رواية بين النفوذ والقلب الفصل الرابع والثلاثون 34 بقلم نسرين نادر


رواية بين النفوذ والقلب الفصل الرابع والثلاثون 34 بقلم نسرين نادر


صلي على النبي  ♥

داخل أحد مراكز الشرطة بالقاهرة...


كانت أضواء غرفة الزيارة السرية خافتة، والهدوء فيها يبعث على الرهبة.


انفتح الباب الحديدي، ودخل آسر بخطوات بثبات الأُسود، مرتديًا بدلته الأنيقة، بكامل شموخه وهيبته التي لم تتأثر بقيد أو حرب!


على الجانب الآخر من الطاولة... كانت "آيتن" تجلس بملابس السجن البيضاء، شعرها ثائر، وعيناها محاطتان بالسواد والانهيار، وبجوارها يجلس والدها "عادل الراوي" مكسورًا والذهول يسيطر على ملامحه كأنه كبر عشر سنوات في ليلة واحدة!


أول ما آيتن شافت آسر يدخل بثباته، وقفت فجأة وصرخت بنبرة جنونية ومليانة غل:


"آسر!! أنت فاكر إنك كسبت؟! والله ما هسيبك! المحامين هيطلعونا، والسجن ده مش هنسكت عليه، وأنا همرمغ اسمك واسم 'هنا' بتاعتك دي في التراب!"


آسر لم تهتز منه شعرة واحدة، مشى ببرود هادئ وجلس على الكرسي المقابل لهما، ووضع قدماً فوق الأخرى ونظر إليها بنظرة استحقار وسخرية قاتلة.


نطق آسر بصوت رخامي هادئ كأنه يتحدث عن حالة الطقس:


"خلصتي كلامك يا آيتن؟... أصل أنا مش جاي أسمع صريخك، ولا جاي أشمِت فيكم... أنا جاي أرميلكم كارت النهاية بنفسي عشان تفهموا حجمكم الطبيعي."


سحب آسر من جيبه ملفاً أسود ورماه بمهانة على الطاولة أمام عادل الراوي!


عادل فتح الملف بآيادٍ ترتعش شديداً، وآيتن قاطعت صراخها وبصت للورق بلهفة...


آسر أردف بنبرة حادة كالسيف:


"ده قرار النيابة العامة بـ **التحفظ على جميع أموالكم وأملاككم السائلة والمنقولة**... وبكرة الصبح كل أسهمكم في الشركات هتنزل في المزاد العلن وتتصفى لحساب التعويضات والقضايا اللي اتفتحت عليكم! يعني باختصار... خرجتوا من اللعبة بلابسكم اللي عليكم دي بس!" 📖✍️ بقلمي نسرين نادر


عادل الراوي اتسعت عينيه بصدمة شلت لسانه، والورق وقع من إيده على الأرض!


أما آيتن فصرخت بانهيار ورعب:


"أنت بتكذب!! أملاكنا لا يا آسر!! دي فلوسنا وشغل عمرنا!"


آسر وقف بثبات، وعدّل ياقت بدلته، ونظر إليها بنظرة استلاء قاطعة:


"أنا حذرتك زمان يا آيتن... قلت لك اللعبة معايا موتك، وأنتِ افتكرتِ نفسك أذكى من الأسد. كنتِ فاكرة نفسك بتلعبي معايا؟ أنتِ وحسابك اتصفيتوا خلاص، وكل قرش حاولتِ تسرقيه بالخسة والابتزاز رجع لمكانه."


لف آسر ظهره وبدأ يتحرك نحو الباب، فصرخت آيتن بدموع وجنون وهي تضرب على الطاولة:


"آاااسر!! استنى هنا يا آسر!! ارجوك يا آسر!!"


لكن آسر لم يلتفت إليها مطلقاً، خرج وإغلاق الباب الحديدي خلفه بصوت مدوٍّ، تاركاً إياهما يخترقان الجدران بصراخهما وانهيارهما خلف القضبان!


خرج آسر إلى عربته، واستنشق الهواء بنفس عميق وكأن جبالاً زيلت عن صدره، ثم نظر إلى سائقه ونطق بثقة:


"على الساحل فوراً..."


في الفيلا بالساحل...


كان الوقت قد قارب على خيوط الفجر الأولى، والهدوء يخيم على المكان إلا من صوت أمواج البحر المتلاطمة.


في بهو الفيلا الرئيسي... كانت "هنا" تجلس على الأريكة، ترتدي فستاناً بسيطاً، وعيناها معلقتان بباب الفيلا الرئيسي. رفضت كل محاولات العائلة لدخول غرفتها والنوم، وكانت تدعو وتترقب بنظرات يملؤها الشوق والخوف.


