
انت مبين ذكي وتفهما وهيه طايره
اني اريد مكان افتح بي شركه هنا بلعراق
شركه ثقه يصير بينا تبادل بلصفقات شغل مستمر
على مدار اليوم
بس اريد مكان زين واريد واحد ثقه يلزم الشركه هنا بلعراق
اعرف صعب نلكه واحد ثقه نسلمه هيج مشروع
بس اني اي واحد يدخل وياي شريك
راح اسئل عنه وأخذ منه ضمانات
لان هاي فلوس بلميارات فلوس عالم مو لعبه
عصام.....ممكن تفهميني اكثر شنو طبيعه العمل
ساره...حقيقتا انت مبين فاهم للشغل
راح نوصل حاويات للعراق وحسب طلبيات التجار
احنا عدنا تجار نشتغل وياهم من زمان
انت تستلم الحاويات وتوزعها على التجار
يوميه توصل من ١٠٠ حاويه الى ٥٠٠ وواكثر
راح يطلعلك بليوم الواحد ربح صافي من ٥٠ مليون إلى ١٠٠
مليون
وانت كاعد على مكتبك مجرد تتصل بلتجار
وتسلمهم الحاويات
جمانه السعيدي
بس اهم شي عندي الثقه مهمه جدا
لان فلوس العالم مو لعبه بعتبار انت راح تدخل ويانا شريك
عصام...شلون ادخل شريك
ساره....تدفع النا مبلغ تشاركنا بي ندفع فلوس الشحن
وتأخذ الارباح على الجاهز
فلوسك محفوضه بعقد متسجل بينا وبينك
يضمن حقك بااي وقت تريد تنسحب او تريد تطلع
تشتغل وحدك
يرجعلك فلوسك والارباح هم الك
عصام....شكد ادفع حتى ادخل شريك وياكم
ساره....شكد ما تدفع ااكثر تحصل ارباح ااكثر
ميثم...شلون نتأكد من هذا الكلام صحيح مو نصب
ساره...اولا مااقبل تكول نصب لان شركتنا معروفه من زمان
اني راح انطيك اسماء التجار الي نتعامل وياهم للعراق
وراح انطيك عنوان شركتنا بامريكا
وأهم شي راح يكون بينا عقد موثق تظمن بي حقوقكم
ساره...سحبت الابتوب من كدامه وكتبت اسم شركتنا بلخارج
الشركه الي يديرها زوجي
طبعا اني متفقه ويا زوجي مسبقا على هاي الخطه
اصلا هو الي اقترح عليه هاي الفكره
بعد ماسمع عصام اخذ حلال بان وطردها
كلشي احنا متفقين علي مسبقا ومحضرين نفسنا الاي احتمال
ساره.. هاي شركتنا بامريكا
من تدخل على الرابط او اميل الشركه راح تلكه اسماء التجار الي نتعامل وياهم بلعراق
وهذا الكرت على تليفوني راح انتظر منا الباجر هيج وكت
اذا مارديت عليه
اشوف شركه غيركم اتعامل وياها
شكرا لان انطيتني من وقتك
جمانه السعيدي
ساره...كمت من مكاني ومشيت بكل ثقه بدون مالتفت
طلعت صعدت بلسياره وكلت الوليد اطلع
السياره وكفت بعد تقريبا ١٥ متر عن الشركه
من مشت السياره
وليد....طلعو عصام وميثم يراقبونا من بعيد
شافهم بمراية السياره
ساره.. اعتبر الخطه نحجت مادام طلعو يشوفون
شكل السياره والسايق اذن اكو انبهار بلموضوع
اريد منك شي مهم
وليد....شنو
ساره.. توصلني للبيت وتطلع للمحكمه
اريد تجيبلي اسفل محامي بلمحكمه اريد محامي
بايع ومخلص يعبد الفلوس عباده
مستعد يسوي اي شي مقابل الفلوس
وليد...وهذا شلون اعرفه
ساره...اي عرضجي بلباب تنطي عشره
راح يعترف حتى على نفسه مو بس على المحامين
