رواية أمانة الغائب الفصل الثالث عشر 13 بقلم جمانه السعيدي
@الجميع
امل.......عمي خله وقت شهرين الفيصل يفكر بهذا الزواج
منا لمن تكمل سنة يحيى
منا بدت نظرات فيصل اليه تتغير
مو قصدي شي موزين لو نظرات سخيفه
بس يريد يقتنع شلون اني ممكن اكون زوجته
كلما التفت الكا يباوع عليه
موقصدي ينظر اليه نظره موزينه
نظره وهو يحاول يتخيل شلون ممكن اني ويا نرتبط
شلون زوجة اخو تكون زوجته
صح احنا علاقتنا اني ويا ممتازه
هو ابد مايظم شي عليه واني هم ارتاح من اسولف علي
لان يتقبلني بكل حالاتي
ومستعد يكعد ويسمعني حتلو كنت احجي كلام تافه
عادي يسمعني ويشاركني هاي التفاهه
بس صعب نتخيل نفسا زوج وزجه بعد هاي العشره
والعمر الي عشنا سوه بهذا البيت
اجت سنة يحيى ورحنا كلنا نزوره
من شفت صورته على الكبر انهاريت عبالك اليوم مات
مو صار سنه ماشايفته
كمت اصرخ بحركه خالتي خطية اتخربطت من كد البجي بس شلفايده الغايب بعد مايرجع
من رجعت بقيت اسبوع كامل كلش متكئبه وحزينه
هواي افكر شنو مصيري اني وجهالي
عمي رجال جبير ومريض وخالتي صحتها مو مثل قبل
ولله قبل لا يموت يحيى جنها ورد شكد قويه
ولا عبالك عمرها بنهاية الاربعين
عبالك بنية عشرين شكد قويه ووجها احمر
مليانه حيويه
هيه سمعت بحيى استشهد وهيه تحولت إلى عجوز
وجها مجعد وشعرها ابيض ودائما مريضه
وتعبانه مرات تطبخ تنسى الجدر ويحترك لو تخلي القوري على النار نجي نلكا القوري ناشف ومحترك
تخلي الملابس بلغساله وتنساهن
اني اروح اطلعهن اتخيلو تطلع من غرفتها توصل للمطبخ تكول نسيت عليمن اجيت
خالتي وعمي تعبانين ياساعه ويفاركونه
وفيصل عنده بيته وزوجته ويجوز يصير عدهم اطفال
ااكيد راح تأخذه الحياة وينسانا
اني كلشي ماادبر ومااعرف شلون راح اعيش اني وجهالي
ابقى وحيده ولا حول لي ولا قوه
ااكيد رب العالمين مراح ينساني
بس الحياة صعبه مو مال اعيشها الوحدي
كل ليله لمن اخلي راسي على المخده
تجيني افكار أشكال واللوان ابقى اتكلب بلفراش
لمن اتعب حيل وانام
الايام تمشي سريعه ومتشابها ومااعرف باجر شنو ضام النا
جمانه السعيدي
بعد ١٥ يوم من رجعتنا من النجف
يوم جمعه وهبه راحت بيت اهلها
بقى فيصل عدنا شفته دخل على عمي وكعدو يسولفون بس هذا الطبيعي كل يوم
طلع فيصل
فيصل...امل بدلي للجهال نطلع
امل....صفنت بوجها صار شكد ما طالعين اني وجهالي
قبل لايموت يحيى وحنا ما طالعين
امل... وين نروح
فيصل....اكو مدينة اللعاب فاتحيها جديد ناخذ الجهال يلعبون
امل.....اي اذا هيج ميخالف الجهال ابد ما طالعين
دخلت الجهال غسلتلهم وبدلت ملابسهم
واني لبست ثوب اسود وحجاب ولبست عباتي
اجا فيصل مبدل ملابسه
ااجر تكسي ورحنا مو هواي تقريبا عشر دقايق بلسياره ووصلنا
اول حجزنا مكان وكعدنا بعدين فيصل اخذ الجهال
يلعبون زهراء ماتقبل تطلع من اللعبه
اذا طلعها فيصل تبقى تبجي
شكد لعبو وفيصل قريب عليهم يخاف يوكعون
بعدين أخذهم اشترالهم حلويات وعصاير وجابهم
فيصل...اكعدو اكلو وارتاحو شويه وبعدين نرجع نلعب
مره ثانيه
جابلي ويا عصير وشاميه
الجهال نزلو بلحديقه يلعبون وياكلون واحنا نباوع عليهم
فيصل...اكو موضوع مهم اريد احجي وياج بي
امل...خير انشاء الله محتاج فلوس الله عليك
اذا محتاج فلوس لا تستحي كول اني عندي سلفه استلمتها اخذها مشي امورك بيها اني اعرف راتبك قليل