وفجأة... أضاءت أنوار سيارة آسر خارج البوابة، وسُمع صوت المحرك وهو يتوقف!


وقفت هنا قفزة واحدة، ودقات قلبها تسارعت كأنها طبول حرب!


انفتح باب الفيلا الضخم... ودخل آسر!


كان الإرهاق والتعب باينين على ملامحه من سفر يومين ومعارك لا تتوقف، لكن أول ما عينيه وقعت على "هنا" واقفة مستنياه... اتغيرت ملامحه تماماً، واختفى الإرهاق وحلت محله ابتسامة دافئة وشغف هز كيانه!


هنا لم تتحمل لثانية واحدة، جرت باتجاهه بخطوات سريعة ودموع الارتياح تسبقها:


"آاااسر!!"


آسر فتح دراعاته على وسعهم، وأول ما وصلت له... شدها لحضنه بقوة وعنف حنون، رفعه من على الأرض وضمها لصدراً كأنه يخبئها داخل أضلعه من العالم أجمع! 📖✍️ بقلمي نسرين نادر


دفنت هنا وجهها في عنقه، وانهمرت دموعها بغزارة وهي تمسك بملابسه بتشبث:


"الحمد لله... الحمد لله إنك رجعت لي بالسلامة يا آسر! كنت خايفة عليك أوي... كنت بصلي وبدعي ربنا يحميك منهم!"


آسر كان يضع يديه على حجابها وينزل يقبّل رأسها وجبينها بقبلات متتالية ومتلهفة، وهامس بصوته الرخامي الدافيء الذي يحمل كل الحب الأرضي:


"اهدي يا قلب آسر... اهدي يا حبيبتي، أنا جنبك وخلاص الكابوس ده اتقفل للأبد ومحدش في الدنيا دي كلها يقدر يلمس منك شعرة طول ما أنا عايش وتنفس."


وفجأة... نزلوا "جيجي" و"نسمة" جري على السلالم أول ما سمعوا الأصوات، وجيجي بصت لهم بابتسامة واسعة وضحكة مبهجة وهتفت بمرح:


"إيه يا جماعة؟! ما تفرحونا معاكم ولا إحنا اللي فوق مالناش في الطيب نصيب?!"


جرت جيجي على آسر بلهفة واشتياق أخوي، وقالت بصوت مليان فرحة:


"ألف حمد الله على السلامة يا حبيبي! ألف حمد الله على السلامة يا آسر!"


وارتمت في حضنه بحرارة، فضمها آسر بابتسامة دافية وربت على ضهرها بحنو أخوي.


وقربت نسمة هي كمان، وابتسمت برقة واحترام وقالت:


"حمد الله على السلامة يا مستر آسر... نورت مكانك والحمد لله إن الأزمة عدت على خير."


آسر ابتسم لها بتقدير، ولف بعينيه يبص لـ "أحمد" اللي كان واقف جنب "عمر" وبيبتسم لهم بفرحة وسعادة.


خطى آسر خطوات ناحية أحمد ونسمة، وحط إيده على كتف أحمد وبص لـ نسمة ونطق بنبرة مليانة جدعنة وامتنان صادق:


"أنتم تعبتوا معايا أوي الفترة اللي فاتت دي... وكنتم ناس وفية وأجدع أخوات ممكن أي حد يتمناهم في ظهره. وأنا عارف كويس إنكم كنتم مأجلين فرحكم بقى لكم فترة طويلة بسببي وبسبب الظروف والقرف اللي كنا فيه... بس من هنا ورايح مش عايزكم تشيلوا أي هم خالص! اعتبروني أخوكم الكبير، وتجهيزات فرحكم كلها من الألف للياء عليا أنا!"


أحمد اتسعت عينيه بامتنان وقرب حضن آسر بقوة، ونسمة ابتسمت بكسوف ودموع فرحة في عينيها.


ثم التفت آسر لـ صديقه الصدوق "عمر"... نظرة طويلة بينهما اختصرت سنين من الجدعنة والمواقف الصعبة!


ربت آسر على كتف عمر بقوة، ونطق بصوت مليان تأثر وفخر:


"أما أنت يا عمر... فمهما قلت مش هعوفيك حقك! أنت مش بس صاحبي، أنت أخويا وسندي اللي ما اتخلاش عني لحظة واحدة، وجدعنتك معايا دي ما تتنسيش طول العمر... وأحلى هدية في الدنيا هرد لك بيها جدعنتك دي، هي إني مش هلاقي راجل أمنه على أختي جيجي غيرك أنت! وبعد موافقة عمي شريف طبعاً، مش هنلاقي عريس لأختي أحسن ولا أجدع منك يا صاحبي."