وليد.. تمام
بان...اني كاعده على نار منتظره ساره ترجع واشوفها
شسوت
دخلت ساره للبيت
ركضت عليها هااا ساره
ساره...على كيفج لا تخافين عصام مسوي نفسه
يفتهم وماكو منه
بس هو اغبى واحد بلدنيا
راح تشوفين شلون راح ارجعلج كلشي اخذه منج
الي اخلي من الصدمه يصير اعمى من صدك
رن تليفون ساره زوجها
ساره. .هلو حبي شلونك
زوجها...الحمد لله
ساره...هااا الخطه مشت
زوجها...اي عصام قبل شويه دخل على موقع الشركه
حتى يتأكد من المعلومات الي حجيتيهن
اني جنت مراقب حسابه التجاري
دخل وسئلني على الشركه وشلون تتعامل ويا التجار
واني جاوبته جواب خبلته
راح يتواصل وياج بأسرع وقت ممكن
ساره.. هيج كلشي ماشي تمام حسب الخطه واحسن
بان...هااا شكوو
ساره. لا تسئلين اللج الصافي
شويه رجع وليد ويا المحامي
دخلو للصاله وراحت ساره كعدت وياهم
ساره...السلام عليكم
المحامي.. عليكم السلام
ساره.. اني محتاجتك بشغله اذا تكدر تسويها
مثل مااكولك راح تأخذ اتعابك الي تطلبها واكثر
واذا ماتكدر كول من هسه حتى اشوف غيرك
المحامي.... اني بعون الله ماكو شي ماكدر علي
ساره...زين نشوف شغلك بعدين نقيم
المحامي...كولي شنو الشغل
ساره...اريد عقد عمل مزور بس تشتغله باحترافيه
بحيث محد يحس هذا العقد مزور
عقد عمل بين شركتنا وشركة الديار
اريد العقد نظيف بشكل محد يصدك هذا العقد مزور
اولا تكتب العقد وتحضر اخذه اخلي محامي ثاني يشوفه
اذا ماشك بي ولا بين هذا العقد مزور
تاخذ الي تطلبه
واريد تحضر وياي توقيع العقد بلشركه
المحامي...بس هاي بسيطه وما كو ابسط منها
بس اخذ مليونين على هيج عقد
ساره.. الك مليونيبن تستاهل شوفني شغلك
المحامي...بس اريد اسم شركتم وموقعها واسم الشركه الثانيه وباجر تلكين العقد جاهز
ساره..بس مثل ما اتفقنا العقد أعرضه على محامي
اذا ماشك بي تاخذ اتعابك
راح انطيك مليون من استلم العقد ومليون
من تحضر التوقيع بين الشركتين
المحامي...تمام التمام موافق ست ليش ما تشغليني وياج دائما ولله اني شاطر وما يصعب عليه اي شغل
شغليني وياج
ساره..اني اشتغل على النظيف وواحد مثلك يخوف
مااقبل يدخل شغلي ابد
بان...طلع المحامي وغيرة ملابسها ساره
وكعدنا نتغدا
ساره..انشاء الله كلشي يتم على خير
بان...للعصر اجو اخوانها الكبار ثنيبنهم هما ونسوانهم
وجهالهم
البيت صار هوسه
ياربي شكد حلوه العائله
الله يحفظهم ويبارك بيهم
الجهال مجمعين يباوعون على جهالي متعجبين ببهم
لان زغار
اتعشينا واخوان ساره كلمن رجع البيته
رجعنا نكعد بغرفتي وساره لزمت تليفونها
لكت عصام متصل عليها عشر مرات
ساره...عصام متصل عليه ماسمعت من صوت الجهال
بان يالله بلكت وافق
ساره...اكيد يوافق اني خليتله ارباح خياليه
مستحيل يرفض هيج عرض
راح احجي ويااا واشوف شنو رائيه
بان...تمام
انتظرونا.....