فيصل.....لا مامحتاج فلوس محتاج تسمعيني وتفهميني
زين لان الموضوع صعب ومااعرف شلون ابدي
امل....الله يستر خوفتني شكووو
فيصل......استغفر الله شلون راح افتح هيج موضوع مااعرف
امل....خفت من شفته متوتر ويفرك بايده
فيصل.....ابوي طلع بسالفه جديده
ولله ابوي صاحب هذا المقترح مو اني اصلا اني خجلان
شلون افتح هبج موضوع وياج
امل....الله عليك احجي كلبي راح يوكف مبين الموضوع مهم
فيصل.....ابوي يكول امل بعدها زغيره وجهالها زغار
واخاف عليها من هذا الزمن
يكول اني رجال جبير واخاف اموت واني ما مطمن وعليها
امل...اي وبعدين
فيصل....ابوي اقترح نزوج اني وياج
حتى اهتم اني بلجهال واحافظ عليهم ووو ووو وووعليج
امل....احس نفسي مثل سياره جانت تمشي بسرعه وفجئه ضربت بريك صوت البريك سمع بلشارع كله
هذا الخبر خلاني مثل هاي السياره
ضربت بريك وبقيت واكفه اباوع بوجه فيصل
ااكثر من خمس دقايق واني ساكته ماعندي اي رد
الخبر نزل عليه مثل الصاعقه اني وفيصل شلون
حس فيصل بيه واني كل علامات التعجب والاستفهام بوجهي من قوة الخبر
فيصل.....اذا انتي ما موافقه عادي ماكو مشكله
اني ابقى اهتم بيكم انتي والجهال بدون زواج
ولله هذا المقترح من ابوي اني مالي دخل
جمانه السعيدي
امل.....ممكن نرجع للبيت
فيصل...اي يله عمو نرجع للبيت
زهراء كامت تبجي شلون نرجع للبيت
شالها فيصل بحضنه ...باجر نرجع باجر اجيبج
علي...ماما خل نبقى بعد ولله ماشبعت لعب
امل...لا نرجع للبيت
طلع فيصل قبلي شايل زهراء بحضنه وهيه تبجي
واني لزمت علي من ايده وامشي ورا
طلعنا من البوابه ااجرنا تكسي ورجعنا للبيت
دخلت بدون مااحجي ولا كلمه كبل الغرفتي
وطبكت الباب باوعت على صورة يحيى وكمت ابجي
صعب صعب عليه اتقبل فيصل يصير زوجي
اجت خالتي يمه امل جهالج جوعانين تعالي عشيهم
امل...خاله انتي عشيهم اني ماكدر
خالتي...شبيج يمه تعبانه
امل....اي تعبانه
تعشو الجهال وخالتي غسلتلهم واجو يمي بلغرفه
خالتي...عشاج بقا على الطباخ واذا مريضه اخلي فيصل ياخذج للمستشفى
امل...لا مابيه شي
بقيت اليل كله كاعده وافكر ليش الدنيا تخليني بمواقف واحد أصعب من الثاني
وبكل موقف ماعندي حرية الاختيار
الناس تقرر بمكاني ويختارون حياتي بكيفهم
اجيت للدنيا ابوي مريض طبعا مالي حق اختار اب
قوي ويشتغل ويفرحنا كلشي
حياة فكر وضيم وجوع وننتظر الناس تتصدق علينا
هاي الوضعيه اني مااختاريتها
مات ابوي وعمي وخالي هما الي حددو مصيري
عمي قرر ازوج يحيى بدون ما يسئلني تقبلين لا جان يكدر
يصرف عليه واني كاعده ويا امي
ازوجت يحيى الي مايريدني ولا يحبني ويحس نفسه احسن مني
كلت ميخالف هاي الحياة احسن من حياتي بيت خالي
واليوم يرجع عمي يقرر عني ازوج فيصل
واكون زوجه ثانيه بس حتى يحافظ على احفاده
ليش ما سئلني وأخذ رائي
قبل لا يقرر هيج قرار منو كال اني اقبل بفيصل
عمي ليش يغكر بمكاني وليش يقرر
امل.......اول ماطلع الصبح بقيت انتظر عمي يكعد
بس كعد طلعت علي
امل...عمي اني اريد اروح اشوف امي اشتاقيتلها
عمي...اي صار هسه بس نتريك اخذج واروح
امل...خاله خلي الجهال هنا
اخاف عليهم يتمرضون
خالتي...اي عوفيهم ميخالف
جهزت خالتي الريوك
خالتي...يمه ليش ما تعشيتي
امل...مااريد مالشتهي
خالتي...تعالي اتريكي