عمر ابتسم بذهول وفرحة هزت قلبه، وبص لـ جيجي اللي وشها أحمر من الخجل والفرحة، وعمر حضن آسر بقوة وقال:


"ده وسام على صدري يا آسر... ربنا يديمك في حياتنا أخ وسند." 📖✍️ بقلمي نسرين نادر


ثم التفت آسر بملامح يملؤها الاحترام والتقدير لـ عم "عبد العظيم" ومراته "أمينة"، وكمان لـ "زياد" اللي كان واقف معهم...


نطق آسر بنبرة صادقة يخرج منها الامتنان:


"عمي عبد العظيم... طنط أمينة... زياد... أنا بجد مش عارف أشكركم إزاي! أنتم كنتم نِعم النسب ونِعم العيلة الأصيلة، شكراً إنكم وثقتم فيا وما اتخليتوش عني رغم كل الشائعات والوساخة اللي نزلت في الإعلام! كان ممكن جداً تخافوا وتراجعوا وما توافقوش تئتمنوني على 'هنا'... بس أنتم اعتَبرتوني زي ابنكم ووقفتم في ظهري، وده دين في رقبتي لحد ما أموت."


عم عبد العظيم اقترب وربت على ظهر آسر بنخوة ورجولة:


"أنت ابننا يا آسر، وإحنا عارفين رجولتك وأصلك من الأول ومفيش كلام يغير ثقتنا فيك."


وفي النهاية... اتجه آسر بنظراته نحو والده "شريف" ووالدته...


ابتسم آسر بنبرة دافئة مليانة حب وفخر:


"أما بابا وماما... فشكراً ليكم إنكم طلعتوا سند حقيقي ليا، شكراً يا بابا إنك كنت معايا خطوة بخطوة وجنبي في كل ثانية، علمتني أكون راجل وأقف على رجلي وما أخافش من حد!"


والده شريف ابتسم بفخر وشده لحضنه ودموع الفرحة في عينيه:


"أنت رفعت رأسي يا آسر، والحمد لله إن الحق ظهر."


مسك آسر إيد "هنا" تاني، وضم صوابعها بين صوابعه بقوة وهو بينظر للجميع بابتسامة حاسمة تلمع بالفرحة:


"من الأسبوع الجاي... هنبدأ تجهيزات الفرح رسميًا! هنعمل أحلى وأكبر فرح هنا على البحر في الساحل، ونفرح كلنا باللمة الحلوة دي!"


لو الرواية عجبتك، متنساش تتابع الصفحة عشان يوصلك كل فصل جديد، وكمان تعرف أول بأول أي رواية جديدة هنزلها على صفحتي. 📖✍️ بقلمي نسرين نادر


بعد ساعات قليلة... حين دخلت العيلة غرفها لاستراحة قصيرة من عناء المجهود والتوتر.


كان الليل هادئاً تماماً والقمر يضيء عرض البحر...


نزلت "هنا" إلى حديقة الفيلا المقابلة للشاطئ تتنفس الهواء النقي، وفجأة... شعرت بظل يقترب منها، وإيد دافية بتتسحب وتمسك إيدها برفق!


لفّت هنا لقت "آسر" وارتسمت ابتسامة شقية وساحرة على شفتيه، وهو يهمس لها بصوت خافت:


"اششش... تعالي معايا من غير ما حد يحس."


هنا ابتسمت بشرود وتساءلت بكسوف: "على فين يا آسر في الوقت ده?!"


آسر غمز لها وسحبها من إيدها بهدوء، وخرجوا لبرة حديقة الفيلا باتجاه الشاطئ، حيث كان اليخت الخاص بـ آسر يقف في الماء، مضاءً بأنوار خافتة ودافئة كأنه لوحة فنية تحت السماء المظلمة!


صعدا معاً على ظهر اليخت، وانطلق بهم آسر قليلاً في عرض البحر الهادئ بعيداً عن أضواء الشاطئ... 📖✍️ بقلمي نسرين نادر


وقفا معاً عند مقدمة اليخت، ونسمات البحر العليلة تتلاعب بفستان هنا البسيط...


آسر وقف خلفها ولف ذراعيه حول خصرها بحنو، ووضع ذقنه على كتفها ينظر معها للماء والنجوم...


هنا همست بنبرة مليانة راحة:


"المكان هنا سحر يا آسر... بحس إني طايرة."


آسر قرب من أذنها ونطق بصوته الرخامي الهادئ اللي يدوّب القلوب:


"أنا مش عايزك تطيري... أنا عايزك تستقري هنا في قلبي يا هنا. أنا ما أخذتكيش البحر النهاردة عشان أقول لك إني بحبك، لأن بحبك دي كلمة قليلة أوي على اللي حاسه... أنا أخذتك هنا عشان أديكي **عهد رجال**."


هنا لفت وجهها له وعيناها تلمعان بتأثر، فرفع آسر يدها وقبل كفها بنعومة وأردف:


"أنتِ جيتي في حياتي في وقت كنت فاكر إن الدنيا كلها غدر وقسوة... طلعتِ أنتِ العوض والسكن والأمان اللي ربنا بعتهولي. العهد اللي بيني وبينك النهاردة إن طول ما فيا نفس، محدش في الدنيا دي هيقدر يمس قلبك بوجع، ولا عيونك دي هتنزل دمعة حزن واحدة طول ما أنا عايش."


هنا انهمرت دموع الفرحة من عينيها، ووضعت كفها الصغير على وجنته ونطقت بنبرة مليانة عشق:


"وأنا أماني ورزقي في الدنيا هو وجودك يا آسر... ربنا يديمك ليا وما يحرمونيش منك أبداً."


سحبها آسر لـ حضن دافئ وعميق تحت أنوار النجوم، وقضيا أوقاتاً ساحرة نسيا فيها كل مرارة الأيام الماضية...


في صباح اليوم التالي...


تحول الساحل والفيلا لـ خلية نحل مشتعلة بالحماس والتجهيزات!


الحديقة الشاسعة أمام البحر بدأت تتزين بالأنوار والديكورات البيضاء الفاخرة، وأصوات الأغاني والضحكات تملأ المكان.


البنات (هنا، جيجي، ونسمة) كانوا قاعدين في الصالون ومعاهم مصممة الأزياء والكتالوجات لاختيار فساتين الفرح...


وفجأة... دخل آسر ببدلته الأنيقة وهيبته الشديدة، ومعه عمر وأحمد!


آسر بص لـ "هنا" ونطق بابتسامة شقية وصرامة محببة:


"ها... اخترتِ الفستان اللي نفسك فيه يا أميرتي؟"


هنا ابتسمت بكسوف وقالت: "أيوه يا آسر... فيه فستان عجبني أوي هنا ورقيق جداً."


آسر قرب منها، ومسك الكتالوج وبص على الفستان ونطق بنبرة رجولية حاسمة فيها شغف:


"جميل... ذوقك مفيش بعده. بس عندي شرط واحد ومفيش فيه كلام!"


هنا رفعت حاجبيها باستغراب وابتسامة: "شرط إيه ده؟"


آسر مال عليها وهمس لها بصوت خافت عشان البنات ما يسمعوش، ونطق بابتسامة تذوب الصخر:


"الفستان أنتِ تختاريه... بس أنا اللي هستلمه بنفسي، وما حدش في الدنيا دي كلها هيشوفك بيه قبلي... أنا أول واحد هيشوفك بيه يوم الفرح! أنتِ ملكي أنا بس يا هنا... والجمال ده كله بتاعي أنا لوحدي!" 📖✍️ بقلمي نسرين نادر


هنا وشها أحمرّ جداً وضحكت بخجل وأنزلت رأسها، بينما جيجي صرخت بضحك:


"إيه يا عريس ما تتفقوش في السر وتجرحوا مشاعر السناجل اللي واقفين!"


انفجر الجميع في الضحك، وآسر ينظر لـ "هنا" بعيون تفيض بالعشق والشغف، منتظراً ليلة الزفاف التي ستجمعهما للأبد...


انتظروني بكرا ف الخاتمه ي سكاكر و اتمني تكون روايتي عجبتكم و حبتوها دي كانت أول رواياتي وان شاءلله تنتظروني ف روايه تانيه اقوي بحبكم متنسوس صفحتي#الكاتبة_نسرين_نادر♥♥


يا ترى ليلة الفرح في الساحل هتعدي بكل الجمال ده ولا فيه مفاجأة غير متوقعة جهزها آسر لـ "هنا" في الفرح؟.


           الفصل الخامس والثلاثون من هنا 

           لقراءة جميع فصول الرواية من هنا

تعليقات
×

للمزيد من الروايات زوروا قناتنا على تليجرام من هنا

زيارة القناة