امل...اتريك ويا امي
كمل عمي ريوك واخذني وطلع
وصلنا البيت خالي الساعه ١١ الصبح
دخلت عليهم من شافوني كلهم تفاجئو لان من ازوجت لليوم ماداخله بيتهم
امي...يمه امل هله بيج
امل....شلونج يمه
امي...هله بعد حيلي
دخلنا اني وامي بغرفتها
وعمي كعد ويا خالي بغرفة الخطار
بيت خالي عباره عن غرف بلوك وماكو عليهم بناء
الشمس والمطر عليهن
والحوش مليان دجاج وبط وبش بحيث الكاع تزحلك
من فضلات الدجاج
جمانه السعيدي
حمودي عنده اربع جهال ماشا الله زوجته تحبل على الاربعين بيتهم هوسه
امل...تعالي يمه اريد احجي وياج
دخلنا بغرفة امي ازغر غرفه بلبيت غرفة امي
امي...اجيبلج ريوك ونكعد نسولف
امل...كلشي مااربد بس تعالي اريد احجي وياج
امي...خير خوفتيني شكووو
امل....يمه اني ضايجه ومقهوره حيل
امي...ليش بيت عمج موزينين وياج
امل...لا عمي خطبني الفيصل
امي....ولله هذا عمج معدل وماكو منه شكد شريف
ويخاف عليج
امل.....يمه إلى متى ابقى عمي يقرر عني
اول زواج وهسه تعالي ازوجي فيصل
امي....وشبي فيصل خوش ولد وابن عمج
امل....يمه فيصل مزوج ويحب زوجته ليش اربط نفسي بي
امي.....اولا مره ما تاكل مره كل وحده بيتها
عمج تفكيره صح انتي زغيره وعندج اطفال ثنيين
شلون راح تكملين حياتج لازم اكو رجال يساعدج
يايمه العيشه صعبه والدنيا ماترحم
امل....تعرفين شنو فيصل مزوج واني راح اصير الثانيه
وهو اصلا ما مقتنع يكول ابوي فرض عليه
امي.....بس فكري اذا ما قبلتي شلون صح انتي عندج راتب يحيى بس عمج وخالتج مادايمين
وفيصل عمهم راح يكون حريص عليهم
وهم تخلين حملج على عمهم هو الي يهتم بيهم
اني اكول وافقي
هاي خوش فرصه ورب العالمين يحبج
خله بيت عمج يفكرون بيج وبجهالج وافقي يمه
احنا ماعدنا سند ولا عدنا فلوس
وين ترحين انتي وجهالج وافقي وارضي وعيشي
وخلي جهالج يعيشون بيت اهلهم
امل.....اني اكدر ارفض اصلا نص هذا البيت اليه اني وجهالي وعندي راتب يحيى ونعيش منه
امي...انتي كلتي نص البيت يعني فيصل يكدر يطالب بحصته خوما يبقى معلك طول عمره فوك
هم يريد بيت يسكن بي ويستقر
زوجته غريبه ومراح تقبل تعيش عمرها كله معلكه فوك
بس يموت عمج يعرضون البيت للبيع
وساعتها حصتج ما جيبلج بيت
بعدين انتي لا طالعه ولا تعرفين شلون تعيشين وحدج
ولا تعرفين اطبين سوك ولا مستشفى
من يوم ازوجتي لليوم وبيت عمج ما مخلينج محتاجه شي
ارضي وخلي جهالج يعيشون ويا اهلهم
وعمهم يتحمل مسؤليتهم
لاتكابرين يمه بلاخير انتي وحيده لاعندج اب ولا اخ
تستندين علي
وافقي يمه الخاطري اني اريد اطمن عليج
ساعتين وعمي صاح يله بويه امل نروح
امل.....اي عمي نروح ودعت امي ورجعت ويا عمي
بس وصلت جهالي حضنوني ثنيينهم
ثاني يوم الصبح خالتي وعمي صاحو عليه
عرفتهم يردون يحجون وياي بهذا الموضوع
عمي...بويه امل انت تعرفين شكد عزيزه عندي
امل...اي اعرف
خالتي....واني حاسبتج بتي الي ما جبتها
امل...تسلمين خاله الله يخليج
عمي....بويه اني اريدج الفيصل
ماكو غير فيصل يدير باله على الجهال ويحافظ عليهم
انتي بعدج زغيره واني اخاف عليج
امل...بس فيصل مزوج ويحب زوجته
عمي....الشرع حلل اربعه كل وحده بيتها
انت بتنا وتعرفين وضعنا زين اني اتمنى توافقين
حتى أموت واني مطمن على جهال يحيى
واكون حفظت أمانة الغايب
انتظرونا......